روايتي الثانيه { منى ومريم}

[اكابر]

الجزء الحادي عشر

منى كانت بجوو ثاني وعلاقتها بيوسف كانت ماخذه طريج غير عن علاقه مريم بحسين كانت علاقتهم بريئه حدودها الانترنت ما تتعدى جذي ...

يوسف كان يقدر يكلم ويخربط ويتعرف على مليون بنت احلى من منى واكشخ واذرب ودلوعين وفري بس في شي كان جاذبه لها يمكن بساطتها وعدم مبالغتها اهي صحيح ماكانت ملكه جمال وفي احلى منها وايد بس يساطتها محليتها ..

بيرلا صارت علاقتها بمنى قويه ومنى حاولت تعلم بيرلا الكويتي وبيرلا مو حابه تتعلم ..

مريم حيل كانت لاهيه عن منى لاهيه مع حسين حتى ما اتصلت عليها من راحت وكانت تتشكى منها عند يوسف ..

منى : تصدق ما اتصلت علي الحين جريب الشهر والماسنجر ما اتدش الا قليييييييييييل ولما اكلمها اللهم السلام ومع السلامه ..

يوسف : ياعمي اتركيها اهيا ما تسأل خلاص لا تسألين ..

منى : انزين ليش؟؟ كل هذا عشان حبيبها وانا اللي متربيه معاها وعمرنا كله ويا بعض جذي اتسوي لييش ؟؟

يوسف : شوو مسافره مع حبيبها ؟؟

منى : شوو اللي شوو قول شنو حسبي الله على بليسك قمت اقول نفسك شوو اي مسافره مع حبيبها امها تدري وامها اصلن معاها ..

يوسف : اوكي بقول شنووو .. بيني وبينج انا من اول ماشفتها ما ارتحت إلها شكلها مبين شيطونه ..

منى : بس قلبها طيب ..

يوسف : الله يهنيهم افبعض ويارب احنا جذي نسافر مع بعض ..

منى : ههههههه منو انا وانت مالك امل انا تربيتي غير عن تربيتها .. امي ماتحب هالسوالف ..

يوسف : لك تأبرني التربيه اللي هيك .. انا ليش حبيتج عشان تربيتج وادبج واخلاقج .. ولا انتي شيفه .. لووووووول اتغشمر ..

منى : يحن العرج هاا لازم تقط كلمه يالزلمه ؟؟

يوسف : يالله عااااااد لا تغلطين زيين ترى احطج وادوس افبطنج فاهمه اكسر راسج انا ... ها اشرايج فيني وانا اتحجى كويتي عدل مدل ..

منى : لوووووووول وين ماكو شي مو زين تعلمته تتعلم الزف ها بس ميخالف هم لايق عليك ..

يوسف : ترى ما اقدر على هالحجي افحمتيني ..

منى : لك يأبرني اللي افحمتوو ..

يوسف : فديتج وفديت كلامج ..

بيرلا كانت تراقب علاقتهم من بعييد لبعييد تخاف انه يصير شي من وراها وتتحمل اهيا المسؤوليه ..

.......................................................................................

حسين اللي مدد اجازته وقعد افمصر مع مريم ليين اليوم اللي يوصل ابوها اهو يسافر ..

..................................................................

مريم جذبت على حسين قالت له انها بتروح الحمام وراحت تشتري نفنوف معروض بفاترينا واحد من المحلات كان عاجب حسين وايد وحتى مريم عجبها وكانت تبي تاخذه بس حسين مارضى قالها ادري لي شريتيه بتطلعين فيه وانا ما احب تطلعين بلبس جذي .. لون النفنون احمر قصيييييييييييير لي نص الفخ وفيه فتحه وكوكتيل فيه شغل ناااااااااعم النفنوف حلوو بس حق مناسبه يعني ماينطلع فييه .. ولانه حسين عارف انه مريم متهوره وماعندها اي مشكله انها تلبسه وتطلع فيه فمارضى تاخذه ..

شرته ورجعت حق حسين ..

حسين : ها حبيبي اشاريه ..

مريم: ماكو شفت بيجامه عجبتني وشريتها ..

حسين : اشدعوه جان ناديتيني انقي معاج ..

مريم: انا ما كنت ناويه اشتري بس جذي الفتت نظري ..

حسين : انزين بجم شريتها ..

مريم: بمبلغ وقدره ..

حسين : يعني جم ..

مريم: قلت لك مبلغ وقدره ..

سكت حسين وماعلق ..

حسين : انزين حبيبي اشرايج انتعشى اهني بعدين نطلع نتمشى شوي واقطج بيتكم ..

مريم: لا حبيبي نشتري عشى ونروح الفندق اهناك احسن ناخذ راحتنا اكثر .. بعدين توها الساعه 8 ..

حسين:مريوم انتي معاي من الساعه 10 الصبح اهلج لهم حق عليج لازم يشوفونج ..

مريم مدت بوزها : اي قول مليت مني وتبي تصرفني ترى اذا تبي تصرفني قول عادي ارجع البيت من الحين ..

حسين: ياحماره لا تصيرين ياهل انا لو بيدي اخليج اتباتين عندي بس هم بعد مايصير انتي يايه اتصيفين اهني مع اهلج والحين صارلنا 3 اسابيع كل يوم مع بعض وماطلعتي مع اهلج ولا مره ..

مريم : وييه لاحقه عليهم خوو بيي ابوي وبطلع معاهم شهر كاامل ..

حسين : خلاص حبيبي كيفج وين تبين تروحين ناخذ عشا ونروح الفندق ولا نتمشى شوي ..

مريم : لا نروح الفندق ..

حسين :ماشي يالله عيل قمنا ..

......................................................................................

راحوا الفندق وتعشوا وخلصوا مريم غسلت قبل حسين وقامت طلعت له بجامه واهو بالحمام :هاك غير ملابسك ..

سكر الباب عشان يبي يبدل واهي اتنهزت الفرصه وطلعت النفنوف ولبسته واهيا قاعده اتسكر السحاب ولا بطلعه حسين ..

مريم: اوووه ليش طلعت الحين خربت المفاجئه ..

حسين: !!!!!!!!!!!!!!!!!!!

مريم بدلع : هالنفنوف عاجب حبيبي ادري عشان جذي شريته عشان البسه حق بروحه ..

حسين كان منبهر فيها كان حلوو عليها اهيا ماكانت ضعيفه حيل جسمها متروس بس مو بطه متروس على حلى وفالنفنوف حده اغراء صار عليها ومطلع جسمها حده واو ..

وقف يطالعها واهيا تتمخطر جدامه بدون ولا كلمه ..

مريم : حسوني حبيبي اشاريك حلو علي ؟؟

حسين: ...........

مريم واهيا تقرب منه وبكل دلع تقط روحها عليه : حسوووونييي ..

حسين : هلا عيوني ..

مريم: اشرايك حلوو علي ؟؟

حسين : تبين الصراحه اوووووووووووف عجييييب مطلعج وااااااااو مال الواحد ياكلج اكل ..

مريم واهيا تقرب منه اكثر وحطت ايدها ورى ظهره : وشاللي رادك ليش ما تاكلني ..

حسين ضعف جدامها كل هالدلع والانوثه والاغراء تذوب اكبرها ريال..

باسها بس هالمره غيير مو نفس ذيك المره هالمره باسها على شفايفها ..

وتطور الوضع اكثر واكثر صاروا بس بالملابس الداخليه وعالسرير ..

وفجأه رن التليفون .. كان موبايل مريم ..ماكنت تبي ترد هذي امها والساعه توها 10 الا ربع ..

حسين : حبيبي ردي عليها شوفها اشتبي ..

مريم: ماتبي شي حبيبي خلنا منها ..

حسين : عشان خاطري ردي عليها يمكن في شي ضروري ..

مريم: افففف سكرته خلاص ..

حسين : اذا تحبيني دقي عليها ..

مريم: انزين لا تحن ..

اتصلت على امها وقام حسين عنها وقعد عالكرسي الهزاز ..

وخلاها عالسرير ..

مريم: الوو ها يمه ..

الا م: ها انتي وينج هايته ما تتصلين .. ماتقولين عندي اهل ..

مريم : بالفندق مع حسين ..

الام : حسبي الله عليج وتقولين يما جدامه ..

مريم: لا اهوا بالحمام مو يمي ..

الام: انزين سمعي تعالي الحين بسرعه ابوج كل ما يدق ويسأل عنج تكونين طالعه مع هالحسين ومليت وانا ارقع لج عاد قتله انج افبيت منال ومنار اللي بالعماره اللي جبالنا قال ناديها عشان بكلمها ..

مريم: اففففففف تو الناس شييبني الحين بعدين اشيبي هذا ريلج ..

الام : ويعه مريومو ابوج واهوا عباله انتي مريضه او صايرلج شي حرام يحاتيج .. يييبي حسينووه وتعالوو كملو سهرتكم بالشقه .. ويي صج نسيت انه اهو مايدري انه انا ادري عنكم ..خلاص يله تعالي الحين ولاحقه عليه باجر ..

مريم : انزين الحين البس وايي ..

الام: ليش انتي مو لابسه؟؟

مريم: شريت نفنوف وقايسته عشان اوريه حسين ودقيتي انتي عاد افصخ النفنوف والبس ملابسي واي ..

الام: زين بس مو تتأخرين ..

مريم : زين بس لا تحنين وايد .. باي

الام: باي ..

حسين : ها حبيبي اشفيها امج ..

مريم: ماكو تقول ابوي ياحتيني ويبي يكلمني ..

حسين : خل يدق عالموبايل ..

مريم : اشدراني عنه لا يبي يتطمن الا بيشوفني مع امي او لا ..

حسين : انزين يله لبسي بسرعه عشان اوديج ..

مريم : اوكيك وراحت لمته وباسته ..

مريم كانت سعيده حيييييييييييييييل باللي صار شي يديد عليها وغريب اول مره تحس بهالاحساس اخيرا طبقت اللي تشوفه بالافلام ..

اما حسين فكان حيل متضايق من نفسه { اففففففف غبي غبي انا اكبر غبي وحمار اشسويت انا ما اعرف امسك نفسي شوي خرا فيني ماكان لازم يصير اللي صار .. افففففف ياربي بعد ما اقدر امسك عمري شكلها كان حده مغري بعدين اهيا الله يهداها اللي خلتني اسوي جذي اووه حبيبتي بعد شنو وزوجه المستقبل ان شاء الله لا انا لازم اتزوجها .. هووب شنو اتزوجها احنا ماصار شي بينا جايد ليش أأزم الامور .. بس هذي حبيبتي واناماسويت جذي الا لاني احبها وابيها لي .. خلاص بس ترد الكويت راح اخطبها ضروري اخطبها انا ما اقدر اعيش بدونها ..

مريم ثاني يوم من الصبح قاعده ولبست نفنوف شيفون جوبانيز واسع لين الركبه لونه كحلي ولبست تحته برمودا احمر ..

وراحت له الفندق .. واخذت ماعاها بيجامه شوورت وبدي علاق وخذت غيارات داخليه ..الوانها واااو البيجاما ابيض بفوشي والملابس الداخليه لونهم فووشي وصبغت اظافرها فووشي اديها وريولها ..

دشت عند حسين وبطلت الستاير ..

مريم : يله حبيبي قووووووووووووم بسك من النوم قوم ..

حسين : مريووم تو الناس سكري الدرايش ....

مريم : شنو ماتبي تقوم اذا ماتبي تقوم انا بنام يمك..

حسين واهومنسدح وما بطل عينه : نامي خلصي بس تكفين بدون صوت ..

بدلت ولبست بجامتها .. وانسدحت يمه وقعدت اتطفره تلعب بشعره ولا تسحب اذونه ولا تعظ خشمه ..لين قام ..

كانت مجابلته عطاها ظهره هم ماكو فايده ظلت تتحرش وتطفره تبيه يقووم ويقعد معاها ..

تنرفز ولف عليها ثبتها ومسك ايدها حييل واهيا ميته ضحك ..

مريم : هههه اي اي ..

حسين: بتنامين ولا شلون ترى اذيتيني بناااااااااام تكفين بنام ..

انتبه لها وحق لبسها عجبه حييل ..

حسين : انتي ماتيوزين عن سوالفج ..

مريم : حسونييييييي شنوو ..

حسين : تخلين الواحد ياكلج غصب ..

هجم عليها هالمره كان مثل الوحش مثل الثور الهايج ماكان مثل امس هادئ ومسيطر على نفسه حاول يضبط عمره ماقدر شكلها واهيا نايمه وشعرها ولبسها كان مغري حييل شكلها حرك رجولته .. وووووو صار صار شي اكبر من كل مره شي ماكان المفروض يصير طاحوا بالمحظور ..

عقب ماهدى حسين ووعى على اللي سواه وخر بسرعه عنهاا وقعد عالكرسي الهزاز ..

ومريم ظلت بمكانها هالسرير اللهم مغطيه روحها بالكفر كانت مصدومه من اللي صار .. ماتدري تفرح صار تطور ولا تبجي لانها صارت مو بنت ..

حسين : مريم قومي لبسي خل نطلع ..

مريم: وين نروح ؟؟

حسين :اي مكان الفندق خنقه ..

مريم : شبنسوي الحين وشنو الحل ؟؟

قرب صوبها يوم شافها خانقتها العبره ..: ورحمه الوالد والوالده ماراح اتخلى عنج لو تنقلب الدنيا فوق تحت ..

بجت مريم وحطت راسها على صدره ومن كثر مابجت حتى اهو بجى عز عليه اللي صار ..وقرر انه يكلم امها ويصارحها بكل شي ..
ياترى اشبيصير ؟؟ شنو بتكون رده فعل امها وشنو راح تسوي لما تدري وهل راح يقولها اللي صار بالظبط ولا بيخترع شي من خياله كل هذا راح تعرفونه بالبارت الياي ..

 

[miss-_-smart]

ناطرينج حبيبتي

 

[أميرة العود]

ناطرينج

 

[اكابر]

من عيوني حاظر شوي وانزل بارت بس بشرواا شلون القصه وياكم عاجبتكم ولا ؟؟

 

[أحلامي يقظه]

نااايس القصه
صج صج تتحجى عن مجتمعنا..
كملي حبوبه..اسلوبج يهبل وضابطه اللبناني هههههههه
....ويتنغ

 

[اكابر]

الجزء الثاني عشر

بيرلا : شووو انت جنيت ؟؟

يوسف: لأ ماجنيت ولا شي انا عنجد حبيتا للمخلوئا .

بيرلا: جوو انا من الأول إلتلك منى مش متل البنات اللي عرفتن ابل ..

يوسف : بعرف بعرف منى غير مشان هيك حبيتا ..

بيرلا : لأ هلأ جوابي لأ .. مافيي خليك تحكي مع منى من موبايلي ..

يوسف : انا مش راح آكلا للمخلوئا .. كل اللي راح اعملوا انو اسمع صوتا عنجد زهئت من msn . بلييز افهميني انا بحبا من كل ألبي وبدي كفي معا بس مع هيك علاقه إلكترونيه مافينا نأرب من بعض اكتر ..

بيرلا : انتا خيي وهيي رفيئتي .. مابإدر خونا وخليها تعمل شي هيي مابدى ياه طيب انت إلتلا بالاول ..

يوسف : لأ ما إلتلا شي انا بعرف شو راح تؤول مشان هيك ما حكيتا بشي ..

بيرلا : سوري اما ما راح ساعدك بشي لأنو من البدايه علاقتكون غلط انتو لساتكون صغار ..

يوسف : خلاص انا بعرف كيف اتصرف ..

بيرلا : حل عيني ياا ..

.......................................................................

عالماسنجر ..

يوسف : مشتاق اسمع صوتج .. تصدقين لو اقولج انه لين الحين افبالي من اول ما شفتج اول مره ..

منى : يوسف بليز مالي خلق هالاسطوانه .. كلكم تقولون جذي ..

يوسف :ولو عيب عيب هالحجي ليش انتي جم واحد تعرفين ..

منى : انت تدري انه انا ما كلمت غير محمد الغبر والباجي كلهم بالنت ومايك نظام بو جم يوم وبس ..

يوسف : متأكده ..

منى : طبعا وليش اخاف..

يوسف : لا تخافين حبوبهمو موضوعنا هذا ابي اسمع صوتج بليز ..

منى : اسفه ..

يوسف : انتي ليش جذي كل ماقتلج ابي اكلمج ماترضين ..

منى : انت ماتدري انا اشصار فيني يوم اهلي دروا اني اكلم محمد والله اخوي كان شوي ويذبحني ..

يوسف : طيب انتي ليش مو مثل مريم فري ..

منى : الحين صارت مريم تعجبك وتربيتها تعجبك ليش ماحبيتها مو احسن ..

يوسف : بس مريم عندها حبيب ..

منى : اهااا قتلي عندها حبيب عشان جذي ماحبيتها كانت جدامك ولين الحينها جدامك مريم عادي لها قلووب وايد حاول وانا واثقه انك بتوصل لها بسرعه ..

يوسف : بس

منى : اوف لاين ..

يوسف : اففففففففففففففففففففففف فصلت انا حيوان اني اقولها شي ..

.....................................................................................

حسين قرر يكلم ام مريم بس احتار شنو يقولها قرر بينه وبين نفسه يصارحها بدون لا تدري مريم ويرتب مع امها كل شي عشان بس يرجعون الديره يخطبها ويتزوجون ويحل الموضوع اللي صار .

بليل عقب ما قضى اليوم مع مريم ويوم وصلها البيت ..

حسين : حبيبي مريوم باجر لا اتيني الصبح .. بنام زياده ..

مريم بعصبيه : بتنام ها اوكي ماراح اييك لا باجر ولا غيره زين ..

توقعت مريم انه حسين بيعتذر عن كلامها بس اللي صار انه حسين اكتفى بانه يلف راسه الصوب الثاني وما يطالعها..

غورقت عين مريم ونزلت من التاكسي واهي تقول بنفسها { ورحمه امك وابوك ها انا غلطانه اني سلمتك نفسي } وسكرت الباب بقوه خلت راعي التاكسي يعصب ..

وحسين قلبه يعوره على تصرفه اهو قبله وياها بس كان لازم يصرفها لانه لو درت مريم انه بيكلم امها ماراح ترضى ..

مريم صعدت شقتهم وعلى طول على غرفتها .. وقعدت تبجي على بالها حسين تخلى عنها ..

بالصاله ..

ام مريم واخوانها رن التليفون ..

....: الوو

نوره : الوو نعم ..

.....: ام خالد موجوده ..

نوره : منو اقولها ..

.....: قوليلها .. عطيني ياها واهيا بتعرفني ..

نوره : يماا مادري منو يبيج ..

الام : منوو ..

نوره : مادري ريال مو راضي يقول اسمه ..

الام : الوو

...: الوو السلام ام خالد ..

الام : اي نعم منو معاي ..

....: انا حسين بس ياليت اذا مريم يمج ما تبينين لها انه انا اللي قاعد اكلمج ..

الام : ايي ياهلا اخوي امرني ..

حسين: اقدر اشوفج ..

الام: اقدر اعرف ليش ؟؟

حسين : موضوع شخصي ..

الام : اوكي ..متى يناسبك ..

حسين : الصبح عالساعه 10 في الكوفي شوب اللي.......

الام : اي عرفته خلاص اوكي ..انا الساعه 10 بكون هناك ..

حسين : بس بليز مريم لا تدري ..

الام : اوكي خلاص ..

سكرت السماعه ومستغربه حسين اشيبي فيها وشنو الموضوع اللي بيقوله لها وليش ما يبي مريم تدري ..

.....................................................................................................

الساعه 10 بالظبط كانت الام هناك وحسين كان واصل قبلها طبعا اهيا تعرفه شايفته من قبل جم مره ..

احلام : السلام ..

حسين : وعليكم السلام .. تفضلي ..

احلام : دام فضلك ..

حسين : اشتشربين يام خالد ..

احلام: ياليت تناديني احلام ..

حسين : اوكي احلام ..ماقلتيلي اشتشربين ..

احلام : امممم عصير برتقال ..

حسين : اوكي لو سمحت واحد عصير برتقال وواحد قهوه سويت ..

الجرسون: حاضر تأمر في حاجه تانيه ياباشا ؟؟

حسين : لا شكرا..

احلام: اي ماقتلي خير اشبغيتني فيه بصراحه امس مكالمتك شغلت بالي ..

حسين واهو مرتبك ومو عارف شيقول ولا شلون يبدي : أ ااحم .. انا اول شي بعرفج بنفسي انا اسمي حسين ارمل وماعندي عيال أأ

احلام : مريم معرفتني فيك من قبل وقايلتلي عن كل شي عنك ..في شي ثاني حاب تقوله ..

حسين : أأ انا بأختصار احب مريم ومريم تحبني ولازم اتزوجها بأسرع وقت ممكن ..

احلام : نعم !!!!!!

حسين : اسف انا اقصد اني ارمل ووحيد وما عندي احد بحياتي ومريم الانسانه الوحيده اللي ارتحت لها وحبيتها من كل قلبي .. وابي ارتبط فيها باسرع وقت ممكن لانه صج انا حاس اني ماراح اقدر استغنى عنها ..

احلام: وانت مو شايف انه في فرق بالسن بينك وبينها ؟؟ وانه مريم مرا..

حسين : ادري بس العمر مو عيب وو الحب اقوى من كل المعوقات وانا ..

احلام : شوف مراهقه وممكن ماتكون متأكده من مشاعرها اتجاهك وبسبب فرق السن حبتك ..

حسين : عفوا احلام انا متأكد من مشاعرها وحب المراهقه صج انه معروف عنه انه حب يهال لكن اذا كان احد الطرفين مو مراهق ويعرف شلون يمسك زمام الامور راح يكبر هالحب وينضج ..

احلام : عموما انا لازم اشاور ابوها واخوانها طبعا مستحيل انه اقوله عن علاقتكم ماعليك انا راح اتصرف .. بس خل نرجع الديره ..

حسين : بعد شهر واايد ؟؟

احلام : هاهاهاهاهاهاهاهاهاهاهاهاهاهاهاهاهاهاهاااااااي لي هالدرجه مستعييل ..

حسين: بصراحه واااايد فوق ما تتصورين ..

احلام : ماعليك انا راح اتصرف ..

حسين : انا شاكرلج تعاونج وتفهمج لعلاقتنا وثقتج فيني ..

احلام : انا واثقه بتربيتي

حسين : اسف اذا اخذت من وقتج وايد ..

..............................................................................

رجعت الام شقتهم سألت عن مريم قالولها ماطلعت من غرفتها من امس ..

راحت لها غرفتها ..

الام: مريوم حبيبتي اشفيج اليوم ماطلعتي ..

مريم : مافيني شي ..

الام: علي؟؟ اشفيج ياقلبي ..

مريم قامت تبجي بحظن امها وماقدرت تقولها عن اللي بقلبها : يما حسيييييييييييييييييييييين

الام: اشفيه ياحبيبتي ..

مريم: احسه مل مني ومايبيني ..

الام : وانتي اشدراج ليش تقولين هالحجي ..

مريم: يما امس يقولي لا اتينيعني مل مني ولما قلت له مليت مني طنش ولف ويها وشافني ابجي ولا كلف نفسه يدق ولا يسأل عني شوفي لين الحين مافقدني ولا اتصل ..

الام: غلطانه يامريم لا تتسرعين وتحكمين على حسين من تصرف واحد .. لعلمج حسين سوى اللي سواه عشان كان يبي يبعدج عنه اليوم بس كان يبي يطلع معاي ..

مريم : !!!!

الام: اي يبي يطلع معاي وقعدنا انا وياه وسولفنا ..

مريم واهيا خايفه : قالج شي ؟؟

الام: اي قالي ..

مريم: شنوو شنو قالج..

الام: قالي انه يحبج ويبي يتزوجج باسرع وقت :eh_s(6): ..

مريم: حلفييي :ggdw: ماني مصدقه من صجج :dddds: ..

الام: والله هذا اللي صار بس قتله اوف ابوج اول واخوانج ..

مريم: واي يما احبج اموت فيج ..

الام : تعالي وين رايحه ..

مريم: بروح حق حسين ...

الام: :dddds:

.................................................................

بالفندق ..

حسين كان مرتاح نسبيا حس انه سوا شي وتحرك وماتخلى عن مريم ..

طق طق طق ..

حسين : منووو..

مريم بدلع : ذات الرداء الاصفر انا مريم انا مريم ..

حسين : هلا بمريوومتي..

اول مافتح الباب مريم قطت روحها على حسين ولمته وقالت : احبك احبك احبك ..

حسين: وانا اموت فيج ..

مريم : حسوني ليش ماقلتلي انه بتكلم امي وبتخطبني منها..

حسين : هههههههه مفاجأه ..

مريم: بعد عمري احلى مفاجأه ..

قربت منه بتبوسه على شفايفه بس..

بس حسين قالها : هوب هوب مو الحين لما نتزوج ..

مريم بدلع : حسوونييييي ما احبك خلاص ..

حسين : مو انا مابي اتهور وكلج بعدبن وتخترب الطلعه ...

مريم: لووووووووووووووول لا خلاص مو الحين مو الحين لما نتزوج ..

حسين: فديتج يالله قمنا اليوم انا فيني نشاط مو طبيعي ابي اطلع حدي مستانس ..

مريم : يالله فوقه ..

.............................................................................

ياترى اشبيصير بعدين مع منى ويوسف ؟؟ ومريم وحسين ؟؟ وشنو بيكون راي ابوها هل بيوافق عالزواج او لا ؟؟ وشبيصير بين منى ومريم هل بترد المياه الى مجاريها والا ؟؟

هذا اللي راح تعرفونه بالبارت الياي ..

انتظروني

 

[اكابر]

ثانكس اختي توت سمايل على مرورج..

وافا عليج اظبطج باللبناني

 

[توتا كويتيه]

حبووووووووووووووووووووووبه ثينكس على البارت

 

[أحلامي يقظه]

امبيه لا يكون ماراح يرضون على زواجه
يلاااااا ناطرييييييييييييييين

 

[اكابر]

قهر كتبت بارت كامل قبل لا انزله انمسح افففففففف طاحت ايدي وانا اكتب باجر اكتب بداله لاني تعبت.. سوري

 

[توتا كويتيه]

نبي تكملت القصه حبيبتي

 

[اكابر]

شوي وينزل البارت ياقلبي

 

[اكابر]

الجزء الثالث عشر

رجع حسين الديره وبنفس الوقت طار بو خالد مصر حق زوجته وبناته ..

بمجرد ما سافر حسين رجعت مريم للنت ولحياتها القديمه وروتينها صار نوم اكل نت وبس وتذكرت منى اللي كانت ناسيتها بالمره ..

وذاك اليوم صافتها اون لاين ..

مشتاااااااقه لحبي حسووني : قوه ..

عودتني كل يوم اسمع انا صوتك وانغاب صوتك خيالك باقي بعيني : هلا

مشتاااااااقه لحبي حسووني : شلونج شخبارج لج وحشه .. اشدعوى ماتسألين عني ..

عودتني كل يوم اسمع انا صوتك وانغاب صوتك خيالك باقي بعيني: مادري منو اللي ما يسأل عن الثاني مريومو يالجلبه عيزت وادق عليج كله عميمه تقول طالعه وجيكي ان بوكسج شوفي شكثر sms دازتلج وانتي لا حياه لمن تنادي اشدعوى كل هذا عشان حسين معاج ..


مشتاااااااقه لحبي حسووني : افا حبيبتي منوش زعلانه ادري والله اني مقصره بس والله حسين كان ماخذ كل وقتي من اقعد الصبح لييييين الليل على ما ارجع البيت الا خلاص ادور الفراش ..

عودتني كل يوم اسمع انا صوتك وانغاب صوتك خيالك باقي بعيني: ويت ويت جني قريت شي غلط منو يقعد الصبح انتي؟؟!!!!!!!!


مشتاااااااقه لحبي حسووني : لووووووول أي انا قمت اقعد الصبح شفتي شلون والله منوش حسين غيرني بس لين الحين احب النوم. .. والله منوش واااااايد شغلات ماقتلج ياها صارت معاي يبلنا قعده ..

عودتني كل يوم اسمع انا صوتك وانغاب صوتك خيالك باقي بعيني: وييييييييييه تو الناس خالو توه ياي وجدامكم شهر ..


مشتاااااااقه لحبي حسووني: لا احتمال اقل ..


عودتني كل يوم اسمع انا صوتك وانغاب صوتك خيالك باقي بعيني: ليش ؟؟


مشتاااااااقه لحبي حسووني: منوش بقولج شيبس بليز سر ..


عودتني كل يوم اسمع انا صوتك وانغاب صوتك خيالك باقي بعيني: طبعا بدون لا توصين ..

مشتاااااااقه لحبي حسووني: انا انا ووانا ووو ..



عودتني كل يوم اسمع انا صوتك وانغاب صوتك خيالك باقي بعيني: تحجي شنوو ؟؟



عودتني كل يوم اسمع انا صوتك وانغاب صوتك خيالك باقي بعيني: شنوووووووووووووووو!!!!!!!!!!!! انتي من صجج شلون وليش ومتى وشحقه ؟؟ ينيتي ؟؟


مشتاااااااقه لحبي حسووني: شوي شوي انا اقولج اشصار ..انا تحرشت فيه مو قصدي شي بس جذي يعني افبالي ابوسه وو بعدين والله ما حسينا بعمرنا الا لما اللي صار صار ..


عودتني كل يوم اسمع انا صوتك وانغاب صوتك خيالك باقي بعيني: انتي عبيطه ولا تستعبطين شلون رضيتي يصير هالشي ؟؟ اففففففف اشهالورطه اللي ورطتي روحج فيها ..


مشتاااااااقه لحبي حسووني: اهو وعدني ماراح يتخلى عني ..


عودتني كل يوم اسمع انا صوتك وانغاب صوتك خيالك باقي بعيني: ان شاء الله يصدق بوعده ..


مشتاااااااقه لحبي حسووني: لا ان شاء الله كل شي بيتصلح اهو خطبني من امي واهيا موافقه بس يبقى ابوي وامي بطريقتها تقنعه ..


عودتني كل يوم اسمع انا صوتك وانغاب صوتك خيالك باقي بعيني: بس مو جنه كبير عليج ..
مشتاااااااقه لحبي حسووني: الكبير احلى موو ؟؟


عودتني كل يوم اسمع انا صوتك وانغاب صوتك خيالك باقي بعيني: ويعه وانا اشراني احل ولا مو احلى .. قليله ادب ..

مشتاااااااقه لحبي حسووني: يمه منج تفكيرج وصخ لوووووووول ..


عودتني كل يوم اسمع انا صوتك وانغاب صوتك خيالك باقي بعيني: طالعه عليج انزين ابيج تقوليلي بالضبط اللي صار وياكم بذيك الليله ..


مشتاااااااقه لحبي حسووني:بقولج بس بالاول شلون بيبي مشتاقه لها وشلون يوسف معاج ..


عودتني كل يوم اسمع انا صوتك وانغاب صوتك خيالك باقي بعيني: زينين يسلمون عليج بس قولي يله ..

مشتاااااااقه لحبي حسووني: ويوسف تطورت علاقتج فيه تشوفينه يشوفج تكلمينه ..


عودتني كل يوم اسمع انا صوتك وانغاب صوتك خيالك باقي بعيني: ماكو بس msn قالي بكلمج وانا ما رضيت وما شفته الا لما معاج ..

مشتاااااااقه لحبي حسووني: اشدعوى ليش مأزمه الامور هالكثر ؟؟


عودتني كل يوم اسمع انا صوتك وانغاب صوتك خيالك باقي بعيني: بعد انتي تدرين الرقابه شلون صايره ..

مشتاااااااقه لحبي حسووني: ماعليج خل ارد وانا اظبطج ..

عودتني كل يوم اسمع انا صوتك وانغاب صوتك خيالك باقي بعيني: خلينا مني وسولفيلي اشصار يله ..


............................................................................................................................

بوخالد كان قاعد بالبلكونه يشرب شيشه ويطالع اللي رايح واللي راد يتله ام خالد وبيدها صينيه فيها جاي وحب مصري ..

احلام .. اقول حبيبي ..

وليد: هلا حبيبتي ..

احلام: في واحدولد حلال تقدم حق بنتك مريم ..

وليد : وهذا وين شافها وشلون تقدم لها ..

احلام: اشفيك حبيبي نسيت هذا اهو نفس الريال اللي ساعدنا يوم ضاعت جناطنا بالمطار واهو من شاف مريم واهو استخف عجبته وعاد الريال سيده يحليله كان يبي يكلمك بس انا قتله انك بالديره ولين الحين ما يييت مصر فعاد خطبها مني وانا قتله الكلمه الاولى والاخيره لابوها واخذت رقمه عشان اول ما ترد تكلمه وتعطيه موعد عشان أي رسمي ويخطبها منك ..

وليد: بس مو جنه كبير عليها توها صغيره اهي 16 سنه ..

احلام: وي يا بو خالد لا صغيره ولا شي بعدين اهيا ماشيه بال 17 واذا الريال ما يعيبه شي مافيها شي نزوجها خوو بروحها عالتنا بهالمدرسه خلها تتيسر ولا نوقف بويه نصيبها ..

وليد: الله كريم لا ردينا الديره نسأل عنه ونشوف شيصير ..

احلام : ان شاء الله خير ..

وليد: على فكره ترى انا ماني مطول اهني اسبوعين وبرجع الديره عندي شغل ..

احلام: خلاص عيل نرجع معاك ..

وليد: شنو زهقتوا ؟؟

احلام: شسوي بنتك ذبحتني حنه خل نرجع خل نرجع..

وليد: خلاص عيل باجر الصبح اروح احجز لكم ..

احلام: على خير ان شاء الله ..

..........................................................................................................................

طبعا احلام قالت حق مريم الحوار اللي دار بينهم وكريم طااااااارت من الفرحه . .. وبشرت حسين ومنى بردتهم الديره ..

حسين حيل كان ولهان عليها ومشتاق لها وحيل استانس لما عرف انها بترد الديره ..

......................................................................................................................................

رجعوا بيت بو خالد الكويت وكان بانتظارهم بالمطار الاهل كلهم عيالهم وبيت بو خليفه واخوان بو خالد وخواته وعيالهم .. ومنى طبعا كانت اول الحاظرين .. وحتى بيرلا يت تستقبل مريم ومعاها كان يوسف اللي اصر انه يروح مع اخته يستقبل مريم وطبعا مو من حبه الزايد لمريم ولكن عشان يشوف منى ..

بيرلا: بدك تزبطلي حالك جوو ماتحرجا للمخلوئا إدام اهلا ..

يوسف : طيب طيب ..

بيرلا : تعرف بيكون كتير منيح لو تتركني مع منى وبس توصل مريم وبسلم عليا بتلفنلك ..

يوسف : ليي؟؟

بيرلا: لأنو انا بشوف انو مش حلوو انك تكون وائف معون وهني اهل ...

يوسف : طيب .. خلاص راح استنى بستار بوكس ..

بيرلا : هي مش منى ؟؟ جوو اطلع هي منى كأنو هي مزبووط ..

يوسف : هيي هيي ااااااه يا ألبي انتي ..

بيرلا: جوو احترم حالك .. خليك هون انا رح روح سلم علييا ..

يوسف : بيبي من شان الله بوسيلي ياها وأوليلا هي يوسف ..

بيرلا: طيب .. اهليين منى كيفك حبيبتي ..

منى: ياهلا شلونج بيبي .. يما هذي بيرلا رفيجتي ..

ام خليفه : ياهلا فيج حبيبتي ..

بيرلا: ميرسي طانط ..

منى: وعينها على يوسف : يايه بروحج زين مابغيتي اتدلين الديره وتطلعين بروحج ..

بيرلا : ههههه بدك ياني انا اضهر لحالي شوو انا مجنوني انا لو ضهرت لحالي مش رح اعرف ارجع للبيت .. لا انا جايي مع جو خيي ليكي اتطلعي آعد بالكوفي شوب عم يشرب فاربتشينو ..

منى : ايي انا اقول .. ما تسوينها واتييت بروحج ..

بيرلا : منووش مشي معي خلينا نشرب شي ..

منى : يما انا بروح مع بيبي الكوفي شوب بنتشري شي نشربه واني ..

ام خليفه: انزين لا تتاخرون ..

منى : اوكي ..

ام خليفه : معاج فلوس ؟؟

منى : أي معاي ..

بيرلا: مابعرف لي كل هالتأخير عالطياره ..

منى : بعد طيران الكويت كله جذي ..

يوسف : اهليين باللي مابغينا نشوفها ..

منى بإرتباك : هلا ..

يوسف :اشدعوى وينج ماتبينين مابغينا نكحل عيونا بشوفتج ..

منى : بيبي بليز خل نطلب ونرجع لاهلي مالي خلق سوالف ..

يوسف : شنو تبون قعدوا وانا ايب لكم طلبكم ..

بيرلا: انا بدي فرباتشينوا وذ كارميل اند فنيلا .. وانتي منوش ..

منى : ها انا ابي فارباتشينو بالكاكاو .. وذ اوت كريم ..

يوسف : من عيوني ..

من بعييد لمح خليفه منى قاعده مع بيرلا بروحهم شوي ولا أي يوسف واهو شايل طلباتهم عصب خليفه مايدري انه يوسف اخو بيرلا ..

يوسف عطاهم الفارباتشينو وقاموا وتوهم قايمين ولا ..

خليفه : منى ؟؟

منى بخوف : هلا خليفه تبي فارباتشينو ..

خليفه : اشقاعده اتسوين اهني ..

منى : والله ما اسوي شي استأذنت من امي قلت لها بتري شي اشربه واي .. أي على فكره هذي رفيجتي بيرلا وهذا اخوها ..

خليفه : تشرفنا .. يله تعالي لانهم وصلوا والحين بيطلعون ..

يوسف حس انه احرج منى وايد جدام اخوها.. مشى خليفه ووراه منى وراها بيرلا ..

وقبل لا تمشي يوسف ناداها ..

يوسف : منى ..

منى التفتت : .......

يوسف: انا اسف ..

كملت طريجها واهي عينها مغورقه ما تمنت تنحط بهالموقف يعني اليوم اللي تشوف في حبيبها اخوها يسويلها سوالف ..

خليفه: منوو ..

منى : نعم ..

خليفه: شكو قاعده مع الريال ماتستحين على ويهج ..

منى : والله مو قاعده معاه انا قاعده مع بيبي واهو راح ايب لنا طلبنا بس ..

خليفه : ماتعرفين اتقوليلي انا ايبلج ؟؟

منى : انا ماكنت بروح بس بيبي قالت خل نروح نشتري شي نشربه ..

خليفه: زين مابي اشوفج قاعده مع اخوها مره ثانيه فاهمه ..

منى : حاظر ..

.................................................................................................................................


بيرلا: انا كتير اسفه منوش عالموأف السخيف اللي صار..

منى: عادي ماصار شي .. انسي .. كاهم وصلوووا

سلموا عليهم ومنى ومريم يوم شافوا بعض قعدوا يبجون كانوا ولهانين على بعض ومن المطار على طول بيت منى .. مريم نامت عندهم يومين .. وقضوا هاليومين سوالف وضحك وطاح الحطب وعوضوا اللي فات طبعا مريم قالت كل شي بالتفصيل حق منى من اول ما فاجأها حسين بالمطار ليين ودعته اهي بالمطار مره ثانيه ..

مر اسبوع من رجعتهم وحسين قرر انه يبدر ويتصل على ابو مريم بما انه ما اتصل ..

ودار بينهم هالحوار..

حسين : الو السلام عليكم

بو خالد: وعلبكم السلام ..

حسين : مادري مو بخالد معاي..

بوخالد: أي نعم بو خالد منو حظرتك ..

حسين: انا حسين .. مادري اذا الاخت ام خالد كلمتك عني او لا..

بو خالد: أي بلى كلمتني عنك ..امرني..

حسين : ما يامر عليك عدو بصراحه انا مابي الف وادور انا شفت بنيتكم وانعجبت فيها وحاب اتخطبها منك ..

بو خالد: وانت شايف انه هالمواضيع يتكلمون فيها بالتليفون ؟؟ حياك عندي البيت انت والوالد ..

حسين: الوالد متوفي من مده عالعموم انا بييب الاهل وايي باجر عقب صلاه المغرب ان شاء الله ..

بو خالد: على بركه الله ..

.......................................................................................................................................

تم وضع منى ويوسف على الــ msn ومافي أي تطور بعلاقتهم .. اما مريم فخطبها حسين رسمي ووافقوا وتم تحديد يوم الملجه ..

ملجوا الرياييل وتم كل شي سهالات ..

وصارت حفله بالليل ..

مريم: منوش حدي خايفه ..

منى : اشحقى اتخافين المفروض تستانسين خذيتي حبيبج اشعليج ..

مريم: شلون بدش فجأه جذي وكلهم يطالعوني ..

منى : ياعبيطه ماكو احد غريب وبعدين اذا الملجه جذي عيل بالعرس شبتسوين ؟؟

مريم: هاهاهاهاهاهاهاااي ومنو قالج بسوي عرس مابي..

منى : هههههههه مينونه .. انزين يله عشان تدخلين وتقعدين شزي المعرس مستعيل بيدش ..

مريم: منوش عفيه خلج معاي ..

مريم كانت حلوه بس وااااااايد مبالغه بميك ابها ولانه منى يمها حاطه ميك اب ناعم فصاير ميك اب مريم اوفر يعني مو حق ملجه فبيت حق صاله ..

الكل قام ايبب ويبارك ويسلم عالعروسه .. وشوي ويدش المعرس .. حسين فرحته مو سايعته وداش وشاق الضحكه ..

اول ماقعد باسها على راسها ومسك ايدها .. وتموا طول القعده ماسكين ايد بعض .. شربوا بعض العصير ولبسوا بعض الدبل وقاموا عشان يصورون ..

مريم اطلبت انه يصورون بغرفه مسكره .. عشان ياخذ حسين راحته طبعا صوروا صور رووووووووووووووعه وكلها رومانسيه ..

بدلت وطلعت معاه كان حاجز لها ليموزين ركبوا اول ما حرك السايق حسين باس مريم على راسها وقال ..

اخيرا صرتي ملكي .. حقي انا بروحي وبس ..

مريم: هههههه اشدعوه انا من زمان لك بروحك ..

حسين : فديتج الحين خو اقدر اكلج على راحتي وما نخاف من احد ..

مريم ضاق خلقها وماردت عليه ..

حسين: مريومه اشفيج جنج تضايقتي ..

مريم: لا حسين بس انا تمنيت انه اللي صار يكون بليله العرس مو قبل الزواج ..

حسين: واللي ينسيج ذيج الليله ..

مريم : شلون ؟؟

حسين : مالج شغل ..على فكره ترى خلاص ماراح اردج بيتكم ..

مريم : حسوون شنوو لا ردني ..

حسين : كيفي مو زوجتي مابي اردج ابي اليوم تكون ليله دخلتنا .. بعدين اهلج يدرون اني مستعيل ..

مريم: لااحسون مو جذي عالاقل عطني اسبوع اجهز عمري ماشريت شي لين الحين ..

حسين : امممم ماشي بس على شرط قمصان النوم انا اللي انقيهم ..

مريم بحيا : انزين ..

راحوا تعشوا وبعدها وداها بيتهم واصرت انه ينزل معاها يقعدون بغرفتها يكلمون باجي السهره يشوفون فلم ولا شي ..


......................................................................................................................................يا ترى اشبيصير بعدين تابعوني

 

[توتا كويتيه]

حبيببببببببببببببببببيتي ما قصرتي

ننطرج يا قلبي

 

[اكابر]

ان شاء الله من عيوني بس افضى بنزل بارت يديد

 

[MeeMeeYoo_2]

يسلمووووو

 

[اكابر]

تسلمين حبيبتي

 

[إيمي1987]

رووووووووووووعة قصتج

ما قصرتي

بصراحة زين تسووين :$ امس واليوم قريتها كلها بفترات متراوحة

روعه وناطرينج

ابداع بصراحة

 

[اكابر]

تسلمين ياقلبي من ذوقج

 

[Riooma]

yatni albachya **** betkamlen alqesa? abi agra albagi plz nazlai part al7en