رودي للاستشارات الهندسية

[الكيكة]

بنت ناس ... انشالله كلهم يتزوجون و يطلعون و اتوسعين ابيتج

كل محلات المطابخ الجاهزه يسوون المدخنه اللي قالت عنها ام وهابي .. و بعد كل فنييين الالمنيوم اللي بالجرايد يفصلونها لج .. انا توني مسويه لمطبخي الرئيسي وحده و الحين بدور لج صورتها علشان تشوفينها

 

[الكيكة]

هذا مطبخي ( شوفي الشفاطه

و هذي صوره لقيتها فيها بعد شفاطه

 

[فيروزه]

يعطيج العافيه


خوش موضوع

 

[جيجان77]

الكيكه
ادري ازعجتك بس شسوي من اللي فيني كل مااقول تعدلت يطلع شي:0bee2e8d89:
اغلب الستاير لله الحمد طلعت زينه ومثل ماابي الا ستارة بنتي المسكينه من شافتها بس تصيح
المشكله اهتميت في ستاير البيت واخر شي كنت مستعجله واخترت لها قماش وانا طايرة
ومااانتبهت انه شين الا والستارة معلقه
الغرفه بنك بيبي والاثاث بعد نفس اللون وكني توني اشوف لون الستارة جاي ثلاث الوان اصفر برتقالي وردي
لا والموديل مو هالشي اهيا اللي اصرت عليه
http://up.9ll9.com/view.php?file=14db9cfc83هذا الموديل مو القماش
ادري بتقولين خاايس وشين
واذا تبين ارسل لك صور ستاير باقي البيت تهبل ماشاء الله حتى تتاكدين من ذوقي بس عجبها الموديل وقلت يالله بافتك من هم الستاير
لا وكلفتني والله مثلها مثل الباقي
الحين شالحل
وراعي المحل يقول اختيارك يامدام؟؟؟
تنصحين اجيب شيفون واحطه فوقها
والا اشيا الكشكش البايخ واحط قيطان عالحواف
والا ؟؟؟؟؟؟

 

[الكيكة]

هلا جيجان ..
انا شفت الموديل .. حلو مافيه شي .. بس يبيله قماش ساده ... لان الموديل وايد فيه حركات و كشاكش ..
دايما اذا اخترتي موديل من صوره اختاري بعد نفس القماش اللي بالصوره بس غيري بالالوان

انا ما شفت ستارة بنتج لو حاطه صورتها .. يمكن حلوه ... بس دام انها مو عاجبتكم عندي حل سهل .. دقي على راعي الستاير خليه يشيل الكشكش اللي حواليها و مايركب شي ثاني لا قيطان ولا هدب ولا شي .. راح تصير انعم و احلى. اذا قال انها بتصير قصيره قوليله يركب لها قطعه من فوق ماراح تبين تحت التاج ...علشان يطولها .

 

[كل الحب]

كيكة حبيبتى مشكورة على الرد بس مو جنهم يتخدشون بسرعة لانهم مثل الربل يطلع الخدش لونة أسود ومشكورة مرة ثانية

 

[الكيكة]

هلا كل الحب .. صح مرات اذا اليهال شفطوا عليه بجواتيهم عزج الله .. تطلع خطوط سود بس تروح اذا غسلتيها بسفنجه و صابون.

انا كنت مركبته بشقتي عند حمولتي 14 سنه ما تغير

 

[البرونزية]

عندى غرفة النوم الرئيسية 7 * 4 شكلها مستطيلة وفيها شباكين شباك علي حائط 4 متر والشباك الثاني على حائط 7 متر ياريت يا اخت رودي تساعدينى بطريقة توزيع الاثاث فيها وياريت لو فى صور للغرف المستطيلة .

 

[البرونزية]

حبيبتي ونسيت اقولج بعد عندى ممر فيه غرف النوم تقريبا طولة 10 امتار وعرضة 1.3 ابى ديكور للطوفة مثل شنو لون الحائط واشلون توزيع الاضائة في الحوائط (ودي احط ثريات معلقة على جوانب الحائط) واحط لوحات ولا لاء وشلون طريقة توزيعهم وياريت تحطين صور ديكورات للممرات ومشكورة .

 

[اخت فروحه]

مرحبا يا الغالية :"
انا ابني قسيمتي والفال للخوات الأسود خلص والحين توزيع بلاكات الكهرباء والمساح ومحتاره بصراحة لازم يكون التصميم في بالي عشان اوزع بلاكات الكهرباء من الحين يعني وين بحط الابجورات الثريات المعلقة على الطوفة الانارة اللي بالطوفة احس ان المفروض من الحين اكون مصممة ديكوري والاثاث صح ولا لأ فيدوني عفية وبأسرع وقت وإذا تعرفون مصمم ديكور يجي البيت واها اسود مادري فيدوني بلييييييييييييز

 

[rudy]

مرحبا يا الغالية :"
انا ابني قسيمتي والفال للخوات الأسود خلص والحين توزيع بلاكات الكهرباء والمساح ومحتاره بصراحة لازم يكون التصميم في بالي عشان اوزع بلاكات الكهرباء من الحين يعني وين بحط الابجورات الثريات المعلقة على الطوفة الانارة اللي بالطوفة احس ان المفروض من الحين اكون مصممة ديكوري والاثاث صح ولا لأ فيدوني عفية وبأسرع وقت وإذا تعرفون مصمم ديكور يجي البيت واها اسود مادري فيدوني بلييييييييييييز

مرحبا فروحة الله يعينك يبيلك تركيز على كل شي
بالنسبة للبلاكات حاولي تكثرينهم وتحطين في كل طوفة بلاك او 2 وبنالسبة لواير الستلايت او اريل التلفزيزن لازم تحطين بالغرفة 2 كل واحد في جهة ترا مهم يمكن انك تحبين تغيرين مكان التلفزيون
ولازم أتخيلين توزيع الأثاث وخاصة غرفة النوم الرئيسة بالنسبة للكمدينات وين بتحطينهم حددي من الحين عشان البلاك يكون وراهم مباشرة ولاتنسين الابليكات وخاصه اذا بتحطين لوحة وودك تركبين فوقها اضائة خلي فتحت الكهرباء شوي نازلة يعني تصير قريبة من اللوحة.​

 

[الكيكة]

البرونزية .. ممكن ترسمين لنا مخطط تقريبي فيه مكان الباب و الشبابيك علشان نوزع لج الاثاث

الممر ماشالله طويل حاولي تشغلينه كله ...ركبيله ورق جدران و حطي فيه كونسول بالوسط و حطي يمين و يسار الكونسول سجادتين تباستري نفس بعض .

اخت فروحه خلي البلاكات بكل زوايا الصالة علشان ما تتقيدين باماكن الابجورات ...و نزليهم تحت علشان الاثاث يغطيهم

 

[ام كتكوت]

السلام عليكم


انا لون ستارتي نفس هاللون ..

وصبغت طوفتين عنابي والباقي بيج

احس انه مولايق


ممكن ابي اللون المناسب للستاره

علما ان قنفاتي بيج او سكري جذي


وشكرااااااااااااا

 

[اخت فروحه]

مرحبا اختي :
مشكورة على استشارة البلاكات انا خلصت منهم بغيت آخذ رايكم في نوع ابواب الحمامات تكرمون شنو تفضلون يكون الباب المنيوم ام خشب من النوعية الزينة المقاومة للماي ؟ فيدوني عفية

 

[الكيكة]

أم كتكوت .. قماش أثاثج شنو؟ سادة ولا شنو؟ ....ممكن تفصلين ستارة نفس لون الاثاث و ممكن تفصلين ستارة عنابي و لا تنسين ادخلين شوية ذهبي


اخت فروحه طبعا ابواب الحمامات خشب اكشخ
الالمنيوم يصير بيتج جنه مخيم او شاليه و احنا عادة نركب ابواب المنيوم بملحق الخدم

 

[اخت فروحه]

مشكورة عالرد كيكة

 

[اخت فروحه]

انزين الابواب اي تفضلون : الابواب السادة اللي يكون فيها برواز ناعم (افضلها لانها ارقى) ولا الابواب اللي نقشتها وايد وفيها زجاج ملون وجام ؟

 

[الكيكة]

اخت فروحه

الناعم ارقى

الناعم بكل شي مو بس الابواب ارقى

 

[nono78]

اشلونكم بنات شخباركم من زمان مو داشه الموضوع


بالنسبه حق البيبان او اي شي ثاني

افضل الناعم الي مافي وايد شغل زخارف لأن حق التنظيف احسن

انا متأذيه من تنظيف تسريحتي لأن لأدراج الي فيها وايد فيها شغل حفر كثر ماأنظفها احسها مغبره

خذيت درس

 

[بسبوووسه]

هااا يرووديي بليييز ابيي مسااعده غرفتي لونها رمادي في اسود شنو اقدر احط الوان الستاير مع الاثاااث حديي تعبت من التفكير