رودي للاستشارات الهندسية

[أسولة]

بنات مشكورين على تفاعلكم مع مشكلة الزهيويه أم وهابي الله يطرح البركه بعيالج ويصلحهم ونونو ورودي وكيكه والله اتهبلون ردودكم كلها اعجبتني هي المشكله لما تشترين بيت ناس ما كانوا بمستوى النظافه الكبيره أنا بيت يالقبلي ما كان في زهيويه بس هذا مادري شالسالفه بس حطيت العجينه من قبل جم سنه كنا نشتريها من مصر قبل لا يبيعونها بالوسيط والجمعات هي ممتازه بس بعد جم يوم تقريبا اسبوع يردون والمشكله إن البيت إلي يمي مو مسكون له جم سنه والعمال ينخشون فيه ويرتاحون ساعات طبعا عمال النظافه أو بياع البيبسي وهالبيت كله وصخ وقطاوه وساعت أي بيت يبي يبني يعط وساخته عند هالبيت لأن مافي أحد بس في مره دقيت على مكافحه القوارض وقلت لهم هذا بيت اخوي والله ورشوه وبيتي نظف من الزهيويه بعدين ردوا الظاهر من البيبات مادري والله عالعموم والله ونستوني بردودكم خواتي

 

[الكيكة]

لا ديرتي الغاليه بالعكس المخمل السادة مو غالي ... و الله يحليله الريال اللي فصل لي الستاير و القماش منه و الهدب و الشيفون .... ستارتين كبار كل ستاره فيهم كبر الطوفه كلها ... يعني يمكن الستاره الوحده عرضها مو اقل من 6 امتار ....
شغله كله اب 250 دينار
مع اني قريت مواضيع بنات بالمنتدى فصلوا ستايرهم على الف و الفين و ثلاثه .. و قريت عن المصمم جمال اللبناني و ( خرابيط وايد ) ... المسأله بالنهايه ذوق .... أنا ابي موديل ناعم و خياط مرتب و قماش ثقيل ( و الحمد لله الله وفقني اطلعوا مثل ما ابي )

كنت حاطه ميزانيه لستاير الاستقبال ما تقل عن 1000 دينار و كنت اقول بقلبي عسى تكفي .... الحمد لله صاروا اب 250 بس

 

[أسولة]

بنات وينكم عسى ماشر ولهت عليكم صارلكم جم يوم مادشون النت الكيكه شخبارج أم وهابي بعد عمري وينج رودي مستشارتنا عسى المانع خير

 

[ام وهابي]

بعد عمري اسوله انا بخير والحمد الله بس شوي تعبانه ولاهيه مع امتحانات العيال عسى ربي يوفقهم
انت شخبارج عساج بخير

 

[الكيكة]

أنا مريضه .. هذا اللي ماخلاني ادش يومين
و الاسبوع الياي بعد ماراح ادش عندي مراجعات و فحوصات

 

[ام مياز]

مشكوورةاختي الكيكه على نصايحك الحلوة
وسلامات ماتشوفين شر

 

[nono78]

سلامات كيكه ماتشوفين شر

 

[ســتارز]

الكيكة ماتشوفين شر يالغالية اجر وعافية

ماعليه هذي ضريبة البيت الجديد انا طاح نص وزني الله يستر ماتعودت على هالتعب

موفقة عزيزتي ربي يطمن قلبك

 

[أسولة]

ماتشوفون شر بنات وكله اجر وعافيه وطمنينه عنج الكيكه وأم وهابي إن شاء الله عيالج موفقين ياقلبي

 

[الكيكة]

تسلمون بنات ....الشر مايييكم يا قلبي

 

[ام وهابي]

ما تشوفين شر الكيكه اجر وعافيه انشالله
مشكورهاختي اسوله على سوالج عني

 

[أسولة]

أم وهابي وردي أبي نصيحتكم بالنسبه للمطبخ وين اسويه و بقيت انسب الأسعار مو غالي ولا رخيص ويكون السعر معقول وخصوصا أنا اشتغل يعني اكثر الإستخدام للشغاله أنا اطبخ بالعطل والجمعه وساعات العشا كل يوم ورمضان طبعا يعني الشغاله بتكسره تكسر مثل إلي حاصل إلحين معاي ضروري نصيحتكم

 

[الكيكة]

الشر ماييج ام وهابي

 

[منسيه99]

أهلين يا أحلا بنات بغيت أستشيركم لأننا بنينا جناح صغير بجنب أهل زوجي عشان نجاس فيه في الأجازات بس هو عباره عن غرفه وحمام وصاله صغينونه ومطبخ يطل على الصاله يعني سويت كونتر وهوصغير بس عشان شكله يصير حلو بس تعرفون الأجازه الجايه يكون مخلص وأبي تقترحون أيش أصبغ عشان يعطي المكان أتساع أنا مفكره أصبغ كل شي لون عشان عشان يعطي المكان فخامه يعني أبي كل وحده عندها فكره لاتبخل علي عسى يجعل رجله مايشوف غيره الي تقولي فكره والأضائه أيش أحسن شي والحمام ويش اصبغه وأيش احسن لون للسيراميك الحمام عشان يبان أوسع والغرفه والصاله والمطبخ وش أحسن لون سيراميك وباب الغرفه وش أحسن أصبغه ناويين نحط مغسله قدام الحمام زين أولا وأذا تنفع وش أحسن لون للمغسله وأبي احط سقف مستعار وش أحسن الأبيض أو لون ثاني بس الأبيض يتوسخ بسرعه عشان كذا ما أبيه وش أحسن لون غير الأبيض أرجوكم ساعدوني زوجي يستنى أوامري وأنا ماقررت محتاره :gr4uu: الله يرزقها ببيت ملك ألي ترد ويجعلها ماتحتار بحياتها 00

 

[الكيكة]

أهلين منسية

أختاري لون فاتح للصبغ علشان يبين المكان واسع .. اختار الأصفر وايد حلو لشقه او جناح و عندي صور للون الاصفر بحطها لج الليله او باجر الصبح ... و اذا تحبين الفخامه دخلي معاه ورق جدران ( شوفي الصور )
بس لا تصبغين كل غرفه لون ... مو حلو الماكنتوش

لا تحطون مغسلة برا الحمام .. مو حلوه الفكره .. لاهي مغسلة ضيوف ولا لها سالفه بشقه او جناح

السقف الابييض اشرح و انظف ويعطي اتساع... من قال يتوصخ؟ .. و شاللي يوصخ السقف؟

ركبي الارضيات جرانيت صيني فل بودي لون بيج فاااااااااااااتح .... وااااايد حلو و راقي ارقى من السيراميك

و الاضاءة .. سبوت لايت طبعا

الحمام لج حرية اختيار اللون .... اذا صغير اختاري لون فاتح ... و ارقى شي درجات البيج
و اذا الحمام كبير ممكن تلعبين بالالوان و تحطين طوفه وحده برسلان لونه غامج أو نقشته جاكار و الباقي ساده
و احلى شي درجات البني و البيج و الاورانج
نطريني بحط لج صور للحمامات

 

[منسيه99]

تسلمين ياأحلا كيكه الله يخليك لعينن ترجيك وشكلك ذوق مره الله ينولك كل ماتتمنين يارب بس أبيك تقولين لي يعني أيش سبوت لا يت الأضائه تراي ماأعرف لا تضحكين علي ومنكم نستفيد وخلاص ما راح أحط مغسله لأني من الأصل الفكره ماعجبتني بس زوجي يبغاها بس صادقه مالها داعي واستنا أبداعاتك ربي يوسع صدرك باالعافيه وطاعت الرحمان 0:tek: وهذي لأحلا كيكه

 

[الكيكة]

شوفي هالرابط فيه موضوع عن اللون الاصفر كاتبته مستشارتنا رودي

http://www.q8yat.net/showthread.php?p=1109525&posted=1

و شوفي بعد هالصور

لاحظي الاضاءه ابهالحمام سبوت لايت

 

[أسولة]

الحمد لله على السلامه ولهت عليج الكيكه اشلونج شخبارج المنتدى بدون الكيكه و رودي وأم وهابي ايضيق الخلق كل يوم ادش ماكوا احد ورد اسكره عالعموم أنا بزهبه لكم سؤال للحلوات الثلات شنو آخر موديل لديكور الصاله الرئيسية و صالة المعيشه والله لا يحرمنا منكم

 

[الكيكة]

الله يسلمج اسوله .. مايضيق خلقج على غالي

أنا دايما اقول اني من انصار الديكور الكلاسيك ... و ما احب اللي يهبون الناس فيه فتره و عقب مده يروح موديله و يصير قديم و يطيح بجبدج.

شوفي هالصور

 

[الكيكة]