دوانيه شلة منتظرات نتيجه عملية اطفال الانابيب والحقن المجهري

[ملاك صغيرون]

المره الثالثة

ارتحت بس ثلاث ايام على كلام الدكتورة

تسبحت في اليوم الرابع وبماي ساخن بعد لان كان برد
وأكلي طبيعي جدا لدرجة كل يوم آكل ليز الحار

وفي اليوم السابع ركبت درج بس وصرت كل يوم اركب درج للطابق الثاني بيت أبوي

بس يعني ما اشتغل كلش لإن اجازة
ومن يوم ثاني كنت اشرب شاي بالصبح


وما صار حمل


يارب بنكتب لي هالمره
عندي أمل كبير

 

[ملاك صغيرون]

طبعا هالمره استخدمت عطر
مزيل عرق
اتسبحت اكثر من مره وغسلت شعري بماي ساخن

 

[كتكوته22]

اي شفتي سبحان الله كل شي بيد رب العالمين ان شالله الثالثه ثابته ويعوضج بتوم يملون عليج البيت
انتي عند منو سويتيها

 

[كتكوته22]

وي توني اشوف ردج الأخير يعني سويتيها 4مرات
كلهم نفس الدكتور ولا غيرتي

 

[ملاك صغيرون]

سويتها ثلاث

والحين ببلش في الرابعة

 

[ملاك صغيرون]

نفس الدكتورة مرتاحة لها
وكل الأطباء أسباب

 

[ملاك صغيرون]

ويارب يكتب لنا ولَك الحمل

ويفرح قلوبنا ويرزقنا كلنا كتكوته

 

[كتكوته22]

صاجه كلهم أسباب والله هو الرزاق
امييييين رب العالمين الله يرزقنا جميعا ويفرح قلوبنا❤

 

[mraamy]

والله انا قريت ان الحركة مالها شغل وايد ارتاحوا بس يومين وعقب مارسوا حياتهم الطبيعية بس بحذر طبعا وحملوا ماشاء الله .. بس نفسيا احنا نخاف اصلا من نطلع من المستشفى بعد ارجاع الاجنة مانعرف نمشي علبالنا بيطيحون هههههههه

 

[Pink_Roses]

قبل جم يوم دشيت على حساب الدكتور ناصر العازمي تحت صورة من الصور قايل ان الراحة التامة ساعات لها تاثير عكسي وساعات تكون من اسباب الفشل


هالدكاترة حيرونا

 

[ملاك صغيرون]

ماله علاقة الراحه الزيادة بس مو مع الكل

لازم نحط في بالنا ألي يحملون طبيعي غير لأن تكون بطانه الرحم عندهم قوية طبيعي فتمسك الجنين بينما طفل الأنابيب بطانه الرحم يتم تقويتها بالأدوية


عشان هذا الراحة مهمة بس مو أنا نظل طول الوقت نايمين على ظهرنا
أنا الدكتورة قالت اي ثلاث أيام راحه

 

[ملاك صغيرون]

لكن الصراحه اني احس أن الحمل الاول خصوصاً يلي له راحه عشان يعدي للشهر الرابع وهذا حتى ترى للي يحملون طبيعي اشوف ناس من الأهل يرتاحون وهذا مو معناه طول الوقت على السرير لكن يعني كل بين كم ساعه ارتاحي على السرير


ومارسي حياتك طبيعي احس معناه
قومي من الصبح تفطري
تحركي في البيت

لكن مو معناه شغل بيت
ولا دوام مثلاً


لأن الدوام ساعات احس يأثر مو لكثرة الحركة لكن صغط الجلوس والوقت الطويل وكل هالأشياء

 

[ملاك صغيرون]

لكن احس الناس من تطلع من البيت تنسى روحها وتتحرك بكثرة بدون ما تحس

 

[ملاك صغيرون]

مرامي ترى صدق يطيحون مرات

وناس من البداية يتحلل وينزل لهم دم من بعد أيام

ترى لأن هذا مثبت بالأسباب مو من الاساس تكون من البداية في الرحم

وانا خالتي بعد العملية وصلت البيت ونزلت عليها قطعة دم وتوقعت خلاص ما صر حمل

لكن ما شاء الله طلع انا صار حمل
حاطين لها أثنين واحد نزل من البداية

لأن كانت في الأردن ومشيت من المستشفى لشقتها

لكن الحمد لله الله رزقها ولدها الحمدلله عمره ١٦

 

[كتكوته22]

بسألكم يعني شكثر يخلونكم مرتاحين عقب الارجاع انزين الوحده تكون منحصره حييييييل شلون ما تروح الحمام واذا راحت الحمام يطيحون ولا تتألم واهي ماسكه نفسها ؟
والله احترنا انتو شخصيا تعرفون احد مارس حياته طبيعيه وتم الحمل لان الصراحه الحكره أهي الي تييب التفكير السلبي والوساوس ?

 

[ياحلاتي قمر]

مساء الخير بنات

انا سويت مرتين وماصار حمل والحمدلله
اول مره داومت عادي
ثاني مرة خذيت اسبوع اجازةوالاسبوع الثاني داومت
المرة الثالثة ان شاءالله ناوية اخذ اسبوعين اجازة على كلام دكتورتي

بس اهيا ماتعطيني شي غير التحاميل الي تقوي بطانة الرحم ماعطتني الاسبرين وابر السيولة !

بنات خل نشجع بعض انا تعبت من الابر والادوية والانتظار
مرات توصل اربع ابر باليوم قبل الارجاع والعملية والتخدير شي متعب
وفوق هذا كلام الناس الله يسامحهم

 

[ياحلاتي قمر]

بسألكم يعني شكثر يخلونكم مرتاحين عقب الارجاع انزين الوحده تكون منحصره حييييييل شلون ما تروح الحمام واذا راحت الحمام يطيحون ولا تتألم واهي ماسكه نفسها ؟
والله احترنا انتو شخصيا تعرفون احد مارس حياته طبيعيه وتم الحمل لان الصراحه الحكره أهي الي تييب التفكير السلبي والوساوس ?

سالت الدكتورة تقول ماينزلون اهما يخلونج ساعة او اكثر منسدحة عقب يخلونج تروحين الحمام

 

[ياحلاتي قمر]

وبالنسبة للممنوعات
الاكل الني
خصوصا البيض
والدسم وايد

ولازم نكثر ماي ونشرب حليب

والحركة مطلوبة بشكل خفيف
وماتشيلين اشياء ثقيلة وتعبين روحج

هذا الي اذكره الحين

 

[mraamy]

انا اليوم لي خامس من الارجاع
ومن امس عوار ظهر واليوم عوار بصدري
النفسية مو بيدنا الوحده تحاول ماتفكر بس شلون صعبه

 

[كتكوته22]

Mramy الله يرزقج يارب ويفرح قلبج بتوم يارب