روايتي الاولى وبقلمي ( ملايين ) اتمنى انها تعجبكم ^_*

[L.Al-kandri]

عجييييييييييييب البارت و ناطره البارت الياي شوقتيني ودي اعرف شنو بسوي مشعل

 

[دمعة_حب]

عجيييب البارت متشوقة شراح يصير بالعرس لايوقف لايوقف

 

[مريوم]

ثنكس حبيبتي على البارت الحلو ومشعل هاذا الله يستر منه شكله ناوي نية شينه حق ملايين والله يفكها منه وبس حياتي ناطرينج ولاتطولين علينا حددددي متشوقه وابي اعرف شراح يسوي هالمشعل

 

[FooFoony]

تسلميييييييين عالبارتيين حدهم ايننووون

 

[ღ Mzajiya ღ]

ثنكس حق البنات اللي ناطريني واقولكم يشرفني انكم متابعين روايتي
ومنورينها بردودكم العسل
ان شاءالله شوي وانزلكم البارت
نطرووني فديتكم :**​

 

[ღ Mzajiya ღ]

البارت السابع .. ​

وبعد ساعه الا ربع ..​

وصلوا البنات وخالتهم عند اهلهم بستاربكس وكانوا تعبانين من الفراره وحدهم يواعه ،،
الاهل شاربين قهوه وماكلين حلو فكلش ماكانوا يبون عشا
بس البنات يبون وصارت الساعه 10 ونص تقريبا
يعني خلاص مافي مجال ينطرون اكثر ..​

اول مااقعدوا ولا ايمان تكلمهم : هااا يمه خلصتوا شغلكم لقيتوا اللي تبونه ؟؟
هنادي ترد على اختها : هيه اختيه اشتروا كل اللي يبغونه وخلصوا اغراضهم ومب ناقصنهم شي لا تحاتين
فاطمه : الحمدالله ..
عشان يفكونا من حشرتهم ،،
حبيبتي تسلمين ماقصرتي ويعطيج العافيه اكيد تعبوج البنات معاهم
هنادي : ويييه الله يسلمج ويعافيج بالعكس ماتعبوني ولا شي عسل على قلبي فديتهم انا ​

ملايين وساره يطالعون امهاتهم ويحركون حواجبهم لول وكل وحده تبوس خالتها من صووب ​

جاسم ( يكلم البنات ) : يبه كفتكم الفلوس ولا خذيتوا شي من خالتكم ؟؟
ساره : لا يبا الحمدالله كفت وزادت بعد بس
( تحط ايدها على ويها تخشه لول )
رحنا محل مكياج وخلصنا كل فلوسنا :$​

عبدالله ( يضحك عليها ) : والله انتوا ماتيوزون
من سوالفكم .. بس عليكم بالف عافيه عيل احنا ليش يايبينكم السوق
جاسم : اي والله .. يالله عليكم بالعافيه حبايبي
البنات : الله يعااافييييكم ​

فاطمه وايمان طبعا طبعا طبعا قاعدين يتحلطمون على بناتهم
وانه مايشبعون من المكياج و
ولا جنه توه قبل جم يووم
كانوا بالسوق وماخلوا شي ماشروه​

اليد ( يحاجي البنات ) : زين ياابوي ماتبون عشا ؟؟
اكيد فريتوا بالمجمع كله وتعبتوا
ملايين : ايييي والله يدي ،،
والله محد غيرك حاس فينا والله انا وحده ميييته من اليووع​

ساره : دبه ماكو فايده فيج ههه .. بس صج انا بعد يعت وابي آكل
هنادي : خلاص عيل دام حطينا الاغراض هني
خلنا نسير نروح نشترلنا عشا وناخذه معانا
صراحه مافييني حيل اقعد اكثر من جي ولا شرايكم ؟؟​

البنات وافقوا على كلام خالتهم ​

اليده ( تكلم هنادي ) : تعالي يما هاج اخذي هذيل البيزات
وسيري اشتريلكم عشا وتعالوا بسرعه لا تتاخرن
انا تعبت وابغى اسير البيت ارتاح
هنادي : ان شاء الله يما​

( وراحت خذت الفلوس مع امها )​

يلا بنات نسير .. انا ابا من ماكدونالدز شو رايكم ؟؟
ملايين وساره : اياي احنا بعد نبي
هنادي : يلا قوموو ..
( واهما يمشون هنادي تكلم ملايين ) : هاج ملايين
اخذي البيزات خليهم عندج مالي خلق حتى افتح بوكي
واحطهم داخل
ملايين ( ميته ضحك على حالة خالتها) : ههههههه هاتي هاتي​

عبدالله يكلم اليده : ليش عمتي تكلفين على عمرج احنا موجودين نعطيهم اللي يبونه
اليده : لا يا اميه انا ماكلفت على روحي ولا شي
هذول بناتي بعد ​

فاطمه وايمان : الله يخليج لنا يما ويطول بعمرج انتي وابوي j
اليد واليده : الله يسلمكم ​

نروح عند احمد وابراهيم ​

احمد : ابراهييم انا حديي يعت :/ ماتبي نروح نتعشى ؟!
ابراهيم : طول عمرك بطيني تو الناس توها 10 ونص ​

( لول يحليلهم احمد وملايين شوي شوي
قاعد يبين انه اهما نفس الاطباع صح ؟؟ )​

احمد : انزين انا يوعان وابي اكل اذا انت ماتبي لا تاكل يااخي
ابراهيم : زين زين خلاص دق على اهلك شوفهم
تعشوا ولا بيطلعون ولا شنو نظامهم
احمد : اوكي اوكي ​

( دق على امه وقالتله انهم مايبون يتعشون
لانهم كلوا من ستاربكس وقالتله انه البنات راحوا ياخذون عشا
ويردونلهم وقالتله اذا يبون يتعشون يروحولهم
يشترون معاهم عشا ويردون كلهم مع بعض
عشان يردون البيت ) ​

سكره من امه ودق على ساره ​

تليفون ساره يرن وشافت انه احمد اللي قاعد يدق ​

( طبعا اهيا مانست اللي صارلها مع ابراهيم
جان تقول ماشي
الحين انسب وقت عشان اردها لك )​

ساره : الوووو
احمد : سارروو انتو رايحين اي مطعم ؟؟
ساره : الوو اسفه بس مااسمع صوت ازعاج منو معاااي ؟؟​

( احمد يشوف الشاشه يبي يتاكد انه هذا رقم اخته ..
بس طلع صح رقمها متاكد اهوا :// ) ​

احمد : عفوا اختي هذا مو رقم ساره ؟؟​

( ساره تدري انه اخوها مايسجل الاسامي بتليفونه )​

ساره : لا اخوي غلطان " وصكت الخط بويهه "
احمد يطالع ابراهيم مستغرب لول

ابراهيم : شفييك جذي تطالع عيونك لا تطيح :/
احمد : هاا لا بس شكلي داق غلط
ابراهيم : احسن الف مره قلتلك سجل الاسامي انت موراضي
احمد : بس انا متاكد من رقمها ؟! خل ارد ادق ​

( وقعد يكتب الرقم ويدق
ماردت عليه اول مره ورد دق مره ثانيه جان تشيله )​

ساره : يااخي شفيك قلتلك هذا مو رقم ساره ( وصكت بويهه )
تطالع ملايين وميته من الضحك وهنادي ضايعه بينهم ​

احمد عصب جان يدق على ملايين
ملايين طبعا يم ساره وتسمع كل شي وعرفت ليش ساره
قاعده تسوي جذي : الووو .. هلا احمد
احمد : هلا ملايين .. اقولج جم رقم ساره اختي ؟؟
ملايين : .....554 ،، بس لييش ؟؟؟​

( احمد بقلبه ايي هذا رقمها متاكد انا ،
عيل ليش ترد علي وحده تقول غلط ،،
بس والله لو مو الازعاج جان ثبت صوت منو يمكن اعرفه )​

احمد : هااا ،، لا بس قاعد ادق عليها وتطلعلي وحده
تقول الرقم غلط ؟!

( ملايين حدها فيها ضحكه بس ماسكه عمرها )

ملايين : مادري والله ،، انزين اهيا كاهي يمي تبي تكلمها ؟؟
احمد ( عصب شوي ) : لا خلاص بس انتوا باي مطعم ؟؟
ملايين : احنا عند ماكدونالدز
احمد : خلاص اوكي اوكي انا وابراهيم يايين الحين
ملايين ( مستغربه ) : اوكيك ،، ننطركم .. بيباي
احمد : باي ​

ملايين ) تكلم ساره ) : امبييه ساروه ترى كان معصب
ساره ( بقلبها جني زودتها ) : واي حلفي ،،
امبيه كان لازم من عقب ثاني مره خلاص ادق عليه
واقوله اني اتغشمر
ملايين : اتوقع انه كان لازم يصير جذي
وتدرين ليش بعد اتوقع انه اهوا مايدري شنو صار بينج وبين ابراهيم عشان جذي عصب ://
ساره : الله يستر بس ​

 

[ღ Mzajiya ღ]

( عند المطعم كان وايد زحمه فقرروا البنات وخالتهم
انهم يقعدون عالطاولات ينطرون الشباب ايوون عشان يطلبونلهم )​

واهما توهم قاعدين عالطاولة وصل مسج حق ملايين من مشعل طبعا
( حياتي انتي اي صوب بالمجمع ؟؟ )​

( ملايين حيل حيل مستغربه من هالسؤال ،،
بقلبها : لي هالدرجه يبي يعرف عني كل شي حتى وانا مسافره !!!! )
ردت عليه ( انا عند ماكدونالدز ،، بس ليش تسال ؟! )
رد عليها ( منو معاج ؟؟ وشنو لابسه ؟! )
ملايين انصدمت @@​

تبي تقول حق ساره بس خالتها معاهم ،،
واشوه انه مالاحظتها خالتها لانها كانت مندمجه مع ساره بالسوالف ..
جان ترد عليه ( ليش تسال ؟؟ ترى بديت اخاف انا :/ )
مشعل دزلها مسج ( انا بالامارات وتحديدا بالمجمع اللي انتي فيه )​

ملايين حدها حدها منصدمه ومامداها تستوعب الا
مشعل دزلها مسج ثاني
( ابي اشوفج ولو من بعيد الحيين )
ملايين موقادره تستوعب الكلام اللي مكتوب بالمسج !!!​

( اتوقع الحين عرفتوا شنو الخطه اللي كان مقرر
يسويها مشعل ،، اي كانت المكالمه اللي سواها مع مكتب السفريات
وحجزله تذكره على اول طيارة حق الامارات ،،
عشان يروح حق ملايين ويحطها جدام الامر الواقع نفس ماراح يسوي الحين )​

شوي جان تستوعب الوضع : احم ،،
ساروه حياتي تعالي معاي ابي اروح الحمام :/ ( وانتوا بكرامه )
ساره : وقتج ملايين ،، نطري خل ايون الشباب
ونروح مايصير نخلي هنادي بروحها بعد
ملايين : ساااره تكفين ابي اروح الحين ماقدر انطر ​

هنادي : خلاص ساره سيري معاها حبيبتي ،،
الحين بيجي اخوج وربيعه
( رفيجه ) لا تحاتون ​

مامداها تكمل جملتها الا وشافت احمد وابراهيم يايين جان تقوم ملايين وسحبت ايد ساره معاها قومي بسرعه ​

واهما بالطريج وقفهم احمد ..​

احمد : ها ها ،، وين وين ؟؟؟
ملايين : احمد شوي بس بنروح الحمام ( عزكم الله )
ورادين ماراح نطول
احمد : انزين و وين خالتي هنادي ؟؟
ساره : هناك عالطاولة روح اخذ الطلبات منها وطلبولنا على مانييكم
احمد : يلا ماشي لا تطولون
وكل واحد راح بطريجه ،،​

بس دشوا الحمام على طول ملايين مسكت ساره حيل من ايدها وثبتتها يم الطوفه ​

ساره : اح اح اشفيييييييج عورتيني
ملايين بدون لا تتكلم حطت التليفون جدام عينها وبالتحديد على هالمسج
( انا بالامارات وتحديدا بالمجمع اللي انتي فيه )​

ساره @@ مو قادره تستوعب
ملايين قرتلها المسج الثاني
( ابي اشوفج ولو من بعيد )​

ساره بعدها منصدمه
ملايين : موو وقته اتنحيييييين ساروو ،،
امبيه شسوي شسوي قوليلي
ساره ( توها تستوعب ) : امبيييييييييه من صجه شلون ياي الامارات
لا ولا يقولج بعد .. مينوون مو صاحي :/
شيبي ياي يعني ​

( ملايين خلاص شوي وتبجي ) ​

ملايين : انا شدراني علمي علمج ،،
اهوا قعد يسالني وينج وشتسوين ومع منو واخر شي صدمني بهالمسج :/​

ساره : انزين انزين ،، انتي الحين لا تبجين
ادري فيج دمعتج على طريف .. خلاص ردي عليه قوليله شلابسه بس قوليله لا تقرب
ترى خالتي و ولد خالتي ورفيجه معانا عن الفضايح ،،
ولي ردينا البيت نتفاهم بالموضوع ونوقفه عند حده
لا يزودها هذا بعد عباله سايبه السالفه ​

ملايين : اوكي الحين اقوله ​

( دزتله ملايين شنو لابسه وقالتله منو اللي معاها عشان لا يحاول يسوي شي ويلفت نظرهم ) ​

وطلعوا راحو عند خالتهم والشباب .​

وهذي نهاية البارت السابع اتمنى يكون عجبكم :eh_s(7):
..............................................................................​

 

[Tom ♥ Jerry]

.،


الروااااايه اتينننننننننننننننننن حدهآ و توني آطيح عليها !
ملايين الصراحه غلطآنه و مليون غلطآنه
من صجهآ تحب وآحد من النت ! و توآعده و تدزله شنو لابسه بعد ! :|
هالـ مشعل كريييييييييهه حده مآ حبيته كلش !
و شكله رآح يسوي مشاكل حق ملايين ،

كمممممممملي حياتي ويتنق ؛****

 

[دمعة_حب]

الله يهببببببببببل لايوقف متى البارت الياي

 

[مريوم]

ثنكس حياتي البارت حددددة يشوق وبليييز لاتوطلين علينا بعرف شيصير >> متحمسة بقوة لوول

 

[L.Al-kandri]

Thnx 7bebti 3la elpart
waiting
Waiting waiting
Waiting waiting waiting
Waiting waiting waiting waiting
Waiting waiting waiting waiting waiting
waiting Waiting waiting waiting waiting waiting
waiting waiting Waiting waiting waiting waiting waiting
waiting
waiting
waiting

 

[sweet.sanfoora]

امبيه شبيسوي هالثووور

واااااااااااااي

وبثث

 

[FooFoony]

Raaaw3a elpaart

w msh3al waay 7adda lazga
!!! na3am 7atta bel emarat la7gha

Waiting el part el thaaamen ..

 

[miss 3yara]

Wai3 mesh3al :s. W ham mlayen '3al6ana moo mn 9ijha et7eb ly wa7ed mn alnet:s

 

[ღ Mzajiya ღ]

شمحوطه​

حياج الله حبيبتي
حيااتي تسلميين وزين انج نورتينا بالرواية :eh_s(7):
وترى ملايين ماكانت ناوية تحبه كانت بس تبي تجرب
تقدرين تقولين لحظة طيش كانت لمن خذت رقمه
بس اهوا اللي تعلق فيها
وتدرين وحده اول مره تكلم ماتعرف تتصرف
فكانت لازم تقوله شلابسه لانه اهوا فاجأها
لمن يالها الامارات وكانت خايفه منه
وبس اسعدني مرورج :eh_s(17):​

دمعة_حب​

حيااتي والله ثنكس و تسلمين عالمتابعة
:eh_s(22): :eh_s(17):​

مريوم ​

اهلااا اهلاا
حياتي تسلميين
وان شاءالله ماراح اطول :eh_s(17):
والله قام تشوقيني اكتب بسرعه واعرف ردة فعلكم لوول :eh_s(22):​

lamia a. al-kan​

ولوو ياقلبي وثنكس على متابعتج :eh_s(17):
ويسلموو عالتشجيييع :eh_s(7): ​

sweet.sanfoora​

لووول تابعي معااي وشوفي شنو راح يسوي بعد خخخ
ومنووره ياقلبي :eh_s(17):​

FooFoony​

ثنكس حوووبي
اي قطيعه محنج لول :eh_s(10):
ان شاءالله ماني مطوله :eh_s(17):​

اصايل الكويت​

اي معاج انه مشعل ويع وحده ويع بعد :cxxxp:
ليلحين ماشفتوا شراح يسوي بعد
ونفس ماقلت ملايين ماكانت تبي ترتبط بعلاقه جد كانت بس حابه تجرب
وشوفوا هالطريج وين وصلها
وتسلميين ياقلبي عالمتاابعه :eh_s(17):​

 

[ღ Mzajiya ღ]

احب اشكر كل اللي متابعيني سواء ردوا علي او قاعدين يتابعون بصمت :eh_s(17):
وحبيت اقول حق اللي قاعدين يردون علي ويشجعووني اني وايد مستانسه :eh_s(2):
وبصراحه ردودكم الحلوه اللي ترد الرووح تخليني اتشجع
واكتب بسرعه عشان انزلكم البارتات :eh_s(7):​

واتمنى اشوف تفاعل اكثر ومشاركات اكثر
( ادري طماعه بس عشان اعرف اني اصلح اكتب روايات ولا لأ ،،
واكيد راح يبين من تفاعلكم معاي بردودكم :eh_s(6): )​

وعشان اتحمس واخلص هالرواية وابدي بروايتي الثانية قبل رمضان ان شاءالله :wqedqw:​

:eh_s(7): تسلمون وماقصرتواا ونطرووووني بالبارت الثامن اليووم :eh_s(7):​

 

[ღ Mzajiya ღ]

شوي وينزل البارت الثامن
نطرووونييي ​

 

[FooFoony]

waiting

 

[ღ Mzajiya ღ]

البارت الثامن ..​

وصلوا البنات عند خالتهم اللي كانت ليلحين قاعده تنطر عالطاولة ..​

ملايين ( ومبين شكلها حيييل متوتره )
هنادي ( تضحك على ملايين ) : ها ملايين ارتحتي الحينه
ملايين : مو منتبهه على خالتها واهيا تكلمها
كانت تتلفت يمين ويسار
ساره ( من تحت الطاولة تطقها على ريلها ) : اي اي
اكيد ارتاحت لول
( وعطتها نظره عشان تنتبه على روحها ) ​

ملايين ( تبتسم بويه خالتها ) : سوري هنوده ماسمعتج
بس ميته يوووع امبيه صارلنا اكثر من ساعه ناطرين
شهالزحمه شدعوه
هنادي ( تضحك ) : هيه والله حيل تاخرنا
الحينه الاهل يحاتون وطالعت صوب احمد وابراهيم ،،
خوش خوش وصل دورهم الحمدالله
ساره : اووف مابغوااا​

شوي ولا يوصل مسج حق ملايين
( قومي روحي اي مكان عشان اشوفج عدل
ليلحين ماعرفت شكلج عدل )​

ملايين @@
( بقلبها لا لا مو من صجه شهالحقااره وييييع )​

شوي جان هنادي تتذكر انه الفلوس عطتهم حق ملايين
هنادي ( تكلم ملايين ) : ملايين ،
ملاييين ( ملايين متنحه بالمسج وتفكر )
هيييي شو بلاج انتي ارمسج انا شفيييج
ملايين : هااه ، هلا هلا هنوده معاج شبغيتي تقولين
هنادي : ايييه مبين انج معاايه :/ المهم
اخبرج روحي عطي البيزات اللي عطيتج اياهم حق احمد كاهو وصل دوره ​

(ملايين وكلش ماودها تقوم كانت تبي تعاند مشعل
بس خايفه خالتها تشك بشي ولمن قامت يعني
جنها قايمه
عشان يشوفها مشعل)
ملايين : حاضر من عيوني ( وقامت ) ..​

( راحت ملايين عند احمد وكانت منحرجه منه
لانها مو متعوده تكلمه وساره مو يمها )
ملايين : احمد هاك
هذيل الفلوس يدتي عطتنا اياهم وقالت نشتري فيهم العشا
احمد : يبا ماله داعي انا معاي
ملايين : انت الحين اخذهم ،،
مالنا خلق بعدين يدتي تسوي تحقيق ..​

( بطلت البوك بتطلع الفلوس .. جات تطيح منها
جم صوره من صورها اللي حاطتهم بالبوك ،،
مصوره لقطات لمن كانت رايحه الشاليه مع اهلها قبل فتره وفي منهم مسويتهم صغار ،،

وحاطتهم ابوكها عشان كانت تبي تراوي خالاتها
وماانتبهت عليهم واهما يطيحون منها
لانها كانت متوتره وبترجع مكانها بسرعه ) ​

( احمد كان مستانس انها يايه بروحها وتكلمه ،،
وكانت هذي اول مره تقرب منه بدون اخته )
خذا منها الفلووس
وهمن ماانتبه على الصور لمن طاحوا .. ​

واهيا ارجعت مكانها عند البنات ..​

نيي صوب مشعل شوي
( كان واقف يم عامود قريب يم المطعم وقرب اكثر لمن شافها وقفت و شاف كل اللي صار ،،
وحده حده معصب على ملايين عشان رايحه عند الشباب
وبنفس الوقت قاعد يحاتي انها قالت حق ولد خالتها شي عنه ،،

يعني اهوا قالها قومي عشان اشوفج عدل بس
ماقالها روحي عند ولد خالتج وسولفي معاه على اساس اني بشووفج

بس استغرب انها بطلت البوك وعطته فلووس
و طاحت الصور من بوكها المهم اهوا شافهم لمن طاحوا
ومحد انتبه عليهم فخذاها فرصة عشان يمسك عليها شي
وراح على طول المطعم يبي ياخذ الصور ) ​

راح مشعل عند المطعم ووقف بالصف ونطر احمد وابراهيم لمن خذوا الطلب ومشوا
وشاف ملايين انها مو قاعده تطالعه وعينه كانت عالصور ،،
خذاهم بسرعه وحطهم بمخباته ومشى ..​

بهالوقت وصلوا الشباب والبنات وخالتهم عند اهلهم ،، تيمعوا ومشوا كلهم ..​

عالساعه 12 تقريبا وصلوا البيت .. ​

اليد واليده على طول راحوا ناموا وعبدالله وزوجته وجاسم وزوجته والبنات والشباب​

كلهم قعدوا بالحديقه .. فاطمه وايمان قاعدين يسولفون
وهنادي والبنات قاعدين ييتعشون ويسولفون معاهم
وعبدالله وجاسم والشباب قاعدين على طاولة ثانيه يمهم
نفس الشي يسولفون ويتعشون ​

( الطاولات طبعا نظام الطاولات البيض البلاستيك نفس اللي نحطها بالشاليهات >> اتمنى تكونون عرفتوهم J )​

عالساعه وحده .. ​

قاموا فاطمه وايمان يبون يروحون ينامون ..​

فاطمه ( تكلم البنات وهنادي ) : يلا حبايبي احنا نترخص دخنا وبنروح ننام
هنادي : لا تنسوون انا باجر مزهبتلكم خووش طلعه ،، صارلي يومين اخطط لها
فاطمه : هيه ان شاءالله اختي فالج طيب
ايمان ( تطالع ساره وملايين ) : لا تطولون بالسهر وناموا بسرعه ..
وسمعتوا خالتكم مزهبتلكم طلعه اووكي
سااره : حااضر ماما
ايمان وفاطمه : يلا تصبحون على خير
ساره وهنادي : وانتوا من اهل الخير ​

ملايين كانت تطالعهم بس بالها مو معاها ..​

عبدالله وجاسم كانوا عند الشباب يسولفون معاهم شوي ولا فاطمه وايمان كانوا يمهم ..​

جاسم : هاا ييتواا
ايمان : ايي يالله بو احمد نروح نرقد
جاسم : يلا يبا

عبدالله ( يكلم احمد ) : يبا احمد لا تتاخرون
وتاكد انه البنات يدشون قبلكم وخل يقفلون البيبان عدل
احمد : حاضر يبا
عبدالله : يلا عيل تصبحون على خير ..
نشوفكم باجر ان شاءالله
الكل وانت من اهل الخير ​

وكل واحد خذا زوجته ودشوا غرفهم ..​

 

[ღ Mzajiya ღ]

عقب مادشوا اهلهم ..


احمد ( ماكان ناسي السالفه اللي صارت بالمجمع ،
قاعد يقول بقلبه خل استغل الفرصه واروح حق ساره
دام اهيا مندمجه بالسوالف خل آخذ التليفون منها واجيك ) ​

راحلها ..​

احمد( يكلم ساره ) : احم اقول سوير
عطيني تليفونج شوي
ساره مندمجه بالاكل وحدها ناسية السالفه اللي صارت بالمجمع
هاك : بس لاتدش عالصور ها .. اعرفك عبثي

احمد : زين يبا زين حفظنا فيهم صور حق رفيجاتج
ومولابسين حجاب حفظت ،، بس ابي اشوف شنو عندج اغاني يدد ​

وخذا التليفون ورد مكانه ودش عالمكالمات الصادره والوارده جان يتنح​

احمد ( يكلم ابراهيم ) : اياااا شقوول ياسارو ،،
شووف شوف برهووم انا كنت متاكد انه رقمها صح
وكا شوف اهيا اللي راده علي وشوف كل مكالمه
ومدتها نفس المده اللي كلمتها فيهم ..
والله اوريها ​

ابراهييم ( قعد يفكر شوي .. اهاااااااا ،،
عرفت الحيييين شالساالفه ..
بس ان شاءالله يعني
مااكون غلطان واتوهق مع احمدو )​

ابراهيم : احم .. شكلي عرفت شالسااالفه :$
احمد ( مستغرب ) : شفييك اي سالفه ؟؟

ابراهيم : انزين انا بقولك وعسى بس مااكون غلطان ..
بس توعدني انك ماتسوي سالفه ولا تفهمني غلط :/
احمد : برهوم مو وقتك خلص قول شالسالفه خبصت قلبي :///​

ابراهيم : خلاص بقول شفيك مخترع جذي السالفه ماتسوى ترى
احمد : يااااصبر ايووب ،، بتقول ولا بروح اسال ساروه
ابراهيم : يااخي اصبر ، شفيك كليتني ،،
اول شي شرايك ترد التليفون حق اختك وتعال عشان اقولك السالفه
احمد : ياالهيييي
( وقام عطا التليفون حق ساره ورد مكانه )

ورد كمل : تفضل غرد اسمعك ​

ابراهيم قال السالفه كلها حق احمد ..
وفهمه انه ساره ماكانت تدري انه اهوا اللي رد عليها واكيد انحرجت منه ​

ابراهيم يكمل : ويمكن عشان جذي قالت تردها لك اكيد لانها افتشلت مني
احمد : كااااااااااااااااااااااااااااااااااااااااااااااك ،،
ايا الخبله يا سااروه
يعني انا شدراني نايم واعلياا علي مادري عن شي ,,
ليش تسوي فيني هالدقه وانا مالي شغل ههههههههههه​

( ابراهيم استغرب من ردة فعل احمد عباله
راح يعصب عليه
ليش كلم اخته ،،
بس استانس لمن شافه يضحك )

ابراهيم : ههههه والله مادري عن اختك ..
واكيد الحين اهيا خايفه منك وماتبي تقولك السالفه عشان لا تفهمها غلط ،،
انا هذا اللي ابالي بس مادري عاد صح ولا غلط مادري انا توقعت جذي
احمد : لول خلاص عادي يبا ماصار شي
انا بعدين اضغطها خخخ ،،
كمل كمل سالفتك عن هشوم شصار معاه
( هشوم واحد من الربع خخ )​

نرد حق البنات ​

هنادي : يلا حبيباتي سفره دايمه ان شاءالله ،،
انا بسير ارقد حدي دخت
تصبحون على خير .. نشوفكم باجر ان شاءالله ​

ساره : بالعافيه خالتوو هنووده ونوم العوافي يارب ..
ويعطييج العافييه ماقصرتي معانا اليوم J
هنادي : الله يعافيج حبيبتي ..
ولو ماسويت شي
ويلا لا تسهرون وايد و رقدوو بسرعه عشان الطلعه باجر ​

ساره : واااو ونااسه .. ان شاءالله ماراح نطول بالسهر ​

( طبعا كل هذا وملايين سرحانة وتفكر
باللي صار معاها بالمجمع وماكانت مصدقه انه
مشعل يطلع منه شي مثل هذا )

هنادي : ملايين ،، شكلج موعاجبني اليوم كلش ؟!!
ملايين ( انتبهت على خالتها ) ..
ملايين : لا هنوده حياتي انتي مافيني شي ،،
بس قام افكر بالتسريحه والمكياج مادري شسوي

( احلى ترقيييعه عالسرييع )​

هنادي : وييه ملايين احيد ( عبالي ) عندج سالفه ..
لمن نروح الصالون نشوف الكاتالوجات واختاري اللي يعجبج
ولا شرايج ؟؟
ملايين : اي والله صح كلامج وانا متعبه عمري ،،
خلاص حبيبتي نوم العوافي :**
هنادي : الله يعافيج ياقلبي .. يالله بااي
البنات : باياات ​

وبس راحت خالتهم على طوووووول ملايين كلمت ساره
وعيونها متروسه دمووع ​

ملايين : قوليلي شسوي ،،
والله وبلشت عمري انا وين وهالسوالف وين ..

( طلعت تليفونها ... شوفي شووفي الزفت موراضي يوقف
مسجات انا شسوي بعمري )​

ساره : اول شي قصري حسج لا يسمعونج احمد وابراهيم ،، نطري شوي ونصعد الدار
ونتفاهم معاه لا تخاافين ​

شوي جان اييلهم احمد ..
وساره غمزت حق ملايين عشان تمسك روحها وماتبجي
احمد ( يطالع ساره ) : احم احم .. ( ويقلد صوتها )
غلطان اخووي هااا
ساره ( فهمت شقصده وانحرجت ) : اييي يعني شنو انت ...
قاطعها احمد خلاص خلاص يبا لا تاكليني ابراهيم قالي كل السالفه
ساره ( مفتشلللله و ويهاا صار احممرر ) : ها ابراهيم شنو شقالك ؟؟
وقالها احمد ابراهيم شقاله
ساره ( عصبت شوي لول ) : والله ،، والله احمدووو
زين مااشي مره ثانيه ماراح ادق علييك كلش ،،

عشان لا انحط بالموقف البايخ اللي حضرتك حطيتني فيه
احمد : يا يبا ماصار شي عاادي وابراهيم مو غريب يه ​

احمد (لف ويهه على ابراهيم) : يلا حجي قوم خل نروح ننام
انا حدي تعباان وجسمي متكسر
ابراهيم ( واهوا ياي صوبه ) : شايب ماكو فايده منك ،،
يلا امش امش
احمد : يلا قوموا جدامي الوقت تاخر مايصير بنات بروحكم قاعدين براا ،،
يلا دشوا وقفلوا الباب عدل ..

ساره وملايين ( واهما قايمين ) : ان شاءالله ،،
تصبحون على خير
احمد وابراهيم : وانتوا من اهل الخير ​

ودشوا البنات داخل البيت وقفلوا الباب
والشباب راحوا الملحق مالهم .​

.......................................................​

انتهى البارت الثامن
قراءة ممتعه :eh_s(7):​