رودي للاستشارات الهندسية

[سيدة الكويت]

ما اعجبونى كلش الى بالضجيج :eh_s(4)::lkmnkl:


احب فى خشب فوق وتحت وناعمه ولا احب الهدب كلش اعجبونى القنفات الجاهزه

بس المشكله شلون اسوى نفس موديلهم انادى الريال المحل يشوف الموديل وياى

واختيار الخام صعب خاصه انا طوفتى فيها ديكورات:gr4uu:



رودى منزل امبارك مقدما انا سكنت البيت والحمد الله :q8::eh_s(2):

 

[الكيكة]

هذا الموديل اللي من تحت ستاره ( كسرات )

[/IMG]

البيج اللي على يمين الصوره

هذي ناعمه ( تنبلع )

هذا الموديل فيه تاج ( مو حلو )

 

[الكيكة]

ولااا تسوين اللي ينقعد عليهم مفصولين مثل هالصوره ترا حوسه.... خليهم قطعه وحده مثل الصور اللي فوق احلى

 

[الكيكة]

سيدة الكويت اذا شايفة قنفات جاهزة و عاجبينج و تبين مثل موديلهم بس قعده متصله

صوريهم بتلفوج جم صوره ... و خلي مال التنجيد يشوف الصور و يسويلج مثلهم

 

[سيدة الكويت]

كيكه جزاج الله كل خير

صورت من تلفونى بس مواضحين احسن على الطبيعه :rgewrg: يشوفهم

 

[rudy]

مشكورة سيدة الكويت على الدعاء ومنزل مبارك لك انشاء الله اتهنين فيه يارب
ومشكورة كيكة على الردود

 

[الكيكة]

اصوله حسب ميزانيتج .. بس طبعا اكيد الرخام احلى و اكشخ (بس مو الانواع الرخيصه لانها تتآكل و تتحفر )

 

[الكيكة]

العفو رودي .. اما ردودي احس ان فيني لقافه زايده .. بس امون

بس اعتبري ردودي رايي الشخصي مو اجابه عن اسئلة البنات ... و اكيد طبعا كلنا ننطر اجاباتج علشان نستفيد

 

[rudy]

مرحبا بنات انا الحين غارقة بين الكراتين :0bee2e8d89:صج النقلة من بيت لي بيت مو سهلة صارلي 4 ايام ولما الحين في دوامه بس الله كريم اي نسيت لا اقول لكم ترا انا معطيه كيكه الخيط والمخيط الي تبي تسال كيكه ما تقصر
وبالنسبة لصالة الاستقبال انا افضل الرخام احس الجراتيت يصلح لخارج البيت

 

[روزه]

ودي اشوف بيج يا رودي :dddds:

 

[الكيكة]

الله يعينج يا رودي و يسهل امورج ..

و مشكوره عالتوكيل الرسمي ههههههه

 

[سيدة الكويت]

منزل مبارك سالينى رودى صج تعبت من النقله

بس اهم شئ رتبى مطبخج وغرف النوم والمعيشه والباجى وانتى موجوده


كيكيه ابى محل ستاير اسعار ه زينه وشغل زين

 

[سيدة الكويت]

كيكه ترى بصيح( ابى احد يساعدنى يكسب فينى اجر يروح معاى ابى انقى للسرداب ابى اشياء وايد

ابى ستاير ابى قعده وعندى ريل ما يعرف شئ ولا يودينى

 

[الكيكة]

هلا سيدة الكويت

روحي عبدالرضا كاكولي بالضجيج .. فصلي القعده المتصله للسرداب .. بس اختاري القماش .. المتر اب 60 و يمكن يخصم لج يخلي المتر اب 55

عقب ما ايبون اثاثج ... دقي على واحد مال ستاير

ستاير بيتي فصلهم لي واحد ماعنده محل .. شغلة رخيص و مرتب ... اييب لج المساطر البيت و يتعامل مع مشغل .

اذا الدريشه المترين يسويلج لها ستاره امريكية أي خام تنقينه من المساطر مع البطانه و خط ثاني تحته شيفون .. مع البايبات و التركيب اب 30 دينار

سوالي بيتي كله ( 3 ادوار 12 ستاره ... بعض الدرايش كبار للارض.. كل البيت ما وصل 1000 دينار )مع الاستقبال جازفت و خليته يسويهم لي و طلع مرتب و حلو :ggdw: و سوالي ابعض الغرف حركات ... اللي طلبته منه سواه لي بالضبط مثل ما ابي .. اذا تبين رقمه ادزه لج عالخاص.... مسوي ستاير بيت اهلي و بيت اختي ...و بيتي

و يسوي قعدات اذا تبين لانه نجد قعده متصله على حرف يو بخيمة امي ابيتها ( بس لبسهم اب 100 دينار الخام و الخياط ) و سوا لاختي قنفتين ( تفصيل ) شحلوهم والله.. ترا رخيص و نظيف و مرتب و قوي

 

[الكيكة]

اذا خايفه جربي شغله بستاره وحده بغرفة نوم مثلا ..و اذا ياز لج كملي الباجي

اذا ماتقدرن تفترين بالسوق علشان قعدة السرداب خليه اييب لج صور و اختاري الموديل و اهو بعد اذا سألتيه ينصح .. و نقي الخام من المساطر اللي عنده .. و اذا ماعجبج شي من مساطره قوليله اييب لج غيرهم .

اختي عندها طقم قنفات جاهز بس صاير شويه بصالتها .. نادت هالريال فصل لها شازلون بو سنادتين ملوت الايد و بدون ظهر ( عرفتيه؟ ) مع كوشيات فيهم هدب بعد ...سواه لها اب 40 دينار .. خامه و تنجيده و كل شي ... و انا شاريه واحد جاهز من قرطبة للاثاث بالتنزيلات اب 70 دينار و مستانسه ....
سواه من نفس خام الستاره اللي سواها لها ( مخمل بيج ساده ) و اهي اعكست الكوشيات و اخلطتهم مع طقمها الاصلي ...لما شافت شغله عجيب نادته سوالها قنفة ثنائيه من نفس الخام لنفس الصاله . بس ما سألتها بجم

انتي اذا تبين دقي عليه و قوليله بجم تفصل المتر للقعده المتصله؟ بجم اللي تحتها خشب و بجم اللي بدون خشب؟ .. و شوفي

 

[سيدة الكويت]

والله انج ما تقصرين يا كيكه

بس شلون اشوف موديل الستاره

والقنفات


ابى موديلات للستاير حلوه بس مو الخبه

ولا انا عاديه حيل

هذا الريال شنو اصله

 

[الكيكة]

مادري شنو اصله .. جنه سعودي او بدو سوريا

ملا ويا لحيته شحليلة

عنده البوم فيه صور بيوت ناس اختاري منه الموديل اللي تبينه .. او وريه انتي اي صوره من النت ... انا سويت عنده موديل اهو يقول اول مره اسوي شي جذي .. انا شايفتها عند رومانتك تخيلي لما شريت اثاثي .. قلت له و سوالي بالضبط

اما ستاير الاسقبال و غرفة نومي سويت امريكي ( الخام مخمل مثل خام التنجيد ساده مافيه نقشات ) لانه مخفي بالديكور ..موديلها طبقتين فوق بعض .. يعني ستارتين فوق بعض الستاره الاولى زيتيه و فوقها ستاره ثانيه عنابيه ( نفس الوان اثاثي ) و حط لي هدب اللي ابيه و شريت لهم مرابط من الضجيج... ربطت العنابيه بطريقه تبين تحتها الزيتيه
و الشيفون حطيت بيج على ذهبي مطرز وردات منه و فيه يشابه الدانتيل قال لي هالمسطره توها نازله السوق ..لان الشيفون نفس لون الطوفه و فوقه الستاره الزيتية طلع وايد حلو .

 

[الكيكة]

سيدة الكويت .. اذا تبين الستاره تطلع كشخه .. خليه يزيد الزم ( مو زم خفيف ) ...و الطول خليها تسحب بالارض اكشخ

 

[سيدة الكويت]

عفيه كيكه مخالف تدزين صورتها على الخاص ما عليج امر الستاره

 

[الكيكة]

هلا سيدة الكويت .. ماعندي صورة الحين بس اهي نفس موديل الستاره ابهالصوره ...

و ترا المرابط اللي بالصوره موجودين بالضجيج الجوز اب 30 دينار .