دوانيه شلة منتظرات نتيجه عملية اطفال الانابيب والحقن المجهري

[كتكوته22]

انا سويتها مرتين ما نجحت الثالثه نجحت الحمدلله وعندي بنيه عمرها 6 سنوات الله يحفظها ويرزقني اخوان لها يارب?
خل اقولكم اول مره ما كنت عارفه شالطبخه سويتها عند محمد صلاح وما كان عندي خلفيه عن ولا شي وتحركت وطلعت وكلشي سويت ماصار حمل والثانيه عدتها بعد 3 سنوات عند ناهض الدكتور قمه وشااااطر واخلاق بس همن ما نجحت?معن ارتحت وكنت منسدحه اغلب الوقت بس النفسيه كانت ونزل علي دم في اليوم 12 حللت مو حامل عقبها ب5 اشهر عدتها واتبعت حميه غذائيه قطعت البيبسي والوجبات السريعه وكثرت اكل صحي والحمدلله نجحت كنت مريحه ما طلعت ولا مره وحللت باليوم 12 وهذي المره الرابعه بس بالصباح يارب يسهلها ويرزقني ويرزقكم جمعيا بس احس الحكره تعب والله وتخلي الوحده غصب تفكر لازم تتحرك شوي بيتها وآخر شي اذا الله أراد سبحان الله يصير يصير لحو بالدعاء وايقنو ان الله واح يرزقكم وسبحان الله راح ييلج رزقج ويارب ما تحرم اي وحده من اعظم نعمه الامومه يارب كلكم تبشروني بحمالكم وأبشركم بحق محمد وال محمد

 

[mraamy]

كتكوته22
امين يارب الله يرزقنا ويفرح قلبنا
يعني انتي الحين بلشتي العلاج؟

 

[كتكوته22]

اي رجعت مجمد واليوم ٤ يوم الله يسهل ويفرح قلوبنا يارب����

 

[كتكوته22]

وما احس بولا شي وايد قاعده أتحرك ?

 

[ياحلاتي قمر]

كتكوته ليش الفرق جذي وايد سويتي المرة الثانية بعد 3 سنوات ؟؟

 

[كتكوته22]

مرامي انت عند ناهض
شنو قالج ريحي ولا عادي عيشي حياتج طبيعيه بدون مجهود

 

[كتكوته22]

يا حلاتي صارتلي ظروف ما قدرت اسويها الحمدلله على كل حال ا ول مره سويتها في 2006 وعدها ب2009 مرتين

 

[ياحلاتي قمر]

حبيبتي الله يهونها ويسهل عليج وعلينا ويجب بخاطرنا

 

[ياحلاتي قمر]

انا المرة الاولى شهر 12 والثانية شهر 2 لكن رجعت مجمد وماصار الحمدلله والشكر وكان عندي ثنتين مجمد قالولي اختربوا

 

[كتكوته22]

امييييين رب العالمين الله يجبر بخاطرنا جميعا ويرزق كل محروم يارب

 

[ملاك صغيرون]

مرامي حبيبتي الله يسهل عليك ويرزقك

هانت أنا متفائلة لك بالحمل ويارب يثبت أجنتك

 

[ملاك صغيرون]

كتكوتة الله يبارك لك في بنوتتك ويحفظها لك

 

[ملاك صغيرون]

أنا بعد نفس كتكوتة بين عملياتي سنوات وقفت العلاج من ٢٠١٢

ورجعت الحين )

ويارب يرزقكم كلكم يا بنات ويعوض تعبكم

 

[كتكوته22]

اميييين رب العالمين ويرزقكم اجمعين يارب ويفرح قلوبكم يارب ويرزقني معاكم❤❤

 

[mraamy]

كتكوتة22 يعني انا وانتي بينا يوم واحد انا اليوم سادس وانتي خامس
الله يبشرنا ويرزقنا ويرزق كل وحده تتمنى ياهل يااارب
اي انا عند ناهض كل مره يقولونلي ١٤ يوم ماتتحركين وايد ولا تطلعين
هالمره سونيتا قالتلي اول يومين كله انسدحي عقبها ٣ ايام تحركي بالبيت
وبعد اليوم الخامس طلعي بس لا تتحركين وايد او تدزين وتشيلين شي ثقيل

 

[mraamy]

حبيبتي ملاك صغيرون الله يسمع يارب ويرزقني ويرزقج

 

[كتكوته22]

امييين رب العالمين يارب نبشر بعض ويثبت حملنا يا اله العالمين
انا هالمره خرتها تحركت وايد بس بحدود البيت من اول مارجعت حتى ثاني يوم بس الحين اغلب الوقت منسدحه
الله يذكرها بالخير سونيتا والله الدكتور وستافا كلهم يهبلون الله يثبت حملج يارب وتبشرينا
بسألج عقب ما رجع الاجنه شكثر تميتي على الفراش انا انحصرت تكرمين ما قدرت يابولي قصريه بعدين عقب 10 دقايق رحت الحمام ما تحملت ما ادري عادي ولا لا يعني تقريبا بس ربع ساعه تميت تهقين يأثر
متى ناويه تحللين ما ابي انطر لي 14 ما فيني صبر

 

[mraamy]

انا بعد نفسج ماتحملت اكثر من ربع ساعه وقمت نزلت تكرمين رحت الحمام حصراااانه ههههههه
بس انا معاي عوار ظهر وبطن يروح ويرجع وامس ياني صداع
اول مره حللت بالبيت تاسع يوم وطلعت حامل ورحت سيده حللت هرموني هم طلع حمل بس ماكمل لان كان خارج الرحم وشالوه
هالمره حللت اليوم وطلعلي خط واحد ادري وايد مبجر لان الهرمون باليوم التاسع يبين بالتحليل المنزلي بنطر ٣ ايام وارجع احلل ويارب خير

 

[ملاك صغيرون]

اللهم إني أسألك بجلالك وجمالك وكرمك
واسم العظيم الأعظم الذي إذا سألت به أجبت

أن ترزق مرامي وكتكوتة بالحمل عاجلاً
بقدرتك التي غلبت بها كل شي

يالله يا من يده بالعطايا أعلى من كل يد
يالله يالله يالله بحق محمد وآل محمد.

 

[ملاك صغيرون]

اللهم إني أسألك بجلالك وجمالك وكرمك
واسمك العظيم الأعظم الذي إذا سألت به أجبت

أن ترزق مرامي وكتكوتة بالحمل عاجلاً
بقدرتك التي غلبت بها كل شي

يالله يا من يده بالعطايا أعلى من كل يد
يالله يالله يالله بحق محمد وآل محمد.