رأي راح يزعل نسبة كبيره من بنات المنتدى

[miss_art]

اختي كلامج ابو العقل..... بس انا من رايي الريال مايتزوج على زوجته الا اذا شاف منها شي ناقص,باستثناء الريال اللي يحب الحريم بزيادة
وايد حريم مقصرين مع ازواجهم بس مايدرون ان اهمه مقصرين ..
ولازم توعية عدله مننا احنا بيننا وبين بعض
مو على قولتج اذبحه ... احرقة.... والله انتفه.
هذي الردود اللي نسمعها هالايام....
مشكورة اختي عالموضوع

 

[باتشا لوتشي]

كنتي ساكته صمن بكمن

واااي حلاتج ساكته


بس تبين الصج

طلعتي ملكه بموضوعج

ملكه باسلوبها وكلامها الواقعي الجميل

انا معاااج وكلامج عين العقل

عساج على القوه ويكثر من امثالج يا الملكه

 

[ارنوبه]

يعطييييج العافيه وانا معاج بلي قلتيه

بس من حرقت قلبها

البنت صغيره بالعمر 22 سنه ومتزووووج عليها

انا مابرر الي سوته الي سوته غلط وحرقت قلوووبنا

بس اهيا صغيره عقل واحنا ماندري شنو سوالها ريلها ولاشنو صار بينهم

هذي اسرار عائليه اكيد مو مني والطريج تبي تخرب وتحرق العرس الا وشايفه شي ماحط بذمتي

بس هذا تحليل للموضوع

وحررررقت القلب تذبح وماتنوووم الليل

ندري شرررع وندري حلال بس بااختي مافي مرا بالدنيا ترضا بالشريجه

اتووووووووووقع هذا درس مو بس للزوجه الاولى درس للزوج والزوجه الثانيه والثالثه

لازم الواحد يفكر مليييييييون مره قبل لايخطي خطووة تدمر بيوووت

شنوووووو صغيره عمرها 23 ما تدري انه لما تحط بنزين وتشب الجبريت بتحترق الخيييييييمه ؟؟؟؟؟؟؟؟؟؟؟؟؟

البيوت اسرار ما ندري شمسويلها ؟؟؟؟؟ والله لو انه منتفها وطاقها وذابحها وذالها .. هم ماتسوي جذي

ومانرضى بالشريجه اي صح ما في حده ترضى بالشريجه .. بس قالولج بنحرق امج واخواتج ولا الشريجه شنوووو نختار

ياحلات الشريجه بارد على قلبي ولا امي وخواتي يحترقوووون ويتفحمون ..

ومن كثر ما اهما متفحمين اهلهم مو قادرين يتعرفوووون على جثثهم ..

واللي ماتقدر على الشريجه يبه لا تتزوج من الاسااااااس وتنثبر ببيت اهلها ابرك لها .. مو باجر ريلها يتزوج تقوم تحرق خلق الله ..

الله لايوفقها ويحرقها بناااااااار جهنم ..

 

[مطيريه ماركه]

والله هذآ الكلآم اللي عجزت وآنا اقوله للبنآت

تزوج عليج أكيد عآيفج

من عآفج عوفيه

ومآتآقف الدنيآ علشآن رجآآل

لآ تبيعون آخرتكم عشآن دنيآكم

هذي عوآطف مصيرهآ تنتهي وأنتي مآتدرين وين مصيرج ؟

جنة والآ نآر !!

تعدد الزوجآت شرع رب العآلمين

مآتبينه يعرس منتي مجبورة تقعدين معآه !!

وآنا بنت مملجة وعرسي بعد شهر أقول هالكلمة والله لو بيعرس مآني رآآدته ان اعترضت أعترضت على شرع رب العآلمين

يسوي اللي يبي بس آنا مآ بقى على ذمته يطلقني لأني مآقدر أتحمل أغآآر

والله يوفق الجميع مآتدرون شنو الخيرة ؟

لآ تقولون ضيم وقهر والله يآمآ شرآيج نفس الخوآت

أو يكتمون بقلوبهم ولآ يبينون غيرتهم

لأنهم عآقلآآآآآآآآآآآآت

نصيحة أخت ترفعوآ ترفعوآ ولآ تطآردون الريآجيل كلهآ ورقة وينتهي اللي بينكم !!

المره بدآلها مية مرة والرجآل بعد !!

مآيقهرني الاآ أي موضوع عن الزوجة الثآنية طآحوآ فيهآ سب وتجريح ؟

ليش يبة مسوية حرآم والآ عيب

والآ أي نقآش عن التعدد هوآآش وزيطة شفيكم شنو هالشخصية المهزوزة من قآل بنزوج ريآجيلكم كله نقآش يآ سيدآت يآفآضلآت !!

تعلموآ تحترمون الدين وبتبطلون هالغيرة السخيفة ! شوفوآ نهآية الغيرة العميآ ؟ موتى شنو ذنبهم فكروآ بعقولكم مو قلوبكم !!

 

[بحر الغموض]

معاج
وترى الغيره من الشيطان
الغيره تفور الدم وتعمي العقل
وتعرفون الشيطان يجري من ابن ادم مجرى الدم
كل وحده فيها غيره كل وحده ومعاها عواطف واحساس وتحقد وتشيل
لكن الخوف من الله اهو الرادع
حتى لو ماتحبينه في حريم يغارون تبيه يكون لها وبس ماتبي احد ياخذه عقبها
احيانا اقول مسكينه غلطت بحساباتها
ومرات اشوف اللي توفوا وقول حسبي الله عليها
بس اقول الله يعينها على مابلاها
الغيره شي يذبح اعوذ بالله منه

 

[sanforaa]

كلامج صح الف بالاميه ....

الصراحه استغرب من البنات اللي تقول (كانت تبي تهوش-تغار- ومانلومها-وياهل) !!!!!!!!!
تهوش تحرق خيمه شكبرها ؟؟؟؟؟؟
تغار ؟؟؟ تذبح اوادم وتيتم يهال ؟؟؟؟
ياهل ؟؟؟؟؟ حتى اللي عمره سنه يعرف ان الجبريت والبانزين يحرقون ؟؟؟؟؟؟

يعني من صجكم بنات اللي تقول جذي تتكلم من كل عقلها ؟؟
شدعوه ابيع اخرتي ودنيتي عشان ريال ؟؟؟؟ خلت الدنيا والا شسالفه ؟
عفيه قلب ميت عليهااااا
حسبي الله عليها شويه عليها حتى الاعدام الصراحه

وسامحوني على اسلوبي يمكن فيه تجريح بس حدي انقهرت من ردود بعض البنات

 

[دلوعة حمني]

حسبي الله و نعم الوكيل عليها و يعلها تحترق دنيا و آخرة
حسبي الله و نعم الوكيل عليها و يعلها تحترق دنيا و آخرة
حسبي الله و نعم الوكيل عليها و يعلها تحترق دنيا و آخرة
حسبي الله و نعم الوكيل عليها و يعلها تحترق دنيا و آخرة
حسبي الله و نعم الوكيل عليها و يعلها تحترق دنيا و آخرة
حسبي الله و نعم الوكيل عليها و يعلها تحترق دنيا و آخرة
حسبي الله و نعم الوكيل عليها و يعلها تحترق دنيا و آخرة

هذي لا مسكينة و لا هي صغيرة عمرها 23 سنة و صاحية ماهي خبلة لانها اعترفت انها من اول ما سمعت بخبر زواجها و هي تغلي....
يا بنات انا زوجي رايح حق اكثر من عزا و كل عزا فيه اكثر من ميتة اللي وحدة و بنتها و اللي بنت و عمتها و اللي زوجته و 6 بنات
و للحين مو لاقينهم!!! والله لما دق يتطمن اول يوم ربعه مو قادرين يتحشون من الصدمة و من كثر القهر على عيالهم... و واحد من ربعه الله سلم مرته و بناته و نجاهم والله ان فرحته في نجاه بناته ما تنوصف بس قاعد يحمدالله على سلامتهم....

ابي اللي تدافع عن هالحيوانة تقولي شنو شعورها لما وحدة من اللي توفوا الله يرحمهم ان شاءالله و يكفر عن خطاياهم خذت ولدها و حذفته بره الخيمة و احترقت؟؟؟ حطي نفسج بموقفها المسكينة و على الرغم من تضحيتها هم ولدها بو 4 سنين مات....
و لا العجوز اللي توفت على كرسيها و ما مداها تقوم؟؟؟ ناس ترملوا و اطفال تيتموا و كل هذا بسبب الغيرة و الحقد؟؟
ماقول غير حسبي الله عليها السبع التحاسيب و ياعلها ما تربح...ان شاءالله يحرقونها و قصاصها يكون الحرق و كا تدين تدان و العين بالعين و السن بالسن و البادي اظلم...

اختي مرايم ماشاءالله عليج و على كلامج صج درر...
و رحم الله عبدا قال خيرا فغنم او سكت فسلم...

و سامحوني على الطوالة بس والله من حرة قلبي اللي صار مو شوية

 

[باربية الكوووويت]

معاج حق

 

[sanforaa]

حسبي الله و نعم الوكيل عليها و يعلها تحترق دنيا و آخرة
حسبي الله و نعم الوكيل عليها و يعلها تحترق دنيا و آخرة
حسبي الله و نعم الوكيل عليها و يعلها تحترق دنيا و آخرة
حسبي الله و نعم الوكيل عليها و يعلها تحترق دنيا و آخرة
حسبي الله و نعم الوكيل عليها و يعلها تحترق دنيا و آخرة
حسبي الله و نعم الوكيل عليها و يعلها تحترق دنيا و آخرة
حسبي الله و نعم الوكيل عليها و يعلها تحترق دنيا و آخرة

هذي لا مسكينة و لا هي صغيرة عمرها 23 سنة و صاحية ماهي خبلة لانها اعترفت انها من اول ما سمعت بخبر زواجها و هي تغلي....
يا بنات انا زوجي رايح حق اكثر من عزا و كل عزا فيه اكثر من ميتة اللي وحدة و بنتها و اللي بنت و عمتها و اللي زوجته و 6 بنات
و للحين مو لاقينهم!!! والله لما دق يتطمن اول يوم ربعه مو قادرين يتحشون من الصدمة و من كثر القهر على عيالهم... و واحد من ربعه الله سلم مرته و بناته و نجاهم والله ان فرحته في نجاه بناته ما تنوصف بس قاعد يحمدالله على سلامتهم....

ابي اللي تدافع عن هالحيوانة تقولي شنو شعورها لما وحدة من اللي توفوا الله يرحمهم ان شاءالله و يكفر عن خطاياهم خذت ولدها و حذفته بره الخيمة و احترقت؟؟؟ حطي نفسج بموقفها المسكينة و على الرغم من تضحيتها هم ولدها بو 4 سنين مات....
و لا العجوز اللي توفت على كرسيها و ما مداها تقوم؟؟؟ ناس ترملوا و اطفال تيتموا و كل هذا بسبب الغيرة و الحقد؟؟
ماقول غير حسبي الله عليها السبع التحاسيب و ياعلها ما تربح...ان شاءالله يحرقونها و قصاصها يكون الحرق و كا تدين تدان و العين بالعين و السن بالسن و البادي اظلم...

اختي مرايم ماشاءالله عليج و على كلامج صج درر...
و رحم الله عبدا قال خيرا فغنم او سكت فسلم...

و سامحوني على الطوالة بس والله من حرة قلبي اللي صار مو شوية

الصراحه بردتي قلبي بكلمج مادري شلون البنات جذي تفكيرهم يعني اللي تقول مسكينه وماالومها فكري لاسمح الله لو امج والا اختج والابنتج كانت بنفس العرس بتقولين بعد مسكينه ومانلومها تحبه ؟؟؟؟؟

 

[عبير25]

يعطيك العافيه وكلامك كله صح وانا معاك بكل حرف وانا مقتنعه بكل الي قلتيه,الله يهدي الكل ويحفظنا يارب

ومشكوره حبوبه على الموضوع

 

[oum^zozo]

كلامج عدل و احنقتني العبره لما قريت ان اغلب البيوت اب يدخل عليهم رمضان اب حزن عورتي قلبي بس و الله هذا اللي بيصير
الله يرحهم ابرحمته

 

[Dema^3sal]

اي والله انا معاج 1000%

وخير انشالله اذا يبي يتزوج مآيشوف شر والقلب دآآعيله .. اضيع روحي عشانه !!!!!!

 

[Judy abbott]

كلآآمج عدل انا اتفق ويااج

 

[maraiem]

شاكرتلكم جميعا المرور والتعليق .. مع العلم ان نسبة مشاهدة الموضوع كبيره جدا مقارنة باللي شرفوني بالرد .. يمكن ماكان لهم خلق يردون .. يمكن كانوا مستعيلين .. يمكن مو اعضاء بالمنتدى ... ويمكن ما عجبهم الحجي ... كل شي وارد .. لكن هذا الكلام اقوله وانا محاسبه عليه امام الله سبحانه .. ومقتنعه بكل حرف فيه ...ما قلته غشمره ... ولا تعبير مجازي .. الخلل في رؤيتنا لموضوع تعدد الزوجات .. ومفهوم الزواج ككل ... وبالمشي ورا كلام بعض البنات اللي ننبهر بقوتهم الظاهريه .. ومع الاسف كلمة ( كرامتي .. عزة نفسي ) ايضا تلعب دور.. وبسنا نكابر ونتحدى لمجرد انه ما يعجبنا ومو على هوانا ...

الله يرحم كل مره طاهره شريفه قضت بذيج النار .. والله يوسع عليها قبرها يارب .. ويجعل ماعنده لها .. خير مما عندنا لها .. والله يطمن قلوب كلمن له مفقود بذاك اليوم .. ويبرد على كل قلب محروق .. الله يشافي ويصبر كل مصاب .. والله يهون مصيبة هالناس الملكومه المفجوعه بشهر رمضان .. يالله يا كريم تختص برحمتك هالناس بهالشهر اكثر ... وتأجرهم على مصابهم .. اللي ايده في النار خواتي مو مثل اللي ايده بالماي .. وادري والله شاهد علي ان قلوبكم محترقه على هالناس .. بس هم مو مثل اصحاب الشأن نفسه .. لاحول ولا قوة الا بالله العلي العظيم وانا لله وانا اليه راجعون

 

[أنفاسي دخون]

انا معاش باللي قلتيه والله يعطيش العافية

 

[مو عايشة بالدنيا]

تصدقين كلامج عين الصواب

 

[عيون ظبيانية]

كلامج صحيح وعين العقل
الله يرحم الشهداء ويتقبلهم في أعلى جنانه

 

[ام الذوق]

معاج حق اختي

 

[miss swan]

صح كلامج بس احنا لما نقول احرقه وانتفه خو مو صج كله ضحك يعني اهدم مستقبلي عشانه ليش لا والله راح بداله مليون
وبعدين نكون منفعلين مع السؤال ردودنا تطلع جذي .. يعني تعتقدين ان البنات مايفهمون الجد من الضحك معقوله
وله راح يتاثرون بكلامنا
اعتقد ان احنا بنات من مختلف التوجهات وكل وحده وطريقة تفكيرها واللي تحط الموضوع تتحمل كل ردود بس تاخذ اللي يناسبها احنا مو يهال احنا كلنا كبار وفاهمين ولما الوحده تتكلم عن رايها حسب خبرتها اوتعبر عن مشاعرها مو قصدها تخرب على الاوادم وتغسل مخهم
ومشكوره

 

[فرحه عمر]

انا اتفق معاج بالموضوع اللي عاجبها وتحب ريلها وماتصبر عنه تقعد معاه وترضى
واللي مو عاجبها تطلع بكرامتها وعزه نفسها بلا تبهدل بلا عوار راس
والريال مدام ماحسبلج حساب لا تحسبينله

انا بس حبيت اقول شي انه قلنا ننقهر من اي موضوع كان وتختلف ردت فعلنا ناس تحطها بالقلب وتستكت وناس تصير مثل ام ناصر لسان طويل وحيل قاصر يعني بس تلعلع بالحجي وماعندها غيره وفي ناس تسوي بلاوي وهذا على حسب تربيتها ومرات التربيه مالها شغل يكون هذا حدها وقد عقلها

انا اللي سمعته انها ولعت بالخيمه الساعه 6 والدي جي يشتغل يمكن ماتوقعت انه في ناس بهالعدد فيها وماتوقعت انها بتولع بهالسرعه لان الوقت كان مبجر
تراها ياهل وقليله عقل وخبره والغيره تعمي العقل والتفكير شلون اذا محتره بعد؟؟ ,,,, تراني مادافع عنها ولا لي شغل فيها بس ياجماعه هذا درس لها ولغيرها عشان مايسون مثل هالسوالف