ديوانيـة --> بجريآت <-- : تعالوا نفضفض ونسولف !

[^لغموضي معاني^]

الله يهوون عليكم يارب ويسهل الولاده



الغسوول مو يومي تستخدمونه واحسن شي البابونج



وان شاءالله لمن تولدون بالسلامه اهم شي تاخذون حبوب المضاد عشان مايلتهب الخياط وحطو عليه ميبوووو والمطهر وابتعدوو عن انكم تتبخروون ترى مو زين

 

[قرة عيونه]

اي بالنفاس مو زين العطور والبخور ديروا بالكم

من شوي وانا اضبط اغراضي بغيت ابخر ملابس ولا اتذكر ان مو زين اشوه ع اخر شيء تراجعت

 

[# غنوجة بيبي #]

لغموضي البابونج عجيب استخدمه قبل الجماع بس قبل الحمل..ريحته تهبل


قره اي ديري بالج

 

[لوولوو_88]

ليش مو زين بنات @@

 

[نور الضي]

انا وصفت لي دكتورتي
غسول رغوه تقول لو فيج التهاب يروح
حطي كل يوم عادي
تبيعه بعيادتها لونه وردي

 

[نور الضي]

ما ادري لولو خواتي يقولون
لا تستعملين غسول وانتي حامل

 

[لوولوو_88]

زين و البخور و العطور ليش مو زين بالنفاس @@

 

[نور الضي]

عشان الخياط لا يلتهلب
هذا جرح

 

[# غنوجة بيبي #]

و عشان ما يدشج هوا من البخور بعد

لان الهوا يخرب الارحام يكافينا الشر

 

[سـٌگر معـقـود]

انا عن نفسي استخدم غسول انتيمنت اللي بالبانونج للحين
من قبل الحمل استخدمه ولان كان وياي الالتهاب فتره فكنت ارتاح عليه
مرتين بالاسبوع او مره بس

 

[سـٌگر معـقـود]

لولوو مو بس مو زين تتعطرين حتى مو زين تشمين عطور وبخور
اللي زايرينج يعني تتعطرين بالمره وخوا جوا

 

[قرة عيونه]

اي ديري بالج لولو ولازم اذا رحتي المستشفى بتولدين وصي احد يجيبلج ماي منقعين فيه مره عشان اول ماتطلعين تشربين منه

المفروض اللي يزورون الوالدات مايتعطرون بس في ناس ينسون هالسالفه فلازم لازم تكونين مسويه احتياطاتج

ياربي متى يجي هاليووووم خلاص مافيني صبر واحس هم للحين مو مستوعبه ماراح استوعب لين اولد واشوف البيبي قدام عيني يارب &#55357;&#56845;

 

[# غنوجة بيبي #]

قره ان شاءالله بتمر الايام بسرعه

و بترتاحين من هم الحمل

و تشوفين احلى نعمة ..نعمة الضنا

الله يرزق كل المحرومات يا رب هاللحظه

 

[لوولوو_88]

وعوووو استغفرالله منقوع مره اشربببه جد وييييع

الله يهون عليج يا حبي و تولدين بالسلامه يا رب ♡

 

[قرة عيونه]

شتسوين لولو اذا جرتبي الالم مضطره تشربينه شنسوي بعد فتره وتعدي

اللهم امين تسلمون بنات

 

[أمورته]

لوووووول لولو لازم ع اقل تشمينه مو شرط تشربين الماي بمره
وصج العطور والبخور مو زينه لاي شخص يسوي عمليه بعد مو شرط الحرمه الوالده
فديرو بالكم والله خير الحافظين

 

[# غنوجة بيبي #]

اي والله يا قره صاجه

انا بعد ناويه اشربه ان شاءالله

لانه حيل مفيد

و اساسا تقدرين تغسلين فيه من تحت عالخياط بعد

تذوبينه بشوية ماي

و في بنات يشترون بخاخ فاضي و يحطون فيه ماي و مره

يبخونه على مكان الخياط

الحكه و العوار كلهم يخفون

و اصلا المره تعتبر مضاد حيوي

فيها مادة مضاد حيوي يريحج

انا بشتري بخاخ فاضي و اذوب فيه كميه من المره بماي

و برشه كل ما حسيت ان الخياط يحكني او يعورني ان شاءالله

و غير هذا بشرب ماي بمره بالاستقبال لان وايد حريم متعطرين

الله يسهل بس حبيت افيدكم بطريقة البخاخ

 

[أمورته]

صح كلامج غنوجه زين تسوين ويزاج الله خير
باول عرسي انضت ايدي من سجين وصار فيها خياط
وسبحان الله المره فعلا وايد ساعدتني بتخفيف الالم ومن اول مره ويبست الجرح
فعلا هي مضاد حيوي



غنوجه جهزتي كل شغلج ولا بعد?

 

[HoD'HoD]

بنات ترى عادي تحطون عطر او تشمونه

الجرح بعييييييد ماراح يحوشه العطر وانتي لابسة الف قطعة

انا سائلة خالي استشاري جراحة عن العطر بعد اي عملية يقول كلها خرافات شلون الجرح يشم العطر على قولتهم

اهم شي الخياط مايحوشه شي وعادي لو تحطين نقطة دهن عود ورى اذنج

 

[لوولوو_88]

هدهد انا معاج 100% ولا أؤمن بخراب الرحم أحس خرابيط .. و منطقيا شياب العطر حق الجرح جد و حتى لو قيصري فوقه و شاش و لزقات .. مع احترامي للبنات حتى مع اختي الكبيره امي ما عمرها ذكرت لنا هالشغلات ابد .. ما نؤمن بالشغلات هذي ..