ديوانيـة --> بجريآت <-- : تعالوا نفضفض ونسولف !

[قرة عيونه]

مساء الخير

شخباركم بنات

 

[lawyara]

مساء النووور

الثقل مو طبيعي وعوار الحوض زايد
احسها ساعات ترفس ضلووعي ههههه شطانه


متى متى ايي دووري ،، يالله هانت

 

[قرة عيونه]

ايييي لوير الله يعين

انا مرات احس ان يتيبس بمكان

ومرات يعورني من ضلوعي اذا رفس الله يعين يارب اولد بسرعه

 

[HoD'HoD]

الله يهون عليكم ويرزقكم الولادة الطبيعية السهلة

الحمدلله دخلت السابع وبدى الثقل صج مالي خلق اتحرك كلش

وودي اخلص تجهيز قبل لا ادش الثامن واريح بالي

 

[# غنوجة بيبي #]

يا حلو مذركير البيرق

خميت منه شكثرررر

يشوقوووون يا حلات البنات













لاواريه اي يقولون دايم البنت ثقيله و مكانها بالبطن يعور اكثر من الصبي
مادري صج ولا خرافات

 

[HoD'HoD]

غنوجة مذركير البيرق حلو بس عيبه صغير في وايد سوالف مالقيتها عندهم طقة السراير وملابس الام الداخلية وهالسوالف

عاد تصدقين امس اسأل امي عن الفرق بين البنت والولد

تقول انا بحمالي فيكم بنات وصبيان الوحام نفسه وشكل بطني نفسه والحركة والثقل وحتى الطلق والولادة ماتغير علي كلكم نفس الشي ماتعبت بأحد اكثر من الثاني

الظاهر مو كل الحريم نفس الشي جسم عن جسم يفرق

 

[# غنوجة بيبي #]

والله مادري يا هدهد

كلام امي و خالاتي نفس الشي ان البنت غير عن الولد

اثقل بالحمل


حتى عمتي تقول


عاد حماتي بولدها حملها اثقل من البنات على كلامها

 

[# غنوجة بيبي #]

والله مادري يا هدهد

كلام امي و خالاتي نفس الشي ان البنت غير عن الولد

اثقل بالحمل


حتى عمتي تقول


عاد حماتي بولدها حملها اثقل من البنات على كلامها

 

[أمورته]

شلونكم بجريات شخباركم
باذن الله اذا الله سهل لنا ولكم بعد الولاده راح تيبون رداده?

 

[قرة عيونه]

اي شكثر اسمع ان حمل البنت يفرق عن الولد بالوحام وحتى الطلق

بس انا اتوقع مو عن الجنس نفسه يعني يفرق من حمله لي حمله

بس بالثقل كله اقرا بالبرامج ملوت الحمل ان الولد وزنه يكون اكبر

الله يهون علينا كلنا يارب

امورته مادري بس اخاف من سوالف الردادات مع ان رفيجتي تمدحلي وحده بس خايفه صراحه

 

[ZynaH-Q8]

على طاري بنت او ولد

اول اسابيع الحمل تقريبا الاسبوع الثامن جذي تعبانه ووحام ببيت اهلي
جان اتقولي خدامتنا انتي في بنت
قلتلها ليش جان اتقول انتي صار وجهج حيل حلو اذا ولد انتي وجه يصير اسود ومريض
طبعا ماصدقتها ﻻن كل احلامي ان ولد

بس بالاسبوع 13قالي الدكتور بنت وصج الحمدالله بنت
عاد مادري نظريتها تنطبق ع الكل او ﻻ ههههههههه

 

[قرة عيونه]

ههههههههههه

تدرين عاد والله شكثر اسمع حريم كبار يقولون جذي ان حمل البنت يحلي الام بس الولد يشينها

 

[قرة عيونه]

ههههههههههه

تدرين عاد والله شكثر اسمع حريم كبار يقولون جذي ان حمل البنت يحلي الام بس الولد يشينها

 

[# غنوجة بيبي #]

انا بحملي زنت


بس حماتي بولدها زانت حيل

و لما كانت حامل فبناتها تشين


نفس ما قالت قره ينطبع على الحمل نفسه

 

[تدخلين القلب]

انا فيني ولد وكل من يشوفني يقول زااااينه

 

[# غنوجة بيبي #]

انا بحملي زنت


بس حماتي بولدها زانت حيل

و لما كانت حامل فبناتها تشين


نفس ما قالت قره ينطبع على الحمل نفسه

 

[# غنوجة بيبي #]

ينطبق***

 

[سـٌگر معـقـود]

انا بحمالي كل من شافني قالي وجهج مخطووف
وشكلج تعبانه < وانا موتعبانه !

واحسااسيي حيل يقولي بنت

بنات اتوقع تشين بالولد لان يزيد هرمون الذكوره التسترون
عشان اللي ببطنها ولد فشعرها يزيد جلدها يصير اسمك
يعني تتحول لوووول
والبنت يزيد هرمون الانوثه وينعكس عليهاا

ترى تحليل من عندي مو دراسه

 

[HoD'HoD]

حتى انا خالتي تقولي ويهج منور وحليانة اكيد فيج بنت

وصج طلعت بنت بس هم ما اعتقد احس على الحملة نفسها

سكر معقود تحليلج عجييييب هههه
عاد امي يابتنا كلنا مشعرين بنات وصبيان الظاهر عشان جذي ماختلف عليها الحمل لوووووول

 

[# غنوجة بيبي #]

بنات صج يقولون ان حكة البطن تدل ان البيبي شعره وايد؟؟