روايه >> هالدنيا غريبه[ روآيه مسمُوح بهآ ]

[بندول للصداع]

الله يعافيج حبيبتي

مشكورة على مرورج الحلوو :eh_s(7):

 

[توتا كويتيه]

متى البارت حبيبتي

 

[بندول للصداع]

هلا حبيبتي
انشالله البارت باجر

 

[توتا كويتيه]

ننطرج حبوبه

 

[بندول للصداع]

6

:aha:


" الصباحيه "


جاسم : عذاري .. ابي فلوس
عذاري : ما عندي
جاسم : شنو ما عندج
عذاري : يعني ما عندي .. من وين اييبلك
جاسم طلع وصك الباب وراه


عذاري تكلم محمد بالتلفون

محمد : حياتي تدرين شكثر احبج
عذاري : وانا بعد اموووت فيك

عذاري تسمع صوت صراخ بالصاله


عذاري : حبيبي شوي وادق عليك



بالصاله

جاسم : ابي فلوس
الام تطق نفسها : الله ياخذني انشالله وافتك منكم .. حسبي الله عليكم من عيال
جاسم يصرخ : انزين ليش تصرخين .. حشا كاوليه مو مره
عذاري : جاااااااااااااااااسم .. احترم نفسك .. هذي امك .. شلون جذي تكلمها
جاسم : اقول انتي يالمثاليه .. ترا حدي مالي خلقج .. انا طالع وهادلكم البيت


جاسم طلع وصك الباب حيل وراه


" اليرموك "


عهود " هذا وينه ليش ما دق .. ادق عليه ولا لا .. انا شفيني جذي .. لا يكون احبه .. لا شكوو بس اتعودت كل يوم يدق "


عهود راحت الصاله لقت ابوها قاعد

الابو : هلا بنيتي حبيبتي .. تعالي قعدي يمي

عهود اقعدت يمه

الابو : شفيج يبا .. ناقصج شي .. تبين شي .. محتاجه .. قولي لا تستحين
عهود : لا يبا مشكور مو ناقصني شي
الابو : ها عيل شفيج ؟؟ ليش قاعده بالبيت ؟؟ روحي طلعي استانسي
عهود : لا يبا مليت من الطلعه
الابو : انزين حبيبتي انا برتاح الحين لان وراي سفر باجر
عهود : اوكي .. انا رايحه غرفتي


يوم السبت الساعه 3 الفير في بيت عذاري

الام : وينه اخوووج تأخر
عذاري : قاعده ادق عليه ما يرد
الام : بتيننوني والله
عذاري : اكيد تلقينه مع ربعه الحين .. انتي بس لا تحاتين


شوي ولا يدش جاسم


الام : انت ويييينك ؟؟
جاسم واهوا يحط ايده على شفايفه : اووووش .. شنوو شقاعده تقولين
الام راحت مسكته من جتفه : شنو انت سكران
جاسم مسكها : وخري عني
الام : حسبي الله عليك من ولد
عذاري راحتله : جاسم شنو هذا .. شنو انت وين كنت
جاسم دزها : وخري عني .. تعبان حدي وبنام
الام تصرخ : تعاااااااااال هني وكلمني
جاسم : روووحي زين ( راح وصعد )
عذاري: خلاص يمه .. خليه الحين ومن اصبح افلح
الام تصرخ : جااااسم اقووولك انزل
عذاري راحتلها : يمه هدي خلاص .. باجر انا اكلمه


" الجابريه "


دلال : امبييييي .. الساعه 3 الفير .. والله ما حسيت بالوقت
عبدالله :ايي والله .. حتى انا .. تصدقين ان سوالفج ما تنمل
دلال : مشكوور
عبدالله : العفو .. ولو
دلال : انت متى تتخرج ؟؟
عبدالله : هالسنه آخر سنه انشالله
دلال : انشالله


" العديليه "

سالم : شهووووووووووووووده
شهد : ويعاااااااااااااا
سالم : تكفييييييييييييين .. درسيييييييييني
شهد : شنو اي ماده
سالم : فيزيا
شهد : لا تقول ان السنه اليايه بتدش علمي
سالم : ايي بدش .. ليش
شهد : شنو ليش .. انت وين والعلمي وين
سالم : اقوووول .. لا تغلطين
شهد : شنو لا تغلطين .. خو هذا الصج


يرن تلفون شهد

" فهوودي يتصل بك "

شهد ردت : هلاااا بشاير شلووونج
فهد : ههههه .. حلوة منج .. آخر عمري اصير بشاير
شهد : اييي انا قاعده مع الاهل الحين
فهد : اوكي حياتي .. بس بغيت اقولج ان رايح الحين
شهد : اوكي .. دربالج

فهد : اموووت فيج
شهد : وانا بعد
فهد : تبين شي ؟؟
شهد : سلامتج
فهد : والله ما ودي اخليج
شهد : وانا بعد
فهد : يلا .. بيباي قلبي
شهد : باي


" كليه العلوم "




عبدالله : دلال .. دلال
دلال : هلا
عبدالله : وينج ؟؟ قاعد ادق عليج مغلق
دلال : تلفوني مافيه شحن .. آمر شبغيت ؟
عبدالله : تغديتي
دلال : لا
عبدالله : انزين امشي نتغدا
دلال : وين ؟؟
عبدالله : امشي فريج صويلح
دلال : اوكي .. الحقك بسيارتي
عبدالله : اوكي






بالكلاس


عذاري : يعني خلاص بتكلمينه ؟
عهود : مادري بحاول
عذاري : شتحاولين فيه .. كلميه بروحه شالمشكله
عهود : المشكله اني مو متعودة استأذن من احد قبل لا اسوي شي
عذاري : عادي .. تعودي
عهود : نطري بوريج صورته
عهود امسكت تلفونها واقعدت تدور بالصور
عذاري : يالله وين
عهود : كاااا .. شووفي
كان فيصل بالصورة قاعد عالبحر , وشاق الحلج من الضحكه
عذاري : واااااااي حده كيوت .. غمازاته شحلاتهم
عهود : اييييي والله شحلاتهم .. اقول عذاري شفتي المسلسل اللي قتلج عنه ولا لا ؟
عذاري : لا ما مداني
عهود : ليش يالمليقة .. شوفيه والله يبجي
عذاري : وييييييه .. مو فاضيه حق هالمسلسلات التركيه .. اللي كل مسلسل مليون حلقة


الدكتور : بناااااات .. انا اموت واعرف عهود وعذاري كل يوم يسولفون عن شنو
البنات يضحكوون
عهود بصوت خفيف : يا ملقك
عذاري : دكتووور يعني حرام نسولف
الدكتور : لا مو حرام .. بس بره الكلاس .. انتو الثنتين مشالله عليكم من الصبح قرقه
عهود : دكتور الحين الساعه وحده ونص الظهر .. وين الصبح
الدكتور : انزين هدوووء





" مطعم فريج صويلح "



عبدالله : اكلي شفيج
دلال : مافيني شي .. كاني قاعده آكل
عبدالله : يا حلاتج والله
دلال ساكته
عبدالله : شنو مستحيه ؟
دلال : لا
عبدالله : فديت اللي يستحون والله .. اخذي هاللقمة من ايدي


يرن تلفون دلال
دلال : هلا شهد ..انا مع عبدالله .. بعدين اقولج .. باي
عبدالله : شفيها ؟؟
دلال : ماكو .. بس داقه تسأل عني
عبدالله : انزين دلوله
دلال : هلا
عبدالله : تحبيني ؟؟
دلال : اي
عبدالله : حياتي والله .. ويييييييه بسرعه مر الوقت .. الساعه وحده وشي
دلال طالعت ساعتها : ويييييييييييه .. شلون نسيت .. يالله انا ماشيه
عبدالله : وين
دلال قامت بسرعه : بآخذ عمور أخوي من المدرسة
عبدالله : انزين نطري شوي
دلال : ماقدر ماقدر
عبدالله : انزين دقي علي




دلال راحت





مدرسة عمر


المدرسة فاضية


عمر حاط راسه على الجنطة وشكله لا تعليق


دلال تطق هرن


عمر دخل السيارة


دلال : تأخرت عليك ؟؟
عمر : شرايج ؟؟
دلال : آسفة عمور والله مو قصدي


عمر سرحان وبعالم ثاني


دلال " شفيه هذا الحمدالله والشكر .. الله بلاني بأخو مو صاحي "




عالغدا



دلال طالعت الطاولة


صحن عيش
عدسدقوس
سلطة



الابو : اكلو شفيكم


دلال شبعانه ومتحسرة على الاكل اللي ما كلته في فريج صويلح " فرق بين هالاكل وهذاك الاكل "


عمر : انا جم مرة قايل لا تسوون عدس عالغدا .. شنو قاعدين بسجن
الام : انشالله حبيبي .. انت قولي شنو تبي قبل لا تروح المدرسة عشان اسويلك
الابو : طاع هذي .. مدلعته بعد .. يعني شفيه العدس .. مو نعمه
عمر : ماما .. متى الوعد ؟
الام : اي وعد ؟؟
عمر : لابتوب
الام : انجح بعدين يصير خير
عمر : كلها جم شهر ونخلص المدارس
الابو : عاد هالله هالله بالنتيجه الحلوة
عمر : انشالله يبا
دلال : الحمدالله
الابو : وين يبا .. ما اكلتي ؟؟
دلال : شبعت




غرفة دلال


دلال منسدحه بالفراش


وتطالع السقف


وتفكر


وفجأة


غفت


ونامت






" العديليه "




عالغدا



سالم : شهوود .. عطيني السلطة
الابو : عاد اليوم ياني بو حمد
الام : عاد انا بو حمد خبري فيه من سنتين
الابو : اي تذكرين ولده حمد ؟
الام : ايييي .. يا حليله .. مؤدب وتكانه وخوش واحد
الابو : اي عاد ياني يطلب ايد شهوده


شهد هدت الاكل



الام : حق منو ؟
الابو : حق منو بعد .. حق ولده حمد
شهد قامت : الحمدالله
الابو : وين ؟
شهد : رايحه غرفتي





غرفة شهد


شهد قاعده بفراشها


وحواليها كله اوراق


وقاعده تلعب بشعرها





دخل عليها ابوها


الابو : هاا يبا .. قاعده تدرسين ؟
شهد : اي
الابو : شفيج بابا قمتي من عالغدا ؟
شهد : شبعت
الابو قعد يمها : شنو بابا .. انتي ما تبين حمد ؟
شهد ساكته
الابو : عاد الولد خوش واحد وما يتطوف
شهد : بس انا مابي اتزوج الحين .. تو الناس
الابو : شنو تو الناس .. خلاص انتي كبرتي .. لي متى كلما يتقدملج واحد ترفضينه
شهد ساكته
الابو : خلاص بابا على راحتج



الابو طلع




وشهد قعدت تتذكر



اهيا وفهد


قاعدين عالبحر


ويسووون قلعه بالرمل


فهد يحذف عليها التراب


شهد : فهوود .. بس عاد
فهد : يا حلو اسمي على لسانج
شهد : شوووف شوووف .. شرايك بالقلعه ؟
فهد : حلوة .. انزين حياتي هدي التراب وتعالي خنسولف
شهد : انطر .. قاعده اسوي
فهد : لا تخليني اشيلج الحين واقطج بالبحر
شهد : ما تقدر
فهد : متى تصيرين زوجتي متى
شهد تضحك : قريب انشالله
فهد :انتي حقي بروحي .. محد راح ياخذج مني .. فاهمه
شهد : فاهمه


:aha:

 

[توتا كويتيه]

مشكووووووووووووووووووره يا قلبي

 

[rayona]

y36ich iL3afya 7abiibti 3La iL part >>> na6rinich ​

 

[so_what]

يسلمووو ناطرينج

 

[Zozαĺiиaђ]

اهلييييين
ثييييينكس عالبارت
حده روعة

شهد و فهد لايقين على بعض حتى بالاسماء لوول
يا رب ما يصير شي و يفرقهم

لحظة الحين قصة شهد و دلال صجيين ؟

 

[بندول للصداع]

مشكووووووووووووووووووره يا قلبي

العفوو حبيبتي :27d66a9c24b146327bf

y36ich iL3afya 7abiibti 3La iL part >>> na6rinich ​

الله يعافيج تسلمين :eh_s(22):

يسلمووو ناطرينج

الله يسلمج :fun:

اهلييييين
ثييييينكس عالبارت
حده روعة

شهد و فهد لايقين على بعض حتى بالاسماء لوول
يا رب ما يصير شي و يفرقهم

لحظة الحين قصة شهد و دلال صجيين ؟

مشكوووره حبيبتي ما قصرتي
اي قصه شهد ودلال صجيه مع زياده في الاحداث وتغيير فالاسماء :friends:

 

[بيـــشو17]

يسلمووو نبي بارت بعد

 

[بندول للصداع]

٧

:edbf4317b9:



مرت الايام ......
يوووم ..... ورا يووووم
كل واحد لاهي بدنيااه
امتحانات الفاينل قربت .....
والكل خااايف .... ويحاتي






" الجابريه "



يوم اليمعه
الكل متيمع عند التلفزووون
دلال نايمه عالقنفه
وعمر نايم عالارض ويطالع ام بي سي 2



دلال : عمر غير القناة ... حط الوطن الحين يحطووون المسلسل
عمر : قاعد اطالع
دلال : عفيه عمور حطه .. بشوووف شنو يصير
عمر : طالعيها بالليل يعيدونها
الام : عمووووور ويهد .. قوووم من على الارض ورروووح يييب جنطتك وادرس .. يوووم الاحد عليك رياضيات
عمر واهوا يتثاوب بكسل : يمااااا باجر ادرس
الام : وين يمديك تدرس رياضيات يوم واحد .. انت على ما تقرا المسأله يبيلك ساعه وعلى ما تفكر يبيلك ساعتين .. وعلى ما تحل يبيلك ساعات
عمر : تنكتين يما .. هههههههههه .. يمدي يما يمدي


دلال امسكت تلفونها وشافت


ولا مس كووول
ولا مسج


" وينه هذا .. من امس ادق عليه ما يرد .. اخاف صارله شي .. ولا اخاف ما يبيني .. ليش انا شسويت ؟؟ المشكله ما عرف رقم احد من ربعه .. واخاف ادق على اي واحد معانا بالجامعه يدري ان في بينا شي .. وعاد الناس ما يصدقووون يلقووون سالفه يسووولفوون عنها .. وبعدين اصير حجي الجامعه ... خلاص يوم الاحد اشووفه بالجامعه ... بس شنطرني لي يوم الاحد "



دلال طووول الوقت الافكار تدور براسها


الام : دلال يما .. انتي ما عليج امتحان ؟؟
دلال ماسكه تلفونها وقاعده تطالع .. يمكن يدق عبدالله : لا يما
الام : عموور قوم من على الارض .. الارض بارده .. بعدين تستمرض واذا استمرضت شلون بتدرس
عمر : والله عبالي خايفة علي .. نطري خل يخلص الفلم





" الصباحيه "



بالمطبخ
عذاري وامها وسلمى
الام قاعده تغسل صحووون
وعذاري وسلمى يسوون كيك



عذاري : سلمى عفيه فتحي الكبت تلقين بايركس شوي كبير .. يبيه احسن من هذا وايد صغير
سلمى فتحت الكبت ويابت البايركس
عذاري : ييبي السنكرز والقيمر والدريم ويب من الثلاجه
سلمى واهيا تفتح الثلاجه وتطلع الاغراض : الزبده والعسل والسنكرز نحطه بالجوله
عذاري : اييي حطيه بالجوله


عذاري تشوف تلفونها
واصلها مسج من محمد " حياتي وينج اليوم ؟؟؟ والله قاعد احاتيج .. شقاعده تسوين ؟؟؟ "
عذاري ردت عليه " مشغوووله شوي .. قاعده اسوي كيك "
محمد " الله وناسه ... حبيبتي قاعده تطبخ ... شدعوه عاد ما راد تذوقيني كيكتج ؟؟ "
عذاري " امبلا "







" العديليه "



شهد واهيا ماسكه سويجها ولابسه وحاطه ميك اب : يمه انا طالعه
الام : وين ؟؟ انتي ما تفهميني وين تروحين ؟؟ وشدعوه كل هالكشخه هذي
شهد اتنهدت
الام : شفيج مو عاجبج كلامي
شهد : يمه بروح عندي جم شغله بسويها .. يعني حرام اطلع
الام : والله انتي الله يستر منج .. وليش رفضتي حمد ؟؟
شهد : بس مابيه مو غصب
الام : اقول روحي الله يستر عليج .. ومو تطولين اكثر من ساعه فاهمه






عالبحر
شهد اصفطت سيارتها واركبت بسيارة فهد
شهد اول ما دشت بدون سلام ولا شي : فهد لازم تخطبني
فهد : بسم الله .. شفيج جذي .. الناس يسلمون الاول
شهد : فهود امي شاكه فيني .. كلما اييلي واحد ارفضه .. لازم تخطبني
فهد : حياتي انا متهاوش مع اهلي .. يعني اييلج اخطبج برووحي
شهد : وانت لي متى جذي حالتك .. خلاص انسى السالفه واتصالح معاهم .. ترا هذيل اهلك
فهد : تكفين صكري الموضوع .. تعالي حياتي حدي مشتاقلج
شهد : ماقدر .. بروح الحين قبل لا امي تسويلي سالفه











بمارينا
مجمع اج آند ام

عهود : يماا .. هالقميص وايد حلو عليج
الام : ايي حلو .. بس البسه مع شنو .. يبيله تنورة
عهود واهيا تأشر على نفنوف اصفر قصير : يما شرايج بهالنفنوف
الام : حلو .. تبينه اخذيه

بعد ساعه من اللف والحوسه بالمجمعات .. رجعو البيت







" الجابريه "




عند دلال


الساعه 10 ونص بالليل

دلال بالفراش

تدق على عبدالله

طوووووووووط


طووووووووط



طووووووووط


طوووووووووط



المشترك لا يرد يرجى الاتصال في وقت لاحق



تدق مرة

مرتين

ثلاث


المشترك لا يرد يرجى الاتصال في وقت لاحق



دلال حطت راسها ونامت



الساعه 11 ونص بالليل
اقعدت
شافت تلفوونها

مسج

فتحته


" قوة شباب .. اخووكم عبدالله ال..... بمستشفى المبارك بسبب حادث مروري .. ادعو له بالشفاء "

دلال : لااااااااااااا عبدالله

دلال لانها بالوسط الديمقراطي عشان جذي دزوولها المسج عن عبدالله


" امبي شسوي الحين .. بشوووفه ماقدر لازم اشوووفه .. بس الحين بالليل شلون اطلع .. ادق على منو .. ياربي ليش جذي "

دلال اقعدت تبجي

" اييي صح ادق على شهد .. فهد يعرف عبدالله "



دلال : الووو .. ش..ه...د
شهد : شفييييييييييج .. ليش تبجيين ؟؟
دلال واهيا ميته من البجي : عبدالله
شهد : شفيه ؟؟
دلال : مسوي حادث
شهد : عسى مو متعور
دلال : مادري شهد والله مادري .. عفيه شهد قولي حق فهد يرووحله يشوووفه
شهد : انشالله اقوله واردلج خبر



بعد ساعه ونص

شهد دقت
دلال : هاااا بشري شصار
شهد : والله مادري شقووولج
دلال : قوووووولي
شهد : عبدالله متكسر وحالته مو مستقره​

:edbf4317b9:

 

[shoOshii]

تينكيوو حبيبتي عالبارت ..بس حدا قصير
ويتنق

 

[MeeMeeYoo_2]

thank uuuuuuuu
3ashaw ilwasa6 ;p

 

[Zozαĺiиaђ]

واااي لا لا يصير فيه شي

الله يستر

ناطرينج حبيبتي

بليز لا تطولين

 

[نـس ـونئ غ ـلآهـم]

القصصصصصصصصصصه ابداع

ويييتنييينغ !



تسسلم هالايادئ

 

[بندول للصداع]

تينكيوو حبيبتي عالبارت ..بس حدا قصير
ويتنق

تسلمين حبيبتي .. بس ترا القصه قصيرة يعني ماباقي شي وتخلص :eh_s(21):

thank uuuuuuuu
3ashaw ilwasa6 ;p

مشكورة على مرورج .. عاد دلال تموت عالوسط

واااي لا لا يصير فيه شي

الله يستر

ناطرينج حبيبتي

بليز لا تطولين

مشكورة يا قلبي على مرورج الروعه :balo:

القصصصصصصصصصصه ابداع

ويييتنييينغ !



تسسلم هالايادئ

تسلمين يا قلبي على ردج الاكثر من روعه
والله استانست لما قريته :e3:

 

[بندول للصداع]

8

:stars:


" الجابرية "



الساعه 5 الفير ... طررررن ... رن المنبه
دلال فتحت عينها ... طالعت حواليها ... استوعبت اللي صار امس
عبدالله بالمستشفى
بسرعه فزت من فراشها وراحت الحمام
خذت شاور سريع ولبست
" بسرعه خل ارووحله قبل لا ايووون اهله "
خذت بوكها وسويجها
كانت تمشي على اطراف اصابعها
تنزل السلم ... بطيء ... بطيء
عشان محد يسمعها
انزلت المطبخ ... خذت كرواسون وعصير برتقال ... عشان تاكل بالسيارة عالسريع
اركبت سيارتها ... طالعت ساعتها ... 6 الا ربع
يمدي ؟؟؟ ايي يمدي
شغلت السيارة
وبسرعه على مستشفى المبارك



لوسمحتي بغيت اعرف عبدالله ال .... باي جناح ؟؟
خطواتها كانت سريعه واهيا تصعد ... مشاعرها ممزوجه بالخوف واللهفه ... وعيونها متفوخه من الدموع
علامات تساؤل !!!!!!
ليش تركض ؟؟؟؟ يايه تشوووف منو ؟؟؟؟
ابوها
اخوها
ولا حبيبها


اخيرا ......
اوصلت
وقفت عند الباب ... ترددت ... مسكت قبضة الباب
واحد
اثنين
ثلاث
فتحته


فجأة ...


انزلت دموعها
شافته ... ملامحه مو مبينه ... ريله مكسورة ...ايده ملفوفه ... ويهه متشقق
ومن غير لا تحس
ركضت ولمته
عبدالله : آآآآآآآآآآآآآآآآآآآآآآخ
هدته
بجت حيل
عبدالله فتح عينه .. شافها


عبدالله : ابييي ماااي


اركضت ويابت الماي
حطت قطرات من الماي على شفايفه ... قلبها قام يتقطع ... حبيبها تعبان ... واهيا مو قادرة تسويله شي


عبدالله : بروح الحمام


يابت الكرسي ... مسكت عبدالله ... شالته وحطت ايده على جتفها ... قعدته بالكرسي

عبدالله يصرخ : شوووووي شوووووي .. شنو بتذبحيني


انصدمت من كلامه
شلون تذبح حبيبها ؟؟؟ شلون تذبح قطعه من قلبها ؟؟؟ بس ما عليه ... يمكن تعبان ومايدري شقاعد يقووول
دزته وودته الحمام


عبدالله بنفسيه : رووحي شتبين .. شنو بتدخلين معاي داخل بعد


انزلت دموعها وما انطقت بولا حرف


عبدالله : روحي قبل لا ايوون اهلي ويشووفونج


اركضت واهيا تبجي
مستغربه هالجفا من حبيبها
بس معذور
معذور حبيبي معذور
اركبت سيارتها ... حطت راسها عالسكان ( مقود السيارة ) واقعدت تبجي
صارلها تقريبا 5 دقايق واهيا تبجي


الساعه 7 الا ثلث


معقوووله .. صارلي ساعه وانا طالعه .. لازم ارجع قبل لا احد يقعد من اهلي
حركت السيارة
وصلت البيت
دشت بهدوووء ... تمشي بخفه ... اشوا محد قعد
راحت غرفتها
وصكرت الباب




قومي دلال قومي
بطلت عينها ... لقت عمور يناقز فوق سريرها
تذكرت عبدالله ... ادمعت عيونها
عمر : شفيج تبجين ؟؟
دلال : ولا شي .. بس حلمت حلم يخرع
عمر : الحمدالله والشكر .. والله عبالي عندج سالفه .. يالله قومي بسج نوم
طالعت ساعتها " اووووووووه نمت وما حسيت "
عمر : يالله ترا بنحط الغدا .. اذا ما قعدتي راح ناكل ونخليج
دلال : انزين اغسل وايي




حطوووو السفرة عالطاوله .. اخذ السفن معاك .. وين اختك ؟؟
دلال : كاني
الام : شفيج حبيبتي ؟؟ مريضة ؟؟ فيج شي ؟؟
دلال : لا يما ما فيني شي .. ابوي وينه ؟؟
الام : بالدوام .. يالله تعالي قعدي .. مسويتلج مجبوس
دلال : مشكورة يما
عمور واهوا ياكل : ويع ويع رياضيات والله ويع
الام : عاد شد حيلك
عمر : انشالله يما .. دلال صبيلي سفن
دلال وهيا تصبله : ماما ما عليه انا تعبانه شوي .. ميخالف اقوم ؟
الام : اييي حبيبتي قومي ارتاحي .. هذي شكلها الانفلونزا .. تدرين الجو كل شوي يتغير .. قومي حبيبتي ارتاحي





" النزهه "



محمد : صج يعني بيرجعون
اليده امينه : اي حبيبي راح يرجعون بعد شهر
محمد : اشوا الحمدالله .. متى كلموج ؟؟
اليده امينه : اليوم الظهر








عند جاسم بالشقة


حبيبي قاعد ؟؟
جاسم ساكت
اوكي حبيبي انا طالعه
قامت من الفراش ... وادخلت الحمام ... والبست ... واطلعت من الشقه





" العديليه "


ماااااااااااابيه يعني ماااااااااابيه
شهد قامت وراحت غرفتها
الام : استخفت البنت استخفت .. انتي شكلج شايفتلج شوفه .. خلاص كيفج اذا ما تبينه مو غصب .. عسى ما كلمناج كلمه رديتي بعشر




شهد : تعال اخطبني
فهد : بعدين حياتي ماقدر الحين
شهد : اووووووووووووووه
صكرت التلفون

امها دشت عليها
شهد ساكته
الام : خلاص حبيبتي لا تبجين .. الزواج مو غصب .. آسفة حبيبي آسفة
شهد باست راسها : لا يما لا تتأسفين




" اليرموك "


الام : شوي شوي
عهود : نطري خل احطلج حمره .. شوفي شرايج
الام : حلو .. والله تعرفين تحطين
عهود : ايي شعبالج عيل
الام : يالله خل اروح البس .. ترا يمكن اتأخر .. انتي طلبيلج مطعم
عهود : انشالله يما .. بس ترا بروح الصالون بعد شوي
الام : اووكي



بالصالوووون


عهود ادخلت
... : شنو يبي مدام
عهود : قص شعر
...: اوكي تعالي نغسل شعرج


عهود راحت غسلت شعرها


... : شنو القصه اللي تبينها
عهود : ابيي بوووي من ورا .. ومن جدام شوي طووويل
... : اوكي



بعد خمس دقايق


... : نعيما



طلعت عهود من الصالووون


عهود " خل ادق عليه "
عهوود : الوو
فيصل : هلا
عهود : زعلان ؟؟
فيصل : لا
عهود : اكييييييد
فيصل : اي
عهود : انزين وينك صارلك يومين مو داق
فيصل : وليش ادق ..
عهود : شنو ليش تدق
فيصل : يعني شاللي بيني وبينج عشان ا دق
عهود : اهم شي
فيصل : ايي صح كلامي .. اذا انتي ماخذه الدنيا لعب ووناسه .. يعني اانا شذنبي
عهود : انزين بشوووفك الحين
فيصل : وين ؟؟
عهود : تعال جمعيه اليرمووك
فيصل : اوكي



بالجمعيه


فيصل : اوووووووووه شاللووك الخطير
عهود : حلو ؟؟
فيصل : ايي .. متى قصيتيه ؟؟
عهود : توا
فيصل : وليش ما قلتيلي ؟؟
عهود : وليش اقولك
فيصل : ردينا .. خلاص يبا لا تقوليلي شي
عهود : شفيك ؟؟
فيصل : بسألج سؤال .. ممكن ؟؟
عهود : اي
فيصل : انتي تبينا ندوووم مع بعض ؟؟
عهود : ايي
فيصل : عيل امشي معاي سيده
عهود : شلووون ؟؟
فيصل : يعني اي شي بتسوينه لازم تاخذين رايي الاول
عهود : شلون يعني ؟؟
فيصل : يعني قبل لا تطلعين تستأذنين مني .. واذا قتلج لا يعني لا
عهود : بس انا مو متعوده جذي
فيصل : كيفج تعودي
عهود : اوكي احاول
فيصل : ممكن تعطيني تلفونج شوي
عهود : ليش ؟؟
فيصل : بشوووف
عهود : ماقدر
فيصل : يعني تخونيني .. صح ؟؟
عهود : خلاص اوعدك ما اكلم غيرك
فيصل : اوكي .. ابيج تمسحين ارقام كل اللي تعرفينهم
عهود : اوكي
فيصل : وعد ؟؟
عهود : ايي وعد


:stars:

 

[MeeMeeYoo_2]

ناطرين اليااااي

 

[نـس ـونئ غ ـلآهـم]

نأطريييييييييييييييييييين