ديوانية --<-@ {{ One Day We Will Be Slim}}

[Melazlaza]

لووووووول ضيون صح صح انا احس اني مفجوعة جنه ما صدقت احمل على قولة اختي تقول انا احمل عشان اكل على مدار الساعة ما يأنبني ضميري لوووووووول بس مسكينة الحين غصب تنزل وزنها وايد يحنج مع انها ما تاكل عرفتي ليش انا خايفة مانبي نتوهق بعدين

 

[Queen of Sadnes]

الله يعافيكم حبايبي وعلى فكره البينت بتر لو فات

 

[Melazlaza]

يه يه اي كوكو زين تسوين كل شي لو فات احسلنا والله

بس اول مرة تمر علي لو فات ماشفتها عندنا!

 

[Queen of Sadnes]

اكيد موجوده عطوف بس يمكن انتي مو منتبه شوفي اللي لون العلبه اخضر هذي الدهون فيها اقل بنسبه %25 بس اللي لونها ازرق هي العاديه

 

[نونة حبيبها]

بنات ياحلوات
طلب صغنون..
دعووووووووووووووة من قلب ربي يحفظلي ولدي ويقومه لي بالسلامة
اليوم بيسون له اسنان تحت تخدير عام وشايله هم التخدير العام
ربي يحفظلكم اجبابكم يارب ويحفظلي نور عيني

 

[نونة حبيبها]

عطوفة موجود قلبي انا الي عندي كمان لو فات

 

[Queen of Sadnes]

حياتي نونه الله يحفظه لج ان شاء الله ويقومه بالسلامه ويخليه لج يااااااااااارب

 

[ضي]

حبيبتي نونه الله يحفظه لج ياررب ويقومه بالسلااامه

عطوف هذي البلووووه احاتي عقب الولاااده شلوووووون ينزل هلوزن كله

 

[Queen of Sadnes]

ضيون حياتي لا تحاتين ا نشاء الله وزنج بينزل وانتي الحين صرتي تعرفين شلون تهتمين باكلج وانتي قدها بتقدرين ان شاء الله

 

[ضي]

حيااتي كوكو الله يسمع منج ياررب

 

[LadY BuG 80]

هااااااااااااااااااااااااااااااااااااااااااااااااااااااااااااااااااااااااااااااااااااااااااااااااااي

شخبلركممممممممم انشالله بخير :eh_s(15):​

امبيه ضيون لا لا تقولين والله اتحطم حدي
ضيون انا ماااابي اسوي ريجيم بس ابي ارجع اكل اكل صحي موووو خرابيط واعليا هالبيبي شذنبه مقزرتها شبس و كاكاو و فطاير
لا لا ضيون نقدر نقدر بس لازم تشجيع و نفكر صح الحمال مو فرصة للفجع
اليوم شفت حامل لبنانية ماشالله سلم قلبه بس الكرش ناطة والكويتيات كرش زنووووود فخوذ والعيون منغمتة من الخدود
انا بدي كون لبناااانييية مابدي انصح ابدا ومن هلأ بإلكون حآكل تبولة و مشويات
هااااا اصلح والا لأ ؟؟؟

هههههههههههههههههههههههههههههههههههههههههههههههههه

عجبني وصفك و المقارنه .... يختي صراحه بنات اشام بشكل عام مهوسين برشاقه و الجسم المثالي و الي ما تهتام يقولون عنها درويشه و مو كلاس

احنا عندنا كل ما الكلاس هاي تكون اثقل لوووووووووووووووووووووووووول

عندي صديقات منهم ... وحده من يوم ولدت و هي تضعف تضعف صارت هيكل عضمي ... يوم نقولها شمسويه تقول ولا شي بس هيك اضعف ... انا صدقت على نياتي .. مره حصلت اختها و اقولها شلونك و شخبارك و شلون البزران .... جابت طاري اختها ( الي تضعف من ربنا على قولتها ) قلت لها شخبار فلانه اكيد الحين اختفت من اضعف ؟؟ عرفت سبب نزول وزنها .


قالت لي هيا اكلها صاير خفيف ... قلت لها بلعكس قالتلي عادي اكلها ما تغير صراحه خفت فيها شي ... اختها قالت لي ... كذااااابه ولله ما تاكل يوم رحت افطر عندها و ما اكلت الا مكعب فتا تشيز كبر نص ملعقه و نص كبايه شاي احمر بس ... قالت ولله ما تاكل تناتيف بس .... هيا بدها تضعف

قلت افااااااااا وين الي تقول اكلي نفس ماهو من ربنا ما بعرف ليش اضعف ...

ولله همهم جسمهم ولا يحبون يجيبون طاري رجيم عشان اناس ما تقول يوووو ذبحت حالها عشان تضعف
و مره يوم تزوجت اختهم الكبيره و حملت و ولدت زادت حوالي 9 كيلو خواتها الي اصغر منها كلوهااااا اضعفي لا تاخذين راحتك .. و هي كانت توها نفاس و ملعوزه مسكينه بلبيبي ... ولله وحده من خواتها قدامي تقولها بس بس بلاش اكل ... قلت لها حرام عليكي خليها نفاس ... قالت شوو نفاس صايره متل البقره .. قلتلها انت ايش دخلك ؟؟؟ قالت بلله شوو عشان اناس يقولون بنات فلان بس يتزوجوا و من اول بيبي خلاص بيصيرو بقر ... لا تخرب علينا و تضيع سمعتنا

لووووووووووووووووووووووووول ولله تقدييس لرشاقه صراحه

يعني اصحوا لنفسكم يا معشر انساااااااااااااااااااااء و شوفوا الحريم اشلون تفكر ... يبذلون الغالي و انفيس في سبيل ارشاقه و احنا كل يوم نقول بكره عادي حامل . خوو اغذي البيبي :rgewrg:​

بنات ياحلوات
طلب صغنون..
دعووووووووووووووة من قلب ربي يحفظلي ولدي ويقومه لي بالسلامة
اليوم بيسون له اسنان تحت تخدير عام وشايله هم التخدير العام
ربي يحفظلكم اجبابكم يارب ويحفظلي نور عيني

اووو حبيبي الله يحفظه و يقومه بسلامه و يطمن قلبك :eh_s(17):
​

 

[أم عامر]

عطوف كلامج صحيح انا اشوف الكنديات هني والله ماتقولين حوامل ابد تشوفينها من ورا عصاقل ومن قدام بس الكرشه بارزه ليش؟؟
لانهم يلعبون رياضه تناسب الحوامل ويتمشون واكلهم كله فواكه وسلطات يحبون يهتمون بنفسهم عدل بالحمل ويحبون يغذون البيبي حتى العصاير يشربونها طازجه فرش مو نفسنا احنا لي حملنا نقعد ونبلع

بس مو معنى هذا ان الوزن مايزيد لا لازم الزياده وانتوا بعد ادرا ليش وبعد الولاده هذا كله بيروح ان شاء الله لالاتتحبطون شدوا حيلكم وانتوا قدها ... انا عجبتني فكره ام عموور قالت تجهز سلطه وتخليها بالثلاجه كل ماياعت تاكل منها ما ادري اذاطبقتها ولا لأ لوووووووووول عاد جربي وحطي حيلج بالفاكهه وان شاء الله ماراح تكون في زيادات قويه

ههههههههههه
سويتها يومين وتالي بطلت والسبب من الوحاام مو مخليني ارفع راسي
فزوجي مراعيني كثير واغلب اكلنا من برى

هاليومين النساه اخف الصبح وتجيني اللوعه صايره ورى المغرب تمسكني لي الليل

فأنام مبجر لأن مالها علاج غير النوم

الحمد لله وعيت على نفسي وصار اكلي احسن من اول صرت ما اكل خرابيط

انا اللي خرب علي اللوعه الحين خفت فتره النهار فصرت ما اخربط

ريوق و سناك وغدا وسناك والعشا خفيف

بس صايره اجووع وايد واحس الاكل مايقعد ببطني

عطوف للامساك اكلي يوميا قبل النوم من 4الى5 حبات كيوي

تمشي بطنج وتريح وشربي عصير برتقال فرش

 

[BiiShOoO]

السلااام عليكم يا حلويين



نونا ما يشوف شر ولدج


ضيون لا و الله ما فكرت و عموما موعدي الاحد ان شاء الله و ان شاء الله يبين

عطووف


الله يكون بعوننا


انا مستانسه لانه وزني نزل ٢ كيلو طبعا هذا قبل اسبوع كنت وازنه ههههههههههه

 

[BiiShOoO]

السلااام عليكم يا حلويين



نونا ما يشوف شر ولدج


ضيون لا و الله ما فكرت و عموما موعدي الاحد ان شاء الله و ان شاء الله يبين

عطووف


الله يكون بعوننا


انا مستانسه لانه وزني نزل 2 كيلو طبعا هذا قبل اسبوع كنت وازنه ههههههههههه

 

[نونة حبيبها]

الحمدلله عدا اليوم وامور ولدي بخير كنت مرة شايلة هم التخدير
الله يسلم احبابكم لكم يارب

 

[Lady <3 A]

هلوووووووو :eh_s(17): وحشتووووووووووني

بزبز
الف الحمد لله علا سلامة اوخيتج حبيبتي والفال لج ان شاالله نفرح فيج لما تربين
بعدين ديري بالج مو بس الكويت اللي نورت الخليج بكبره نور برجعتي سالمة غانمة (قمة الغرور مو)

الله يسلمج حبيبتي لولو :eh_s(17): تسلمين :eh_s(22):
اي اكيييد الخليج بكبره منور :eh_s(9):

الله يحييج صج يلا نشوف يوم الجمعه من اقل وزن انا والا انتي

لاا ماحس ان وزني بيكون اقل :eh_s(16): بعدين بكتب مأساتي
صح رورو ممكن تشرحين لي نظام النقاط :eh_s(22):

بزبز الف الف حمداللله علي سلامت اختج :**

حبايبي بقولكم خبر يضيق الخلق

مزمز حبيبتي راحت موعدها وقالولها الجنين متوقف نموه من الاسبوع ال6 وراحت حكومه نفس الكلام

وقالولها الدم بالرحم زايد ويمكن هذا اللي وقف نمو الجنين وقررووا لها تنظيفات اذا مانزل بروحه

ياحياتي ضايق خلقها عفيه بنات رجيييتكم اذكروها بصلاتكم ودعاءكم وادعولها الله يعوضها بالحمل السليم اللي يفررح قلبها بافرب وقت

الله يبارك فيج حبيبتي ضيوون :eh_s(17): الفال لج ان شاء الله

حبيبتي مزمز :eh_s(16): لا حول ولاقوة إلا بالله العلي العظيم .. الله يهون عليها يارب ويعوضها خير إن شاء الله

بزبز مبرووووووووك ماياكم والحمد لله على سلامه اختج

الله يبارج فيج كوكو :eh_s(9): عقبالج ياااااااارب نفرح بخبر ولادتج بتونز

ضيون حياتي هذي احلا بسبوسه لج مع احلا بوسه امواااااااه وعطوف انتي معاها بعد واللي تبي تقول بنات مو تستحون لووووووووول

يمممم يمم :eh_s(16): ابي بسبوووووسه
برمضان صابني هوووس بسبوسه لوووووول

تدرون ايش صار فيني من يومين ؟؟؟ طلعت لي صعروره في جبهيتي الجهه اليسرا فوق العين مع اعراض برد ​

بعد ما مت من الخرعه لانه اول مره تصير لي .. طلع من قوت البرد انسدت توب من الجيوب الانفيه الي فوق العين و تورم من تراكم اسوائل اليوم شويه عيني تعورني بس اصعروره راحت ​

و فيني اعراض فلو و تكسير ​

المهم مافيني الا العافيه ​

طبعا باقي يومين و اخلص اسبوع المرور و الحمدلله انفسيه تعدلت و حالت الفجع استقرت بس بعد خراب ملطااااااااااااااااااااااا ​

صرت 60 كيلو و بحمدالله ,,, تبون تعرفون اشلون زدت الاثنين كيلو ( لو اروح تجمع العصاقل بيحببوني في خدودي على وصفتي اسحريه هههههههههههه ) ​

بسم الله من ثالث ايام عيد الفطر السعيد و كتونه طايحه بلعه
صورت لكم فيض من غيض هع هع ​

اقول يا حوامل امسكو ايدنكم لا تتحكحكون يطلع البيبي كانه صورت خريطت العالم من الاقمار اصناعيه هههههههههههه
اولا ​

كتووووووووووون يالمجرمه :eh_s(16): سامحكي الله وزاادكي جرامين على هالتعذيب هههههههههههههههههههههههههههههه

وسلامتج ماتشووفين شر ان شاء الله

بزبزز مبرووك ماجاكم ياارب وعسى ربي يحفظها لوالدينها

الله يبارك فيج ام عمووري :eh_s(17): الفال لج ان شاء الله

خل اقولكم يومي امس
الصبح شربت لي سكني لاتيه ورحت حق صديقاتي الدوام اكلت شريحة توستة مع مسحة جبن وزيتونتين وثلاث شرايح خيار وربع قفشة جبن ابيض
الغدا سلطة فتوش بدون خبز مع اقل من نص خبزة خفيفة مع حمص وربيانة مشوية جامبو
رحت السينما اخذت لي كوب فواكه فرش رقي وبطيخ ورمان ومنجا واناناس وكيوي ورمان واكلت شوية ناتشوز من ولدي
العشا رحنا فدركرز طلبنا اصابع جبن اكلت اصبع واكلت شويت شيلي فرايز طبعا رجعت البيت مسمووومة من اللي اكلته وتكرمون ركض الحمام
خل اقولكم شنو صار مع موعدي
طبعا استانست وايد من اللي وصلت له وقالت لي لولو شكلج يحتاج فقط لا غير كيلوين لا تنزلين اكثر قلت لهاحرام عليج ابي اشوف زول الستين واتفقنا ان نزولي بالشهر ما يزيد عن الكيلوين لان حرام الهدف قريب وايد وخليه علا الراحة قلت لها لو كيلو ونص هم اقول الحمد لله والشكر
وقالت لي اني خلاص اكل كل اللي بخاطري واني لازم ما انزل عن ال 1000 كالوري وسمحت لي بازحلويات ويوم فري مرة بالاسبوع بس طبعا ماراح اعطي نفسي ويه علشان ما امصخها واتمادا اعرف نفسي وسالتني عن شعري قلت لها قصدج بقايا شعري لان خلاص انتها قامت تضحك وقالت لي الحين يي الوقت انج تهتمين بنفسج من كل النواحي
رجعت معنوياتي حييييل مرتفعة ومستانسة وانا الحين عندي ثقة اوووووفر بنفسي وبشكلي وامشي واتمخطر علا قولتهم

ما شاء الله لا اله الا الله :eh_s(17): الله يتمم عليج لولو وتوصلين لهدفج وتشوفين الستينات ان شاء الله :eh_s(9):

في ناس بعد كم شهر بتدحرج لوووووووووووووووووووووووووووول ياويلي من الكروشات هههههههههههههههههههههههههههههههههه اليوم حاطه دوبي و دوبهم ​

:krkrkr:

مرحبا صبايا
اخباركم؟؟
انا الحمدلله احسن بكثير من امس ..رحت للدكتور وطمني قال احتمال تسمم من اكل المستشفى ..
نزلت كيلو لوووووووووووووول ..رب ضارة نافعة لاني ماكنت قادرة اكل
اليوم دوخة بس ..
الف الحمدلله على سلامتك كتونة وايش هالاغراءات

سلامتج نوونه ماتشوفين شر ان شاء الله

بزبز برجع للمنافسة يلا نرد نكتب شنو اكلنا انا معاج و نحط وزنا كل يمعة ماله شغل اعتبريني مو حامل
ابي اقول ستووووووووب هذا غلط

هياااا بناااااااا :eh_s(9): بصراحه انا محتاجه هالمنافسه :eh_s(16):

بنات ياحلوات
طلب صغنون..
دعووووووووووووووة من قلب ربي يحفظلي ولدي ويقومه لي بالسلامة
اليوم بيسون له اسنان تحت تخدير عام وشايله هم التخدير العام
ربي يحفظلكم اجبابكم يارب ويحفظلي نور عيني

حبيبي الله يقومه بالسلامه ان شاء الله ومايشوف شر ​

 

[Lady <3 A]

امس نزلت علي الحلوه مره ثانيه وتوني مخلصه من 12 يوم ووزني زااد مره ثانيه وصلت الــ 56 وخلال يومين وصلت 58 مع ان اكلي عااادي جداً يمكن من الدوره

يومي :

تريقت كوكي شوقر فري 130 كالوري + حليب قليل الدسم بنسكافيه

غداي شريحتين توست اسمر وجبن وخس وخيار + قرين تي ليبتون بالليمون والعناع فيه 28 كالوري بس


والعصر شربت شاي احمر وبعده بفتره اكلت تفاحه

قبل العشا اكلت حبة ميني كيندر البيضة العنوونه لوول

وعشاي صدر دياي مشوي

والحمدلله ع النعمه

 

[للزين هيبا]

هااااااااااااااااااااااااااااااااااااااي بنااااات شلونكم:eh_s(8)::eh_s(8):
توني راده من السفر اسفه ما قمت اشبك واجد:eh_s(11):
صججج بااااركووولي نزل وزني 4 كيلو :eh_s(15): هياااااااااااااااااااااا:eh_s(9)::eh_s(9): وناااااااسه صاااار 65 كيلو:eh_s(22): الحمدالله توني ارتاااااااااااح فديتكم:eh_s(9)::eh_s(9):

 

[للزين هيبا]

اذكركم بطولي 170 و وزني حاليا 75
الحمدالله الحمد الله وصلت الوزن اللي ابيه وااااو فديتكم احبكم وايد

 

[Melazlaza]

صباح الخير
الحمدلله بنات انحلت ازمتي لوووول ما بقا الا اكتبها بالجرايد بس اليوم صار فيني شي ما اتمناه لعدوي وايد تعبت ألم فضيع حتى خفت البيبي يطيح وقمت ابجي بس الحين الحمدلله صرت احسن شوي الله يسهل علينا كلنا الحمال متعب



مشكورين بنات وبدور اللو فات بالجمعيات احسن من الفل فات

نونة الحمدلله على سلامة الحلو الله يخليه لج

ام عمور الحمدلله اللوعة قلت وياج ودامها بالليل قزريها نووووم والله يخليلج بو العيال الي مراعيج يا صوصة يا انتي
صج الواحد ماله خلق يسوي شي انا من خفت اللوعة قمت سويتلي سلطة وكل يوم بسوي لان ضرورية
والكيوي ادري عنه وكنت دااااايما ملتزمة فيه بس قالوا مو زين بالاشهر الاولى!! من جذي خففت بس اليوم حطيته عالفروزن يوقرت


كتوووووون ليش كله تعليقاتج فكاهة وافطس ضحك وانا اقرى لووول دمج عسل
والله سالفة اللبنانيات خلتني صج اقول ستوب عيل احنا نعبي بالدهن واهما يفضوووون
انا راح اكتب يومياتي معاكم لمزيد من الاتزام


بزبز افا عليج خلاص برجع اكتب يومياتي وكل يمعة احط الوزن عاد انتي نافسيني وزفيني بنفس الوقت عشان التزم عدل





بنات يومي كالآتي:
تريقت كورن فليكس فيتنس وحليب خالي الدسم
الغدا سلطة بصوص لو فات و ربيان مشوي لذيذ و اكلت لقمتين باستا بالفلفل البارد مممممم للحين خاطري فيها بس مسكت روحي
المغرب خوخة
العشا فروزن يوقرت بالفواكه
والحمدلله انتهى يووووومي