رودي للاستشارات الهندسية

[rudy]

 

[rudy]

 

[bashayerr]

يعطيج العافية ... أحب هالسوالف كثري منها

 

[الكيكة]

واااااااي موووووووووووووو طبيعييييي

مشكوره رودي .. صج مو طبيعي

 

[rudy]

 

[لولي]

مشكورة على الصور الروعة

والذوق الحلو

بس ممكن تساعديني وتحطيلي صور ديكورات أسقف جبسية حلوة

اذا مافيها كلافة؟؟

 

[الكيكة]

لولي شوفي انا سويت سقف غرفة نومي مثل هالصوره بالضبط حتى الصبغ الذهبي و الثرية وطلع عجيب

 

[الكيكة]

و هذي مجموعة صور

 

[rudy]

 

[rudy]

الجزء الثاني
من سحر التغير
منقول من المبدعة دريمر

ابيه هالغرفة مو طبيعية اتينن وخاصة إن الموضة هاليومين هو اللون الرمادي بدرجاته

​

 

[سيدة الكويت]

رودى شلونج

بسألج عن محلات اثاث او يسوون لى صاله حق السرداب تشيل ناس ابيها ذربه والله محتاره اشترى جاهزه ولا افصل خاصه طوفى والوانهم محيره وديكوراتى

وسعرها زين

 

[لولي]

مشكوووورة الكيكة على الصور الحلوة
وديكور غرفة النوم حدة راقي عليج بالعافية

 

[لولي]

:eh_s(17):رودي مستشارتنا العزيزة

مشكورة على الصور

وعساج ذخر

 

[rudy]

رودى شلونج

بسألج عن محلات اثاث او يسوون لى صاله حق السرداب تشيل ناس ابيها ذربه والله محتاره اشترى جاهزه ولا افصل خاصه طوفى والوانهم محيره وديكوراتى

وسعرها زين

مرحبا سيدة الكويت
شخبارك من زمان ما شفنا طلتك علينا

بالنسبة للمنجدين الضجيج متروس بس بالنسبة لي انا ما اعرف الى المباركية الي في شارع تونس صج شغله مو رخيص بس مرتب وحلو انا اايد التفصال لأنك تقدرين اتحكمين بالمساحة والألوان والمباركية بالضبط وين مكانه مو متاكدة بس اعتقد انه مقابل المدرسة الي في شارع تونس بس القي عنوانهم او تليفونهم احطه لك​

 

[سيدة الكويت]

رودى سمعتى عن مكان يسمونه المطر ما ادرى والله وين مكانه؟؟


مشكوره حبيبتى ما تقصرين ما عندج صور قعدات

 

[rudy]

السلام عليكم

وينج يا رودي مانشوف مشاركاتـــــــــــج

فيدينـــــا بأحدث الوان الصبغ الداااارجــــه لــ صالات الاستقبال

كذالك شرايج بـــ ورق الجدران لــ حمام الاستقباااال يناسبه ولا لا

كذالك وين الاقي ارضيات لـــ صالاتي

بنات عذروني ادعولي انا الحين قاعدة انقل لبيتي الجديد فمشاركاتي قليلة لأن ما عندي وقت

بالنسبة لأحدث الوان الأصباغ !!! تقدرين تشوفينها بمجلات الديكور الحديثة انا لفت نظري الون الرمادي بدرجاته وانا حاطه صورة فوق عن غرفة استقبال شوفي لون الطوفة رمادي بس مو اي رمادي لازم يكون لمساحات قليلة لأنه غامج وعندك بعد البنفسجي الغامج هم تلقينه ببعض الصور الأخيرة الي عرضتها
وبالنسبة لورق الجدران لحمام الضيوف انا اايد هالفكرة لن الحمام قليل الاستعمال ومتصل بغرفة ذات مستوي تاثيث فخم
وبالنسبة للأرضيات تلقينها في كل مكان بالنسبة لي انا اخذتها من الرميح الي في شارع تونس مقابل حسن ابل عندهم تشكيلة ممتازة وعندك بعد السويد الي بالشويخ ايضا شغله ممتاز وعندك روابي الشام عندهم ارضية عجيبة عبارة ان عجينة الجرانيت تكون على 3 درجات بيج وبني ورمادي وايد وايد ماشية مع الموضة وفيها احجام مختلفة
ارجو اني اكون فدتك

 

[الكيكة]

سيدة الكويت ... انا فصلت عند عبدالرضا كاكولي بالضجيج اسعاره مناسبه ( المتر 55 دينار شامل الخام و التنجيد ) و شغله عجيييييييييييب .. انا سويت عنده لغرفة صغيرة بالدور الارضي قعده متصلة شمواه عنابي سادة و الكوشيات فصلتهم مع الستاره بمحل ثاني ( بيج و نقشتهم جاكار عنابي )
و فصلت عنده قعده متصله لصالة المعيشه على حرف L فستقي مشير بورد عنابي و وردي و درجاتهم ( شرحة اتينن )
وفصلت عنده قنفه امريكية ثلاثية مع باف ( 60 في 60 ) لغرفة نومي ... و طقم امريكي ( قنفه ثلاثية و قنفه ثنائية لمكتب ريلي )
شغلهم وايد قوي و نظيف تقولين جاهز و مو اي جاهز

انا من رايي تسوين قعدة متصلة بالسرداب لانها تشيل ناس وايد و هم بعد مريحه ....


رودي ماشالله لا اله الا الله ... الله يسهل امورج و يجعله منزل مبارك و خير عليج و على ريلج و عيالج.

و اعبالي .. فارشه البيت كامل حتى الفوط معلقتهم .. بس ريلي مو راضي يطلع من بيت اهله الحين قايل عالسنه اليديده

 

[سيدة الكويت]

مشكوره الكيكه والله ما قصرتى

بس ياربى شفتى الجاهز شغلهن ا ارقى

فى نفس الوقت والله ابى تفصال عشان يشيل اكثر تدرين سرداب

بس محتاره فى الموديل

اذا عندكم موديلات ورونى

 

[rudy]

مشكورة كيكة على الدعاء
والله يعينك يالله السنة الجديدة على الأبواب كلها شهر ونص بس الظاهر ريلك ما هياه قلبه يفارق اهله ما كانه بينم وبينهم منطقه وحدة

 

[الكيكة]

سيدة الكويت ..

العنابي الشمواه اللي عندي موديلة ساده و الخام ساده .. و من تحت كلة خشب زان امظرب جذي Xxxx
انا اشوفه وايد راقي و ناعم خصوصا لما حطيت له ستارة و كوشيات بيج جاكار عنابي .. و هالغرفة بالدور الارضي يعني مو بعيده عن صالات الاستقبال


اما اللي بالمعيشه هم بعد قعده متصله مافيها خشب و القماش مشجر بورود و كلها من نفس القماش ماحطيت تخريجات و موديلها من تحت يسمونه ستارة ( تعرفينه اللي فيه كسرات ) اذا لقيت صور بالنت احط لج و حطيت الكوشيات ساده بعضهم زيتي و بعضهم عنابي .


احلى شي الناعم وايد راقي ... ابتعدي عن الموديلات اللي تشوفينها بالضجيج ترا ذوق رايح فيها
و ابتعدي بعد عن الهدب .. لا تحطين ترا مو حلو كلش و و يتنسل و يصير عقب فتره لوعه

و لا تحطين تاج للقعده ( الخشب اللي فوق سنادة الظهر ) مو حلو

انا رايحه و مفترة و شايفه .... اهم شغلهم و خياطهم زين بس ذوق الناس اللي يشترون هناك رايح فيها ... عاد انتي و ذوقج شوفي المساطر و اختاري الاقمشة ... و اختاري الموديل الناعم احلى