ديوانية --<-@ {{ One Day We Will Be Slim}}

[Queen of Sadnes]

مرحبا بنات شلونكم عساكم بالف خير وعااافيه عليكم اللي كليتوه

بحط لكم يومياتي امس سوري قاعده احط متاخر بس لاني صرت انام مبجر فمايمديني انزلهم

امس عالريج قلاص ماي وبعدين اكلت شريحتين توست اسمر مع شويه بيض مقلي بشوويه زيت ونسكافيه



السناك كان حبيتين تمر بالجوز و شويه مكسرات



غداي امس كان صينيه دياي بالفرن مع خضار( مشروم كوسا بطاط بصل طماط فلفل اخضر وجزر)
و سلطه





ماتعشيت شربت اعشاب بابونج وينسون و بابونج واخذت حبه الحديد قبل النوم

مجموع الماي لترين الحمد لله

 

[Queen of Sadnes]

اي وبالنسبه لوزني

اخر مره حطيت وزني كان 50.400

وايام ما خبصت زدت كيلو وصرت 51.400

واليوم الصبح وزنت بعد التزام هالثلاث ايام والحمد لله نزلت هالكيلو ورجعت مثل ماكنت اشوه والحين لازم اثبت لااااااااازم اثبت بس بنات شلون والله صعب التثبيت

 

[Melazlaza]

قوة بنات عواااافي ما اكلتوا
انا اليوم خربتهااااااااا امي مسويتلي مجبوس خصووووصي حقي واكلت عن عشر سنين جدام وامي حيلها فيني اي يمه تغذي اي جذي اكلي وكل ما اوقف اتلني لا يمه اكلي حرام والله صرتي عصاقيل هالبيبي شذنبه وانااااااااا اكل واكل لما قتلها يمه اذا صار فيني شي ديري بالكم على ولدي لووووووووووووول جان تسكت عني والحمدلله عالنعمة يوووووم بالشهر مو مشكلة



اليوم وزنت وطبعا لااااازال الامساك ذابحني فعادي لا تركزون
كان وزني٦٠
اليوم وزني٦٢
ان شاءالله ينزل يارب بصحة وعافية

 

[LadY BuG 80]

سلام شخباركم .... مازلت مريضه من الي جاني ... الم في الجبهه اليسار و العين قالي ادكتور انه مايغرين ... ما ادري بلعربي كانيه يسمونه الشاقه ولا صداع نصفي مدري اشقيقه ههههههه كاني قمت اهذي .. مايخالف العتب على المرض .. اول مره يصيرفيني و قاعده ابحث ماهوا و ايش اسبابه و كيف و لماذا

المهم مو قادره ادني احس عيني بتنشلع .. الحمدلله صار و يك اند عندنا عشان ارتاحححح لليوم غلقت اسبوع على هصداع :eh_s(16): و رابطه راسي كأني رامبو
​

صباح الخير


كتوووووون ليش كله تعليقاتج فكاهة وافطس ضحك وانا اقرى لووول دمج عسل
والله سالفة اللبنانيات خلتني صج اقول ستوب عيل احنا نعبي بالدهن واهما يفضوووون
انا راح اكتب يومياتي معاكم لمزيد من الاتزام


بزبز افا عليج خلاص برجع اكتب يومياتي وكل يمعة احط الوزن عاد انتي نافسيني وزفيني بنفس الوقت عشان التزم عدل

دايما يقولون اتعيسين في حياتهم هم الي كله يستخفون دمهم هههههههههههههههههههه

و انا هليومين :eh_s(11): حدييي مستانسه بعد كم يوم تسمعو خبر اني طمرت من جسر ولا من ادور 20 ههههههههههه اسملله علي

انتي الي عسل و سوكر و محليييييي :eh_s(17):

​

صبحكم الله بالعافيه والقوه الشافيه

صبحكم الله بحب الناس وطرد الوسواس

صبحكم االه بالرزق الوفير وما تشوفون الا الخير

صبحكم الله بالطاعه إلى يوم الشفاعه

شلونكم يا رشيقات ويا كروشات
سامحوني انا معاكم قلبا وقالبا بس والله لووووووية
بما ان الجمعة اللي طافت ما وزنت لاني ماكنت بالكويت بس السبت وزنت
كان وزني 76.6
واليوووووووووم صار























74.7 مستااااانسة حدي بس خايفة من اخصائية التغذية لان اتفاقي معاها كيلوين بشهر مو باسبوع ويارب تمم علي وعليكم بصحة وعافية ان شاالله
الحين اقدر اقول بدا العد التنازلي خلاص لاني قربت الهدف 67.5 واكون بالسيف ساااايد
الف حمد وشكر لك يا ربي
والف شكر لكم يا بطات شابقات لانكم وقفتوا معاي

الف اصلاة على النبي ... لا اله الا الله ..... الف اصلاة على انبي ... و لا اله الا الله ( تيبب و ترقص بكشتها ) :eh_s(9): :eh_s(9): :eh_s(9): اسمع اسمع اسمع

رووح رووح عاش عاش

​

 

[LadY BuG 80]

مبرووووووووووووووووووووووووووووووووووووووووك لولو

الف مبروووووووووووك حبيبتي مشالله خلاص ما بقى شي :eh_s(9):






دوقوا المزاهر يلله ياهل البيت تعالوا ...

جمع و وفق يلله و سادقوا الي ألو

عين الحسود فيها عود يا حلاوه

عاريس قمر و عرستوا نقاوه

احنا اليلى ديه ... كدنا الاعادي

( قاعده اخلع الخصر لعيوووون لولو ولا سهير زكي )


لولولولولولولولولولولولولولييييييييييييي ​

 

[LadY BuG 80]

اه ه ه ه راسي بس خلاص ​

 

[ضي]

السلااااااام



بعد عمري كتووون لي متي العوار يعني حبيبتي عشان جذي ماتشبكين كل يوم ،، ياررب تصيرين زينه وباسررع وقت


لولوووووووو يا لولوووو يازينة البنات يا شمعة الجلاااس يا رشييييييقه

ماشاءالله لا اله الا الله الف الف مبروووووووك ويالله هانت ما بقى شي

كوكو بالعااافيه حبيبتي

عطوووف الدكتور هذا بمستشفى السلام الدولي اللي ببنيد القار ،، تحت عيادته بالسرداب قسم الاشعه اسمه اشرف

واذا عالوزن الله كريم يهون الجرح الالييييم

 

[Melazlaza]

مشكورة ضيووووون
عرفت قصدج بالسوووونار تحت سوالج سونار رباعي؟والا العادي


اذا عالوزن ودي ابجي امي خربتها اليووووووم
بس خلاص من باجر ارجع للاتزام وحبة فوووأ وحبة تحت لوووووول

لولو حبيبتي صج تو انتبه الف مبرووووووووووووووووووووووووووك ويارب يارب توصلين هدفج بصحة حبيبتي

 

[Melazlaza]

بزبز ويييييييييينج اختفيتي شكلج خرتيها وانحشتي تعالي تعالي لا تحاتين انا خايرته اليوم مااااااكو منافسة شوووووفي وزني جم 

 

[ضي]

اي عطوف مره بالاسبوع ما ياثر قولي يارب ماتزيدين الا وزن البيبي حياتي

لا سويت العادي وماشاءالله يطول وباله طويل

 

[dareena]

بالعافية بنات ماكليتووو

كتووونه ماعليج الا العافية ان شاء الله.. تاخذين دوا يخفف هالالم والا شالحل معاه ؟؟

واسملله عليييج لي طمرتي وخليتينا شنسوي احنا من غيرج بروحنا هااااا ههههههه.. الله يبعدعنج التعاااسه و يسعدك كمان وكمان ياااارب

ليدي حبيبتي سووووري شفت ردج و نسيت ارد عليج من التعب ع طول طلعت من المنتدا.. ريجيم النقاط في جدول خااص لكل اكله وجم نقطه تنحسب و اول لازم تحسبين جم نقطه تحتاجين باليوم
وهذي طريقه عشان تحسبين جم نقطه لج باليوم:
بالنسبه كيف كل وحده تحسب النقاط اللي تحتاجها جاوبي على الاسئله واحسبي
1- هل انتي:
1- امرأه؟ 2 نقاط
2- رجل 8 نقاط
3- ام مرضعه؟ 12 نقطه

2- كم عمرك؟
17-26 4 نقاط
27-37 3نقاط
38-47 2 نقطه
48-58 1 نقطه
اكثر من 58 0 نقاط

3- كم وزنك بالباوند وخذي الرقمين الاولى يعني مثلا وزك 175 باوند خذي 17

4- كم طولك؟
اقل من 155 0 نقاط
1.55 متر الى 1.75متر 1 نقطه
اكثر من 1.75 2 نقطه

5- في اغلب الايام كيف تقضي وقتك؟
بالجلوس((موظفة استقبال- سائق باص- عمل مكتبي.......) 0 نقطه
تجلسي ليس بالكثير ولكن غالبا تقفي (موظف مبيعات- ربة منزل- طباخ- معلمه...) 2 نقاط
تمشي اغلب الاوقات( نادل- ساعي بريد...) 4 نقاط
تقومي بعمل الكثير من المجهودات الحركيه(ننرضه-مزارع-عامل بناء..............) 6 نقاط

وبعدين تحسبيهم كلهم مع بعض وتشوفي كم نقطه يحتاج جسمك

وعلى فكره بطريقتهم هذاي ينزل الوزن في الاسبوع كيلو واحد
لكن من غير ما تحسي انك محرومه
لكن اذا تبغي نزول اسرع نقصي من عدد النقاط اللي تحتاجيها
وكل ما نقص وزنك 5 كيلو تنقصي نقطه واحد من مجموع نقاطك


احااول انزل جدول النقاط مو راضي يصير النت غثني حده بطيييييء وبحط يومياتي بدون الصور


يومياتي الجمعه 23-9-2011

كنت صايمة و فطرت 3 تمرات و كوب نسكافية و كرواسون

والعشا 2 توست جبن و عصير برتقال

والسحور سندويش قطعتين كباب مع جبن لايت

الرياضة: طلعت الدرج و نزلت 5 مرات وبس مادري شفيني حاسة بخموووول وثقل غريب وجسمي كله منتفخ و مو من المنثلي

 

[LadY BuG 80]

هااااااااااااااااااااااااااااااااااااااااي

انا خذتلي ناب ( قيلوله ) بعد ما رجعوا العيال من المدارس بعد ساعه من انومه صحيت

من الالم عينييييي و نص راسي ( جبهتي اليسار ) و انا بعيــــــــــــــــــــاط

و خذيت الحبه

نص ساعه مرت كانها دهر و خف الالم بتدريج و نمت ثاني :ch12:

صحيت 9:30 و عيالي توهم راحين ينامون الحين سهرانه بروحي سويت لي كوفي و ميته عطش نازله اشرب مويه

ايه طحت لكم على هلموضوع رووووووعه و فيه فلسفه عجيبه بس الموضوع ما اكتمل

حلوا تطوير اذات


http://www.q8yat.com/t873020.html

يلله استفيدوا :eh_s(17):​

 

[عيون سارة]

صباح الخير
اشلونكم
عاد لهايين مع بدايه الدوام وتجهيز دفاتر التحضير والدروس
ومدرستي عليها صيانه فعفيسه حدها
يمكن 3 ايام وانا ارتب مكتبي وللحين ما خلص دثرة اوراق ووسائل

وطبعا لاني شاطرة رحت اشتريت داتا شو عشان اعرض للبنات فيديو بوربوينت وشغلات عن الملل بالحصه طبعا الكل لامني ليش تدفعين للمدرسه
بصراحه انا احب اتميز بشغلي ويهمني وايد يفهمون البنات الى اقوله
يعني اذا شرحت المجموعه الشمسيه شرح وصور ممكن يكون حلو
لكن مو مثل لما يشوفون فديو يوضح عدل حركه المجموعه
والله يعوض علي الفلوس
ان شا الله الله يعوضني بعيالي ويجيهم مدرسين قلوبهم على عيالي مثل ما قلبي على بنات الناس


المهم

وين الكروشات

طبعا لان حالتى كسيفه وكررشتي حيل كبرانه
كلمت اخصائيه تغذيه بجده
كنت مريضتها الدائمه لووووووول
وقلت لها عن حالى
قالت لي ممكن تنزلي الى الشهر الخامس بشرط الاكل الصحي والمحافظه على الفيتامين وتنويع الاكل
والمشي البسيط لمده ربع ساعه باليوم بس مع الحركه يعني اتحرك طول الوقت بالبيت احوس
انزين اشلون نظام الاكل
5 وجبات
فطور + سناك 1 +غداء+ سناك 2 + عشاء
البدايه تكون1700 سعره عشان ما اجوع
وكل اسبوع اقلل
بس المهم جدا على قولتها ما انزل عن 1400 سعره عشان البيبي

يله كروشات خل نشجع بعض


ام العيال : الف الف مبروك النزول يابعد قلبي

وباقي البنات اشلونكم


اقرا الى طاف وارد لكم

 

[أم عامر]

السلام عليكم

صبااح الخير


لولو مبرووك حبيبتي الوزن الجديد والحين انتي في عالم الرشاقه

كوتن ماتشوفين شر حبيبتي


عطووف الظاهر احنا كنا مع موعد مع اكل امهاتنا حتى انا كنت مشتهيه سمج زبيدي وسوته لي امي بس شنو طبخه وكليت لين طلع من عيوني بس شنو صار فيني باجي اليوم موقادره اتحرك

من بطني وبالليل تكرمون رجعت كل اللي ببطني من الضغط اللي صار على بطني وحرمت اعيدهاا



الوزن تبون تعرفونه

طبعا اكلي كان مخربط وايد بس لي اسبوع بديت انتبه لنفسي وطبعا من الوحاام مافي حركه حركتي قليله فأكيد وزني راح يشطح وزني حاليا والحمد لله انه ثابت له اسبوووع


75 كيلو

زدت 5 كيلو بشهرين اصلا اول ايام زاد 2 كيلو بروحهم وال3 الباجين من البلعه وقله الحركه

لولو صرتي الحين اضعف مني :eh_s(9):

وطبعا هناااك كرووشه ظااهره على الساحه الفنيه

للعلم بنات انا حتى لو ماا اكل هرموون الحمل يلعب بجسمي

والحمد لله مثل مانزلت سابقا قادره على اني انزلهم بعد الولاده ان شاء الله

والاحلى انكم راح تكونوا معاااي بالحمله الجديده :eh_s(15):

 

[عيون سارة]

ام عامر :
انا قاعده اخذ حبوب هرمونات وخذيت ابر مثبته تكون اهي السبب بزياده وزني

الله يعين بس

 

[BiiShOoO]

ما تشوفين شر كتون


عطوفه و ضيون و ام عامر

ان شاء الله تنزلون الوزن بصحه و عافيه يا رب بعد الولاده لا تحاتون الحين

 

[brat]

هااااااي بنات شلونكم؟ شخباركم؟

ماشالله عالالتزام، ادعوا لي إن ألتزم وياكم

آنا قبل ٣ أسابيع كنت باديه بكل قوة وإرادة لما حسيت بعوار جيس دهن بصدري (كان موجود من سنة) والدكتور قالي إن لازم أسوي عملية عشان أشيله هنيه مادري ليش تحبطت، حتى كنت ماخذه معاي جنطة الجم بس ما رحت

سويت العملية الأسبوع اللي طاف، واليوم إن شاء الله راجعتلكم من بعد غياب طويل جداً

واللي مشجعني أكثر إن ريلي وعدني إن يوديني إيطاليا إن شاء الله بعطلة الربيع وآنا ماحب أصور وانا متينه وعشان أشتري ملابس فبشد حيلي
انتوا شخباركم؟

زيون وين تداومين؟

الحوامل شخباركم؟

مزمز حبيبتي ما تشوفين شر إن شاء الله والله يعوضج

بزنز متى الزواج إن شاء الله؟

والباجي بشروني عنكم

 

[BiiShOoO]

الحمدالله على سلاامتج ما تشوفين شر ان شاء الله برووت


الحمدالله ماشي حالي انا ههههه

 

[نونة حبيبها]

مرحبا ياحلوات اخباركم؟؟
بروت ويلكم باك حبيبتي والف الحمدلله على سلامتك..
لولو مبروووك ياقلبي
كوتون سلامات حبوبة
حواملنا الله سهل عليكم ويخفف نساتكم يارب
انا ابي ارد للريجيم كل يوم اقول بكرة وللحين ماجا بكرة عندي
مليت من جسمي ولاعت كبدي منه

 

[brat]

الله يسلمج بيشو مشكورة

نونة مشكورة حبيبتي الله يسلمج :*
آنا مثلج كل يوم أقول ببدا باجر، ما بقى شي على السنة اليديدة وآنا ليلحيني ما حققت هدفي بس الحمدلله نزلت ١٠ كيلوات وأبي أنزل وزني كثر ما أقدر قبل ٢٠١٢


----

اليوم عالريج شربت ماي دافي وليمون، وكليت برتقالة
وعقبها كليت ساندوج تيركي (توستً أسمر بالحبوب وتيركي قليل الدسم وجبن خالي الدسم) + ٥ حبات زيتون

رحت النادي (فليكس) تمرنت بس ١٦ دقيقة عالتريدمل لأن كان عندهم مشكلة بالكهربا وطلبوا مني إن أطفئ الجهاز -.- حزتها كنت قاعده أركض ما يصير أوقف على طول قلتلها بس شوي جان تكلمني بكل وقاحة آنا هني عصبت وطلعت، باجر بشتكي عليها

وبما إن اشتراكي بيخلص آخر ٩، قلت خل أجرب Champions مع إني كنت ناويه أجدد اشتراكي بفليكس، رحت واشتركت باليديد، من كثر ما كنت معصبة كنت بخربها وآكل ككاو وقلت حق روحي ببدى باجر (نفس كل مرة) ولا أشوف بنيه جسمها اينن ماشالله جان أقول لي متى بظل متينه وكل يوم أقول باجر

دشيت النادي وتمرنت بس ٢٠ دقيقة عالتريدمل و٥ دقايق عالبايك، لأن صايرلي فترة مو متمرنة ماكو لياقة لوول
الصراحة شوي ولهت على فليكس، حسيت صالة الأجهزة مالت جامبينز صغيرة، بس اشتركت سنة
يالله تغيير

ويه وايد قرقت خل أكمل يومي، طلبتلي أكل من هيلث ستوب قطعة صدر دياي مشوي + خضروات (بروكلي وفاصوليا وجزر) + هيلثي فرايز ويا ketchup

عقبها. بساعتين كليت رمانة

وإذا يعت باكل بران فليكس*