رد: روايه ""وش الدنيا من غير حبك ""من تأليفي "وااي شحلاتي"
وهذا البارت اليديد
ملاك تبوسه:ويي فديت هذا تدري خالي انا حجزته من الحين
فيصل ياخده منها:شفت بابا البنات يلحقونك من الحين
ملاك وساره:ههههههه
شوي ولاتبجي جودي
شالتها ملاك:واااااي حبيبتي
فيصل:ملووك روحي درسي
ملاك:درست خالي
فيصل:اذا نزلت درجات هالفتره علا طوول بيت يدج فهمتي
ملاك تعفس ويها:انزين عطني عبود مااعرف ادرس برووح
ساره:بياكلج البعبع
ملاك:انتي شكو عفي خالي عطني ياه ترى هادي مايسوي شي
فيصل:ملوك رووحي الدااار درسي
ملاك:انززززززززين وراحت
فيصل:وااااي حبيبي وقعد يلعب ويااه
ساره بتردد:فيصل
فيصل وهو يلعب مع عبدالله:همم
ساره:ماتبي ترد البيت؟
فيصل ابتسم:ابي ساره بس مااقدر
ساره:عفيه فيصل رد ماتدري امي شكثر متضايقه من هالسالفه يب اليهال وتعال اكيد ابوي بيحن عفيه فيصل
فيصل:مو الحين سااره مو الحين
ساره بيأس:لين متى انزين
فيصل:مادري سااره ماادري
ردت جودي تبجي عطه فيصل عبود حق ساره وشالها
فيصل:لا تبجين بابا اسسسس وقام يتمشى فيها عشاان تنام
في الغرفه
__________
قاعده على السرير والكتاب بحضنها والف سالفه وسالفه تخطر ببالها
مسكت موبايلها "ادق ولا ماادق خل اكلم شروق اول"
ملاك:الوو
شروق:اهلييين
ملاك:ليش ماييتي مع ساره
شروق:ماما مارضت وبعدين ابي ادرس حييل خايفه من هالماده
ملاك:انا عاادي اصلا مالي خلق ادرس
شروق:ملاك بنت عبدالعبدالرزاق مالها خلق تدرس
ملاك:هههه حماره مشتاقت لج
شروق:وانا بعد
ملاك:شلون ....؟؟
شروق تستعبط:منو
ملاك:حلفي
شروق:عادي يدز مسجااات نكت
ملاك:هههههه
شروق:والله
دخلت ساااره:من تكلمين
ملاك :شروق اكلمج بعدين اوكي
شروق:اوكيك يلا بااي
ملاك:باااي
ساره:ليش سديتيه؟؟
ملاك:سلامتج ماكو شي اليهاال ناموا
ساره وهى تنسدح على سرير وتفتح المجله :اممم نامو
ملاك راحت عندها:ماتبين تقولين لي
ساره بدون ماتلف عليها:ِشقول؟
ملاك وهى تلعب باظافرها:انتي ادري
ساره:مااكو شي
ملاك:امم ماكو شي
ساره:ملووك خلصتي
ملاك:يعنى باقيلي شوي
ساره:انا باجر ماعندي شي بناام عندج
ملاك:اوكي
ساره:قومي خنرووح الجمعيه
ملاك:شمعنه الجمعيه
ساره:ماادري مشتهيه ليز
ملاك:ههه هبله
ساره:يلا قومي
ملاك:واليهال
ساره:فيصل موجود يلا
ملاك:انزين كا قمت
في الصاله
ساره:فصوول شنو تبي حق العشا
فيصل :ماادري اي شي
ملاك:صبر اشوف شنو ناقص عشاان نشتريه ودخلت المطبخ
فيصل:هااذي مو جنه بااجر عندها امتحاان
ساره:داارسه بااقيلها شوي
طلعت ملاك وبيدها ورقه قاعده تكتب
ساره:شنو هذا
ملاك:الاشياء الناقصه
ساره:يلا انزين
ملاك:كا كا يلا باااي خالي
فيصل:باااي
اليوم الثاني _ بعدالامتحان
______________
شروق:ها مريوم شسويتي؟
مريم:زين روان وين
شروق:لين الحين باللجنه
مريم حست بدوار ومسكت ايد شروق
شروق:شفيج
مريم:دايخه شوي يمكن لان امش نمت متأخر وماتريقت
شروق:امشي عند الاخصائيه
مريم:لا شروق مابي مو لازم
شروق:شنو مولازم امشي
مريم:منو بيني
شروق:دقي على فهد يلا
مريم:انزين يلا
يه فهد وخذاها
في السياره
______________
مريم:شلون انوار
فهد:زينه بطنها طلع"قالها بوناسه"
مريم:هههه الله يقومها بالسلامه حست بدووخه ومسكت راسها
فهد:مريم شفيج
مريم:ماادري دايخه شوي
فهد:تبين اوديج المستشفى
مريم:لا فهد مو لازم
فهد:امبله عشاان اتطمن عليج
مريم:فهد
فهد:اسسس
في مكتب احمد
____________
كان قاعد يخلص ااوراق الى عنده دخل عليه مسااعد
احمد:هلا والله
مساعد:اول حمود انا وعمك طالعين نتغدى بره تيي معانا
احمد:انزين ليش طالعين بره تعالوا عندنا البيت
مساعد:والله ماادري بس خووش فكره
احمد:خلاص عيل كلم مصعب روحوا البيت وانا الحقكم
مساعد:اوكي يلا ناطرينك
احمد:خلاص اوكي
في المستشفى
__________
طلعت من عند الدكتوره
فهد:ها شصااار
مريم:ماادري تقوول سوي تحليل
ابتسم لها فهد
مريم:شفيك
فهد:لا سلامتج
مريم:يلا فهد حييل تعبانه خنخلص
فهد:يلا يلا امشي
سوو التحليل وقاعدين بره ينطروون النتايج
فهد:اقول مريوم دقي على احمد وقوليله انج معااي هاج وعطاها مو بايلها
مريم:خنشوف نتايج التحليل اول
فهد:يلا
عند الممرضه:مبروك مداام هامل
لفت مريم على فهد بصدمه:حاامل
ابتسم لها:اي حاامل
وقفت شوي تستوعب الى يقولونه"انا حامل يعنى في بصير ام "
فهد:يلا امشي مطوله
مريم مشت بدوون ماتتكلم بالسياره
فهد:شكلج مو مستانسه
مريم:ها امبله مستانسه بس مو مستوعبه
فهد:ههههه شدعوه مريوم
مريم:ههه فهد مابي احد يدري انزين
فهد:ليش؟؟
مريم:لا بس مو الحين
فهد:كيفج هاج كلمي احمد وقولي له انتي معاي
دقت على احمد
احمد:هلا فهد
مريم:انا مريم
احمد باستغرااب:انتي مو مدرسه
مريم:هه لا بس تعبت شوي وقلت له ايي ياخذي
احمد:شفيج؟؟
مريم:لا بس لان ماكنت نايمه عدل امس
احمد:اها يلا انا ناطرج
مريم:اوكي باااي
في شقه فيصل
___-_____
دخلت ملاك وشروق بعدها
ملاك:افف تعبت
شروق:اليهاال وين؟؟
ملاك:الحين خالي اييبهم عند يدتهم
شروق:اها انزين ابي بجاما مايبت معااي هدووم
ملاك:اخذي انا ايي اعطيج
شروق:ملووك
ملاك:هممم
شروق:شنو تتغدون؟؟
ملاك:يدتي تدز اكل مع السايق
شروق:وااي حدي يوعانه ابدل وايي
ملاك:اوكي
في غرفه مريم
_________
كانت مستانسه حييييل ماتدري شتسوي دخلت عليها ريم
ريم:ها شسويتي بالامتحان
مريم:تماااااااام تمااااااااام
ريم باستغرب:مو جنه انتي الى كنتي امس قاعده تحنين فوق راسي مادرست ومادرست
مريم:ههه لا ولا شي حنان وين
ريم:ريلها عندها
"حنان ولدت ويابت ولد سمته عيسى صارلها اسبوعين من ولدت"
ريم:اقول مريوم
مريم:همم
ريم:امشي نطلع نرووح مكان مليت من قعدت البيت
مريم:مينونه تونا رادين من المدرسه وبااجر امتحان
ريم:يلا عفيا بس نتغدى ونرد متملله
مريم:ماادري ريم صعبه
ريم:لاصعبه ولاشي انا اقول حق بابا وراح يرضه ناخذ بدير معانا
مريم:اشوف احمد اول
ريم:مولازم ابوي رضا اهو ماراح يقوول شي صدقيني
مريم:خلاص انزين اول شي شوفي عمي يرضا ولا لا
ريم:ثواني وطلعت
في مكتب احمد
__________
توه مخلص شغله قام بيطلع ولا موبايله يرن
احمد وهو يلم الاوراق ماشاف منو على طول رد:الو
اسراء:الو
احمد:اسراء
اسراء:شلونك
احمد:الحمدالله
اسراء:احمد ممكن اشوفك
احمد:اسراء الى بينا انتهى
اسراء:صدقني هاذي اخر مره
احمد:اسراء مااقدر
اسراء:عفيه احمد اخر مره
احمد ماهانت عليه:خلاص اخر مره
اسراء بونااسه:خلاص اوكي المطعم الى كنا نتقابل فيه
احمد:مع السلامه
اسراء:مع السلامه
منى:اسراء حرام عليج البيت ماتستاهل
اسراء:امبله تساهل خذته مني
منى:اسراء
اسراء وهى تتصل :منى خلاص عااد
اسراء:الوو
مريم باستغراب:اهلين منو معاي
اسراء:مريم
مريم:اي
اسراء:انا اسراء
مريم مااعرفت منو اهيا:اسفه اختي ماعرفتج
اسراء:شدعوه مريم ماعرفتيني
مريم سكتت ثواني "اسراء لايكون شيعرفها برقمي":نعم بغيتي شي من وين يايبه رقمي
اسراء:خذيته من موبايل احمد"طبعا كانت تجذب لان في طريقه تكتب الاسم ويطلع لها الارقام"
مريم باستغراب:احمد
اسراء:اي احمد كان عندي
مريم:ومتوقعه مني اصدق هالكلام
اسراء:تبين اثبت لج
مريم ماردت الف فكره وفكره تدور في بالها
اسراء:وين رحتي
مريم:شتبين مني
اسراء:ابيج توخرين من طريجنا احمد يحبني ويبي يتزوجني بس انتي واقفه بطريجنا
مريم:انتي جذابه
اسراء:اوكي تعالى اليوم هالمطعم وبثبتلج
مريم:اي مطعم
اسراء:************* الساعه 5
مريم صكرت موبايلها وقطته على السرير شافت الساعه كانت 3 ونص
دخلت ريم:مارضه
دخل وراها احمد:منو الى مارضه
ريم:بابا قلته بنطلع مارضه
احمد:شكبرج بابا اي اكيد مهو راضي شايفه الساعه جم يلا داارج
ريم:اففففف وطلعت
ابتسم:ها حياتي شسويتي بالامتحان
مريم"ليش تسوي جذي مدام تحبها بس يمكن قاعده تجذب":زين
راحت بتنام
احمد:بتنامين؟
مريم:اي تعبانه شوي
احمد:خلاص اوكي انا بنزل اتغدى تحت مع مصعب ومسااعد
ماردت عليه راح بدل هدوومه باسها ونزل
مريم نزلت دموعها:ليش تسوى فيني جذي ليييش
قامت فتحت كتبها تبي تدرس شوي بس ماقدرت تركز
في بيت بوفيصل
__________
حمنى قاعد بالصاله يلعب سوني
"حمنى تخرج من الثانويه بس ماسجل هالكورس على قولته بيرتااح اهو من مواليد شهر 2 فمايقدر يسووق الحين"
دخلت ساره:سلاام
حمنى:وعليكم
ساره:انت مامليت
حمنى:امبله وااايد
ساره:يلا انزين قوم نتغدى ميته يوووع
حمنى:انا توني متريق مو يوعان
ساره:وين امي انزين
حمنى:قاعده تتغدى مع يدي ساره بسج اسئله بتخسريني
ساره:كفوك هدته وطلعت دخلت الصاله الثانيه الى كانوا قاعدين بتغدوون فيها
سااره:سلاام
الكل:وعليكم السلاام
ساره:بروحكم
ام فيصل:شنسوي بعد
بوفيصل:قعدي يباا تغدى
ساره :ودي بس مواعده البنات برووح لهم
بوفيصل:اي بنات
ساره:حفيداتك بتغدى عند فيصل يما دزيتي الغدا
ام فيصل:اي دزيته
بوفيصل:الحمدالله وقام
ام فيصل:وين ماكليت شي
ساره:يباا
بوفيصل:نعم
ساره :ولا شي ورااحت
في شقه فيصل /بالمطبخ
________
شروق:يلا عاد ميته يووع ابي اكل
ملاك:صبري خل ساره وخالي ايوون
شروق وهى تفتح الجدر:الله اكلتي المرق باميا يم يم
ملاك:هههه صبري يالبطينيه وطلعت
لحقتها:افف صبري وصبري صبرت
ملاك:شرووق
شروق وهى تفتح التلفزيون:همم
ملاك:ودي اكلمه
شروق:انزين وبعدين
ملاك:شنو انزين وبعدين
شروق:ملاكوو انتي صارلج اممم "تعد باصابعها"فوق الاربع سنين تكلمينه
ملاك:من فتره انقطع اتصالاتنا
شروق:والسبب
ملاك: ماكان عندي وقت
شروق:اقول جب دقي وخلصينا قبل ماييون
ملاك مسكت الموبايل ودقت مارد
ملاك:ماارد
شروق:يمكن مشغول او بالمحاظره
ملاك نزلت دمعه من عينها
شروق:ليش تبجين يمكن بالمحاظره
ملاك:ماادري شروق قلبي مقبووض
شروق:ملااك عاد بلا مصااخه قومي قطع عليهم كلامهم صوت الباب الشقه
راحوا له وخذوا اليهال
في بيت بو احمد/جناح مريم واحمد
كانت قاعده بالصاله تدرس حاولت تبعد هالافكار عنها كانت الساعه حوالى 4ونص دخل احمد
احمد:قاعده تدرسين
ماقدرت ترد عليه حست بغصه "ياليت هذا كله حلم كااابوس"
يه قعد يمها:همم حياتي شنو عليج
مريم بدون ماترفع راسها:انجليزي
ماسكه الدفتر بحضنها وقاعده تكتب لاتسألوون شقاعده تكتب لان اهي بروحها ماتدري
باسها:حبيبتي انا بروح مواعد واحد من الربع
ماردت عليه
احمد استغرب سكوتها:مريووم شفيج تعبانه فيج شي
مريم"لازم اخليه مايشك":ها لامافيني شي بس احاتي امتحان اليوم
لمها:انشااله مسويه زين
نزلت دموعها ومسحتهم على طول عشان مايشوفها
قام احمد:ماني مطول ساعه بالكثير
مريم:ناطرتك
دخل اغرفه يبدل
في شقه فيصل
_____________
فيصل كانت ناايم بغرفته حيل تعباان
ملاك كان مبين عليها انها متضاايقه
ساره:ملووك شفيج
ملاك:ها لا ولاشي
شروق:تقول مو مسويه زين بالامتحان
رن موبايل سااره
ساره:الو هلا تمام انتي شلونج الحمدالله لا مو عندي بالبيت خلاص لا شدعوه ماكو تعب هههه اوكي بس انتي دزيليها اي اي اصلا انا كنت برد البيت يلا مع السلامه بااي
شروق:بترووحين
ساره وهى تعطي جودي حق شروق:اي اشوفكم بااجر
شروق:خل السايق يمرناا بااجر
ساره وهى تلبس شيلتها:انزين اذكره يلا ديروا بالكم على روحكم
شروق:انشاله باااي
ساره:باااي وطلعت
لفت على ملاك:انتي شفيج
ملاك الى كانت حابسه دموعها:شرووق قلبي مقبووض حاسه صايرله شي
شروق:افف انزين كلمي رقيه تطمنج
ملاك:وين موبايلي
شروق:هااج كاهو
بيت بواحمد
____________
بعد ماطلع احمد لبست مريم ويت بتطلع ورااه
يت لها ريم:على وين
مريم:ها لابس برووح عند شروق باخذ منها اورااق مهمه
رين:ايي وياج
مريم:ماله داعي ماني مطوله وراحت عشان ماتخلي لها فرصه انها تعارض
وراحت مع السايق
بالمطعم
___
احمد:امري اسراء شبغيتي؟؟
اسراء:انزين ماتبي تطلب شي
احمد/توني متغدي
اسراء:انزين اطلب لك الكيكه الى تحبها وماعطته مجال انه يرفض
احمد:ماقلتي شبغيتي؟
اسراء:ليش مستعيل اعتبره لقااء الوداع اي شي لان انا بعد اسبووع برووح كندا بكمل ماجستير
احمد:اممم
يابوا لهم طلبهم وبهاللحظه دخلت مريم
اسراء شافها وعافرها من طريقت نظرتها لهم
اسراء حطت ايدها على ايده وضحكت
ظهر احمد كان صوب مريم فماشافها
مريم ماقدرت تمسك روحها اكثر على طوول طلعت
احمد عصب وسحب ايده بس بعد شنو:اسراء احنا شقلنا
اسراء بدلع:احمد
قام :انتي اظاهر مايفيد معاج شي وطلع
اسراء بضحكه خبيثه:المهم صار الى ابيه يااحمد صااار
في شقه فيصل
___________
ملاك وهى تكلم رقيه بتردد:اقول رقيه شلون عبدالعزيز؟؟.
رقيه:مافيه شي زين
ملاك:اها يلا عيل انا اخليج
رقيه:مع السلامه
ملاك:مع السلامه وصكرته
رقيه:لين متى منت قايل لها
عبدالعزيز وهو نايم على السرير:رقيه اهي الحين بفترت امتحانات مابي اضايقها بعدين انا الحمدالله ماصار لي شي
رقيه:عبدالعزيز انت بتسوي عمليه اسبوع الياي تقولي مافيني شي
عبدالعزيز:رقيه خلاص صكري على هالموضوع
دخلت الممرضه بتقيس الضغط وهالسوالف
شروق:شفتي مافيه شي
ملاك:انزين ليش مو قاعد يرد ليش
شروق:دقي عليه مره ثاانيه
ملاك:مولازم انا بروح ادرس وراحت
مريم
____
ردت البيت نادتها حنان من الصاله
حنان:مريوم شفيج ويهج مخطووف
مريم تحاول تبتسم:لا مافيني شي سلامتج وعلى طول طلعت الجنااح
احمد دخل بعدها:سلاام عليكم شلونج حنونه
حنان:تمام احمد مرتك شفيها
احمد:مافيها شي فوق بالجناح قاعده تدرس
حنان باستغرااب:توها داشه قبل بدقايق عبالي كانت معاك
احمد:وين راحت ماقالت لي
حنان:قوم شوف شفيها
احمد رااح فوق"وين يعنى راحت تطلع بدوون ماتقولي"
شاف مريم قاعده بالصاله تبجي وريم لامتها استغرب:مريم شفيج
ماردت عليه
راحت له ريم:احمد ماادري شفيه قبل شوي دخلت قاعده تبجي ومو راضيه تقوول شفيها
احمد:خلاص انتي روحي
طلعت ريم
راح لها ومسك ايدها :حياتي شفيج شصااير
مريم وهى تبجي:احمد خلاص ماني قادره استحمل خلاص هدته ودخلت الغرفه
احمد :شلي مو قادره تستحملينه مريم شفيج
ماردت عليه فتحت الكبت تطلع جنطه تلم فيها هدومها
احمد :مريم ردي على شفيج شقاعده تسوين ليش كل هذا
مريم ماردت عليه وقعدت تبجي
احمد مسك ايدها وقال بصرااخ:انا قاعد اكلمج ردي على شفيج ليش كل هذا
مريم حطت عينها بعينه:قاعده اصلح الغلط الى صاار
احمد مافهم شقصدها وطالعها باستغراااب:اي غلط
مريم:احمد وين كنت؟؟
احمد:قلت لج قبل مااطلع
مريم قاطعته:احمد الصج وييييين كنت كنت عندها صح
هددها مايدري شيقوول
مريم:اسراااااء هذي واحد من الربع هاذي الى موقادر تنساها
صكرت جنطتها بتطلع
احمد:مريم نطري مريم
لفت عليه والدوموع بعينها:مشكوور على كل شي واخر طلب ابيه منك واتمنى انك ماتردني سكتت طلقني
احمد:مريم شقاعده تقولين
هدته طلعت نادت الخدامه تودي الجنطه تحت وتقول حق السايق يزهب السياره
الكل كان تحت ماعدا ريم الى كانت بغرفتها
احمد مسك مريم قبل ماتنزل:مريم نطري خل افهمج
مريم:احمد مافي شي افهمه خلاص كل شي انتهى واذا على عمي"ابوه"بقوله اني انا الى طلبت الطلاق لاتخاااف ونزلت
احمد قال بصرااخ:مريم انا قااعد اكلمج نطري مريم
الكل طلع من الصاله على صراخه
بواحمد:احمد شفيك يبا شاف مريم الى واقفه يم الباب:على وين مريم
لفت عليه مريم:رايحه بيت اخوي مع السلامه وطلعت
الكل استغرب وتوجه نظرهم حق احمد الى واقف اول السلم
ريم:احمد شصااار
وقف لثواااني وهدهم ودخل الجناح صكر الباب
مريم بالسياره ماوقفت من البجي الا بجيها زاااد
حطت ايدها على بطنها :ماكتملت فرحتي فييك
وصلها السايق دخلت البيت شافت انوار الى بطنها كبر قاعده بالصاله وفهد يمها
لفوا عليها
انوار:هلا مريومه راحت لها مريم لمتها وقعدت تبجي
فهد:مريم شفيج شصااااير
انوار:فهد بعدين وصعدتها دارها
دخلتها الغرفه وطلعت لفهد
فهد:ماعرفتي شفيها
انوار:شكله شي جاايد انت مو شايفها شلون تبجي
بعد ساعتين دخلت عليها انوار وقالت لها انها عندها امتحان بااجر وتبي تأجله واذا تقدر تأجل لها امتحانات هالاسبوع لانها كلش موقادره تدرس
انوار ماسئلتها لانها مقدره حالتها
مر هالاسبوع على خير احمد قرر انه يخليها تهدي شوي بعدين يكلمها
مريم ماقدمت الى 3 امتحانات واجلت الباجي كانت ترووح تمتحن وترد البيت
*مريم بتقول حق احمد عن البيبي؟؟..
*شنو بتكون ردت فعل احمد؟؟
*عبدالعزيز شفيه وشل العمليه الى بيسويها؟؟..
اجاوبكم على هالاسئله بالباااارت الياي......
لاتحرموني من ردودكم
واسفه على التاخير مره ثانيه
