(داوود -جميله) قصة واقعية ,ضحية مجتع البدوي والحضري

[miss 3yara]

يعطيج العافيه وناطرينج وجميله مو من صجها اي قولي له الصج وفكينا

 

[احب الصالحين]

ناطرينج قلبي

 

[Riooma]

wayed 3aisha eb a7lam. maskena wayed bare2a 3abalha eldenia eb kefha

 

[DALLY]

ma kw part !!!!

 

[lulwa-q8]

Sorry بس ماقدرت امس كان علي كويز
ان شاء الله اليوم بليل انزله لكم
وتسلموون حياتي

 

[DALLY]

ناطرينج حبووووبه

 

[lulwa-q8]

Part 13 ​

دخل بوناصر و قعد يم جميله على السرير , شاف الخوف وفزع في عيونها, بوناصر متزوج حرمتين وريال كبير وفاهم فعرف ان جميله ماتبيه , فمااحب يخلي هالليله بدايه سوداء بينه وبين جميله

طلع بوناصر من الغرفه وخله جميله قاعده على السرير في بدله العرس , اذن الفجر وجميله لحد الحين في مكانها متمسكه بالمسكه وتبجي , استوعبت جميله نفسها و مكانها فقامت غسلت وبدلت وصلت و ردت نفس المكان

الصبح انطق باب الغرفه وجميله ماردت , وطق مره ثانيه وثالثه وجميله هم ماردت , شوي وله صوت حرمه)

الحرمه : جميله , جميله حبيبتي قومي
جميله (بصوت هادي) : نعم , انا قايمه
الحرمه : بدخل حبيبتي , زين ؟
جميله : أي زين اوكي
(دخلت الحرمه وكانت مرت بو ناصرالاولى , كانت مره كبيره وحبوبه , شافت جميله وانصدمت منها كحلها كان سايح على ويها وبرستيج شعرها طايح وعيونها كانت حمرمن بجي )

ام ناصر : لا لا , ليش جذي شفيج ؟
جميله (طالع الارض) : (وساكته ماترد )
ام ناصر : يلا قومي غسلي وجهج عدل و روحي للغرفه اللي آخر الممر فيها بوناصر ينطرج
جميله (رفعت راسها طالع ام ناصر) : لا مابي
ام ناصر : شنو ماتبين !! ماتبي تاكلين تريقين , قومي يلا حبيبتي (مسكت ايدينها و قومتها وودتها الحمام )


ام ناصر (طق باب الحمام) : شفيج جميله طولتي
جميله : ها ! لا الحين
ام ناصر : يلا امي بوناصر ينطرج مثل ماقلت لج الغرفه اللي اخر الممر
( جميله تكلم روحها : هذي منو ! يمكن اخته , الله يجزاها خير حيل تريح القلب)

طلعت جميله وراحت الغرفه , دخلت ولقت سفره مفروشه على الارض فيها خفايف , وكان قاعد بوناصر وام ناصر واقفه فوق راسه )

جميله : السلام عليكم
بو ناصر : وعليكم السلام , تعالي قعدي جمبي
ام ناصر : عن اذنكم انا نازله تحت
بو ناصر : اذنج معاج ياام ناصر و ماقصرتي
جميله (تكلم روحها) : ام ناصر !! هذي زوجته . (وقعدت جميله يمه)
بو ناصر (ياكل بشراهيه) : اكلي يا جميله اكلي
جميله (تأشر في راسها لا )
بو ناصر (يضحك) : عن الحيا انا مااحب اللي يستحون يلا حبيبتي اكلي معاي
جميله طالعه وعيونها تغارق
بوناصر (قط الخبزه من ايده) : اففف , شوفي ياجميله انا ماتزوجتج عشان نصير اخو واخت او بالاحرى ابو وبنته (يضحك بسخريه) , اللي امس بنساه واليوم بنفتح صفحه جديده , وانا مابي اجيج الا انتي راضيه ( وقام بو ناصر من سفره وطلع بره الغرفه)
( جميله فكرت بكلامه شوي , بس التفتت حوليها ولقت نفسها بروحها في الغرفه فقعدت تاكل من الأكل لانها كانت حدها يوعانه , شوي ولا تدخل مره حامل بس كانت صغيره بالعشرينات تقريبا )

.... : السلام عليكم , هلا بالعروسه الجديده
جميله : وعليكم السلام
.... : شفيج ! انا ريم مرت ناصر , والله استانس يوم دريت ان عمي بتزوجج
جميله : هلا عاشت الاسامي
ريم : والله فرحت , لان في البيت ماكو صغار كبري كلهم عجايز , مافي الا بنات عمي بوناصر من المره الثانيه ام فواز بالثانويه ولا مايدانوني
جميله : ليش انتي جم عمرج ؟
ريم : 21 , هم انتي 21 صح ؟ انا سألت عمي وقالي , صدقيني فرحت
جميله (تكلم روحها: هذي شفيها تسولف واجد ) : أي انا 21
ريم (تشيل المواعين) : خلصتي مو ؟
جميله : أي أي
ريم : عوافي , ماقلتي لي تدرسين ؟
جميله : أي
ريم : شنو ؟ ووين ؟
جميله : بجامعه الكويت كليه الآداب
ريم (طاح الكوب منها) : اووله جامعه ! زين خلصتي ؟
جميله : باجي بس لي مواد في الصيف واخلص
ريم : يووه اجل عمي بو ناصر مهو مخليج
جميله : ليش !
ريم : عيب عندنا البنت تدرس في الجامعه , انا جدامج خالصت الثانويه واخذت ناصر لا درست لا في جامعه ولا بطيخ
جميله : بس لازم تضمنين لج مستقبل , انتي ماتدرين عن هالدنيا
ريم : عيالي هم مستقبلي , الله يسلمج عندي وولد وبنت حمني و شيوخ والحين حامل , هذول بكونون الضمان , وانتي هالله هالله جيبي عيال عشان تضمنين مستقبلج
جميله : ها !! شكوو
ريم (وقفت شايله صينيه) : يا جميله ترى عمي رجال حليل و تراه مريض في قلب , مو دايم لج والله لمات ام فواز وعيالها مهم مخلين لج ولا فلس جيبي لج ولد او بنت تضمنين فيه لج كم فلس
جميله ( تكلم روحها: مابي فلوسه ) : ان شاء الله

قعدت جميله تفر في شقه تكتشفها , كانت تقريبا نص دور حلوه وواسعه , دخلت غرفه النوم ولحد الحين الثوب الابيض على الارض و الفراش مثله مرتب محد لمسه )
جميله (تشيل الثوب الابيض) : يووه هذا اجار لازم احافظ عليه برده ,(بعدين قعدت تفكر) انا اللي اسويه صح ولا غلط , اذا مابيه يجيني ليش تزوجته ! شنو خطتي انا , شنو بقول لداوود ,(ذكرت داوود) امبي داوود ماكلمته من امس , شلون اكلمه ماعندي لاب ! لابي في بيت عمي (نست جميله بو ناصر وقعدت تفكر بداوود واذا كلمته في موبايل بجك لان قالت له خطها مايشتغل في سعوديه , قعدت جميله تبجي على داوود لحد مانامت من تعب والسهر)

(مثل اليوم الصبح عند داوود قاعد يتريق في الصاله مع ابوه واخوه نواف)

داوود (يكلم روحه ) : اهي وصلت او لا , اخاف صار فيها شي ؟
سلمان : ها ابو سلمان وين راح بالك ؟
داوود (يبتسم) : لا كاني موجود وين اروح يعني
سلمان : شنو كنت تفكر فيه ؟
داوود : ولا شي يبا ولا شي
سلمان : اعرفك زين , قولي يلا شنو ؟
داوود (طبعه مايخش شي على ابوه): جميله اليوم بتسافر بتروح لخوالها في الدمام
سلمان : وليه احنا لحد الحين مع هالجميله , وزين اذا رايحه لخوالها !! شنو لا يكون تحاتي ؟
داوود : صراحه أي قاعد احاتيها لان بتقول لخوالها و بيطردون عمها ومراح يخلونها ترد معاه و..
سلمان (يطالع داوود باستغراب) : ياحليلك يا داوود وقمت تحاتي والله
داوود : يبا والله جد احاجيك , وخلني اكمل بعد شنو تقاطعني
سلمان (يضحك) : كمل كمل شنو يبون يسون في عمها بعد
داوود : لا عاد اهني انا راح اروح دمام واخطبها
سلمان : شنو !! ومنو اللي راح يروح ؟
داوود : آنا شفيك !
سلمان : من صجك ! عمها اللي في الكويت مارضى فيك لانك مو من قبيلتهم , خوالها السعوديين بيرضون !
داوود : يووه يبا عمره مايعجبك شي , شنو يعني لا بيرضون
سلمان : والله اني حاس ورا هالبنت بلوى بس لاتضيع وراها
داوود (قام بعصبيه) : خلاص خلاص مالك شغل فيني انا ماشي

(داوود راح كوفي وقعد فيه وبطل لابه دز ايميل حق جميله )

الايميل :
قوه قلبي ,ان شاء الله تكونين وصلتي وبخير , بليز طمنيني عليج باقرب وقت , انا راح اشبك قلبي الساعه 8 بليل وبكون ناطرج ان شاء الله
حدي مشتااق لج حياتي و الكويت من دونج ولا شيء

( العصر جميله في شقتها تو قامت من نوم بعد مابجت , طلعت من الغرفه ولقت ريحة الشقه اكل , لقت غدا محطوط على طاوله في المطبخ وفايحه ريحته في شقه كله منه , شوي ولا انطق باب الشقه )

بنت صغيره : انتي العروسه ؟
جميله : أي , وانتي منو ؟
البنت : انا شيخه
جميله : انتي بنت ريم وناصر
شيخه : أي , جدتي وضحه (ام ناصر) تقول تعالي نزلي اشربي جاي وقهوه
جميله : قولي لها ان شاء الحين جايه , بس حبيبتي شيوخ طرشي لي خدامه تشيل الاكل اهني
شيخه : زين

(لبست جميله دراعه ونزلت لهم في الصاله , في الصاله كان ام ناصر و ام فواز و ريم و خلود (قعدة ام ناصر عمرها 15 )

ام ناصر : يا هلا هلا بالعروس
جميله (مستحيه) : هلا فيج
ام فواز : والله على ماادري شنو ماخذج علي
ام ناصر : عدال انتي على ماادري شنو مااخذج علي يالسنعه , اقول قومي روحي لبيتج ابرك لج (وراحت ام فواز واهي معصبه)
جميله مستغربه من الهوشه اللي قاعد تصير
ريم : ماعليج منها , اهي دايما جذي بس خالتي تقدر عليها
ام ناصر : ختولي ماعليكم منها هذي , جميله اقلطي حبيبتي , أي نسيت هذي بنتي قعتي خلود
جميله : هلا , شلونج ؟
خلود (كانت قاعده على لاب) : حمدالله تمام
ريم : جميله تبين جاي ؟
جميله : أي حبيبتي تسلمين (جميله عينها على لاب اللي مع خلود)
جميله : خلود انتي شابكه ؟
خلود : أي شابكه
جميله : يمكن شوي اشوف ايميلي ؟؟
خلود :أي هاج تفضلي
ام ناصر : انا والله مااعرف لهسوالف لهل كمبيوتر
ريم : والله حق انا يا خاله ماعرف لاايميل ولا غيره
جميله (تضحك) : بعد شنو نسوي نطور مع العالم , (بطلت جميله ايميلها و لقت ايميل داوود اول ماشافته تغارقت عينها)
خلود : جميله فيج شي ؟
جميله : لا لا انا بروح فوق شوي ارتاح , يمكن خلود الساعه 8 دزين لي لابج عشان اكمل قرايه ايميلاتي
خلود (باستغراب وماتقدر تقول لا) : أي اوكي عادي

(صعدت جميله فوق وقبل ماتوصل شقتها نهارت بجي وصياح , سكرت باب شقه وقعدت على الارض تبجي , بطلت موبايلها وماهمها داوود يمكن يجكها او لا واتصلت على عواطف )

عواطف : الوو , جميله ليش تبجين ؟؟
جميله : ابيي داوود
عواطف : شنو انا خاشته عندي
جميله (بصراخ ) : انتي شفيج انا مااضحك معاج , ابيه ابيه
عواطف : جميله لا تصارخين , لو تبينه ليش تزوجتي , خلاص داوود راح عليج , مهو ماخذ وحده ماسها رجال قبله
جميله : لا لا ماجاني , انا بنت ماجاني
عواطف : نعم !! يعني شنو بتعيشين معاه جذي , في يوم بيجيج
جميله : لالا لين يعوفني ويطلقني
عواطف : يطلقج وين تروحين لعمج اللي ماتبينه ! ولا داوود بياخذ مطلقه ؟انتي من صجج هذا كلام وحده عاقله عارفه ربها , زواج مو لعبه وانتي اخذتيه خلاص هذا زوجج
جميله سكرت التلفون في ويه عواطف وحذفته على الطوفه و قعدت تبجي وتصيح وفكر في كلام عوااطف وين تروح لو طلقها بوناصر

(في بيت سارة عمه داوود , مشاعل اختها كانت عندها)
سارة : تدرين مشاعل سلمان يقول ان داوود بروح سعوديه يخطب مثل البنت
مشاعل : من صجج , وسلمان راضي ! اعرفه يرضى ويروح معاه بعد
سارة : ماظنتي يرضى لان صراحة قويه شنو قلو البنات
مثايل : يما انتوا تسولفين عن داوود !!
سارة : أي يما
مثايل : شكو سعوديه ؟
سارة : ماادري بس شكلها البنت ساكنه هناك وبروح يخطبها
مثايل : منو!! لايكون جميله
سارة : أي أي جميله
(مثايل تكلم روحها : لهدرجه تحبها ياداوود , مثايل حست بضيقه وان الدنيا مسكره فيها اتصلت على داوود وماتدري شنو تبي تقوله , بس اهو مارد لان لحد الحيل شايل عليها)

(بعد صلاة العشا جميله هدت وكانت قاعده على تلفزيون في شقتها , دخلت عليها الخدامه ومعاها لاب توب خلود والايغو , جميله دخلت على طول المسن بس داوود ماكان موجود اول ماصارت ساعه 8 دخل داوود)

جميله : ولكم ياقلبي
داوود: يابعدهم كلهم والله , يسلمو يادنيتي آنا ,شلونج , وبشري وصلتي ؟
جميله (تكتب واهي تبجي) : أي وصلت والحمدالله زينا , انت شلونك ؟ وشلون نوافي؟
داوود : تمام ونواف بخير , والله الكويت من دونج ولا شي
جميله : انا من دونك ولا شي , داوود ابيك
داوود : ياعمري انا, عطيني العنوان واييج طاير
جميله : ها عنوان !! مادري مااعرفه , ماسألتهم تعرف تو جيت بعدين
داوود : اوكي على راحتج مااحب اضغط , شلون يدتج ؟
جميله : جدتي زينا تماام
داوود : أي صج حبيبتي قلتي لخوالج ؟
جميله : ايي
داوود : وشنو سوي في عمج ؟
جميله : طردوه حبيبي , كسر خاطري
داوود : يااي ياطيب قلبج خليه يولي عمري
(و ظلت جميله تسولف مع داوود واكيد كل سوالفها معاه جذب في جذب , ماسكرت الا بعد ماسمعت صوت بوناصر على درج , ودعته بسرعه وطلعت)
دخل بو ناصر طل على جميله في الغرفه , وبعدين راح غرفه النوم ,جميله قامت ولحقته

جميله : بوناصر يمكن اطلب طلب ؟
بوناصر : اول شي , تعالي قعدي يمي(على السرير) ثاني شي اسمي بدر بوناصر هذا يكبرني( يضحك) ثالث شي آمري
جميله : مايآمر عليك عدو ,بس بغيت باجر اروح بيت عمي اييب لي اغراض ناسيتهم
بدر : اغراض مثل شنو ؟ انتي قولي شنو ناقصج وانا اجيب لج كل اللي تبينه جديد
جميله : لا ابي لابتوبي ناسيته وكل شغلي فيه
بدر : شنو راح تحتاجين فيه يعني ! شنو الشغل
جميله : ابيه عشان بسجل في الجامعه مواد الصيفي
بدر : جامعه !! انتي مو خلصتي عمج يقول خريجه
جميله : أي خلصت بس هالصيفي
بدر انتي تدرين انا ماعندي احد يروح الجامعه ..
جميله (قاطعته) : بس مابقى لي شي بس هذا
بدر : انتي الحين انطري بكمل , بخليج انتي تروحين جامعه بس بشرط
جميله : شنو شرط !
بدر : تلبسين نقاب , انا ماحب زوجتي مفرعه
جميله (بصوت حزين) : ان شاء الله
بدر: ياجميله ياحبيبتي مابيج تضايقين مني ,انا اعزج ومابي اقصر عليج باي شي , خدامه وبجيب لج وشفتي الارض اللي جمبنا تراني بسجلها بسمج , انا مااحب اضيع حق احد ومن خوفي عليج من بعدي انج ضيعين بخليها ملك لج وانتي تصرفي فيها
جميله (حست بسعاده لان اول مره تسمع كلمه ملك لج ) : الله يطول بعمرك , وماتقصر
بدر حاول يقرب منها , بس جميله كانت ترفض وتبعد , لكن اهو اجبرها واهي ماقاومت وسايرته لان طرا على بالها كلام عواطف ​

 

[ايطاليه]

كملي حبيبتي اندمجت القصة وايد حلوة يعطييح العافية

القصة حقيقية ولا من تأليفج....؟؟؟؟؟؟

 

[احب الصالحين]

تسلمين أختي الغالية
ويعطيك العافيه

 

[عانيت بسكااات]

جميلة فالبداية كاسرة خاطري ، لكن الحين لا لا لا

حرام داوود شنو بيصير فيه ، ليش جذبت عليه

حتى لوكانت شخصيتها ضعيفة قدام عمها وأهلة كان عندها نقال أقل مافيها تكلم واحد من خوالها يجيها ويفكها منه .

خسارة حب داوود فيها .

كملي كملي عوار القلب :eh_s(2):

يعطيج العافية ولا تطولين علينا بليز :eh_s(17):

 

[lulwa-q8]

كملي حبيبتي اندمجت القصة وايد حلوة يعطييح العافية

القصة حقيقية ولا من تأليفج....؟؟؟؟؟؟

لا حبيبتي واقعيه , بس تعرفين بعض تفاصيل الأحداث تكون من عندي

 

[lulwa-q8]

تسلمين أختي الغالية
ويعطيك العافيه

الله يعافيج
وتسلمـــين

 

[ايطاليه]

في بارت اليوم ولا لأ.....؟؟؟؟؟؟؟

مااقدر مافيني صبر

 

[lulwa-q8]

Part 14 ​

(جميله كانت في الحمام تبجي وتحاول تغمت روحها كثر ماتقدر عشان بوناصر مايسمعها , تفكر اهي خانت داوود او لا وداوود راح يرضى فيها الحين ! , حاولت تهدي روحها وتقول داوود يحبها ويعزها ومراح يتخلى عنها , اخذت لها شور بعدين صلت الفير وقعدت في الصالة ومانامت)

(الصبح بو ناصر تو قام )

بدر (بصراخ) : جميله , جمــــــــيله !
جميله : هلا هلا بو ناصر , انا اهني بدار تلفزيون
بدر : انتي هني ! واحنا شنو قلنا على بوناصر هذا ! انا بدر
جميله( تبتسم) : اسفه , هلا بدر
بدر : شفيج !! ليش عيونج حمر
جميله : لا ماكو بس مانمت عدل (كانت تبجي)
بدر يكح بشكل قوي وماسك صدره
جميله : بدر شفيك !! تبي مااي ؟
بدر : لا لا مافي شي
جميله : اخلي ريم تنادي ناصر
بدر (يضحك) : لا مافي شي , وانتي عرفتي ريم وناصر ماشاء الله عليج ماصار لج الا 3 ايام
جميله : (تضحك ) ,, بو ناصر , قصدي بدر ترى اليوم بروح بيت عمي مثل ماقلت لك امس
بدر : ان شاء الله روحي , قولي لام ناصر تعطيج السايق , وانا قريب ان شاء الله بجيب لج سايق


(لبست جميله ونزلت لام ناصر تسـتأذن منها عشان تاخذ سايق , و وافقت )
( في بيت عم جميله مبارك , دخلت ولقت عمها وزوجته وبناته )

جميله : السلام عليكم
مبارك : انتي ! لايكون تطلقتي !!
جميله : لا لا طمن قلبك
ام فراج : ها اجل شنو تبين , مسرع زيارة من ثالث يوم
جميله : مو زايرتكم , جايه آخذ اغراض لي
بشاير : مالج اغراض عندنا !
جميله : امبلى لابتوبي و سي ديات وكتبي الجامعه كلها عندكم
بشاير : أي أي فوق في مكانهم ماجيناهم لا تخافين
(صعدت جميله يابت اغراضها و طلعت وقبل ماتطلع سمعوها بنات عمها جم كلمه ضيق الخلق )
جميله (طالع السماء قبل ماتركب سيارة) : يالله ياربي لا تردني لهم

( وصلت جميله بيتها و لقت عواطف تنطرها تحت عند ام ناصر )

ام ناصر : وينج ياجميله ! رفيجتج صارلها ساعه تنطرج
جميله : عواطف !!
عواطف (بصوت خفيف) :خفت عليج من امس ادق عليج تلفونج مغلق
جميله : امشي امشي فوق شقتي
( وصعدوا فوق )
عواطف : والله شقتج راهيه ماشاء الله
جميله : أي زينه
عواطف : زينه ! انا شقتي حمام وغرفه بس
جميله : الحمدالله بدر عنده خير ويقولي بجيب لج سايق وخدامه بعد
عواطف : بدر ! اها بوناصر يحليله مسرع بجيب لج , ياحرام عباله بطولين عنده
جميله ساكته وحاسه بضيقه من كلام عواطف
عواطف : تدرين مرته هذي حبوبه , توقعته يعني تكرهج من النوعيه اللي يكرهون طبيناتهم
جميله : لا حبوبه انا عبالي انها اخته , والله جنها مرت زوجي بعد , اللي تكرهني صج ام فواز مرته الثانيه
عواطف : انتي ماعليج منهم , المهم ياجميله انا جايه الحين اتأسف لج حسيت اني ضايقتج امس
جميله : لا عادي انتي ماقلتي شي انا اللي كنت مضايقه
عواطف : انا بس ابي لج الخير , يعني حرام عند ربي متزوجه وتفكرين بغيره , بس دام انتي تبين داوود خلاص ابي اشاركج بخطتج عشان يطلقج بدر هذا(تضحك)
جميله : لا لا خلصت الحين , انا مو بنت ومثل ماقلتي داوود مراح يرضى في مطلقه , وانا مابي ارد لعمي خلاص اتقبل الواقع مو هذي نصيحتج
عواطف : جمول شفيج ! وين جميله اللي امس
جميله : هذا انا , بس فكرت وطلع لي مالي الا بدر
عواطف : وداوود !
جميله : داوود طول عمره بظل حبيبي وعمري ماحبيت غيره بس لان حضري ماانكتب لي , وداوود اذا يحبني بينطرني
عواطف : والله موفاهمه لج انتي مو تو تقولين ماتبين تطلقين شلون بينطرج
جميله : ماادري ياعواطف , بس حاسه انا داوود مالنا الا بعض
عواطف : آمين يارب
جميله : تغدي اليوم عندي عطوف
عواطف : لا عذريني قلبي , لازم ارد لزوجي

( في بيت سارة عند مثايل كانت تتتصل على داوود اكثر من مره ومايرد عليها , آخر شي قرر يرد عليها )

مثايل : الوو , هاي داوود
داوود : شنو تبين انتي ! انتي مالج ويه
مثايل (استحت) : شفيك ! انت ليش جذي معاي
داوود : انتي مينونه ومريضه نفسيا
مثايل : آنا المريضه نفسيا !!! عدال انتي بطق لي درب عشان تخطب جميله
داوود : انتي داقه عشان جذي !! اموت واعرف شنو حارج انتي
مثايل : موحارني شي , آنا بس ابي نرجع مثل قبل
داوود : شبي فيج عشان نرجع مثل قبل , مثايل خليني في حالي
مثايل : كل هذا عشان جميله !!
داوود : لا مو عشان جذي , عشان سالفه علي يابنت عمتي
مثايل : ها ! أي سالفه !!
داوود : عبالج علي بيسكت وصلني الكلام
مثايل : لا لا داوود جذاب اهو قص علي بس والله ماصار شي
داوود : أي قص عليج ورحتي يبتي رفيجج يأدبه لج , آخ من يوصل هالحجي لابوج
مثايل : أي رفيج ! داوود بليز خلني افهمك
سكر داوود الموبايل في ويها , وقعدت مثايل تبجي


( مرت الأيام وبدأ الكورس الصيفي , في كلية الآداب عند جميله و عواطف )

جميله : احس اني دايخه حدي قومي بروح بيتنا
عواطف : من عذرج اول يوم صيفي و احنا خربنا نومنا وغير الحر بعد
جميله : أي والله , احس اني بينغشي علي , فوق هذا النقاب خانقني
عواطف : أي ماتعوتي عليه , انا كاه عادي معاه
جميله : أي توني اول يوم اتوعد ان شاء الله بس خلنا نمشي قومي
عواطف : انا صج ولا احلم ! هذاك منو ؟؟
جميله : شنو ! ومنو ؟
عواطف : التفتي وراج
جميله (التفتت) : داوود !!
عواطف : شنو يسوي اهني انتي مو قايله له انج في السعوديه؟
جميله : امبلى ماادري شنو يسوي اهني
عواطف : أخاف جاي يدور له على صيده غيرج
جميله : لا داوود مو جذي , واهو بعد يبي يتزوجني يعني مايلعب
عواطف : يتزوجج !! انتي متزوجه (تضحك)
جميله : جب جب ! انا خوفي جاي اهني كشفني
عواطف : لا ماتوقع ! انتي اليوم كلميه في المسن سأليه , يلا خلنا نطلع
جميله : اخاف يشوفني ويعرفني !!
عواطف : انتي لابسه نقاب مراح يعرفج
وراحت جميل سيارتها من غير ماينتبه لها داوود ,واهو قعد على الكرسي وقعد يكلم روحه
داوود : آه ياجميله اول يوم صيفي , مفروض اشوفج ! الجامعه مالها حلى من غيرج (داوود عمره ماحزن على احد كثر حزنه الحين على جميله)

( بليل ساعه 8 مثل الموعد جميله تكلم داوود في المسن , بعد ماسلموا على بعض )
جميله : حبيبي يمكن اسألك شي ؟؟
داوود : شنو حبيبتي
جميله : انت شنو كنت تسوي اليوم في الاآداب
داوود : وانتي شنو دراج !! آنا قايل قلوبنا على بعض (L)
جميله : أي حبيبي روحنا وحده
داوود : عاد يلا صج شدراج قلبي ؟
جميله :يمكن تقول عندي استخبارات هناك
داوود: عواطف رفيجتج اكيد
جميله : لول أي
داوود : ماكنت اسوي شي , بس اشتقت لج ورحت مكاني اللي كل مره انطرج فيه يمكن بالصدفه اشوف خيالج
(جميله ماتحملت وقعدت تبجي وحست روحها انها وحده حقيره , شوي باب شقه انطق )
خلود (من ورا الباب) : جميله بسرعه ريم تبي تولد محد في البيت الا انا وانتي بسرعه
جميله : زين زين خلود الحين اجي (واكتبت لداوود) حبيبي لازم اطلع جدتي تبيني
لبست جميله عباتها وملفعها لان كانت لابسه بيجاما ونزلت لريم بسرعه
جميله : ها شفيج ريم !
ريم (بصراخ) : بطني بطني بولد خلاص
جميله : خلود نادي ناصر بسرعه
خلود : ناصر موهني ماكو احد حتى امي طالعه
جميله : زين ساعديني نوديها مع سايق

(وراحت جميله مع ريم لمستشفى الفروانيه ودخلوها الولاده , شوي ولا وصل ناصر فردت جميله البيت)

بو ناصر : وين كنتي جميله !!
جميله : رحت مع ريم المستشفى البيت كان فاضي ومافيه غيري
بوناصر : ها جذي , زين ولدت !
جميله : أي مبرووك الحفيد جابت صبي , اكيد فرحان الحين انت
بوناصر : الحمدالله , و مشاء الله احفادي واجد تعوت
جميله : أي الحمدالله بعد فرحه
بوناصر : الفرحه صج لما جيبين انتي الولد
جميله : انا !!
بوناصر : أي انتي , شنو ماتبين عيال!!
جميله : لا لا ابي
بو ناصر قعد يكح بشكل قوي و يمسك صدره
جميله : بدر لازم تروح طبيب
بوناصر : اروح بس بشرط انتي تروحين تحللين (ظل يكح)
جميله : شنو احلل !!
بوناصر (يشرب الماي اللي يمه) : آخ ياصدري ! , بعد نشوف حامل اولا , انتي صار لج يومين تقولين تعبانه و انا الحمدالله عندي ولا 12 ولد اعرف الحامل من عيونها (يضحك)
جميله : زين
بوناصر : باجر انا وياج نروح نحلل بعد مانمر على ريم
جميله : ان شاء الله

(ثاني يوم الصبح في مستشفى الفروانيه جميله بعد ماحللت راحت لريم تزورها)

بدر وجميله : السلام عليكم
ريم(بروحها في غرفه ): وعليكم السلام
جميله : حمدالله على السلامة شلونج الحين!؟؟
ريم : الله يسلمج , والله الحمدالله
بدر : هاشلون حفيدي ؟ شنو بتسمونه هالمره
ريم : راح نسميه بدر , تعرف الاول عبدالرحمن علي اخوك الله يرحمه والحين عليك ياعمي
بدر : دامه باسمي والله انه تمايمه علي
جميله : يتربى بعزج ان شاء الله ريوم
بدر : ادعي لجميله يارب تو حللت وان شاء حامل
جميله (طالع بدر) : أي أي بس مااتوقع
ريم : يارب ان شاء الله حامل , وتوقعي خير بتلاقينه

( نزلوا بدر وجميله بعد ماخلصوا من ريم وراح يستلمون التحليل )

بدر : ها اقري تحليل بشري
الممرضه : مبروك مدام حامل
جميله : آنا حامل !!​

 

[lulwa-q8]

ايطاليه البارت عشانج

 

[ايطاليه]

بعد عمري تسلمين والله

مادري ليش جميلة قاهرتني ؟؟؟

 

[احب الصالحين]

مشكورة اختي على البارت
الله يبارك فيك

 

[الحسن*المثير]

امبيييييه لا مو صج حظ جميلة مسكيينة تكسر الخاطر
انشالله بو ناصر يموت وتاخذ داوود

 

[$ فراولة $]

اخيييييييييييييييييييييه
كملي كملي كملي
ااااااااااااااااااااااااااه ياقلبيييييي

 

[cup-cacke]

جميييله اسمحي لي..انتي استسلمتي لعمج بدون حتى لا تقاومين او تقولين لاا...كان المفروض تقولين حق عمج حمد تقولين لداوود تتصلين على خوالج او اي شي..ولا انج تسكتين وتقصين على داوود وتستمرين بالجذبه لحد ما حملتي

ممكن داوود يتزوج مطلقه ممكن..ممكن داوود يتزوج مطلقه وعندها ولد..هني ما اتوقع..واذا اهو وافق اهله ما راح يوافقون

..لا يكووووون داوود راح يتزوج بنت عمته

بلييييييييييييز نبي بارت بعد