روايتي الجديدة مثل ما وعدتكم " حبيب الأمس" ..حياكم

[rawona]

تسلمووووووووووون حبيباتي ..

اعتذر بشده لانه مساع حاولت انزل بارتات وعق معاي الانترنت ..شابكة من كومبيوتر حماي .. وما احب اعلقكم ان شاءالله راح انزل بارتات وادة باجر باذن الله .. واسفه مره ثانية :tek:

​

 

[kity]

^^^^^^^^^^^

ننطرج حياتي

 

[rose red]

لووول أهم شيء حماااج ضحكتيني...
ناطريينج القصة أكثر من روعة ..

 

[ام فطومه 82]

حبيبتي رووونه ماشالله عليج كتابتج وايد تعجبني
كملي بس بليز بليز نبي نهايه سعيده

 

[rawona]

مرحبا بنات .. شلونكم؟؟


نطرتكم على عيني وراسي .. تسلمون وماقصرتوا على المتابعه .. وحده وحده وماشاءالله اشوف متابعات من قصتي الاولى وان شاءالله تعجبهم القصة الثانية يارب ..


الحين بأنزل البارتات .. enjoy your readings :tek:


​

 

[rawona]

كانت حصة قاعدة تسولف بالتليفون مع بدرية بنت خالتها وبنفس الوقت قاعدة اتقلب بالقنوات على التلفزيون ..

حصه: اتصدقين أحس بملل .. مالي خلق أبلة العربي باجر .. اوف!

بدرية: ذكرتيني... ما كتبت الموضوع الإنشائي للحين .. وييييي تدرين شلون شكلي راح أشبك بعد اشوي وادورلي بالانترنت موضوع جاهز وافتك!!

حصة: زين اتسوين! انا حبيبي خلودي ما خلاني وكتبلي الموضوع من امس .. بعد قلبي راح اشتاق له وايد ..

بدرية: متى بيسافر؟

حصه: نهاية الاسبوع الياي ..

بدرية: يالله يروح ويرجع بالسلامة .. شلون نوره مع الحمال؟؟

حصه: زينه .. اتصدقين ودي تولد اليوم قبل باجر .. واي وناسه مو مصدقة بتصير عندي بنت اخت .. امووووووووت على البناااااااات عزوز حبيبي صج بس البنوته غير!

بدرية: بين اللي فيها بنت؟؟

حصه: اتقول الدكتوره مو متأكده بس احتمال كبير بنوته..

بدرية: الله يسهل عليها ان شاءالله .. اتصدقين اشتقت حق هيونه ( هيونه اخت بدرية وتوها متزوجة ورايحة مع ريلها شهر عسل)

حصة: ما اصدق!! انتي تولهين على هيونه؟؟ مو هذي اللي كله اتشكين منها و قاعدتلج على الوحده؟؟!!

بدرية: ههههههههههه تبين الصج ؟؟ ولهت عليها وعلى نجرتها معاي !

حصة: تلاقينها الاخت ما تدري عنج ولاهية الحين بروما و ضواحيها!

بدرية: اي والله .. أقول .. شخبار ابدير؟؟ (تقصد بدر اخو حصه)

حصه: هايت كالعادة!

ضاق خلق بدريه اشوي لانها تحب بدر ومعجبه فيه .. بس متضايقه من سوالفه و منقهره لانه ما يدري عنها..

بدريه: الله يهديه .. اوكيك حصوص .. أخليج الحين بأروح ادور بالانترنت موضوع إنشائي لا تفضحني أبله أميمه باجر!

حصه: ههه الله يعينج .. يالله عيل تيك كير ..سي يو!

بدرية: باي ..





​

 

[rawona]

كانت نوره اتعابل بروحها بدار الملابس .. كانت بتلبس بنطرون اوف وايت يمشي مع قميصها بس بالغصب سكر عليها!

نوره: اوووووووه .. اوف ! ما بغى يدخل ..

دخل عليها ريلها طلال و شافها عاقدة النونه ومطنقره..

طلال: اشفيه الحلو زعلان؟؟

نوره: ولا شي! << للحين ضايق خلقها واتكمل لبسها..

قرب منها طلال ولمها ..

طلال: لا صج صج .. اشفيها حبيبتي؟؟

نوره بجت من القهر: يعني ما اتشوف حالتي؟؟ بالغصب قدرت البس هالبنطرون .. واي شكلي مأساة .. أحس اني بأنفجر!

طلال: هههههههههه ياعمري أكيد بتنفجرين..

نوره: نعمممممممممم!!!

طلال: انتي شايفه شالابسه أول؟؟

نوره: اشفيه لبسي؟؟

طلال: مافيه شي ! بس قوليلي أكو وحده حامل بالخامس تلبسلي مقاس سمول؟؟!!

نوره: بعد هذي هدومي .. وهذا قياسي!!

طلال: هههه اي قياسج قبل لما كنتي بروحج .. بس مو قياسج الحين انتي والحلوه اللي في بطنج ..

نوره: يعني تبيني البس xl علشان بسلامتها تستانس؟؟

طلال: اممممممممم .. تدرين شلون .. امشي معاي ..

نوره: وين؟؟

طلال: الحين نروح نفتر على محلات ملابس الحوامل و نشتريلج مجموعه حلوه ومريحه لج وللبيبي شرايج؟

نوره: لا مابي .. مابي ..

طلال: ياه! ليش ما تبين؟؟

نوره: اخاف اتعود على الوسيع .. واطيش بزياده مثل ماصار معاي يوم حملت بعزيزان..

طلال: لوووووول لا اتخافين ماراح اخليج اطيشين .. واذا متنتي عادي مردج بتضعفين..

نوره: ........ (للحين زعلانه و متأزمه بسبب وزنها اللي زاد)

طلال: وبعدين .. ضعيفه .. متينه .. عصله .. بوتمبه .. بتظلين طول عمرج حبيبة طلال وبس .. طول العمر!

نوره: أكيد؟

طلال: ماراح ارد عليج .. شوفي عيوني وبتعرفين!

نوره وهي تبتسم بخجل: الله لا يحرمني منك ..

طلال: ولا منج اللهم آمين .. ها مشينا؟

نوره: مشينا ..




​

 

[rawona]

كافيه ستاربكس – مارينا مول

كانوا الشباب قاعدين يسولفون ... خالد – فهد – عبدالله – مشاري

مشاري: اعبيد تكفه جيك على الأحمر اللي ياي صوبنا ..

عبدالله: وين ؟ .. يا خطيييييييييييييييير يا انتا!! لا اهم شي جيك على الحمره تقول ماكله ياهل..

مشاري: شوف بس النظرات .. شكلها تنطرنا نقوم نكلمها .. شرايك تروح؟؟

عبدالله: لا بل! ما لقيت الا هذي!

خالد: وبعدين انت وياه؟؟ ما تبطلون سوالفكم البطاليه .. بالله عليكم انتوا دكاترة المستقبل؟؟

مشاري وعبدالله: أي نعم! ههههه

مشاري: شوف هذي حكرة الدراسة وما تسوي..

عبدالله: تكفى البنات بكليتنا ما يتحاجون.. وبعدين برستيج ما نكلمهم هههه فقلنا نطلع الكبت اللي فينا بره!

فهد لا بمسجاته مع ساره ..بس قاط اذنه وياهم ...

فهد: انزين طلعوا الكبت اللي فيكم بناس سنعين مو بسعالوة!

مشاري: ههههههههه شنسوي بعد الموجود ..

عبدالله: مشيري جيك .. اطلبت وردت اطلعت ادور كراسي .. اراهنك بتقد بالطاولة اللي يمنا!

مشاري: ادري من غير ما تراهن!

خالد: اي والله اقعدت وراكم هههههههه .. شرايكم نسوي قرعه ونشوفها اتصير من نصيب منو؟؟

عبدالله: انا من الحين متنازل

الكل: ههههههههه

البنت اتكلم اللي معاها: توعرفين .. هذاك اليوم تشنا (كنا) رايحين لي السينما مع مياده وفاضل .. كولش ما عجبني الفيليم..

خالد: ههههههههههههههههه طلعت من ربع طاطاو ..

مشاري: انا قلبي كان حاس من هالحمره الحمرره.. والشامه السوده لووول

عبدالله: دام جذي ... (وقف وقام من مكانه) أنا اترخص عيل

فهد: ههههههههه أيا الذروق .. اقعد وين بتنحاش؟

مشاري: وانا بعد شكلي بامشي معاه .. تامرون على شي؟؟

خالد: هههههههههه أفا .. هذي الحين نحشتكم؟؟

عبدالله: يبه ما تشوفها شلون تتلصق وتخز .. خل ننحاش لا اتصكنا الحين بتعويذه تسحرنا فيها!

فهد: خوش نشوفكم بالديوانية عيل ..

مشاري: ان شاءالله بينا ألو ..

عبدالله: فمان الله ..

خالد: الله وياكم ..

فهد: أقول .. شرايك نقوم انا بعد ونغير مكانا؟ نروح نقعد بكوستا على البحر؟

خالد: يالله فوقه..






​

 

[rawona]

عقب ما استقروا بطالولتهم واطلبوا قهوتهم .. تكلم فهد أول و سأل خالد..

فهد: بو وليد ..

خالد: هلا ..

فهد: شصار معاك انت وألاء؟

خالد: ولاشي!

فهد: هاه؟ شلون ولا شي؟

خالد: دزيتلها مسج .. وماردت علي .. وعقب 3 أيام رجعت دزيتلها مسج .. وأعتذرت منها و هم ما ردت ..

فهد: من صجك؟ وليش ما اتصلت عليها وكلمتها؟؟

خالد: الحين المسج ماردت عليه تبيها ترد على تلفوني؟؟

فهد: صج انك مفهي! اكيد ماراح اترد على المسج .. بس فضولها بيخليها ترد على اتصالك .. وبجذي بتخليها جدام الأمر الواقع ..

خالد: اتهقى ؟؟

فهد: أهقى ونص .. أفا عليك خبره ههه

خالد: وانت شلونك مع ساره؟؟

فهد: أم مبارك لو سمحت!!

خالد: أوه .. صارت أم مبارك؟؟ الله يهنيكم عيل

فهد: هههه اتصدق عاد .. هالبنت مادري اشسوت فيني .. غير عن كل البنات ..

خالد: وانت كنت تعرف بنات من قبل علشان تقول عنها جذي؟!

فهد: وهذا اللي بأوصله لك .. تدري اني مو راعي بنات وهالخرابيط بس هالبنت شدتني و الحمدلله اطلعت مثل ماتوقعت وأكثر..

ابتسم خالد وسرح بألاء .. ياترى راح ترد عليه؟ ماباجي شي على سفرته ووده يكلمها قبل لا يروح ..




​

 

[rawona]

عندي اجتماع بعد اشوي .. الوقت لسه بكير محد موجود .. أخليكم تتسلون بهالبارتات على ما أرد :tek:

​

 

[الاحاسيس المبهمه]

تسلمييييييييييييييييييييين

والله يوفقج باجتمااعج وسلميلي على المديير <<< كاااااااااااااااك حدي فااصله

ويتنغ يو سويتي

 

[digital]

خووووش بارتات

 

[shooosh_s]

عاااااااااااااشت رووونه وتسلم ايدج على هالقصه اللي اكثر من روعه بس عاااد لا تطولييييييييييين بلييز بليييييز

 

[jo0ory_90]

ثنــــــــكس حبوبه القــــــــصة روووعه
تسلم ايدج والله لا يحــــــــرمنا من قصصج الحــــــــــــلوة
بلييييـــــــــز لا تتأخـــــــــــرين

 

[rawona]

تسلمييييييييييييييييييييين

والله يوفقج باجتمااعج وسلميلي على المديير <<< كاااااااااااااااك حدي فااصله

ويتنغ يو سويتي

لووووووول باك ..


الله لا يسلمه ههههه صدع راسي .. الحين راح احط بارت عنونو وباطلع اييب بنتي من المدرسه وان شاء الله لي عوده ​

خووووش بارتات

يسلموووووو ​

عاااااااااااااشت رووونه وتسلم ايدج على هالقصه اللي اكثر من روعه بس عاااد لا تطولييييييييييين بلييز بليييييز

الله يسلمج حبوبه ..

ان شاءالله بانزل بارت صغير الحين كتبته على السريع بس علشان ما اردكم و باكمل العصر باذن الله ​

 

[rawona]

ثنــــــــكس حبوبه القــــــــصة روووعه
تسلم ايدج والله لا يحــــــــرمنا من قصصج الحــــــــــــلوة
بلييييـــــــــز لا تتأخـــــــــــرين

تسلمين .. والله لا يحرمني من طلاتكم وتعليقاتكم الاحلى

الحين انزل بارت صغير و التكمله العصر باذن الله ..​

 

[rawona]

كانت ألاء قاعده مع ساره في مطعم لونتر يتريقون قبل لا يروحون الكلية ..

ألاء: اي وبعد كملي شقالج؟؟

ساره: بس ماكو .. اللي قلتلج .. اتهقين ألوءه فهد يحبني صج؟؟

ألاء: وليش ما يحبج؟؟ أصلاً المنه عليه!

ساره: لا أنا قصدي يعني .. شنو أخرة حبنا؟ تهقين ناوي يتقدم لي؟ واذا اي اهله بيرضون؟

ألاء: وليش ما يرضون؟؟ انتي مافيج شي.. حلوه .. ونعومه .. ومهندسه ان شاءالله و خلوقه و تهبلين .. اشحقه ما يرضون بعد؟!!

ساره: يعني .. اهم بدو و انا حضريه .. أخاف ما يرضون فيني .. وبعد هم فهد يخوف!

ألاء: شلون يعني؟

ساره: مادري شأقولج أخاف يصدمني.. يعني تدرين أغلب البدو عندهم الحب غير والزواج غير .. يحبني اوكي .. بس يتزوجني لا! تلاقينه الحين حاجز بنت عمه والا بنت خالته..

ألاء: من صجج؟؟ لا ما اتوقع.. بعدين انتي مو تقولين أمه حضريه؟ يعني ما اعتقد امه بتعترض ولا ابوه! لانه اهو نفسه خذا حضريه..

ساره: بس ذاق الامرين من اهله و اخاف يعترض على زواجي من فهد على اساس ما يبي ولده يمر باللي مر فيه!
ألاء: لا اتقبسين .. ان شاءالله ما يصير شي مو زين وتفرحين وتتهنين يارب..

ساره: مو جني تليقفت اشوي و سبقت الاحداث!! ههههههههه خل يفاتحني اهو الحين بموضوع الزواج تالي يصير خير ..

ألاء: ههههه على رايج ..

ترنن ترننن ..ترن ترنن

طلعت ألاء تلفونها من الجنطه علشان ترد عليه واهي تسولف و تضحك مع ساره .. وفجأه اختفت الابتسامه وبغت تقص باللقمه ..

ساره: اشفيج؟؟

ألاء: خالد متصل فيني!



​

 

[engnera]

ناطرين يلا

 

[kity]

واوووو قصتج روعه بليز كملي بعد

اول ماقمت من النومي سيده دشيت هني

 

[زينة الأب]

واااايد حلوة وانشااله راح نكون متابعين