روايتي : *لإِ يغغرگ آسلوٰوٰبيّ القاسي ترى واللہہ گليّ يبيگ ِ gala q8

[زهـــراء الـــ]

السلام انا متابعة وعجبتني روايتج واييد واشتركت عشانج وبس ههه واتمنى تكملين بسرعة لا تقطعين بس عندي سؤال الحين فيصل اخو مريم ومساعد اخو فيصل لانه ما فهمت هالنقطعة وشكرا ويعطيج العافية عالرواية الحلوة​

متابعة جديدة ***

 

[جوري ستايل]

ياا سﻻم البارن قصيرر ومافيه احداث
اب اب اب اب بليززز

 

[gala q8]

يعطيج العافيه حبيبتي الروايه وايد حلوه كمليييها
لينا تكسر الخاطر و ابوها يغثث
ناطرينج

الله يعافيج حبيبتي ,,, إن شآآء الله راح اكملها , :eh_s(7)::eh_s(7)::eh_s(7)::eh_s(7):

السلام انا متابعة وعجبتني روايتج واييد واشتركت عشانج وبس ههه واتمنى تكملين بسرعة لا تقطعين بس عندي سؤال الحين فيصل اخو مريم ومساعد اخو فيصل لانه ما فهمت هالنقطعة وشكرا ويعطيج العافية عالرواية الحلوة​

وعليكم السلاام ,
تسلمين يا الغاليه ,, لا ما راح اقطع افا عليج ,,


فيصل اخو ( مساعد و هاجر وضاحي و هند ) .. اهوا اصغر واحد فيهم يدرس بالجامعه .. وعمره 19 سنه

و ساكن معاهم بالبييت بس معروف انه هادي و ماعنده اصدقاء وايد و مو محتك فيهم .. و يحب قعدت البيت عكس اخوانه ..


واعرفهج على اخوانه ..
مساعد عمره 25 سنه يشتغل بشركه ابوه الصغيره ..
هاجر 23 سنه مدرسه
ضاحي 22 سنه يشتغل في شركه ابوه بس كل وقته طالع .. و ما يحب الشغل
هند تدرس بالجامعه ( تربيه اساسيه ) عشان تصير مدرسه
فيصل عمره 19 سنه يدرس بالجامعه و حاجز بنت عمه ( مريم )

:eh_s(7):

ياا سﻻم البارن قصيرر ومافيه احداث
اب اب اب اب بليززز

إن شاء الله على البارت الياي ,, :eh_s(7)::eh_s(7):

 

[زهـــراء الـــ]

وعليكم السلاام ,
تسلمين يا الغاليه ,, لا ما راح اقطع افا عليج ,,


فيصل اخو ( مساعد و هاجر وضاحي و هند ) .. اهوا اصغر واحد فيهم يدرس بالجامعه .. وعمره 19 سنه

و ساكن معاهم بالبييت بس معروف انه هادي و ماعنده اصدقاء وايد و مو محتك فيهم .. و يحب قعدت البيت عكس اخوانه ..


واعرفهج على اخوانه ..
مساعد عمره 25 سنه يشتغل بشركه ابوه الصغيره ..
هاجر 23 سنه مدرسه
ضاحي 22 سنه يشتغل في شركه ابوه بس كل وقته طالع .. و ما يحب الشغل
هند تدرس بالجامعه ( تربيه اساسيه ) عشان تصير مدرسه
فيصل عمره 19 سنه يدرس بالجامعه و حاجز بنت عمه ( مريم )

:eh_s(7):





thxx 7bebtii t3btech m3ay w na6ren il part
w up up up
:eh_s(9):

 

[gala q8]

البارت السادس ..

...



بالحوش .. هند و هاجر ماسكين المخمه ..

و مريم و لينا يرشون الماي بالحوش ..

هند : انا ابغى افهم ليه الخادمه ما تساعدنا!

ام مساعد تشرب الشاي : الخادمه تصلح الغداوانتي اجلسي اكنسي احسن لك .. يا الله امسحي المويه .. يا الله ..

هاجر : يمه .. يرضضيك انا معلمه اجيال انظفالحوش !

لينا و هند يضحكون ..

مريم : يوووووه .. هذا وانتي معلمه كذا ..

ام مساعد : واسكتي انتي بعد .. ولا تدرين قميادخلي جيبي مثلهم مكنسه تمسح المويه يا الله ..

مريم : لا تكفييييين يا مرت عمي إلا اني اكنس.. انا انهدت عظامي فبيتنا تبغي بعد هنا اكنس ..

فيصل طلع : وليييييه بكره لي رحتي بيت رجلكناطره تجيبي خدامه !

مريم انصدمت و استحت .. و سكتت

هند و هاجر و لينا يضحكون ..

ام مساعد : عييييييب يا ولد تكلم بنت عمك كذا

فيصل يروح عند امه ويقول بصوت عالي : بلاكتدرين يمه .. إني حاجزها .. وانتظر الوظيفه اللي تقربها مني

مريم قامت و دخلت البيت ..

ام مساعد : اسسسسستح يا ولد وش فيك تركد !

فيصل : هههههه وش فيك يمه .. انا امزح معها..

هند : حرام عليك يا رجااااااااال .. كل مرهبتقعد تتكلم كذا وربي بتكرهك

فيصل : وشو تكرهني ! من مريم ! ..

هند : لا انا .. ( وراحت عند مريم ) ..

هاجر : خلاص يمه .. انهدت اعظامي ابغى ارتااح..

لينا راحت عندها : هاتي عطيني عنج .. ههههههه

هاجر : انا بروح ارتاح بكره عندي تصليحالإمتحانات ..

لينا : خلاص روحي انا بساعد خالتي ..

هاجر تساسر لينا : يااااااه وينك من زماان مااخذني مني ذي .. يا الله عن اذنك ..

فيصل : هههههههه اجل يا بنت عمتي مافي غيركاجلسي ساعدي امي في شغل البيت

لينا : ههههههه ,, تبي الصج ! انا انسانهفاضيه ما عندي شي .. فليش ما اساعد خالتي .. ماعليه ..

فيصل : هههههههههه .. والله انتي ازينهم ولاذول ما منهم فايده .. على العموم بعد ما تخلصي اتصلي على مساعد .. يقول جايب لكخبر حلو ..

لينا : خير إن شاء الله ؟

فيصل : خير إن شاء الله بس عمي بو حمد اتصلعلى البيت اكثر من مره ومحد رد فأتصل مساعد وقال لي اخبرك

لينا : إن شاء الله خير ..

فيصل يلتفت يدور على مريم : يا الله .. زيناجل انا ماشي تبغون شي ؟

ام مساعد : سلامتك بس ها لا ترجع مبكر لاتنسى

فيصل : لا بريحك مني .. بروح مع اخوياي البروبرجع بكره الصبح .. كذا افضل ؟ هاا

ام مساعد : إي إي افضل ... يا الله توكل ولاتعطلني عن اشغالنا

فيصل : أقعد يا بزنس وومن ههههههه .. يا الله( باس راس امه ) مع السلامه ..



...



الساعه 8 .. البنات متسدحين بالصاله ..

ام مساعد : وش فيكم كل وحده منكم تسدحت هنا !قوموا حركوا رجولكم ..

هند : وش ذاااااااا من صدقك يمه ؟ من اليوم وحنا نشتغل .. كنسنا الحوش و دخلنا هنا و كنسنا الصاله ورتبنا المكتبه و عطرناالصاله و بخرناها .. وغير كذا ما حركنا رجولنا ! أجل كيف نحركها !

أم مساعد : وش فيكي يا بنت ! ام متعب بتجيبعد ساعه مع بناتها .. و إنتي ابغاكي تقعدي فوق مع بنات عمك .. و هاجر تجلس هنا بس

هند نطت : وشووو !! بعد كل هالتعب ما تبغانانجلس معكم ! لا جد جد هالكلام يسوى !

أم مساعد : إي إلا يسوى .. ( بتردد ) .. فيموضوع بيني و بين ام متعب و هاجر ..

هند : يووووه .. كل حاجه هاجر هاجر وش ذا ..اجل خلاص حنا نبغى نتونس

أم مساعد : وشو ! فين حابه تطلعين ان شاءالله ؟

هند : آآ .. ابغى اتمشا بمجمع

ام مساعد : باللهي عليك تبغين تروح مجمع !باللهي مين بروح معكم ! دامني انا ما رحت ما راح تروحوا بنات لحالكم ..

هند : يووووه .. بشوف واحد من اخواني يروحوامعنا

ام مساعد : روحي .. و فذاك الوقت يصير خير ..



...



لينا تكلم مساعد بتليفونها الخاص ..

لينا : اسفه على التآخير ولد خالي .. بس والله خالتيما خلصت مني إلا الحين ههههههه ..

مساعد ترك الاوراق اللي بيده و قام يمسح عينه: هههههه يوووه .. اجل الله يعينك على امي ..

لينا : ههههههه لا حرام والله خالتي حبوبه وتستاهل من يساعدها .. زين فيصل قال لي اتصل عليك .. ويقول خالي بو حمد اتصل اكثرمن مره .. إن شاء الله خير ..

مساعد : آآ .. بصراحه مدري وش اقول لك يا بنتعمتي .. بس عمي بو حمد بلغني ان ابوك اليوم راح يجي السعوديه .. يبغى يشوفك ومشتاق لك مره ..

لينا منصدمه و استانست : صج !! مساعد من صجكتتكلم !! .. واااااي مو مصدقه .. بصراحه هذا احلى خبر سمعته .. مع اني شايله بقلبيله .. بس الحين احس اني اسعد إنسانه بهالدنيا ,, زين متى بيي و الساعه جم ؟

مساعد : واللهي هو قال ان بكره بعد المغربكذا بيكون بالسعوديه ..

لينا : بصراااااااااااااحه احلى خبر سمعته ..يا الله متى يصير باجر المغرب عشان اشوفه .. اشتاقت له روحي .. صار لي اكثر منالشهر وانا هنيه لا سمعت صوته ولاشفته .. و اجذب لي قلت اني كل ليله ما انام علىدموعي .. من كثر ما اشتاق له ..

مساعد ابتسم : اجل خلاص جاكي الفرج .. ياالله ابشري بلي تبينه لـ بكره

لينا استانست : تسلم ولد خالي .. بس ما ادريوين بيسكن .. وانا اكيد بسكن معاه ..

مساعد : لا تخافي .. حنا عندنا المجلس مكانٍينام فيه من يسافر لنا .. وبعدين إذا ما ارتاح ابوكي في شقتك كبيره و وسيعه مره ..يقدر ياخذ راحته اكثر إذا حب ..

لينا: لا انا اعرف ابوي مستحيل يوافق ينام فبيت احد .. اهوا إذا ما نام من دون لايضايق احد ما يرتاح ابد .. اكيد بيحجز سويت .. عاد انا لازم ابقى معاااه ..

مساعد : استحي يا بنت .. حنا ما عندنا حدينام بسويت ولا بفندق ولا كذا .. الرجال مسافر عندنا ولازم نضيفه بحسن الضيافه ..وش تقولين انتي

لينا : ههههه .. لي صار باجر يصير خير ..

مساعد : زين بنت عمتي .. انا ابغى اصكر وبرجعالبيت .. احس ان جسمي متكسر و ابغى ارتاح ..

لينا : ههههه .. اوكي .. يعطيك العافيه , ونوم العوافي

مساعد : الله يعافيك .. مع السلامه

...



هند راحت الصاله الثانيه راحت تبتعد عن صوتالتلفزيون العالي .. وتتصل على اخوانها ..



هند تتصل على مسااااااااااااعد و كله مشغووول..



هند : يووووووه ذا يكلم من ! .. مالي غيرضاحي ..( تتصل على ضاحي ) ,,



ضاحي بالطريج : الو .. وش تبين ؟

هند : يوووووووه .. وش السالفه انقلبتالقيامه ولا ايش ! .. ضاحي جهازه فاضي و ماهو بـ مشغول .. و مساعد الهادي الليماله حس تليفونه من ساعه مشغول .. وش اللي صاير بالدنيا !

ضاحي : هييييييييي وش فيكي انتي اخلصي !

هند : أقول اخوي .. ابغى تودينا للمول ..بنغى نتمشى شوي كذا و نغير جو

ضاحي : من انتو ؟

هند : انا و مريم و هاجر و لينا

ضاحي بقلبه يقول ( ذي لينا بنت عمتي .. امموليه ما اشوفها يمكن تعجبني ) ... خلاص يا الله ..

هند : معقووله ! العاده ما تحب ان نطلع ولانروح السوق و تطفشنا و نرجع .. و إذا بتسوي ذي السوات قِلْ لي .. عشان نجلس بالبيتافضل ..

ضاحي : يوووه .. اقول لك قمي و تزهبي يا الله..

هند : معقووله !!! .. خلاص .. مع السلامه (وركضت عند البنات ) ..



...

لينا توها نازله من الدري و هند شافتها ..

هند : وينك انتي ؟

لينا : كاني شفيج !

هند : يا الله قمي خل نروح نتزهب ضاااحي يبغىيودينا السوق ..

لينا : صج ! والله خوش شي صار لنا اكثر منشهر ما طلعنا .. والله ضيقه خلق ..

هند : اجل يا الله .. امشي نقول لـ هاجر ومريم ..

لينا : يا الله .. ( راحوا عند البناتبالصاله الثانيه وبلغوهم .. وصعدوا فوق مستانسين بيطلعون .. )



...

بعد ربع ســــــــــــآعه ..



مساعد وصل البيت .. وفيه النوم .. بينه و بينالنوم قطره ..

دخل البيت شآف البنات لابسين حجاباتهم وعبيهم ( العبايه ) .. و نازلين مستانسين ..



مساعد يطالعهم و عكف حواجبه : وين على الله!!

هاجرمبتسمه : ضاحي يبغى يودينا المول ..

مساعد مو مصدق : وشو ! ضااحي عاد ! .. وش فيهذا .. اول مره يرضا لكم تطلعوا معه المول .. إلا صدق بروحكم ؟

هاجر : إيوا .. بس حنا الـ الاربعه

مساعد : و امي !

هاجر : قالت بتجلس بالبيت .. ما تبغى تجي

مساعد : زين .. حطوا بالكم و شوي شوي واركدوا .. ( فتح بوكه ) .. هاك يا هاجر ذي حقكم كلكم ..

هاجر تطالع الفلوس : بس ذي كثير !

مساعد : ميخالف .. وانتوا بعد كثير منتوا بـوحده ولا ثنتين ..

مريم : يعطيك العافيه ولد عمي ما قصرت ..

مساعد : ولو .. الله يعافيك بنت عمي ..

لينا نزلت راسها : يعطيك العافيه ..

مساعد يطالعها : الله يعافيك .. ( طالعها شويو قال ) .. زين .. انا ابغى اروح انام .. اول ما توصلوا اتصلوا فيني .. بس عشاناتطمن عليكم ..

هاجر وهند : إن شاء الله ..



...



بعد 15 دقيقه .. والبنات ينتظرون ..

مريم : مو امكن نسى موضوع الطلعه !

هند : يووووه و ذا وقته بعد .. ! جلسنا هناعلى نص ساعه و هو لحد الحين ما جا !

هاجر : وش فيكي انتي .. اتصلي عليه و شوفي موضوعه! ..

هند امسكت التليفون و اتصلت : ألووو .. وينكيا ضاحي ! ما تبغى تودينا للمول ؟! .. اها ,, خلاص .. اول ما توصل بلغنا .. معالسلامه ,,

هاجر : هاه وش قال ؟!

هند : يقول انه جاي بالطريق .. بس يقول راحعند خويه و هو جاي ..

مريم : زين .. الحمدالله ..

...



صوب ثاني .. و طريق ثاني .. بالسياره ,,



بنت متغطيه .. ومتستره و تبجي من الظلم الليمرت فيه ..

البنت تصارخ و تبكي بالسياره : تكفااا ارجوكيبا وربي انا مظلومه ..

ابوها ياخذ له زقاره : اسسسسسسكتياسسسسسسسكتي يا وصخه ..

البنات تصارخ و عيونها كلها دموع و خدودهاصارت حمرا من البكي .. : وربي مظلومه وربي ..

فجأه الابو من كثر السرعه قامت تتحرك السيارهيمين و يسار .. و فجأه راح صوب التراب وراح داااخل البر و وقف .. و سكت فتره .. وفجأهنزل .. و فتح باب بنته و جرها و قطها على الارض ..

البنت : وربي يا يبه اني انا مظلومه ليه تسويفيني كذا .. انا بنتك و بكرك ..

الابو قام يصارخ بوسط البر : ششششششنو بنتي!! .. بنتي اللي طيحت سمعتها و سمعت اهلها !! .. انا اللي ربيتك و كبرتك .. وشلقيت منك !! غير الخيانه .. ( طلع السلاح ) ..

البنت : تكفا يا يبه لا تسوي فيني كذذاا وربيتعذبت ( تبجي حيييييييييل ) وربي انا مظلومه .. ليه تبي تحرمني من هالدنيالييييييييييه ليييييييييييييييييييييييه !! ..

الابو يحط السلاح على بنته .. وقآم يتذكر كلشي بينهم ..



×××××××××××××××× في يوم الخميس الساعه 8:35في شهر فبراير .. انولدت اول بنت له ..

متعب ( الاب ) ... رايح لزوجته و مستانس .. وشاري له باكيه ورد ..

متعب دخل الغرفه لقى زوجته ترضع بنته : احم.. يااااااازينكم زيناه ..

زوجته ( نهى ) غطت نفسها مستحيه .. وبكل حنيه: متعب .. حياك ..

متعب : عطيني بنتي زينه الزين كله ..

نهى : ههههههه .. وشو لايكون حبيتها كثري !

متعب : لا ماهيكثرك بس اكثر منك بكثير ..هههههههه

نهى : هههههههه .. يوووه .. إلا وش تبغىتسميها ؟!

متعب : اممم .. وش تبغين نسميها ؟

نهى : أمم .. وش رايك بإسم دلال ؟

متعب : وشو دلال ! .. ابغى اسم جديد .. ومميز ..

نهى : مثل وشو ؟! ..

متعب : مدري .. انتوا يا البنات لكم كل يومإسم .. شوفي لها اسم حلو كذا و سميها ..

نهى : أممم .. وش رايك بإسم أسيف .. !

متعب : وشو أسيف ! ,, إنتي إنجنيتي .. قلناغريب بس مو زي كذا !

...



×××××××××××



رجعنا مره ثانيه للبر ..



أسيف تبجي : وربي انا مظلوومه .. وربي ولداخوك ظلمني حسبي الله عليه .. وربي انا مظلومه .. انا عمري ما فكرت إني اخونك و لااخون امانتك .. انا طول عمري كنت بنتك اللي دوم تفتخر فيها !! .. يبا تذكر يوم انيدخلت عليك وماسكه شهادتي و درجاتي نازله !! .. ماكن حضن امي يكفيني .. كان حضنك هواللي يمليني ..

متعب قعد على ركبه ويبكي مثل الطفل : إنتيكنتي دنيتي .. بس لييييييييييييه كل ذا صار ! .. انا اسف ( حط الطلقه عليها .. وفجأه ما سمعنا غير طلقه ناااااااااااااار ) .. قعد متعب دقايق و ركب سيارته و مشي,,



...

بالسوق ..



مريم ماسكه هاجر و تسولف .. و هند ماسكه ليناوتسولف معاها ..

لينا : اقول هنود .. بخاطري اخذ هديه لابوي.. باجر بيي السعوديه .. وبخاطري اشتري له شي ..

هند : الحمدالله .. قرت عينك .. اجل وش تبغيتشتري له ؟

لينا : اممم .. بخاطري يعني ساعه ماركه ..قلم ماركه .. بوك ماركه .. يعني اي شي !

هند : خلينا نشوف أبو الماركات .. ضاحي يعرفاكثر مننا ..

لينا : اوكي .. بلغيه و قولي لي ..

هند راحت عند ضاحي : .. اقول ضاحي .. لينا أبوها بكرهبيجي السعوديه .. و تبغى محل يبيع ماركات رجاليه ..

ضاحي : وش تقولين انتي ! .. تبغيني ادخلها محلات رجاليه!! ..

هند : يوووه .. وش فيها ! .. حنا ما سوينا شي غلط !

ضاحي : اقلبي وجهك يا الله .. و امشي قدامي عند هذاالمحل ..



...



بالإستراحه ..

فيصل يلعب البيلياردو ..

فيصل : كذا اللعب ولا بلاش .. تعلموا مني بس ..

ماجد : هههههههه .. وش اللعب اللي تعرفه ما فزت غير مرهو جاي تستقوي على راسي .. انت و جبهتك ذي

فيصل : هههههههه .. وش فيك خلني اعيش الجو يا اخي وشبلاك .. وبعدين ميخالف ذي اول مره ..



وفجأه سمعوا صوت بنت تبجي برا سور الإستراحه ..

فيصل : اشششش .. اسمعوا يا شباب



( وفجأه سكتوا الشباب و سمعوا صوت وحده تبجي بس صوتهامقموت .. كأنها تبجي تحت السور بس ما تبي احد يسمعها ) ..



راشد : مو أمكن ذي جنيه ! ولا من بتبكي هنا !

ماجد : بسم الله .. اقول ليه ما نروح الديره بس ..

فيصل : لا وش جنيه اعوذ بالله .. ( مسك العصايه ) ,,ماجد غانم تعالوا معي .. و انت يا راشد اجلس مع باقي الشباب .. ( وراحوا ) ..



أسيف قاعده تحت السور و تبجي .. ابوها اطلق الرصاص فوقبالسما .. و تركها بالبر و راح .. قال يمكن تموت و يفتك منها ولا انه يذبحها ويتعاقب قلبه على بنته ..



فيصل شاف وحده لابسه اسود بأسود .. بس شعرها طايح علىكتفها الايمن .. و هي معطيته ظهرها للسور ..



فيصل بصوت عالي : بسم الله الرحمن الرحيم .. يا بنت وشتسوين هنا !

أسيف شافت فيصل و تغطت و قامت تبجي اكثر : لو سمحت يااخوي ساعدني .. وربي محتاجه مساعدتك .. مالي غيرك من بعد ربي سبحانه ..

فيصل يكلم ماجد و غانم : لا ذي انسيه .. والظاهر انها ضايعهولا شي .. اقول يا غانم .. في غرفه لها ؟ ما ابغى الشباب يشوفونها ..

غانم : وليه يعني !

فيصل : اخس على رجال كذا .. ذي بنت و انت عندك اخوياكماهم مضبوطين .. وهالبنت شكلها ضايعه ولا فيها شي ..

غانم : خلاص .. انا بدخل و بدخل الشباب الصاله .. وانتخل ماجد ياخذك لـ غرفه الضيوف .. كذا اضبط

فيصل : كذا كويس ..



غانم دخل و قال للرجال يدخلون الصاله الكبيره و يدندنونشوي بالأغاني ..

وفيصل راح للبنت و وقف جنبها : وش فيكي ! تبغي تدخل داخلو ترتاحي ؟ .. هنا قعدتك ماهي بكويسه .. هالحين الليل صار ظلام و صدا الكلابوالذيابه ماليه الدنيا ..

أسيف تبجي ما تثق بالشخص اللي جدامها : أنا .. أنا وربيمالي ذنب بلي صار لي .. وابغاك بس تساعدني و ترجعني الديره .. انا ما صرت اثق بأحد.. ولي يعافيك اخذني للديره بس ..

فيصل : استهدي بالله .. إنتي زي أختي و صدقيني مافي حدراح يضايقك .. ولا حد راح يضرك ..

أسيف تبجي و تمسح دموعها : أبغا مويه .. وربي تعبت منكثر ما مشيت بهالبر .. لين صار الظلام .. بكيت من الخوف وربي انا مقد ما اعرف وشاسوي تكفا .. ساعدني ما ابغى شي والله ..

فيصل : خلاص .. انا بمشي قدامك وانتي امشي من بعدي .. وراح اخليك ترتاحي شوي و تستهدي بالله .. ( مشى و كل ساع يسرق النظر لها .. يخافانها تضيعع .. فيصل اول مره يشوف بنت تبجي هالبجي جدامه .. حس بالذنب واهوا مالهذنب ! .. حس ان هالبنت فعلا انظلمت .. افكاره انسرقت بين انها طالعه مع شخص و غلطتو انقطت فالبر .. مثل بعض القصص اللي تنكتب بالـ جرايد ! .. ولا انها فعلا مظلومهمن شخص ظلمها لـ سبب مالها فيه ! .. او انها ضايعه بس كلامها ما يستدل كلش بهالشي! .. )



وصل فيصل غرفه الضيوف و ماجد كان جدام فيصل .. دخلتالبنت و شكلها مبهذل .. لبسها كان فضيييع .. و عبايتها و حجابها كلها ترااب .. وماكانت متغطيه عدل .. كان كل ويها و شعرها مبين .. و واضح ان عمرها صغير .. كأنه17 سنه !! ..

ماجد يحاول يطالع وجه البنت المكشوف .. شآف عيونها عينالبدو المكحله .. و شأف شفايفها ,, اللي تجذب من تتكلم .. و وجها اللي يشبه دورانالقمر ..

أما فيصل .. كل همه يشوف مشكله هالبنت ..

ماجد حاول يقعد اكثر .. بس فيصل قاطع تفكيره بعد ما شافان ماجد يحاول يسرق ملامح " البنت " ..

فيصل : ماجد .. اوقف عند الباب لين اشوف وش مشكلتها ؟

ماجد : وشو ! تبغاني اخليكم والشيطان ثالثكم !

فيصل يطالع ماجد : والله من جدك ! ماهو بوقت مزح ..ابغاك توقف عند الباب لا يدخل حد الحين ويفهم غلط .. اخلص !

ماجد : كويس خلاص ! ..



اسيف ظلت واقفه .. وفيصل ظل واقف ..

فيصل : تفضلي إجلسي !

أسيف : ابغاك تساعدني و بطلع .. انا ما ابغى اجلس هنا

فيصل : والله العظيم حساعدك بكل اللي تبغيه .. بس اجلسيارتاحي ..

أسيف : ولي يعافيك ابغى اطلع من هنا

فيصل : خلاااص وربي راح اطلعك و ارسلك وين ما تبغين ..بس بالاول اعرف .. وش فيكي و ش هي سالفتك ! وش اللي بهذلك هنا و بهالقطه اللي انتيفيها !

أسيف بدت تبجي من يديد .. وقالت : ابغا مويا .. ريقيناشف ما اقدر اتكلم نهائيا .. ريقي يعورني .. ابغا مويه ..

فيصل : خلاص راح ارسل ماجد يجيب لك مويه .. هدي نفسك بسولا تبكي .. ( راح لـ ماجد وبلغه يجيب مويه ) ...



فيصل واقف عند الباب من الداخل : انا ابغى انتظر خويييجي ويجيب معه المويه .. واجيك ..

أسيف تمسح دموعها : كويس ..



ماجد دخل و جاب المويه : تفضلي ( و مدها لـ أسيف ) ..

فيصل يطالع ماجد : وش فيك ! .. يا الله لو سمحت انتظرعند الباب خل اعرف بنت الناس وش فيها

ماجد : وليه ما اجلس هنا اسمع وش فيها !

فيصل : يوووه يا ماجد ..

ماجد : خلاص خلاص خلاص .. انا عند الباب .. عن اذنك يابنت .. إذا تبغي شي انا عند الباب بس قولي ماجد وانا اجيك طيران مثل ( بيب بيب ).. هه ( و طلع )

فيصل : ميخالف يا اختي ,, بس ذا مجنون دوم يحب يضحك حتىبالمواقف اللي زي كذا ..

أسيف تشرب الماي : .. لا عادي .. الحمدالله على كل حال ..

فيصل : كويس .. هالحين ممكن اعرف وش اللي صاير لك !

أسيف تنزل راسها وقالت : صارت لي مشكله مع اهلي .. و هياللي خلتني اكون بذا الموقف ..

فيصل : ممكن اعرف وش اللي صار بالضبط !

أسيف : مشكله اسريه .. وبس

فيصل : و هالمشكله بسيطه زي كذا لي درجه انهم يتركوك هنا!

أسيف تبجي و بخيبه امل : انا مظلومه .. انظلمت

فيصل : و مين ظلمك ؟

أسيف تبجي : ولد عمي .. هو اللي ظلمني ..

فيصل : وش سوا لك ولد عمك !



..



أسيف تتذكر قبل 24 ساعه بالضبط ..



أسيف بالمطبخ ..



دخل يوسف المطبخ ( سيف ولد عم اسيف .. عمره 20 سنه ..انسان طايش و لا يهمه احد .. معروف بالعايله انه خبيث .. ) .. وقال : اهلا فـ بنتعمي .. إنتي هنا !

أسيف من دون لا تعطيه نظره : هلا فيك ولد عمي ..

يوسف دخل المطبخ : وش فيك ! .. وليه ما تناظرين ليوتكلميني

أسيف التفت له : وشو نسيت اللي سويته امس !

يوسف : آآ .. وانا وش سويت !

أسيف : يوسف .. وش فيك انت .. نسيت اني انا قبل إسبوعقلت لك لا تكلمني ولا عاد تشوفني بحياتك .. ! وبالنهايه اكتشف انك خطبتني من ابوي! كيف ذي ّ .. ! انا صغيره ما ابغى اتزوج هالحين !

يوسف : بس انا كبرت وابغاكي ..

أسيف : وش فيك ! انا ما ابغا اتزوج الحين ولا ابغاك انت! .. تدري عاد .. كل بنات ثانويتي يتكلمو عنك .. وبيقولوا انك معرفو بأنك تكلمبنات .. و بهالحزه لي تزوجتك انا بتتلوث سمعتي .. ما ابغاك تكون ابو لاولادي !

يوسف مسكها وبنظره حقيره قال : أنا ابغاكي لي .. و إن ماصرتي لي والله ماحتكوني لغيري .. انا يا اسيف احبك .. و يا بختي لاني ولد عمك ..وانا اولى لك من اولاد عمك كلهم !

أسيف تجر يدها : اترك يدي وش فيه انت !! اقول لك ماابغاك ما احبك !! انا طموحي اكبر منك .. انا طموحي اكبر و ادرس طب و اخلي فرحه اميوابوي تكون كبير .. وابغى اتزوج انسان له طموح كبير .. ما ابغى اتزوج انسان زيكماله مستقبل ماهمو غير البنات و الطلعات و السفرات !! و ايش شهادتك ! ثانوي ! و مش حاب تكمل جامعه .. هه وتاي جامعهحتدخل عندها انسان نسبته قليله !!

يوسف صك اسنانه وقال : وربي لا اعلمك يا بنت متعب من انا.. و كيف اخليك لي وحدي ولا حد يتبارك بزواجه فيك ..

أسيف جرت يدها و صعدت فوق و يوسف يلحقها .. واول ما قربتمن باب غرفه بنت عمها .. يوسف جرها صوبه و كتم صوتها وانفاسها و دخلها غرفته ..



...





أسيف تتذكر و تقول القصه لـ فيصل و تبكي ..

أسيف تبكي : ومن بعدها .. ولد عمي خطبني و كان المفروضاني انا اسكت و مااقول غير موافقه .. بس لمن عرف ولد عمي ان ولد عمي اللي اكبر منهخطبني .. فضح أمري بأني ماني بنت .. واني خنت وعد اهلي فيني .. ( تبكي ) .. كيفولد عمي من لحمي و دمي يسوي فيني كذا !! .. و كيف ابرهن لابوي اني انا انظلمت....! وش ذنب امي تسهر الليل و ما تدري وش حالي ! وش ذنب خواتي لي كبروا و سألواعني ! و مايعرفوني وانا حيه ! ..

فيصل حس بأنه قلبه يتقطع من اللي يسمعه .. كيف في رجاليسوون زي كذا ! بنت العم هي من اللحم والدم ونفسه العايله والقبيله و نفس الاصلوالفصل و المرجع الاصلي بالنسب ! ..



فيصل : اسمعي يا اختي .. انا ما بضرك والله لو اشوف هالانسانقدامي ذبحته .. ع العموم هالحين لازم اشوف لك مكان ترتاحي فيه .. وانا بقول لكهالمكان ماهو مريح .. لان ذي الإستراحه مكان خويي و اهله .. وهو بصراحه مو متزوجولا عنده خوات .. كان خليتك عندهم ... بس انا حـ أخليك تجلسي بفندق كم يوم .. ومنبعدها بخبر امي على اللي صار لك وبخليها تجيك من فتره لي فتره لين ما تنحل مشكلتك..

أسيف : لالا .. انا ما ابغى اكلف عليك يا اخوي ولا ابغىاكبر المشكله .. بس ابغى اتصل مكالمه وبس !

فيصل : و على من تبغي تتصلي ! و وين بتنامي !

أسيف : ابغى اتصل على امي و هي بترسل لي خالي اكييد ..ماحتسكت امي ! وابغى اطمنها علي اخاف فيها شي !

فيصل عطاها تليفونه : تفضلي ..



(( وقامت اسيف تتصل اكثر من مره لكن الجهاز مغلق ! ..خافت وااااااايد من موضوع ان الجهاز كان " مغلق " .. فـ فآوضت امرها لله.. وراحت مع فيصل .. )) ..





...

 

[زهـــراء الـــ]

اب اب اب اب
ناطره البارت الياي​

 

[M!SS.LOBY]

يسلمووووو

 

[M!SS.LOBY]

ناطره البارت الياي

 

[asmaa111q8]

نبي بارتين ورى بعض عفييه
ومتى بتنزلين البارب الياي ؟
اب اب اب

 

[FuFu...]

يسلمووو على البارت الحلو..
سالفه اسيف تعور القلب
ناطريينج كملي بليز

 

[gala q8]

يعطيكم العافيه على التشجيع ,,

انا حاليا قاعده اكتب البارت السابع .. و إن شاء الله راح انل بارتين إذا قدرت ,,

# ,,

 

[جوري ستايل]

يعطيجج العافيهه قلبوو
بنتظاررج

 

[gala q8]

البارت السابع

...

الساعه 12 .. عند لينا و مريم و هند و هاجر .. و معاهم ضاحي اللي ماله خلق .. ماغير يتحرش بالبنات .. و اللي معاه كلهم يدرون ان يتحرش فيهم ..!

لينا تكلم مريم : ياربي متى يرجع ابوي .. مو قادره انطر باجر المغرب .. !
مريم : يا الله قرت عينك .. واخيرا عاد .. دام كذا لازم نخليه يجي و يشوف المنطقه كلها ..
لينا : من صجج انتي !! اصلا لازم تعلميني على المنطقه والاماكن اللي فيها .. بخاطري اتمشى معاه شوي و بخاطري كلام كبير معاه ..
مريم : افاعليك .. اجل ليه انا هنا ! .. خلاص اسمعي اول ما نرجع البيت ذكريني اكتب لك الاماكن الحلوة .. و خلي السايق يوديك وين ما تبغي .. و بكذا راح تعرفي ان السعوديه مره حلوه ..
لينا : هههههه .. اصلا السعوديه بكل مافيها حلوه .. والفال تيين الكويت و أوريج اللي فيها ..
مريم : آميييييييييييييين .. متى يجي الوقت اللي اروح للكويت وربي بخاطري اروح لها ,, ما اذكر اني رحت لها .. و كنا بنجي لها بس الله ما كتب .. بخاطري اعيش فيها .. أبغى أعرف كيف عيشتكم ! احسها مره حلوه ..
لينا : ههههههه .. مع اني ما عشت وايد بالكويت .. بس احنا الكويت لنا عاداتنا و تقاليدنا .. يعني اذكر سنه من السنوات لمن كنت عايشه عند عمتي .. كانت ايام حلوه .. مع ان عمتي من الطبقه الوسطيه .. بس كانت عيشتهم حلوه ..
مريم : انا قبل كم سنه كانت لي صديقه كويتيه .. كنت ابغا اشوفها .. بس هي تزوجت و انقطعت الأخبار .. بس كانت تقول لي كلام مره يجنن عن الكويت .. بجد خاطري اروح لها و لأسواقها ..
لينا : خلاص وعد إن شاء الله لمن ارجع ديرتي باخذج معاي .. هههههههههه
مريم : ههههههههه .. أتمنى ..

...


عند فيصل ..

فيصل راح لـ ربعه ...

فيصل : يا الله عن اذنكم ..
ماجد : وين رايح !!
فيصل : ابد .. بس ابغا اروح الاهل أتصلوا علي و لازم اروح ..
راشد : وش تقول ! من جدك !
فيصل : إي والله .. ماعليه الجاياات أكثر ..
راشد : أجل خلاص .. تعال بكره عندي بالمجلس ..
فيصل : إن شاء الله .. يا الله السلام عليكم ..
الشباب : وعليكم السلام ..

فيصل طلع برا .. و راح حق أسيف ..
فيصل : آآ .. يآ آختي .. حياك معاي انا برجع للديره و راح اخليك تسكني بفندق لين اكلم الاهل و يتفهمون الوضع ..
أسيف بخوف : ماعليه لا إتعب نفسك .. انا حتصل على خالي ولا امي و اخليهم يجوني بكره ..
فيصل : براحتك .. اركبي حياك .. ( قعد مكان السايق .. و أسيف قعدت وراه ) ..

.. وبالطريق .. أسيف داخت شوي بس تماسكت خافت من اللي ممكن يصير فيها .. ماراح عن بالها اي شي صار لها اليوم .. كآن ربي بينهي حياتها فجأه .. و كتب لها يوم جديد

فيصل كل دقيقه و دقيقه يسرق النظارات .. كل ما ناطرها حس قلبه يتطقع على البنت صغيره العمر .. وقال ..

فيصل : إلا وش اسمك انتي ؟
أسيف خافت من سآله : مهم تعرف !
فيصل حس بسآله : .. بس كنت حاب اعرف .. لاني إذا حبيت أناديك !
أسيف : سمني مثل ما تبغى
فيصل : براحتك .. وش رايك بإسم ساره مثلا !
أسيف : كويس كذا ..
فيصل سكت فتره وبعدها قال .. : أنا أدري بسالفتك وانقطع قلبي .. لا تخافي الدنيا لي هاليوم بخير .. في ناس كثير اهلهم تركوهم .. لكن عاشوا و بنوا مستقبلهم بنفسهم ..
أسيف دايخه تغمض عين وتفتح عين ..
فيصل حس فيها .. وكل ساع يشوف راسها ينزل و يرتفع من الدوخه .. فقال أسكت احسن ..

...

بالسياره .. مع ضاحي ..

ضاحي يطالع المنظره ( تعكس إتجاه لينا ) ويقول : إن شاء الله تونستوا اليوم ؟
مريم ولينا : إي والله يعطيك العافيه ..
هند : إي والله غيرت لنا جو .. كويس كذا .. ياااااااه لو كل يوم نخرج المول زي كذا
ضاحي يشك بأخته هند : وشوو اللي عجبك بالمول هااااااا !!
هند : وش فيك ! في حد ما يحب المولات !
هاجر بضيقه : أنا ..!! .. انا ما احب اطلع للمولات و سبه البزارين اللي هنا !.. انا كبر اختهم الكبيره و هم يتحرشو وش ذا !! جد بزارين يطفشون الواحد من يدخل المول ! اوووف
ضاحي : وشوووو ! و من تحرش فيكي ! و ليه ما تكلمتي وربي إن سكتي مرِةٍ ثانيه لا اقلعك انتي و اختك البيت فاهمين ..
هاجر : يوووه .. من جدك ! ذول بزارين .. كل واحد ويقول البزاره عندي ..
ضاحي : باللهِ عليكي !! من جدك ! وش دراك انهم بزارين !! ثااااااااني مره لو يجي واحد ينظر فيكي بس تكلمي لي وانا اعلمك فيه .. ( ويطالع لينا ) ..
لينا بالها مو معاها .. مع ابوها و اخباره ..
مريم : ليوون .. وش رايك بكره نطلع ؟
لينا : لالالالااا .. باجر ما اقدر والله .. ابوي باجر بيرجع السعوديه ..
مريم : وش فيك ! بكره الصبح نتفطر برا ...
لينا : لا .. انا باجر عندي شغل الصبح بيكون لي أول يوم دوام ..
مريم : يوووه .. هالحين عطله عشان تشتغلي ! .. مايهم أستأذني من مساعد بس هاليوم واللي بعده داومي
لينا : ما عليه الايام يايه ..
مريم : براحتك .. أجل بشوف هند و هاجر
لينا : كويس ..
مريم : وش قلتي !
لينا : قلت كويس !
مريم : اووووووه .. ايوا ايوا تعلمي سعودي .. بكره تعيشي هنا .. و تكوني مننا
لينا : هههههه .. اجل خلاص بتكلم معك سعودي إذا تبغين
مريم : هههههه ..
...

عند فيصل .. حس انه توهق بهالإنسانه .. بس حط فباله خواته ( هند و هاجر ) لو كانو مكان هالبنت المسكينه .. !

فيصل وصل الفندق .. كان فباله يروح للـ شقق .. لكن مو كل الشقق " ثقه " و هم بنفس الوقت .. مو اي شقه تقبل " عازبه " فيها .. اغلبها شقق عائليه و لازم إثبات زواج !! و حتى لو شقه عزابيه .. هذي بنت ولها سمعتها .. فماكان له إلا هالقرار .. ومن بعدها إما تنحل مشكلتها # أو # إن يخبر اهله عنها .. !

فيصل يطالع "اسيف " اللي سماها ساره .. !
فيصل : سآره .. وصلنا يا الله ..
آسيف " ساره " ... نايمه
فيصل ما حب يحركها و تفز و تشوفه ماسكها ! .. فحاول يطول صوته
فيصل : ســــــــــآره .. يا الله وصلنا ! ســـــــــــــآره ..
آسيف " ساره " قامت و تلفتت انتبهت ان فيصل يناديها بـ سآره ! ..
آسيف " ساره " : هلا
فيصل : يا الله .. حنا وصلنا الفندق ..
آسيف " ساره " : وليه فندق !
فيصل : لاني ما اقدر انقلك لـ شقه و اغلبها عوايل و محتاجين اوراق إثبات .. ع العموم لا تحاتين .. انا حجيب لك اللي تبغينه .. اهم شي تنامين بمكان نظيف و يسترك .. ( لف ويها جدام ) وانا اعتبريني مثل اخوك .. ماحضايقك ولا راح انقص عنك شي .. انا لي خوات ثنتين .. و ما احب حد يضايقهم او يجرحهم .. ولا احب ان احد يهينهم حتى لو صار لهم شي غلط ! .. كل إنسان يغلط .. و خاصه لمن يكون هناك إنسان مظلوم ..
آسيف " ساره "دمعت عيونها : ما ادري شلون اشكرك يا اخوي .. بس انا لو ميته من زمان كان حالي افضل .. مدري وش اسوي بحالي والله .. لكن هذا قدرت ربي مقدر اتدخل بالماضي .. و خاصه اني انا مظلومه .. وانا ما حسكت على هالموضوع ..
فيصل : صدقيني يا اختي انا راح اساعدك كثر ما تبغي .. و ماحسكت عن حقك ابد ..
آسيف " ساره " ابتسمت : ماقصرت .. بس وش اسمك ! ..
فيصل ابتسم : انا اسمي فيصل .. و ذا رقمي ( عطاها كرت شركه ابوه ) .. ذي شركه ابوي بس سجلت عليها رقمي .. ولا تتصلي على الشركه لان انا مااشتغل فيها .. بس هذي الورقه اللي حطلتها عندي .. هههه ..
آسيف " ساره ": ماعليه .. ماقصرت ..
فيصل : زين .. يا الله انزلي وانا راح انزل معك .. وراح اسجل اسم السويت بإسمي .. لان انتي اكيد ماعندك بطاقه تثبت عنك !
آسيف " ساره " نزلت راسها : ايوا ..
فيصل : لا تضيقي خاطرك وانا اخوك .. يا الله خلينا ننزل ..

( نزل فيصل و معاه اسيف .. و سجل البيانات .. و طلبوا بعض الإثباتات بس سجل السويت بإسم الشركه .. على اساس هناك ناس بالخارج يايين .. و مسكنهم بالفندق ) .. !


...
اليوم عدا كـ يوم " متعب .. و هم .. و حزن .. و تفكير .. و ظلم " بس كل شخص بهالليله باله بعيد ..
يعني مثلا ..

مساعد قعد من النوم الساعه 10 تقريبا .. وحس بالاكل .. نزل المطبخ و أكل .. لكن تفكيره عند " لينــــــــــآ "

أما لينـــــــــآ .. بشقتها .. اول ما وصلت 10:30 بدلت و حطت راسها بالمخده .. بس تفكر شلون بيكون إستقبآل أبوها بعد ما شأفته هالفتره الطويله ! ..

آبو لينـــــــــــــآ " جاسم .. " كنســــــل رحلته للمغرب ... و حولها الظهــر .. كان محتاج إنه يرجع مبجر للـ سعوديه و بعدها بجم يوم بيحجز تذكره لـ لنــــــــدن
فيصــل رجع البيت 11:15 .. و تفكيره ما بين انه يسأعد آسيف " ساره " وشلون يوصلها لأهلها سالمه .. و مابين انه يبي يكلم امه عن موضوعها .. عشان يساعدها بـ قدر المستطاع ..

آمآ أسيـــــــــــف " ساره " .. كانت مشتاقه لـ بيتها و سريرها و امها و خواتها .. و تفكيرها مع أختها " جنى " المريضه .. اللي كانت كل ليله تنام عند أسيف .. جنى محد رباها غير أسيف .. و أسيف إهيا اللي مسميه اختها بهالاسم .. !


...


يوم الاربعه .. الســــــــــــــآعه 6:30 صباحا ..

دخلت هند غرفه لينا .. و مصدومه .. ان لينا قاعده و تلبس اكسسواراتها ورايحه الدوام !
هند تطالع ساعتها : لالالا .. حرام عليكي .. من صدقك بتروحي هالحين !
لينا تطالع هند : هههههههه .. و منو قاص عليج و قال لج اني بروح الحين !
هند : اجل ليه لابسه من هالحين !
لينا : ماكو .. بس قلت اتجهز عشان اروح مع مساعد .. امس سياره السايق اختربت و دز لي مساعد إني لازم اقعد من الصبح مبجر عشان اروح معاه بالسياره .. فقلت اقعد من الحين و اشوف متى بيروح الدوام ! ..
هند : أممم .. أبغى اقول لك شي .. بس لا تحطينه في بالك بس هو إحساس جاني ..
لينا : شنو قولي !
هند قعدت يم لينا : أبغى اقول لك .. يعني ما تشوفي إن مساعد مره يحب إنوو يعني ..
لينا : يعني شنو !
هند : تدرين ! .. انا ابغى اقول لك الصدق وبس
لينا : هووو .. شفيج ! ههههه
هند : إنتي لمن كلمتي ابوي عن الشغل .. كنت عند امي .. ومن بعدها طرشتي امي عشان اجيب لها شي .. و لمن مريت بالممر .. اكتشفت ان ابوي ناوي يخطبك لـ مساعد .. وعشان كذا مساعد كثير يحاول انه يتقرب منك .. وبعدين شوفي لا مساعد ولا ابوي ممكن يظلمونك .. إذا انتي منتي موافقه هذا قرارك ,, و محد يقدر يتحكم فيكي .. بس انا من زمان افكر و أبغا اعرف إذا حتوافقي ولا لا ! .. والود ودي انا ابغاكي تكون مرت اخوي .. بس زي ما تعرفي .. إنتي و مساعد محد يحب الثاني .. و كل واحد مايفكر بالثاني .. و هالشي يحسسني إنك ما تبغينك ولا هو يبغاكي !!
لينا ماعرفت شتقول .. : آآ .. ما ادري هند .. بس انا .. ما ادري
هند : لينا .. هالكلام لا يطلع برا .. هو بيني و بينك بس .. و حتى ابوك لا تجيبي له سيره .. و بعدين إذا إنتي ماتبغيه ترا عادي .. بس بغيت اقول لك ان لحد الحين هو ما نوى .. بس قال لابوي عطني فرصه وبعدين يصير خير ..
لينا ما حبت تكون مع مساعد الحين بنفس السياره .. واحتمال يسوي فيها نفس الموضع " إنها تركب جدام " .. بس هي خذت على كلام هند " إن لي الحين ما صار شي ! .. "

...

نزلت مساعد .. لقى امه و هاجر يتفطرون .. و قعد يتفطر .. ويطالع يمينه ويساره ..
مساعد : إلا وين لينا ؟
ام مساعد تخز مساعد : وش تبي بـ لينا يمه ؟!
مساعد يتفطر : أبد .. بس انا بروح الدوام و السايق امس البارحه قال لي ان السياره اختربت و مافي حد يقدر يقطها ..
أم مساعد : زين.. لا تتأخر وقت الغدا .. ابوك يقول عندنا ضيوف .. لا تتأخر
مساعد : إن شاء الله .. تقول هاجر نادي لينا وبلغيها إني انتظرها بالسياره .. معلش بسرعه .. ( و قام ) يا الله مع السلامه يا الغاليه ( باس راسها وطلع ) ,.

...
هاجر دخلت عند لينا لقت هند ولينا يسولفون .. هاجر : يا الله لينا .. مساعد ينتظرك بالسياره ..
لينا : زين كاني نازله بس البس عباتي ..
هند : كويس .. روحي دوامك ولا تتآخرين بنكون منتظرينك و بنشوف وش تسوين بدوامك هههههه
لينا : هههههه .. اوكي ماشي .. يا الله مع السلامه .. إي نسيت ( طلعت مفتاح شقتها ) .. هاج خليه عندج قعدي بشقتي لين تملين إنتي و مريم .. تدرين مريم نايمه بالشقه ما اقدر اقفل عليها الباب
هند : اوكي .. ماعليه ..
لينا تلبس عباتها : يا الله مع السلامه .. ( باست هند و راحت ) ..

...

لينا و هي تعدل شيلتها وصلت لي السياره و هي تلبسها ..
مساعد يطالع لينا : وش فيكي إنجنيتي ! .. لبسي الحجاب وإنتي داخل .. مو تطلعين وتلبسينها وش تبين يقولون عننا الناس ! يقولو بنت عمه مساعد طالعه من دون حجاب !
لينا تطلع مساعد : حاظر .. بس انا كنت مستعيله .. ما حبيت اتأخر عليك .. ع العموم المره اليايه ما اعيدها ..
مساعد لف وجهه واهوا مستانس .. مع انه قاصد يزفها و يسوي نفسه معصب .. لكن ماكان حب لها أو شي من هذا ..
اما لينــــــــــآ .. صدقت كلام هند .. و حست بإحساس كبير و حلو .. حست إنها مستانسه ..
و مساعد انتبه بإبتسامه لينا .. حس انها تضحك عليه لان زفها .. < ماكان عارف إن الإبتسامه بالنسبه لـ لينا كانت غيره .. !

...

عند آسيف " ساره " .. لي الحين ما قامت من النوم .. بس تسمع صوت صحون تتصافق فـ بعضها بالصاله ! ..
راحت تفتح الباب لقته مقفول .. تذكرت ان امس فيصل وصلها لي غرفتها و طلب منها إنها تنام و تقفل الباب عليها .. <~ مهما كان فيصل ريال .. والشيطان شــآطر .. !

أسيف فتحت الباب .. لقت فيصل يايب كياسه وفيها اغراض ..
فيصل ابتسم : صباح الخير
آسيف " ساره " : صباح النور ( وابتسمت إبتسامه بسيطه ) ..
فيصل : ماعليه شكلي أزعجتك بصوت الصحون .. تدرين مااعرف شغل الاكل كمان .. بس جبت لك أكل و جيت أصل الصحون لك ..
آسيف " ساره ": ماعليه لا تتعب نفسك .. انا ادري إنك إنت ما قصرت معي ... بس لازم اليوم أتصل على خالي و ابلغه بلي حصل لي ..
فيصل : مو بالأول تاكلي لك شي .. ! و بعدين انا جبت لك شويه اغراض .. ( فتح الكيس ) .. يعني مثلا جبت لك فوطه .. عندك هنا شامبو و صابون للجسم .. و مفراكه .. و ذي عطر .. و جبت لك شويه حلويات و معها شويه اكل مثل التوست و جبن كرافت و مرتدلا و كمان جبت لك نوتيلا .. اكيد تحبيه زي ما تحبه اختي هاجر ..!
آسيف " ساره " ابتسمت : ما يحتاج كل ذا ! انا الليله إن شاء الله بروح لبيتنا ..
فيصل : ماعليه .. أمكن تحتاجينهم ولا تجوعين ..
آسيف " ساره "ابتسمت : جزاك الله خير ..
فيصل : و لا جبت معي بعد مجلات .. قلت يمكن تحبين تتصفحين فيهم .. ( وقف فتره وبعدها حس ان وقفته مالها لزوم ) .. ع العموم انا خارج هالحين .. واي شي تبغينه بلغيني .. و إذا حابه تتصلين بـ خالك .. انا اشتريت لك جوال و خط .. اتصلي بالوقت اللي تبغينه و حاولي ما تتصلي من الفندق .. اخاف بعد خالك يكون واقف مع ابوك و تتسببين بمشاكل إنتي غنى عنها ..
آسيف " ساره " : لا لا تقول كذا يا فيصل .. خالي يعرفني زين ... و انا متأكده بيوقف معي .. بس المشكله زوجته تصير عمتي .. اخت ابوي .. اخاف انها تتكلم مع ابوي و تبلغه ..
فيصل : ماعليك .. واي شي تحتاجينه .. اتصلي علي و لاتشيلين هم .. تآمرين بشي يا اختي ؟
آسيف " ساره " : ما يآمر عليك عدو يا اخوي
فيصل ابتسم : عن أذنك .. ( وطلع ) ..
أسيف ظلت واقفه لين حست ان فيصل طيب و حنون .. و نعم الرجوله .. مافي احد ممكن يسوي لبنت " لا تصير له ولا لها صله دم و قرابه و اخوه " .. ويساعدها .. هالايام في شباب يقصون على البنت و يكذبون عليها .. و يآخذون اللي يبغونه و يرمونها زي ماهم يحبون أن يرمونها والمشكله ما يتركونها إلا لمن يعاتبونها و يطلعونها هي الغلطانه بس عشان يشيلون الذنب اللي هم حطوها عليها زي البصمه .. هذي اللي تعتبر ماهي رجوله .. و هذي المشكله الاولى لمن نشوف ناس ماهي متربيه لا على الدين الإسلامي اللي يعتبر فوق كل شي و تعاليمه و قوانينها الصحيحه اللي هي حل لكل مشكله .. و ثانيا للعادات والتقاليد اللي مرسومه عليها زي القوانين !! .. " هذا كان تفكير أسيــــــــــف بالنسبه لـ فيصل .. فماكان لا أكثر ولا أقل ..!!!

...

السآعه 7:15 .. دخلت لينا مكتبها .. و وراها ابو حسن : محاسب قديم .. !
ابو حسن : زين يا بنتي .. كذا إنتي صرتي تعرفي كيف تشتغلي ..
لينا : زين .. ( قعدت بكرسيها بعد ما قعد بو حسن بالغنفه ) .. الحين اقدر ابدي بالشغل .؟
أبو حسن : يوووه .. مالك بالهم يا بنتي .. ترا مساعد مكلمني ما اكلفك بالشغل !
لينا ابتسمت : انا احب الشغل .. و أتملل وايد .. ميخالف خلني اشتغل قد ما اقدر ..
أبو حسن : براحتك .. المهم إخذي ذا الملف و راجعي المصروفات و طلعي لي مجموعهم و شوفي إذا كان في أي غلط أو شي .. !
لينا ابتسمت : حاظر .. ( خذت الملف ) ..
ابو حسن : أجل انا اروح مكتبي و أول ما تخلصي تقدري تتصلي على مكتبي .. والرقم موجود بالكاشف اللي موجود بالتليفون ..
لينا : حاظر .. ما قصرت ..

...

بمكتب مساعد ..
يكلم السكرتيره ..
مساعد : أجل خلاص .. إخذي ذا الملف .. و سألي أبو جاسم وين أوراك شركه الثلج ,, و سألي محمد نشمي وقولي له خل يجيب لي عقد الشركه الأرزاق ..
السكرتيره : حاظر .. ( و طلعت ) ..
مساعد .. اتصل على بو حسن عشان يتطمن على لينا .. !

...
الساعه 9 ..

بعد ما تفطرت أسيف .. ارتاحت شوي وبعدها خذت الجهاز اللي يابه فيصل و كان شاحنه لها عشان اول ما تصحى تكلم اهلها ..
خذت التليفون والدمعه بعيونها .. وكانت خايفه تتصل .. مع انها مو حافظه رقم خالها لكن حافظه رقم البيت .. واتصلت ..

...


فبيت خالها .. ردت بنت خالها وبنفس الوقت بنت عمتها .. اسمها روان .. عمرها 14 سنه ..
روان : الو
أسيف بجت و حطت ايدها على حلجها .. و كانت الدموع اقرب لها من كل شي ..
روان بضيقه : الوووو ..
أسيف : روان .. ( وبجت ) انا اسيف
روان منصدمه : أ .. !! أسسيف ! ( منصدمه و تكلمت بصوت واطي ) .. وش لونك وش أخبارك ! وش صار معك !
أسيف : شلون امي و خواتي ! ( تبجي بصوت عالي ممزوج بالشهقات ) .. روااان خبريني عنهم ! وش لون الدنيا من دوني !
روان منصدمه و ترجف و تتلفت وتتكلم بصوت واطي : أُمك عندنا .. جاتنا امس و هي تبكي .. وتقول ان ابوك خذاك و ما رجعك مره ثانيه .. و كل ما تتصل على ابوك تلقا جهازه مغلق .. و دز لها رساله إن بيطلقها .. ( تتلفت ) و امي واقفه مع ابوك .. وتقول ان الغلطه هي تربيه امك .. ( نزلت راسها ) أنا ادري انك مظلومه .. و عرفت السالفه من مها ( إخت يوسف اللي اعتدى على أسيف ) .. تقول إنها عرفت بالسالفه كلها .. و كانت بتواجه يوسف على الظلم اللي سواه .. بس تقول انها خايفه .. إن يذبحها ولا يرتكب فيها جريمه .. ( تتلفت و سمعت صوت امها ) أسيف اتصلي اليوم الساعه 1 بليل .. و اخليك تكلمي امك .. امي جايه باي ( و سدته ) ..
أسيف : الوووووووووووو .. ( بصوت عالي ) لاااااااااااا تكفين رواااااان ردي ( تبجي ) لييييييييه يا رواااااااان ردي .. ( سدت التليفون ) .. وش أسوي بحااااااااااااالي يا رب .. انا تعبت وربي تعبت .. وش اللي صاير فيني وليييييييه كل ذا يصير فيني اناااااااااااا !! ( وقعدت تبجي ) ..

أسيف حالتها حاله .. مو مصدقه بلي قاعد يصير فيها .. للأسف مالقت حل يغنيها عن كل هذا .. ! بس أسيف فكرت بفكره .. ولازم تنفذها على الاقل انها تتطمن ..

يتبع ...

 

[جوري ستايل]

وواي اسيف كاسرره خاطررري حيل
وولينااا وسعوود شكلهمم مارراح يتزوجوون وبسس
يعطيج العافيه ع الباارت انطررج ببارت قريباا ●□□

 

[gala q8]

,.

أنرتي و نورتي الصفحه بوجودج ,, ~

تآبعي بآجي الروـآيـه و إن شآإءء الله تعرفين بآجي الآحدآث p;

ـرآح آنزلها أول ما انهي البآرت ,

#.,~

 

[زهـــراء الـــ]

وين البارت الياي متشوقين

حبيت سوالف لينا ومريم لمن يسولفون مع بعض

وحسيت ان فيصل راح يحب اسيف ولمن يحب مريم راح تحبه ومنها راح تبدأ الاحداث الحقيقية ههههه شكلي راح اسرق روايتك
واكتب شغلة من راسي بس جد مادري ليش احس راح يصير
و اول ما طلع فيصل يعني باول بارتين حسيت ان كريه يعني ماتوقعت انه يساعد وعنده هههههههه حلوه هذي ان عنده بس صج
جذي حسيت لمن يكلم مريم

ومساعد احسه ان ريال بمعنى الكلمة يعني حبيته
و وضاح احس ان يحب لينا <<<<<< ودي انه لينا و وضاح يتزوجون مادري ليش
بس احس يلوقون على بعض وههههههه
وسوري على قرقتي الزايدة
وناطرين البارت الياي لا تنسينا d:
​

 

[زهـــراء الـــ]

:eh_s(4):

وين البارت الياي متشوقين​

حبيت سوالف لينا ومريم لمن يسولفون مع بعض​

وحسيت ان فيصل راح يحب اسيف ولمن يحب اسيف .. مريم راح تحبه
غلطت بهالنقطة​

 

[FuFu...]

يعطييج العافيه على البارت وايد حلوو
اسييف حيل تكسر الخاطر حيوان يوسف
و فيصل يحليله ريال صج على الي سواه مع اسيف و اعتبرها وحده من خواته:rerrerek:
اتوقع لينا راح تحب مساعد واهوه راح يحبها
و ناطرين البارت الياي :eh_s(7):

 

[gala q8]

وين البارت الياي متشوقين​

حبيت سوالف لينا ومريم لمن يسولفون مع بعض​

وحسيت ان فيصل راح يحب اسيف ولمن يحب مريم راح تحبه ومنها راح تبدأ الاحداث الحقيقية ههههه شكلي راح اسرق روايتك
واكتب شغلة من راسي بس جد مادري ليش احس راح يصير
و اول ما طلع فيصل يعني باول بارتين حسيت ان كريه يعني ماتوقعت انه يساعد وعنده هههههههه حلوه هذي ان عنده بس صج
جذي حسيت لمن يكلم مريم​

ومساعد احسه ان ريال بمعنى الكلمة يعني حبيته
و وضاح احس ان يحب لينا <<<<<< ودي انه لينا و وضاح يتزوجون مادري ليش
بس احس يلوقون على بعض وههههههه
وسوري على قرقتي الزايدة
وناطرين البارت الياي لا تنسينا d:​

هههههههههه .. لالا شدعوه لا قرقه ولاشي

حللتي القصه تحليييييييل خخخخ .. ْ ~


أسعدني تواجدج و إن شآء الله راح اكمل الروايه ,, :eh_s(7)::eh_s(7)::eh_s(7)::eh_s(7):

يعطييج العافيه على البارت وايد حلوو
اسييف حيل تكسر الخاطر حيوان يوسف
و فيصل يحليله ريال صج على الي سواه مع اسيف و اعتبرها وحده من خواته:rerrerek:
اتوقع لينا راح تحب مساعد واهوه راح يحبها
و ناطرين البارت الياي :eh_s(7):

الله يعافيج يآ بعدي ,
إن شآآء الله , شوي و انزل البارت اللي بعده , :eh_s(7):

 

[asmaa111q8]

نبي بارت طوييل :$