رودي للاستشارات الهندسية

[دلوول 2006]

العزيزة رودي
أرجو المساعدة
فلدي مشكلة في صالة البيت الرئيسية وهي
وجود أربع أعمدة كبيرة داخل الصالة مما سبب تشويها كبيرا لها
أتمنى مساعدتي بأفكار تقلل من أهمية وجود هذه الأعمدة
أو تعطيها منظرا إيجابيا بدلا من منظرها السلبي

 

[دلوول 2006]

العزيزة رودي
أرجو المساعدة
فلدي مشكلة في صالة البيت الرئيسية وهي
وجود أربع أعمدة كبيرة داخل الصالة مما سبب تشويها كبيرا لها
أتمنى مساعدتي بأفكار تقلل من أهمية وجود هذه الأعمدة
أو تعطيها منظرا إيجابيا بدلا من منظرها السلبي

 

[rudy]

مرحبا دلوول

الله يعينك على الأعمدة

بس لكل مشكلة حل تقدرين توزعين الأثاث بين الأعمدة او تزينين الأعمدة بلوحات او ارفف انا مرة شفت في صور الديكورات حاطين مكتبة دائرية دار مدار العامود وصاير شكلها عجيب بس كل الي قلته يعتمد على موقع العمدة
ياريت توضحين اكثر

 

[الكيكة]

دلول .. الاعمدة ممكن تختفي بتوزيع الاثاث

حاولي ترسمين لنا مخطط تقريبي للصالة و احنا نحاول نوزع لج الاثاث بطريقه مناسبه

 

[الهامورة]

thanks alot

 

[جيجان77]

الكيكه
وباقي البنات
وش احسن ستاير للحمامات تكرمون بالذات حمام الغرفه الرئيسيه
شيفون والا الخشبي والا ؟؟؟؟

 

[الكيكة]

هلا جيجان

قصدج ستارة للشباك ( الدريشه) و لا للبانيو؟
اشكبرها دريشة حمامج ؟ ( قياسها )


الستاير الخشب ماتصلح للحمامات .... تصلح لغرفة مكتب و مرات تصلح لمطبخ التحظير .

ناطرة ردج على سؤالي علشان افيدج

و شوفي هالصور

ستاير رومانية

ستاير خشب

 

[جيجان77]

بعد عمري انتي الكيكه ماتهملين احد
الله يحفظج للي يحبونج
الصورة الاخيرة مثل مقاس شباكي واهي تحت الجاكوزي بالضبط
طيب اهي قماش عادي ؟؟
اشوف الصور الاولى ستايرها ماتتقفل بس منظر صح؟؟؟
طيب حمامات المجالس صغيرة وعاكسه بس لازم منظرستارة شيك والا لا؟؟
وحمامات اليهال بعد شيناسبها

 

[أم الحارث]

الله يجزيج خير ياأحلى كيكه

 

[ام وهابي]

شلونكم بنات
وشلونك الكيكه عساك بخير داخله الموضوع اسلم عليك وعلى كل البنات

 

[اخت فروحه]

اشلونكم حبايبي :
حبيت اخذ رايكم يا رودي وكيكة بتوزيع الاثاث بغرفة النوم :
انا افضل ان اول ما ادخل الغرفة يكون السرير بالوجه والكبت يم الباب لكن مهندس ديكور قاللي ان السرير افضل يم الباب عشان الخصوصية لما احد يدخل الغرفة ما يكون اللي نايم بوجهه لو مو متغطي عدل بس احس شكل الغرفة ما يكون حلو ولا اشرايكم ؟

 

[الكيكة]

أهلين بنات تسلمون لا شكر على واجب

ام الحارث و ام وهابي الله يسلمكم و حياكم الله

جيجان ... نعم قماش الستاير قماش عادي من الشيفون او التافتا او اي قماش على ذوقج... و صح بعض الصور تكون الستاير بس منظر ما تنفتح و تتسكر
و حلو لما تركبين ستير صغيره و ناعمه لحمامات الضيوف حتى لو كان الزجاج عاكس لان القصد من الستاير هو المنظر الجمالي .

شبابيك حمامات الاطفال مو لازم تركبين لهم ستاير .... اهم شي حمام الغرفه الماستر علشان يكون مميز عن باقي الحمامات ... و حمامات الضيوف لانها تعكس ذوقج جدام ضيوفج ...


اخت فروحه ... كلام المهندس صحيح ... و تقدرين تحطين قنفه فخمه و فوقها لوحه او اذا ممكن يكون وراها الدريشه تركبين ستاره فخمه ... حطي اي شي فخم جدام الباب بس السرير حاولي تخلينه صاد و هذا الصح.

 

[الكيكة]

اخت فروحه ... بعض الناس يحطون التلفزيون جدام السرير

و شوفي هالصور ولاحظي ولا صوره فيها الباب جدام السرير

 

[اخت فروحه]

مشكورةيا الغالية بسليما الحين مو مقتنعة بحاول اقنع نفسي

 

[الكيكة]

العفو حبيبتي

بالنهايه البيت بيتج و لج الحرية اتسوين اللي انتي مقتنعه فيه

و اذا مساحة الغرفه صغيره ماراح يفرق حطيتيها بالوي ولا ماحطيتيها

 

[حمدة الله]

اشلونكم حبايبي :
حبيت اخذ رايكم يا رودي وكيكة


انا صابغه غرفة النوم باللون الاحمر والرمادي

وراح افصل تسريحه وكبت بس للحين مو عارفه اي لوون اختاار يمشي مع لوووون الغرفه

بإنتظااار ردكم حبايبي

 

[الكيكة]

هلا حمدة ... صبغي الأثاث باالون الاسود ...حلو مع الرمادي و الاحمر

 

[الكيكة]

حمدة شوفي الألوان في هالصور


الطاولة ابهالصورة سوده

 

[حمدة الله]

تسلميــــــــن حبيبتي بس أنا ماأحب اللون الاسود


مايصير احط لون بيـــــــــــج او ابيض [/COLOR]

 

[الكيكة]

لا حبيبتي حمده البيج مايمشي مع الرمادي

الأبيض يمشي بس الأسود أحلى