روايتي الاولى وبقلمي ( ملايين ) اتمنى انها تعجبكم ^_*

[مريوم]

مشكورة حبيبتي على البارت وناطرينج *

 

[miss 3yara]

خوش روايه ناطرينج حبيبتي

 

[دمعة_حب]

الرواية تههههههههههههبل كملي متى البارت ناطرين أشوا لحقت عليها من البداية بانتظارج

 

[مريوم]

حبيبتي متى البارت ؟؟

 

[ام خالد الغلا]

يعطيج العافيه وناطرين التكمله

 

[ღ Mzajiya ღ]

lamia a. al-kan

حيااتي تسلميين وانتي اللي ثنكس عالمتابعة :eh_s(7):​

FooFoony​

فدييتج انتي العجييبه تسلميين :eh_s(7):​

مريوم​

انتي اللي مشكوره على متابعتج وانتظارج ان شاءالله ماراح اطول :eh_s(7):​

اصايل الكويت ​

حياج الله حياتي تسلميين نورتيي روايتي :eh_s(7):​

دمعة حب ​

بعد عمري والله حياج الله نورتيي الرواية وتسلميين على التشجييع الحلوو فديتج :eh_s(7):​

ام خالد الغلا​

الله يعافييج ياقلبي منوره الرواية :eh_s(7):​

وااااي بعد عمري والله كل اللي ردووا عليي ومتابعيني من البدااية
وتسلموون على الردود الحلوه مثلكم ماتدرون شكثر استانست :eh_s(2):
وهذا يخليني اتشجع اني اكمل ومااطول بتنزيل البارتات :eh_s(17)::eh_s(21):
وحق كل اللي سالوني متى البارت ان شاءالله اليوم البارت الخامس
:eh_s(9): نطروووونيي :eh_s(9):​

 

[ღ Mzajiya ღ]

البارت الخامس .. ​

واهما بالطريج شوي ولا ابراهيم يدق عليها ..​

ساره ميته خرعه لانها اول مره تكلم واحد غريب بالتلفون وقلبها يرقع حيل :
أأأ الوو :$
ابراهيم : السلام عليكم ..
ساره ( بالغصب تطلع الكلمه ) : و وعليكم السلام :$

ابراهيم : ساره بصراحه وبدون اي مقدمات ..
بغيت اقولج انه انا وايد معجب فيج
وبيني بينج بصراحه انا احبج وودي اتقدملج بس عقب مااخذ شهادتي
واتوضف وحبيت اشوف رايج عشان لا ابني احلامي على شي وبعدين مايصير ..
امم شرايج انتي ؟؟ تبادليني نفس الشعور ولا في احد ابالج و عمرج مافكرتي فيني او حطيتيني ابالج ؟؟​

ساره ( حدها مستحيه وبنفس الوقت حدها طايره
من الوناسه لانه اهيا بعد كانت تحبه
وتموت فيه من كانت صغيره ) : امم لا مافي احد بحياتي :$
ابراهيم : اي ؟؟

ساره ( تدري انه يبيها تقوله رايها بس مستحيه تقول ) : .....
ابراهيم : لا تسكتين قولي شي
ساره : اممم انا انا ( بسرعه قالتها ) انا بعد احبك​

ابراهيم ( حيل استانس وحس انه الدنيا مو شايلته من الوناسه
ومومصدق اللي سمعه ) : اوكي شوفي الحين انا ماقدر اسوي شي تدرين
لانه بعدي ادرس بس ان شاءالله اااول يوم اشتغل فيه
راح تلقين اهلي يايين بيتكم يخطبونج حقي
واتمنى هالشي يضل سر بيني وبينج
وابيج توعديني انج ماتقولين حق احد كلش ،،
لاني مابي اخسر اخوج ولا اخسرج اخاف احد يعرف ويفهم السالفه غلط ويتغير كل شي اوكي ؟؟

ساره : خلاص اوعدك انه هالشي يتم سر بيني وبينك
ابراهيم : حلووو .. والله ماتدرين شكثر انا مستانس وحاس براحه مو طبيعيه .. الله يكتب اللي فيه الخير ان شاءالله
ساره : ان شاء الله يارب

ابراهيم : خلاص عيل انا مثل ماوعدتج مكالمه وحده وراح امسح رقمج ..​

الحين انا بسكره وبمسح رقمج وبشد حيلي بدراستي واتخرج عشان ايي اخذج وتصيرين حلالي :$
شدي حيلج وديريبالج على نفسج اووكي ؟
ساره ( طبعا مستحيه ) : ان شاء الله :$ وانت بعد ديربالك على روحك
ابراهيم : حاضر من عيوني .. يالله مع السلامه
ساره : تسلم عيونك .. الله معاك ​

وفعلا بس سكره منها على طول مسح رقمها
وابتسم وكمل طريجه حق جامعته .​

نرد للواقع .. ​

ملايين انتبهت انه ساره سرحانه وقعدت تناديها عشان تبي تسالها عن احمد وابراهيم
لانها مستغربه انهم مسافرين معاهم !!
ملايين : سارووه .. سااااره ( وتهز جتفها )
ساره انتبهت عليها : هاا هلا هلا شفيج تصرخين :/
ملايين : شفيج نمتي ولا سرحانه ؟! اللي ماخذ عقلج
( وتغمزلها لول )

ساره ( تطقها على جتفها ) : جبح ويه .. شتبين انتي شتبييين فيني هااا
ملايين ( ميته ضحك عليها ) : مابي شي يبا سلامتج ..
بس انا مستغربه من احمد وابراهيم انهم مسافرين معانا ؟!

ساره : اي والله غريبه ،،
معنه ماسمعت احد ياب طاري انه احمد وابراهيم
بيسافرون معانا ؟!
وهذا وانا معاه ابيت واحد ومادري انه بيسافر معانا هالمره ​

ملايين : اي والله ،، بس ليش شمعنه هالمره يعني ؟!
ساره : اي ماسمعتي احمد شقال واحنا واقفين ندخل الجنط لمن كنا بالمطار ؟!

ملايين : لا ماسمعت ..
لانه يوم تدخلون الجنط انا رحت الحمام ( وانتو بكرامه ) اكلم مشعل ولا نسيتي ؟؟
سااره : اييي صح نسيت شوفي الله يسلمج ..​

قال انه محد من ربعه هالمره بييسافر الامارات الا ابراهيم ماعنده شي ,,
باجي ربعه اثنين منهم تزوجوا وبيسافرون مع حريمهم
و واحد رايح مع اهله وواحد بعد اسبوع ملجته
وماكو الا اهوا وابراهيم اللي فاضيين فقال مره وحده ايي معانا

ملايين : والله انا حاسه انه وراه شي ،،
لانه يقدر يسافر اهوا وابراهيم بروحهم مو من بعدها الامارات
كلها ساعتين يعني ؟!​

( خل اقولكم ليش احمد هالمره قرر يسافر مع اهله ،،
نفس ماقلتلكم من قبل احمد حس انه بدا يميل لملايين وفكر انه بهالسفره يقرب من ملايين ،، ​

ويحاول يكسبها عالاقل يمكن يعرف مشاعرها من ناحيته ويشوف اذا يقدر يخليها تحبه ويتاكد من حبه لها بنفس الوقت ) ​

 

[ღ Mzajiya ღ]

نرد لبنوتاتنا الحلويين ..​

ساره : مايندرى والله ،، بس تصدقين بعد جبدي اخوي
والله اكيد حس فيني انه مشتاقه حق ابراهيم ويابه ويو معانا :$​

ملايين ( تضحك على ساره ) وسرحت بحبيب القلب .. " مشعل"
( و لا على بالها احمد كلش للاسف ،،
حرام يااحمد مو هذا اللي كان ودك يصير>>> بس مايندرى سبحانه اللي يغير ولا يتغير يمكن تصير وتحبه
ولا شرايكم )​

" اهيا ودها تشوفه ( مشعل ) بس خايفه فقعدت تتخيل شلون صاير شكله :$
وهمن ماتبي علاقتها معاه تتعدى المكالمات لانه تربيتها ماتسمحلها تسوي شي اكبر من جذي
ولو انها غلطت ليش كلمته بس اكيد كل واحد يغلط اكيد بييله يوم ويصحى ويتعلم من غلطه "
ولا شرايكم ؟!​

وساره حطت السماعات باذنها وقعدت تسمع بالايبود ،،
وتفكر بحبيبها وانه مابقى شي على تخرجه وايي يخطبها ..​

وبجذي عدت الساعتين وكلمن لاهي اللي يسولف واللي خذاله
غفوه وشفتوا ملايين وساره شنو كانوا يسوون على مايوصلون الامارات .​

وعالساعه 12 وشوي اهما بمطار الامارات ويوا اهل امهاتهم واستقبلوهم وراحوا بيت يدهم ،،
واحمد وابراهيم معاهم طبعا لانه اهل امه يعرفون ابراهيم ومن صغره كان يزورهم وجذي فقعد معاهم بالبيت ..​

( وانتوا عارفين بيوت الامارات مشالله اغلبهم كبار ووساع ) ​

صج انه عبدالله وجاسم كان عندهم فلل ومزارع بالامارات بس كانوا مايقعدون فيهم الا لمن يروحون
بعطلة الصيف 3 اشهر تقريبا ​

اما بعطلة الربيع فكانوا يروحون بيت اهل زوجاتهم لانه يدررون انه زوجاتهم وبناتهم يحبون يقعدون بيت اهلهم
بما انه الفترة تكون قصيره شوي وفللهم بمنطقة ثانيه
فتكون بعيده شوي عليهم..​

و بعد ساعه وصلوا بيت يدهم وسلموا على اهلهم وكل واحد راح غرفته يعدل اغراضه​

( كان يدهم مسوي جناحين واحد كان حق فاطمه وريلها وواحد حق ايمان وريلها ،،
ومسوي غرفتين مفتوحين على بعض حق ساره وملايين واللي بتنام عندهم من بنات خالاتهم عشان جذي ماحطلهم غرفه وحده .​

ومثل ملحق بس كبيير فيه غرفتين وصاله ومطبخ وتكرمون حمامين ،،
حق احمد وعيال خالاته لانه بس يروح الامارات عيال خالاته كلهم يروحون يقعدون عنده ) ​

* طبعا في شغله نسيت اتكلم عنها اللي اهما الخدامات والسواق اللي يشتغلون عند عبدالله وجاسم ​

" اي ترى اشخاص مهمين هذيل ومانقدر نستغنى عنهم لول لازم يكون لهم دور بالقصه "​

الله يسلمكم الخدم والسواق اثنين باثنين حلو ​

( هذي غير عن لواحد مش لاثنين خخ .. احم لول المهم ) ​

يعني خدامة بيت عبدالله وسايقهم متزوجين بعض ونفس الشي عند جاسم وعندهم من زماان يعني مو اقل من 10 سنين
يعني السواق يوا قبل ولمن ارتاحوا عند العايلتين
يابوا زوجاتهم يشتغلون عندهم بالمره فكلش مايحاتون شي لمن يسافرون ومأمنين على بيوتهم ومرتاحين الحمدالله ) ​

نرد حق ابطال قصتنا ​

عقب ماعدلوا اغراضهم وزهبوا كل شغلهم تيمعوا كلهم بالصاله على اساس يتغدون ​

وعقب مايريحون عالمغرب جذي راح ايون خالاتهم وعيالهم عشان يسلمون عليهم ويسهرون عندهم
وكان يوم السبت وبما انه عطله ف ماوراهم شي ..​

ثاني يوم .. ​

الساعه 2 الظهر كانت ملايين نايمه طبعا مشعل اهوا اللي قعدها من كثر مايدق :/​

ملايين ( بنفسيه لانها نايمه متاخر ودايخه ) : هلا مشعل
مشعل : صح النووم ياعسل
ملايين : صح بدنك .. خير
مشعل : شدعوه يبا عطينا ويه ليش كل هالنفسيه ؟!
ملايين : مشعل انا بعرف شغله وحده ،
انت ماتنام ؟؟ ماترتاح ؟؟ طول الوقت يا تدق ياتدز مسجات حرام عليك ارحمني شوي ،،
ترى انا عندي اهل بعد ولهم حق علي ،،
وبعدين افرض يعني بيوم من الايام تلفوني ماكان يمي وانت دقيت مو راح تصيرلي سالفه ؟؟
شفيك علي شوي شوي ماراح اطير ترى انا قايلتلك من قبل اي وقت افضى اكيد راح اكلمك واكون على طول معاك
بس انت موراضي تعطيني فرصه اتنفس يه !!​

( واااااعلياا هزأته المسكين لول ) ​

مشعل ( منصدم من كلامها ،، و عقب دقيقتين من الصمت اللي بينهم )​

ملايين : مم مشعل انا اسفه مو قصدي اتنرفز عليك واكلمك بهالطريقه بس انا جم مره حاولت افهمك هالشي وانت مو راضي تستوعب شسوي :/
مشعل : افا ،، ماهقيتها منج والله
ملايين : مشعل انا اسفه والله مااقصد بس صج انت زودتها ولا مو ملاحظ هالشي ؟؟
مشعل : اهاا ،، زودتها .. مدام هذا اللي تشوفينه خلاص يبا ماشي
ملايين : اقصد يعنيي ...
قاطعها مشعل : خلاص خلاص ماصار الا الخير ولج اللي تبينه ،،
ماراح ادق ولا راح ادز مسج بعد متى مافضيتي رقمي عندج ،، يلا تبين شي انا بنام الحين ؟!
ملايين : مشعل لا تزعل مني وانا اسفه وحقك علي بس اتمنى تفهمني ،،
ولا مابي الا سلامتك ،، نوم العوافي وتغطى عدل
مشعل : ولا يهمج ،، يلا مع السلامه
ملايين : الله يسلمك ،، سكرته وردت نامت​

عند مشعل ( كان منصدم حيل من كلامها )​

قعد يتحلطم ويناقض بكلامه يعني الحين يزاتي انه انا حبيتها وتعلقت فيها وابيها 24 ساعه يمي
وتكلمني وهم قاعد اقولها بشوفها وموراضيه وانا ليلحين بعدي ماشفتها وتعلقت فيها جذي
عيل شلون لو شفتها وعجبتني شراح يصير ،،
انزين يعني بهالوقت مافي بنت تشوف حبيبها كل شوي يدق عليها ويبي يكلمها واهيا تدقره جذي .. ​

بس يمكن اهيا كلامها صح وانا زودتها واهيا عندها اهلها يعني مو بروحها .. بس همن مفروض ماتكلمني جذي انا مو ياهل عندها
بس هين يا ملايين ماراح اطوفها لج .. انا الحين خل اناملي ساعتين وبس اقوم انا عارف شراح اسوي ،،
ماشي انا تكلميني جذي هاا .. اووووكي يا ملايين راح تشوفين شي مايسرج .. اظاهر ماعرفتي مشعل عدل
ولا عشان قاعد ادق عليها ومهتم فيها تشوف روحها علي ،، يصير خير )​

مشعل اتصل اتصال صغيير والمكالمه ماتعدت ال 5 دقايق وراح تعرفون بعدين شنو نوع هالمكالمه وسكره ،،
وحط المنبه عالساعه 6 وحط راسه ونام ،،
لانه وراه خطه ولازم ينفدها بس يقعد .
" ااالله يستررررر من هالمشعل ،، قايله انا مو هين "​

تابعواا معاي بالبارت الياي شنو راح يصير بين بطلتنا ملايين والخطه اللي مجهزها مشعل .​

................................................................​

 

[L.Al-kandri]

مشكوره حبيبتي علا البارت عجيب
وويتنغ لا تتاخرين علينا

 

[άGώâ ми àώàŁ]

Msh3al 6laa3 7a8eeer:|
Allaa YStr mnaaa
3ajjeebba alrwaya
kamliii

 

[ღ Mzajiya ღ]

lamia a. al-kan​

حياتي ولو تسلمين وانتي العجيبه والله
ان شاء الله ماراح اتأخر​

agwa men awal​

اي والله شفتي شلون .. نطري وشوفي شنو راح يسوي
و حياج حبيبتي منوره
وهم ان شاءالله ماراح اطول عليكم​

 

[ღ Mzajiya ღ]

بنات في ملاحظه صغيره ترى الخطه اللي ناوي عليها مشعل
ماراح تصير بالبارت الياي
راح تكون بالبارت اللي بعده :eh_s(17):​

 

[miss 3yara]

Ya36eech al3afya 7abebty ;**
W mesh3al wai3 :& klish ma 7abetah !!

 

[دمعة_حب]

يعطيج العافية حلو البارت بس مشعل بط جبدي لووووووول يلا ناطرة البارت الياي الرواية تهبل وانا نايمة افكر فيها

 

[مريوم]

ثنكس حبيبتي على البارت واول شي مشعل وااايد كسر خاطري يوم هزئته بس بعدين كرهته والله يستر منه وانشالله مايسوي شي حق ملايين وبس ناطرينج حبيبتي

 

[ღ Mzajiya ღ]

اصايل الكويت ​

يعافيج حبيبتي :eh_s(6):
من الحين ماحبيتيه بس بعدين لمن تشوفينه شراح يسوي
يمكن تكرهينه مو بس ماتحبينه لول ​

دمعة _ حب​

يعافييج ياقلبي وعيوونج الحلوه :eh_s(22):
وي وي لا لا عيل ضروووري انزل بارت ثاني اليوم
عشان تنامييييين عددددل :eh_s(10):


مريوم

حبيبتي العفوو ولوو
لاا لايكسر خااطرج لوول
اذا انا بنفسي مو حابته خخخ
وثنكس على انتظارج :eh_s(7):​

 

[ღ Mzajiya ღ]

البارت السادس ياي بالطريييج :wqedqw:
:eh_s(9): نطرووونييي :eh_s(9):​

 

[دمعة_حب]

ناطرين افا عليج لا يوقف لا يوقف

 

[ღ Mzajiya ღ]

البارت السادس ..​

الساعه 5 العصر بالملحق عند الشباب ..​

احمد نايم وابراهيم كان توه ماخذله شور و طالع من الحمام
( وانتوا بكرامه )
تلفون احمد صارله ساعه يرن ..
ابراهيم : احمد .. احمدووو
احمد ( بسابع نومه ) : ....
ابراهيم : يااخي قوم بسك نوم تلفونك صارله يطحن قوم رد عليه بالله يبونك ضروري ..
احمدوووو قووم
احمد ( بالغصب مبطل عين وحده ) : ااافففف انت ليش ماتخلي الواحد ينام ..
انا ياي هني ارتاح وانام على كيفي وانت هم تقعدني يه
ابراهيم : الحين انا اللي صرت مااخليك تنام ها ..
زين ماشي الشرهه علي اللي قاعد اقعدك خلاص رد اخمد انا برد على تلفونك ،،
وحذف عليه المخده
ابراهيم راح صوب تليفون احمد وياي يبي يشيله شاف الشاشه بس لقى رقم بدون اسم​

( من طبيعة احمد البايخه انه اهوا
مايسجل الارقام اللي بتلفونه ،،
ف ابراهيم توقع انه يكون واحد من ربعهم ) ​

ابراهيم : الوو
ساره ( اهيا اللي كانت قام تتصل على اخوها ،،
بصراخ ) : احمدوو ويهد صارلي سنه ادق علييك اكيد خامد بسك نوم كليت المخده خلاص قووووووم اافف ،،
خلصنا نبي نطلللللع راح تاخرنااا​

ابراهيم ( من داخله حيل مستانس انه سمع صوت حبيبته وبنفس الوقت وده ينفجر من الضحك بويها على طريقتها
واهيا تصرخ عبالها اخوها اللي رد ) : احم ..
اول شي وعليكم السلام ،،
ثاني شي ترى انا ابراهيم مو احمد صارلي ساعه اقعده
مو راضي يقعد :/
ساره ( قلبها بيوقف من الاحراح ) : أأ ه هلا هلا والله ..
اسفه السلام عليكم :$
سامحني ماهقيت انه انت اللي بترد عالتليفون اسفه لانه صوتي كان عالي :/​

ابراهيم ( يضحك عليها ) : لا شدعوه عادي معذوره ..
( يكلمها بصوت خفيف ) : عاش من سمع هالصوت
ساره ( حدها استحت وبنفس النبره ) : عاشت ايامك :$​

أأ اوكي عيل انا استأذن الحين وبس يقعد احمد قوله اهلك يبونك .. يلا مع السلامه
ابراهيم : ان شاءالله تامرين امر .. مع السلامه ​

( حط التليفون عالطاوله وسرح فيها شوي وقعد يقول بقلبه يلا مابقى شي على خير ،،
وقام يلبس ملابسه تدرون بعد كان توه ماخذله شور ومامداه يلبس )​

نرد حق ساره ..​

( امبيه فشله والله من عقب سنتين هذي اول مره يسمع فيها صوتي وجذي سمعني اصرخ يافشيلتي
والله مالي ويه اشوفه ..
ياربييي والله كله من احمدو ويه الفقر بس مااشي والله لاطلعها من عينه بيشووف ..
وقامت راحت غرفة ملايين عشان تقعدها )​

غرفة ملايين ..​

ساره : ملاايين
ملايين : همممم
ساره : يلا عاد مي مي حياتي انتي ماصارت نوم الساعه 5 وربع يلا قومي ..
ترى بعد صلاة المغرب بنروح السوق قومي عشان لا نتاخر يلا
ملايين : خمس دقايق بس
ساره : ولا نص دقيقه .. قووميي ( تسحبها من ايدهاا )
ملايين : افف انزين انزيييين ..
مادري ليش ماتخلون الواحد ينام على راحته يعني ​

( يحليلهم اهيا واحمد يموتون عالنوم لول ) ​

ساره : ليش بعد في احد غيري مقعدج ؟!
ملايين : اكووو احد غيره يعني
ساره ( ميته ضحك عليها كااك ) : ههاااي لي هني لاحقج بعد ​

ملايين : اافف سكتي لوع جبدي موراضي يستوعب الكلام يومين يصير زين ومايحن وعقب يرد يحنج كل شوي ..
الظهر زفيته زف بس كسر خاطري والله بس شسوي اهوا مو راضي يفج شوي ناشبلي نشبه ياربي​

ساره : لول انزين خلاص خلينا من مشعلج هذا وخل اقولج توه شصار وااي تمنيت الارض تنشق وتبلعني ..
بس كله من احمدو بس هين ماراح اطوفله اياها ​

ملايين ( عدلت قعدتها وتربعت عشان تسمع ساره ) : شصار ؟؟
وقعدت ساره يمها وقالتلها كل السالفه ..
ملايين : كاااااااااااااااااااااااااك والله مو من صجج هههههه ياحراام
ساره ( كفختها بالمخده ) : بدال لا تقوليلي شلون اردها حق احمدو قاعده تضحكين علي ماشي ،، ​

وقامت راحت غرفتها عشان تشوف شنو تلبس وقاعده تفكر بشي تقهر فيه احمد
( حدها حاقده عليه لانها افتشلت من حبيبها لول ) ​

وملايين شافت تليفونها وحدها استغربت انها مالقت لا مكالمه ولا مس كوول الا من امها مرتين
( بقلبها ،، غريبه ماكو منه شي !! )​

المهم وقامت راحت تاخذلها شور وتصلي وتبدل عشان يطلعون السوق .​

عالساعه 7 ونص كانهم توهم واصلين المجمع ..​

كانو اللي رايحين عبدالله وزوجته وبنته وجاسم وزوجته وعياله وبراهيم معاهم
ويدهم ويدتهم ( يحليلهم فيهم حيل للسوق لول ) وخالتهم الصغيره هنادي
(عمرها 25 سنه وبعدها ماتزوجت بس في مشروع خطبه بالطريج ان شاء الله وتشتغل مدرسه ،،
حدها كيوت وطيبه
و تشبه اختها فاطمه وايد وملايين طلعت نسخه مصغره منها
و اهيا تقريبا اكثر وحده تطلع بنات خواتها
وتفتر فيهم كل مكان وتضبطلهم الشاليهات والطلعات وجذي ..
وذوقها وايد حلو وعشان جذي لازم اذا بغوا البنات يروحون السوق واهما بالامارات
اول وحده تكون معاهم اهيا)​

 

[ღ Mzajiya ღ]

اول مادشوا المجمع الكل تطشر تقريبا ..​

اليده ومعاهم فاطمه وايمان دشوا محل عطور عربيه وعود عشان يختارون
هديه حق العروسه " شيخه " عطور ودهن عود وجذي ويبون يختارون بخور حق العرس عشان يبخرون البيت​

( العرس راح يكون ابيت اهل المعرس هذا اللي قالته لهم ام فاطمه وايمان )​

( اذا تذكرون بالبارت الاول قلتلكم انهم رايحين الامارات مخصوص عشان
عرس شيخه بنت خالتهم حصه ،،
اي ف اهما يايين يجهزون حق عرسها )​

اليد وعبدالله وجاسم راحوا قعدوا بكافييه وطلبولهم قهوه ،، ​

احمد وابراهيم دشوا محل فيرجن يتطمشون ،،
اما البنات الحلوين كل وحده مسكت ايد خالتها من صوب وصارت بنصهم وقاموا يدشون محل محل يدورونلهم نفانيف حق العرس ..​

طبعا اهما حاطين ابالهم انه يبون يلبسون نفانيف بسيطه وقصيره لانه مثل ماذكرت راح يكون ابيت ف مايبون يخبون عمرهم ..​

( تقريبا اغلب المحلات الموجوده هناك بالمجمع موجوده بالكويت
بس البنات اصروا انهم يشترون من هناك
" مادري شالفرق يعني لول " )​

المهم دشوا محل ​

وشافوا النفانيف كان في اثنين تقريبا متقاربين بالموديل بس الوانهم مختلفه طبعا .. ​

هنادي ( خالتهم ) : وااو بصراحه ذوق .. واايد عجبوني هالفساتين شوو رايكم ؟؟
ساره : اي بصراحه انا عجبني الاصفر ..
وانا لوني غامج شوي فاتوقع بيطلع حلو علي شرايكم ؟!
( ملايين ماكانت مقتنعه بالموديل
وانا قلتلكم بالبدايه انها شوي كانت متروسه ف ماتحب تلبس شي يطلع كرشتها العنونه لول )​

ملايين : بصراحه اللون زوغه واكيد راح يلوق علي لاني بيضه
بس الموديل مو جنه راح يطلع صاك علي وايد وراح تبين كرشتي L وبصراحه انا ابي شي يغطي مو يطلع ؛(
هنادي : انتي شفيج خبله شو هالرمسه ..
مشالله جسمج وايد حلو ومافيه شي انتي بس تبين تعقدين عمرج شبلاج
هذا الموديل انسب موديل حقج
لانه الطبقات اللي فيه راح تغطي عالبطن
وراح تطلع جسمج بشكل حلوو صدقيني ولا شو رايج يا ساره ؟؟
ساره : صح كلام خالتي وبعدين انتي جربييييه
شخسرانه توقع بيطلع حلو عليج ..
واذا ماعجبج فيه مليون محل غيره ،،
بس صج بخاطري نلبس نفس النفانيف حتى لو يختلفون شوي ولا شرايج ؟​

ملايين ( باست ساره على خدها ) : ياحياتي انتي وانا بعد ودي نلبس نفس الشي و تدرون جنكم اقنعتوني فيه
خصوصا اللون حيل دش بخاطري ،،
خلاص يلا خل نطلع مقاساتنا ونروح نجربهم ؛)​

كل وحده طلعت مقاسها وراحت غرفة القياس عشان تقيس النفنوف ،، ​

واهما بغرفة القياس ..​

وصل مسج حق ملايين واكيد كان مشعل
( طبعا مشعل كان مايبي يبين اي شي حق ملايين عشان يمشي عالخطه اللي كانت اباله )​

( قوه حياتي .. ها يبا قلنا اني ماراح ادق ولا ادز مسج بس عاد مو تقطعين انتي بعد :/ ولا زعلانه على حبيبج :$ !!)
ردت عليه ملايين بصراحه اهيا استانست شوي لانها حست فقدته وانها قست عليه
( لا حياتي انا مو زعلانه بس انا رايحه السوق مع اهلي ولهيت شوي )
مشعل رد عليها بمسج ثاني
( اها .. انزين وينج انتي باي مجمع ؟؟ )
(ملايين قالتله انها بالمجمع الفلاني )
مشعل ( خلاص عيل حبيبتي ديريبالج على روحج
وبس تردين البيت دزيلي مسج عشان اتطمن عليج اوكي )
ملايين ( ان شاءالله من عيوني )
مشعل ( تسلم عيونج الحلوه .. يلا تيك كير )
ملايين ( يسلمك .. اوكي يو تو )​

وحطت تليفونها بالجنطه وقعدت تلبس النفنوف وبس خلصت قامت تنادي خالتها
ملايين : هنوووده .. خاالتي تعالي شوفي
( راحتلها خالتها جا ملايين تفتر جدامها )
شرايج جنه حلو صح ؟؟
هنادي : جنه حلو ؟؟ هاي اللي بفلعها الحينه ..
ملايينووو يخبل يجنن يخقق بصراحه وايد حلو
ماشاءلله ماشاءلله عيني عليج بارده واللون مو طبيعي عليج ماشاءالله
( وقعدت تسمي وتقرا عليها ) ​

ملايين ( استحت ) : يووه هنوده مو لي هالدرجه عاد
هنادي : تدرين والله اني خايفه عليج تييج عين فالعرس
ولا شي لانه طالع على مقاسج بالضبط
ملايين : لا انا اقرا على عمري قبل لا اروح
وان شاء الله ماراح يصير شي .. خلاص باخذه ​

ساره : ملايينوو نطري لا تفصخيينه بشوفه عليج ..
بس نفنوفي وسيع شوي هنووده ييبيلي مقاس اصغر الله يخلييج
هنادي : يالله اوكي الحين اييبلج مقاس اصغر واييج ​

( ويابتلها مقاس اصغر وعطتها) ​

ساره ( لبست النفنوف وطلع اضبط من اللي قبله
وصار اووكي طلعت و راحت عند ملايين بالغرفه اللي يمها ،، ​

ساره : وااو مشالله شحلاته قلتلج بيطلع حلو عليج
ملايين : اي خو شدراني انا بعد بيطلع حلو ،،
وااي نفنوفج لونه مو صج وايد حلو عليج بعد مشالله
هنادي : اقول انتوا الثنتين مو جنه زودتوها شوي يالله خلصووووني
ترى ورانا الجواتي ( وانتوا بكرامه ) والاكسسوارات ،،​

يلا بنات بدلوا عشان نحاسب وندور باجي الاغراض انطركم برع انا اوكييه
البنات بصوت واحد : اووووكيييييه​

طلعوا البنات وراحوا يحاسبون وبعدها دشوا محل اكسسوارات وكل وحده اختارت اللي يمشي مع نفنوفها
وخذولهم جنط حلوه بعد وباقي الجواتي ..
دشوا محل للجواتي ( وانتوا بكرامه ) وكل وحده اختارتلها الجوتي اللي يناسب بدلتها .​

ساره : انزين هنوده وانتي ماشريتي شي ؟؟
هنادي : وحليلج والله ،،
انا شريت بدلتي وخلصت كل اغراضي من اسبوعين تقريبا .. تدرين بعد انا اللي رحت مع خالتكم حصه
عشان نجهز شيخه ف خلصت شغلي وانا كنت اتسوق معاهم .​

ساره وملايين : اهاا زين سويتي والله عليج بالعافيه يا احلى خاله بدالنيا كلللهااا
هنادي ( تضحك عليهم ) : يعافيكم ربي حبايبي انتو ،،
يلا خل ارمس فاطمه واشوف وينهم فييه
( كلمت فاطمه وقالتلها انهم ناطرينهم بستاربكس ..
وراحولهم البنات )
وبجذي خلصوا كل شغلهم وكانت كل وحده مستانسه باللي اختارته وعاجبها
وتوهم يبون يردون مروا عند محل مكياج ( مكياجي )
وماقدروا يمنعون روحهم انه يدشون ويشترون مكياج تدرون بعد سوالف حريم مالهم غنات عن المكياج ​

ملاحظه ..
( انا تعبثت بقوقل ولقيت هالنفنوفين وبالالوان اللي كانت بخاطري ومعاهم كل الاشياء اللي ذكرتها
وقلت اخليها حركه بالرواية اني انزلكم صور النفانيف ) ​

​

​

شرايكم نعوومييين وايد صح ​

ليي هنييي وانتهى البااارت السادس اتمنى يعجبكم وياريت اشووف ردودكم الحلوه نفسكم :eh_s(7):​

.....................................................................................​