روايتي الاولى وبقلمي ( ملايين ) اتمنى انها تعجبكم ^_*

[ღ Mzajiya ღ]

FooFoony​

تسلمين قلبي .. بس مايندرى يمكن تحبه يمكن يصيرلهم شي ثاني
نطري البارتات اليايه وبتعرفين :eh_s(6):​

lamai a.al-kan​

تسلمين حياتي .. نورتي​

 

[مريوم]

الروايه حدهاااااا عجيييييبة واتوقع ان ملايين راح تحب مشعل بس اهو لا وراح يأذيها وبس ناطرينج حبيبتي لاتطولين علينا*

 

[ღ Mzajiya ღ]

مريووم

حياج حبيبتي تسلمين ،، يمكن صح اللي قلتيه ويمكن العكس نطري وشوفي ؛)
وان شاء الله ماراح اطول بالبارت الثالث ​

 

[FooFoony]

Up Up
متى البارت ؟

 

[ღ Mzajiya ღ]

العصر او المغرب راح انزل البارت الثالث ان شاءالله :eh_s(7):​

 

[ღ Mzajiya ღ]

سوري بنات بس اليوم ماكوو بارت حدي حدي انشغلت
والحين حدي دايخه :ch12: ان شاءالله باجر انزلكم البارت وسوري اقين:eh_s(22)::eh_s(17):​

 

[مريوم]

اخذي راحتج حبيبتي وناطرينج

 

[ღ Mzajiya ღ]

:eh_s(9):شوي وانزل البارت نطروني حبايبي
وسوري عالتأخير :eh_s(17): ​

 

[ღ Mzajiya ღ]

البارت الثالث :​

دشو داخل البيت وكانت خالتهم مزهبتلهم العشا ..
تعشوا معاها وسلموا عليها وصعدوا فوق يكملون سهرتهم ..​

و بعد ساعه واهما منسدحين ويسولفون مشعل مو راضي يوقف مسجات خخخ
ملايين : واااي مو صج :/ ليش جذي يحن وايد ؟؟؟؟؟
ساره (رافعه حاجبها ) : اممم أي والله وايد حنه وييع شنو مو مصدق كلم بنت ؟! بس ترى مبين انه خوش واحد صح ؟؟​

ملايين : اهوا أي مبين انه وايد زين بس شكثثثثثر يحننن اهئ اهئ ؛(
وااي انا دخت ابي انام .​

لبسو بجاماتهم ( مثل ماقلتلكم انهم تقريبا طول الوقت مع بعض ووايد ينامون عند بعض ف كل وحده فيهم
حاطتلها لبس عند الثانيه
عشان اذا صارت النومه فجأه الا ويكون عندهم احتياط ..
لوول شياطيين حاسبين حسابهم عدل هالبنتين )​

وسكرو الليتات وانسدحو يسولفون شوي عن سفرتهم وجذي على مايدوخون وينامون ..
طبعا تلفون ملايين ماسكت لوول مشعل قاعد ويدق عليها يننها ،، وظل التلفون يرن طول الليل ماسكت .​

وكل مايسكت شوي اييلها مسج واهم شي انهم مو راضيين يستوعبون انه التليفون مو سايلنت ومن كثر مااهما دايخين مطنشينه ... ​

الساعه 7 الصبح زهقت ملايين من كثر مايطحن التليفون ، ​

جان تقوم تقعد ساره وتحط التليفون على اذنها
( عفيه سارونه ردي قوليله اي شي ) وردت نامت ملايين وطبعا ساره مامداها ترد لانه التليفون على اذنها ...​

ساره ( بصوت حيل نعسان ) : الوو
مشعل : الوو .. ملاايين .. ملايين ويينج انتي ؟؟؟
ساره : انا مو ملايين انا بنت خالتها ،
ملايين تعبانه ونايمه
مشعل :انزين ليش جذي شفيها ادق عليها وادزلها مسجات ماترد علي شصاير شفيها شسويتلها انا ؟؟
ساره : مافيها شي بس نايمه /:
مشعل : انزين عفيه قوميها بسمع صوتها عفيه
ساره ( استغفر الله ) : مشعل شفيك قلتلك البنيه نايمه
اي ليش اقعدها ؟!!
انزين شنو الشي المهم اللي لازم اقعدها عشانه وماينطر لي بليل ؟؟؟
مشعل : هاا ،، لا ماكو شي مهم بس ابي اكلمها ،،
والله انا من امس مو قادر انام وقاعد احاتيها
ساره : يااربي ،،
انت الحين خلاص حط راسك ونام وبس تقعد انا اخليها تكلمك اوكي ؟!
بليز انا تعبانه وابي انام شوف الساعه جم الحين ://
مشعل : اوكي اوكي نوم العوافي وسوري عالازعاج ..
ساره : حصل خير ، يلا مع السلامه
مشعل : الله معاج ​

*ملايين من النوع اللي ماتحب احد يحن عليها ومشعل من اول مكالمه ومن اول ساعه قاعد يحن ويزن فوق راسها واهيا بالغصب متحمله
فعشان جذي ماكان لها خلق ترد عليه ،​

ومشعل حس روحه وايد تعلق بملايين وحبها من اول مكالمه فيحس بس يبي يكلمها طول الوقت
اما ملايين فملت من اول مكالمه لول وقامت تنطشه.​

*صار وقت صلاة العصر واهما ليلحين نايمين وماحسو بالوقت ،
ام ساره حرقت عليهم التليفون وطقت الباب لمن قالت بس
لكن لا حياة لمن تنادي
عاد هالمره ام ساره عيزت منهم جان تقولهم انا بعد ساعه بروح السوق بشتري اغراض حق السفر
اللي ماتقوم الحين ماكو روحه .. ​

ملايين وساره بس سمعو سووق على طوووول فزوا من الفراش وكل وحده فيهم تسبق الثانيه عالحمام ( وانتو بكرامه )​

وكل وحده خذتلها شور وصلو العصر وقعدو يخزون الكبت عشان يطلعون لهم شي يلبسونه
واخر شي قرروا يلبسون ترييننق مخمل لانه سوق ولويه فاختارو هاللبس انسب شي حق روحة السوق ​

( ساره لبست تريننق اصفر مو اللي يبط العين لول لا p:
لونه ليموني هادي تحته بدي اخضر
وملايين لبست تريننق كحلي تحته بدي فوشي ) ​

وبما انهم توهم قاعدين من النوم فالويه حده متفخ و مو مال مكياج كللش
حطوا شوي حماية من الشمس ولبسو نظاراتهم الشمسه ونزلو ،،​

وطووول هالمده كان تليفون ملايين يرن واخيرا حطته سايلنت وخشته بمخباتها وطلعت ..​

ام ساره وام ملايين كانو ناطرينهم تحت بالصاله على ماينزلون ..
واخيرا شافوهم نازلين عالسلم وكل وحده شاقه الحلج ومستانسه حدها :eh_s(6):​

ام ساره : الحمدالله عالسلامه ،،
جان نمتو لي صلاة المغرب بعد :/
ساره : يووه يما خو كنا سهرانين ومانمنا الا الصبح وفي ناس
ياااهم مزعجيين طوول الليل حنه اااففف لوعو جبدي ​

ملايين : احم احم ( وتروح عند امها وتلمها وتبوسها )
امااايه حياتي قلبي فدييتج والله تولهت عليج
ووااااي جني سنه مو شايفتج مو جنه يوم واحد :$
ام ملاين : يمه يمه منج يالعياره سنه مو شايفتني هاا
( وتبوس بنتها وتقعدها على حضنها ) ​

ساره غارت ههه جان تركض وتروح بحضن امها : يماا حياتي اشتقتلج
( وتبوس امها حيييل )
ام ساره تطالع اختها وتضحك على خبال بناتهم ،، ​

ام ملايين تطالع البنات : يلا يمه قوموا قولوا حق الخدامه تحطلكم غداكم قبل لا نطلع يلا يمه عشان لا نتاخر وتاخذون راحتكم بالسوق ..​

ملايين وساره يطالعون بعض ويتغامزون
( يبون يتغدون بالمطعم بس ساكتين لول )​

ساره : لا لا خالتي يلا قومو احنا تونا قاعدين مانشتهي ناكل شي الحين
عدل ملاين ؛) ؟!
ملايين : أي أي صح يما مانشتهي ناكل الحين ( وتضحك )​

ام ملايين وام ساره افهموا نغزاتهم : يلا قوموا قوموا احنا ندري شتبون
بس ها ماكو مطعم الا لمن نخلص السوق كيفكم تحملوا ..
ملايين وساره : هياااااا .. :$​

( وقاموا كلهم وطلعوا )
ركبو مع السايق وقالوله يوديهم مجمع الافنيوز ،​

وبالطريج ساره تقول حق السايق يحط اغنيه وملايين تقوله لا حط الاغنية الثانية والسايق مسكين مطاوعهم ،، ​

وقعدوا يتهاوشون وامهاتهم شوي يضحكون عليهم وشوي يعصبون وضلوا على هالحاله لييمن وصلوا المجمع ،
قطهم السايق عند الباب وقالوله يرد البيت ولي خلصوا يدقون عليه لانهم تقريبا راح يطولون لي بعد المغرب ،،
يالله يمديهم يخلصون البارت الاول من المجمع ​

( خبركم مشالله المجمع صار فيه اكثر من بارت وحيل كبير ويتعب )
ودشوا المجمع والبنات كل وحده تسحب امها من صوب ،
اخر شي قرروا انه خطتهم تكون مره محل تختاره ملايين
ومره تختاره ساره ويخلصون بسرعه
عشان امهاتهم كانو يبون يدشون كارفور يشترون جم شغله ,
وهم عشان الكل ياخذ حقه وراحته
بما انهم مايحبون كل وحده وبنتها تمشي بروح ...​

وطبعا ساره وملايين لهم نصيب الاسد بهالطلعه​

( لانه امهاتهم اساسا كانوا يايين عشان البنات يشترون ملابس حق السفر نفس قبل كل سفره تعودوا يودونهم السوق
ويشترولهم ملابس لانه واهما مسافرين ساره وملايين مايحبون يروحون السوق
كله يبون البحر والشاليهات ،،
عكس الناس يسافرون يتسوقون اهما لا يتسوقون قبل السفر لول)​

وقعدو يفرفرون بالمحلات لمن خلاص تعبوا واييدهم انترست جياس والحين صار دور المطعم ، ​

وساره وملايين ماكانو ماكلين شي ف ميتين من اليوم وكالعاده لازم يتهاوشون كل وحده تبي تختار المطعم
على كيفها بس هالمره ماطولو لول لانهم يواعه ،، ​

فاتفقوا على جيليز واهما رايحيله ام ساره دقت عالسايق عشان اييلهم وياخذ الجياس يحطهم بالسياره على مايدشون المطعم ..​

وعلى ما وصلوا المطعم وحطو اساميهم الا والسايق وصل يالهم وخذا الجياس منهم وقالوله ينطرهم على مايخلصون ، ​

وصل دورهم قعدوا وطلبوا وتعشوا خلصوا وكانت الساعه عالثمان تقريبا ..​

ساره : يمااا عفيه ابي برااوني بليييز ( وترمش بعيونها )
ملايين : ايي يماا انا بعد ابيي عفيه عفيه
ام سلاه : لا يمه تأخرنا وايد حتى صلاة العشا طافتنا
ام ملايين : وانا ريلي شبت علي ماقدر اقعد بعد ابي ارد البيت امدد ريولي​

( طبعا انا قلتلكم ببداية القصه انه ام ملايين اللي اهيا فاطمه كانت رشيقه ومحافظه على جسمها ،،
بس مره من المرات كانت بالامارات و طالعه مع بنتها يتمشون وصادفت وحده من رفيجاتها ايام الثنويه
وبس شافتها شهقت شهققه اللي خلت فاطمه ينشل لسانها وماقدرت تنطق بولا كلمه ​

" طبعا المره منصدمه انه فاطمه ليلحين ماتغير جسمها وملامحها ليلحين بيبي فيس لا وصار عندها بنت طولها مشالله ولا يبين عليها "
وماذكرت ربها ،،
وبس مشت عنهم مشوا فاطمه وبنتها شوي ولا تنعكف ريل فاطمه وتطيح بكل قوتها على ريلها وصار عندها شرخ
ومن يومها واهيا ماتقدر تمشي وايد عليها وعلى طول تعورها ​

" ديروا بالكم بنات عفيه العين حق
لازم تذكرون ربكم اذا شفتو شي ابهركم او صدمكم حرام ناس واايد ابتلشو سبة هالعيون " ) ​

ملايين وساره برطموا وسووا روحهم زعلانين
ام ساره : انزين انتو الحين المهم تاكلون الحلو ولا عشان تقعدون بالمطعم بعد ؟!
ساره وملايين : نبييي الحلوو بسس
ام ساره : خلاص يلا الحين اطلبلكم واكلوه بالسياره ​

وطلبتلهم ايمان وخذوا وراحوا السياره وقعدوا ياكلون البنات ورجعوا البيت .​

 

[ღ Mzajiya ღ]

_ ملايين ردت بيتهم .. اول شي خذتلها شور وبعدين بطلت جياسها وطلعت كل الاغراض اللي شرت
وقعدت تقيس وتشوف شنو بتاخذ معاها ،،
خلصت وشالت كل قشها ولبست بجامة النوم
ودشت فراشها ،،
خذت تلفونها ولا تلقى 200 مس كوول و30 مسج ( وطبعا كلهم من مشعل ) @@
ملايين : لا حول الله .. امبيييه استغفر الله شفيه هذا مايمل :/
واهيا قاعده تتحلطم جان يرن تليفونها بايدها و كان مشعل اللي يدق ​

( جان تعصب حدها وسكرت الجهاز بكبره وحذفته بالدرج اللي يم فراشها وحطت راسها ونامت ،
وماقامت الا حق صلاة الفير صلت وردت نامت ..​

*بيت بو احمد :​

بغرفة ساره ( كانت قاعده من قبل ساعه بما انهم ناموا مبجر عقب تعب فرارة السوق ،
فقعدت عالساعه 11 ونص خذتلها شور و صلت وسوت شعرها سشوار وردت عليه بالستريت وتمكيجت شوي وانسدحت على بطنها وبطلت اللاب ..
دشت المسن بس مالقت احد اوون لاين ،
عاد دشت الجات وشغلت اغنية وقعدت تتطمش على اللي يسولفون بالجات وتضحك على سوالفهم ،
وماكان لها خلق تسولف ف بس قعدت تطالعهم شوي ولا تاخذ تليفونها وتدق على ملايين
وطلعلها الجهاز مغلق
( يووه هالدبة اكيد ليلحين خامده ) سدته ودزتلها مسج
( بس تبطلين تليفونج دقي علي ) ​

ودقت على خدامتهم وقالتلها تسويلها توست وجبن وتسويلها عصير برتقال فرش وتييبه لها بالغرفة
وهم عشان تاخذ ملابسها وتسوييهم اووتي ..​

لان اليوم يوم الجمعة والغدا يكون متأخر وكانو يتيمعون ساره و اهلها وملايين واهلها ابيت جاسم عالغدا والسبت اليمعه تكون ابيت عبدالله ،،
وعلى مايخلصون الرياييل من صلاة الجمعة ويتيمعون الا صار الظهر وعلى ماينجبون الغدا وجذي
الا صارت الساعه 3 عاد هني يالله يتغدون .. ​

_ الساعه وحده وربع بطلت ملايين عينها وشافت الساعه​

( اووه شفيني جذي تاخرت بالنومه لي هالحزه ..
الحين لازم اسوي كل شي بسرعه بسرعه يالله الحق على غدا بيت عمي اففف )
وقامت تاخذلها شور وتصلي خلصت وسوت شعرها سشوار عالسريع لانها كالعاده تسويه كبه مرفوعه ف بس نشفته ..
وقامت تشوف شنو بتلبس ..
جابلت الكبت لمن ملت وماتدري شنو تلبس جان تروح وتبطل الدرج وتطلع تلفونها ..​

بطلته ولقت 60 مكالمه لم يرد عليها و10 مسجات من مشعل
( اوووووف اللهم طولج ياروح ) ومكالمه ومسج من ساره جان تدق عليها .. ​

ساره : الووو . لا تو الناس جان ماقمتي ولا بطلتي تلفونج بعد :/
ملايين : ساروه عفيه مو وقتج والله بروحي واصله حددي وبنفجر
ساره : خيييررر .. لييش شصاير بعد ؟؟
ملايين : اي خير اللي بيينا من ورا هالمشعل زفت الطين :<
ساره ( ميته ضحك ) : كاااااااااااك ، مو انتي بغيتي تكلمينه تحملي
ملايين ( تقلد ساره وحدها معصبه ) : مو انتي بغيتي تكلمينه تحملي ، يااااشقوووووول ..
منو اللي قالتلي عادي جربي كلميه هاا ، منو اللي شجعتني وكتبت المسج ؟؟!
ساره : اي اي قطيها براسي الحين ، مالت حتى مالت زين مني انيي اوقف معاج بالسراء والضراء ،
جبح فييس
ملايين ( شوي وتبجي ) : انزين ساروه خلاص عاد اللي فيني مكفيني ترى . شوفيلي حل الله يخليج والله مليت شسوي !!!
ساره : انزين انزين ابتلشنا والله .. يالله قومي بدلي وتعالي بسرعه لا تطولين ..
انا بدلت خلصت
ملايين : انزين ، انا اصلا داقه عليج عشان اسالج شنو البس :/
ساره : انا بلبس دراعه :$
ملايين : عشتووو شالطاري ؟!
ساره : ماكو جذي تغيير ، ​

اقولج لبسي دراعتج العنابية اللي فيها ذهبي نفس مالتي الخضرا فيها ذهبي اللي شريناهم اخر مره من القريه التراثية اللي بالامارات ..
وانا مخليه شعري مفلول
ملايين : يلا صار .. بس ها انا بسوي كبتي المعروفه مو تقولين بعد :/
ساره : ادري ادري ماعندج غيرهالكبه .
ياربي اذا ماذيج وماتقدرين تسوين فيه شي قصي منه
ملايين : انسيي .. يلا باي وجكك >> ( صكت التلفون بويهاا ) ​

كاااااااااااااااااااااااك اخيييرااا رديتها لها ، هياااااا ههههه
ساره ( تطالع السماعه ) : يعني ردتها .. ماشي يصير خير يا ملايين .​

وراحت ملايين طلعت دراعتها وعطتها الخدامه تضربها اووتي ،
واهيا جابلت المنظره وقعدت تتمكيج على مايابتلها الدراعة ولبست وتعطرت ونزلت ..​

شافت امها قاعده بالصاله وثواني ولا يدش ابوها وبايده جياس من الجمعية وركضت وشالت منه الجياس
وباست راسه ،
وحطتهم عالارض وراحت باست راس امها .​

ملايين : بابا شنو في بالجياس ؟؟
ابوها : حبيبتي هذول اغراض حق طبق الحلو امج طالبتهم عشان تسويه وناخذه معانا بيت عمج
امها : يمه حبيبتي تعالي ييبيهم يمي ونادي البشكارة ( الخدامة ) خل تييلي عشان تييب الاغراض اللي وصيتها عليهم
ملايين ( تقوم من مكانها ) : ان شاء الله يما حااضر
امها : الله يرضالي عليج حبيبتي انتي
ابو ملايين ( يكلم فاطمه ) : ليش يايبا ماتروحين مطبخج تسوين شغلج احسنلج ؟!!
ام ملايين : والله ياعبدالله ماني قادره اووقف على ريلي خصوصا انه امس وايد مشيت بالسوق ووايد تعبت
ابو ملايين يروح ويقعد يم زوجته وحط ريلها على حضنه
وقعد يهمزها : يابعد عمري عمرج والله سلامتج ياقلبي ماتشوفين شر ،
ان شاءالله فيني ولا فيج
ام ملايين ( تحط ايدها على ايده ) : اسم الله عليك حبيبي لا تقول جذي
بوملايين ( باس راس زوجته ) : الله يسلمج ياقلبي ​

دشت عليهم ملايين الصاله وشاقه الحلج : الله الله عالرومانسية ياعيني ياعيني
( وتركض وتطب بحضنهم وتبوسهم ) الله يخليكم لبعض ويطولي بعمركم يارب ولا يحرمني منكم
امها وابوها : آآااااميييين يارب
وقام ابوها ورد قعد مكانه ( يكلم بنته ) : يبا حبيبتي تعالي هاج اخذي هذيل وطلع من بوكه 500 دينار ..
ملايين( راحت قعدت بحضنه ولمته ) : حق شنو هذيل بابا ؟؟
ابوها : حياتي اخاف ينقص امج شي الا ويكون عندج مصرف ،​

لانه مامداني اروح البنك واحط بحسابج الفلوس
ملايين ( تبوس ايد ابوها وراسه ) : لا يبا حبيبي انته مشكور وماقصرت تسلم ايدك الله يطولي بعمرك ان شاءالله وتييبلي اكثر واكثر​

( وتغمز حق امها وتدزلها بوسه بالهوا ) وتييب حق ماماتي بعد
امها ( تضحك على بنتها ) : فديتج والله انتي
ابوها ( واهوا يوقف ) : هههه ان شاءالله يارب الله يخليني لكم واييبلكم كل اللي تبوونه
وان شاءالله طول ما انا عايش مااقصر عليكم بشي
ملايين وامها : اميييين يااارب ​

وراح ابو ملايين غرفته ياخذله شور ويبدل ملابسه عشان يروحون بيت اخوه ​

ويابت الخدامه الاغراض عقب مازهبت اغراض الطبق وغسلت الفاكهة وحطتهم عالطاولة جدام فاطمه ،،​

جان تقوم ملايين وراحت عند امها وقطت الفلوس بحضنها : يماا عنج عنج انتي قوليلي
وانا بسوي الطبق اووكيي​

امها : لا حبيبتي خليني انا اسويه انتي ماتعرفين
وبعدين اخاف توصخين دراعتج
ملايين : لا لا يما انا بسوي اعرف ولا تحاتين ماراح اوصخها ان شاءالله
امها : خلاص اوكي حبيبتي يلا انا اقولج وانتي سوي ..​

وقعدت امها تعلمها شتحط وشتسوي وخلصت وقامت ملايين تودي الطبق بالثلاجه عشان يبرد شوي على ماا ابوها يخلص ويروحون ..​

..............................................................................​

هذي نهاية البارت الثالث اتمنى اسمع رايكم وتوقعاتكم

 

[FooFoony]

عجيييب البارت
ومادري ماعندي توقعات p:
ناطريين البارت الرابع

 

[مريوم]

ثنكس حبيبتي والبارت حددددة عجييييب ومسكين مشعل كسر خاطري ههه وملايين قهرتني ليش ماترد عليه واهو كسر التلفون عليها وبس حبيبتي ناطرينج

 

[L.Al-kandri]

ثانكس علل البارت العجيييب

 

[FooFoony]

Up Up

waiting..

 

[ღ Mzajiya ღ]

شدعوه بنات شكلها مو عاجبتكم الروايه :eh_s(2):
مشالله فوق 400 مشاهده وماكو ردود تشجع :flower:
عالعموم انا بكمل روايتي عشان اللي قاعدين يقروووون
"وراء الكواليس" من غير رد
وطبعا عشان حبيباتي اللي متابعين من البداية وعطوني رايهم​

واتمنى اتمنى اشوف رايكم بالرواية :eh_s(22): :eh_s(17):
:eh_s(7):​

 

[ღ Mzajiya ღ]

مريوم​

lamia a. al-kan​

FooFoony​

حبايبي والله تسلمون فديتكم انا :eh_s(22):
ان شاءالله لعيونكم شوي وانزل البارت الرابع :eh_s(17):​

 

[ღ Mzajiya ღ]

البارت الرابع :
​

في وحده من قهاوي الكويت احمد ورفيجه ابراهيم كانوا قاعدين يشيشون ويشربون قهوتهم ويسولفون ..​

احمد : تصدق برهوم ،،
انا اول مره اكتشف انه ملايين حلوه وشعرها واايد حلو مشالله​

( طبعا ابراهيم رفيج احمد من ايام الابتدائي وبعمره يعني "22 " واهما ييران بيتهم جدام بيت احمد بعد
فيعرف عن احمد واهله كل شي
وكان يحب ساره اخت احمد وحيل عاجبته بس ولا مره تجرا وقال حق رفيجه عن هالشي
لانه اهوا تاخر شوي بالدراسه فكان باقيله كورس واحد ويتخرج ف كان ناطر يتخرج عشان يشتغل
ويخطبها من اهله
لانه ماكان وده يخون رفيجه ويكلم اخته من وراه ويخسر رفيج عمره ،،
وفي سالفه عنوونه صارت بينهم وان شاء الله مع البارت الياي اتوقع راح اذكرلكم سرهم الصغير اللي محد يعرفه الا ابراهيم وساره ) ​

ابراهيم : لا والله .. زييين مشالله .. يلا شناطر عيل ؟؟
احمد ( فهم شنو يقصد رفيجه ) : لا يمعود تو الناس خل اتاكد من مشاعري
واشوف اذا اهيا متقبلتني كزوج او لا يالله افكر اسوي هالشي .​

ببيت جاسم ..​

كانوا ملايين واهلها توهم واصلين ،،
دشو سلموا عليهم وعلى طول ملايين صعدت فوق عند ساره .
بدون لا تطق الباب دشت شوي شوي ،
تبي تخرع ساره ،،
بس ساره كانتحدها متوهقه بدراعتها لانه واهيا قاعده تلبسها ترجيتها علقت بالدراعه من داخل
وموقادره تطلع راسها ، ​

ف يت ملايين شوي شوي من وراها ويت نغزتها من خصرها جان تصرخ ساره
وماتت من الخرعه ولانها محبوسه ماقدرت تسوي شي جان تصرخ على ملايين : ملاييييينوووووو عفيه ساعديني
علقت ترجيتي بالدراعه وموقادره اطلع راسي اهيئ اهئ
( شوي وتبجي ) ​

وملايين ميته ضحك عليها مو قادره تساعدها من كثر الضحك وساره قاعده تعابل بعمرها
وتقولها : هين هين ياملايين الحين انا موقادره اتحرك وانتي قاعده تضحكين علي L
يوم شاافت ملايين ان ساره مو قادره تفجج عمرها جان تكسر خاطرها وساعدتها وطلعت راسها اخيييراا ..
ساره ويها حده صار احمر لول وقاعده وتنافخ .​

ملايين راحت وقعدت عالفراش وطلعت تلفونها وودها تحذفه عالطوفه من كثر ما مشعل قاهرها ​

ساره انتبهت عليها : لا تقوليلي ليلحين قاعد يدق !!
ملايين : بستخف منه والله ينني اووف
ساره : وييع وييع لزقه قطع خلاص يبا ردي عليه وتفاهمي معاه شوي شوي وقوليله انتي شنو تبين يمكن يفهم ويحس ،
لانه بصراحه ماشفنا منه شي يخليج تحقرينه جذي ؟!​

ملايين : تصدقين انا قام افكر بهالشي يمكن ينفع ،،
خلاص ورا الغدا اكلمه وزهبي روحج عشان اليوم بقول حق امي نروح نكمل اغراضنا وبعدين تعالي نامي عندي اوكي ؟!​

ساره : خلااص ماشي ،،
يلا امشي ننزل تحت اكيد الحين نجبوا الغدا
ملايين : ايي يالله عاد حدي ميته من اليوع ​

ونزلوا تحت ..​

واهما نازلين عالسلم صادفو احمد كان طالع يبدل وينزل ..​

احمد : يه يه هذي ملايين عندنا اهلين اهلين ،، شلونج شخبارج ،، شمسويه؟!
ملايين منصدمه ( غريييبه !! اول مره يسلم علي ويكلمني جذي
ولا بالعاده حتى السلام بالغصب تطلع منه ) : هلا والله تمام الحمدالله انت شلونك ؟
احمد : بخير دامج بخير ,, حياج منوره ،،​

يالله عن اذنكم اخذ شور وانزل جااو
ملايين : يلا ساره ننزل ​

ساره متنحه @@
ملايين تهز جتف ساره : ساروووه شفيييج ؟؟؟
ساره : هذا اخوي احمد اللي كان واقف يمنا توه ؟؟ @@
ملايين : لا هذا احمد ولد ييرانا ،،
( تطقها على يبهتها ) اكيد اخوج احمد في غيره يعني ؟؟؟
شفيييج متنحه جذي
ساره : لا بس انتي مستوعبه شلون كان قاعد يكلمج
ويسلم عليج ؟​

ملايين ( تضحك) : اهااا ،،
اي قولي من الاول جذي اي شفته لول اول مره هاا حتى انا حدي استغربت بالعاده سلام وبالغصب
ساره : غريبه !!​

وكملو طريجهم .​

ومرت الايام وماباقي على سفرهم الا يوم واحد بس ،، ​

وعلاقة ملايين بمشعل صارت احسن من قبل شوي
لانها كلمته وفهمته اهيا شنو تبي وارتاحت لهالشي
وكانت علاقتهم كانت ماتتعدى الا المكالمات
بس حيل تعودوا وخذوا على بعض وطاحت الميانه بينهم .. ​

وكانت طيارتهم باجر الساعه 10 الصبح ،، ​

الساعه 11 بليل ..
مشعل : حياتي صج صج راح اشتاقلج حيل
ملايين : وانا اكثر ياعمري :$
مشعل : انزين شقلتي ؟؟
ملايين : مشعل جم مره قلتلك لا مااقدر :/
مشعل : انزين عالاقل حتى لو من بعيد شدعوه
ملايين : خلاص قلبي غير الموضوع باجر الصبح بسافر
ومابي يتعكر مزاجي على هالسالفه ..​

مشعل (حط بقلبه لانه صارله مده يحن عليها يبي يشوفها واهيا تقوله تو الناس )
" مستعيل الاخ لول " : خلاص عمري اللي يريحج اهم شي انج ماتتضايقين ​

وقعدو يكملون سوالفهم ليمن داخوا وناموا ​

ثاني يوم الساعه 6 الصبح .. ​

ام ملايين تطق الباب على بنتها : يمه ملايين يلا حبيبتي قومي صارت الساعه 6
يبييلج وقت على ماتلبسين وتتزهبين
ملايين : ان شاءالله يما كاني قعدت ،،
وقعدت تتمغط على راحتها وسحبت التلفون من الطاوله اللي يم راسها وشافت ولقت مكالمه و مسجين من مشعل :/​

( حبيبتي اشتقت لصوتج وايد بس تقعدين كلميني )
الساعه 5 وربع
(يلا عمري متى تقعدين حدي اشتقتلج )
الساعه 5 ونص
والساعه 6 الا ربع كان متصل عليها :/​

وطبعا ملايين ماحست لانها كانت حاطته سايلنت
دقت عليه كلمته شوي وبعدين قالتله انها لازم تقوم عشان تتزهب عشان لا تتاخر
وبس تخلص راح ترد تدق عليه قبل لا تروح المطار .​

بس سكرته دقت عليها ساره : صباااااااح الخيييييير
ملايين : صباح الورد يا احلى ورده :**
ساره : يه يه ،، عسى دوم هالريج الحلو من الصبح ،،
شكله السي سيد ماكلج بالحنه كالعاده لوول
ملايين ( تضحك ) : عن الملاقه يلا اشوف ..
ها حياتي خلصتي سكرتي جنطتج ؟؟ ​

ساره : اي قلبي ،،
توني استخدمت السشوار والستريت وحطيتهم بالجنطه وسكرتها خلاص
والحين بروح اتريق وبصعد ابدل واتمكيج عشان الساعه 8 الا ربع بنطلع مو تتاخرييين اوكي ..
ملايين : اوكي
ساره : سكرتي جنطتج ؟
ملايين : اي سكرتها من امس وهم انا الحين بنزل اتريق
عشان اصعد اخذلي شور و اتمكيج وابدل عشان نطلع
ساره : يلا اوكي حياتي سي يو
ملايين : سي يو 2 ​

وكل وحده راحت تسوي اللي قالت عليه ،، ​

والساعه 8 الا ربع ركبوا سياييرهم وراحوا المطار ..
وبعد ساعتين طارت الطيارة .​

 

[ღ Mzajiya ღ]

بالطيارة .. كانت الكراسي اثنين يم الدريشه واربع بالنص وبعدين اربع يم الدريشه الثانيه ,,​

ملايين وساره قاعدين يم بعض عالكراسي اللي عاليمين ،،
وبعدين ايمان ويمها فاطمه
ويمها ريلها عبدالله وبعدين جاسم والكراسي اللي عاليسار احمد ويمه رفيجه ابراهيم ؛) ​

طبعا البنات ماكانوا يدرون انه احمد و ابراهيم معاهم الا لمن شافوهم يايين معاهم المطار ​

( مثل ماقلت بالبداية انه هالعايلتين بكل عطله يروحون الامارات بس احمد كان يا يسبقهم مع ربعه او يروح بعدهم
ف ماصادف انه يسافر معاهم بنفس الوقت
بس هالمره قرر انه يسافر مع اهله وراح تعرفون ليش بعدين ) ​

نروح عند ملايين وساره ..​

ساره( بقلبها ) : اخيييه فديت السمار والله احبه احببببببببه :$
وردت راسها لي ورا وغمضت عينها وقعدت تتذكر الشي اللي صار بينهم ... ​

" انا من قبل قلتلكم انه بين ابراهيم وساره سر صغير ومحد يعرفه الا اهما الاثنين .. ​

حتى ملايين اللي اهيا اقرب الناس حقها ماقالتلها عن هالسر لانها وعدت ابراهيم بهالشي ..​

بس اهيا اعترفتلها انها معجبه فيه حيل وتتمنى انه يكون زوجها بيوم من الايام وماكانت راح تقولها هالشي​

بس ملايين كانت حاسه من نظراتها بهالشي
يعني لمن ساره تشوف ابراهيم عيونها اهيا اللي تفضحها وتصرفاتها اكدت حق ملايين انه ساره تحبه
بس ماحبت انها تضغط عليها وتقولها
لانه تدري انه بالاخير ساره ماعندها غير ملايين ومتى ماحست انه صار الوقت مناسب اكيد بتقولها .. "​

نرجع الحين حق اللي كانت ساره تتذكره .. ​

قبل سنتين كانت ساره توها داشه التطبيقي وكانت توها تسوق يعني شوي عليميه وكانت ماتعرف تسوق عدل
بس اصرت انه اهيا بروحها اللي تروح المعهد بسيارتها عشان تعتمد على نفسها اكثر ..​

يوم من الايام بداية الكورس التمهيدي كانت ساره توها طالعه بتروح الكليه و حدها متاخره عن محاظرتها .. ​

ركبت السياره وبسرعه شغلتها وجذي ورجعت لي ورا بدون لا تنتبه انه في سياره وراها قاعده ترجع بعد من العيله اللي فيها .. ​

بس اللي كان قاعد يرجع انتبه وطق بريك وطقلها هرن ​

عشان تنتبه واهيا تدودهت بدال لا تدوس عالبريك داست عالبانزين ودعمته من ورا ​

( ياخراابيي لوول ) ​

طبعا مايحتاي اقولكم عن الخرعه اللي حاشتها وبطنها قام يعورها وماتدري شتسوي وحدها خايفه
لانها اول مره تدعم
واهيا توها تسوق وبنفس الوقت كانت حييل منحرجه ومانزلت من السياره :/// ​

ابراهيم نزل من السياره وراح شاف السيارات من ورا
بس من حسن الحظ انه السيارات ماتعورت بس اللي راح فيها لوحة ارقام سيارة ابراهيم ​

اما سيارة ساره ماصار فيها شي :d
راح صوب دريشتها وطق عليها ،،
ساره وايدها ترجف نزلت الدريشه ​

ساره : اسفه والله اسفه ماشفتك مو قصدي والله سامحني مااقصدت ادعمك والله
ابراهيم : هدي هدي الله يهداج شفيج يبا ماصار الا الخير .. ​

الحمدالله ماصار شي بالسيارات وبعدين بالحديد ولا فيج شدعوه ليش خايفه جذي ​

ساره ( صخنت لول ) : هاا ..
اي اشوه الحمدالله انه ماصار شي ..
لا بس يعني اول مره وانا متاخره عن المحاظره ومستعيله وماانتبهت
ابراهيم : يا يبا ماصار الا الخير ..
بس اهم شي ديريبالج وانتبهي ومو عشان شي انا رفيج اخوج وولد ييرانكم اكيد ماراح اسوي شي ​

واذا سيارتج تعورت وانتي الغلطانه كنت انا اللي راح اعدلها
بس لازم تنتبهين
عشان الله لا يقوله لو صايرلج حادث بالشارع وكان اقوى من جذي لا سمح الله
جان ماتدرين شراح يصير بس الحمدالله الله ستر
ساره : اي صح كلامك ،،
وان شاء الله راح انتبه واسفه مره ثانيه ​

ابراهيم : لا تتاسفين ولا شي ماصار الا كل خير ..
بصراحه مااخش عليج انا استانست انه صار هالشي ..
لاني كنت ناطر اي فرصه عشان ابي اخذ رايج بموضوع
و ماكنت قادر احصل اي فرصه عشان اكلمج واتمنى اتمنى انج ماتفهميني غلط !!​

ساره : اوكي بس ممكن بسرعه لانه موحلوه وقفتنا جذي بالشارع بالله احد من اهلنا طلع وشافنا :/​

ابراهيم : عدل عدل كلامج انا اسف ..
انزين ممكن تعطيني رقمج واقولج اللي عندي
وبعدها امسح رقمج وما ادق كلش بس انا مابيلج المشاكل
واخاف احد يشوفني واقف معاج بالشارع
وانا ماارضاها عليج ​

ساره ضلت ساكته شوي ​

ابراهيم : اتوقع انه انتي تدرين شنو اللي بيني وبين اخوج وانا مستحيل اهدم الثقه اللي بيني وبينه​

ومثل ما انا عندي خوات واخاف عليهم هم اخاف عليج انتي بعد بس صدقيني مكالمه وحده وبعدها ماراح تشوفين رقمي ​

ساره : خلاص اوكي مكالمه وبعدها تمسح رقمي
ابراهيم ( حده تشقق خخ ) : من عيوني عطيني رقمج ،،​

عقب ما سجله قالها : اركب السياره وادق عليج مو ماتردين علي ياويلج ههه يالله وديريبالج وشوي شوي بالطريج ،، باي ​

ساره ( مستحيه ) : اوكي ،، بااي
...........................................................................................​

 

[L.Al-kandri]

ثنكس علا البارت حدا عجيب
Waiting
Waiting

 

[FooFoony]

تسلميييييين حبيبتي عجييييييب حددده

ناطريينج :**