انا يديده بالمنتدى وحبيت اجرب حظي وانزل روايه
انا كنت منزلتها بمنتدى ثاني بس بصراحه المنتدى حيل ميت ومايساعدون كلش ( بدون ذكر اسم المنتدى )
وبصراحه حبيت هالمنتدى وايد احسكم على قلب واحد
اتمنى من كل قلبي اكون عضوه خفيفه عليكم وما اقصر معاكم بشي .. احب الكاتبات هني وايد واتابعهم اول باول مثل ريزيز ( قصصها ولا اروع مشالله ) واتمنى استفيد منها
وحبيت قصص همسات حالمه بعد ( ادري قرقرت وايد ههههه سامحوني )
اخليكم مع القصه الحين
تعريف بالشخصيات
كليه العلوم الساعه 9 الصبح
عهود : يالله عذاري خلصينا .. لا تسوين روحج شاطره وايد .. يالله ترا كلنا بنطلع
عهود
العمر : 22 سنه
الصفات : بنت فري حيل
المواصفات : عادية الملامح
عذاري : امبييي ما يصير جذي تطوفنا المحاضرة .. مابي روحو انتو
عذاري
العمر : 20 سنه
الصفات : متحفظة اهلها شوي صاكين عليها , وما تطلع الا بالبريك مال الجامعه وبدون علم اهلها
المواصفات : جميله بمعنى الكلمه
عهود :راح تيين يعني راح تيين .. شيقعدج بروحج .. يعني بتقعدين تجابلين الدكتور مع صلعته
عذاري : ههههههه .. عاد شحلاتها صلعته
عهود : فكينا زين .. يالله امشي .. البنات ناطرينا بمبنى 3
عذاري : يااااربي شكثر اعاني .. مالي خلق امشي
عهود : يالله قومي بلا دلع
بمبنى ٣
دلال : مو جنه اتأخرو ؟؟
دلال العمر : 21 سنه
الصفات : متحفظة بس مو حيل مثل عذاري , يعني عادي اهلها يخلونها تطلع بس لازم تستأذن منهم الاول
المواصفات : حلوة وخاصه عيونها
شهد :لا يكوون هونو .. دقي دقي عليهم
شهد
العمر : 22 سنه
الصفات : فري بس مو حيل وايد
المواصفات : مو حلوة بس جذابه شوي
دلال تتصل
دلال : هاا عهووود وينكم , اي يالله مو تطولين , باي
شهد : هااا وينهم
دلال : كاهم يايين
بعد خمس دقايق وصلو عهوود وعذاري
عهود : هااا وين بتقزون اليوم ؟؟
شهد : نروح نتريق بعدين نروح البحر
عذاري : لا ما نبي نتأخر
عهود : وااااي على حنتج يالعيووووز .. لا تخافين ماراح نتأخر
دلال : يالله انا بروح مع شهد.. وعذاري تروح مع عهوود
عهود : يالله مشينا
" عهود "
عهود : عذاري شوفي اليوكن اللي يمنا
عذاري : شفيها ؟؟
عهود : مو جنه هذا بو حواجب اللي معانا بالكليه ؟؟
عذاري لفت ويها وطالعت : اي هذا ناصر .. منو هذي اللي معاه ؟؟
عهود : شنو ما عرفتيها ؟؟ هذي دلال اللي معانا بالكليه
عذاري تصرخ : شافتنا شافتنا
عهود : ختشوف شسويلها
عذاري : حرام تفشلت
عهود : وليش ؟؟ لا يكون عبالها يهال بنروح نفتن عليها بالكليه .. اشوا لقيت مصفط
عذاري : امبي هالمكدونز كله زحمه حتى الصبح .. صج الشباب فاضيين .. ماكو شغل
عهود : شنو الساعه 11 الحين .. كاهم دلال وشهد
بالمطعم
البنات قاعدين ياكلون
دلال : ويع شوفو اللي جدامنا .. المايونيز كله بحلجه
عهود : الله يقطع ابليسج .. لوعتي جبدي
الصبي يأشر حق عهود تفتح بلوتوثها
عهود : شيخربط هذا
شهد : يالخبله فتحي بلوتوثج
عذاري : ويع ويع .. من صجج بتكلمينه
عهود : اي اكلمه ليش لا
الصبي يأشر : فتحيه يالله
عهود : فتحته .. انا جلاكسيه
دلال : استغفر الله .. الله لا يبلينا انشالله .. شكله ارف
عهود : كاهو دز رقمه .. قطيعه حتى رقمه يلوع الجبد .. ههههه سيفت رقمه بو مايونيز
شهد : خخخخخ .. حرام عليج .. عذاري شفيج جذي .. فيج مرض التوحد
عذاري : تأخرنا عالمحاضرة
عهود : شنو تأخرنا .. باقي ساعه ونص عالمحاضرة شفيج
عذاري: لا ماقدر بروح الحين
:عهود اوكي يالله قومو
كلية العلوم الساعه 3 العصر
عهود : حلفي انج فهمتي ؟؟
عذاري : والله فهمت .. شنو سهل
عهود : اي سهل اي بطيخ .. والله راسي صار هالكبر
عذاري : ها بتروحين البيت ؟؟
عهود : اي بروح .. يالله تبين شي ؟
عذاري :سلامتج
عهود : الله يسلمج .. مو تنسين تدقين علي .. وسلمي عالبنات
عذاري : اوكي
باليرموك
عهود اصفطت سيارتها ودخلت البيت , لقت امها لابسه ترننق وماسكه السويج وبتطلع
عهود : ها طالعه ؟
امها : اي بروح النادي تاخرت .. يالله باي
عهود : باي
عهود ادخلت غرفتها وقطت روحها عالفراش وقعدت تفكر " هذي حاله بعد , ابوي كله مسافر وامي كله طالعه , وما عندي لا اخوان ولا خوات"
فجأة ادخلت الخدامه واقطعت تفكيرها : ماما عهود .. مايبي غدا
عهود : لا مشكورة مابي
حطت عهود راسها عالمخده ونامت
الساعه 7 المغرب
يرن تلفون عهود
رقم غريب
عهود : الوو
بالخط الثاني : هاا عهود حبيبتي .. سوري ما كان عندي رصيد ودقيت عليج من رقم ولد خالتي .. وينج
عهود توهقت لانها تكلم وايد شباب وما تدري منو معاها
عهود : هااا
الخط الثاني : شفيج
عهود : لا ولا شي بس نايمه
الخط الثاني : اوكي اخليج .. اذا قعدتي دقي على رقمي اوكي
عهود بقلبها " انا خل اعرف منو انت عشان ادق على رقمك " : اوكي
قامت عهود من الفراش ودخلت الحمام وخذت شاور سريع
واهيا طالعه رن تلفونها
" بو مايونيز يتصل بك "
عهود : ويييييييييييه هذا نسيته .. الووو
الخط الثاني : هلا والله
عهود : هلا فيك
الخط الثاني : منو معاي ؟؟
عهود : منار
الخط الثاني : عاشت الاسامي اخت منار
عهود : عاشت ايامك .. حاضرتك عندك اسم
الخط الثاني : اي قلبي ... ويييي آسف اطلعت بالغلط
عهود : لا عادي
الخط الثاني : الا ما قلتيلي عادي اقولج قلبي
عهود " ويع هذا نظامه نظام يهال " : اي عادي
الخط الثاني : معاج مشاري
عهود : عاشت الاسامي
مشاري : عاشت ايامج .. الا ما قلتيلي منورة انتي جم عمرج
عهود :18 سنه
مشاري : وييي انا اكبر منج بسنه
عهود : صج ؟
مشاري : ايي .. انتي بالمدرسه
عهود : اي انا ب12 آخر سنه
مشاري : امبي وناسه نفسي
عهود " ويييييييييييع شالقراده " : صج
مشاري : اي .. انتي ادبي ولا علمي ؟؟
عهود : لا علمي
مشاري : ونااااسه .. عيل اذا مو فاهم شي ابيج تعلميني
عهود : اها
مشاري : وين واصلين بالفيزيا ؟
عهود توهقت : هاااا
مشاري : شفيج
عهود : يعني ماكو سوالف الا عن المدرسه
مشاري : شسوي انتي سولفي
عهود : انت شنو عمرك 19 وليليحين بالثانوية
مشاري : ايي الله يسلمج انا كنت ساقط مرتين
عهود : اهاا .. دوووم انشالله
مشاري : شنووو
عهود : ولا شي
وصل مسج من عذاري
مشاري : هااا منو دازلج مسج .. من اوله جذي
عهود " اقول اقلب ويهك هذا اللي ناقص يهال ويتكلمون " : شنوو
مشاري : من منو المسج ؟
عهود : دقيقه خل اشوووف
عهود قرت المسج : " عهووود مو تنسين تدرسين حق باجر "
عهود : ويييييييييييييييه شلون راح عن بالي
مشاري : شفيج ؟؟
عهود : لا ولا شي
مشاري : اي كملي
عهود : لا انا مشغوله الحين بعدين اكلمك
مشاري : خوووش تصريفه .. اوكي ادق عليج بوقت ثاني
عهود : اوكي باي
وسدته بدوون لا تسمع رده
وبسرعه فتحت كتابها ودرست
والساعه 3 الفير حطت راسها ونامت
" عذاري "
كلية العلوم الساعه 3العصر
عهود : حلفي انج فهمتي؟؟
عذاري : والله فهمت .. شنوسهل
عهود : اي سهل اي بطيخ .. والله راسي صار هالكبر
عذاري : ها بتروحين البيت ؟؟
عهود : ايبروح .. يالله تبين شي ؟
عذاري :سلامتج
عهود : الله يسلمج .. موتنسين تدقين علي .. وسلمي عالبنات
عذاري : اوكي
عذاري تتصل على سايقهم : راج تعال اخذني من الجامعه
راحت عذاري اقعدت بالحديقة , ولا واحد امقابلها لابس دشداشه وغتره وشعره طالع من الغتره
عذاري " ويع مالقى الا يقعد مقابلي .. المشكله شكله كلش ما يساعد "
الصبي يأشر حق عذاري : 665
عذاري : اقول طير احسلك
يرن تلفونها
عذاري : وينك .. اوكي كاني يايه
الصباحيه
ادخلت عذاري البيت لقت امها وسلمى اختها عمرها 16 سنه
الام : شوووووفو شكثر الملابس .. تعبت منكم والله تعبت
عذاري : يمه في غدا ؟
الام : اوووووه ... جان كليتي من الجامعه ..ذبحتوني والله العظيم .. ومو تنسين تغسلين الملابس .. وسلمى اكووويهم
سلمى تصرخ : يعني الواحد يكوي ولا يدرس .. مو حاله هذي .. لو ابوي عايش جان عشنا احسن عيشه
الام تصرخ : وليش انا شمقصره معاج انتي واختج واخووج .. حسبي الله عليكم من عيال .. الله ياخذني انشالله وافتك منكم
عذاري شوي وبتنفجر : انا رايحه غرفتي
بغرفة عذاري
عذاري بدلت ملابسها
يرن تلفونها
" حمود حبيبي " يتصل بك
عذاري : هااا حبيبي
محمد : هلا قلبي .. ها رجعتي من الجامعه ؟
عذاري : اي
محمد : تغديتي ؟
عذاري : اي
محمد : بالعافية .. انزين حياتي وينج طول اليوم مادقيتي ولا سألتي عني
عذاري : كنت مشغوله شوي
محمد : افا .. مشغوله عن حبيبج
عذاري : آسفة .. خلاص ماعيدها
محمد : لا حياتي عاادي .. شنو بتسوين الحين
عذاري : بنام شوي وارتاح
محمد : اووكي نامي واذا قعدتي دقي علي اوكي
عذراي : اوكي
عذاري " ياليت اقدر انام , والله لو تدري اني برووح اغسل الملابس , الله كريم "
فجأة دخل عليها اخووها جاسم عمره 19 سنه
جاسم : عذاري ابي فلوس
عذاري : امس معطتك خمسه
جاسم : خلصووو
عذاري : اوكي افتح بوكي واخذ خمسه
جاسم : انزين
راحت عذاري خذت الملابس وغسلتهم وعلى ما خلصت الا الشمس غابت
" ويييييييييييييه مالي خلق ادرس حق امتحان باجر , خل ادز حق عهود مسج واذكرها "
الساعه 9 بالليل
يرن تلفون عذاري
عذاري : هلا حمود
محمد : عذاري لي متى جذي .. يعني متى بشوووفج
عذاري : الاسبوع الياي
محمد : صارلج شهرين تقوليلي الاسبوع الياي .. ما صارت .. والله مشتاقلج
عذاري : خلاص قتلك الاسبوع الياي
محمد : انزين انزين .. يالله انا بنام باجر وراي دوام .. تبين شي ؟؟
عذاري : لا سلامتك
محمد : باااي
عذاري " والله لو تعرف ضروفي جان عذرتني "
حطت عذاري راسها عالمخده وماتت
اتمنى عجبكم البارت
وانشالله اشوف ردود حلوة
