روايه >> هالدنيا غريبه[ روآيه مسمُوح بهآ ]

[Q8SeaGull]

السلام عليكم:

حياج الله بالمنتدى

يعطيج العافية

بداية حلوة

وأتمنى لج التوفيق


وناطرين البارت الياي​

 

[توتا كويتيه]

مشكووووووووووووووووووووره حبيبتي ما قصرتي

 

[بندول للصداع]

بنات البارت اللي طاف كان في غلطه اذا احد فيكم لاحظ
سوري بس لاني كنت كاتبه القصه بمنتدا ثاني بس ما كملتها هناك فقاعده اسويله كووبي وقاعده اعدل جم شغله فيه وازيد الاحداث
طوفوو اووكي

 

[بندول للصداع]

كل الشكر لج
يعافيج ربي

العفووو حبيبتي
الله يعافيج يا رب :eh_s(17):

ناطرييييين

مشكوووره على مرورج حبوبه

 

[بندول للصداع]

السلام عليكم:

حياج الله بالمنتدى

يعطيج العافية

بداية حلوة

وأتمنى لج التوفيق


وناطرين البارت الياي​

وعليكم السلام
يعافيج حبيبتي مشكوووره :hjy5jewf:

مشكووووووووووووووووووووره حبيبتي ما قصرتي

تسلميييين
منوره القصه حبيبتي :e3:

 

[بندول للصداع]

[COLOR="Red"]4

:ada:

( بيتزا عالبحر )

يعقوب واهوا يسحب فيصل : يالله انزل
فيصل يدزه : يعقوووبو وخر عني مالي خلق
يعقوب : انزل من السيارة تقعد هني شتسوي
فيصل : عادي .. اذا بتاكل روح ادخل اكل واذا خلصت تعال
يعقوب صكر الباب ودخل داخل السيارة : ماني رايح زين .. قولي شفيك ؟؟
فيصل متنرفز : خلاص عااد خلني ( فتح باب السيارة ونزل ) بنزل اتمشى

نزل فيصل وراح يتمشى عالبحر

قبل 6 تشر

نفس المكان

فيصل قاعد مع مجموعه من الشباب وقاعد يلعب بتلفونه
ناصر : اوووووووووخ .. شوووفووو هذي
فيصل طالعها وعجبته : نصووور خلها ابيها حقي
ناصر : الحمدالله والشكر .. روح الله يستر عليك

فيصل راح عطاها رقمه , طبعا البنت اهيا عهود , فيصل مو من النوع اللي يكلم بنات وايد , عجبته عهود وحبها


بالوقت الحالي

فيصل ركب السياره : يالله خل نمشي



" كلية العلوم "عذاري : اي حمود .. لا احنا ليلحين بالكلية .. ربع ساعه ونطلع .. اوكي .. باي
عهود : شفيه هذا .. ترا اذانا
عذاري : حرام عليج .. امشي الحمام .. بحط حمره
عهود : يلا




بالحمام
كان في بنتين قاعدين يتهاوشون


البنت الاولى : قتلج وخري عنه يعني وخري عنه
البنت الثانية : انتي شتبين .. اهوا يحبني انا
البنت الاولى : انا اعرفه قبلج يالحيوانة
البنت الثانيه : وانا شكو فيج



عهود : اقول عذاري
عذاري : هلا
عهود : خنطلع من الحمام بسرعه قبل لا نصير كتل هني
عذاري : ههههههههه .. يلا





بالسيارة
عذاري : امبي زحمه .. تتوقعين يمدي
عهود : ايي يمدي شدعوه




وصلو
عذاري انزلت من السيارة وعهود ناطرتها


محمد كان لابس دشداشه وغتره



عذاري : ويييييييييه .. كل هذا عشاني
محمد : ايي .. مو انتي حبيبتي .. شرايج بالقفل ؟؟
عذاري : خو امس شفته
محمد : ايي صح نسيت .. ما بغينا نشوفج .. تعالي قعدي يمي
عذاري : حبيبي حدي مستعيله .. عهود ناطرتني بالسيارة
محمد : اوكي .. اخذي هالجيس
عذاري : شنو هذا ؟؟
محمد : هديه
عذاري : مشكور
محمد : يالله .. روحي الحين .. وطمنيني عليج





عذاري اركبت السيارة : ويييييه .. هذا شكله زجاج
عهود : فتحيه خنشوف
عذاري : اوكي
عذاري فتحته لقت زجاج فيه صورتها وصورة محمد وحواليهم كله قلوب
عهود : ياااا عييني عالروومانسية
عذاري : واااي حبيبي فديته




عذاري دزتله مسج " مشكووور حبيبي عالهدية الحلوة .. بس ليش كلفت على عمرك "
محمد رد عليها " عذاري والله احبج واموت بالتراب اللي تمشين عليه .. الله يخليج لي وما يحرمني منج بيوم "



عند دلال


دلال اركبت سيارتها وراحت الجابريه





" مدرسة عمر "


دلال شافت عمر افتحت الجام : عمور .. عمور .. كاني هني
عمر شافها وراح دخل السيارة
دلال : شفيك جذي متنح
عمر : سوولي استدعاء ولي امر
دلال : شمسوي بعد ؟
عمر : ما سويت شي
دلال : خلصني قول شمسوي
عمر : حذفت المساحه على راس الاستاذ
دلال : مشالله عليك .. مسكين كلش ما سويت شي
عمر : شلون الحين شسوي .. اخاف اقول حق بابا يزفني
دلال : اسحب سيفون عالمدرس
عمر : والله شكلي بسويها
دلال : شرايك نطلب ماكدونالدز .. مو احسن من اكل البيت
عمر : ايي احسن





" الجابريه "



عمر : ييبي صمونتي .. اانا طالب جكن برجر
دلال : انزين لا تمووت علينا
دلال تطالع امها : قلت حق ماما
عمر يأشرلها : سكتي
الام : شصاير بعد
دلال : خلاص ولا شي
الام : قولو خلصوني
عمر : يما بقولج شي بس مو تعصبين
الام : شنو قول
عمر : حلفي ما تعصبين
الام : انت قول بعدين يصير خير
عمر : سووولي استدعاء ولي امر
الام : ليش بعد شمسوي ؟؟
دلال : ولدج حبيبج حاذف المساحه على صماخ المدرس
الام : ليش
عمر : يما نرفزني والله
دلال : ولدج يبيله طق
الام : شنو يبيله طق .. بعد المدرس ينرفز .. خلاص حبيبي انا اخلي خالك يروح .. لان اذا قلت حق ابوك بيعفس علينا البيت[/COLOR]


:ada:

بنات ابي ردووود عشان اتشجع واكمل القصه ​

 

[MeeMeeYoo_2]

يعطيج العاااافيه

ناطريييين

 

[Zozαĺiиaђ]

ههههههههههههههه خوش ام عادي جذي المدرس نرفزة بس لوووول تينن حبيتها خخخ

حرام كسر خاطري فيصل !!

و محمد و عذاري يونسون حدهم كيووت

يعطيج العافية
ناطرييييييييييينج

 

[بندول للصداع]

يعطيج العاااافيه

ناطريييين

الله يعافيج

ههههههههههههههه خوش ام عادي جذي المدرس نرفزة بس لوووول تينن حبيتها خخخ

حرام كسر خاطري فيصل !!

و محمد و عذاري يونسون حدهم كيووت

يعطيج العافية
ناطرييييييييييينج

مشكووره حبيبتي على متابعتج للقصه

 

[Zozαĺiиaђ]

ناطرينج

 

[بندول للصداع]

انشالله البارت باجر :eh_s(7):

بنات حبيت اقولكم ان عهود وعذاري شخصيات من نسج خيالي
بس شهد ودلال فحقيقيين
يعني قصه دلال وشهد صجيه بس طبعا انا زايدة احداث وشغلات وايد بس الفكره صجيه

:wqedqw:

 

[بندول للصداع]

البارت باجر :eh_s(7):

بنات حبيت اقولكم ان عهود وعذاري شخصيات من نسج خيالي
بس شهد ودلال فحقيقيين وعبدالله وفهد بعد بس في تغيير بالاسماء
يعني قصه دلال وشهد صجيه بس طبعا انا زايدة احداث وشغلات وايد بس الفكره صجيه



:eh_s(7):

 

[Zozαĺiиaђ]

ويي حسافة مافي بارت اليوم


اوكي ناطرينج باجر

 

[بندول للصداع]

5

:eh_s(7):

بالعديليه

شهد نايمه ولا يرن تلفونها

شهد : الووو
فهد : قوة حياتي شلوونج ؟؟ شنووو ليلحين نايمه
شهد قامت : هلا حبيبي .. متى طلعت
فهد : قبل شوي .. اتسبحت ودقيت عليج
شهد : خلاص انا اغسل وادق عليك
فهد : بشوفج اليوم بالليل اوكي
شهد : اوكي


قامت شهد غسلت وراحت اتغدت , بعدين كلمت فهد شوي , والساعه 7 المغرب راحت اتجهزت

شهد : يما انا طالعه
الام : وين
شهد : بتمشى شوي مليت
الام : اوكي روحي .. تبين فلوس
شهد : لا عندي





شهد راحت فرايديز
شهد : انا وصلت انت وينك
فهد : كاا خمس دقايق واوصل
شهد : اوكي انا اطلب على ما توصل
فهد : اوكي



بعد عشر دقايق فهد وصل
شهد سلمت عليه واقعدوو عالطاولة




شهد : شنو هذا ضعفان حدك
فهد : اييي شسوي بعد .. الا ما قلتيلي انتي شلوونج
شهد : زينه الحمدالله
فهد : يالله كلها سنه واتخرج انشالله
شهد : اقل من سنه
فهد : ايي صح اقل من سنه
شهد : انزين حياتي لي متى جذي حالك
فهد : وشفيه حالي بعد
شهد : يعني عاجبك قعدتك بالشقه بروحك لا انت تدري عن اهلك ولا اهما يدرون عنك
فهد : اووووهووو .. انا جم مرة قايلج صكري هالموضوع
شهد : ايي روحلهم شالمشلكه
فهد : ما راح ارووح .. انا جذي مرتاح
شهد : والله مردك لهم .. وقول ما قلت
فهد : انزين اكلي ولا تلوعين جبدي بهالسالفه


قبل 8 تشر

شهر 3

بالضاحيه


اسراء واهيا شايله عزيز ولدها عمره سنه ومعاها ريلها صقر

اسراء واهيا تبوس راس امها : شلونج يمه ؟
ام فهد : هلا بنيتي
صقر : قوة عمتي شلوونج عساج بخير
ام فهد : هلا حبيبي هلا .. اسراء روحي قعدي اخوج فهد توه راد من الدورة خل ايي يقعد مع صقر
صقر : لا عمتي ما عليه .. انا بس كنت بسلم عليج وبروح عندي شغل
ام فهد : وين تو الناس .. اقعد اتغدى معانا
صقر قام : لا ما عليه مرة ثانيه ( راح باس عزيز ) صير عاجل مو تأذي امك .. يالله فمال الله

صقر طلع

اسراء : الا يما مشاعل ماراح تيي ؟؟
ام فهد : لا قالت بتروح بيت اهل صالح
اسراء : ومنار وينهي ؟؟
ام فهد : بغرفتها .. هالبنت مادري شعندها على هالابتوووب.. بنات آخر زمن

خنتكلم عن بيت ام فهد

بو فهد ميت , ام فهد عمرها 45 سنه , مشاعل البنت العودة عمرها 28 سنه متزوجه من صالح صارلها 3 سنين بس الله ما رزقهم بعيال , اسراء البنت الوسطيه عمرها 25 متزوجه من صقر وعندها ولد واحد واهوا عزيز , فهد عمره 23 سنه داش الضباط وباقيله سنه و3 تشر , آخر العنقود منار عمرها 17 سنه بثالثه ثانوي

اسراء : كلمتي فهد بخصوص مرام
ام فهد : لا .. خلاص انا عطيت خالتج فوزيه كلمتي وقتلها ان احنا موافقين
اسراء : بس يمه شلون جذي .. فرضا الصبي ما يبيها .. ترا الزواج مو غصب
ام فهد : يبيها .. اصلا من واهما يهال كانو يحبون بعض .. وكنا نقول فهد حق مرام ومرام حق فهد
اسراء : كيفج يمه ( راحت عند عزيز شالته ) انا بروح انوم عزيز


بغرفه فهد

فهد متلحف بالفراش وقاعد يكلم شهد

فهد : مشتاقلج حياتي والله مشتاقلج
شهد : عادي ما باقي شي عالتخرج .. وانا بعد السنه اليايه انشالله اتخرج
فهد : عاد شدي حيلج .. مو تسقطين وتوهقيني ماقدر اخطبج
شهد : لا افا عليك اعجبك .. حبيبتك شاطرة
فهد : عفيه عالشاطره .. يالله حياتي انا بقوم انزل تحت بقعد مع امي شوي
شهد : اوكي
فهد : يالله دربالج
شهد : وانت بعد




فهد نزل عند امه : هلا بالغاليه
ام فهد : هلا بولدي حبيبي
فهد : يمه اانا بطلع انزين
ام فهد : لحظه ابيك بموضوع
فهد عدل قعدته : آمري تدللي .. عيوني لج
ام فهد : تسلم .. بكلمك بخصوص مرام
فهد مستغرب : اي مرام ؟؟
ام فهد : هووو .. مرام بنت خالتك فوزية .. شنو نسيتها
فهد : اييي مرام .. يحليلها شخبارها شمسويه
ام فهد : محلوة مشالله عليها .. صايره قمر
فهد : الله يخليها انشالله
ام فهد : ايي كنت بقولك اني خطبتها حقك
فهد قام : شنوووووووووو ... شكوووو يمه شكووو .. منو قالج اني ابيها
ام فهد قامت : خلاص فهد انا عطيت البنت كلمه وقتلها انك موافق
فهد معصب : واللله عاد مثل ما قلتيلها اني موافق اظن تقدرين تكلمينها وتقوليلها اني هونت
ام فهد : فهد لا تفشلني جدام الاوادم
فهد : واناا يمه مو من حقي اختاار شريكه حياتي .. يمه بصراحه انا مابيها ابي غيرها واذا تخرجت بتزووجها
ام فهد : شوووف فهوود اذا ما خذيتها لا انت ولدي ولا اعرفك
فهد : خلاص انا هاد البيت وطالع




بالوقت الحالي


" بالجابرية "






يوم الجمعه
الساعه 3 العصر



دلال منسدحه بفراشها
وفاتحه لابتوبها وداشه الماسنجر


شوي ولا عبدالله اون لاين


عبدالله دخل عليها


WA7sh: قوة دلال
dalo00ol : الله يقويك
WA7sh: شلونج ؟؟
dalo00ol: تمام .. انت شلونك ؟
WA7sh: الحمدالله .. اقول دلولة بغيتج بسالفه
dalo00ol : شنوو
WA7sh : ما يصلح اكلمج بالماسنجر .. عادي تعطيني رقمج عشان ادق عليج واقولج ؟
dalo00ol : ايي عادي .. سجل عندك 677




بعد دقيقتين




يرن تلفون دلال
659 .... يتصل بك
دلال : الووو
عبدالله : هلا والله .. عاش من سمع هالصوت
دلال : عاشت ايامك
عبدالله : شلونج بعد
دلال : هههههه .. زينه
عبدالله : شفيج تضحكين
دلال : مادري
عبدالله : امممم
دلال :شفيك ؟
عبدالله : اقووول دلال
دلال : قول
عبدالله : تقدرين تيين الجامعه الحين
دلال : ليش ؟؟
عبدالله : عندي جم شغله هناك .. وابيج تساعديني عشان اعلق البوسترات
دلال : اوكي .. بس خل استأذن من امي بالاول
عبدالله : ايي اكيد اخذي راحتج
دلال : اوكي اكلمها واردلك خبر
عبدالله : اوكي ناطرج مو تطولين





دلال راحت عند امها واستأذنت منها


الام : ايي عادي روحي
عمر : بيي معاج
الام : انت انثبر هني وجابل دراستك
عمر : شنووو ما صارت كله دراسه .. لا تخليني اشق هدووومي الحين
دلال : وييييييييييييع .. ملق بعد ملق
عمر : افا عليج .. اعجبج بالملاقه
الام : بدال لا تقعد تستعبط .. افتح الكتاب واحفظلك جم كلمه .. ولا ترا والله ماشتريلك الابتوب اللي تبيه
عمر : ذليتيني يما على هالابتوب .. ما تسوى علي قتلج ابيه
الام : ادرس عشان اشتريلك اياه
دلال : يعني عندك لابتوب .. حق شنو واحد ثاني
عمر : مو شغلج.. روحي جامعتج وايد احسن
دلال : يالله انا رايحه ابدل




راحت دلال غرفتها ودقت على عبدالله



دلال : كاني يايه
عبدالله : اوكي انا طالع الحين
دلال : اوكي باي
عبدالله : دلال
دلال : هلا
عبدالله : دربالج من الطريج
دلال : انشالله من عيوني
عبدالله : تسلملي عيونج





وصلت دلال الجامعه
لقت عبدالله وكان شكله حده حلووو




عبدالله : هلا بالزين .. سووووري تعبتج معاي
دلال : لا عادي .. شنو فاضيه الجامعه
عبدالله : اي احسن .. عشا ن لحد يأذينا


اقعدووو يسووون البوسترات


:eh_s(7):​

 

[shoOshii]

theenQ 3la al.part
bs g9er plz kmlay na6rench

 

[توتا كويتيه]

مشكووووووووووووووره حبيبتي

 

[MeeMeeYoo_2]

يسلموووووووو

 

[Zozαĺiиaђ]

هياااااا باارت
مشكورة حبيبتي والله فديتج ;**

البارت اينن يعطيج العافية

وعالتفاعل نطري شوي عالرواية
و الحين امتحانات ما يشبكون وايد
الاسبوع الياي انشالله تشوفين التفاعل القوي

ناطرينج باجر انشالله

 

[بندول للصداع]

:eh_s:

theenQ 3la al.part
bs g9er plz kmlay na6rench

مشكووورة على مرورج .. وسوري لان قصير بس كنت دايخه ماقدرت اكمل :eh_s:

مشكووووووووووووووره حبيبتي

العفووو تسلمين

يسلموووووووو

الله يسلمج حبيبتي :hjy5jewf:

هياااااا باارت
مشكورة حبيبتي والله فديتج ;**

البارت اينن يعطيج العافية

وعالتفاعل نطري شوي عالرواية
و الحين امتحانات ما يشبكون وايد
الاسبوع الياي انشالله تشوفين التفاعل القوي

ناطرينج باجر انشالله

مشكووورة حياتي ما تقصرين
اصلا وجودج اهوا اللي محلي القصه :33_1185028183:

 

[sweet.sanfoora]

روايتج عجيبه

يعطيج العافية