روايتي الجديدة مثل ما وعدتكم " حبيب الأمس" ..حياكم

[dlo3t^baba]

رووووووعه ^_^

 

[kity]

وينج ياحلوه

 

[n00ni]

البارتات وايد حلوه
يعطيج الف عافيه

 

[الاحاسيس المبهمه]

نااطرينج لاتطوليين عليينااا انتي قلتي بييب بنتي مو تدرسينهااا << عسى الطرييج موزحمه

 

[rawona]

ناطرين يلا

واوووو قصتج روعه بليز كملي بعد

اول ماقمت من النومي سيده دشيت هني

وينج ياحلوه

نااطرينج لاتطوليين عليينااا انتي قلتي بييب بنتي مو تدرسينهااا << عسى الطرييج موزحمه

كل البنات .. وزينة الاب .. مشكورين على النطره والمتابعه و سوري على التأخير ..


ساروني والله من ناحية زحمه فزحمه لوووووول بس على ما غذيت بنتي و درستها وصليت يعني لويه .. الحين انزل جم بارت



​

 

[rawona]

ساره: اشفيج؟؟

ألاء: خالد متصل فيني!

ساره: اشيبي؟؟ انتي رديتي على مسجاته؟؟

ألاء: لا .. قوليلي شأسوي بسرعه .. أرد والا ما ارد؟؟

ساره: امممممممم مادري كيفج!

ألاء: بس خلاص .. سكر الخط ..

مرت لحظة صمت قصيرة .. ورجع مره ثانية تليفون ألاء يرن!

تلاقت عينها بعين ساره .. وهزت ساره راسها لألاء بحركة يعني ردي..

ألاء: ألو ..

خالد: ......
ألاء: ألوووو !

خالد: احم .. ألو .. السلام عليكم!

ألاء: وعليكم السلام!

خالد: ..........

ألاء: ..........

ألاء: ألو ..! منو معاي؟! << يعني مو مخزنة رقمه!

خالد ( حد الاحباط) لأن في باله انها بتعرفه وتعرف رقمه ..

خالد: أنا خالد ألاء .. شلونج؟

ألاء: أي خالد؟ << للحين تسوي نفسها غبيه!

خالد: خالد ال .. رفيج فهد ال..

ألاء: اي .. هلا فيك .. آمر بغيت شي؟

خالد: .....

ألاء مرتبكه وتأشر حق ساره يعني مو فاهمة شقاعد يصير!

خالد: ألاء .. بصراحه أنا حاب أتعرف عليج من مدة بس انتي الله يهداج مو معطيتني ويه .. من يوم شفتج بحفل التخرج وانتي شاغله بالي .. في شي فيج شدني وخلاني انجذب لج ..

ألاء: .......

خالد: تبين الصراحه .. أنا نفسي مستغرب من عمري.. من وين يتني هالجرأة اني أكلمج بهالاسلوب ..أو بهالطريقة .. بس صدقيني مادري ..

خالد: ألاء .. أنا مو من الشباب اللعوب .. ولا من طبعي او عادتي أكلم بنات أو حتى أتصل عليهم! بس انتي غير! نظرة عينج غير.. شي غريب يشدني صوبج ..شنو اهو مادري!

ألاء: .......... (وحدها مستغربة من الكلام اللي قاعدة تسمعه! متى مداه يعرفني او يعجب فيني؟! )

خالد: أنا ما أبي أضايقج أكثر.. كل اللي أطلبه منج انج تعطيني فرصه .. أعرفج بنفسي .. واتعرف عليج .. صدقيني ألاء انا لو أبي العب ماراح أوقف عندج ومليون وحده جدامي بالديره وبره أقدر العب عليها كثر ما أبي .. بس شعوري اتجاهج غير .. شعور محبة واعجاب .. واحترام لشخصج والله ..

ألاء: بس .. أنا ..

خالد: لا تقولين شي الحين .. كل اللي بأقوله لج انه صارلي فتره اشوفج من بعيد بالكلية .. واعترف اني مشيت وراج بالسيارة جم مره .. على كثر ماني حزين لأنج مالاحظتي وجودي .. مستانس بنفس الوقت انج ما تعطين ويه لأحد ..

ابتسمت ألاء ..

خالد: الزبدة يا بنت الناس .. أنا أدرس بره .. وسفرتي الاسبوع الياي بإذن الله .. كل اللي أطلبه انج تعطينا فرصة نتعرف فيها على بعض و نسولف فيها ويا بعض .. ما تدرين يمكن الله يكتب لنا كل خير ونلاقي سعادتنا ويا بعض!

خالد: مابي جوابج الحين .. عندج لي باجر فكري وقوليلي رايج .. وصدقيني اذا رفضتي تعرفيني وحقرتيني أوعدج انج ما تشوفين رقمي مره ثانية وراح اتركج بحالج و الله يوفقج و يسعدج بحياتج .. وثقي انج اذا اخترتي انج تعطيني فرصه أوعدج انج ماراح تشوفين مني الا كل خير..

خالد: هذا رقمي عندج .. أخليج الحين وبانتظار ردج .. مع السلامه!

سكر خالد الخط .. وخلى ألاء غرقانه بحيرتها!! عيونها مبققه من الصدمه .. واطالع التلفون بذهوووول .. مو حاسه ولا داريه باللي حواليها .. ومطنشه ساره اللي قاعده تناديها لين هزتها واصرخت..
ساره: ألووووءه!!

استوعبت ألاء شكلها المصدوم .. والتفتت على ساره وهي للحين تحت تأثير الصدمه!



​

 

[MeeMeeYoo_2]

يعطيج العاااااااااااااافيه

 

[rawona]

سكر خالد الخط وقلبه يرقع .. ويحس بحر مو طبيعي .. حده مستغرب شلون قدر يسوي جذي ومن وين يت له الجرأة انه يكلم البنت بهالطريقة وهالأسلوب!

خالد: والله ماراح ألومها ان احقرتني و ارفضت ترد علي! مطفوووووق!

وعلشان ما يفكر وايد بالموضوع .. سحب الموبايل و اتصل على ربعه يواعدهم يروحون الشاليه ويتغدون اهناك..!

********************** ******************

في هالحزة كان بدر "أخو خالد" .. مزرق من المدرسة وقاعد يفرفر بالمجمعات من الصبح و يتصيد بنات الكليات والجامعات "شكله يبين أكبر من عمره" ..

بدر: طرووووووق .. شوف اللي جدامك على اليسار ..

طارق: لا يبا خل تولي هالشيفه اصبر .. في احلى منها ..

بدر: والله زهقت صارلنا ساعتين نفتر ولا وحده تفتح النفس!! وانا حدي يوعان مو متريق من الصبح وانت شكلك قاص علي ولا بتضبطني ولا شي!

طارق: انزين امش نروح نتغدى وبالمره نغير المكان يمكن نلاقي بنات حلوين..

بدر: أهم شي نتغدى أول!

طارق: انزين يالبطيني .. هذا وانت عصل دق العود تاكل أكثر مني ولا يبين عليك .. مو أنا كرشي جدامي!

بدر: بل بل.. بل ..تعوذ من إبليس و اذكر الله!

طارق: ههههههههه لا اتخاف ماني حاسدك.. عيني مو حاره ..

بدر: والله ما يندرى عنك .. شكلك أخر شي بتقطني على صخر .. إمش بس إمش!




​

 

[rawona]

ثانوية مشرف للبنات – الفرصة ..

بدرية: أوف .. شفتيها اشسوت فيني؟؟ مادري ليش هالأبله حاقده علي وحاطه دوبها من دوبي!

حصه: هههههههه والله الابله مسكينه ماقالت شي .. كل اللي سوته انها زفتج!

بدريه: لا والله؟؟ صجججججج؟؟؟

حصه: والله مادري عنج من وين يايبه هالذكاء الخارق .. الحين يوم انج ناقلة موضوع تعبير كامل من الانترنت ما تعرفين اتغيرين فيه اشوي؟؟ سيده على أولج كوبي بيست! يالله إكليها شسوت عليج الحين .. طلع التعبير نفس تعبير طالبة كاتبته السنه اللي طافت!! إكليهااااااا ههههههههههه

بدريه: والله من قرادتي .. الحين من بين كل المواضيع .. ومن بين كل الطالبات .. انا اللي طلع موضوعي متشابه مع موضوع بنت من السنه اللي طافت وعند نفس الأبله!! شهالحظ!

تررررررررررررررررررررررررررررررررررررررررن ...

حصه: يالله قومي طق الجرس .. شنو عليج الحين؟

بدريه: رياضيات .. وانتي؟؟

حصه: بدنيه .. خلاص عيل أشوفج بالهدة!

بدريه: ماشي .. سي يو

حصه: تشاو!



​

 

[rawona]

ساره وفهد .. قاعدين بالكافتيريا المختلطة في الخالديه "كافتيريا الدكاتره" ..

ساره: أمبيه لو تشوف ويه ألاء المسكينه شلون صار من الصدمة والاحراج بعد!

فهد: انزين ما قلتيلي شقالها خالد؟؟

ساره: ما رضت تقولي.. قالتلي اقولج بعدين ومشت وخلتني!

فهد: غريبه ! عاد خلود من النوع الخجول والهادي يعني ما أظنه غلط على البنيه.. لا لا مو معقوله .. أصلاً اهو متحطم فيها!

ساره: انزين ما قالك اهوا شي؟ شقالها؟ لاني متأكده انه ألاء ما انطقت بحرف .. بس قاعده تسمع و عيونها كل مالها وتتوسع من الصدمه! أكيد قالها شي "جايد"

فهد: اممممممممم والله مادري عنه .. اتصل فيني الصبح يبينا نتيمع بالشاليه مع الربع قبل لا يسافر.. بس ما ياب لي طاري كلش .. اذا شفته راح أكلمه وأعرف منه السالفة و أقولج ..

فهد: المهم ما علينا منهم .. حبيبتي شلونها؟؟

ابتسمت ساره بخجل و قعدت تسولف مع فهد اشوي لين كل واحد فيهم راح يشوف أشغاله!



​

 

[rawona]

يعطيج العاااااااااااااافيه

الله يعافيج حبوبه .. وان شاءالله تعجبج البارتات

بنات اليوم أنا قاعده من الصبح أكتب وأنزل بارتات .. الصبح 5 بارتات و الحين 4 بارتات يعني 9 بارتات لليوم!

وفي بنات وايد للحين ما قروا البارتات اليديده .. فراح أوقف الحين و ناطره ردودكم وتعليقاتكم وأكمل لكم بعدين بإذن الله ..


Enjoy yOur Readings


:tek:



:bye22:

​

​

 

[digital]

حلوووه الاحدااااث


اى اى روونه لا تنزلين لى باجر ههههه لان انا عندى امتحان وبقعد ادرس

 

[rawona]

حلوووه الاحدااااث


اى اى روونه لا تنزلين لى باجر ههههه لان انا عندى امتحان وبقعد ادرس

موفقه ان شاءالله


نبي البشاره عاد
​

 

[kity]

واووو روعه

تسلم ايدج رووونا ع هالبااارت وماقصرتي

وننطرج باي البارات

 

[Bnota_q8ya]

القصه حلووه
ونبي بارت طوييل
ناطرينج​

:eh_s(6)::ggdw:

 

[n00ni]

القصه عجيييييييييييبه
يلا حبيبتي روحي ارتاحي
يعطيج العافيه

 

[rawona]

الله يعافيكم بنات .. تسلمووووووووون ..

شاكرة لكم تفهمكم .. والقاكم على خير ان شاءالله .. باطلع وان شاءالله القى ردود ومشاركات اكثر باجر باذن الله .. :tek:

​

 

[~RouNa~]

ثانوية مشرف للبنات – الفرصة ..

​

و الله مو هينة ثنويتي :eh_s(22):

واااااااااااااااااااي بديييت اتحطم بـ خااااالد :fun:

اهم شي انج مخليته قدساااوي

واااااااي يمااااا لو اناا مكان الاء ما راح اعرف اسوق

روونااا بدعتي بـ كل حرف كتبتيييه

ناااطريج يـ السمية :eh_s(6):

 

[ام فطومه 82]

البارتات وايد حلوين
يعطبج العافيه
يالا ننطر الاحلى

 

[كيكه ترفه]

امبييييييه روونتي واي حدي اندمجت حرام عليج الساعه 2:50 وللحين مونايما وبعد شوي دوام ساعه 7 لووووووووووووول:dddds:
امبييييييييييه القصه مو صج عجييييييييبه :eh_s(6):
كملي كملي متاااااابعه ان شااءالله باجر ارجع اكملها واشوف البارت اليديد:eh_s(6):
عااااااااااااااااااااااشت :ggdw:
اوووووووووووووووووووووووووو:ggdw:
لا يــــــــــــــــــوقف :ggdw:
لا يــــــــــــــــــــــــــــــــوقف :ggdw:
لا يــــــــــــــــــــــــــــــــــــــــــــوقف :ggdw:
لا يـــــــــــــــــــــــــــــــــــــــــــــــــــــــــوقف :ggdw:
:ggdw::ggdw::ggdw: