رأي راح يزعل نسبة كبيره من بنات المنتدى

[sarooona]

ناس تقول مطلقهاا وناس تقول على ذمته
وناس تقول الريال موزين سكير وخريج سجون ومزواج متزوج كذا مره وفوق كل هذا عاطل عن العمل
بالله شالميزه الزينه الي فيه تخليني ارتكب هالفعله الي بظل اندم عليها طووووول عمري
واخسر دنيتي واخرتي على شانها
وايتم عيالي
لو صابره ومحتسبه الاجر من الله مو احسن من هل العذاب الي الحين عايشته
هذا ان دل يدل عن نقص ايمااان ولله لو ايمانها بالله قوي جان ماصار الي صار
انا لله وان اليه لراجعووون

 

[داريني]

صح لسانج وانشالله تكون عبره لمن لا يعتبر
وانا حالي حال الحريم باخذها عبره لو صار شي لو سمح الله

 

[برونزيه نعومه كتكوته]

عدل عدل عدل كلامج

كل ريال يحق له يتزوج 4 يعني واحد ماراح يتزوج مني ودرب اكييد المره اهيا الي خلته يوصل لهشي

ومثل ماقلتلي اذا عاجبها تقعد واذا و عاجبها خل تتطلق

ماتقعد تسوي لنا فلم هندي طاقه الصدر بتروح يتقهره اهيا الي بتنظر

في رياييل يتزوجون على حريمهم بدون سبب
شوف عيني بنات اعرفهم محد قالي

انا عندي الحل الانفصال وله وحده مجبوره تقعد مع شريجه و الشريجه تحر لو اهيا بالقبر و الريال دام تزوج عليج خلاص هذا ما ينبغى

مو معناته اللي سوته صح بالعكس غلط و الله يسامحها و يرحم الموتى اللي مالهم ذنب راحو من جيس اهلهم

 

[SaD FaCe]

كلامج صح

بس اذا صارت فيها اذبحه ههههههههههههه

ترى بس كلام فاضي ادري وقت الصجيه بقعد وبصك الباب علي وابجي بجي وبس p:

والناس مالهم ذنب بمشاكلهم في وايد اشياء تقدر تسويها عشان تنتقم .. ابسط شي اطلع نفقة العيال من عيونه وبدل ايجار وخدامه وسايق ووايد اشياء ..

 

[مهرا احلى مهرا]

لا تعليق الله يرحمهم

 

[كيكه ترفه]

معاج حبيبتي بكل كلمه قلتيها والشرع حلل 4 لان الاديان الثاانيه الريال مايتزوج الا وحدا واذا يبي ثانيه ماله غير الزنا والعياذ بالله واذا المرا تبي ريلها مومشكله تقعد معاه و تسولف وتعد شريكتها نفس اختها وصديقتها وتعين وتعاون او اذا ماتبي هالشغله خلاص تتطلق و حياتها 100 % 100 مو واقفه عالريال

 

[amonaa_83]

يعطيج العافيه على الموضوع والله انا بالنسبة لي اذا ريال راح دربة خضر ايي غيره واحد ثانى وتحياتى

 

[قـلـب زوجـــي]

يعطيج العافيه

 

[ترووفه]

اي والله عدل كلامج

انا مااقول راضيه على الزواج الثاني

بس اذا بيتزوج الله لايقوله

اتطلق منه كل واااااحد بحاله

بس توصل للمضره ليش انقهر واتضايق واهو مرتااااااح ويخطط لحياة حلووووه

مايشووووف شر

بس اهم ماعلي راحتي وسلامة قلبي


ومشكووووووره ويعطيج العافيه

وانا معااااج 100%

 

[Australia girl]

كلامج صح ..لو بس الوحده وقت الغضب تذكرالله راح تهون مصيبتها وماراح يكون للشيطان مدخل فيها ..

 

[april_q8]

عشان جذي انا قلت و لا زلت اقول الوحده لازم تفهم انه الزواج مو ملكية هو شريك حياتج مو كل حياتج اهني راح تقدر تعيش حياتها بدونه و راح تكون قوية جدام الظروف

 

[تراكمية]

اللي تهون عليه العشره ويبعني علشان وحده ثانيه والله ما أساااويه بالتراب اللي أدوس عليه وما أخسر الدنيا والآخره علشانه واللي خلقه خلق ألف غيره

هذا رايي الشخصي

 

[ربي أسألك رضاك]

يعطيج العافية يقلبي والله يكثر من امثالج
والله يصبر قلوب اهل الضحية ويرحم موتاههم وموتا المسلمين ..

 

[maraiem]

للحين ومن اللي قريته من الردود .. للحين في بنات يقولون ( اذبحه .. انتفه .. اخنقه ) وان هذا مو صج .. بس جذي .. غشمره .. اى كلام ..الخ ..

اختي حبيبتي ... كل شي .. كل حرف يخرج منج يسجل عليج .. في ملائكة كرام يدونون .. شوفي شقاعد تملينهم .. اى غشمره اى بطيخ!!!!
هذي برمجه .. هذي اسطوانه تكررينها .. الحين قصدج ولا موقصدج مو هذا مربط الفرس ... مربط الفرس ان الشيطان اذا تسلط عليج وقت الغضب راح يوقف تفكيرج على الكلام الغشمره اللي كنتي تقولينه .. انا ماقول كل بنت بتحرق عرس ريلها راح تسوي لنا فلم العراب .. لا .. بس تأكدي ان في اثار وضعيه للي تقولتيه .. ما طلع منج وخلاص ...الله يحصي عليج كل حركاتج وسكناتج .. وانتي تنسين ..فالله يخليكم تفكروا شوي باثر الكلام اللي تقولونه ...مافي شي اسمه غشمره وخلاص .. وبس جذي .
الشي الثاني في بنات ردوا ان الريال اذا تزوج علي ابهدله .. انيل عيشته .. خل يولي .. اراويه بالمحاكم .. ليش اختي؟؟؟ ليش قلبتي فلم ( عاد لينتقم ) الريال تزوج .. مثل ما تزوجج .. يعني حلال .. ما سوى شي غلط .. ولا حرام ..يعني انا بعرف التفكير السلبي هذا لي وين راح يوصل بناتنا !!!!
وين عيل راح ( مثل ما دخلنا بالمعروف نطلع بالمعروف )؟؟
لاحول ولا قوة الا بالله العلي العظيم
عسى الله يستر على عيالنا باجر اذا هذا تفكيرنا ... انا لله وانا اليه راجعون

 

[حلوه وسكره]

:0bee2e8d89::0bee2e8d89:


صحيح كلامك ياأختي ... الشيطان إذا سيطر على عقل الإنســـــان يشوف كل الحرام " حلال " والعيــــاذ بالله

الله يصبرهم ويعظم أجرهم .......

 

[@ نجمة العطااا @]

اللي صار اثر فيني حيل وغير فيني اشياء وااااااااااااااااايد
واعدت التفكير بحياتي الزوجية والاجتماعية والعملية وربي تغيرت حيييييل
صج الدنيا ماتسوى والله ما تسوى نعال عزكم الله
لا الزوج سارني ولا الفلوس بتنفعني
الاعمال الحسنة وطاعة ربي وبس
يالله ترحمنا وتقبل توبتنا يارب

 

[فديـت عيـونك]

اي والله عدل كلامج وانا بصفتي متزوجه لو ريلي يقولي بتزوج عليج حزتها بيكون قراري بايدي أظل معاه والا انفصل عنه هذا شي راجعلي أشوف أنا بصبر والا لأ والشرع حلل 4 فلا تقعد كل وحده تتفلسف اذا اهيا مظلومه خل تتوكل على الله وتفوض امرها لرب العباد

 

[عروسة]

تسلمي اختي عالكلام
ويعطيك ربي العافيه
تعليقي هو
مهما كانت شايفه منه العذاب والظيم والقهر المفروض لو فيها غل تاخذ حقها وهي على ذمته او منه بعدين مو من اللي سوته بالعالم
وش ذنبهم
اطفال تيتموا
امهات فقدوا اغلا مايملكون
حرمتهم من فرحتهم بقرب رمضان وجمعتهم مع اهلهم

بنات انا اقول المجنون والله مايتصرف هالتصرف
خلاص الرجال طلقك روحي بطريقك لو انك قويه وماتخافي خذي حقك يوم كنت عنده يعذبك كان قويتي عنده مو على هالضعاف اللي جاين يادون واجد ومالهم اي ذنب بعلاقتكم
...
ما اقول الا حسبي الله ونعم الوكيل على هالسواة وعلى اللي شجعها ودعمها ومن جميع النواحي...الله يجعل كيدهم بنحرهم بنات معليش تراني مره منقهره وقلبي يتقطع عاللي صار ...


والله يرحم الجميع برحمته ويشفي المسلمين ويردهم لاهاليهم قبل دخلة رمضان بالسلامه ان شاء الله...
(لايحرق بالنار الا الله سبحانه)

 

[sindrella]

أنا معاج و كلامج صح مليون%


الله يهديها و يغفر لها

 

[فديـت عيـونك]

ولا الي تتطلق وتشرشح ريلها بالمحاكم وتبهذله وتنتفه تخليه يقعد عالحديده آل انها بتنتقم منه آل !! مو جذي عاد والله انا اعرف واحد كل معاشه على نفقة طليقته واهوا يطر اللقمه يعني لو خنقول اهوا صج كان ظالمج خلي ربج يحاسبه