ديوانية محباات الميكااب .. حيــــاكم :)

[BaiTotia]

إي بنكوشه يمكن بعد شوي تبين

حمايتج شنهي؟ يمكن في منها بدون لون

 

[شهووده]

يعااافيج حبيبتي :*

اي أوول مره ألبس هاللوون .. حتى قاعده أفكر شنوو أحط معااه ميك أب :gr4uu:

كان في منه أحمر .. وبطبيعة الحال عيوني راحت عالأحمر :krkrkr:

بس إختي قالتلي وااااي بسج أحمررررر

خنشووف عليج لوون يديد .. غيري ..

عاد قلت خل آخذ هذا

 

[مطيريه موت]

شهوده تانكس


بس بعرف الحين وش هابين فيه شدو بروحه من غير كل احط بالعيد اشرايج ..

وابي حركه جديده فالمكياج يعني فنتقه وكشخه

 

[شهووده]

حمايتي سلمج الله اسمها Uriage

إختي ماخذتها من الصيدليه بـ8 تقريبًا ..

فيها لون بس خفييف .. توونس جنها فاونديشن فااتح ..

 

[شهووده]

مطيريه

اممممم والله ماكوو شي معين أتوقع ..

وبعدين لاتنسين يعتمد على ألوان بدلتج ..

وبرايي كل ماكان المكيااج بسيط كل ماكان أحلى ويبرز الملامح بشكل أفضل ..

قبل فتره مثلاً هبوا برسمة القطووه مع حمره حمرا .. ستاايل الستيناات ..

الحين ماانتبهت على شي معين ..

يعني إذا تبين شي يديد أنا أقول كل شي إنتي مومجربته من قبل يعتبر يديد =)

يعني مثلاً لوكنتي معتمده لوون معين بدرجاته حق الحمر والشدوات حاولي تغيرين عنه شوي وبتحسين بتجديييد ..

يعني لو دايمًا تحطين برونز وبني ودرجات البيج جربي تحطين حمر غاامجه .. فوشي وأحمر وهالدرجاات ..

أنا مااكنت أحط شدوو وايد .. الحين صارلي فتره هابه بالسمووكي .. وكل مره أدمج لونين غير مع بعض ..

 

[BaiTotia]

مطيرية شنهي ألوان بدلتج علشان نعطيج خيارات

شهودة لا الجويتي أحلى من الأحمر!

مكيبج خليه وردي أو فوشي

يطلع روعة

 

[شهووده]

اي اي بس من يسمع

<<<<<<<< تمووت عالأحمر

أذكر كان معانا وحده بالكليه اتينن خوووش بنيه تقوللي أنا شااكه فيج عرج عوازم وايد تحبين الأحمر



ايي أنا قلت حمرتي فوووشيه بس إختي تقوللي لأ حطي فااتحه أحلى .. مااتحب الفوشي عكسي لوول

بس قاعده أفكر شنو أحط شدووو !!

وجااري التفكييير ..

 

[BaiTotia]

سوي رسمه القطوة و كحل أزرق داخل العين

لاتحطين شدو فوق بس إضاءة

و تحت العين حطي كحل أو شدو أزرق

و البلش وردي

والحمرا فوشية

 

[شهووده]

امممم فكرتج وااايد حلووه بيتووتيه ..

يسلمووو حبيبتي :*

شكلي بطبقها ان شالله ..

ونشووف باجي الاقتراحات طبعًا ( البااب مفتوح للمزيد )

 

[pink]

أهليييييين بنوتاااات حلواااات .. شلونكم ؟؟؟؟

بيتوتة .. شهووده .. تسلمون حبيباتي عالسؤااال


اليوم رحت ماك المهلب و توني يبت اغراضي أشوفهم

و اللا غلطانين و معطيني مو الجنطة اللي أبيها مع إني

جم مرة أعيد و أزيد باللي أبيه غير إني حاجزتها ..

غلقت حدّي و شوي و أبجي قاعدة أقول حق أبونا

لو يصير جان رحت المهلب و سويت سطو عشان أرتاح

إن الجنطة ماراح تخلص لباجر .. ميتة من القهرررر


شريت اليوم ..

دازل قلاس .. لوف ألارت من كولكشن ريد شي سيد الناقص

جنطة الفيس برشز ..

جنطة البيسك برشز ----> المفروض جنطة الآي برشز :eh_s(14):

مجموعة القلوسات .. كورال

مجموعة القلوسات .. بنك

و كنت على وشك آخذ باليت الشدو البنفسجي بس سألتها إذا متوفر
و اللا باقي شوية .. قالتلي موجود منه و متوفر .. ارتحت


بناااات حدّي متضايقة ليش جذي يسوون ؟؟؟!!! كافي إني موصيتهم
و مسجلين اسمي وهم مادقوا علي.. و حتى لما حجزت احجزولي
غلط .. يبطوووون الجبد

 

[شهووده]

أهلييين بنوووكه ..

بالعااافيه المشترياات حبيبتي :*

ولاتضيقين خلقج عادي ساعاات يخوروونها ..

منو اللي كانت تسااعدج ؟؟

وأي سااعه كنتي هنااك ؟؟

أنا رحت عالـ6ونص تقريبًا ..

 

[BaiTotia]

شهودة أعجبججججججججججج لووووول

بنكوشه ياهلا وغلا

وي زين ليش ماترجعينه عليهم؟؟؟؟؟؟؟؟؟ خو غلطتهم

 

[pink]

الله يعافيج حبيبتي ..

مريم رفيجتج .. مع إنها كانت وااايد حليوة معاااي

وجم مرة تعيد و تكرر و آنا بعد إني أبي الآي و الفيس

برشز و حتى على أماكنهم صاير الفيس بالنص و الآي

آخر شي .. شي يضيق الخلق

و شهوووووده آنا كنت بهالحزة هناك ..و طلعت عالسبع
تقريبااا .. كنت لابسة تريننغ أسود .. عرفتيني ؟؟؟؟؟

 

[pink]

بيتوتة .. أدري غلطتهم وبرده بس من كثر فرحتي إني شريته
أحس صار الاحسااس معاكس أحس بغلقة موطبيعية و أخاف
يكون خااالص .. المشكلة جنطة البيسك عندي أغلب فرشها
حاولت أقنع نفسي فيها بس لاااااااأ مابيهااااا .. سويت فيلم
هندي على هالجنطة

 

[BaiTotia]

إي صح كلامج

ماأحب شي آخذه بالغلط وتعالي رديه

جنه قاعد على قلبي

شفتي مجموعة البقمنتس؟ ماتدرين جم؟

وجم الفيس برشز؟

بحسب حسابي خخ

 

[pink]

الفيس برشز ----> 21.750

و البيقمنتس حلوووين بس موذاك الزود آنا معاهم
و ما عرف سعرهم بس أتوقع نفس القلوسات على
13.250

 

[BaiTotia]

بالعكس حلوين ليش ماتحبينهم؟؟؟؟؟؟

 

[شهووده]

ويي بنووكه حبيبتي لاتضيقين خلقج ..

لووول شفيها مريم قامت تخووره مثلهم

يلا معللش ترجعينها بااجر ان شالله وتاخذين اللي تبينها ..

ولاتحاتين اذا موموجوده عندهم أكيد موجوده بفرع ثااني ..


وامممم تصدقين ماركزت كلش !!

الحزه اللي رحت فيها كانت مريم دااخل عندها ميك أب ..

 

[pink]

شهوووده .. عيل انتي طلعتي و آنا دشيت ماك بعدج ..
لأنه وقتها كانت مريم توها طالعة من داخل فاستلمتها
على طووول ..

 

[شهووده]

ايي الظااهر جذيه ..

بس مشالله كان عندهم زححححمه ..

أنا ماحب أرووح لما يكوون جذيه الوضع بس كنت مضطره ..


ياحلات أيام الأسبوع على كيييفج تحووسين وتسئلين ..