رابطة ما بعد التكميم ونزول الوزن

[yooli]

السلام عليكم
شخباركم بنات ابي رايكم ، أنا وزني مب وايد زايد يبيلي 25 كيلو بس اقدر اسوي العمليه ولا لا؟

انا مشكلتي أضعف وعقب اردهم طول عمري على هالحالة، ولما اشوف أمي وخالاتي كلهم نفسي وانا مب حابه اصير نفسهم لما اكبر ابي افتك من سالفه الرجيم وطول الوقت افكر بجسمي ووزني :eh_s(16):


تهقون الدكتور بيرضى يسويها لي؟

 

[cup-cacke]

قاعده احاول اتصل على عياده الشرهان ما احصل احد يرد علي!

 

[النوالنو]

بنات كم تقريبا ينزل التكميم وصج مايصير تاكلين حلو الا مره بالاسبوع يعني لازم رجيم

 

[cup-cacke]

اي اتوقع لازم الريجيم والاكل الصحي عشان مو بس تكسبين نزول تكسبين صحه

 

[ستوب انا التوب]

مراحب بنات
سوال وابي اجابته بكل امانه
قريت ردود كثيره وفتر راسي اكثر بعد العمليه شنو مصير الصدر والخلفيه واذا المصير سلبي شني الطريقه لارجاعهم نفس السابق
بليز ابي الرد موعدي باقي عليه شهر ونص

 

[مذهلة 78]

مراحب بنات
سوال وابي اجابته بكل امانه
قريت ردود كثيره وفتر راسي اكثر بعد العمليه شنو مصير الصدر والخلفيه واذا المصير سلبي شني الطريقه لارجاعهم نفس السابق
بليز ابي الرد موعدي باقي عليه شهر ونص

بالطبع مصيرهم سلبي وسلبي جدا بالنسبه للصدر لازم عمليه تجميل يا شد ورفع او ان تحشينه سيليكون والخلفيه مالها حل غير الرياضه اما الناحيه التجميليه فسمعت بالحقن بماده الاكوالفت بس احترت صراحه لان في دكاتره يذمون ودكتاره يمدحون

 

[ستوب انا التوب]

امبيه لا صج :eh_s(2):خسااااااره عقب الطبيعي اسوي صناعي
يعني الكل الكل بدون استثناء جات النتيجه سلبيه
ابي اصيح ابي مادري شاقول :eh_s(11):
بس بعد ابي اسوي العمليه ما قدر ماسويه

 

[ام خدود ورديه]

اللي بتسوي العمليه لازم تهيأ حق روحها انه فيه احتمال انها تحتاج حقةعمليات ترميميه لانه الجسم يفقد وزن كبير

 

[mamlo7a]

و الله انا اقول اللي يبي شي يخلي شي على الاقل تضعفين و محد بيشوف المستخبي الناس عليها بالظاهر هههه

 

[love^angel]

شلونكم متكممات
انا مسويه العمليه شهر 9-2011 كان هدفي الاساسي الحمل والحمدلله حملت عقب 10 شهور
للحين وزني زايد 9 كيلو و فيني توأم الحمدلله بس بعرف زيادتي معقوله ولا وايد؟ لما حملت كنت 63 ونزلت لي 61 والحين 72 خايفه ارد مثل قبل صراحه كان وزني 94 قبل العمليه
الاحظ اكلي زايد بس اتوقع عقب العمليه بسنه طبيعي يزيد الاكل صح؟ طبعا مستحيل يكون نفس اكلي قبل بس قصدي اكثر من اول فتره يعني كان حدي شريحة توست الحين اقدر اكل شريحتين فوق بعض و خلاص انفث عادي؟
منو تكممت و حملت ياليت تفيدني بمسألة الوزن وايد قاعده احاتي

 

[donat]

بنات بليز شتسوون اذا يعتوا؟؟؟ انا صايرة افة بس ابي اكل
صار لي 6 اشهر من سويت العملية و نازله 27 كيلو بس هالايام موقادرة اسكر حلجي
اليوم وزنت والا زايدة كيلوووو اهئ اهئ اهئ
شسوي ؟؟؟؟

 

[omal7lo]

دونت انا مثلج حلجي مو راضي يتصكر احس عمليتي افشلت هههههه بس طبعا مو ذاك الاكل نص صمونه جذي بسرعه اشبع والعيش ما اقدر عليه مشتهييه عييييييش

كل شي اقدر اكل ماعدا العيش والباستات والمعكرونيا كلكم جذي ولا بس انا

صارلي ٧ شهور

 

[omal7lo]

انا من اليوم بلشت سوااائل ماااا قدرت توه خربتها وشربت عصير موز وفراوله بعد شوي بحط رجيمي من قوقل لطشه شوفوا مناسب

 

[omal7lo]

الساعة 7 رح نصحى نشرب كاستين مي (لو فاترين احسن) وحدة منهم مي عادية من غير شي والتانية بنعصر عليها نصف ليمونة وهاد الاشي ثابت طول فترة الدايت هاد الاشي بجد بسد النفس وثانيا بيخفي البطن نهائيا *.



الساعة 8 بنشرب كاسة حليب محلية بعسل لان الحليب الدافئ الصبح بعمل كملين .



الساعة 9 بنشرب اي نوع عصير فريش او معلب من غير سكر (رح يعطي طاقة ومش ح يكون في هبوط لانو بيرفع نسبة السكر في الدم) .*



الساعة 10 بنوخد اي شي دافي طبعا من غير سكر (يانسون_نعناع_قرفة بحليب مفيدة جدا_زنجبيل_نسكافيه_شاي بحليب_قهوة_شاي) المهم شي دافي من غير .



الساعة 11 بنوخد علبة زبادي او كاسة لبن وممكن عليها ملعقة عسل كتير طيب .



الساعة 12 من 3 الى 4 كاسات مي ويا ريت يكون فاتر .*



الساعة 1 وقت الغدا تقريبا وهي الوجبة الرئيسية تاعتنا (اي نوع شوربة ما عدا الكريمية) متل شوربة الخضار يلي بتتحضر في البيت او الجاهزة متل ماجي وكنور او ممكن شوربة عدس *او شوربة الملفوف المهم متل ما حكينا مو كريمية .



الساعة 2 شرب 3 كاسات مي .*



الساعة 3 ممكن (كوب قرفة بزنجبيل كتير بينحف او كاسة عصير او كاسة لبن دايت او حليب دايت او شاي او قهوة).



الساعة 4 ممكن صحن شوربة صغير انتبهوا لكلمة صغير مع قطعة صدر دجاج صغيرة مضروبة مع الشوربة ع الخلاط او مقطعة قطع صغيرة كتير .



الساعة 5 شرب 3 كاسات مي .



الساعة 6 وهادي اخر وجبة النا كوب لبن او حليب دافي متحلي بالعسل (ابحاث اثبتت انو كل ما زادت نسبة الكالسيوم في الجسم بتساعد ع حرق الدهون بنسبة 18%) وهادي الوجبة كتير مفيدة .

في النهاية انا مستنية يومياتكم وانا جاهزة لاي سؤال بدكم ياه .*

 

[omal7lo]

ياازينكم والله انكم تشجعون
انا باذن الله موعدي 10/1/2012 عند الدكتور وليد بستكي بالسلااام
والله يسهل ادعولي امانه

زيييين ما اخترتي انا مسويه عنننده

 

[omal7lo]

السلام عليكم

خوووش موضوع الصراحه

انا سويت العمليه تاريخ 8/9/2011

وزني كان قبل العملية 99 والحين 58 الحمدالله

المشاكل الي واجهتني

تساقط الشعر
شحوب الوجه
ترهل البطن

الحمدالله انا استمريت بالرياضه والمشي من بعد العمليه باسبوعين اللى 3 شهور تقريبا

لكن بطني مترهل لان ماسويت تمارين البطن بس مجرد مشي وكان فبالي ان بطني يشد

الحل للمشاكل الي واجهتني

تساقط الشعر ان شالله راح ابدي العلاج مع الدكتور موسى سلامه جبر
والوجه بديت العلاج مع دكتور محمد التهامي
اما الترهل للحين مادري شسوي لاني بنت والعمليه شي مرفوض عند اهلي
وطبعا صدري و المؤخره انمسحو لووووول ونفس الحاله مادري شلون اردهم لحجم حلو عالاقل

لكن لو يرد فيني الزمن ارد اسويها لان بصراحه اهي الشي الوحيد الي ماندم اني سويته فرق كبير المقاس تغير وشكلي صار اصغر بوايد من عمري واحس اني خفيفه والقى ملابس بكل المحلات

ماشالله صج نزول بطئ بس احسن لج والله يعني صارلج سنه وشهرين
انا مثل وزنج والخين 79
احلم بالخمسينات بس اخربط وايد
حبيبتي دكتور الشعر والجلديه اشرايج فيهم وشنو علاجج وجم يكلف لان صرت قرررررعه

 

[omal7lo]

بااااااك بنات اشلونكم شخباركم من زمان عنكم صارلي 7 شهور مت سويت العمليه بنات شعري خلص شنو الحل وشنو جربتوا فيتامينات وانبولات للشعر واستفدتوا منها بليز وشنو حل شحوب الوجه اعاني من هالشغلتين وايد وشنو ابر البلازما اللي قلتوا عنهم وعند منو جربتوهم وبجم ؟؟؟؟

هلااااا فييييج واخيرا حصلت رفيجاتي هههه انا معاج ها بشري جم كيلو نزلتي


انا مثلج شعررري باااااااح وان شالله بروح صالون عندهم عرض 5 جلسات ب20 سوالف جرجير وخلطات رفيجتي شافت تحسن من الجلسه الثالثه

 

[omal7lo]

شلونكم متكممات
انا مسويه العمليه شهر 9-2011 كان هدفي الاساسي الحمل والحمدلله حملت عقب 10 شهور
للحين وزني زايد 9 كيلو و فيني توأم الحمدلله بس بعرف زيادتي معقوله ولا وايد؟ لما حملت كنت 63 ونزلت لي 61 والحين 72 خايفه ارد مثل قبل صراحه كان وزني 94 قبل العمليه
الاحظ اكلي زايد بس اتوقع عقب العمليه بسنه طبيعي يزيد الاكل صح؟ طبعا مستحيل يكون نفس اكلي قبل بس قصدي اكثر من اول فتره يعني كان حدي شريحة توست الحين اقدر اكل شريحتين فوق بعض و خلاص انفث عادي؟
منو تكممت و حملت ياليت تفيدني بمسألة الوزن وايد قاعده احاتي

حبيبتي اي شهر انتي
الله يتمم عليج يارب اذا اول الاشهر وايد 9
انا وحده معاي بالدوام حملت بعد العمليه ب4 اشهر وولدت ماشالله رحتلها وايد ضعفانه قالت زادت 7 كيلو ونزلتهم بسرررعه ودبلهم تبارك الرحمن

 

[KhooKha_Q8]

مرحبا حبيباتي شلونكم شخباركم
انشالله أنا مقرره شهر ٢بسوي التكميم عند الدكتور احمد الشرهان شرايكم فيه ؟ واللي مسويه عنده ياريت تنقل لي تجربتها
أنا الصراحة خااايفه اكره الترجيع لوووووووول
وخايفه من العوار عقب العملية
شتنصحووني فيه
وزني ٨٥ وطولي ١٥٧

 

[donat]

دونت انا مثلج حلجي مو راضي يتصكر احس عمليتي افشلت هههههه بس طبعا مو ذاك الاكل نص صمونه جذي بسرعه اشبع والعيش ما اقدر عليه مشتهييه عييييييش

كل شي اقدر اكل ماعدا العيش والباستات والمعكرونيا كلكم جذي ولا بس انا

صارلي ٧ شهور

العيش و الباستات ثقيله على معدتي بس اقدر اكل 4 او 5 قفشات و بسسس
انا التوست او الخبز ما يتعبني اكل نص خبزه لبنانية و اكل توستتين فيهم جبن سلايس او لبنه بس ممكن يبقى لقمه او لقمتين اخر شي ماقدر اكملهم بس ساعات اكملهم

اكل موزة صغيره او نص موزة كبيره بس المشكله ان بسرعه نيوع شسوي ...:bbbiu: