ديوانيـة --> بجريآت <-- : تعالوا نفضفض ونسولف !

[مآيكبرني نك]

بجريآت

العضوتين لما ضاقت وام مريم ورحمه

تفبضوآ فيهم هههههه

درر وآيد بيفيدونكم انا ادؤر ردؤدهم دوآره لؤل

 

[قرة عيونه]

مو خرافات عن تجربه الحين حتى لو ضرسج عورج وشميتي عطر بيعورج زياده

اي جرح مو زي ن عليه العطر بس ع قولتج هدهد دهن عود خفيف ع الاذن ممكن

بس مانكثر عطور

غنوجة اعجبتني فكرة البخاخ تسلمين حَبٻبتــۍ

مايكبرني نك اي ماشاء الله عليهم دايم موجودي بتجمعنا وحييييل فادونا الله يجزاهم خير ويسهل عليهم يارب

 

[# غنوجة بيبي #]

صح كلامج غنوجه زين تسوين ويزاج الله خير
باول عرسي انضت ايدي من سجين وصار فيها خياط
وسبحان الله المره فعلا وايد ساعدتني بتخفيف الالم ومن اول مره ويبست الجرح
فعلا هي مضاد حيوي



غنوجه جهزتي كل شغلج ولا بعد?

جهزت تناتيف لووول


ببتدي الجد شهر 3 ان شاءالله اكون بالسابع


و بحاول قبل الثامن اخلص كل اغراض البيبي عشان اتفرغ اجهز لنفسي و للاستقبال بالثامن

و بالتاس اصك كل جناطي و انطر الولاده

الله يسهل لازم اشد حيلي الشهرين اليايين

 

[# غنوجة بيبي #]

هدهد كل اللي اعرفهم يشب عليهم العوار بعد العطور و البخور حيل

المره تخفف عنهم

حتى امي قبل جذي

 

[HoD'HoD]

صح لولو منطقيا تحسين خرافات حتى امي ماتؤمن بهالشغلات بكل ولاداتها عادي تسبح وتتعطر ومافيها الا العافية الحمدلله

قره
الضرس شي ثاني لما ترشين عطر رذاذه يدش بالحلج وشغلة تحسين بالعوار زيادة لان اعصاب الخشم والحلج والاذن مرتبطين ببعض بس مستحيل يتأثر الجرح اذا ماحاشه شي

بس جرح عملية او اي جرح بجسمج ماله شغل بالعطر دام مغطيته ولابسه ومايحوشه شي

تعطرو وتزينو وماكو الا العافية ان شاءالله

انا بهالسوالف ما اعترف بكلام الحريم الكبار نفس سالفة اللي بالنفاس مايصير تشرب ماي !!! امبيه مستحيل امشي على كلامهم

بالصراحة اي شي اسأل فيه خالي دكتور استشاري دارس وفاهم اثق بمعلوماته لانها ياية من ابحاث وتجارب

اسأل طبيب ولا تسأل مجرب هذي قاعدتي

 

[HoD'HoD]

غنوجة صدقيني نفسياً يحسون بالعوار الا اذا يتعطرون قبل لا يلبسون شي ثاني او يستخدمون كريمات فيها عطور

واصلا العوار موجود سواء تعطرتي ولا لا ويزيد ويخف تلقينهم يتعطرون بوقت يكون رايح فيه مفعول المسكن صدفه يعني وعبالهم من العطر

 

[لوولوو_88]

اي المره ما عليها خلاف معروفه فوائدها .. أما الباجي مع هدهد انا اذكر امي تعبر اختي لا يوها ناس بالبيت و تبخر الغرفة تودي البيبي فوق و تبخر الصاله .. كل واحد و شتربى عليه من معتقدات

 

[لوولوو_88]

تعطر اختي شعرها و رقبتها **

 

[# غنوجة بيبي #]

جايز والله مادري

بس المره مفيده عشان يلتئم الجرح

 

[HoD'HoD]

غنوجة عدل كلامج المرة مفيدة وايد مضاد حيوي مثل ماقلتي معروفه حق الجروح

وانا معاج لولو اذكر امي مسوية عملية ماخلوها تعطر الغرفة عاد خالي دش يقول الغرفة مقموتة عطروها شوي ولا امي تقوله ماخلوني يقولون الجرح يشم العطر

قعد يضحك لانه دكتور جراحة يعرف بهالسوالف تخصصه يقول شنو هالخرابيط وخذا العطر ورش الغرفة كلها وامي ماصار فيها شي

وبالاخير مثل ماقلتي كل وحدة وشنو تربت عليه وكل وحدة وقناعاتها

 

[قرة عيونه]

اي صح في معتقدات واجد خاطئه اهم شي ان النفاس ماتشرب ماي بالعكس الماي اكثر شيء مفيد بكل الحالات

بس انا عن العطر اشوف اختي وهي والده اذا رشينا عطر حيل تتالم وتقعد تشم المره او تشربها

خصوصاً انها عمليه مو طبيعي

وعاد مادري هالمعلومه حلوه مشكوره لصالحنا عشان مانتاثر بالعطور

لكن هم جيبوا مره احتياط ومثل ماقالت غنوجه انها مفيده وتعتبر مضاد حيوي

 

[HoD'HoD]

وشنووو الافيد نشربها ولا نرشها على الجرح ؟؟

احس مفعولها اقوى اذا حطيناها على الجرح

 

[لوولوو_88]

اي هدهد أحسه على الجرح مفعوله أسرع من الشرب ..

 

[نور الضي]

خواتي
اذا شموا عطر يعورهم الجرح لازم مره
حتي خلع السن
مع العطور والبخور يلتهب

 

[قرة عيونه]

مادري والله شنو أفيد أنا كنت أشوف أختي بس تشربه

بس أنا بجرب الاثنين ان شاء الله وأقولهم

 

[# غنوجة بيبي #]

انا بعد ان شاءالله بجرب الاثنين

بشرب المره و برشها عالجرح

يا رب نولد طبيعي قولو امين

القيصريه امرها مو هين

 

[قرة عيونه]

اي والله الله يرزقنا كلنا بالولاده الطبيعيه السهله الميسره يارب

 

[HoD'HoD]

آميييييين يارب الله يرقنا ولادة طبيعية وميسرة بإذن الله

 

[مذهلة2013]

امين يارب

 

[سـٌگر معـقـود]

اميين ان شاء الله