عــاشــقــه
New member
رد: // رؤآيــة // ♥ღ♥ღ نـآكـر آلــعـرؤف مـآ بـيـن بـعـيـنـه ღ♥ღ رؤـؤـؤعـه شـؤي عـلـيـ
:eh_s(17): :eh_s(17): فـديـتـكـم ؤفـديـت مـرؤركـم آلطـيـب :eh_s(17): :eh_s(17):
الجزء الخامس عشر
يوم السبت
الصبح الساعه 9 ونص
غرفة شيخه
كنت نايمة وفي امان الله انا واحلامي .. وماوعيت الا على طقه باب قويه ومن كثر خوفي عبالي صار غزو .. فزييت بسرعه وقلت بصوت عالي
شيخه : منو ؟
منيرة : قوووووووووومي يخياس النوم الساعه 9 ونص الحين بتيي حصوص وانتي للحين مالبستي
وليييين .. هذي اللي بتزوج وتبلشنا معاها
شيخه : مابي اروووح .. وخري عن الباب بنااااااااام
منيرة : بعد الين العشرة ان ماقمتي بكسر الباب .. وترى ماكو احد بيوديج السوق .. دبري بدله حق يوم الاثنين
اووووووف .. شنو هاليوم النحس ...
شيخه : زييين خلاص روحي الحين بقوم
وبس حسيت ان منور راحت رديت حطيت راسي على المخده .. مالي خلق يارربي .. بناام حرام الواحد ينام بالعطله .. يعني اقترح اسلوب يديد اذا احد يبي يعذب شخص مايحبه .. يقعده في عز وحلات نومته ..
ومامداها عيني تغفي الا نحيس يديد يطق بابي
صلاح : شييييييخه .. شيووووخ للحين نايمه .. قومي
شيخه بصراخ : مااابي .. ياناس خلوني انام
صلاح : فتحي الباب يله .. عفيه كل هالطق وللحين فيج النوم
قمت متنرفزة صج عاد .. وفتحت الباب بقوة
شيخه : نعم !! ياالله صباح خير
صلاح وهو يكتم ضحكته : لحظة لحظة .... دخيييييلج شوفي روحج بالمنظرة ... نطري بيب كامرة وبصورج الله يخليج ههههههههههههههههههههااي
استغربت هذا شفيه .. شدعوه شكلي يضحك لهالدرجه !
ياني الفضول رحت صوب المنظرة ... والله لا يوريكم شكلي .. امس نمت من غير ماامسح الكحل .. وكشتي وبجامتي السروال لون .. والبلوزه لون ثاني .. امس من التعب ماادري شلبست .. تبون الصج انا يتني الضحكه وقعدت اضحك
شيخه : ههههه بسم الله .. جنه قاطيني بغساله ومطلعيني
صلاح : هههههههههههه ااااخ مااقدر بطني هههههه
شيخه : اقول جب بس .. شتبي !
صلاح وهو محتار : احم .. س .. سألتي هذي رفيجتج عن تسجيلها !
شيخه تستعبط : أي رفيجه ؟
صلاح : هذي اللي .. بتسافر لندن تدرس
رديت استعبط : منو !
صلاح : اوووف .. اللي اقبولها تصميم داخلي
شيخه : ماعرفتها منو ؟
صلاح : شهد
شيخه : ودام تعرف اسمها ليش ماتقوله يعني ... ولا اسمها منجس !!
صلاح فر ويهه : هذا جزاتي اني بقدم خدمه صج ماتستاهلون
شيخه : تعاااال... أي كبمتها وقالت خل يكلم ابوي .. ويشوف
صلاح استغرب .. وبنفس الوقت ماكان متشجع .. اهوا يالله يعابل باوراقه هالدور اوراق وحده مايحبها ولا يشتهيها .. بس احسن .. انا اسوي اوراقها ولا تروح اهيا بروحها .. فاهم سوالفها هذي ..
شيخه : وبعد !
صلاح : بس .. يله روحي كملي نومتج
شيخه : بذمتك مقعدني عشان هالسؤال البايخ .. اقلب ويهك بس
طردت صلوح ورديت على سريري احاول انام .. بس وييينك يالنوم .. طار حسبي الله على اللي كان السبب ..
قمت بتثاقل وسبحت ولبست جني مسطله مااحب طلعات الصبح والسبه النوم ونزلت تحت لقيت الكل متيمع يتريق
شيخه : شهالنشاط .. !! الكل قاعد اليوم
ام خالد : الا انتي ... بالموووت الواحد يقعدج .. عنبوج ماتشبعين نوم
شيخه : يمااااا الله يخليج .. بلاها هالاسطوانه والله حفضتها .. مشتهيه يوم اقعد من غير ماتقولينها
قلت هالكلمه وقعدت يم ابوي اتريق
ام خالد : وياليتت تعلمتي عااد ..
بوخالد : خليها على راحتها ياام خالد .. ماتم بالبيت غيرها بنت ابوها
شيخه : ياااويلي .. انا اذوووب من هالحجي يابوخالد .. احم
صلاح ومنيرة : ههههههههههههههههههه
صلاح : طالع هذي من صجها مصدقه روحها .. اصحي ياماما .. كبر البغل وتتدلع
شيخه : كييفي مالك شغل
بوخالد : خلها تتدلع على كيفها .. اكلي يبا تعالي
وقعدنا نتريق الين مايات حصه .. وخذتنا ورحنا السوق نتسوق
نسيت اقولكم عن يوم الخميس .. كانت خطبه منور رسمي .. دشت وشافته ومن عقب ماطلعت وهي متخبله علينا .. مو جنها هذي اللي رفضته قبل جم يوم .. صج حريم ماينعرف لهم ..
وطبعا الريال بما انه مستعيل .. يبي الملجه يوم الاثنين هذا .. كلنا رفضنا وعارضنا .. بس بالاخير الكل اقتنع .. خاصه انه صلوح بيسافر الثلثاء .. يعني عالاقل يلحق على ملجتها
رحنا الصالحيه ومجمع زهرة .. واختارت لها منيرة فستان ناعم لونه اوف وايت حلو .. دانتيل قصير الين الركب وموديله انجليزي بسيط وفيه وورد زهريه من تحت على الدانتيل وقصه عريضه من فوق .. الفستان كان رهييييييييييب عليها .. وسعره فيه الصراحه .. خذته من غير تفكير لانها مالها خلق تحوس بعد .. رغم انه حصوص قالتله ان غالي شوي .. بس فكرت انه مافي وقت ندور شي ثاني ..
كنت اشوف منور شلون تقيس وتشتري .. غمضت عيوني لثواني .. اتخيل روحي باليوم اللي بجهز فيه وانا مستانسه جذيه .. باختار فستان غير .. الكل يتحجى فيه ..
منيرة : شيوخ شرايج هذا حلو عليج ؟
شيخه : ماادري مااحب اللون الاسود
حصه : ايه لاتبلسين لون اسود .. هذا الكرزي حلو شيووخ شوفيه
الصراحه كان رهيب .. بس كنت متخوفه من اللون .. كان كرزي .. وعمري مالبست لون جذيه
شيخه : حصوص .. ماتحسين ان اللون صارخ شوي ..
حصه : عادي انتي بيضا ماشالله .. بالعكس هالالوان حلوة عليج
منيرة : وااااو .. روحي قيسيه شيووخ
رحت غرف التبدليل وقسته .. كان صج حلو .. قصير فوق الركب بشوي .. ومخصر على الجسم .. وكوكتيل .. موديله بسيط بس عاللبس جناااااان
قررت اخذه بس ترددت بالاخير
شيخه : حصوص .. اخاف امي ماترضى .. شوفي مو عاري شوي ؟
حصه : لا عادي .. واذا مارضت انا اخذه اوكيه
شيخه : اوكي
طلعنا من السوق وكل وحده شايله ومحمله معاها جياس .. وردينا البيت نكمل الاشيا الباجي بالتلفون .. حجزنا بوفيه موفمنك وطلبنا ورد على لون فستان منور .. وحجزنا الصالون .. وتقريبا كل شي جاهز .. اهم شي شكلي يطلع اووكيه
الساعه 4 ونص
بيت بوعماد
الدوانيه
بوعماد : والله ياولدي .. مانبي نكلف عليك .. اهيا بتروح وخالها ان شالله بيستقبلهم هناك وبيكمل اوراقها كلها
صلاح : مالها داعي ييتها .. انا وياها بنفس الجامعه .. ممكن اخلص اوراق تسجيلها من غير ماتي .. ومافيها تعب ياعمي .. انا رايح رايح .. وو .. ميصير البنت تروح بروحها .. واحنا مو غرب ترانا عيال فريج واحد ومثل الاهل ..
بوعماد : بارك الله فيك ياولدي .. بيني وبينك انا صحيح وافقت على السفر .. بس احس بنتي بعيده عني ماهي سهله كلش
صلاح : البركه في خالها .. واحنا مثل اخوانها .. أي شي تبي لاتحاتي
بوعماد : يزاك الله خير .. انا بسألها وبشوف الاوراق اللي تحتاجها واعطيك ياهم باجر
صلاح : صار .. يله مااطول عليك .. تامرني بشي !
بوعماد : سلامتك ياولدي .. سلم عالوالد ..
صلاح قام : وصل .. يله فمان الله
بوعماد : فمان الكريم
كل هذا وانا كنت اتسمع على الحديث اللي دار بين ابوي وبين صلاح ... اخر شي توقعته يصير انه يقدم هالمساعده .. اعتقدت انه بيضيق خلقه اذا عرف اني بنفس الجامعه معاه .. ماادري شهالفضول اللي ياني وقعدت اسمع حديثهم ..
تعوذت من بليس قبل ماتركب براسي أي فكره .. وصعدت غرفتي وتيددت وصليت لي ركعتين اطلب فيهم من الله انه يحفظني ويثبتني على الدين والصلاح ..
يوم الملجة
الاثنين
الساعه 4 ونص
كانت اصوات اليباب والتباريك تاااارسه الصاله .. وانا منور كنا بنروح الصالون الحين .. وحصوه راحت تودي عيالها عند ام ريلها علشان تمرنا ونروح الصالون يميع
طلعت من الحمام بسرعه وانا بروب السباحه .. بشوف شالسالفه .. ولا منور مستحيه وامي وخالاتي يلمونها ويباركون لها ...
كلمتها من فوق الدري
شيخه : مبرووووووووك يااعرووووسه .. أسبح واييكم
منيرة : ههههههههههه .. ياويلج لايشوفج ابوي بس دشي
ام خالد : شيوووووخ واخزياااه .. دشي ماتستحين !!
شيخه : هههههه شسوي بشووف شصاير من وراي
مها اللي توها داشه : منور ... ترى محل الورد بره .. يبي يدخله وين بتحطونه خلود يقول ؟؟
منيرة اللي ماتدري عن شي : ماادري
شيخه من فوق : نطروني .. ابدل بسرعه واييييي
مها : بسم الله انتي من وين طلعتي ..!!!
شيخه : من مخباااااتج خخخخ .. يعني شايفتني بالروب .. اكيد طالعه من الحمام
خاله ناديه : يله نزلي عااااد .. بسكم مو وقت سوالف
رحت طيران غرفتي ولبست عباتي ولفيت شيلتي أي شي ونزلت اشوف الورد .. تدرون منو شفت !!!
خلود كان مغتر وشحليلاته .. وواقف يمه ناصر ولد خالتي رررررررررزه .... يعني شي مااقدر اجذب فيه . نصور لما يكشخ ياخذ العقل ... بس لايتحجى .. يطييييح من عيني صج
جراحو كان يمه ولابس غترة ودشداشه .. وشكله نننننكته .. جنه سوري كاشخ حلايا هالشعر
جراح يكلمني : anti shekaa!! >> hi
التفت صوبه عالسريع وابتسمت ابتسامه حلوة .. صج اني ماحب اليهال وايد .. بس هالولد ينحب .. ذرب جنه عيال الانجليز .. وبعدين يكسر خاطري .. : هلا وغلا .. جرااحو .. انتا من متى هني .. !
جراح : توني .. I will show u my xbox >> anew games come !
وقعد يرني من ايدي يبيني ايي معاه
ناصر : شلونج شيخه ؟
شيخه : بخير الحمدلله .. شلونك انتا ؟
ناصر بابتسامه : بخير دامج بخير ... يالغاليه
طلعت عيوني .. الغاليه !! .. انا ... !!
حبيبي جراح شوي بس وايي معاك
وخرت عيوني عنه .. ومستغربه من الحيط اللي واقف يمه .. خلود . شنو هالاحساس .. واحد يغازل اختك ويقولها الغاليه .. عاادي !!
طلعت اشوف الورد ودخلوه وحطيته صوب كوشه منور وانا ومهاوي قعدنا نسنع باجي الاشيا .. وكنت اسوي روحي مو مهتمه حق ناصر .. حسيت ان نظراته ماطاحت عني كلش. .حتى مهاوي كانت تنغز بكلام مافهمته .. وجنها تدري عن اخوها شي ..
خالد : مهاوي .. لبسي حجابج .. عزوز وسلطان بيدشون الحين
ماكنت منتبهه على كلام خلود .. كنت احوس بهالورد .. وصادف بنس الوقت يه البوفيه .. فكت كل شوي اطل على صاله الاستقبال اشوفهم شيسوون ..
كانوا خالاتي كلهم يايين تقريبا ..والبنات بييون عقب العشا .. ماكان فيه غيري وغير مهاوي .. ومهاوي طبعا شوي تحوس معاي وشوي تقعد عند ريلها .. كنت اشوفهم ييضحكون ويسولفون .. تشوقت .. قربت من الصاله وقعدت
لاحظت انه عزوز بينهم .. رفعت عيوني صوبه ونزلتهم يوم ناصر ناداني بصوت واطي ..
والكل كان يسولف مو ملاحظ
ناصر : شيخه
شيخه : هلا ناصر !
ناصر : ماتبين تروحين الصالون ؟
شيخه : بلى بروح مع منور بس انطر حصه تيي وبروح معاها
ناصر : ليش ماتروحين مع مها ؟
شيخه : ماادري عنها ..
مهاوي أي صالون بتروحين ؟
مها : نفس صالونكم .. حجزت لاني مالقيت حجز مع خواتي
شيخه : عيل احنا بنروح الحين ترى حصوه يايه بالطريج
مها : تو الناس .. انا بعد ساعه جذيه بروح.. خلج معاي .. خلي حصوه ومنيرة يروحون اول . .عشان منور عروس
شيخه : انتي منو بيوديج ؟
مها : خالد
شيخه : اوكي خلاص عيل
سكت ونسيت اصلا ان السؤال كان من ناصر ولا اهتميت ..
كنت قاعده وانا مستغربه من روحي .. ماعاد شعور الشوق والحب فيني اتجاه ناصر .. مع انه كشخته اهي نقسها اللي احبها .. وعاقل ماقط علي غير كلمه وحده ..
واستغربت من روحي اكثر اني قاعد ه في مكان عزوز موجود فيه .. ماادري بعد الكيكه اللي يابها صرت .. اتقبله نوعا ماا .. مو معناه ان الوضع عادي .. بس يعني كل واحد بحاله
كنت كل شوي ارفع عيني عليه واشوفه خطافي .. لما يكون يسولف مع خلود ولا سلطان .. لاحظت انه ماسولف مع ناصر كلش .. غرييبه
جراح : anti >> come please !!!
قعد يير ايدي جراحو يبيني اشوف الاكس بوكس مالته ..
شيخه : زيييين حبيبي الحين اقوم معاك
عقب طلعت كلمة من ناصر كانت مثل الجبل على راسي ... بصوت واطي وهو مقرب مني ومن جراح .. يسوي روحها يبعده عني .. قط الكلمة ووخر
ناصر : حني على ابو جراح .. وسمعيه هالكلمة
حسيت مثل الكهربا سرت بجسمي .. انصعقت .. وتيبست بمكاني .. قعدت اخزه باستغراب .. وقمت بسرعه ولولا سلطان جان عرفت شلون ارد عليه جليل الحيا
صعدت غرفتي وشفت منور بتطلع
شيخه : منور .. روحي انتي انا بيي بعد ساعه مع مهاوي
منيرة : اوكي .. لاتتتأخرون ترى الصالون زحمه
شيخه : اوكي
كان مالي خلق حتى اروح الصالون .. صعدت غرفتي وطلعت الاشيا اللي بحتاجها .. وزهبت فستاني .. وصليت العصر .. وجابت التلفزيون بملل شوي عقب نزلت مالقيت غير خالاتي
مهاوي : شيوووخ يله ترى خالد بره
شيخه : زين عيل بس اييب اغراضي
صعدت ويبت فستاني وطلعت بره .. شفت خالد واقف مع ناصر وعزوز .. سلطان كان واقف مع شباب .. جنه جاسم ولد خالتي فاطمه وجم ريال ماعرفتهم
قربنا انا ومهاوي من سيارة خالد .. بس شفته قالنا
خالد : لا ركبوا مع ناصر . .اهوا بيوديكم ..
شفت عزوز التفت فجأة على خالد باستغراب .. وحسيته متضايق .. حتى انا تضايقت . مالي خلق اركب معاه .. ولا اقولكم . .فرصه عشان ان قال شي بالجوتي على ويهه .. لازم يوقف عند حده
ركبت السيارة .. انا كنت ورى سيت مها. .. ومها يدام يم ناصر
واول ماركبنا .. شفته يحط شريط عبدالمجيد اليديد .. يعرفني امووت في عبدالمجيد .. فاستانست يوم حطه
شيخه : الله نصوور .. احسن شي سويته
مها : اووو لاتموتين علينا بس
ناصر بلهجه : كلشي تحبينه بسويه جم شيخه عندنا ..
شيخه : احم .. يله زيين ودنا الصالون اشووف من غير قرقة .. خل نسمع
تمينا على سوالف وضحك بالسيارة .. حسيت نصور متغير شوي .. رغم انه بين فترة اوالثانيه يقط له كلمه .. لكن قررت اني اطوف واسوي روحي مو منتبهه ..
اول ماوصلنا .. نزلت مهاوي .. وكنت توني بفتح الباب بنزل .. ولا يقولي ناصر
ناصر : تمي شوي .. بكلمج
شيخه : هاا وهذي قعده .. يله قول شبغيت ؟
قلتها وانا ابتسم .. ادري مصيبه من مصايبه اليديده
ناصر : اذا خطبتج ... توافقين !!!
الصالون
كانت منور طالعه مثل الافلام .. ماشالله فستانها ومكياجها اللبناني .. وشعرها المرفوع ونعومتها .. اول مرة احس ان في احد احلى مني واهي اختي هههه .. لاتفهمونها غرور .. بس هذي ثقه
كنت اضحك واسولف .. ابي انسى الكلمة اللي قالها لي ناصر .. اللي كنت اتمنى انه يقولي ياها قبل ..
الحين ... !! .. الحين تمنيت اني ماسمعتها ..
حاولت اني اتناسى الموضوع .. واستانس بملجه اختي الحبيبه ..
طلعنا من الصالون وكان خالد اللي ياينا .. استغربت مهاوي لان خلود قال مايقدر .. وياينا بسيارة عزوز الرنج
مها : وين سيارتك ؟
خالد : قلت سيارتي ماتكفي الجيش اللي باخذه من الصالون .. خذيت سيارة عزوز اكبر
خالد بصوت يسمع منور : مبروووك منورة .. والله يوفقكم ياعرايس .. والفال حق زوااجي أأأأأأأأه
مهاوي تضحك : هههههههههه.. زين حطلنا شي فرفوش .. ترى احنا رايحين عرس ..
خالد : تبين تشحين حق الرقص هاا .. فديييييت هالويه انا
خالد يكلم حصه : حصوص . .ريلج خذا سيارتج ؟
حصه بضيقه : ايه
خالد : شفيج حصوص ؟
حصه : ولا شي .. بس مستانسه .. فيني بجيه
خالد : هههههههههه وليييييييين !!! .. انتو بالفرح تبجون وبالحزن تبجون .. شهالحاله
انا كنت على طريف .. بس ماسكه روحي .. ماكنت ابي اخرب فرحة منور وانا اشوفها خايفه ومرتبكه .. تضحك شوي ويضيق خلقها شوي ..
شيخه : ياماما اليوم عرس .. نبي هرنات اخوي العزيز .. سمعنا هالرنات السنعه .. خل الشارع كله يدري ان في السيارة عروسه حلوة .. واختها القمر
الجميع : ههههههههههههههههههههههه
نفس اللحظات
عزيز
صبرت بس ماقدرت اتحمل اكثر .. تحملتهم وهما يتغازلون يدامي في بيت خالد .. تحملت نظراته هالخايس وضحكاتج ياشيووخ معاه .. تحملت طلعتج معاه الصالون .. بس عاد كلشي له حد ..
يوم دقوا البنات على خالد وقالووله انهم خلصوا .. قالي بدق على صلاح ولا ناصر اذا فاضي ييبهم .. عصبت ومامسكت اعصابي
عزيز : انتا اللي بتيبهم .. قوم الحين خلود
خالد : زين ليش معصب بس
عزيز يداري الغضب بسرعه : مافيني شي .. بس يااخي هذول بنات بروحهم .. وطالعين من صالون .. روح انتا ييبهم
خالد : سيارتي ماتكفي ..صلوح يسوق سيارة السايق اكبر ..
طلعت مفتاح سيارتي من جيبي وحطيته بايده : هااك .. خذ سيارتي اشوف
خالد : ههههه زين ياعمي لاتكفخنا بس ..
طلع من عندي خلود وانا تميت في الدوانيه احوس .. واطق ايدي بالطوفه .. كنت بمووووت .. شسوت معاه بالسيارة .. شقالوا .. اكييد طول الوقت تضحك وهو متشقق .. اكيد حلالهم الجو ..
غمضت عيني وتذكرت كل كلمة قالها الحقير حق شيخوه ... كنت باكلهم بعيوني .. وانا اشوف الحيوان يقولها .. حني علي وقوليها .. يبيها تقوله حبيبي .. تقولها وليش ماتقولها هالـــ
والله .. والله ماخليهم .. هيين
طلعت بره وتميت واقف بره بيت خالد انطره بس يوصل .. ناصر كان توه ياي وصفط سيارته وتم قاعد فيها ماادري شكان يسوي .. وقفت بعيد علشان مايشوفني .. مالي خلقه .. هذا حسابه بعدين ..
واول ماوصل خالد ودخل الكل .. شفت ناصر نزل من السيارة ومن غير مايحس خلود اللي دخل مع البنات .. سحب شيخه من ايدينها وهي كانت مغطيه وييها .. وبسحبته طاحت الشيله عن ويهها
ماكنت سامع شيقولون ولا ني شايف وييها .. بس اشوفها تتلفت وتحاول انها تمشي .. وهي ماكسها حيل
حسيت روحي بنفجر .. ييت صوبهم وانا كنت خلاص بايعها .. وناديت بحزم
عزوز : ناصر !!
ناصر التفت لي ببرود : نعم !
تميت اخزه .. شهالوقاحه ..
وقلتله ببرود يسبق عاصفه مثل مايقولون وانا اتعوذ من بليس : اترك ايديها
ناصر : انتا مالك شغل .. بنت خالتي وكيفي
قربت منه والنار شابه بعيوني .. ووخرت ايده من ايدها .. بعد ماخزييته خزة حسيتها يمكن تشب الدنيا كلها .. وركبت سيارة خلود اللي عندي مفاتيحها .. وطلعت طيرااان
تتمة البارت
شيخه
كنت ماشية وانا تقريبا يالله اشووف بسبب الغطوة اللي على ويهي .. تعرفون سوالف الخوان يعني .. خلود يسوي فيها حجر ومايرضى نتمكيج ونطلع يدام خلق الله .. مع انه احنا بالسيارة .. بس يله شنسوي .. احكام الشباب الشياب ههههه
كنت امشي اخر وحده لاني صج ماكنت اشوف الطريج عدل وخفت اطييح لكن انتهبت فجأة على ايد تمسكني وتسمحني بقوة
التفت وكان نصوور .. تخيليوووو ... هذا شيبي
شيخه : نصوووور .. شفيك !!
ناصر : وين رايحه ؟
كنت ابي اعدل شيلتي اللي طاحت من على ويهي بس موقادره بسبب مسكته القويه : بدش دداخل شفيك هدني !!
ناصر : زين تعالي قبل ماتدشين .. خل نقعد شوي بالسيارة
عصبت .. لا ماعصبت الا بغيت انفجر : انتا شفييييك ينيت !!
صرت اتلفت يمين ويسار خفت احد يشوفنا .. وهالحقير مو راضي يهد ايدي
شيخه : نااااصر هدني .. وخرررر عورتني
ناصر : مراح اهدج لما تيين معاأأأي
وقطع كلامه صوت رجولي خشن حسيت انه هزني قبل أي شي .. لاشعوريا خفت قبضة ناصر عن ايدي ورفعنا عينا احنا الاثنين صوب مصدر الصوت ..تدرون منو !!!!
عزوز ... ايييه عزوز .. كنت راضيه لو ابوي او احد من اخواني يشوفني .. بس مو عزوز ... الا عزوز
محد يعرفه كثري ..
تميت ساكته ماادري شنو قالوا لان عيوني طول الوقت كانت تشوف الارض وتنزل دموع .. ماكنت خايفه من نصور .. عاادي .. مابجيت من موقفه الخايس .. بس بجتني نظرة عزوز .. ونبرة صوته وعصبيته .. ماكنت قادرة ارفع عيوني من على الارض الا لما حسيت بايده تير ايدي من ايدين نصوور بقوة .. رفعت عيني المليانه دمووع بويهه .. شفت الغضب اللي ماعمري شفته بعيونه .. كان ينافخ ومسكر على ضروسه حييل وجنه يقولي ان بطلتي حلجج بييج طرااق .. نظرته كانت عتب ولوم وو .. استحقارر .. انا مالي شغل .. مسكت ايدي وصحت حييييييييل وركضت صوب المطبخ وسكرت الباب وراي وانا في حال مايعلم فيها الا الله
رحت صوب الثلاجه وقعدت على الارض وانا ابجي .. قهرووني .. شيووخ .. ليش تبجيين .. بالطقاق اللي يطقه .. محد قاله يتليقف وييي صوبنا .. مسوي فيها ريااال وشهم يعني ... بيني وبينكم لو مو عزوز كنت اخذت حقي بيديني وعرفت شلون اتفاهم من هالمينون نصور .. خله يفكر باللي يبيه .. اهم شي اني في عيوني وعيون اخواني واهلي اشرف منه .. يعني عباله اني بخااف منه !!
لحظة انا ليش قاعده ابرر .. انا ماسوت شي غلط .. اوووووف
شفت ويهي باستيل الفرن شلون مكياج عيوني راح يخترب من الدموع .. قمت من مكاني .. وانا اتوعد هالاثنين .. مو اهما اللي يخربون علي فرحتي باختي ..
طلعت من المطبخ وانا امسح دموعي واحاول اكون طبيعيه واعدي هالليله على خير .. وبعدها يصير خير
الساعه 9 ونص
دخلت منور على اغنية الجسمي .. وكااانت واااااو .. طالعه صج كيووت وتييين .. مع فستانها الناعم وشعرها اللبناني ومكياجها السمبل .. كانت جنها مالوت الافلام .. حتى يوم سلمت على خلود وصلاح وابوي .. ماعرفوها من كثر مو طالعه جنااااان
رقصت مهاوي وحصوص والبنات شوي .. وليلوووو يااايه بعد .. كانت قاعده يم امها ولابسه مووف بس وووع ذوقها كان دفش .. وجنها اهي العروس مو منور .. انا ماعجبتني عكس حصوص ومهاوي اللي قالوا ان فستانها فناان وروعه .. يمكن كان حلو .. بس ياربي هالبنت شنو تلبس مااحبه عليها
ماكان لي خلق ارقص .. كنت منغثه من نصور ومن شوفه هالشيفه .. بس يوم شفتها رقصت على اغنية مشكلني وهي رافعه خشمها فوق وجنه الارض مو شايلتها .. تمشي جنها امييرة الحمدلله والشكر ..
عنادا فيها قلت للدي جي يحطلي اغنية عبدالمجيد عبدالله
تلفت الناس لامريت
تكسر رقاب خلق الله
الزين خذته ولا خليت .. حرام لا تاخذه كله
لباقي الناس وش بقيت .. يا اللّي لك أوصاف مكتملة
وتمر عادي ولا حسيت .. حسنك به الناس منذهلة
طلتك حلوة الى طليت .. يا حلوها جد من طله
الكل يصرخ الى من جيت .. هذا القمر وانقلب ظله
تخيلوا وبس انا اللي رقصت ... >> محد يغلبني بالغرور ..احم ههههه
تصدقون عاد .. بعد ماخلصت الاغنيه مهاوي قالتلي .. صكيتي عليها بل ...
حاشتني النشوه ... بس هذا اهم شي
بعد ساعتين تقريبا .. دش المعرس .. بس عاد شنو معرس ..
يحللها منور عرفت تختار .. طول وجمال وسكبه .. بس حرام كان مستحي شوي من الناس ..
بس عيونه ماشالها عن منيييرة
الجانب الثاني
منيرة
اوووف ملييت من هالكرسي تعبت .. وتعبت بعد من كثر ماابتسم .. كل شوي تقولي هالمصورة .. ضحكي .. لفي .. رفعي ايدج .. نزلي ايدج
كنت ميييته تعب ويووع . .بس كلشي طار يوم يتني حصوص وقالتلي المعرس بيدش .. مسكت ايدها على طول وانا اقولها
منيرة : ابوي معاه ؟
حصه : لا خالد وصلاح معاه .. ابوي عند الريايل بالدوانيه
سكت وانا احاول اخفف رعشة ايديني ... فيصل .. لا .. انا مابيه . خلاص هونت .. شلون رضيت عليه .. يااربي
كنت مرتبكه .. وكنت اسمع حصوص ولا مهاوي ولا شيوخ كل شوي وحده تهديني .. الين ماحسيت بايد امي على جتفي .. وقتها بس راح كل الخوف والقلق .. رفعت راسي وانا ابتسم لها كانت تبجي وتمش دموعها .. كنت ماسكه روحي بالموووووت ... قربت مني وقالتلي
ام خالد : الله يوفقج .. انا جذي ارتحت وتطمنت عليج ..
وابتسمت ابتسامه اول مرة اشوفها على ويه امي .. جنها ابتسامه فرح ممزوجه بحزن .. ماادري
التفت صوب الباب بعد ماسعت دخل المعرس وصوت هب السعد يهز الارض ويهز قلبي معاه ..
نزلت عيوني وانا حدي مرتبكه .. وكانت حصوص ومهاوي يمي بشيالهم وعبيهم .. حسيت روحي غلط هههه لاتضحكون .. بس والله كنت احس بشي غريب .. شلون كاشخه يدام ريال مااعرفه ..
ياخبله هذاااا رييلج الحين ... !!!! ياويل حالج يامنور .. متى بتعودين
قرب خالد وحبني عى راسي واباركلي وصلاح نفس الشي ..
وعقب قرب مني فيصل وباسني على راسي وهمس لي بصوته
فيصل : ماادري اباركلج ولا ابارك لروحي .. انا محظوظ .. والله محظوظ
سكتت ولا رديت عليه .. كنت احس ان ايدي انصهرت من مسكته .. حسيت ان قلبي ذاب مابين ضلوعي
اعرفه زييييين صاحب كلام .. الله يستر بس ..
الجانب الثاني
فيصل
ماكنت مصدق عيوني يوم شفت منور .. اهي من الاول حلوة .. ومن اول يوم شفتها كانت عاجبتني .. بس اليوم كانت غير .. كانت ملاك .. لا كانت قمر .. احلى من القمر .. شنو القمر يم هالويه ..
كنت مبهور فيها . .لدرجه اني ماقدرت اشيل عيوني عن ويهها .. حسيت بالاحراج .. بس شسوي مو بيدي
قعدت يمها وعقب قربت منها شوي ومسكت ايدها وانا حاس فيها تكش .. كنت اضحك من داخلي .. عاجبني هالحيا .. قلتلها
فيصل : دوختيني على مارضيتي .. يرضيج تسوين فيني جذيه
منيرة بهمس : مب كل البنات مثل بعض
فيصل : ولا كل البنات مثل هالقمر اللي يمي .. بس صج لو كنتي رافضتني .. كنت يمكن اختطفتج
منيرة : ههههه لا والله
فيصل : اييه .. كيفي احبج
شفتها سكتت من قلتلها هالكلمة .. ماادري سمعتها ولا لا .. لان كنا نتهامس وسط هالازعاج
عقب يتنا بنت .. شكلها اخت منيرة الكبيرة
حصه : بالمبارك فيصل ..
فيصل : الله يبارك فيج .. تسملين
حصه : هذي الوالده تبي تسلم عليك
وقربت مني ام خالد اللي كان باين من ويهها انها طيبه ومرة زينه ... سولفتلي عمتي عنها وااايد .. وحبتها حييل
بستها على راسها وخذينا جم صورة .معاها ..
كانت كل شوي تشوف منور .. وتعدل فستانها . وتبوسها على خدها .. حسيت ان علاقتهم حييل قويه ..
حصه : منيرة حبيبتي شوفي الكاميرة عشان التصوير ..
الساعه 2 ونص
شيخه
توها حصوص تروح بيتها بعد هالتعب والربشه .. وخالد راح يوصل مهاوي بيتهم وبيرجع .. صلوح راح نام لان طيارته باجر مبجر ويبي يلحق ..
امي وابوي صعدوا غرفتهم .. لان امي كان باين عليها التعب مسكينه .. تيمنا انا والخدم نعدل ونشيل .. طبعا انا بس اعطي اوامر .. الله يذكرج بالخير يامنور .. .انتي كنتي شايله كل شي . شعرفني انا بهالسوالف
صح نسيت اقولكم .. منور طلعت مع ريلها يتعشون في فندق .. وعلى اساس انهم بيردون قبل الاثنعش .. ابوي قالي دقي على اختج لاتتأخر بره .. بس عاد هالشياب يحبون الحكرة .. خل البنت تستانس بيوم ملجتها شنو هالتخلف .. ماني داقه
كنت حدي تعباانه وبناام .. وتخيلوا للحين ادور بهدومي .. مابدلت ولاغسلت مكياجي .. بس يله مابقى شي واخلص
الجانب الثاني
السيارة
خالد : هلا عزوز هاا وينك انت .. دقيت عليك فوق الاربع مرات مارديت علي !!
عزيز : هلا خالد ... كنت ... بالبيت
خالد : شفيك ؟؟
عزيز : ولا شي .. اقولك .. مفتاح سيارتي عندك .. فيها اوراق ابيها ضوري .. بمرك الحين
خالد : زيين انت روح البيت وانا اييك الحين بوصل مها البيت .. عطني عشر دقايق بس
عزيز : اوكي .. لاتتأخر
خالد : اوكيه باي
عزيز : باي
سكرت من خلود وانا نفسيتي زفت اليوم .. اخذت سويج سيارة خلود وطلعت بدشداشه من غير غترة ..
تميت طول الطريج سرحان .. كنت اسمع شريط راشد وانا سرحان .. ونار بداخلي ماطفت .. تحسفت ليش ماذبحته .. ليش ماعطيته كف .. علشان مرة ثانيه يحرم يمس شعرة من شعر شيخه
شيخه ..!! ... هذي دواها بعدين ..
وصلت البيت ودخلت الدوانيه على طول وسكرت الباب وراي .. وانصدمت فيها
تدرون منوبعد !!! .. كانت شيخه .. اا
لا مستحيل هذا اهيا ... في بنت من جنس البشر بهالجمال !!
كنت مبحلق وناسي روحي ..ناسي اللي توني معصب منها وطفران من عمايلها .. ناسي انها اخت خلود .. وانها تحب ناصر .. وجنه شي يخليني مااوخر عيوني عنها .. وجنه جفوني يبست بعد ماشافت هالحسن كله .. تيبست بمكاني ماقدرت اتحرك .. يمكن من الصدمه او .. مادري
ماصحيت الا على نبرة صوتها اللي تينني الممزوج بخوفها
شيخه وهي تغطي ويهها بمخده : اطلع شوووي
ماادري ليش عصبت ... الحين تبيني اطلع والحقير كان ماسكها ولا قالت شي
قلت بلحظة غضب وانا اوخر عيوني عنها واطلع : لاتخافين .. انا مو ناصر .. ولا انا شخص قليل تربيه !!
طلعت ... حسيت ان هالكلمة ريحت قلبي من وايد اشياااا .. على الاقل طلعت غضبي كله .. ويمكن لاتميت اكثر .. راح اقط كلام اكبر ..
تميت واقف بره الدوانيه .. وانا انطر خلود الين مايه وخذيت سويج سيارتي وطلعت طيراااان على مخدتي بعد مااقنعت خلود اني مااقدر انام هني .. لان الدوانيه عفسه .. وانا حدي تعبان
شيخه
تدرون بعد ماسمعت هالكلمتين اللي مثل الجبل .. اخذت المخدات كلهم وصرت اقطهم على الباب اللي سكره .. شقصده .. ليش يقول جذيه .. وانا شعلييي .. اخاف عباله اني انا ابي نصور وميته عليييه !!
حقيييير .. اكرهك .... تفهم
صعدت غرفتي وانا ميته قهر .. سكرت الباب وانا ابجي .. شنو هاليوم الكئيييب ... لمست ايدي وين ماكان اهوا ماسكني قبل ساعات .. حسيتها بتحترق من لمسة ايده .. وقلبي قاعد يحترق زوود من كلامه .. اكرهك
طلعت دفتري وكتبت فيه
اكرهك عزوز .. اكرهك
وسكرته وغيرت ملابسي ونزلت كمت شغلي وبعدين اخذتلي كوب حليب وقعدت بالصاله انطر منور تيي .. وبس ييت حتى ماسألتها شسوي رحت ادور الفراش .. كانت تخربط على راسي بس ماادري شتقول .. كنت دااايخه ومقفله صج
الساعه 3 ونص
غرفة عزوز
عبالكم اني قدرت انام .. اللي زاد الطين بله .. شوفتها .. ليتني ماشفتها عالاقل كنت اقدر انام ..
اوووف الين متى هالحاله ...
كنت منسدح على فراشي وافكر .. باجراليمعه وراي قعده من الصبح .. والاسبوع الياي محبوسين بالمعسكر .. قبل شوي مريت ابوي وشفته نايم .. مااطمنت عليه لان شكله كان تعبان .. فكرت اخذ اجازة واتم معاه بس مو راضين الدوام ..
حسيت بصداع راسي يردلي من يديد .. طلعت باكيت البندول واكلت حبه وحاولت اني اريح بالفراش شوي .. الين ماسمعت تلفوني يرن .. كان رقم غريب
شلته
عزيز : الو
عبير بصوت انثوي ناعم : هلا
عزيز : من معاي ؟
عبير : امم .. هذا من تلفون نورة ؟
عزيز : لاموتلفون نورة !
عبير : عيل تلفون منو ؟
استغربت شهالميانين تالي الليل ناقصج بعد : باي
وسكرت التلفون وعلى طول رن وكان خلود
عزيز : هلا خلوود .. شمقعدك ؟
خالد : ماادري .. مو يايني نوم
عزيز اللي كان مصدع وراسه يفتر بس مااحب انه يرد خلود يمكن بخاطره شي يبي يقوله
عزيز : تفكر !! ؟
خالد : عزوز .. لاتفهمني غلط .. بس ابي اقولك شي
عزيز : قول شصاير ؟
خالد : احس اني ... تسرعت بهالزواج !
قمت من سدحتي بسرعه : هااا !!
خالد : قلتلك لاتفهمني غلط
عزيز : عيل شلون تبيني افهمك ؟؟
خالد : اووف .. انا قصدي يعني العزوبيه .. تكون انت حر .. طليق .. الحين احس اني مرتبط .. ووراي مسؤليه
يمكن لو كنت ناطر شوي احسن !! ..
عزيز : خرعتني عبالي عندك سالفه
خالد : وهذي شي مو مهم يعني !
عزيز : شوف خلود .. كل واحد في بدايه زواجه يحس احساس غريب ويحن للوضع اللي كان فيه قبل الزواج .. لكن بعدين بتتعود .. ولو قلتلك الحين اترك مها .. مراح تقدر .. الموضوع طبيعي واحساسك بعد طبيعي بس المهم انه مايطول .. حاول انك تتأقلم مع الوضع اليديد .. بالعكس انا اشوف الزواج فيه حريه يمكن مو مثل العزوبيه .. لكن عالم احلى من العزوبيه بوايد
خالد : احلى احلى يابوسعود .. شهالحكم !!! .. اللي يسمع كلامك يقول الاخ متزوج وعنده درزن يهال
عزيز : ههههههههه اووو كل شوي هذا بيعايرنا انه متزوج ..يبا درينا انك متزوج
خالد : ههههههه لا ماعايرك .. اقولك شي صار اليوم بعد تستغرب منه
عزيز : قوول
خالد : ابوي بيسافر بعد يومين جذيه ..
عزيز : وشنو الغريب في الموضوع ؟
خالد : ابوي مايحب السفر .. وان سافر راح العمرة
عزيز : ليش وين ناوي يروح .. بانكوك ؟؟هههه
خالد : لا .. يقول بيروح الامارات .. عنده شغل
عزيز : وخله يروح .. مافهت سبب استنكارك ؟
خالد : ابوي الحليب اللي ينتجه من المزرعه يتصدر بالكويت .. هالمرة طاري عليه مصانع بالامارات يبي يصدر لها ويتعامل معاها ..
عزيز : اها .. بالعكس شي زيين والله ..
خالد : عزووز .. افهمني
عزيز : ههههههه والله انتا مو صاحي .. اقول روح ناام احسن
خالد : لحظة بعد فيه خبر طازج محد يدري فيه غيري انا وابوي
عزيز : شنو ؟
خالد : ناصر ولد خالتي ....
عزيز فز من مكانه وبهدوء مصطنع .. لكن اهتمامه كله بالكلام اللي بيقوله خالد بعد هالصمت : شفيه !!!!
خالد : خطب شيووخ اختي ..
مسكت تلفوني بقوة .. كان شوي بينكسر من مسكتي عقب ذيج الجمله اللي سمعتها من خلوود .. سكت .. تخيلوا .. ماقدرت انطق بحرف .. ولا حرف .. حسيت روحي ضعيف .. حسيت ان الناس يقدرون ياخذون مني قلبي وانا ساكت اطالعهم ..
خالد : الووووو !!!
عزيز : معاك
خالد : شرايك انت ؟
عزيز : انا مالي شغل .. كيفكم
خالد : والله ابوي احسه مو متشجع .. بس راي شيوخ اول ..
عزيز : مو .. جنها صغيرة شوي ؟؟
خالد : انا قلت جذيه .. بس عاد شياب ماعندهم صغيرة ولا كبيرة .. تعرف العقليات انتا
بعد سكت .. كنت اير الحروف والكلام من روحي يرر .. ماكنت عارف شقول .. وماكنت متوعق ان هالشي بيصير .. عالاقل مو بهالسرعه ..كنت اشوف الحلم يدام عيوني قاعد يروح .. ويروح بعييد ولاني قادر اسوي شي ..
خالد : الووو ..
عزيز : اقولك .. انا حدي دايييخ وماادري شقاعد تتقول .. اشوفك باجر ونتكلم
خالد : اوكي اوكي .. يله باي
عزيز : باي
واول ماسكرت التلفون من خلود .. قطيت روحي على الفراش وغمضت عيني ..احاول اني اتناسى الكلام اللي سمعته بس ماقدرت ..
اخذت سويجي وطلعت بره البيت .. وبره همومي ..
اليوم الثاني
الساعه 9 صباحا
شيخه
قمت وانا بالمووووت اير ريولي .. سبحت على السريييع وغيرت ملابسي ولبست دراعه فوشيا ولفيت شيلتي ونزلت تحت لقيت الكل قاعد .. طبعا مانسيتو ان اليوم بيسافر صلووح .. يمكن يرجع قبل الدوامات او يمكن لا .. لان مايسوى يرجع .. فقعدنا كلنا عشان نسلم عليه ..
في الصاله كان سلطان وحصه وعيالهم ومنيرة وابوي وامي وخالاتي وجاسم ولد خالتي وطبعا العله ناصر .. خالد كان توه ياي من بره
سلمت على الكل ورحت صوب حصوص ومهاوي ومنور
مهاوي : شيووووخ .. تعالي شربي جااي
شيخه : صبيلي يااختي .. عشان اصحح .. احس اني مسطله
منيرة : منو شنو حبيبتي .. نايمه لين ماشبعتي
شيخه : انيت اوووش لاتحجيين . .اصلا المفروض ماتنطقين بحرف .. امس كلشي على راسي .. جني خداامه اشيل واحط واخم ولا احد ساعدني .. ولا فوق هذا بعد نطروو منوور علشان افتح لها الباب ..
مها وحصوص : هههههههههههههههههههه
منيرة : انكرفي مرة وحده بحياتج .. عشان اختج حبيبتي .. عادي
ولزقت منور فيني .. تسوي حركاات وتحظني وانا اوخرها
شيخه : لاتحااولييين .. زعلانه
منيرة : تبين اطلبلج من برجر كنج
بغييت اقولها ايه .. بس تذكرت هديه عزوز .. سكت شوي .. وين عزوز ..!! توقعته يكون هني
منيرة : هاا شقلتي
شيخه : ارضى بشرط ؟
منيرة : هاا ؟
شيخه : تقوليلي شنو سويتي امس مع فصوول
منيرة : وييييييعه .. اصغر عيالج فصووول !!
حصه : هههههه انسي تعبنا فيها ولا قالت ولا كلمه .. تقول اسرار
مها : هههههههه اقول مالت علي .. شفيني انا خريت الاكو واللي ماكو من اول يوم ملجت فيه على اخوكم
شيخه وهي تشرب استكانتها : لانج خبله على اختج .. احم اللي اهي انا هههههه
مها : صدقتي ههههههههههههههه
ام خالد : خلود .. وين عزوز يما .. جني سمعت صوته
فز قلبي يوم صار الحديث عنه ولا شعوريا لفيت صوب خالد انتظر الاجابه
خالد : يقول مايبي يدش .. بيسلم على صلاح بره
انصدمت .. اول مرة عزوز يسويها ومايدش .. العاده يدرعم او يقول عالاقل ابي اسلم على خالتي .. ان شالله مايبي يدش عشاني انا موجوده .. ليش هالكثر يكرهني ليييش !!! ..
تدرون شلوون .. احسن .. يعلك ماحبيتني بيووم !!
انا شقاعده اخربط .. ايه قصدي يحبني مثل اخته .. مثل منور وحصه ..
زين ياعزوز .. انا اعرف شلون اغثك صج ..
بعد ماقعدنا شوي .. طلع صلاح جنطته وحطها بالسيارة وبدى يسلم على خالاتي وعلينا وعقب امي كانت بالغرفة الثانيه .. قعد يدورها صلاح الين ماحصلها ودخل عندها وماشفنا هالوداع المبكي
الغرفة
صلاح : يما ان بجيتي ترى صج ماني مسافر
ام خالد وهي تمش دموعها بملفعها : شوف صلاح .. بقولك جم كلمه .. خلها لك للزمن ولا تنساها بيوم .. سواء كنت عايشه ولا ميته .. ابيك تكون قريب من ربك حتى بديرة الغربه .. خل ربك يدام عيونك دايما .. وحافظ على صلاتك وعبادتك .. لاتخلي شي يأثر عليك .. لاتكون مثل غيرك ..
صلاح : من عيوني يالغاليه .. بعد آمري
ام خالد : مااوصبك على روحك ..
وتمت ساكته وهي تشوفني ودموعها تنزل مثل النهر .. كنت استغرب امي ليش تشوفني جذيه .. حسيت انها تبي تشبع من شوفتي .. في عيونها حزن لكن تحاول تخبيه .. ماادري بس ماقدرت امنع روحي من حظنها
لميتها حييل وانا ابجي .. واهي تبجي .. كنت احسها قاعده تودعني .. وجنها مراح تشوفني بعد
صلاح : يماا .. ترى كل عطله انا بكون منرز عندج .. لأما تملين مني
ام خالد : مايندرى نكون عايشين ياوليدي ولا لا ! ! . .
صلاح : لاتقولين جذي يماا .. الله يعطيج طولة العمر والصحه ياارب
ام خالد : حط باك على روحك .. فمان الله يالغالي ......
:eh_s(17): :eh_s(17): فـديـتـكـم ؤفـديـت مـرؤركـم آلطـيـب :eh_s(17): :eh_s(17):
الجزء الخامس عشر
يوم السبت
الصبح الساعه 9 ونص
غرفة شيخه
كنت نايمة وفي امان الله انا واحلامي .. وماوعيت الا على طقه باب قويه ومن كثر خوفي عبالي صار غزو .. فزييت بسرعه وقلت بصوت عالي
شيخه : منو ؟
منيرة : قوووووووووومي يخياس النوم الساعه 9 ونص الحين بتيي حصوص وانتي للحين مالبستي
وليييين .. هذي اللي بتزوج وتبلشنا معاها
شيخه : مابي اروووح .. وخري عن الباب بنااااااااام
منيرة : بعد الين العشرة ان ماقمتي بكسر الباب .. وترى ماكو احد بيوديج السوق .. دبري بدله حق يوم الاثنين
اووووووف .. شنو هاليوم النحس ...
شيخه : زييين خلاص روحي الحين بقوم
وبس حسيت ان منور راحت رديت حطيت راسي على المخده .. مالي خلق يارربي .. بناام حرام الواحد ينام بالعطله .. يعني اقترح اسلوب يديد اذا احد يبي يعذب شخص مايحبه .. يقعده في عز وحلات نومته ..
ومامداها عيني تغفي الا نحيس يديد يطق بابي
صلاح : شييييييخه .. شيووووخ للحين نايمه .. قومي
شيخه بصراخ : مااابي .. ياناس خلوني انام
صلاح : فتحي الباب يله .. عفيه كل هالطق وللحين فيج النوم
قمت متنرفزة صج عاد .. وفتحت الباب بقوة
شيخه : نعم !! ياالله صباح خير
صلاح وهو يكتم ضحكته : لحظة لحظة .... دخيييييلج شوفي روحج بالمنظرة ... نطري بيب كامرة وبصورج الله يخليج ههههههههههههههههههههااي
استغربت هذا شفيه .. شدعوه شكلي يضحك لهالدرجه !
ياني الفضول رحت صوب المنظرة ... والله لا يوريكم شكلي .. امس نمت من غير ماامسح الكحل .. وكشتي وبجامتي السروال لون .. والبلوزه لون ثاني .. امس من التعب ماادري شلبست .. تبون الصج انا يتني الضحكه وقعدت اضحك
شيخه : ههههه بسم الله .. جنه قاطيني بغساله ومطلعيني
صلاح : هههههههههههه ااااخ مااقدر بطني هههههه
شيخه : اقول جب بس .. شتبي !
صلاح وهو محتار : احم .. س .. سألتي هذي رفيجتج عن تسجيلها !
شيخه تستعبط : أي رفيجه ؟
صلاح : هذي اللي .. بتسافر لندن تدرس
رديت استعبط : منو !
صلاح : اوووف .. اللي اقبولها تصميم داخلي
شيخه : ماعرفتها منو ؟
صلاح : شهد
شيخه : ودام تعرف اسمها ليش ماتقوله يعني ... ولا اسمها منجس !!
صلاح فر ويهه : هذا جزاتي اني بقدم خدمه صج ماتستاهلون
شيخه : تعاااال... أي كبمتها وقالت خل يكلم ابوي .. ويشوف
صلاح استغرب .. وبنفس الوقت ماكان متشجع .. اهوا يالله يعابل باوراقه هالدور اوراق وحده مايحبها ولا يشتهيها .. بس احسن .. انا اسوي اوراقها ولا تروح اهيا بروحها .. فاهم سوالفها هذي ..
شيخه : وبعد !
صلاح : بس .. يله روحي كملي نومتج
شيخه : بذمتك مقعدني عشان هالسؤال البايخ .. اقلب ويهك بس
طردت صلوح ورديت على سريري احاول انام .. بس وييينك يالنوم .. طار حسبي الله على اللي كان السبب ..
قمت بتثاقل وسبحت ولبست جني مسطله مااحب طلعات الصبح والسبه النوم ونزلت تحت لقيت الكل متيمع يتريق
شيخه : شهالنشاط .. !! الكل قاعد اليوم
ام خالد : الا انتي ... بالموووت الواحد يقعدج .. عنبوج ماتشبعين نوم
شيخه : يمااااا الله يخليج .. بلاها هالاسطوانه والله حفضتها .. مشتهيه يوم اقعد من غير ماتقولينها
قلت هالكلمه وقعدت يم ابوي اتريق
ام خالد : وياليتت تعلمتي عااد ..
بوخالد : خليها على راحتها ياام خالد .. ماتم بالبيت غيرها بنت ابوها
شيخه : ياااويلي .. انا اذوووب من هالحجي يابوخالد .. احم
صلاح ومنيرة : ههههههههههههههههههه
صلاح : طالع هذي من صجها مصدقه روحها .. اصحي ياماما .. كبر البغل وتتدلع
شيخه : كييفي مالك شغل
بوخالد : خلها تتدلع على كيفها .. اكلي يبا تعالي
وقعدنا نتريق الين مايات حصه .. وخذتنا ورحنا السوق نتسوق
نسيت اقولكم عن يوم الخميس .. كانت خطبه منور رسمي .. دشت وشافته ومن عقب ماطلعت وهي متخبله علينا .. مو جنها هذي اللي رفضته قبل جم يوم .. صج حريم ماينعرف لهم ..
وطبعا الريال بما انه مستعيل .. يبي الملجه يوم الاثنين هذا .. كلنا رفضنا وعارضنا .. بس بالاخير الكل اقتنع .. خاصه انه صلوح بيسافر الثلثاء .. يعني عالاقل يلحق على ملجتها
رحنا الصالحيه ومجمع زهرة .. واختارت لها منيرة فستان ناعم لونه اوف وايت حلو .. دانتيل قصير الين الركب وموديله انجليزي بسيط وفيه وورد زهريه من تحت على الدانتيل وقصه عريضه من فوق .. الفستان كان رهييييييييييب عليها .. وسعره فيه الصراحه .. خذته من غير تفكير لانها مالها خلق تحوس بعد .. رغم انه حصوص قالتله ان غالي شوي .. بس فكرت انه مافي وقت ندور شي ثاني ..
كنت اشوف منور شلون تقيس وتشتري .. غمضت عيوني لثواني .. اتخيل روحي باليوم اللي بجهز فيه وانا مستانسه جذيه .. باختار فستان غير .. الكل يتحجى فيه ..
منيرة : شيوخ شرايج هذا حلو عليج ؟
شيخه : ماادري مااحب اللون الاسود
حصه : ايه لاتبلسين لون اسود .. هذا الكرزي حلو شيووخ شوفيه
الصراحه كان رهيب .. بس كنت متخوفه من اللون .. كان كرزي .. وعمري مالبست لون جذيه
شيخه : حصوص .. ماتحسين ان اللون صارخ شوي ..
حصه : عادي انتي بيضا ماشالله .. بالعكس هالالوان حلوة عليج
منيرة : وااااو .. روحي قيسيه شيووخ
رحت غرف التبدليل وقسته .. كان صج حلو .. قصير فوق الركب بشوي .. ومخصر على الجسم .. وكوكتيل .. موديله بسيط بس عاللبس جناااااان
قررت اخذه بس ترددت بالاخير
شيخه : حصوص .. اخاف امي ماترضى .. شوفي مو عاري شوي ؟
حصه : لا عادي .. واذا مارضت انا اخذه اوكيه
شيخه : اوكي
طلعنا من السوق وكل وحده شايله ومحمله معاها جياس .. وردينا البيت نكمل الاشيا الباجي بالتلفون .. حجزنا بوفيه موفمنك وطلبنا ورد على لون فستان منور .. وحجزنا الصالون .. وتقريبا كل شي جاهز .. اهم شي شكلي يطلع اووكيه
الساعه 4 ونص
بيت بوعماد
الدوانيه
بوعماد : والله ياولدي .. مانبي نكلف عليك .. اهيا بتروح وخالها ان شالله بيستقبلهم هناك وبيكمل اوراقها كلها
صلاح : مالها داعي ييتها .. انا وياها بنفس الجامعه .. ممكن اخلص اوراق تسجيلها من غير ماتي .. ومافيها تعب ياعمي .. انا رايح رايح .. وو .. ميصير البنت تروح بروحها .. واحنا مو غرب ترانا عيال فريج واحد ومثل الاهل ..
بوعماد : بارك الله فيك ياولدي .. بيني وبينك انا صحيح وافقت على السفر .. بس احس بنتي بعيده عني ماهي سهله كلش
صلاح : البركه في خالها .. واحنا مثل اخوانها .. أي شي تبي لاتحاتي
بوعماد : يزاك الله خير .. انا بسألها وبشوف الاوراق اللي تحتاجها واعطيك ياهم باجر
صلاح : صار .. يله مااطول عليك .. تامرني بشي !
بوعماد : سلامتك ياولدي .. سلم عالوالد ..
صلاح قام : وصل .. يله فمان الله
بوعماد : فمان الكريم
كل هذا وانا كنت اتسمع على الحديث اللي دار بين ابوي وبين صلاح ... اخر شي توقعته يصير انه يقدم هالمساعده .. اعتقدت انه بيضيق خلقه اذا عرف اني بنفس الجامعه معاه .. ماادري شهالفضول اللي ياني وقعدت اسمع حديثهم ..
تعوذت من بليس قبل ماتركب براسي أي فكره .. وصعدت غرفتي وتيددت وصليت لي ركعتين اطلب فيهم من الله انه يحفظني ويثبتني على الدين والصلاح ..
يوم الملجة
الاثنين
الساعه 4 ونص
كانت اصوات اليباب والتباريك تاااارسه الصاله .. وانا منور كنا بنروح الصالون الحين .. وحصوه راحت تودي عيالها عند ام ريلها علشان تمرنا ونروح الصالون يميع
طلعت من الحمام بسرعه وانا بروب السباحه .. بشوف شالسالفه .. ولا منور مستحيه وامي وخالاتي يلمونها ويباركون لها ...
كلمتها من فوق الدري
شيخه : مبرووووووووك يااعرووووسه .. أسبح واييكم
منيرة : ههههههههههه .. ياويلج لايشوفج ابوي بس دشي
ام خالد : شيوووووخ واخزياااه .. دشي ماتستحين !!
شيخه : هههههه شسوي بشووف شصاير من وراي
مها اللي توها داشه : منور ... ترى محل الورد بره .. يبي يدخله وين بتحطونه خلود يقول ؟؟
منيرة اللي ماتدري عن شي : ماادري
شيخه من فوق : نطروني .. ابدل بسرعه واييييي
مها : بسم الله انتي من وين طلعتي ..!!!
شيخه : من مخباااااتج خخخخ .. يعني شايفتني بالروب .. اكيد طالعه من الحمام
خاله ناديه : يله نزلي عااااد .. بسكم مو وقت سوالف
رحت طيران غرفتي ولبست عباتي ولفيت شيلتي أي شي ونزلت اشوف الورد .. تدرون منو شفت !!!
خلود كان مغتر وشحليلاته .. وواقف يمه ناصر ولد خالتي رررررررررزه .... يعني شي مااقدر اجذب فيه . نصور لما يكشخ ياخذ العقل ... بس لايتحجى .. يطييييح من عيني صج
جراحو كان يمه ولابس غترة ودشداشه .. وشكله نننننكته .. جنه سوري كاشخ حلايا هالشعر
جراح يكلمني : anti shekaa!! >> hi
التفت صوبه عالسريع وابتسمت ابتسامه حلوة .. صج اني ماحب اليهال وايد .. بس هالولد ينحب .. ذرب جنه عيال الانجليز .. وبعدين يكسر خاطري .. : هلا وغلا .. جرااحو .. انتا من متى هني .. !
جراح : توني .. I will show u my xbox >> anew games come !
وقعد يرني من ايدي يبيني ايي معاه
ناصر : شلونج شيخه ؟
شيخه : بخير الحمدلله .. شلونك انتا ؟
ناصر بابتسامه : بخير دامج بخير ... يالغاليه
طلعت عيوني .. الغاليه !! .. انا ... !!
حبيبي جراح شوي بس وايي معاك
وخرت عيوني عنه .. ومستغربه من الحيط اللي واقف يمه .. خلود . شنو هالاحساس .. واحد يغازل اختك ويقولها الغاليه .. عاادي !!
طلعت اشوف الورد ودخلوه وحطيته صوب كوشه منور وانا ومهاوي قعدنا نسنع باجي الاشيا .. وكنت اسوي روحي مو مهتمه حق ناصر .. حسيت ان نظراته ماطاحت عني كلش. .حتى مهاوي كانت تنغز بكلام مافهمته .. وجنها تدري عن اخوها شي ..
خالد : مهاوي .. لبسي حجابج .. عزوز وسلطان بيدشون الحين
ماكنت منتبهه على كلام خلود .. كنت احوس بهالورد .. وصادف بنس الوقت يه البوفيه .. فكت كل شوي اطل على صاله الاستقبال اشوفهم شيسوون ..
كانوا خالاتي كلهم يايين تقريبا ..والبنات بييون عقب العشا .. ماكان فيه غيري وغير مهاوي .. ومهاوي طبعا شوي تحوس معاي وشوي تقعد عند ريلها .. كنت اشوفهم ييضحكون ويسولفون .. تشوقت .. قربت من الصاله وقعدت
لاحظت انه عزوز بينهم .. رفعت عيوني صوبه ونزلتهم يوم ناصر ناداني بصوت واطي ..
والكل كان يسولف مو ملاحظ
ناصر : شيخه
شيخه : هلا ناصر !
ناصر : ماتبين تروحين الصالون ؟
شيخه : بلى بروح مع منور بس انطر حصه تيي وبروح معاها
ناصر : ليش ماتروحين مع مها ؟
شيخه : ماادري عنها ..
مهاوي أي صالون بتروحين ؟
مها : نفس صالونكم .. حجزت لاني مالقيت حجز مع خواتي
شيخه : عيل احنا بنروح الحين ترى حصوه يايه بالطريج
مها : تو الناس .. انا بعد ساعه جذيه بروح.. خلج معاي .. خلي حصوه ومنيرة يروحون اول . .عشان منور عروس
شيخه : انتي منو بيوديج ؟
مها : خالد
شيخه : اوكي خلاص عيل
سكت ونسيت اصلا ان السؤال كان من ناصر ولا اهتميت ..
كنت قاعده وانا مستغربه من روحي .. ماعاد شعور الشوق والحب فيني اتجاه ناصر .. مع انه كشخته اهي نقسها اللي احبها .. وعاقل ماقط علي غير كلمه وحده ..
واستغربت من روحي اكثر اني قاعد ه في مكان عزوز موجود فيه .. ماادري بعد الكيكه اللي يابها صرت .. اتقبله نوعا ماا .. مو معناه ان الوضع عادي .. بس يعني كل واحد بحاله
كنت كل شوي ارفع عيني عليه واشوفه خطافي .. لما يكون يسولف مع خلود ولا سلطان .. لاحظت انه ماسولف مع ناصر كلش .. غرييبه
جراح : anti >> come please !!!
قعد يير ايدي جراحو يبيني اشوف الاكس بوكس مالته ..
شيخه : زيييين حبيبي الحين اقوم معاك
عقب طلعت كلمة من ناصر كانت مثل الجبل على راسي ... بصوت واطي وهو مقرب مني ومن جراح .. يسوي روحها يبعده عني .. قط الكلمة ووخر
ناصر : حني على ابو جراح .. وسمعيه هالكلمة
حسيت مثل الكهربا سرت بجسمي .. انصعقت .. وتيبست بمكاني .. قعدت اخزه باستغراب .. وقمت بسرعه ولولا سلطان جان عرفت شلون ارد عليه جليل الحيا
صعدت غرفتي وشفت منور بتطلع
شيخه : منور .. روحي انتي انا بيي بعد ساعه مع مهاوي
منيرة : اوكي .. لاتتتأخرون ترى الصالون زحمه
شيخه : اوكي
كان مالي خلق حتى اروح الصالون .. صعدت غرفتي وطلعت الاشيا اللي بحتاجها .. وزهبت فستاني .. وصليت العصر .. وجابت التلفزيون بملل شوي عقب نزلت مالقيت غير خالاتي
مهاوي : شيوووخ يله ترى خالد بره
شيخه : زين عيل بس اييب اغراضي
صعدت ويبت فستاني وطلعت بره .. شفت خالد واقف مع ناصر وعزوز .. سلطان كان واقف مع شباب .. جنه جاسم ولد خالتي فاطمه وجم ريال ماعرفتهم
قربنا انا ومهاوي من سيارة خالد .. بس شفته قالنا
خالد : لا ركبوا مع ناصر . .اهوا بيوديكم ..
شفت عزوز التفت فجأة على خالد باستغراب .. وحسيته متضايق .. حتى انا تضايقت . مالي خلق اركب معاه .. ولا اقولكم . .فرصه عشان ان قال شي بالجوتي على ويهه .. لازم يوقف عند حده
ركبت السيارة .. انا كنت ورى سيت مها. .. ومها يدام يم ناصر
واول ماركبنا .. شفته يحط شريط عبدالمجيد اليديد .. يعرفني امووت في عبدالمجيد .. فاستانست يوم حطه
شيخه : الله نصوور .. احسن شي سويته
مها : اووو لاتموتين علينا بس
ناصر بلهجه : كلشي تحبينه بسويه جم شيخه عندنا ..
شيخه : احم .. يله زيين ودنا الصالون اشووف من غير قرقة .. خل نسمع
تمينا على سوالف وضحك بالسيارة .. حسيت نصور متغير شوي .. رغم انه بين فترة اوالثانيه يقط له كلمه .. لكن قررت اني اطوف واسوي روحي مو منتبهه ..
اول ماوصلنا .. نزلت مهاوي .. وكنت توني بفتح الباب بنزل .. ولا يقولي ناصر
ناصر : تمي شوي .. بكلمج
شيخه : هاا وهذي قعده .. يله قول شبغيت ؟
قلتها وانا ابتسم .. ادري مصيبه من مصايبه اليديده
ناصر : اذا خطبتج ... توافقين !!!
الصالون
كانت منور طالعه مثل الافلام .. ماشالله فستانها ومكياجها اللبناني .. وشعرها المرفوع ونعومتها .. اول مرة احس ان في احد احلى مني واهي اختي هههه .. لاتفهمونها غرور .. بس هذي ثقه
كنت اضحك واسولف .. ابي انسى الكلمة اللي قالها لي ناصر .. اللي كنت اتمنى انه يقولي ياها قبل ..
الحين ... !! .. الحين تمنيت اني ماسمعتها ..
حاولت اني اتناسى الموضوع .. واستانس بملجه اختي الحبيبه ..
طلعنا من الصالون وكان خالد اللي ياينا .. استغربت مهاوي لان خلود قال مايقدر .. وياينا بسيارة عزوز الرنج
مها : وين سيارتك ؟
خالد : قلت سيارتي ماتكفي الجيش اللي باخذه من الصالون .. خذيت سيارة عزوز اكبر
خالد بصوت يسمع منور : مبروووك منورة .. والله يوفقكم ياعرايس .. والفال حق زوااجي أأأأأأأأه
مهاوي تضحك : هههههههههه.. زين حطلنا شي فرفوش .. ترى احنا رايحين عرس ..
خالد : تبين تشحين حق الرقص هاا .. فديييييت هالويه انا
خالد يكلم حصه : حصوص . .ريلج خذا سيارتج ؟
حصه بضيقه : ايه
خالد : شفيج حصوص ؟
حصه : ولا شي .. بس مستانسه .. فيني بجيه
خالد : هههههههههه وليييييييين !!! .. انتو بالفرح تبجون وبالحزن تبجون .. شهالحاله
انا كنت على طريف .. بس ماسكه روحي .. ماكنت ابي اخرب فرحة منور وانا اشوفها خايفه ومرتبكه .. تضحك شوي ويضيق خلقها شوي ..
شيخه : ياماما اليوم عرس .. نبي هرنات اخوي العزيز .. سمعنا هالرنات السنعه .. خل الشارع كله يدري ان في السيارة عروسه حلوة .. واختها القمر
الجميع : ههههههههههههههههههههههه
نفس اللحظات
عزيز
صبرت بس ماقدرت اتحمل اكثر .. تحملتهم وهما يتغازلون يدامي في بيت خالد .. تحملت نظراته هالخايس وضحكاتج ياشيووخ معاه .. تحملت طلعتج معاه الصالون .. بس عاد كلشي له حد ..
يوم دقوا البنات على خالد وقالووله انهم خلصوا .. قالي بدق على صلاح ولا ناصر اذا فاضي ييبهم .. عصبت ومامسكت اعصابي
عزيز : انتا اللي بتيبهم .. قوم الحين خلود
خالد : زين ليش معصب بس
عزيز يداري الغضب بسرعه : مافيني شي .. بس يااخي هذول بنات بروحهم .. وطالعين من صالون .. روح انتا ييبهم
خالد : سيارتي ماتكفي ..صلوح يسوق سيارة السايق اكبر ..
طلعت مفتاح سيارتي من جيبي وحطيته بايده : هااك .. خذ سيارتي اشوف
خالد : ههههه زين ياعمي لاتكفخنا بس ..
طلع من عندي خلود وانا تميت في الدوانيه احوس .. واطق ايدي بالطوفه .. كنت بمووووت .. شسوت معاه بالسيارة .. شقالوا .. اكييد طول الوقت تضحك وهو متشقق .. اكيد حلالهم الجو ..
غمضت عيني وتذكرت كل كلمة قالها الحقير حق شيخوه ... كنت باكلهم بعيوني .. وانا اشوف الحيوان يقولها .. حني علي وقوليها .. يبيها تقوله حبيبي .. تقولها وليش ماتقولها هالـــ
والله .. والله ماخليهم .. هيين
طلعت بره وتميت واقف بره بيت خالد انطره بس يوصل .. ناصر كان توه ياي وصفط سيارته وتم قاعد فيها ماادري شكان يسوي .. وقفت بعيد علشان مايشوفني .. مالي خلقه .. هذا حسابه بعدين ..
واول ماوصل خالد ودخل الكل .. شفت ناصر نزل من السيارة ومن غير مايحس خلود اللي دخل مع البنات .. سحب شيخه من ايدينها وهي كانت مغطيه وييها .. وبسحبته طاحت الشيله عن ويهها
ماكنت سامع شيقولون ولا ني شايف وييها .. بس اشوفها تتلفت وتحاول انها تمشي .. وهي ماكسها حيل
حسيت روحي بنفجر .. ييت صوبهم وانا كنت خلاص بايعها .. وناديت بحزم
عزوز : ناصر !!
ناصر التفت لي ببرود : نعم !
تميت اخزه .. شهالوقاحه ..
وقلتله ببرود يسبق عاصفه مثل مايقولون وانا اتعوذ من بليس : اترك ايديها
ناصر : انتا مالك شغل .. بنت خالتي وكيفي
قربت منه والنار شابه بعيوني .. ووخرت ايده من ايدها .. بعد ماخزييته خزة حسيتها يمكن تشب الدنيا كلها .. وركبت سيارة خلود اللي عندي مفاتيحها .. وطلعت طيرااان
تتمة البارت
شيخه
كنت ماشية وانا تقريبا يالله اشووف بسبب الغطوة اللي على ويهي .. تعرفون سوالف الخوان يعني .. خلود يسوي فيها حجر ومايرضى نتمكيج ونطلع يدام خلق الله .. مع انه احنا بالسيارة .. بس يله شنسوي .. احكام الشباب الشياب ههههه
كنت امشي اخر وحده لاني صج ماكنت اشوف الطريج عدل وخفت اطييح لكن انتهبت فجأة على ايد تمسكني وتسمحني بقوة
التفت وكان نصوور .. تخيليوووو ... هذا شيبي
شيخه : نصوووور .. شفيك !!
ناصر : وين رايحه ؟
كنت ابي اعدل شيلتي اللي طاحت من على ويهي بس موقادره بسبب مسكته القويه : بدش دداخل شفيك هدني !!
ناصر : زين تعالي قبل ماتدشين .. خل نقعد شوي بالسيارة
عصبت .. لا ماعصبت الا بغيت انفجر : انتا شفييييك ينيت !!
صرت اتلفت يمين ويسار خفت احد يشوفنا .. وهالحقير مو راضي يهد ايدي
شيخه : نااااصر هدني .. وخرررر عورتني
ناصر : مراح اهدج لما تيين معاأأأي
وقطع كلامه صوت رجولي خشن حسيت انه هزني قبل أي شي .. لاشعوريا خفت قبضة ناصر عن ايدي ورفعنا عينا احنا الاثنين صوب مصدر الصوت ..تدرون منو !!!!
عزوز ... ايييه عزوز .. كنت راضيه لو ابوي او احد من اخواني يشوفني .. بس مو عزوز ... الا عزوز
محد يعرفه كثري ..
تميت ساكته ماادري شنو قالوا لان عيوني طول الوقت كانت تشوف الارض وتنزل دموع .. ماكنت خايفه من نصور .. عاادي .. مابجيت من موقفه الخايس .. بس بجتني نظرة عزوز .. ونبرة صوته وعصبيته .. ماكنت قادرة ارفع عيوني من على الارض الا لما حسيت بايده تير ايدي من ايدين نصوور بقوة .. رفعت عيني المليانه دمووع بويهه .. شفت الغضب اللي ماعمري شفته بعيونه .. كان ينافخ ومسكر على ضروسه حييل وجنه يقولي ان بطلتي حلجج بييج طرااق .. نظرته كانت عتب ولوم وو .. استحقارر .. انا مالي شغل .. مسكت ايدي وصحت حييييييييل وركضت صوب المطبخ وسكرت الباب وراي وانا في حال مايعلم فيها الا الله
رحت صوب الثلاجه وقعدت على الارض وانا ابجي .. قهرووني .. شيووخ .. ليش تبجيين .. بالطقاق اللي يطقه .. محد قاله يتليقف وييي صوبنا .. مسوي فيها ريااال وشهم يعني ... بيني وبينكم لو مو عزوز كنت اخذت حقي بيديني وعرفت شلون اتفاهم من هالمينون نصور .. خله يفكر باللي يبيه .. اهم شي اني في عيوني وعيون اخواني واهلي اشرف منه .. يعني عباله اني بخااف منه !!
لحظة انا ليش قاعده ابرر .. انا ماسوت شي غلط .. اوووووف
شفت ويهي باستيل الفرن شلون مكياج عيوني راح يخترب من الدموع .. قمت من مكاني .. وانا اتوعد هالاثنين .. مو اهما اللي يخربون علي فرحتي باختي ..
طلعت من المطبخ وانا امسح دموعي واحاول اكون طبيعيه واعدي هالليله على خير .. وبعدها يصير خير
الساعه 9 ونص
دخلت منور على اغنية الجسمي .. وكااانت واااااو .. طالعه صج كيووت وتييين .. مع فستانها الناعم وشعرها اللبناني ومكياجها السمبل .. كانت جنها مالوت الافلام .. حتى يوم سلمت على خلود وصلاح وابوي .. ماعرفوها من كثر مو طالعه جنااااان
رقصت مهاوي وحصوص والبنات شوي .. وليلوووو يااايه بعد .. كانت قاعده يم امها ولابسه مووف بس وووع ذوقها كان دفش .. وجنها اهي العروس مو منور .. انا ماعجبتني عكس حصوص ومهاوي اللي قالوا ان فستانها فناان وروعه .. يمكن كان حلو .. بس ياربي هالبنت شنو تلبس مااحبه عليها
ماكان لي خلق ارقص .. كنت منغثه من نصور ومن شوفه هالشيفه .. بس يوم شفتها رقصت على اغنية مشكلني وهي رافعه خشمها فوق وجنه الارض مو شايلتها .. تمشي جنها امييرة الحمدلله والشكر ..
عنادا فيها قلت للدي جي يحطلي اغنية عبدالمجيد عبدالله
تلفت الناس لامريت
تكسر رقاب خلق الله
الزين خذته ولا خليت .. حرام لا تاخذه كله
لباقي الناس وش بقيت .. يا اللّي لك أوصاف مكتملة
وتمر عادي ولا حسيت .. حسنك به الناس منذهلة
طلتك حلوة الى طليت .. يا حلوها جد من طله
الكل يصرخ الى من جيت .. هذا القمر وانقلب ظله
تخيلوا وبس انا اللي رقصت ... >> محد يغلبني بالغرور ..احم ههههه
تصدقون عاد .. بعد ماخلصت الاغنيه مهاوي قالتلي .. صكيتي عليها بل ...
حاشتني النشوه ... بس هذا اهم شي
بعد ساعتين تقريبا .. دش المعرس .. بس عاد شنو معرس ..
يحللها منور عرفت تختار .. طول وجمال وسكبه .. بس حرام كان مستحي شوي من الناس ..
بس عيونه ماشالها عن منيييرة
الجانب الثاني
منيرة
اوووف ملييت من هالكرسي تعبت .. وتعبت بعد من كثر ماابتسم .. كل شوي تقولي هالمصورة .. ضحكي .. لفي .. رفعي ايدج .. نزلي ايدج
كنت ميييته تعب ويووع . .بس كلشي طار يوم يتني حصوص وقالتلي المعرس بيدش .. مسكت ايدها على طول وانا اقولها
منيرة : ابوي معاه ؟
حصه : لا خالد وصلاح معاه .. ابوي عند الريايل بالدوانيه
سكت وانا احاول اخفف رعشة ايديني ... فيصل .. لا .. انا مابيه . خلاص هونت .. شلون رضيت عليه .. يااربي
كنت مرتبكه .. وكنت اسمع حصوص ولا مهاوي ولا شيوخ كل شوي وحده تهديني .. الين ماحسيت بايد امي على جتفي .. وقتها بس راح كل الخوف والقلق .. رفعت راسي وانا ابتسم لها كانت تبجي وتمش دموعها .. كنت ماسكه روحي بالموووووت ... قربت مني وقالتلي
ام خالد : الله يوفقج .. انا جذي ارتحت وتطمنت عليج ..
وابتسمت ابتسامه اول مرة اشوفها على ويه امي .. جنها ابتسامه فرح ممزوجه بحزن .. ماادري
التفت صوب الباب بعد ماسعت دخل المعرس وصوت هب السعد يهز الارض ويهز قلبي معاه ..
نزلت عيوني وانا حدي مرتبكه .. وكانت حصوص ومهاوي يمي بشيالهم وعبيهم .. حسيت روحي غلط هههه لاتضحكون .. بس والله كنت احس بشي غريب .. شلون كاشخه يدام ريال مااعرفه ..
ياخبله هذاااا رييلج الحين ... !!!! ياويل حالج يامنور .. متى بتعودين
قرب خالد وحبني عى راسي واباركلي وصلاح نفس الشي ..
وعقب قرب مني فيصل وباسني على راسي وهمس لي بصوته
فيصل : ماادري اباركلج ولا ابارك لروحي .. انا محظوظ .. والله محظوظ
سكتت ولا رديت عليه .. كنت احس ان ايدي انصهرت من مسكته .. حسيت ان قلبي ذاب مابين ضلوعي
اعرفه زييييين صاحب كلام .. الله يستر بس ..
الجانب الثاني
فيصل
ماكنت مصدق عيوني يوم شفت منور .. اهي من الاول حلوة .. ومن اول يوم شفتها كانت عاجبتني .. بس اليوم كانت غير .. كانت ملاك .. لا كانت قمر .. احلى من القمر .. شنو القمر يم هالويه ..
كنت مبهور فيها . .لدرجه اني ماقدرت اشيل عيوني عن ويهها .. حسيت بالاحراج .. بس شسوي مو بيدي
قعدت يمها وعقب قربت منها شوي ومسكت ايدها وانا حاس فيها تكش .. كنت اضحك من داخلي .. عاجبني هالحيا .. قلتلها
فيصل : دوختيني على مارضيتي .. يرضيج تسوين فيني جذيه
منيرة بهمس : مب كل البنات مثل بعض
فيصل : ولا كل البنات مثل هالقمر اللي يمي .. بس صج لو كنتي رافضتني .. كنت يمكن اختطفتج
منيرة : ههههه لا والله
فيصل : اييه .. كيفي احبج
شفتها سكتت من قلتلها هالكلمة .. ماادري سمعتها ولا لا .. لان كنا نتهامس وسط هالازعاج
عقب يتنا بنت .. شكلها اخت منيرة الكبيرة
حصه : بالمبارك فيصل ..
فيصل : الله يبارك فيج .. تسملين
حصه : هذي الوالده تبي تسلم عليك
وقربت مني ام خالد اللي كان باين من ويهها انها طيبه ومرة زينه ... سولفتلي عمتي عنها وااايد .. وحبتها حييل
بستها على راسها وخذينا جم صورة .معاها ..
كانت كل شوي تشوف منور .. وتعدل فستانها . وتبوسها على خدها .. حسيت ان علاقتهم حييل قويه ..
حصه : منيرة حبيبتي شوفي الكاميرة عشان التصوير ..
الساعه 2 ونص
شيخه
توها حصوص تروح بيتها بعد هالتعب والربشه .. وخالد راح يوصل مهاوي بيتهم وبيرجع .. صلوح راح نام لان طيارته باجر مبجر ويبي يلحق ..
امي وابوي صعدوا غرفتهم .. لان امي كان باين عليها التعب مسكينه .. تيمنا انا والخدم نعدل ونشيل .. طبعا انا بس اعطي اوامر .. الله يذكرج بالخير يامنور .. .انتي كنتي شايله كل شي . شعرفني انا بهالسوالف
صح نسيت اقولكم .. منور طلعت مع ريلها يتعشون في فندق .. وعلى اساس انهم بيردون قبل الاثنعش .. ابوي قالي دقي على اختج لاتتأخر بره .. بس عاد هالشياب يحبون الحكرة .. خل البنت تستانس بيوم ملجتها شنو هالتخلف .. ماني داقه
كنت حدي تعباانه وبناام .. وتخيلوا للحين ادور بهدومي .. مابدلت ولاغسلت مكياجي .. بس يله مابقى شي واخلص
الجانب الثاني
السيارة
خالد : هلا عزوز هاا وينك انت .. دقيت عليك فوق الاربع مرات مارديت علي !!
عزيز : هلا خالد ... كنت ... بالبيت
خالد : شفيك ؟؟
عزيز : ولا شي .. اقولك .. مفتاح سيارتي عندك .. فيها اوراق ابيها ضوري .. بمرك الحين
خالد : زيين انت روح البيت وانا اييك الحين بوصل مها البيت .. عطني عشر دقايق بس
عزيز : اوكي .. لاتتأخر
خالد : اوكيه باي
عزيز : باي
سكرت من خلود وانا نفسيتي زفت اليوم .. اخذت سويج سيارة خلود وطلعت بدشداشه من غير غترة ..
تميت طول الطريج سرحان .. كنت اسمع شريط راشد وانا سرحان .. ونار بداخلي ماطفت .. تحسفت ليش ماذبحته .. ليش ماعطيته كف .. علشان مرة ثانيه يحرم يمس شعرة من شعر شيخه
شيخه ..!! ... هذي دواها بعدين ..
وصلت البيت ودخلت الدوانيه على طول وسكرت الباب وراي .. وانصدمت فيها
تدرون منوبعد !!! .. كانت شيخه .. اا
لا مستحيل هذا اهيا ... في بنت من جنس البشر بهالجمال !!
كنت مبحلق وناسي روحي ..ناسي اللي توني معصب منها وطفران من عمايلها .. ناسي انها اخت خلود .. وانها تحب ناصر .. وجنه شي يخليني مااوخر عيوني عنها .. وجنه جفوني يبست بعد ماشافت هالحسن كله .. تيبست بمكاني ماقدرت اتحرك .. يمكن من الصدمه او .. مادري
ماصحيت الا على نبرة صوتها اللي تينني الممزوج بخوفها
شيخه وهي تغطي ويهها بمخده : اطلع شوووي
ماادري ليش عصبت ... الحين تبيني اطلع والحقير كان ماسكها ولا قالت شي
قلت بلحظة غضب وانا اوخر عيوني عنها واطلع : لاتخافين .. انا مو ناصر .. ولا انا شخص قليل تربيه !!
طلعت ... حسيت ان هالكلمة ريحت قلبي من وايد اشياااا .. على الاقل طلعت غضبي كله .. ويمكن لاتميت اكثر .. راح اقط كلام اكبر ..
تميت واقف بره الدوانيه .. وانا انطر خلود الين مايه وخذيت سويج سيارتي وطلعت طيراااان على مخدتي بعد مااقنعت خلود اني مااقدر انام هني .. لان الدوانيه عفسه .. وانا حدي تعبان
شيخه
تدرون بعد ماسمعت هالكلمتين اللي مثل الجبل .. اخذت المخدات كلهم وصرت اقطهم على الباب اللي سكره .. شقصده .. ليش يقول جذيه .. وانا شعلييي .. اخاف عباله اني انا ابي نصور وميته عليييه !!
حقيييير .. اكرهك .... تفهم
صعدت غرفتي وانا ميته قهر .. سكرت الباب وانا ابجي .. شنو هاليوم الكئيييب ... لمست ايدي وين ماكان اهوا ماسكني قبل ساعات .. حسيتها بتحترق من لمسة ايده .. وقلبي قاعد يحترق زوود من كلامه .. اكرهك
طلعت دفتري وكتبت فيه
اكرهك عزوز .. اكرهك
وسكرته وغيرت ملابسي ونزلت كمت شغلي وبعدين اخذتلي كوب حليب وقعدت بالصاله انطر منور تيي .. وبس ييت حتى ماسألتها شسوي رحت ادور الفراش .. كانت تخربط على راسي بس ماادري شتقول .. كنت دااايخه ومقفله صج
الساعه 3 ونص
غرفة عزوز
عبالكم اني قدرت انام .. اللي زاد الطين بله .. شوفتها .. ليتني ماشفتها عالاقل كنت اقدر انام ..
اوووف الين متى هالحاله ...
كنت منسدح على فراشي وافكر .. باجراليمعه وراي قعده من الصبح .. والاسبوع الياي محبوسين بالمعسكر .. قبل شوي مريت ابوي وشفته نايم .. مااطمنت عليه لان شكله كان تعبان .. فكرت اخذ اجازة واتم معاه بس مو راضين الدوام ..
حسيت بصداع راسي يردلي من يديد .. طلعت باكيت البندول واكلت حبه وحاولت اني اريح بالفراش شوي .. الين ماسمعت تلفوني يرن .. كان رقم غريب
شلته
عزيز : الو
عبير بصوت انثوي ناعم : هلا
عزيز : من معاي ؟
عبير : امم .. هذا من تلفون نورة ؟
عزيز : لاموتلفون نورة !
عبير : عيل تلفون منو ؟
استغربت شهالميانين تالي الليل ناقصج بعد : باي
وسكرت التلفون وعلى طول رن وكان خلود
عزيز : هلا خلوود .. شمقعدك ؟
خالد : ماادري .. مو يايني نوم
عزيز اللي كان مصدع وراسه يفتر بس مااحب انه يرد خلود يمكن بخاطره شي يبي يقوله
عزيز : تفكر !! ؟
خالد : عزوز .. لاتفهمني غلط .. بس ابي اقولك شي
عزيز : قول شصاير ؟
خالد : احس اني ... تسرعت بهالزواج !
قمت من سدحتي بسرعه : هااا !!
خالد : قلتلك لاتفهمني غلط
عزيز : عيل شلون تبيني افهمك ؟؟
خالد : اووف .. انا قصدي يعني العزوبيه .. تكون انت حر .. طليق .. الحين احس اني مرتبط .. ووراي مسؤليه
يمكن لو كنت ناطر شوي احسن !! ..
عزيز : خرعتني عبالي عندك سالفه
خالد : وهذي شي مو مهم يعني !
عزيز : شوف خلود .. كل واحد في بدايه زواجه يحس احساس غريب ويحن للوضع اللي كان فيه قبل الزواج .. لكن بعدين بتتعود .. ولو قلتلك الحين اترك مها .. مراح تقدر .. الموضوع طبيعي واحساسك بعد طبيعي بس المهم انه مايطول .. حاول انك تتأقلم مع الوضع اليديد .. بالعكس انا اشوف الزواج فيه حريه يمكن مو مثل العزوبيه .. لكن عالم احلى من العزوبيه بوايد
خالد : احلى احلى يابوسعود .. شهالحكم !!! .. اللي يسمع كلامك يقول الاخ متزوج وعنده درزن يهال
عزيز : ههههههههه اووو كل شوي هذا بيعايرنا انه متزوج ..يبا درينا انك متزوج
خالد : ههههههه لا ماعايرك .. اقولك شي صار اليوم بعد تستغرب منه
عزيز : قوول
خالد : ابوي بيسافر بعد يومين جذيه ..
عزيز : وشنو الغريب في الموضوع ؟
خالد : ابوي مايحب السفر .. وان سافر راح العمرة
عزيز : ليش وين ناوي يروح .. بانكوك ؟؟هههه
خالد : لا .. يقول بيروح الامارات .. عنده شغل
عزيز : وخله يروح .. مافهت سبب استنكارك ؟
خالد : ابوي الحليب اللي ينتجه من المزرعه يتصدر بالكويت .. هالمرة طاري عليه مصانع بالامارات يبي يصدر لها ويتعامل معاها ..
عزيز : اها .. بالعكس شي زيين والله ..
خالد : عزووز .. افهمني
عزيز : ههههههه والله انتا مو صاحي .. اقول روح ناام احسن
خالد : لحظة بعد فيه خبر طازج محد يدري فيه غيري انا وابوي
عزيز : شنو ؟
خالد : ناصر ولد خالتي ....
عزيز فز من مكانه وبهدوء مصطنع .. لكن اهتمامه كله بالكلام اللي بيقوله خالد بعد هالصمت : شفيه !!!!
خالد : خطب شيووخ اختي ..
مسكت تلفوني بقوة .. كان شوي بينكسر من مسكتي عقب ذيج الجمله اللي سمعتها من خلوود .. سكت .. تخيلوا .. ماقدرت انطق بحرف .. ولا حرف .. حسيت روحي ضعيف .. حسيت ان الناس يقدرون ياخذون مني قلبي وانا ساكت اطالعهم ..
خالد : الووووو !!!
عزيز : معاك
خالد : شرايك انت ؟
عزيز : انا مالي شغل .. كيفكم
خالد : والله ابوي احسه مو متشجع .. بس راي شيوخ اول ..
عزيز : مو .. جنها صغيرة شوي ؟؟
خالد : انا قلت جذيه .. بس عاد شياب ماعندهم صغيرة ولا كبيرة .. تعرف العقليات انتا
بعد سكت .. كنت اير الحروف والكلام من روحي يرر .. ماكنت عارف شقول .. وماكنت متوعق ان هالشي بيصير .. عالاقل مو بهالسرعه ..كنت اشوف الحلم يدام عيوني قاعد يروح .. ويروح بعييد ولاني قادر اسوي شي ..
خالد : الووو ..
عزيز : اقولك .. انا حدي دايييخ وماادري شقاعد تتقول .. اشوفك باجر ونتكلم
خالد : اوكي اوكي .. يله باي
عزيز : باي
واول ماسكرت التلفون من خلود .. قطيت روحي على الفراش وغمضت عيني ..احاول اني اتناسى الكلام اللي سمعته بس ماقدرت ..
اخذت سويجي وطلعت بره البيت .. وبره همومي ..
اليوم الثاني
الساعه 9 صباحا
شيخه
قمت وانا بالمووووت اير ريولي .. سبحت على السريييع وغيرت ملابسي ولبست دراعه فوشيا ولفيت شيلتي ونزلت تحت لقيت الكل قاعد .. طبعا مانسيتو ان اليوم بيسافر صلووح .. يمكن يرجع قبل الدوامات او يمكن لا .. لان مايسوى يرجع .. فقعدنا كلنا عشان نسلم عليه ..
في الصاله كان سلطان وحصه وعيالهم ومنيرة وابوي وامي وخالاتي وجاسم ولد خالتي وطبعا العله ناصر .. خالد كان توه ياي من بره
سلمت على الكل ورحت صوب حصوص ومهاوي ومنور
مهاوي : شيووووخ .. تعالي شربي جااي
شيخه : صبيلي يااختي .. عشان اصحح .. احس اني مسطله
منيرة : منو شنو حبيبتي .. نايمه لين ماشبعتي
شيخه : انيت اوووش لاتحجيين . .اصلا المفروض ماتنطقين بحرف .. امس كلشي على راسي .. جني خداامه اشيل واحط واخم ولا احد ساعدني .. ولا فوق هذا بعد نطروو منوور علشان افتح لها الباب ..
مها وحصوص : هههههههههههههههههههه
منيرة : انكرفي مرة وحده بحياتج .. عشان اختج حبيبتي .. عادي
ولزقت منور فيني .. تسوي حركاات وتحظني وانا اوخرها
شيخه : لاتحااولييين .. زعلانه
منيرة : تبين اطلبلج من برجر كنج
بغييت اقولها ايه .. بس تذكرت هديه عزوز .. سكت شوي .. وين عزوز ..!! توقعته يكون هني
منيرة : هاا شقلتي
شيخه : ارضى بشرط ؟
منيرة : هاا ؟
شيخه : تقوليلي شنو سويتي امس مع فصوول
منيرة : وييييييعه .. اصغر عيالج فصووول !!
حصه : هههههه انسي تعبنا فيها ولا قالت ولا كلمه .. تقول اسرار
مها : هههههههه اقول مالت علي .. شفيني انا خريت الاكو واللي ماكو من اول يوم ملجت فيه على اخوكم
شيخه وهي تشرب استكانتها : لانج خبله على اختج .. احم اللي اهي انا هههههه
مها : صدقتي ههههههههههههههه
ام خالد : خلود .. وين عزوز يما .. جني سمعت صوته
فز قلبي يوم صار الحديث عنه ولا شعوريا لفيت صوب خالد انتظر الاجابه
خالد : يقول مايبي يدش .. بيسلم على صلاح بره
انصدمت .. اول مرة عزوز يسويها ومايدش .. العاده يدرعم او يقول عالاقل ابي اسلم على خالتي .. ان شالله مايبي يدش عشاني انا موجوده .. ليش هالكثر يكرهني ليييش !!! ..
تدرون شلوون .. احسن .. يعلك ماحبيتني بيووم !!
انا شقاعده اخربط .. ايه قصدي يحبني مثل اخته .. مثل منور وحصه ..
زين ياعزوز .. انا اعرف شلون اغثك صج ..
بعد ماقعدنا شوي .. طلع صلاح جنطته وحطها بالسيارة وبدى يسلم على خالاتي وعلينا وعقب امي كانت بالغرفة الثانيه .. قعد يدورها صلاح الين ماحصلها ودخل عندها وماشفنا هالوداع المبكي
الغرفة
صلاح : يما ان بجيتي ترى صج ماني مسافر
ام خالد وهي تمش دموعها بملفعها : شوف صلاح .. بقولك جم كلمه .. خلها لك للزمن ولا تنساها بيوم .. سواء كنت عايشه ولا ميته .. ابيك تكون قريب من ربك حتى بديرة الغربه .. خل ربك يدام عيونك دايما .. وحافظ على صلاتك وعبادتك .. لاتخلي شي يأثر عليك .. لاتكون مثل غيرك ..
صلاح : من عيوني يالغاليه .. بعد آمري
ام خالد : مااوصبك على روحك ..
وتمت ساكته وهي تشوفني ودموعها تنزل مثل النهر .. كنت استغرب امي ليش تشوفني جذيه .. حسيت انها تبي تشبع من شوفتي .. في عيونها حزن لكن تحاول تخبيه .. ماادري بس ماقدرت امنع روحي من حظنها
لميتها حييل وانا ابجي .. واهي تبجي .. كنت احسها قاعده تودعني .. وجنها مراح تشوفني بعد
صلاح : يماا .. ترى كل عطله انا بكون منرز عندج .. لأما تملين مني
ام خالد : مايندرى نكون عايشين ياوليدي ولا لا ! ! . .
صلاح : لاتقولين جذي يماا .. الله يعطيج طولة العمر والصحه ياارب
ام خالد : حط باك على روحك .. فمان الله يالغالي ......
