رابطة ما بعد التكميم ونزول الوزن

[فنجان من الحب]

بنات انا صارلي 8 ايام من سويت العمل ومفكره من اعدي هالاسبوع اشتري كورسيه الطبي مال عمليات الشد والبسه عشان ما اترهل بس بسال دكتوري اول باجر اول مراجعه لي بعد العمليه
ادعولي اكون نازله 3 او 4

 

[النوالنو]

بنات خالتي مسويه العمليه تعبانه حيل منه بس غازات تشرب غازات لو تشرب ماي غازات الله يكرمكم عادي الخروج لون اخضر

 

[badlya]

السلام عليكم اشلونكم بنات من زمان عنكم انشغلت بالدوام اشلون التكميم معاكم ان شالله سعداء بعد ما سويتو العمليه

 

[badlya]

للى حابه اتسوى العمليه ومحتاره بالدكتور انا ارشح لها الدكتور محمدالجارالله من تجربه شخصيه ممتاز ومبدع بصراحه وايد ارتحت عنده وواثق من شغله ومتمكن (مو دعايه ) لكن تجربه لى عنده وشهاده اسال عنها جزاه عنى كل خير اسعدنى بحياتى وساعدنى فى تحقيق حلمى بالرشاقه

 

[توحه1]

حبوبات انا طولي ١٥٩
ووزني ٩٣
وكتلة جسمي ٤٠
ابي اسوي العمليه بمستشفى مبارك او الاميري
منو ترشحونلي اي دكتور
وكم تكلف العمليه بالضبط

 

[توحه1]

الله يعافيكم ابي تجاربكم كم يوم قعدتوا بالمستشفى
وبعد العمليه كل اشكثر تراجعون
وهل سولكم سونار بعد العملية للتاكد من نجاحها

 

[ســكــر]

حبيبتي توحه بالنسبة لتجربتي كتبتلك بالمواضيع التانيه بس موضوع الترجيع انا ولله الحمد قعد معي يومين بس بس في ناس يقعد عندهم اشهر بحس بلوعه وتكرمي غازات بس كتير

انا سوولي اشعة صبغه بنفس وقت العملية والحمد لله كانت اوكي وسوولي كمان اشعة التسريب تاني يوم العملية وطبعا بتكوني صايمه لحد موعد الاشعه وتطلع النتيجه يشوفها الدكتور بعدين بتبلشي تشربي ماي بس بكمية قليلة جداااااا

 

[ملوكه 92]

بنات الي مسويه عند دكتور خالد العنزي شنو اسم اخصائيه التغذيه الي تمشون معاها ومتى بديتو بالاكل المهروس ؟​

 

[أأأميرة الورد]

بنات شلونكم عقب التكميم


وجم نزول الوزن الطبيعي بعد سته شهور

ودي اسويها لان عندي مناسبة عرس بعد سته شهور

وودي اطلع بلوك جديد على العرس ومنها اضعف اكثر

 

[أأأميرة الورد]

مذهله وينج حبيبتي

وشخبارج ؟؟؟

بشري شلون النزول معاج ؟؟

الوزن يثبت ولا يستمر بالنزول ؟؟؟

بنات اللي مسوين التكميم من زمان


ماعليكم امر دشوا وشجعونا علي النتايج اكثر

شلوون اوضاعكم ؟؟


والاكل شلوون ؟؟؟

والشعر والبشره ؟؟؟؟


الله يتمم عليكم ويعطيكم الصحه والعافيه يااارب

 

[توحه1]

انا بسافر بعد شهر عادي اسويها واسافر ولا لا

 

[أأأميرة الورد]

توحه اتوقع تاجلينها عقب السفر

لانها اول الاسابيع متعبه حيييييل

على وصف البنات ورفيجاتي

 

[توحه1]

بس انا بعد شهر من العمليه مو اول اسابيع

 

[اوووفه]

عادي توحه انا سويتها وسافرت بعدها باسبوع

 

[توحه1]

صج اوووفه انا بسافر امريكا
ابي تجربتج اقراها ماعليج امر ومتى سويتيها

 

[noni_q8]

انصحج تسافرين وتستانسين وتاكلين اكل السفر بعدين سوي لان بعد الشهر من العمليه ماراح تقدرين تاكلين وراح تلوع جبدج من الاكل وموفقه حبيبتي

 

[الريم30]

بنات شلونكم انا وصلت للوزن المثالي صارلي سنه وثلاث شهور بس اكل اكل موطبيعي احس قاعدة اسمن شسوي عفية شورو على حدي تعبانه​

 

[أأأميرة الورد]

الريم الله يتمم عليج ياارب

انتي كنتي ملتزمه بالرياضة ؟؟؟

 

[أأأميرة الورد]

حاولي تخففين من اكلج حرام انتي تعبتي ووصلتي للوزن المثالي

لازم كنترووووووول على اكلج

 

[&فوزه&]

مرحبا صبايا

بقولكم سالفتي مع التكميم ،انا لي سنه من دكتور لي دكتور بسوي تكميم رحت لدكتور خالد العنزي ولدكتور السميط ودكاتره واجد مارضو يسولي لان وزني٧٤يعني مو واجد بس مليت من ريجيم واخر شي رحت لدكتور الهيفي وافق يسويلي بعد ماحنيت عليه والحيت انه يسويلي قال اوك ومن بكره صار وزير وسكر عيادته خخخخخخخ وجيت وكلمت سكرتيرته ايمان حبوبه وعسل وقالت الدكتور حولكم علي واحد يثق فيه اسمه دكتور عبدالصمد وعيادته في مجمع المسيله اللي جنب مستشفي السلام ورحتله والحمدلله سويتها بتاريخ٣١/١٢/٢٠١٢ راس السنه تاريخ مميز كل سنه بحتفل فيه ☺والحمدلله صارلي اسبوع من سويت العمليه واحس اني نازله بس ماوزنت لان مراجعتي لدكتور بعد كم يوم وبس وسلامتكم!