روايتي الجديدة مثل ما وعدتكم " حبيب الأمس" ..حياكم

[كيكه ترفه]

جان تحطها بالـ فيفوريت
كملي حبيبتي البارتات روعه
سي يو ليتر

 

[المستبــده]

رووووونه يا قلبي سجليني متايعه لقصتج ولكل قصصج ان شاء الله

 

[b6ooo6a*_*]

يلالا نااطرينج حبووو لاطولين

 

[ضي2007]

طبعا كالعاده ماشالله داايما متميزه وقصتج اتينن وأشجعج بقوه :ggdw::ggdw::ggdw::ggdw:

 

[Shiny Star]

:icon30::icon30::icon30:

بعد قلبي رونه

دايما متميــــــــــــزة ومبدعـــــــــة بكتاباتك

متابعينك


:s142::s142::s142:

 

[وحيده وغريبه]

اي ليش عاد حرام عليج كمليها انا عايشه باخر العالم وفرق التوقيت عندنا غير يعني اقعد الحين شسوي انا اصلا داشه على بالي بحصل بارت طويل يارررررررررررربي زعلت لا ومديت بوزي شبرين بعد

 

[الاحاسيس المبهمه]

نااطرينج ناااطرينج

لايوقف لايوقف لايوقف لايوقف لايوقف

جكجكجكجكجكجكجكجك << يعني قااعده اصفق

ايبواا ايواااا ايوااا

عااشواا عاااوشوا عااشوا عاشوا

 

[~RouNa~]

وييينج روونة ناطرينج

 

[rawona]

و الله مو هينة ثنويتي

واااااااااااااااااااي بديييت اتحطم بـ خااااالد :fun:

اهم شي انج مخليته قدساااوي

واااااااي يمااااا لو اناا مكان الاء ما راح اعرف اسوق

روونااا بدعتي بـ كل حرف كتبتيييه

ناااطريج يـ السمية :eh_s(6):

مشكوووووووووووره حبيبتي .. وان شاءالله الياي يعجبج ..

​

البارتات وايد حلوين
يعطبج العافيه
يالا ننطر الاحلى

ان شاءالله الحين انزل جم بارت .. تسلمين على المتابعه

​

امبييييييه روونتي واي حدي اندمجت حرام عليج الساعه 2:50 وللحين مونايما وبعد شوي دوام ساعه 7 لووووووووووووول:dddds:
امبييييييييييه القصه مو صج عجييييييييبه :eh_s(6):
كملي كملي متاااااابعه ان شااءالله باجر ارجع اكملها واشوف البارت اليديد:eh_s(6):
عااااااااااااااااااااااشت
اوووووووووووووووووووووووووو
لا يــــــــــــــــــوقف
لا يــــــــــــــــــــــــــــــــوقف
لا يــــــــــــــــــــــــــــــــــــــــــــوقف
لا يـــــــــــــــــــــــــــــــــــــــــــــــــــــــــوقف
::

جان تحطها بالـ فيفوريت
كملي حبيبتي البارتات روعه
سي يو ليتر

مشكوره بعد قلبي .. صج مشاركاتكم وتشجيعكم يفرحني .. وان شاءالله تعجبج القصة ..

​

رووووونه يا قلبي سجليني متايعه لقصتج ولكل قصصج ان شاء الله

يسلموووووووو عروستنا .. ​

يلالا نااطرينج حبووو لاطولين

ان شاءالله الحين انزل بارتات ..​

اي ليش عاد حرام عليج كمليها انا عايشه باخر العالم وفرق التوقيت عندنا غير يعني اقعد الحين شسوي انا اصلا داشه على بالي بحصل بارت طويل يارررررررررررربي زعلت لا ومديت بوزي شبرين بعد

كلش ولا زعلج حبوبه .. الله يهون عليج غربتج يارب ويردج لديرتج واهلج بالسلامه .. اعذريني اذا طولت وتأخرت .. كل انسان وظروفه و اتمنى تطولون بالكم علي

​

نااطرينج ناااطرينج

لايوقف لايوقف لايوقف لايوقف لايوقف

جكجكجكجكجكجكجكجك << يعني قااعده اصفق

ايبواا ايواااا ايوااا

عااشواا عاااوشوا عااشوا عاشوا

مشكووووووووووووره على التشجيع .. ان شاءالله اكمل الحين ..

shiny star


ضي2007

​

مروركم ومتابعتكم تسعدني .. مشكوووووووووورين ... وان شاءالله تعجبكم القصة


​

 

[وين^العهود]

يعطيج العافيه على الروايه الحلوه والمشوقه

ودايما مبدعه بمواضيعج

ويالله لااطولين علينا بالبارت اليديد

حدي اندمجت بالقصه

 

[rawona]

كان خالد قاعد يشتغل على الموقع اللي بيسويه على الانترنت و مشغول بتصميم الصفحة و ترتيب الموقع واختيار الألوان والصور المناسبة ..

طق طق ..طق طق ..

خالد: تفضل ..

تطل عليه اخته نوره بنص جسمها ..

نوره: مرحبا! الحلو آعد (قاعد) لوحدو ليه؟!

ابتسم خالد : تعالي حياج ..
سلمت نوره على أخوها وسحبت كرسي وقعدت يمه على المكتب اطل بشاشة كومبيوتره ..

نوره: هااا خلصت الموقع والا بعدك؟؟

خالد: لا والله بعد للحين .. شوفي شرايج بهالتصميم؟ .. هذا والا (ويبطل اللاب توب ويوريها تصميم ثاني) أو هذا؟؟

نوره: امممممممم لا جنه اللي انت قاعد تشتغل عليه احسن ..

خالد: اي وانا اقول جذي بعد ..

اسكتوا اشوي و كان خالد مركز باللي قاعد يسويه ..

نوره: خالد..

خالد: ممممم ..

نوره: ما ردت عليك؟؟!

اهني تيبس خالد وفقد تركيزه باللي قاعد يسويه وبينت على ملامحة الضيقه ..

خالد: لا ما ردت .. وشكلها ماراح اترد!

سكتت نوره شوي .. خالد كلمها عن ألاء .. واهم من النوع اللي ما يخشون شي عن بعض واذا الواحد منهم ضاقت فيه الدنيا .. لجأ للثاني ..

نوره: يالله خيره ماتدري .. يمكن أحسن لك ..

ابتسم خالد اشوي وقال : على رايج .. المهم ما قلتيلي متى بتشرف بنت اختي الحلوه؟؟

ضحكت نوره: وااااااااي شفيكم كل من يحن بصوب .. ان شاءالله على شهر 8 .. اوووف بعز الرطوبه ..

خالد: ههه شكله بيكون لها نصيب الأسد من الصوغه بردتي اليايه ... وبتصك على الكل ..
نوره: أفا .. ونونو اختك اتهون عليك؟؟ (وتعفس ويهها يعني زعلانه)

خالد: عندج بو عزوز .. طلبي منه اللي تبين .. بس عنونتي مالكم شغل فيها! إلا ما قلتيلي شنو بتسمونها ان شاءالله؟

نوره: والله مادري للحين .. بس محتارين بين ريماس .. وروابي .. ومادري بعد عندك اقتراحات؟؟

خالد: امممممممم شرايج بجود؟

نوره: حلو والله .. بندخله عيل مع الاسامي المرشحة ..

تيتت تيت تيت .. تيتت تيت تيت

نوره: يالله اخليك الحين جيك المسج واذا خلصت شغلك تعال اقعد معانا تحت انا وامي .. خلنا نشبع منك اشوي بروحك بتسافر بعد يومين ..

خالد: ان شاءالله .. اشوي والحقكم ..

بطل خالد المسج والا يايله مسج من ألاء .. تعجب و بنفس الوقت استانس حيل بطله .. " مرحبا" وبس مافي شي ثاني! ضحك على حركتها الظاهر انها مستحيه ..





​

 

[rawona]

ألاء تحوس بدارها .. رايحه .. ويايه .. رايحه .. ويايه .. ويا قاعده على الكومبيوتر والا مغيره مكانها وقاعده على الفراش.. يا مبطله كتاب .. واطالع صفحاته من غير تركيز .. وترد تسكره مره ثانيه .. كانت تحس بتوتر شديد ..

ألاء حق نفسها : الله يلعن إبليسج يا سويره .. كله منج!! شلون سويت جذي؟ .. اذا دزلي مسج او دق علي بأقوله ان المسج ياله بالغلط .. ايييييييه ماكو الا جذي! لاااااا .. ماراح تضبط .. بيقول عيل ليش مخزنه رقمي؟! أوف .. اش هالوهقه!

اسكتت اشوي تفكر بهدوء ..

ألاء: سويروووووووه!!

خذت الموبايل و اتصلت على ساره..

ساره: هلا..

ألاء: سويروووه دزيتله مسج!!

ساره: حلفي!! وشقالج؟ وشقلتيله؟؟!

ألاء: ماقال شي!! للحين مارد ..

ساره: أوف!! انتي شمهببه وقايلتله؟!!

ألاء: ماقلت شي ..بس "مرحبا" !!

ساره: صج والله؟؟!! حلفي بس!

ألاء: خلاص مابي ..انا مابي اكلمه كله منج.. قصيتي علي اتقولين لي الريال بيسافر وماراح تشوفينه وايد .. ولا بيكلمج وايد وقصيتي علي خليتيني ادز له مسج!

ساره: عيااااااااااااارتج!!!! الا انتي ودج و تبين اتحطين الصكه براسي!!

ألاء: أنا؟! أنا جذي يا سويره؟؟! هين أنا أراويج!

ساره: ههههههههه شفيج ألوءه أتغشمر معاج ..

سمعت ألاء صوب بالسماعه .. طووط .. شافت الشاشه ..

ألاء: ساروووووووووه!! دق علي دق!! امبيه شأسوي؟؟

ساره: وين دق؟؟

ألاء: خط ثاني يالذكيه!! سكره الحين .. قوليلي شأسوي؟؟

ساره: خلاص سكريه مني الحين ولا تتصلين عليه .. راح يرجع يتصل مره ثانيه..

ألاء: اوكي ...
سكتت اشوي ..

ألاء: واذا ما دق؟؟!!

ساره: هههههههههه الحين انا اللي مخربتج هااااااا؟؟!! يمه منج انتي بس..

ألاء: سويرووه!

ساره: خلاص سكري الخط قبل لا يتصل مره ثانيه ويلاقي خط ثاني للحين ..

ألاء: أوكي ..أوكي ..باي ..

ساره تضحك: بايات ..




​

 

[rawona]

يالله بنات تسلوا بهالبارتين .. وانا تيت أروح اتغدى وادرس بنتي وراجعة لكم باذن الله



​

 

[dlo3t^baba]

thanxx we will be waiting you ^_^

 

[OM FHD]

moTbe3a jadedaaaaaa
Qe9aa 3jeba bedyat.ha 7ilWa
Rowona mobde3aa ;D
Waiting for U la et6wleeen tara endemjt ;p​

:ggdw:

 

[rawona]

وين^العهود

دلوعة بابا


ام فهد


مشكورين كلكم على المتابعة والحضور .. وان شاءالله راح انزل بارت الحين وتالي بأروح ادرس بنتي حرام عندها إملاء باجر :eh_s(6):


بس بنات حبيت أوضح شغله ترى القصة ماراح اتخلص اليوم ولا باجر ! اشوي امطوله مابي اخربها بالاختصارات مثل ماصار مع قصة طلال وشيخه فاتمنى انكم اطولون بالكم معاي اشوي .. وتوسعون صدركم و اعتبروا نفسكم قاعدين اتابعون مسلسل تركي ههههه .. وان شاءالله مايصير خاطركم الا طيب .. :tek:

​

 

[rawona]

نطر خالد اشوي .. حاول يتصل على ألاء مره ثانية جان يهون .. ياترى شبيقولها؟ شنو بيكلمها عنه؟

حط التليفون على المكتب وقام يسوي تمارين ضغط علشان يشغل نفسه شوي عن التفكير..

**************************

قعدت ألاء تنطر بدارها .. ما اتصل! احتارت شتسوي ما تدري راح يدق وألا لا؟!

ألاء: ياربي انا ليش هالكثر مهتمه؟! كيفه ! اتصل والا ما اتصل اهوا حر!

شبكت على الماسنجر وقعدت تسولف ويا نوف شوي .. وبعد فتره دق تليفونها وحست ان قلبها طاح في بطنها!! التفتت وشافت الرقم .. مثل ما توقعت خالد متصل ..

ألاء: نوفه برب شوي

نوف: تيت

ألاء وهي ترد على التلفون وهي حدها مستحيه: ألو ..
خالد ارتبك يوم سمع صوتها ..

خالد: هلا ألاء شلونج؟

ألاء: الحمدلله بخير ....

خالد: احم .. عسى بس مو متضايقة من إتصالي؟

ألاء: لا عادي..

ابتسم خالد وارتاح نوعاً ما .. شكلها مستحية شوي ..

خالد: أنا أسف على اتصالي اللي طاف .. بس مالقيت طريقة أكلمج فيها إلا جذي ..

ألاء: .....

خالد: ليش ساكته؟

ألاء: مادري .. شتبيني أقول..

خالد: سولفي عن نفسج شوي..

ألاء: شاللي تبي تعرفه عني؟

خالد: كل شي! بس تدرين شلون .. علشان أثبت لج انه نيتي صافيه .. واني والله ما ابي منج الا كل خير ولاني من هالشباب التافه مابي اعرف عنج أي شي..

ألاء: انت شلون عرفت رقمي ؟

خالد: ها؟! .. اي مو أنا .. يوم كنا ذاك اليوم بحفل التخرج و ... يعني لما شفتج .. قلت ....

ضحكت ألاء: شكلك ما تعرف تجذب صح؟ خلاص مابي أعرف من وين يبت الرقم وأفكك من الوهقه!

ابستم خالد وارتاح .. شكلها ذكيه فهمتها وهي طايره و شكلها متأكده انه خذا الرقم من فهد عن طرق ساره!
خالد: أنا مسافر بعد يومين ..

حست ألاء بشعور غريب لما سمعت هالخبر .. ماتدري اهو شعور بالاحباط والا الحزن؟!

ألاء: تروح وترجع بالسلامة .. مطول بره؟

خالد: أنا أدرس طب أسنان في نيو كاسل .. ان شاءالله ما أطول كلها شهرين وراد الديره بإذن الله .. يعني أخر شهر 6 بأكون موجود ..

ألاء: توصل بالسلامة ..

خالد: الله يسلمج .. تامريني على شي من اهناك؟

ألاء: سلامتك ..

خالد: ممكن أطلب منج طلب؟

ألاء: تفضل ..

خالد: ممكن أكلمج بالتلفون هاليومين قبل لا أسافر؟

ألاء: .......

خالد: صدقيني ألاء .. انا مابي شي بس أبيج تعطيني فرصة أتعرف فيها عليج .. وماتدرين يمكن الله يكتب لنا كل خير ...

ألاء: ......

سكت خالد اشوي .. ونطر جوابها .. وبعد فتره من الصمت تكلم ..

خالد: أنا آسف يا ألاء اذا كنت أزعجتج .. سامحيني ووعد مني ماراح أأذيج مره ثانية بإتصالاتي .. والله يوفقج ويكتب لج اللي فيه الخير والصالح .. فمان الكريم

اهني ألاء حست انها ماتبي تنهي كل شي .. فتصرفت بسرعه قبل لا يسكره..

ألاء: خالد ..
حس خالد بالأمل .. بس ماحب يفرح نفسه ويأملها وايد ..

خالد: هلا ألاء ..

ألاء انحرجت وما عرفت شتقول .. فكرت بسرعة ..

ألاء: انت جم عمرك؟

ضحك خالد وقعد يسولف وياها و اشوي اشوي .. راح عنهم التوتر و قعدوا يسولفون جنهم يعرفون بعض من زمااااااااااان ..



​

 

[كيكه ترفه]

يووووومااااااا البارت الاخيررررررر ونااااااااااااااااااااااااااسااااااااااااا
كملي حياتي ناطرتج

 

[n00ni]

ايين البارت
والله حبيت الاء حدي

يلا كملي حبيبتي

 

[كيكه ترفه]

ايين البارت
والله حبيت الاء حدي

يلا كملي حبيبتي

هم انا امبيييه احسها طيوبه وعلى نياتها