رد: روايه ""وش الدنيا من غير حبك ""من تأليفي "وااي شحلاتي"
في الصاله في بيت بوفيصل
_____________
نزلت دمعه فيصل بعد الكلام الى قاله لين الحين مو مصدق انها هدته وراحت
ملاك وهى تمسح دموعها:واليهال خالي وينهم
فيصل:بالمستشفى لان نولدوا قبل موعدهم ابتسم:ياحلاتهم لم اشوفهم اتذكرها احس لين الحين معاااي
ملاك ابتسمت له:ماقررت شتسميهم؟
فيصل:البنت العنود كانت تبي تسمها"جودي "اما الولد ماادري
ملاك:حلوو جودي شرايك تسميه على اسم يدي عبدالله
فيصل :حلوو
ملاك:خالي ودني بشوفهم
فيصل :خلااص باجر بعد العزا ايي اخذج
ملاك:خلاص اوكي يلا الحين رووح ارتاح لك شوي
فيصل:راايح يلا تصبحين على خير
ملاك باسته:وانت من اهله
الاب توب كان مفتوح شافت ولا عبدالعزيز كان قاعد يكلمها
عبدالعزيز:هااي
عبدالعزيز:حيااااتي وينج؟؟
عبدالعزيز:هلوووو
عبدالعزيز: ترى ازعل
عبدالعزيز:بحبك وحشتيني بحبك وانتي نور عيني دوانتي مطلعه عيني بحبك مووت
عبدالعزيز:هالاغنيه اهذاء حق عمري وحيااااتي وزوجت المستقبل ملكلك
ملاك:انا جم مره قلتك لاتقول ملكلك
عبدالعزيز : وييييييييييييينج ؟؟
ملاك:كاني ماكنت على الاب
عبدالعزيز:احبج
ابتسمت:شسوي
عبدالعزيز:لا والله
ملاك:اي والله "وحطت فيس مطلع لسانه"
عبدالعزيز:وين مو بايل شكثر دقيت محد رد
ملاك:ماادري فوق جنه
عبدالعزيز:انزين ليش مو نايمه لي هالحزه
ملاك:الصج الصج
عبدالعزيز:الصج الصج ترى الى يجذب الله مايحبه يقطه بالنار
ملاك:تستعبط:انثاالله بابا مالاح اتدب
عبدالعزيز:شاطره
ملاك:كنت ناطرتك تشبك
عبدالعزيز:مشتااااااااااااااااااااااااقتلي ها "دزله البوسه"
ملاك:لوووول
عبدالعزيز:يعنى اي
ملاك بلعانه:لاا
عبدالعزيز: لييييش؟؟
ملاك:عزوز
عبدالعزيز:عيونه
ملاك:بروح انام
عبدالعزيز:مو بكيفج
ملاك:تبيني اتعب
عبدالعزيز:يخسى التعب اييلج وانا موجوود
ملاك:اكلمك فوق اوكي برب
عبدالعزيز:تيت
صعدت الغرفه واهي لامه الاب توب مرت يم غرفه فيصل الباب كان مصكر بس الليت مفتوح
فتحت الباب شوي شوي شافته ماسك صوره وقاعد يطالعها ماحس فيها هدته وطلعت
ملاك:الله يعينك خالي
دخلت الغرفه شافت شروق ماسكه موبايلها
شروق:واااي هذا ليش جذي حنان 15 مره دااق قعدني من احلا نومه
ملاك:يبي خل ارد
شروق وهى تتثاوب:هاااج
ملاك:الو هلا
عبدالعزيز:وينج انتي
ملاك:كاااني علما صعدت فوووق
شروق:قصري صوتج بنااااااااام
عبدالعزيز:قولي لها في مليون غرفه تنام فيها
ملاك:يقولج روحي نامي مكان ثاني
شروق سحبت السمااعه:يا الحنان بسك سوالف رووح اخمد بنااااااااام افف وصكت الموبايل بكبره
ملاك:هه شفيج
شروق:انا قاعده من صباح الله بناااااااام غطت راسها بالمخده ونااامت
"شروق اكره شي عندها تقوم من النوم على سبب تاافهه "
في بيت بوفيصل بعد الغدا
______________
كلهم قاعدين بس عبير وعادل وحمنى مو موجودين دخل فيصل
فيصل:سلاام عليكم"شكله كاان حييل تعباان دشداشته معفسه حالته حاله"
الكل:وعليكم السلام
بوفيصل:فيصل يبا شلي مسوي فيك جذي
فيصل: سلاامتك يبا ماكو شي هدهم بيصعد فووق
ام فيصل::يماا فيصل تعال ابيك بموضوع
فيصل:هلا يما
بوفيصل الى كان يعرف الموضوع:اقعد وانا ابوك
فيصل الى ماكان له خلق يجاادل فقعد
"فيصل كان عملاه 28 سنه بس مو مبين عليه لانه وايد يهتم بنفسه تذكروون اول القصه لمن عبير قالت 25 كانت تبي تسكت اهل ريلها"
بوفيصل:يبا فيصل انت كبرت والى بعمرك عندهم عيال
فيصل:يبا
ام فيصل قاطعته:انا لقيت لك بنت الحلال الى تناسبك خووش بنت وتناسبك
فيصل :يما
بوفيصل عرف انه بيعارض :خلاص انا قلت كلمتي وامك كلمت اهل العروس ماعندي كلام غير هالكلام هدهم وبيطلع واهو يم الباب
فيصل قام وقف:وهالبنت ترضا انها تربي عيالي
الكل استغرب ومااستوعب الى قاله
لف عليه بوفيصل قال بعصبيه:اي عيال
فيصل:عيالي من العنود حبيبتي انا تزوجتها
الكل في حالت صدمه
راح عنده :توأم يهبلوون بنت وولد
بوفيصل عطااه كف اول مره يسويها:عصيتني خذيت بنت ابوهاا تطلقها فهمت يا تطلقها يا تنسا ان عندك ابو
فيصل وايده على ويه :تبيني اطلقها يباا مااقدر تدري لييش لانها خلااص رااحت "وقام يصاارخ "العنود رااحت مااتت حياتي راحت مااتت " وقام يهلوس"يباا هدتني وراحت قالت لي ماراح اهدك قصت علي ماقالت لي ان الحمل خطر عليها عنوده حيااتي وينج "قعد يبجي جنه ياااهل"
بوفيصل كسر خاطره ولده هذا فيصل الرياال هذا ولدي وحديدي
كل الى بالصاله كانوا قاعدين يبجون على فيصل شكله يقطع القلب كاان يحبها من كل قلبه ملاك راحت له
ملاك واهى تبجي:خالى لاتسوي بروحك جذي امش اوديك داارك قووم يت شروق ساعدتها وقوموه
فيصل:لا مابي ارووح دااري برووح عند عياالي محتاجيني الحين لف على ابوه والدمعه بعينه باس راسه وطلع
ام فيصل:يما سااره لحقيه شوفيه وين بيرووح
ساره بدون ولا كلمه خذت عبايه امها وشيلتها الموجوده يم الباب وطارت بره
بوفيصل لين الحين وااقف مكانه ماتحرك :هيا دقي على الناس واعتذري منهم هدها ودخل المكتب
يم سياره فيصل
_________
فيصل:انتوا ليش لاحقيني الحين
ساره:عفيه فيصل امش انا اوديك
فيصل:انا مافيني شي يلا دشوا دااخل
شروق:خاالي بنشووف عياالك
كلهم لفوا على شروق
ملاك:اي حتى انا مو وعدتني
ساره ابتسمت له يعنى حتى انا
فيصل:يلا امشوا وركبوا السيااره
بالحديقه بيت بواحمد
___________
مريم قاعده مع بدر وبدور
مريم:انتوا ليش كله تتهاوشون انا اعرف التوأم قلبهم على بعض
بدور:اهوا مليق
بدر يسوي روحه فااهم:انا افهمج يازوجت اختي
مريم:ترى لوعت جبدي زوجت اخي قولي مريم"طيحت المياانه معااهم"
بدر:اوكي اوكي مريم
مريم:تفضل
بدر:شنو شعورج لمن يكوون عندج نسخه كوبي منج
مريم:بالعكس ونااسه
بدر:انا ماايدج لان كلشي انتي تسوينه بتسويه تقلدج بكل شي لا مابي
بدور:بكيفك اهو
مريم:ههههه اي تعال بدر بدور ورتني تصاميمك بالفتوشوب واايد حلوين
بدر ابتسم:اي
مريم:من وين متعلم تسويهم
بدر :من النت الحين قاعد اعلم هالكمخه "يقصد بدوور"
بدور:شفتي انا ماقلت شي
مريم:بدررر
بدر:انزين انزين تبين اعلمج
مريم:ليش لا
في سياره فيصل
__________
توهم طالعين من المستشفى شافوا اليهال وينوا عليهم قالو لهم بعد اسبوع يطلعونهم
ساره:فيصل بترد معانا البيت
فيصل:لا
ملاك:عيل وين بترووح
فيصل:شقتي
شروق:عيل بني معاك
فيصل:لا
قاطعته سار:فيصل اليهال بيون بعد اسبوع شلون بتقدر تجابلهو انا عندي حل
فيصل:قوولي
ساره:انا عندي كورس صيفي وهالثنتين ماعندهم شي وباقي على المدارس شهرين نسوي شفتات كل يوم وحده تنام عندك وانا علي باغرااض البيت وكل يوم يانتعشى عندك او نتغدى بس
ملاك:لا انا بقعد عند خالي على طووول ماكو شفتات
ساره:صبر انتي فيصل انتوا مزهبين اغرااض البيبي كل شي جااهز
فيصل تنهد:اي مزهبين من 3 شهر
ساره لفت على ملاك:دقي على رقيه وقولي لها مانبي نيي
فيصل:لا بتروحون
ساره:بنزهب الشقه انزين
فيصل:يمدي مالكم شغل باقي اسبوع انا الحين اردكم البيت وكل وحده ترووح المكان الى تبيه باجر تعالو عندي الشقه
الكل:بس
فيصل:خلاااص عاد
وصلهم البيت وراح
دخلوا البيت عبير كانت قاعده مع امها بروحهم بالصاله
ام فيصل:ها شصاار
ساره قعدت:ولا شي ودانا نشووف عياله
عبير:وين بيقعد
ساره:بشقته الى كان ساكن فيها بنرووح نقعد عنده
عبير:مو كلكم
ساره:لاعبير كل يوم وحده
عبير:ابوي وينه
ام فيصل:من اول ماطلع فيصل واهو بمكتبه
رن موبايل عبير:اي عادل انزين الحين اقولها مع السلامه "تكلم شروق"روحي بدلي بسرعه ابوج ناطرج بتروحون
شروق:انزين يلا مع السلامه
الكل:مع السلامه
ساره:ملووك يلا قومي لبسي خنرووح الساعه جم
ملاك تطالع ساعتها:6 الاربع
ساره:انزين قومي لبسي انتي يبيج سنه علما تلبسين
ملاك:زين زين كا قمت وراحت
ساره:يماا ملاك تقوول بتقعد عند فيصل على طوول وانتوا تعرفون شكثر متعلقه فيه اخاف المشكله تطول لين تبدي المداارس واهى اخر سنه اخاف يأثر هشي على دراستها
عبير:لا انشاله بنحل المشكله قبل بداايه المداارس
ام فيصل:انشالله
في غرفه ملاك
_____________
كانت قاعده تكلم عزوز وتلبس
ملاك:عشان جذي برووح اقعد عنده
عبدالعزيز:الله يعينه فيصل مايستاهل
ملاك:عزوز مابي احد يدري
عبدالعزيز:لا والله لي هالدرجه مو واثقه فيني
ملاك:امبله بس
قاطعها:خلااص انزين
ملاك بتلطف الجو:وااي عزوز يهبلون اليهاااال "قعدت تقوله شلون يبجون وشلون يضحكون وشلون لمن فيصل شالهم"
عبدالعزيز ضحك على حماسها شكثر تحب اليهال
ملاك:يلا انا بلبس
عبدالعزيز:اوكي قلبي احبج
ابتسمت:باااي
شوي ولا رقيه تدق:يلا وينج
ملاك:تو الناس
رقيه:اي تو الناس ملوك بسرعه عندج ربع ساعه
ملاك:مايمدي لين الحين مالبست
رقيه:بعد 5 دقايق عشان هالحنان الى يمي"تقصد عبدالعزيز "
ملاك:ههههههه ماارضه
رقيه:اقووول طيري يلا بسرعه باااي
ملاك:هه باي
راحت خذت لها شور ولبست تنوره بيضه قصيره توصل لين الركبه ولبست فوقه بلوزه ليموني ملاك شعرها طويل يوصل لين اول ظهرها كيرلي ولبست فلات ليموني حطت لها مكياج خفيف طلعت حيل كيوت
دخلت ساره:شكلج بتصكين على الكل
ملاك:هههه شدعوه ساره
ساره كانت جينز مع تي شيرت اخضر طويل يوصل لين اول خصرها وفيه ربطه تحت الصدر ورافعه شعرها بشكل عشواائي ساره جسمها واايد كان حلو طويل كانت حاطه ميكاج خفيف ماتحب تحط واايد مك
في بيت بواحمد
_________
مريم كانت قاعده بالجناح متملله ماتدري شتسوي دخلت ريم
ريم:شقااعده تسوين؟؟..
مريم:اطاالع فلم تاافهه
ريم قعدت يمها:اممم قومي نروح عند حنان بشقتها
مريم:ماادري مالي خلق
ريم:مو بعيده شقتها عاادي
مريم:اوكي ثواني البس وايي
في بيت بوعبدالعزيز
_________________
توهم واصلين
رقيه وهى يم الباب:اهلللللين سلمت عليهم ودخلتهم
ساره:في احد بالبيت
رقيه:لا ماافي احد كلهم طالعين
ساره:عيل برووح افصخ عباااتي
رقيه:اوكي كا هناك
ساره اوكي وراحت
رقيه:ملاك
ملاك واهى تفصخ عباتها تحطها بالجنطه:هممم
رقيه بابتساممه خبيثه:ودي اصرج واويه الصوره طالعه قمر اليوم
ملاك حمرو خدودها:اذبحج
رقيه:هههههه
كان نازل من على السلم وقف يشووف هالملاك الى واقف جداامه
سااره قاعده تعدل مكياجها خلصت لفت ويهاا على صوت رنه موبايل بسرعه دخلت ورا الباب
اهنى استوعب شنو كان قاعد يسوي رد على موبايله:انزين عزوز كاني ياي بااي
قرب من يم الباب:اسف بي ماقدرت
ساره عصبت:انت ماتستحى على ويهك
قال:لا مااستحى يلا باااي
ساره:روحه بلا رده
طلعت من ورا الباب وقلبها قاعد يطق بقوه
قال:بس بغيت اتأكد من شي وراح
ساره نطت من الخرعه:واااي رقيه قالت مافي احد
اكيد بتعرفون هذا منو.... نطرووا شوي
دخلت ساره الصاله واهي سرحانه
ملاك:شفيج سااره
ساره:ها لا مافيني شي "رن جرس البيت وكانوا حور ونور "
في سياره عبدالعزيز
_______________
عبدالعزيز:ها دكتور بتروح معااي الحدااق
قال:لاحبيبي لا انا رايح ولاانت
عبدالعزيز:وليش انشاله
قال:بس منت رايحه دق عل ربعك قولهم منت ياي
عبدالعزيز:نواف شفيك ليش انزين
نواف:عزوز بترووح روح بروحك انا مابي اروح
عبدالعزيز:اوكي ولد الخاله انشاااله
"نوااف ولد خاله عبدالعزيز امه وابوه متوفين واهو صغير اهو اخوهم بالرضااعه فعااش عند خاله ساافر كندا يدرس طب عمره 26 وتوه رااجع حنطاوي طويل وجسمه ريااضي "
عبدالعزيز بعد ماكلم ربعه:وهذا كلمتهم وين تبي نرووح ؟؟..
نواف :ماادري اي مطعم
عبدالعزيز:اوكي
في بيت يد شروق
__________
كانوا كلهم قاعدين بالصاله
ام غرام:الا شروق وين امج ليش مايت
شروق:تعبانه شوي
ام غرام:سلامتها
دلال تهمس لشروق:ملل اهني امشي نرووح نتمشى بالحديقه شوي
شروق:اوكي يلا
واهم بالحديقه
_________
دلال :اي ماقلت لج على بيتزوج
شروق لفت عليها :لييش توه صغيير
دلال:اي انا قلت له هالكلام عمره توه 20 بس يقول بس ملجه
شروق نزلت راسها:الله يوفقه
يه على بويهم وغمزت له دلال
على:شلونج شرووق
شروق مبين عليها انها متضايقه:الحمدالله اي صح مبرووك
على ابتسم بخبث:الله يبارك فيج قالت لج
شروق:اي قالت لي
دلال: تعالوا خنقعد اهني
على:اوكي
شروق قعدت مابغت تبين لهم شي
دلال:اي على شروق تقول لك توك صغير على الزواج
على :صج شروق
شروق:كيفك هذا شي راجع لك
موبايل دلال رن وراحت
على:ماقلتي لي منو سعيده الحظ الى باخذها
شروق حست روحها مخنوقه:منوو انا اعرفها
على:ها اي تعرفينها من الاهل
شروق ماكانت تدري ليش ودها تعرف منو:بنات عمي يعنى
حركت راسها بمعنه اي
شروق:الله يوفقك
على:عرفتي منو
شروق:ماادري على عن اذنك برووح
على :وين؟
هدته ومشت حست عينها غورقت بتبجي
على من وراها:اسمها شرووق
وقفت شروق :هذا شقاعد يقوول لفت عليه لاشعوريا
ابتسم:وابي اعرف اذا اهي موافقه ولا لا عشان اقول حق امي تخطبها لي
سرعت خطواتها ودخلت دااخل على طول على الحمام"وانتوا بكرامه"
تمت تطالعها ويها بالمنظره لثواااني:صج الى قاله ولا قاعد يتغشمر يعنى اخيرا حس فيني اهو يبادلني نفس الشعوور بس شلون انا ماحسيت فيه ابتسمت بس انا لازم اثقل شوي بعدين شنو يخطبني تو الناس حست بشعووور حلوو اول مره تحس فيه
دقت على ملاك
ملاك:اهلين
شروق:ملاااك قالها
ملاك باستغراب واهي تطلع من الصاله:منو
شروق:منو يعنى قالي انه يبني
ابتسمت:علي
شروق:اي
ملاك :هههه ثقلي شوي
شروق:افا عليج يلا باااي اشوفج بليل
ملاك:بااااي
صكرته منها:واخيرا...... شافت السلم "ودي ادخل دااره اشوف شنو فيها"طلت بالصاله شافت البنات لاهين وصعدت فوق
دخلت دااره كانت عفيسه بمعنى الكلمه هدووم على الارض على السرير تحت العلاق"تعرفون الصبيان"شافت لاب توبه على السرير
ملاك:هذا الى ابيه
قعدت على السرير وفتحته :افففف حاط باسورد
كتبت اسمها ملاك بالعربي وبالانجليزي مانفع كتبت اسمه هم نفس الشي كتبت111 جان يفتح
ملاك:لا ذكي
قعدت تتعبث شوي مالقت شي يلفت الانتبااه صكرت الاب توب وقامت راحت صوب المكتب قعدت تتعبث بكتبه لفت ويها شافت بتطلع شي خلها توقف مكانها
عبدالعزيز وهو ياكل عنب ومبتسم
انحرجت ويها صاار احمــــــــر
عبدالعزيز والابتسامه شاقه حلجه :قمر قمـــــــــــــــــــــــــر
استوعبت ملاك انها مو لابسه حجابها ولابسه قصير ركضت بسرعه بره
عبدالعزيز قط روحه على السرير:احبببببببببببببببببها
في الصاله
_______
دخلت الصاله واهي سرحانه تذكرت كلمته الى عشقتها:احبها وانا بعد اموت فيك
دزت له مسج :انا بعد وراحت قعدت مع البنات
مرت الاياام وبدت المدااارس واليوم اول امتحاان للفتره الاولى
____________________
مريم:زااد حبها لاحمد تعلقت فيه واايد
شروق:على كان يدز لها مسجاات ونادر ماترد عليه
ملاك:قاعده عند فيصل وكل يوم وحده يا ساره او شرووق ينامون معاها
فيصل:تحسن وضعه شوي بس لين الحين متضاايق
في بيت بو احمد "بجناح مريم"
_________
الساعه 9 مريم قاعده تدري عليها امتحان كيميا تدروون اخر سنه واايد صعب
كانت لابسه برمودا جينز مع تي شيرت رصاصي مكتوب عليه بالفضي ورافعه شعرها بشكل عشواائي قاعده على الكنبه الى بالصاله والقلم بحلجها
دخل احمد يا صوبها وباسها:شلونج؟؟
مريم وشوي تبجي:مو زينه اختك ماخلتني ادري الساعه 9 وباقيلي فصلين
احمد:ههه
مريم:ليش تضحك والله شكلي بزفت بااجر بسبتها
احمد:هههههه
مريم:حمود ليش تضحك
احمد:على شكلج
مريم ارقووز جداامك
احمد يه قعد يمها:لا حيااتي انزين شكثر بااااقيلج
مريم "احببببببببببببببببببك":همم اي كل هذا
احمد:اروح ابدل وايي اساعدج ثوااني ودخل الغرفه
مريم بصوت عالي:تعشييت
احمد واهو داخل الغرفه:لا
مريم:شنو تبي اسويلك
احمد طلع :ولا شي انتي شنو مشتهيه
مريم:لا احمد ثواني اسوي لك شي على السريع
احمد:نو نو نو انا مشتهي بيتزا شتبين
مريم :كيفك وحطت الكتاب بحضنها
احمد:اطلب من بيتزا هت
مريم:انا مابي بقوم اسوي لي نس كافيه
احمد:موبكيفج
طلب ولحقها المطبخ
احمد:واحنا شقلنا
مريم:حمود شسوي مو قادره اركز
احمد سحبها وقعدها على الكبيه بالصاله ومسك الكتااااب ثواني جان يقطه :تدرسين كل هذا
مريم:شفت
احمد:انزين شوي شوي اول شي درسي اصعب شي عشاان على اخر اليوم ماراح يكون لج خلق
مريم: صح كلامك
في شقه فيصل
___________
ساره يت تقعد مع اليهاال لان ملاك عندها دراااسه
ساره وهى تلعب مع جودي:واااااااااي قمر طالعه على عمتج وباستها
ملاك تطلع من الغرفه وهى شايله عبود
ساره:هذا شقعده توني منومته
ملاك تبوسه:حيااااااااتي
ساره:باجر بيب الخدامه تنظف الشقه
ملاك تحط عبدالله بحضنها:خالي مايرضه
ساره:منو ينظف لكم عيل
ملاك:يوم انا يوم اهو
ساره:هههه فيصل نكته
ملاك:ليش مايبتي شروق معاج
ساره:قاعده تدرس
ملاك:مو متعوده ادرس بدونها
ساره وهى متردده:اقول ملوك
ملاك الى عبدالله بايد والكتاب بايد:هممم
ساره:رقيه ماعندها اخو الا عبدالعزيز
ملاك:اي بس عبدالعزيز
ساره:محد سااكن معاهم بالبيت غيرهم اهم الثنين
لفت عليها:امبله في
ساره بسرعه:منوو
ملاك:عمي وعمتي
ساره بخيبت امل:حلفي
ملاك:هههههه لا في ولد خالتهم نوااف
ساره:اها
ملاك:وليش تسألين؟؟
ساره تغير الموضوع:شلون قاعد معاهم ورقيه
ملاك:اخوها بالرضااعه
ساره:اها
ملاك:قولي سارووه شصااير
ساره:ها لا ولا شي
دخل فيصل وهو ياخذ جودي من ساره:سلااام
الكل:وعليكم السلام
ملاك بهمس:ناطرتج تقولين؟؟
فييصل:ها شلونكم
ملاك:تماام عال العال
فيصل:انتي مو عندج امتحان
ملاك:اي
فيصل:وليش ماتدرسين
ساره:شدراني عنها ماسكه هذا وقاعده
ملاك تبوسه:ويي فديت هذا تدري خالي انا حجزته من الحين
فيصل ياخده منها:شفت بابا البنات يلحقونك من الحين
ملاك وساره:ههههههه
*نواف تعلق بساره مثل ماصار فيها؟؟
*فيصل ابوه بيرضه عنه؟؟..
*مريم شبيصير بعلاقتها باحمد؟؟
وهذا البارت اليديد
ردودكم وتفاعلكم معاااي
