دوانيه شلة منتظرات نتيجه عملية اطفال الانابيب والحقن المجهري

[Fashion]

Nono love
يارب يرتفع الهرمون ويثبت حمالج ووكلي امرج لله

بنات عندي سؤال الي استخدمت العلاج الطويل
واستخدمت ابر ديكاببتيل من 21 من الدوره تاخرت الدوره والدم يكون اسود او بني غامق
انطر لين يصير الدم احمر واراجع الدكتور لان جد مو عارفه شنو اسوي

 

[nonlove]

فاشين...انا مااعرف شنو الفرق بينهم بس انا علاجي ابر من ثاني يوم الدورة وكل يومين سونار لمه يتاكدون من حجم البويضات وعقب عمليه السحب وعقبها تعب شويه وعقبها ترجيع يدون عمليه وعقبها راحه اسبوعين....
..

 

[كتكوته22]

فاشن انا صار معاي جذي وانا علاجي الطويل قالتلي الدكتوره من تشوفين الدم احمر تعالي لاتيين وبعده الدم بني انتي سألي دكتورتج احسن وعسى الله يوفقج ويرزقج يارب

 

[ملاك صغيرون]

nonlove
لا تحاتين حبيبتي
تصير هالأشياء في بداية الحمال
وعندي زميلة في العمل سوت العملية
وطلعت النتيجة إيجابية بس دايم فيها نزيف

قبل ما تشوف البيبي
والحمدلله الله ثبته لها
طلعوا توم ونزل واحد

فلا تديرين بال
حافظي على راحتش
وأكلي مهلبية نشا
يقولون توقف الدم

الله يثبتهم يارب وتقر عينك بشوفتهم
قادر يا كريم

 

[ملاك صغيرون]

بنات شخباركم
الله يكتب الحمال للكل
أنا بديت كورس الإبر اليوم

وعطوني دواء جديد أول مره يعطوني إياه
بيبي أسبرين؟
له علاقة بتحسين نتائج العملية ؟
لأن أول مره يعطوني إياه




الله يردقني ويرزقكم يارب يا كريم
ويهون كل تعبنا ويفرح قلوبنا

 

[كتكوته22]

الله يسهل عليج ملاك صغيرون ويرزقج ويرزق كل خواتي المحرومات
لازم بيبي اسبرين يسيل الدم ويخليه يوصل لرحم لازم مع كل عمليه يصرفونه
وفي بنات مع الاسبرين ياخذون إبر السيوله
الله يسهل عليج ويرزقج بالذريه الصالحه يارب العالمين

 

[ملاك صغيرون]

هلا كتكوته
الله يرزقك بكل ما تتمنين
شكرًا حبيبتي على دعائك
لكن غريبة أنا سويت ثلاث عمليات قبل ما عطوني هالدواء

:/

 

[كتكوته22]

امييين رب العالمين❤
الحين اغلب الدكاتره يصرفونه والله يوفقج ويرزقج بتوم يارب

 

[mraamy]

السلام عليكم ورحمة الله وبركاته
شلونكم بنات شخباركم
الله يرزقني ويرزقكم يارب

 

[ملاك صغيرون]

هلا
mraamy

أنتي اشلونچ؟
الله يكتب لك الحمل عاجلاً يارب
قادر يا كريم

 

[كتكوته22]

هلا maramy احنا بخير انتي شلونج

بحق يوم الجمعه وهذي الساعه المباركه ساعة استجابة الدعاء ان يرزقكم بالذريه الصالحه ويرزقق جميع المحرومات ويرزقني معاكم الهي امين

 

[mraamy]

ملاك صغيرون - كتكوته٢٢ امين يارب
تعبت من الابر والعلاج

 

[ملاك صغيرون]

mraamy
حبيبتي الله يسهل عليك ويرزقك بقدرته على كل شي

فعلاً مشوار متعب ويارب يعوض تعبنا ويكتب لنا الحمل

أنا هذه تجربتي الرابعه وعمليتي الثالثه كانت قبل شهرين ويارب يارب ينكتب بحق محمد وآل محمد.

 

[ملاك صغيرون]

هلا كتكوته

ويرزقك يارب بما تقر به عينك.. شكرًا حبيبتي على دعائك.

 

[كتكوته22]

امييين حبيبتي يارب يجبر بخاطرنا جميعا بحق محمد وال محمد❤

 

[ملاك صغيرون]

بنات ياريت وحده من ألي حملت بطفل أنابيب
تقول لنا شنو سوت بفترة الانتظار..

وبعد بسألكم أحد قال لكم عن شغلات ممنوعة فعلاٌ
لأن أنا دكتورتي ولا مره قالت لي مننوعات

بس تقول لي ثلاثة أيام راحه
وآخر مره قالت لي اكثر أكل بياض البيض بعد الترجيع

 

[كتكوته22]

احس من اصعب الفترات فتره الانتظار خاصه اذا كنتي بالبيت بروحج والوقت ما يمشي بسرعه في ناس تعيش حياتها طبيعي بدون مجهود وفي ناس تلتزم الراحه التامه وبكلا الحالتين في حالات تنجح وحالات تفشل قبل فتره وحده معانا بنفس التجمع اسمها لاست بيس تقول عادي كانت تطلع وتروح سينما ومطعم بس بدووون مجهود وما شالله الله تمم عليها وحملت والأسبوع الثاني داومت
انا سويتها 3 مرات بالمره الثالثه ألزمت الراحه ما طلعت كلش الا يوم التحليل وكل يوم اقرى سوره البقره واستغفر والله رزقني ووهالمره ودي أعيش حياتي طبيعي بدون مجهود وكلام دكتورتي بس اخاف واعرف وحده سعودية سوتها بتركيا وتقول عاشت طبيعي وخامس يوم رجعت ديرتها والله رزقها توم ما شالله بالاخير الله الي كاتبه بيصير لمن أفكر اقول الحين الي تحمل طبيعي شدراها انها حامل تقول وتطلع وكل شي تسوي ويمكن تنقز وتنط وتحلل تطلع حامل نفس الشي الحقن يارب بحق محمد وال محمد يرزقنا جمعيا ويفرح قلوبنا يارب

 

[كتكوته22]

اي صح كثري بالبروتينات اللحم والسمج والبيض كل يوم وخيار و3لتر ماي وحليب كامل الدسم وتفاح وسفرجل ومحلبية نشا وبالله يرزقج بتوم يارب وكل بنات القسم ويرزقني يارب

 

[ملاك صغيرون]

انا مره ولا تم مشوار ما رحت وصار
بس خارج الرحم

 

[ملاك صغيرون]

المره الثانية

ما تسبحت إلا يوم ابتحليل
ما أقوم من السرير إلا للحمام

كل يوم خيار وحليب وتفاح

واكل صحي

وبعد طلع خارج الرحم