ديوانية محباات الميكااب .. حيــــاكم :)

[pink]

تذكرت من الردود ..

شوشوا .. أخيرااا أقدر أقولج عليج بألف عاافية
البيس أثبت صلاحيته و ماراح ينركن .. و خزنته
عندي طبعاااا

بيتوتة .. ليش ما عجبج باليت التمبتنغ مثل ما قالت شهووده حلووو
بالخلط .. يعني من التخلط اللي أسويه للاخضر أحطه و بعدين فوقه
أحط التمبتنغ يصير لووونه حلووو وناعم .. مادري شقووول بس آنا
من محبينه ..

شهوووده .. ماقدر أفتي بسالفة الشدو لأن كل وحدة لها ذوقها بس بقولج
شنو أحب أحط مع الازرقات حمرة فوكس و فوقها أي حمرة مشمشية جربي
يمكن يعجبج اللون ..

 

[شهووده]

مشكووره حبيبتي بنووكه عالsuggestion

عاد أنا قاايله اذا الله هدااني وقمت بااجر بمرهم الصبح وبشووف فوكس أو فوو بالفرنسي ..



بنووتااات باجر ملجة رفيجتي ..

بلبس نفنووف قصير أسوود وفيه حزام خام ستاان بروونز ينربط نفس الفيوونكه الكبيره تحت الصدر ..

شاريته إختي حقي من زمااان وللحينه بالليبل مالبسته ..

شنو اقتراحاتكم حق الميك أب ؟؟

ماني خابه عمري كلش لا بالميك أب ولا بالشعر لأن الملجه محفووفه وببيت ..

قلت ودي أحط cork و tempting أو mulch ..

والحمره أي لووون ؟؟ حمرا ؟؟

بسشور شعري ويمكن أسويه تكسير وبلبس تراجي شوارفسكي بروونز كباار ..

 

[BaiTotia]

شهودة تصدقين ولا مرة رحت ماك وزحمة عندهم لول غالبا بروحي

بس آخر مرة كان زحمة شوي يمكن 4 بنات

بنكوشه إذا بروح الثلاثا أكيد بيخلص الباليت إذا ماخلص لول

أبي باجر أروح المهلب إن شاالله إذااااااااااااااااا أحد تكرم ووداني

شهودة حطي الروج أحمر أحلى شي وفوقه لمعة ذهبية

 

[شهووده]

اي بيتووتيه أنا بعد أقول الحمراا ..

<<<<< مااتقدر تعيش بدون الأحمر


أنا بعد داايمًا أروحلهم ويكون هدوووء ماكو أحد ..

بس هالمره لأن ويك إند ..

 

[pink]

شهووده .. حلووو التمبتنغ >> حااابته من قلب بس إذا
حطيتي شدو يتلامع حلووو تكون الشفايف مات و بدون
كلام الاحمر للشفايف سيد الألوان مثل ما الأسود في الملابس
سيد الألوان بس اذا ميكاب العيون نوعا ما مات أو على صدفي
حلو تحطين حمره فيها لمعة أو ايفكت .. مادري أحس جذي


بيتوته .. إن شالله باجر نقدر ونروح و يكون اللي نبيه موجووود
كلش و لا خيبة الأمل و النطره .. الصراحة ما أضمن باقي الافرع
خصوصا ماك المارينا و الافنيوز بس الفنار نوعا ما دثر و ما صار
ينداس وااايد نفس قبل ما أتوقع الكولكشن يخلص بسرعة اهناك ..

 

[BaiTotia]

شهودة شكله حتى رقمج من الوطنية (الأحمر يعببببببببببر) لوووول

 

[BaiTotia]

بنكوشه الفنار أحسن خل يدثر

(مالي غيره أهو والمارينا خخخ)

 

[pink]

بيتوتة .. آنا حاطته احتياط بس خوّن فيني آخر
مرة رحتله لما بغيت أشوف باليتات الشدوز مالوت
كولكشن الهوليدي طلع اهو الوحيد اللي مو منزلهم
عدا جنطة الحمر .. فاضطريت أروووح المارينا

تعبنا من هالمااااااك بدع فينا مشحططنا من مكان لمكان ..
الله يهداه خل يرتاح شوي و يريحنا و يريح ميزانيتنا ..

 

[شهووده]

بنوووكه

اي التمبتنغ روووعه ..

أشووه رديت الكحل وخذيته ..

وبااخذ اقتراحاتج بعين الاعتباار ..

يسلموو حبيبتي :*

وصااجه الأحمر سيد الألوان <<<<< احم احم أكيد بستاانس لأنه لوني المفضل






بيتوووتيه

اي لووووووووول صح خطي وطنيه

وكل شي عندي أحمر ..

دااري حمرا .. وملاابسي أغلبهااا حمرا ..

بس سيارتي حساافه مو حمرا



عاد تصدقين اللي حواليني تعودوا إن خلاص أي شي أحمر مرتبط فيني ..

يعني قاموا من نفسهم أي شي أحمر يشوفونه يستحلوونه حقي ..

رفيجااتي وإختي وماماتي بعد عمري إهي أكثر وحده متعقده من الأحمر بس هم كل ماشافت شي أحمر حق داري يابتلي

وكل ماشافت بجامه حمرا ياابتلي

بس الملاابس لووول تقولي بسج بسج أحمررر اليووم

 

[BaiTotia]

لووووووووووووووووووووووووووووووووووول صدقتي بهذي

يوم الخميس صار فيني جذي من مكان لمكان وإتصالات علشان هالباليت

لا وماكو مصافط .. صفطت عالجهة الثانية وخطرت الشارع

الحالة كسيفة

وريلي مجرحة من الجوتي وإنتوا بكرامة ماأقدر أمشي

شهودة لووووووووووووووووووووووووول إن شاالله السيارة اليديدة حمرا:33_1185028183:

 

[pink]

شهووده .. تدرين لما شفت الجنط تذكرتج و تذكرت إنج قايلتلي
الجنط حمر وهو لونج المفضل .. بس حبج مو طبيعي حب
صااارخ هذا يعكس شخصيتج نوعا ما و خصوصا بمهنة المحاماة ..
آنا أحب الأزرقات بكل درجاته و درجات التركواز و سيارتي لونها
أزرق " baby blue " .. كنت مختارة أزرق سيلفر بس بالصج
طلعت أزرق أزرق أهم شي ان الازرق موجود .. بس مو معتمدة
الازرق بكل حياتي بس أفضله ..

بيتوتة .. شنو لونج المفضل ؟؟؟؟؟

 

[شهووده]

لووووول بيتووتيه عاد تصدقين عالسيااره ماحب اللون الأحمر !!






بنوووك

لووول بعد عمري انتقلت لج العدوى حتى إنتي قمتي تتذكريني من تشوفين الأحمر

امممم صح كلامج والله ..

بس يااافشلتي مره د.فوزيه الدريع قالت إن اللون الأحمر لوون الــ( جـ... ) فششششله:nocommint::eh_s(22):

 

[pink]

شهووده .. اي تذكرتج والله ..
أحمر = شهووده
شهووده = أحمر

و هالفوزية كل شي دششت فيه الــ( جـ... ) !!!!
آنا أعرف و الكل يعرف إنه الأحمر لون الحب .. يعني
في أحلى من وردة جورية حمراااااا ؟؟؟ !! حمرا و كبيرة
و متفتحة و عليها ندى .. شوقتيني عالجوري

 

[BaiTotia]

ماكو لون مفضل هههههههه

الأسود - الأبيض - البيج - البني - الأصفر - العنابي - البنفسجي - الوردي - الكحلي - الزيتي

هذول اللي يلفتون نظري (جني ماخليت لون خخخ)

بالميكب الألوان الترابية والبرونز و الزيتي والبنفسجي والوردي والمشمشي

 

[pink]

بيتوتة .. صاجة جنج ما خليتي لون
بس هم حلووووو يعني شخصيتج فلكسبل
مع كل الشخصيات .. و اللا لأ ؟؟؟؟
و ترى زعلت ما ذكرتي غير الكحلي
وين باقي درجات الازرق << غصب
بخليج تحبين الأزرقات :eh_s(6):

 

[BaiTotia]

ونسيت الحمرا العنابية

يلا بنوتات تصبحون على خييييييييييير

قرقت وايد اليوم

 

[pink]

و انتي من أهل الخير بيتوتة ..

و آنا بعد استأذن أشوفكم على خيررر إن شالله ..

 

[شهووده]

لوووووووووول بنووكه صااجه

اي والله يااحلوو الجوووري الأحمرر يهبببل ..

إنتي اللي شوقتينا والله :aha:




طبعًا في ألواان واايد غير الأحمر أحبها ..

بس بالدرجه الأولى الأحمر ..

أحب الوردي بعد بدرجاااته وخاصه الفووشي وبمرحله من عمري كنت معرووووفه بالوردي حياتي وردي بوردي

من المتوسطه لي رابعه ثانوي حتى كانوا يسمووني بنكي ..

حب الأحمر موجود من زماان بس ظهر للساحه أول مادخلت الكليه واستمرر وتربع عالقمه :dddds:

أحب البني بدرجااته .. البيج .. البنفسجي ..

 

[BaiTotia]

لا أنا أحب الألوان وكل الألوان حلوه لما تندمج مع لون يناسبها (أتفلسف وايد خخخ)

والأزرق حلو ما أستغني عنه (خصوصا بالجيييييييييييييييييييينز)

اللايت بلو والكحلي

 

[شهووده]

نووم العووافي بيتووتيه ..

مي 2 بنااات لووول توني ياايه أستأذنكم ..

الظاهر كلنا يتنا النوومه بنفس الحزه




نشووفكم على خير ان شالله ..

ونووم العووافي :*