رأي راح يزعل نسبة كبيره من بنات المنتدى

[ساندريلا]

اكيد لمن تيين تسأليني تقولين اذا ريلج تزوج عليج شتسوين اكيد بقولج اشنقه والا اذبحه هذا تعبير مجازي حبيبتي
بس وقت الصجيه طبعا مااسويها مو لانه عادي لا لان راح تعز على نفسي وكرامتي خلاص اهده واروح ومالي شغل فيه

بس تدرين هالمره انا مو متعاطفه معاها كلشش خصوصا اني اليوم قريت عن الي صار بالجريده مت من البجي يقولج 5 حوامل ماتوا وسادسه ولدت من الخرعه ودرجه الحراره كانت 1500 مساكين وجم شخص مو قادرين يتعرفون عليهم بسبة التشوه الي فيهم
بس ريلي واااااااايد كاسره خاطره ومتعاطف معاها يقول انا احط الذنب على ريلها مرتك صغيره وشكلها وايد تحبك ليش تسوي فيها جذيه مو كافي انه بيتزوج ولا يحرق قلبها زياده ويسوي عرس

 

[يمة يادلبي]

قبل جم يوم حاطين موضوع عن الزوجة الثانية
وانا كتبت ان مافيها شي والشرع محلللة يتزوج أربع حتى لو زوجته كانت شنو كاملة من مقاميعوا
من حقه يتزوج
ولو حطيتيله فج بالسما وبالأرض هم راح يتزوج وماراح ينطر موافقتج

بس البنات اكتبوا اني انا مو طبيعييية :s
لا انا طبيعية مليون بالإميييية وهذا حق للريال ومحد لازم يمنعه والمفروض لا ريلج تزوج بليلة عرس تلبسينه بشته وتبخرينه لأن اكيييد لو انتي تحبينه وناستج من وناسته حتى لو كانت وناسته على حساب تعااااستج



وانا مو قاهرني الا الي يقولون علي احرقت الخيمة مسكينة
على شنو مسكيييينة ؟ هذا الي تحسبونها مسكينة شوفوا جم وحدة ذابحه الحين وحتى لو ماكانت تدري ان هذا بصير بالعقل يعني إذا وحدة سبببت حريجة محد بيتضررر ؟ حتى لو ضررر بسيط

بعدين لو قلنا زوجته جان اخف وطأة بس ياناس طلييييييييييييييييييييييييييييييييييييييييييقته يعني مالها شغل
وانا ناطرة على احر من الجمر عقابها وبشوف شبيسووون فيها معنه أي شي بيسووونه بعتبره شوية بحقها

 

[حبيبه بدر]

عدل كلامج وانا معاج

بس ممكن بعض الردود تكون بس كلام يعني وقت الصجيه ما تسوي شي

فا لا تتأثرين بكلام البنات ترى ما يقدرون يذبحون نمله

و الله يرحمهم و يسكنهم فسيح جناته و يصبر اهلهم
وانا وحده من اللي بس كلام ولا صارت الصجه الله لايقول بتطلق ولا احرق قلبي اكثر

 

[maraiem]

اكيد لمن تيين تسأليني تقولين اذا ريلج تزوج عليج شتسوين اكيد بقولج اشنقه والا اذبحه هذا تعبير مجازي حبيبتي
بس وقت الصجيه طبعا مااسويها مو لانه عادي لا لان راح تعز على نفسي وكرامتي خلاص اهده واروح ومالي شغل فيه

اختي اللي افهمه من كلامج .. وكلام واايد من الاخوات اللي لهم نفس وجهة النظر ان الله سبحانه ما راح يحاسبكم على اللي قاعدين تقولونه لانه ................. تعبير مجازي !!!

الشي الثاني ان احنا مافينا قدرة ابدا ابدا على الشر .. الشيطان ما يقدر يقص علينا او يستغل تعابيرنا المجازيه اللي دوووم نقولها ... لان احنا معصومين ومنزهين عن الخطأ !!!!

حبيبتي ... ردي الوحيييييييييييييييييييييييييييييييد على هالكلام واشباهه .. ان ابناء سيدنا يعقوب عليه السلام .. وهم ابناء نبي .. مو مثلي ومثلج .. كانوا دووم يرددون : ليش ابونا يحب اخونا اكثر منا ؟؟ واخرتها قطوا اخوهم في البير !!!

لا حول ولا قوة الا بالله العلي العظيم


وان شالله كلامي يكون خفيف على بعض القلوب

 

[بناتي زينة حياتي]

حسبي الله ونعم الوكيل ... الله يغفر لموتانا ويرحمهم ويشافي مرضانا ويعافيهم ...

كلامج عدل ميه بالميه وياكثر الردود بهالقسم إلي تضيق الصدر خصوصا عن الخالة أم الزوج ...واذا نصحتيها عطتج طاف ولاكأنها شافت الرد .. الله لايبلانا

 

[ضحـاوي]

كلامج كله عدل وغلطتي ابد

وعورتي قلبي صج ,, اتخيل حال اهاليهم عيالهم خوانهم خواتهم

الله يهون عليهم ويصبرهم ويجبر مصابهم ,, فقدان عزيز اصعب شي بالحياه

 

[غرشة عطر]

كلامج روعه والرجال لي بغي يتزوج ماعليه من اكبر راس
والمره لي عاندت بيصير كله فوق راسها

الله يرحم الاموات ويشفي المرضي يارب

 

[um khaled]

الله يرحم حال اهل العرس
والله شي يعور القلب
واهي الله يسامحها .. والله لو انها مو مسجونه ان جان نتفوها اهل الكويت تنتف

وانا معاااااااج بكل كلمه قلتيها .. حتى زوجي مرات على غشمرة يقول لي اتزوج عليج
عادي .. اقول له اذا تبي انا اخطبلك .. بس عقبها لا تحلم انك تشوفني
يبا اذا الريال يبي يتزوج خليه وانسحبي من حياته بكل هدوووء
اذا عاد اذا كنت مقصرة او اهو له ظروفه الخاصه فهذا موضوع ثاني

حتى انا من رايك ..
وقلت له نفس الكلام .. مع انه ما راح يسوي شي غلط بس ما اقدر تشاركني فيه مرة ثانيه
وان صار (اللي باعنا برخيص بتراب ينباع ) لانه عارف موقفي
وتسلمين عالموضوع

 

[توتا5]

الله يعطيج العافيه

 

[ناعم العود305]

معاج بكل كلمه قلتيها

 

[shams2008]

في موضوع بنات قبل جم كان شنو اهون عليج تسمعين خبر زواج ريلج ولا
وخبر موته

والله انصدمت من الردود
وشوفو انا شنو جاوبت

؟؟؟!!!

 

[ساندريلا]

اختي اللي افهمه من كلامج .. وكلام واايد من الاخوات اللي لهم نفس وجهة النظر ان الله سبحانه ما راح يحاسبكم على اللي قاعدين تقولونه لانه ................. تعبير مجازي !!!

الشي الثاني ان احنا مافينا قدرة ابدا ابدا على الشر .. الشيطان ما يقدر يقص علينا او يستغل تعابيرنا المجازيه اللي دوووم نقولها ... لان احنا معصومين ومنزهين عن الخطأ !!!!

حبيبتي ... ردي الوحيييييييييييييييييييييييييييييييد على هالكلام واشباهه .. ان ابناء سيدنا يعقوب عليه السلام .. وهم ابناء نبي .. مو مثلي ومثلج .. كانوا دووم يرددون : ليش ابونا يحب اخونا اكثر منا ؟؟ واخرتها قطوا اخوهم في البير !!!

لا حول ولا قوة الا بالله العلي العظيم


وان شالله كلامي يكون خفيف على بعض القلوب

---------------------------------
حبيبتي انا اقصد ان اغلبية الي قعد يردون ترى بغشمره وانا منهم حبيبتي شياب قصة نبي الله يوسف حقنا
مليون وحده بالكويت ريلها تزوج عليها ماسوت شي بس ماتت بحسرتها وندبت حظها او بالكثير غربلته بالمحاكم اغلبيتهم ينفسون عن غضبهم بهالطريقه لاتقيسين الحادثه الي صارت على كل الحريم وتظلمينهم بخطأ وحده الله يعلم شلون تفكيرها
وبعدين حبيبتي لا تقيسين الكلام الي ينكتب بالنت بالشخصيه الاصليه لان في بنات كتاباتهم مثااليه زياده عن اللزوم هل معناته ان اهم قعد يطبقونه بحياتهم اليوميه طبعا لا؟
واغلبية الي قعد يرد اشنقه اذبحه او اقصه نصين ترى على غشمره يعني وقت الصجيه بتسوي جذيه؟؟ طبعا لا الا الي نفسيتها مريضه وحطي خطيين تحت النفسيه المرييضه ترى حبيبتي اغلبيه بنات الكويت لهم عزه نفس مو طبيعيه وعندهم الي باعني برخص وعزت عليه العشره ابيعه حتى لو ادوس على قلبي انا وحده جذيه تعز علي نقسي وايد خصوصا لاكنت مو مقصره وياه وابيع الاولي والتالي علشانه

 

[الحنونهـ]

مشكوره وانا ايد كل كلمه قولتيه لأن الغلط ان كل وحده تبي تقهر زوجها اذا تزوج عليه فتسوي مصيبها راح ضحيتها ناس مالهم ذنب وهم اطفالها شراح يكون مصيرهم راح يقولون عيال المجرمه يالله يالله والله شيء يكسر الخاطر والله مصيبه..

 

[أبتسامة الحياه]

بصــــــــــــــــــــــراحه كلامج ينوزن بالذهب
وكله درر
الله يعطيج العافيه

 

[ملفتة للنظر]

صاجة حبيبتي...بس في حريم ماعندهم عقل يعني اسوي كل هذا عشان رجال؟؟؟؟؟؟



ليييييييييييييييييييييييييييييييييييييييش؟؟




كيفه يتزوج ويطلقني مومهم..المهم ابدى حياة جديدة مثل ماهو بدى حياة جديدة ولا اعلق حياتي على هالانسان





ياربي مابي اتكلم عالموضوع لان قلبي محترق على بنات ديرتي اللي راحو


مشكورة حبيبتي

 

[منونه المينونه]

كلامج ع العين و الراس و الله ، و ماكو اي شي يبرر لها فعلتها الشنيعه حلوه الشنيعه صح ؟؟
بس لا تقولون عمرها ، شنو يعني ؟ اذا عمرها صغير و تطكلقت و تزوج عليها تحرق العرس و الناس ؟؟
لا يبا حرام ، شنو شـ السالفه ؟؟
الدنيا ما فيها قانون ؟؟؟
مافكرت بربها ؟؟
شلون بتقابله بيوم القيامه ؟؟
و الله وين بتروح من عذاب رب العالمين ، ماكو اي شي يبرر لها ، اعرف ناس قالوا : المفروض تحرق الزوج ن بس انا اعارضهم ، مو لازم تحرق و لا احد ، خلاص ، المفروض تقنع بنصيبها ، صج قلبها بيحترق ، بس مو معناه تسوي اللي سوتها ، حسبي الله عليها ، ما فكرت لا بربها ، و لا باهلها ، و لا بعيالها .
انا لله و انا إليه راجعون .

 

[نعوووووومي]

أنا وياش بكل كلمهـ قلتيـها
ويعطيش العافيهـ

 

[اطياف الكويت]

عمرها 22 سنه ومتزوج عليها تبونها ترقص بعرسه ؟؟؟؟؟؟؟؟؟؟؟ اكيد بتسوي اكثر من جذي لأن عقلها مو موياها
ضيعت عمرها ومستقبلها ومستقبل عيالها علشان واحد لاراح ولا جه طليقها بعد موزوجها بس مبين عليها انه تحبه حييييييل
وهي مسويتلي روحها ذكيه تحرقين الخيمه وزوجج موفيها حتى العروس مو موجوده لا وعمرها 15 سنه
شنو ذنب الناس اللي ماتو دشي عليهم الغرفه وحرقيهم

 

[ساندريلا]

امبيه عمر زوجته الثانيه 15؟؟؟
تدرون قايله بالتحقيقات ان زوجها مدمن مخدرات وكله يطقها ويعاملها معامله سيئه انزين هذا الانسان يسوى تضيعين حياتج وحياة الناس علشانه؟؟

 

[هيبه فتاه]

كلامج عين العقل تسلمين خيتو