رودي للاستشارات الهندسية

[كـ غلا ــلي]

شلونج رودي انشاءالله زينه... بستشيرج في اثاث شقتي

اول شي ببدي بغرفه نومي: خشب اسود من ميداس والارضية بيضاء سراميك خشن مو لامع يعني اللي محتاره فيه اهوا لون الغرفه لان مثل ما قلت لج اثاث غرفتي اسود واللي شجعني اخذها انه هالايام هابين بالاسود وغير هاذا احسها فخمة ومو تقليدية مثل البيني ... انا فكرت بلون هادي عشان يبرز الاثاث بس للاسف ما عندي تصور اي لون يناسبها فيريت تنصحيني

الشي الثاني اخذت قنفات الصالة من the one اخذتهم ثنتين وردي فاتح حيييل كل وحده منها تقعد 3 اشخاص ومزجت وياهم قنفه بنية هم بعد تقعد 3 اشخاص الفكره اني بمزج بين هاللونين وبحط معاهم لون ثالث يكون بالكواشي او بالاكسسوارات بس هم بعد محتاره اي لون
وطبعا فكرت ان اخلي القنفتين الورديات الطوفه وراهم بني ويمكن اخليها ورق جدران اما القنفه البينية بخلي طوفتها ودري من نفس درجه القنفات الوردية وبخلي عليها الستاره بنية

ابي رايج ... اي نسيت اقولج بان مساحه شقتي مو كبيره حتا الصاله مالتي واذا عندج صور حطي ما عليج امر
ما ننحرم من ذوقج مشكوره

 

[الكيكة]

كلي غلا

ممكن أقول رايي ؟.

و طبعا الراي الاول لرودي

اذا الاثاث اسود و الارضيه بيضا ... حلو الفرش الذهبي اذا تحبين الكلاسك الفخم
أو الاحمر اذا تحبين المودرن

الصاله حلو اللون الوردي و البني عجيب ... بس قولي شو تحبين ستايل الصاله مودرن ولا كلاسك؟
اذا كلاسك ( غرامي ) ....في بحولي وول بيبر جاكار لونه وردي فاتح و نقشته بنيه و في العكس بني و نقشته ورديه .. انتي عاد شوفي و اختاي
و حطي لوحه ايطارها مذهب عالطوفه الغامجه .. و تلقين اكسسوارات بهوم سنتر زجاج وردي مع ذهبي ( يعني دخلي الذهبي )

اما اذا تحبين المودرن.. لا تحطين جاكار ...و اخذي كوشيات مشجرة تمشي عالوردي و البني و علقي اللوحات اللي بدون ايطار ينحطون مثلا ثلاث يم بعض

 

[rudy]

مشكورة كيكة صراحة كلك ذوق

بالنسبة لغرفة النوم اقترح تصبغينها رمادي فاتح مع ستاير مخططه احمر و رمادي وابيض
انا شايفة الصورة في مجلة طالعة الغرفة روعة ولاتنسين كفر السرير خليه ابيض

وبالنسبة للبني والوردي دخلي معاهم اللون البيج المايل للذهبي اعتقد انه حلو ... ولا شرايك كيكه

وعشان اتكبرين شقتك حطي مرايات راح تعطي اتساع لمكان


​

 

[sun light]

حبيبتي رودي مشكوره علىالموضوع الي استفادو منه البنات وكيكه مشكوره الحين انا ابي مساعدتكم شوفي انا اثث شقة اخوي حق عرسه غرفة النوم كانت 5\4 وسعنا الغرفه وصار كان غرفه مفتوحه على غرفه بس صايره على جنب يعني مسويه زاويه انا قلت اصك الزاويه بجبسن بورد واتصير منزع ملابس لو اعرف ارسم جان رسمت علشان تفهموني الي فهمتني ترسم جزاه خيرا ابي افكا ر اشلون اسويها

 

[rudy]

اهلا سن لايت

عدل شغلك كملي سديها بجبسن بورد او الخزانه نفسها تكون هي الحائط توفيرا للمساحة يعني ظهر الخزانه يكون على غرفة النوم وتقدرين تستفيدين من ظهر الخزانة بعمل مكتبة للتلفزيون مثلا

 

[كـ غلا ــلي]

مشكورين كيكة ورودي

انا حابة غرفتي تكون مودرن لكني متخوفه من الاحمر احتمال اخليها ذهبي

اما الصالة فقاعده افكر اخلي اللون الثالث زيتي بالضبط نفس لون زيت الزيتون اللي يكون خضورته فاتحة ولا اشرايكم

قلت اخليها بجم كوشية واكسسوار

بس بغيت اسال شنو يعني جاكار

و يسلمووو حبيباتي

 

[sun light]

:krkrkr:بدون اسم هذاشكل الشقه مو قاره احطه لكم رسمته بلورد بس مايطلع ساعدوني اشلون اوضح

 

[sun light]

رودي صارلي ساعات احول ارسم مش قادره شقه اول ما دشين صاله 4\6 يم باب الشقه باب يودي غرفة النوم تخيلي باب الحمام اقبالك وباب غرفه يسارك دشينالغرفة قياسه 4\5 على ايمينك دريشه عاد احنى مو سعينها بس مثل ما قلتك ماخذه زاويه الصوره بلمرفق

 

[rudy]

مشكورين كيكة ورودي

انا حابة غرفتي تكون مودرن لكني متخوفه من الاحمر احتمال اخليها ذهبي

اما الصالة فقاعده افكر اخلي اللون الثالث زيتي بالضبط نفس لون زيت الزيتون اللي يكون خضورته فاتحة ولا اشرايكم

قلت اخليها بجم كوشية واكسسوار

بس بغيت اسال شنو يعني جاكار

و يسلمووو حبيباتي

الجكار هو الخام او ورق الجدران الي تيي نقشته ملكية من نفس الون بس تكون ذات لمعه او بدرجه لونيت مختلفة عن باقي الخام​

 

[sun light]

رودي حبيبتي ما رديتي عليالشقه اشلنون احط الاثاث اشريك احط ورق جدران ارقى بس من وين اشتريه

 

[rudy]

رودي حبيبتي ما رديتي عليالشقه اشلنون احط الاثاث اشريك احط ورق جدران ارقى بس من وين اشتريه

سوووري المرفق مو واضح
وبالنسبة للحوائط الورق اكيد ارقي بس الصبغ عملي ويعمر اكثر وتقدرين تخلطين بين الاثنين تختارين جهة وحدة رئيسه وتحطينها ورق والباقي صبغ

 

[sun light]

تم التعديل

 

[rudy]

تم التعديل

الحين اوضح الصورة فهمت قصدك

سويها ووك ان كلوزت يصير فيها بركه وتكفي اكثر

 

[sun light]

شوفي ابي اسكر الزاويه وتصير منزع بس وين احط السرير وتواليت وشنزليه لان فيها 3 درايش ساعديني في الديكور ابي حلو اسعار مناسبه ابي همتك معايه

 

[rudy]

حطي السرير صوب الدرايش والسبب ان المكان استر لو ينفتح الباب السرير ما يبين
ومقابله عند الباب التسريحه
وبين السرير وغرفة الملابس حطي الشيزلون

 

[rudy]

اهداء الى سن لايت


تعتبر غرفة النوم الرئيسية أهم غرفة على الإطلاق في المسكن
وأن تكون مقسمة الى غرفة نوم وجلسة و غرفة ملابس و حمام رئيسي
وأن يكون الحمام الرئيسي وغرفة الملابس منفصلين عن غرفة النوم والجلسة بفاصل قد يكون ممر أو جدار.

و هذا مثال لغرفة نوم رئيسية

الموكيت أو الباركيه الخشبي هما الخياران الأنسب لأرضية غرفة النوم نظرا لتميزهما بالدفء المطلوب.


كما ينبغي الحرص على موقع السرير بالنسبة الى الباب بحيث لا ينكشف السرير عند فتح باب غرفة النوم.


عند تصميم أثاث غرفة النوم فالتركيز بالطبع يكون على سرير النوم
ويكون دائما نقطة التركيز في غرفة النوم. .
( بختصار في وسط احد الحوائط المناسبة)


التقليل من الإنارة السقفية والمباشرة و الإعتماد على الأباجورات قرب السرير و بجوار الكونسول أو التسريحة.

تبطين الستائر ببطانة عازلة لأشعة الشمس الثاقبة.


توفير زر تحكم بالإنارة قرب السرير حتى لا نضطر للنهوض من الفراش بعد أن يحل بنا النعاس لإطفاء الأنوار.


عدم تسليط المكيف على السرير أو فوق رأس السرير

عدم وضع رأس السرير تحت النافذة. بس بالنسبة لك ممكن تحطينه بين الدريشتين

اذا كانت الأرضية غير مكسوة بالموكيت فمن الضروري وضع قطع سجاد
على جانبي السرير حتى لا تلامس الأرجل الأرض الباردة عند النهوض من السرير.

عدم اختيار لوحات صاخبة لغرفة النوم. و يمكن الأستعانة بصور عائلية أو صوة الزفاف أو صورة طبيعية هادئة.


الإكسسوارات الأنيقة والكريستال والبورسلان من مكملات غرفة النوم.


يفضل أن تكون الجدران مكسوة بورق الجدران المزخرف
مع الستائر المزركشة أو السادة. ولا داعي لضخامة التاج فوق الستارة حتى لا يتكدس عليه الغبار.



الألوان الهادئة هي المفضلة لغرف النوم.





الأهم اختيار الأثاث المناسب حجما مع مساحة الغرفة و عدم تكديس الأثاث من أجل الإستعراض. لأن سعة المكان تبعث على الراحة و النشاط عند الإستيقاظ.



معادلة الجمال تنحل أمامك اذا استطعت أن تجمع ما بين التصميم العملي والتوافق مع المزاج و الذوق الشخصي من خلال التجانس بينهما.



لخلق فخامة لرأس السرير من الممكن وضع ستارة ضخمة بنفس نوع القماش المستخدم في السرير.

منقول ومعدل​

 

[sun light]

مشكوره حبيبتي بس شنو المحلات تنصحني اروحها

 

[rudy]

اذا تبين اثاث كشخة وكلاسك ويقعد سنين ما يتغير اخذي من البيت الأمريكي
اما اذا تبين شي عملي وحجمه يناسب شقه او غرف صغيرة روحي ايكيا عندهم تشكيلة ناعمة
وعندك بعد ميداس اييب بعض الماركات الكشخه الي يبيعها كوتمك والبيت الأمريكي​

 

[الكيكة]

وصفاة الغانم و بنتا يناسبون لتأثيث شقه

 

[rudy]

اليوم حبيت انقل لكم
موضوع عجبني وايد
وهو صور لغرف قبل وبعد التعديل


اليكم الصور

​