ديوانية محباات الميكااب .. حيــــاكم :)

[شهووده]

لا والله بيتووتيه خذيتهم عااادي ..

امممم حلووو والله ..

وترى الأخضر أحس اذا دمجتيه مع درجه أغمج شوي يطلع حلووو ..

 

[BaiTotia]

أمممم أهو حلو الباليت بس مو واو

و أخاف بعدين أتحسف ليش ماخذته

مادري محتارة

 

[SeDuCTive]

شلووووووووووونكم بنات وشخبار ديوانيتنا؟

شلوووووووونج بيتوتيه شنو اخر اخبارج مع المكياج

 

[شهووده]

بنوووتات بسألكم شريتوا حق العييد ؟؟

أنا اليووم رحت المهلب مع إختي على أساس أدش ماك بس أرد الكحل وآخذ بداله وأطلع ..

عاد تذكرتج بيتووتيه لما قلتي مره إنج تبين قميص أبيض طويل ..

رحت سترادي فاريوس وماالقيت !! حساافه كنت محتاااجه عااد :/


والله أكو محلات عندهم أشيااء حلووه .. أنا خذيتلي بالطو لونه جويتي موديله وااايد حلوو ..

شووي قصير فبلبس تحته البلوزه اللي تصير ضيجه شوي من تحت بيضه ..

مع سكيني غامج وبووت أسود وإنتوا بكرامه ..

وخذيت شيله سووده بستراس جويتي بس أحس لون الستراس شوووي يفرق عن لون البالطو ..

أمي تزفني تقوللي شلون يعني إلا تبين الستراس يكون نفففس اللون بالضبط


اممم فقلت الصبح بمر جمعية الدعيه أو الفيحا أشوف الشيلات .. اذا لقيت الدرجه اللي أبيها باخذها وأروح المهلب

أرد الشيله وأبدل حمرتي عند مااك بالمره .. واذا مالقيت بتم عليها .. يعني اللون مايفرق وااايد بس أنا دقييقه حبتين

 

[شهووده]

لوووول بيتووتيه جنج أنا ..

بسرعه أتحسف

رفيجتي ساعات تسميني Miss 7safa


أنا أقول روحي بااجر وتمقلي عددددل وبعدين قرري ..

بس إذا محتااجه فرش لايطووفوونج لأنهم حييييييييل يشوقوون ..







سيدكتف

أهلييين حبيبتي ..

إنتي شخباارج ؟؟

 

[BaiTotia]

سيداكتف

اليوم مارحت السوق

ماكو أخبار ميكبيه

بس قاعده أطالع السايتات وأشوف شنهي الشغلات الحلوه

شوفوا الباليت والله الألوان واضحه! شفيني ماشفتهم عدل

وإنتي شنو أخباااااارج؟

شهودة بالعافية عليج البدلة

أنا عندي واايد ملابس شتوية مو ملبوسة من العام وهالسنة (للحين ماشتيت مادري متى بنحلل هالملابس)

فبلبس أي واحد فيهم

شهودة ليش تردينه أشتري أكسسوار فيه درجات الأزرق والجويتي أتوقع يطلع حلو جذي

والقميص الأبيض كان عندهم 5 لووووووووول كلهم قستهم وصفيت على 2

حسافة لورايحه قبل جان لقيتيهم

 

[SeDuCTive]

تمام حياتي اسال عنج؟
ليش ما دشيتي شفتي مكياجي بموضوع العصيميه.. هلكن وانا اصفف فيهم.. واحترت شحط نقيت اكثر شي استخدمه..
وصج بقولج ترى ماك صاير موشي مادري احس لا جديييييد وناطره dame edna على نار مع ال monogram ,,
وبعد شكو ماكو؟؟
صج بسالج مافي سايتات توصل نارس او اي ماركات مكياج ثانيه؟
جنه امازون ما يوصل الكويت؟

 

[شهووده]

بيتوووتيه

ايي حساافه مردي أفصل :/

عاد ببداية الصيف فصلتلي وااحد بس الله يهداني مادري شفيني سويته قصير ..



وعالشيله امم مادري بااجر يبين .. بس البالطو مايحتاج اكسسوار كلش لأن فيه نفس الكرستالات سوود يلمعوون عالقووله ..

بلبس خاتم جويتي وساعه وبس ..

طبعًا ماأتوقع يرضى يردلي فلووسي فإذا رديتها باخذ بدالها شاال وايد حلوو عجب إختي ..




بس تدرين وين المشكله ؟؟

خووفج آخر الفلم العيد موبرد ونتووهق

المحلات كلهااا منزله شتوي عاد ..

 

[BaiTotia]

سيداكتف الحين بشوف ميكبج مادخلت الموضوع

بالعكس ماك حلو صج في ماركات ثانية وايد حلوه

بس ماك من ناحية الجودة والأسعار ممتاااااااااز واللي ميزهم زيادة ينزلون شغلات ليميتيد ومتجدد بين فترة وفترة

وdame edana يهبل حتى العيوز حبيتها خخخخخخ

شهودة لا أكييييييد الفرش باخذهم إن شاالله

 

[BaiTotia]

سيداكتف

ليش تبين يوصلون لج نارس!

تلقينا بسيفورا وفافافوم الأفينيوز

شهودة

لوووووووووووووووووووووول ودج الجو حر

لا إن شاالله برد قااااااااااااااااااااارص

بحل اللي شاريته

 

[شهووده]

بيتووتيه

ايي لايطوفووونج ..

لوووووووول الله يسمع منج .. أتخيل يكون حر والأوادم مشتيه

مايسوى علي البالطو كلش لوووول

 

[SeDuCTive]

انا معاج انك ماك شغله حلو واسعاره مناسبه واااااايد.. بس هالكوليكشنات مو واااااااو مثل Fafy ,Heart Breaker وهالسوالف..
ال Creamsheen احس الوانه عاديه مافيها زود جربتهم وصج عادييين... والباليتات زينه بس شكلها حلو..
ابي شي شكله حلو وغريب مليت ابي تغيير فاهمه علي.. شوفي الماركات اللي تشوفيهم بالسايتات روووعه ليش ما يوصلون لنا...
اذا طحتي على سايت يوصل قوليلي بخاطري اطلب بلش السوبر اورغاسم من نارس..

 

[على راسي ريشة]

هاي بنات الي موجودين مني انا اموت على الموضة مالت المكياج فكل شي يديد عن الموضة تقولونلي اول باول باي مكان اموت ع المكياج والله ,,,



بنات انا اعرف وحدة تعرف تسوي مكياج اهيه مو وايد معروفة بس زينه و اسعارها معقوله .. مو جهنمية !!@@!!

بس الي يبي رقمها ترى انا عرفته ع الخاص على طول اوكي ؟؟؟

اهي انسانه بسيطه بس عجيبة

صج اني يديدة لكن صاحبة منتدى لووول الله على الثقة !!

عليكم الله تدزون اذا تبون رقمها !! لان مكياجها عجيييييب اينن

 

[BaiTotia]

شهودة عمري ماشريت شي متين وايد علشان لا أتوهق فيه لول

تذكرين رقية وسبيجة لما يردون من باريس تخيلي أشكالنا جذي لوووووووووووووووووووووووووول

سيداكتف والله ماااااااااعرف مواقع شوفي موضوع ميلك شيك حاطه سايتات توصل

وكلهم يشوقون

أنا ودي أسافر علشان أشتري ميكب وشغلات ماكو منها

نطري ماركة ستيلا وتوفيسد وايد حلوييييييييييييييييين

 

[BaiTotia]

على راسي ريشة

حيااااااج الله بالديوانية

 

[SeDuCTive]

ننطر شورانا..
وصج بيتوتيه.. فاونديشن جيرلان روووووووووعه احلى من ماك بمرااااااحل..
بس اذا تبين شي سريع لما تحطينه وخفيف.. اخذي ysl افيدلج..
انتي شنو تستخدمين فاونديشن الحين؟

 

[مطيريه موت]

مساااااااااااااااااء الخير يا حلوات

ممكن اعرف موضه المكياج ايش هالسنه << بجرب للعيد

وصج الموضه الحواجب العراض

 

[BaiTotia]

الحين فاونديشني جيرلان السائل يهبل وريحته أحلى

طبعا إنقطع وقبل جم سنة كنت استخدم واحد غير وهمن إنقطع!

فاونديشناتهم روعة

ومن بينفت الأسطوانة أحبه خفيف

وحق المناسبات ماك الفل كفرج وشكلي بقطه جنه فيه ريحه عاد حسافة مو مستخدمته وايد لأنه ثقيل

الحمد لله مرتاحة عليهم وبس يخلصون بغير إن شاالله

الفاونديشنات خسارة قطيعة شكثر أقط

بنات أبي حماية بدون لون وماتدهن؟ لا تقولون يتروجينا وبيوديرما أثنينهم يدهنون

 

[شهووده]

على راسي ريشه

حيااج الله معاناا بالديوانيه ..





مطيريه

على حسب علمي الموضه الحين الحواجب العراض مثل ماقلتي ..

بس أنا بالنسبه لي عمري مامشيت على مووضه بالحواجب ..

لأن سبحان الله موكل مووضه حلووه وتلووق على كل ويه ..






بيتوتيه

اي لووووووووول تخيلي :dddds:

البالطو اللي خذيته موثقيل واايد بس يعني اسمه بالطو :bbbiu:



وبالنسبه حق الحماايه امممم أنا اللي عندي ملوونه .. فيها لوون خفيف .. فماعرف والله !!











وين باجي البنات .. صار صخه ؟؟

وبنوووكه وينها اليووم مابينت ؟!

 

[BaiTotia]

صاجه الحواجب العراض أحلى شي

إي بالطوج حسيته مو ثقيل

بس لونه عجيب يهبل الجويتي

ملبوس العافية