روايتي الاولى وبقلمي ( ملايين ) اتمنى انها تعجبكم ^_*

[FooFoony]

البارت حده حده عجيييب
الله يستر من مشعل المينوون شكو خذا الصور
انشاالله مايسويي شييي

 

[دمعة_حب]

يهبل البارت عجيبببب بس مشعل حقير أوف ودي انتفه ناطرين البارت الياي لايوقف لايوقف

 

[ღ Mzajiya ღ]

FooFoony

حيااتي تسلميين :eh_s(7):
و اي والله مشعل اافف يبط الجببد
بس ماتدرين يمكن خيره انه اهوا اللي خذا الصور ..
نطريني بالبارت الياي وشوفي شنو راح يسوي مشعل بعد :eh_s(17):


دمعة_حب

تسلميين ياقلبي :eh_s(7):
لوول كلنا ودنا انتف هالمشعل :eh_s(14):
ونطريني بالبارت الياي ماراح يطول انشاءالله :eh_s(17):​

 

[مريوم]

تسلمين حبيبتي على البارت حدددة عجيييب ومشعل صج حقير والله يستر منه

 

[Tom ♥ Jerry]

.،


ويي حساااافه عآد نآطره ملايين تكلم مشعل عشان يقولها عن الصور
بعرف شنو رده فعلها !

مشكككككككورة حبيبتي .،
تسلمين

 

[FooFoony]

Up Up Up
Up Up
Up
​

 

[L.Al-kandri]

Up
Up up
Up up up
Up up up up
Up up up up up
Up up up up up up
Up up up up up up up
Up up up up up up up up

 

[ღ Mzajiya ღ]

مريوم

الله يسلمج حيااتي :eh_s(22):
اي هالمشعل :eh_s(14): ماقدر اعلق لول
حياج ياقلبي :eh_s(17):


شمحووطه

حيااتي الله يسلمج
العفوو ولوو :eh_s(22):
يلا ان شاءالله بالبارت هذا راح تعرفين ردة فعلها
لمن تعرف انه مشعل ماخذ صورها
اسعدني مرورج :eh_s(17):


FooFoony

lamia a. al-kan

:eh_s(22): لوول حياتي انتوو ثنكس عالاب :ggdw:
منوررررين :eh_s(17):​

 

[ღ Mzajiya ღ]

:eh_s(9): نطرووووني بالبارت التاسع بعد شوي :eh_s(22): :eh_s(17):​

 

[ღ Mzajiya ღ]

البارت التاسع .. ​

عند الشباب ..​

اول ماادشووا غرفهم احمد على طول بدل ملابسه وقط روحه عالفراش ونام ،،
اما ابراهيم ف دش (تكرمون ) الحمام وخذاله شور
وقعد بفراشه وسرح بحبيبته ويتمنى انه يقرب
اليوم اللي راح يجمعه فيها ابيت واحد ..
ليمن داخ ونام .​

نروووح عند البنات​

طبعا سالفتهم سالفه وملايين بحاله الله يعلم فيها وكانت بحالة خوف على توتر على عصبيه وحاسه انه مشاعرها
حيل داشه ابعض وماتدري شتسوي ://​

و منسدحه عالفراش ودموعها تنزل على خدها من غير صوت وتفكر
ساره كانت رايحه راده بالغرفه و تفكر بحل يطلعهم من المشكله اللي طاحوا فيها !!​

شوي ولا يوصل مسج حق ملايين اكيد كان من مشعل
ملايين خذت تليفونها عشان
تبطل المسج وايدها ترجف ​

( قمر وربي قمر شحلاتج تهبليين ماتوقعتج حلوه لي هالدرجه )​

ملايين تطالع المسج منقهره .. ​

شوي جان يوصلها مسج ثاني ​

( بصراحه صورتج اللي كنتي لابسه بلوزه سماويه
وشورت بيج ولابسه كاب و وراج البحر مووصج
عوار قلب والله )​

مسج ثالث ​

( ولا صورتج اللي لابسه جينز وبلوزه حمرا
وراكبه عالحصان
اخيييه شكلج مو طبيعي )​

ملااييين قلبها بغى يوووقف @@​

على طوول قامت راحت حق جنطتها وطلعت بووكها وقعدت تدور​

( وساره تطالعها )​

ملايين بطلت البووك وماشافت صورها شهقت شهقه وطاحت غشياانه على طوول​

سااره على طووول ركضت صوبها وحطت راس ملايين
بحضنها وقعدت تطقطق على خدها
ساره : ملايين ملايييين شفيج شصار قوليلي ،،
قوميي ملاايين شصاااير وقفتي قلبيي​

ملايين بعدها غشاانه : ...​

ساره نزلت راس ملايين شوي شوي عالارض
وراحت يابت عطر وقعدت تشممه حق ملايين
وشوي شوي بدت تصحصح ،، جان تقوم ساره
ويابتلها ماي شربتها شوي وحطت بايدها
وقعدت تمسح على ويها​

ساره : اسم الله عليج حبيبتي قومي شفيج والله
خوفتيني عليج شصاير قوليلي​

ملايين لمت ساره وقعدت تبجي وتشااهق​

ساره عيونها بدت تدمع ماتحملت تشوف بنت خالتها
واختها و رفيجتها حبيبتها بهالحاله وماتدري شفيها ​

ملايين شدت على ايد ساره وكانت حيل خايفه
وقاعده ترجف وصوتها بالبجي قام يعلى ​

ساره : لا لا ملايين حبيبتي قصري صوتج الحين
اهلنا يقومون وايوون عندنا شنقولهم بعدين
شنرقع بالسالفه ،، اهدي اهدي ياعمري
خلاص عاد بس
ملايين شوي شوي بدت تهدى وساره قاعده تمسح على راسها وتقرى عليها قرآن عشان تسكت ​

عقب نص ساعه ..​

لمن هدت ملايين عالاخر قعدت تكلم ساره وتقولها ليش صار فيها جذي وراوتها المسجات ​

ملايين : انا منصدمه من وين له صوري اشلووون اشلووون صاروا عنده ؟؟؟ انا متاكده اني ماطلعتهم من البووك ..​

ساره ( حدها منصدمه مو قادره تعلق ) ​

جان ايي حق ملايين مسج من مشعل ​

( اذا تبين صورج دقي علي خلينا نتفاهم ) ​

ملايين ( شافت المسج ) : حقيييييييييييييييير والله حقير​

( وردت تبجي )​

ساره : ملايين بس لا تبجين عفيه ،، انزين
فكري انتي وين اخر مره بطلتي فيها بوكج ؟؟ ​

ملايين ليلحين تبجي : ماادري مااادري
ساره : انزين انتي اهدي والله قاعده توتريني معاج
اهدي شوي عشان تكلمينه وتفهمين منه شلون الصور صارت عنده ​

ملايين ( قعدت تتذكر ) : ايييييييييي تذكرت ،،
اهوا اساسا مايه المجمع الا اخر شي لمن كنا بالمطعم
تذكرين لمن رحت حق احمد عشان اعطيه الفلووس
اهني كانت اخر مره بطلت فيها بوكي وطلعت منه الفلوس
اكيد اهني طاحوا صوري اي اكيد مافي غير هالوقت​

ساره : ياحسرررتي ياحسرتيي ،، انزين
يلا يلا دقي عليه بسرعه وتفاهمي معاه
ملايين : اوكي ​

ودقت عليه ..​

مشعل : هلا بالزييييييين ،، عااش من سمع هالصووت
ملايين ( وحدها منقهره منه وماسكه بجيتها ) : ممكن اعرف
اشلون صوري يووا عندك ؟؟
مشعل : هدي يبا هدي الناس تسلم بالاول
ملايين : مابينا سلام ،،
( بصراخ ) ممكن تقولي اشلوون صووري صارت عندددك​

ساره (تكلم ملايين بصوت واطي ) : لا لا ملايين مو بصراخ جذي يعاند بعدين كلميه شوي شوي وحاولي تكسبينه
ملايين ( تطالع ساره وتهز راسها يعني ايي اوكي )​

ملايين ( ردت تكلم مشعل ) : انزين مشعل شلونيعني انا ابي اعرف شلون خذيت صوري ؟؟
مشعل : ايي اي يبا جذي الناس تكلم حبيبها عدل
وبريج حلووو ،، جذي اقدر اقولج
شلون خذيت صورج ​

وقالها شنو صار لمن كانوا يم المطعم ..​

مشعل : ابي اشوفج باجر
ملايين : شنوووو .. لييش ؟؟
مشعل : ماتبين صورج​

ملايين ( قعدت تبجي واهيا تتكلم وبالغصب يطلع الكلام ) :
امبلااا ،، اكيد ابييهم
بسس بس اااناا ما ما ماااقدر اشش اششوووفك
قدر ظروفي شوي ،، ااانت شا شاايف انه احنا مسافرين
وما مااعندي سياره اروح وارد على كيفي​

( وبس ماقدرت تكمل بعد صوتها راح من البجي )​

مشعل : انزين بس بس لا تبجين عورتي قلبي ​

( مشعل صج حبها ،، ومايقدر يسمعها تبجي
واهوا السبب اللي خلاها تبجي ،، بس يبيها ويبي يشوفها
ويبي يطلع حرته باللي سوته فيه بالبداية وشلون كانت حاقرته )​

ملايين ( بعدها تبجي ) : .....
مشعل ( بخبث ) : خلاص حبيبتي شوفي انتي قلتيلي يايين عشان عرس بنت خالتج صح ؟؟
ملاين ( مستغربه وخايفه من اللي يبي يقوله مشعل ) : ايي !!
مشعل : بس عيل اشوفج بيوم العرس ..
ملايين ( بطلت عينها وحدها منصدمه من اللي تسمعه ) : شنووووو .. انت شتقووووول​

ساره ماتدري شقاعد يقولها بس قاعده وتأشرلها عشان تهدى​

مشعل : اهيا كلها ربع ساعه تطلعين من العرس
وتقوليلهم انج بتروحين الحمام ( عزكم الله ) و محد
يحس فيج تيين عندي بالسياره اقعد معاج شوي
واعطيج صورج وتردين العرس ومحد بيحس بشي​

ملايين منصدمه وموقادره تقول ولا كلمه
وعمرها ماكانت تتصور انها بتنحط بموقف مثل هذا :///​

شوي جان تقوله : عطني فرصه افكر وادق عليك ​

مشعل : دام السالفه فيها صورج مااتوقع
انج بتطولين بالتفكير ،، عالعموم انا ماراح اسويلج شي
لا تخافين ،، يلا ناطرج فكري بسرعه
ودقي علي .. بيباي ​

ملايين صكت الخط من غير لا ترد عليه
وقعدت تبجي حيل ولمت ساره اللي كانت قاعده يمها ​

ساره ( تمسح على راسها ) : بس حبيبتي بس خلاص لا تسوين بعمرج جذي
ملايين بعدها تبجي : ...​

بعد مده ..​

ساره ( وخرت ملايين من حضنها ومسكتها
من ويههاا صوب خدها ) : ملاييييين قلبي انتي بس
كافيي بجي وقوليلي كل اللي قاله لج هالزفت ..
خلينا نعرف شلون نتصرف ​

ملايين وقفت بجي وقالت حق ساره كل اللي قاله مشعل​

ساره ( وقفت وراحت صوب التسريحه
وطقت بايدها الثتين عليهاا) : الجلللب الحقييييييييييييييييييييييير
من صجه هذااا ،، امبيه شراح تسويين ​

ملايين ( ميته خوف وترجف ) : ماادري سااره ماادري راسي
بينفجر من البجي والتفكير ،، الله يخليج
ساعديني مادري شسوي
ساره : انزين انزين خليني افكر ​

بهاللحظه ملايين قعدت تناقض روحها ..
عشان شغلتين سواهم مشعل ​

الشغله الاولى انها ارتاحت عشان
اللي خذا الصور مشعل مو احد غيره عالاقل اهوا تقدر تاخذ منه صورها ..
بس لو كان احد ثاني جان ماقدرت توصلهم​

الشغله الثانيه انه مشعل شلون بكل حقاره قاعد يستغلها
ويحاول يستفزها بصورها بالطريقه هذي واهيا توها تعرفه ماصارلها مده ..​

ساره : خلاااص ملايين ماكو الا انج تسوين
اللي قالج عليه ،، انا راح ايي معاج و اوقف بعيد
عنكم شوي عشان الله لا يقول اذا حرك السيارة
عالاقل اكلم اي احد يوقفه ،،
و مادري مادري
والله انا مادري شقام اخربط انا بروحي بنت وماقدر اسوي شي​

ملايين ( فيها بجيه ) : انزين خل نقول حق اي احد ،،
شرايج نقول حق خالتي هنادي
ساره : يهالهبله تدرين انه هنوده لو شنو لو شنو
ماراح تسامحج اذا درت انج تكلمين واحد حتى لو
ساعدتج الحين بس ماراح تسامحج​

ملايين ( خلاص بجت ) : ادري ادري اهيئ اهيئ​

ساره : خلاص ملايين الحين دقي عليه واتفقي معاه
اشلون راح تشوفينه ودليه البيت و خليه يعطيج كلمة ريال
انه صج راح يعطيج صورج وماراح يسويلج شي
ونشوووف اخرتها مع هال... ،،
ااخ باط جبدي لو اشوفه جدامي اذبحهه​

ملايين : ان شاءالله .. الله يستر ورفعت ايدها تدعي انه الامور تصير بخير ومايصيرلها شي من ورا هالمشعل​

ودقت عليه وتفاهمت معاه بس مشعل مارضى يوعدها بس قالها انه انا خلاص عطيتج كلمه وماراح ارد فيها .​

( اللي سوته ملايين كان وايد غلط ،، وهم اللي قالته لها ساره وشجعتها عليه همن غلط كبير ،،
كان المفروض يقولون حق خالتهم او اي احد كبير يتدخل بهالسالفه ,, لانه اهما بنات ومايعرفون يتصرفون ..
طبعا ملايين كانت غلطانه من الاول انها خذت رقم مشعل ..
بس هذا اللي صار مع بطلتنا ..
وان شاءالله اهيا وساره يقدرون يتغلبون على هذي المشكله الكبيرة )​

ساره كانت حيل خايفه على ملايين ،، ف ماحبت
تخليها بروحها ونامت عندهاا .. طبعا ظلوا جم ساعه
يفكرون ويتكلمون باللي راح يصير وماقدرووا ينامون مبجر ،، فصلوا الفير وبالغصب ناموا .​

..........................................................​

انتهى البارت التاسع واتمنى مايكون قصير
قراءة ممتعه :eh_s(7):​

 

[sweet.sanfoora]

حقييير
! ! !


وبثث


ابي بارت ! احس قلبي يرقع من الخرعة

 

[FooFoony]

اي واالله حقييرp:
ثاانكس عالباارت اينن
ناااطريين البارت العااشر

 

[L.Al-kandri]

ثااانكس علا البارت عجيييييييب
و ناطرين البارت ابي اعرف شنو بسوي الحقير

 

[ღ Mzajiya ღ]

sweet.sanfoora

انا اشهد انه .... :eh_s(14):
حيااتي اسم الله على قلبج من الخرعه :eh_s(22):
تسلمييين على متاابعتج :eh_s(7):


FooFoony

ايي مشعل حده لول :rgewrg:
حيااتي تسلميين :eh_s(7):


lamia a. al-kan

حبيبتي انتي العجيبه والله
تسلمين عالمتاابعه :eh_s(7):
وان شاءالله راح تعرفين شنو راح يسوي
مع البارتات اليايه :bbbiu:
​

 

[FooFoony]

نبي بااااااااااااااااارت

 

[ღ Mzajiya ღ]

هااا ياااحلويين زااهبيين حق الباارت :eh_s(22):
ان شاءالله بعد شوي ينزل البارت العااشر
:eh_s(9): نطرووونيييي :eh_s(7):​

 

[دمعة_حب]

حقيييير مشعل بذبحه بنتفه بزنطه ثانكس على البارت حياتي ناطرين البارت الياي

 

[ღ Mzajiya ღ]

لوول انا معاج بعد على مشعل :eh_s(15):
حيااتي تسلمين :eh_s(7):
يلا كا البارت شوي وينزل​

 

[ღ Mzajiya ღ]

البارت العاشر .. ​

ثاني يوم ..​

يتلهم خالتهم هنادي عالساعه 1 الظهر عشان تقعدهم ..​

( هنادي بطلت الباب ولاحظت انه ساره نايمه عند ملايين ..
اهيا شاكه من امس انه ملايين فيها شي بس بسرعه
هزت راسها وطلعت الافكار اللي براسها ،،
وقعدت تساسر عمرها .. شو بلاني انا
شبيكون فيها يعني ..
اعوذ بالله من الشيطان ،، انا اللي حاطه
هالافكار براسي
اكيد مشتاقه حق بنت خالتها وقالتلها تنام عندها ،،
وبطلت الليتات و فتحت الستارة
وراحت يم الفراش عشان تقعدهم ) ​

البنات بس حسووا بالليت على ويهم على طول اللي
حطت راسها تحت المخده واللي سحبت الكمبل عليها​

هنادي : لا ياروح امكم انتوا ،، يلا يلا نشوا نشوا ( قوموا )
بسكم رقاد ( نوم ) خيستوا الشبريه ( الفراش )
انا نااشه من الساعه 10 وانتوا بعدكم راقدين ​

ساره : هنوووده نبي نننام مااشبعت نوووم
هنادي : ليش ماشبعتي رقاد انا مو خبرتج امس عسب
ترقدون مبجر
الساعه جم رقدتو ؟؟
ملايين : صلينا الفير ونمنا ​

هنادي : اوووف هذا وانا موصيتنكم يعني هاا ،،
يلا يلا نشووا بسرعه نبي نسير بعد ساعه ،،
الحين الساعه 1 الساعه 2 احنا سايرين واللي بتتأخر
بتقعد بالبيت ،، انا خبرتكم وانتوا برايكم ( بكيفكم ) ​

وهدتهم وطلعت ..​

بعد عشر دقايق بالغصب كل وحده قامت من الفراش
تتسحب وكل وحده دشت تاخذلها شور عشان
تصحصح وصلوا
وبدلوا والساعه 2 بالضبط كانوا بالصاله ..​

كانوا الكبار كلهم متيمعين وناطرين البنات على ماايولهم ​

اليد : حياالله بناتي .. تعالوا تعالوا حبيباتي عطووا يدكم بووسه​

راحوله البنات وباسوه وقعدوا يمه ​

اليده : افاا وانا مالي بوسه ولا شو يعني وسوت روحها زعلانه
البنات فزوا على طوول وراحولها
ساره : اوف اوف يدووه زعلانه ،، ماعاش منو يزعلج والله ( ولمتها وبااستهاا حيييل )
ملايين : كلش ولا ايديده عاد ( وباستها )​

الكل قاعد ويضحك عليهم ..​

هنادي : لاا والله شورايكم نأجل الطلعه بعد ..
يلاااا قووومووا نسير تأخرنا حييل
اليد يقوم : يلا يلا قوموا .. لا تحشرنا هنادي الحينه ​

الكل يضحك عليها ..​

فاطمه : انزين هنوده ماقلتيلنا وين رايحين ؟؟
هنادي : لا لا ماابقوولكم عسب تخترب مفاجأتي ,,,
نوو ويييي ان شاءالله نوصل هناك
وبروحكم بتعرفون ​

ايمان : امرنا لله شنسوي بعد يلا نمشي
عبدالله : يلا مشينا
جاسم : بس لحظه عيل وين الشباب​

ايمان : توني دقيت على احمد قال كاهم يايين ،،
الحين اكيد تلقاهم وصلوا الحديقه
جاسم : يلا عيل خل نلحق عليهم قبل لا يدشون هني
الكل : اي يالله ​

وقاموا كلهم طلعوا ..​

و صادفوا الشباب بالحديقه كانوا توهم طالعين من ملحقهم
وتيمعوا كلهم ومشواا ..​

( الطلعه كانت عباره عن رحله بحريه ..
هنادي حاجزتلهم يخت من الساعه 3 لي 7 بليل )​

وصلوا المينا عالساعه 3 الا ثلث ..​

اول ماوصواا البنات شهقووا لول .. ​

ملايين ( فاجه حلجها عالآخر ) : واااااااااااااااو مو صج
احنا بنركب هنيييي ؟؟؟؟!!
ساره ( متنحه ) : لاا مو صج ،،، اخيييه شحلات
اليخت كبيير مشالله​

احمد ( يصفر ) : صراحه شيي شيي
ابراهيم ( مستانس ) : اي والله شي .. احمدوو هذا لو بالكويت تحلم تركب فيه
احمد ( رافع حاجبه ) : ليش بالله احلم هاا.. شناقصني
انا نسيت انا منو وابوي منو ( وماسك ضحكته ) ​

( ياعيني ياعيني عالثقه لوول )​

ابراهيم : لا يا حبيبي مانسيت بس مشالله انت شايف شكبره هاليخت لو بالكويت الساعه الوحده
بجم تطلع عليك ​

احمد : يبا يطلع اللي يطلع بس انا مافكرت من قبل
اني اركب يخت
والحين خالتي هنادي بطلت عيني على هالشغله
و الحين بركبه هني واذا يازتلي السالفه بس نرد
الكويت ايمع الشباب وااجرر يخت وكلنا نطلع
طلعه حلوه فيه
شرايك برهوم ( ويحركله حواجبه لول )​

ابراهيم ( يضحك ) : اي خير ان شاءالله انت الحين اركب
ويصير خير بعدين​

ساره وملايين ( يضحكون عليهم )
وهنادي كانت حيل مستانسه عشانهم ​

عبدالله ( يكلم فاطمه ) : والله فشله من اهلج ليش جذي
مكلفين على روحهم الحين اكيد طلع على اختج وايد
فاطمه : حبيبي شدعوه عاد مشالله الخير وايد وانت تعرف
ابوي مايحب يخلي بخاطر هنادي شي الجعده
ويحب يدلعها
عبدالله : انا عارف بس فشله ​

اليد ( كان يسمع ) : مو قدركم يا بوملايين ،،
حنا ماسوينا شي وبعدين كل هذا عسب ( عشان )
يستانسون البنات والشباب وهم احنا يالكبار نغير جو​

جاسم : بس كلفنا عليكم وايد ياعمي
اليد : لا كلافه ولا شي ياابوي
هنادي : اااااافففففف ،، ممكن تأجلون رمستكم لي بعدين
الحينه اليخت بيسير ​

ايمان
( وتنادي البنات والشباب اللي كانوا واقفين شوي بعيد عنهم ) : يلا شباب يلا بنركب اليخت الحين بيمشي ​

ودشوا كلهم اليخت و الساعه 3 بالضبط مشى ..​

وعقب ماخذولهم جولة في ارجاء اليخت ،، دشوا المطعم عشان يتغدون ​

كانوا الكبار .. اليد واليده وعبدالله و زوجته وجاسم وزوجته قاعدين على طاولة
والشباب والبنات ومعاهم هنادي على طاولة ثانيه​

طبعا الشباب وايد ماخذين راحتهم وكل واحد يخز حبيبته لول
ساره كانت مستحيه وبنفس الوقت طايره من الوناسه
على حركات ونظرات ابراهيم لها
اما ملايين فكانت حيل منحرجه من نظرات احمد حقها وشوي تفكر بمشعل ويضيق خلقها​

المهم عالساعه 3 ونص كانت انواع الاطباق وانواع الاكل والحلويات جدامهم عالطاولة
والكل قعد ياكل ويسولف ومستانسين بالرحله وايد .. ​

بهالوقت واليمعه الحلوه شوي شوي ملايين حاولت تتناسا موضوعها مع مشعل وانشغل بالها عنه
وقررت انها تستانس بالرحله اليوم وعقب مايردون تفكر
باللي راح يصير ،، ماكانت تبي تخرب كل عطلتها عشان
وتعكر مزاجها طول السفره عشانه.​

عقب ماتغدوا وخلصوا صارت الساعه 4 ونص .. ​

 

[ღ Mzajiya ღ]

الكبار راحوا قعدواا بقعده حلوه باخر اليخت

والشباب قاعدين يم حوض السباحه اللي كان موجود
باليخت وقعدوا يلعبون جنجفه مع هنادي ..
طبعا هنادي كانت حاسبه حسابها ويابتها عشان يضيعون وقت

اما البنات كانوا قاعدين يمهم بس ماكانوا يبون يلعبون
ف ااكتفوا بالسوالف وبين مده ومده يتحرش فيهم احمد
ويقعد يضغطهم وابراهيم وهنادي يضحكون على شكل
البنات واهما ينضغطون من احمد لول ..


لمن صارت الساعه 5 ونص تقريبا ..

قامت ساره على حيلها وتكلم ملايين
سااره : مي مي امشي خل نتمشى لي واجهة اليخت
الجو اينن صار مشالله والحين بتغيب الشمس امشي نروح
نشوف من هناك اوضح
ملايين : اي والله ،، وهم انا مليت من القعده بعد
ساره ( تكلم هنادي ) : هنووده احنا بنروح نتمشى لي واجهة اليخت تيين ؟؟
هنادي : لا حبيبتي انتوا سيرووا ،، وانا حالفه الا اكسر
راس هذول الاثنين

الكل يضحك على كلامها

ملايين : يلا عيل ساره امشي
احمد : حطوا بالكم مو وحده فيكم تزلق وتطيح بالبحر ،،
ولو انه بيخف الحمل علينا شوي بس ميخالف
هم ديروا بالكم

ساره ( تطلعله لسانها ) : بااايخ
( ومسكت ايد ملايين ومشوا )

ابراهيم : حرام عليك ليش جذي تسوي فيهم
احمد : يبا اتغشمر معاهم واهما يدرون ،،
العب بس العب خل نكسر راس بعض النااس
هناادي ( تطالعه بحقد لول ) : ماشي با احمدوو بنشوف منو
اللي بيكسر راس الثاني
وابراهيم قاعد ويضحك عليهم

نرد حق ملايين وساره ..

ملايين : ساره انا وايد خايفه
ساره : والله ادري وانا بعد خايفه مثلج ..
بس شنسوي لازم نواجه هالشي

ملايين : ااخ ياقلبي جان زين مادشينا الجات ذاك اليوم
ولا فكرت اخذ رقم الخايس مشعل ،، الله ياخذه ان شاءالله
وافتك منه
ساره : لاا يالهبله لا تدعين صورج عنده ،،
اخذيهم وبعدين سوي اللي تبين

ملايين غصبا عليها ضحكت لول

ساره : اي يبا ضحكي ادري انه هذي مشكله كبيره بس
همن يعني الدنيا ماتسوى وان شاءالله ان شاءلله
الله بيكون معانا وبنحل هالسالفه وتعدي على خير يارب ..
ملايين : اميين يارب الله يسمع منج

وقعدووا يسولفون ويطالعون غروب الشمس
وبعدها بساعه يوولهم الشباب وهنادي وقعدوا يسولفون
معاهم ومرت النص الساعه بسرعه وصارت الساعه 7
ووصل اليخت المينا وكلهم تيمعووا ونزلو

وعالساعه 8 ونص كانوا بالبيت ..

( اكيد بتقولون اني مايبت طاري مشعل اليوم صح ..
خل اقولكم ليش
امس عقب مااتفقت ملايين مع مشعل انها خلاص
بتشوفه بيوم العرس ،، قالتله انها باجر بتكون مشغوله حيل
مع اهلها وكلش ماتقدر لا تكلمه ولا تدزله مسجات
وخلته يوعدها انه مايدق ولا يدزلها مسج عشان لحد
يحس بشي وبس تفضى اهيا اللي راح تدق عليه وتكلمه .. )

المهم نرجع حق عايلتنا الحلوه ..

تدرون ان الرحلة البحرية بالبحر تدوخ شوي
واتعب وجذي فالكل كان دايخ وتعبان وعلى طول
بس ردوا البيت اللي راح خذاله شور واللي
بدل هدومه وعالساعه 10 تقريبا
تيمعوا كلهم عشان يتعشون ..


وعالساعه 11 ..

بس تعشوا الكل راح غرفته يرتاح وعشان باجر
من الصبح لازم يكونون ابيت حصه عشان يساعدونها
والبنات وراهم صالون وعفسه .. والشباب لازم يجهزون
الخيم مع الرياييل وجذي ..

فكل واحد راح غرفته يزهب شغله وملابسه ويحط راسه وينام

ملايين دقت على مشعل وكلش ماكان ودها تسمع صوتها
بس شتسوي غصبا عليها .. كلمته واكدتله انها
باجر بتشوفه وقعدت تاكدله عالعنوان عشان مايضيع
وقالتله انه الساعه 9 ونص يكون موجود
( لانه الساعه 9 ونص راح تدخل العروسه فكانت تبي الكل لاهي معاها ومايلاحظون انها مو موجوده )
وبس سكرته منه زهبت ملابسها واكسسواراتها
وشغلها كله وحطت راسها وقعدت تدعي انه الامور
تصير بخير وكل شي يعدي بخير باذن الله ..
لمن داخت ونامت .

وعند ساره .. زهبت ملابسها وشغلها كله وهمن حطت راسها عالمخده وقعدت تدعي انه باجر يعدي اليوم على خير لمن داخت ونامت ...
​

.................................................................................

لي هني والبارت العاشر خلص
اتمنى انه يعجبكم واتمنى اشوف اراءكم وتوقعاتكم :eh_s(22):
قراءة ممتعه :eh_s(7):​