حبيبتي من تجربتي الشخصيه انا كنت مثلك اجتماعيه جدا وتزوجت صغيرة وزوجي ماكان يحبني اختلط مع الحريم اللي كان يخاف اما يحرضوني والايحسدوني والا ياذوني بتعليقاتهم طبعا ماكان الكلام هذا صحيح لان المجتمع اللي كنت بينهم كانو جدا محترمين ولطيفين وبالعكس رائعين معي لكني رضيت بالبيت طاعه لزوجي هههه طبعا لما كنت مطيعة هههه السالفه اني بعد سنين جيت اختلط معاهم ما قدرت لان كل اللي بينا كان بس بالمناسبات والسلام موحيل العلاقات وصرت اذاكنت في مجلس احس بضيقه وكتمه وقلبي يصير يرقع والله لدرجة احس ان اذا احد بيطالع صدري ببين نبضه من فوق العبايه واعرق والاهم وجهي بسرعه يصير احمر اذا وحده كلمتني ,عرفت لنفسي وحبيت اعالج نفسي قبل لا يتطور لمرض صج واستمريت بالاختلاط ومطنشه حمار الوجه اللي يفشل لدرجة اني تكلمت امام الحريم اني عندي حاله بسرعه وجهي يصير احمر وما ادري اذا هو ضغط والا لا وهذا التفسير خفف عني كثير من الضغط اللي احسه واخذت ادعي الله انه يزيل هالامر هذا لانه جدا كان مضايقني لانه ظاهر الكل يشوفه مومثل دقات القلب السريعه اللي احس فيها لانها مومبينه وبعد فتره وانا لازلت على برنامجي ارمي نفسي للصديقات ورجعت ازور اول شي بديت بالصديقات المقربات وبعدها للتجمعات الخفيفه العائليه والحمدلله الحين كويسه واحب الجمعات والدوام ساعدني اطلع من الانطوائيه اللي بالاساس كانت بسبب غيرة زوجي علي واستانس مع الناس صحيح للحين مرات يحمر وجهي لكن انا اخرج واطلع ومبسوطه وريلاكس ورقعة القلب بفضل الله راحت تبارك الله واضم صوتي لصوتي اختي (ياحليلي) ترى المظهر يوحيلك بالثقه بالنفس وهذه كثيييير ساعدتني وما اقصد هنا الماركات والاشياء الغاليه لا اقصد الملابس المرتبه اللي تشعري فيها بالراحه والثقه موالضيق والارتباك سواء كانت ماركه او لا حتى لو كانت ملابس نعومه او بسيطه المهم انك تشعري فيها بالثقه بالنفس والراحه
