(داوود -جميله) قصة واقعية ,ضحية مجتع البدوي والحضري

[DALLY]

امبيه لا

كملي كملي حبوبه اي زووووج!!!!

 

[بيـــشو17]

يسلموووو

 

[توتا كويتيه]

وي وي وي وي وي لا يكون زوجها فراج

الله يعينج يا جميله

 

[توتا كويتيه]

وي وي وي وي وي لا يكون زوجها فراج

الله يعينج يا جميله

ننطرج حووووووووووووبي

 

[lulwa-q8]

Thanks All

 

[عانيت بسكااات]

وين البــــــــــــارت :eh_s(22):

 

[$ فراولة $]

هذا مبارك لا يعقدهااااااااااااااا
ياخوفي زوجها فراج ، وبعد العشرة يحب جميله وجميله ماتحبه وليييييييييييييييييييييييييييييييييييييييييه

 

[ايطاليه]

كملي حبيبتي

القصة وايد حلوة

 

[ladeen]

متى البارت

 

[توتا كويتيه]

متى البااااااااااااااااااااااااااااااااااارت

 

[lulwa-q8]

Part 11​

مبارك (يضحك ) : شفيج لا تخرعين , جايني واحد من الجماعة وماحبيت ارفضه فوافقت عليه مبرووك يابنيتي
جميله : ها ! ليش شكوو
مبارك : شنو اللي شكوو , انا عمج
جميله : بس انا اللي راح اتزوج , شنو على طول توافق
مبارك : انتي انطري , انا باقولج عنه وكليتيني بقشوري
جميله : آسفه عمي , وانا مو موافقه (في نفسها : الحين بتقولي عن اللي يخطبوني)
مبارك : خليني اقولج من هو
جميله : ماله داعي وانا مو موافقه
مبارك : اسمعي يابنتي , انا كنت ابيج صراحة حق فراج واهو يقول انج مثل اخته , وانا ياما رفضت عشان هالسالفه و الحين دامه مايبيج ليش ارفض هذا بعد
جميله : بس انا مابي اتزوج
مبارك : مو كيفج , انا عطيته كلمتي و لا تفشيليني
جميله : لا بكيفي , انا عمري 21 وكل شي بكيفي
مبارك : لو عمرج 40 ماتزوجين الا في ولي امر افهمي يا بنت
جميله : لا سألني الملاج راح ارفض و تشووف
مبارك : ارفضي , انتي البتعنسين و بتقعدين اهني عندي , شوفي يا بوناصر ياماكو زواج
جميله : ابو ناصر !! بعد متزوج
مبارك : أي عنده حرمتين بس حريم كبار , عنده خير و رجال كبير و حليل ابرك لج من الشباب المهبل
جميله : لا لا مابي , , انت ليش تحب تحدني قبل يا فراج او ماكو والحين يا الشايب ولا بعد ماكو , زوجه بناتك ياخي
مبارك : مهو شايب بالخمسينات عمره , وانا ادور لج الاحسن
جميله : هذا مو الاحسن , تكفى عمي بجون غيره مو لازم هذا
مبارك : لا لازم هذا , انا عطيته كلمة افهمي
جميله : اجل انا بكسر كلمتك عنده ومراح اتزوج
مبارك (مسكها من شعرها) : افهمي يا جميله ان رفضتي ترى مافي بعدها طلعه من البيت بضلين اهني عندي انا ومرتي وعيالي , ولا فوق هذا لطلعج من جامعتج و خليج عند ام فراج تربيج عدل
جميله (بصراخ وبجي): مو بكيفك , مابيك بروح الخوالي
مبارك : خوالج ! أي خوال اللي مادروا عنج امانه بالله متى آخر مره شفتيهم ولا سألوا عنج (دزاها بعيد)
جميله : انا قلت لك راح افشلك جدامهم
مبارك : وانا قلت لج راح اوريج الويل لو قلتي لا , بتعنسين عندي و بتودعين جامعتج و حتى الشارع لخليج تنسين شكله , انا لقلت شي مااحب ارده

( راحت جميله غرفتها بس لقت فيها بنات عمها فمالها خلق حق تعلقاتهم فقعدت تبجي في الحمام , طلعت موبايلها و اتصلت على عواطف )

جميله (تبجي) : الوو , عطوف
عواطف : الوو , جميله ! شفييج ؟
جميله : مابي مابي
عواطف : شنو ماتبين
جميله : عمي بزوجني , بزوجني واحد شايب
عواطف : هدي هدي وقفي بجي عشان استعوب
جميله (هدت شوي) : اقولج بزوجني حق صاحبه يقول من جماعتنا و رجال شايب ومتزوج بعد
عواطف : ليش مو يبيج لفراج ؟؟
جميله : لا شفيج مو قلتج فراج مايبيني من قبل , مفروض اروح لخوالي وداوود يجي من هناك يخطبني ليش صار جذي (ردت تبجي)
عواطف : جميله لا تبجين قطعتي قلبي , سمعي انتي فهمي عمج انج مو راضيه
جميله : قلت له يقول انا قلت كلمتي ومااردها , واذا رفضت يقول اطلعج من الجامعه , بس انا راح ارفض واللي يصير يصير
عواطف : انتي رفظتي ولا رضيتي راح يزوجج
جميله : لا مايقدر دام انا موراضيه
عواطف : لايقدر , دامه ولي امرج عادي يقدر
جميله : انا راح اقول لا
عواطف : تقولين لمنو ! انا زوجي يوم جاء خطبني ابوي سالني ووافقت بعدين لا كلمني لا ملاج و لا بطيخ ,و راح ابوي المحكمة و اهو اللي وقع على كل شي
جميله : شنوو وين قاعدين ! لا لازم يكلموني
عواطف : اناا ماادري صراحة بس هذا اللي صار , بس حتى لو رفضتي مالج الا عمج و بطلعج من الجامعة اللي مابقى لج فيها الا كورس صيفي , جميله لا ضيعينه عليج
جميله : يعني شقصدك , اوافق! لا واحد شايب و متزوج بعد ! لاا
عواطف : اسمعي انتي قولي موافقه عشان تهدأ النفوس بس , وبعدين قولي له يوديج لخوالج وهناك داوود يجي ويخطبج , انتي بس هدي وتنحل الامور
جميله (بهدوء) : صج !
عواطف : أي بس ياويلج اذا قلتي داوود سالفة الخطبه
جميله : وليش مااقوله ؟
عواطف : ماله داعي بس ضايقينه و تخلينه يتنرفز
جميله : انا بسوي اللي قلتيه ولو مامشت الامور بنحاش مع داوود , وياليتني ياعواطف ميته معاهم ذاك اليوم (ترد تبجي)
عواطف : جميله عيب هالكلام و تقوي بالله ,ان شاء الله باذن الله مايصير الا الخير

( طلعت جميله من الحمام , وراحت غرفتها و حطت راسها و نامت , المغرب قامت وكانت هاديه وقتها فانزلت تكلم عمها و لقته قاعد في الصالة مع زوجته )

جميله : عمي بكلمك شوي
ام فراج : تكلمي شعندج , انا وابو فراج واحد
مبارك : تكلمي ياجمليه وشتبين ؟
جميله : عمي انا موافقه
مبارك : وافقتي , ماشاء الله وشنو اللي غير رايج
جميله : فكرت و لقيت هذا بو .. اهو شسمه ؟
مبارك : بدر , بو ناصر
جميله : أي أي بوناصر احسن شي يناسبني
مبارك : هذا عين العقل , ابعدي عليج
ام فراج : زين رد عقلج لج , ولاجان الجامعه ماشفتيها
جميله : بس عمي ابيك توديني لخوالي
مبارك : مثل ماقلت قبل لتزوجتي قولي لزوجج يوديج
جميله : بس انا بروح لهم الحين
ام فراج : مو عليج امتحانت النهائية سبوع الجاي
جميله : أي عادي نروح بعد الامتحانات , بس ابي قبل مااتزوج
مبارك : وليش قبل ماتزوجين !! (حس بشي)
جميله : احسن , وبعد حيل مشتاقه لجدتي
مبارك : لا مافي الا بعد زواج
جميله : زين ليش ؟
مبارك : جذي , ولا تنرفزين جذي هدي ان شاء الله منتي مطوله عشان تشوفين جدتج
جميله : بس على ماتزوج وقت طويل
مبارك : لا مو طويل اول ماتخلصين امتحانات يعني اخر شهر سته عرسج
جميله : هاا ! شنو , آخر هالشهر , لا لا وين مستحيل
ام فراج : وليش مستحيل الملجه هالخميس والعرس آخر الشهر
جميله : شنو ما أجهز يعني !!
ام فراج : و شنو جهزين ,كله جم شغله و حتى عرس محنا مسوين جدتج ماصار لها شهر من ماتت
جميله : اجل نأجل لحد سنه الجايه
مبارك : لا مهو موافق بوناصر , واي تجهيز بعد المهر بكون لي وفوق هذا اهو قالي سبوع الجاي العرس بس انا قلت له اخر الشهر عشان دراستج
جميله : شنو !! انت اتفقتوا في هالأمور
مبارك : أي بعد انا عطيته خلاص حتى المهر قالي بعد اول ماانملج
جميله (عيون مليانه دموع) : وليش عمي انا وين
مبارك : يوو خلاص انتي الحين مو وافقتي خلاص
جميله (ماسكه روحها ) : لا خلاص مو موافقه الا قبل ماروح لخوالي
مبارك : ليش ! شنو احنا نلعب
جميله (بهواش) : ماارضى لين اروح لخوالي وبعد بتسرق مهري و تبيني ارضى
مبارك (عصب وعطا جميله طراق ) : انجبي , ومو كيفج خلاص بتاخذينه يعني بتاخذينه , انا الغلطان اللي عطيتج وجه وسألتج
ام فراج : يابنتي اعقلي و قولي أي و خلاص
جميله (تبجي ) : لا لا مابي
مبارك (دزاها على الأرض) : انتي بتوافقين و غصبن عليج وكلمة لا مابيها (يخزها بشكل يخوف) فهمتي ؟
جميله خايفه طالعه و تبجي
مبارك (بصراخ) : جميله ردي فهمتي ؟؟؟
جميله (تبجي وتشاهق) : أي فهمت خلاص
مبارك (يرفسها) : قومي ذلفي فوق

(جميله تصعد الدرج واهي ميته بجي ولا يتصل داوود , حست انها لازم ترد وتكلمه فماحبت تروح غرفتها فدخلت غرفه هزاع و فراج )

جميله (تبجي) : الوو
داوود : الوو , عمري شفيج ؟
جميله : داوود خلنا ننحاش
داوود : هدي هدي ووين ننحاش , وشنو سالفه
جميله (ماحبت تقوله) : ابي الحين اطلع من هالبيت
داوود : خلاص حبيبتي احنا اتفقنا ان تروحين لخوالج , وانا اييج هناك
جميله : لا مابي ابي الحين
داوود : الحين شلون ! حبيبتي لا تحديني على شي مااقدر عليه
جميله (عصبيه) : لا تقدر , ننحاش انا ووياك
داوود (بهواش) : انتي عبالج النحشه سهله شفيج !!
جميله : (ساكته مصدومه من ردت فعله)
داوود : عمري اسف عصبت بس فهمي والله النحشه صعبه , انتي قولي لي السالفه وليش غيرتي رايج مو اتفقنا بعد ماتروحين لدمام
جميله ( ماتبي تقولي انها خلاص مالها الا بدر الشايب) : مااقدر خلاص , ماكو حل خلاص
داوود : شنو ماكو حل خلاص , انا بيي اخطبج مره ثانيه و نشوف
جميله : لا لا تجي خلاص (تبجي)
داوود : عمري شفيج ! ولا راح اجي انتي بس هدي
(دخل هزاع) جميله : عواطف لازم اسكره (وسدت الموبايل بسرعه)

هزاع : افاا بنت العم ليش تبجي
جميله : ماكو شي
هزاع : وافقي ياجميله و لا تكبرين السالفه , ترى بوناصر مدير ابوي لاتفشلين ابوي عنده
جميله : مديره !! يعني جذي السالفه , اهي خلاص مو بيدي الحين ( وطلعت جميله وراحت تطبخ العشا كالعادة )

(داوود احتر اهو في مكانه وماعرف شنو فيها جميله وشنو يسوي لها , فرد البيت يدور ابوه لكن مالقاه , سلمان في هالوقت طالع مع مثايل عشان يحل سالفتها مع علي )

(سلمان واقف عند عمارة ومعاه في سيارة مثايل قاعده يمه , ويأشر حق الريال ماسك علي , ياء الريال معاه علي ساحبه و مكفوخ )

سلمان : ارتحتي يا مثايل
مثايل : أي ارتحت خالي , والله ماتدري هالنذل شلون عيشيني بخوف
علي (بصراخ) : والله لاشتكي عليك انت وياها عبالك ماعرفتك , ووين قاعدين ماسكيني جذي عبالكم الناس لعبه عندكم عشان فلوسكم يالنذاله
سلمان : سكر حلجك لأيي اسكره لك , وانت عبالك بنات الناس لعبه
علي (يطالع مثايل) : قوليلهم خلاص , انا والله احبج وانا كنت بخطبج
مثايل : انطم , خلاص حفظت كلامك هذا وضحكت علي فيه و مراح تضحك علي مره ثانيه وعبالك مالي والي , شوف صار فيك يانذل
سلمان : مره ثانيه تذكرني لما تحرش بنت ثانيه

( في بيت سلمان , داوود قاعد في الصالة ينطر ابوه , شوي ولا سلمان وصل)

داوود : وين كنت ؟
سلمان : وانت منو عشان تسأل !
داوود : لا بس اسأل مو عن
سلمان : كنت اتمشى , شنو تبي ؟
داوود : يبا اقعد شوي بكلمك في شغله
سلمان : ها قعت آمر
داوود : يبا ابي اروح مره ثانيه اخطب جميله
سلمان : نعم !!
داوود : يمكن لما نخطبها مره ثانيه يوافقون
سلمان : شنو انت مالك ويه , الناس رفضوا
داوود: يبا عادي نحاول مر ثانيه
سلمان : داوود شفيك ! اقولك ريال يقولي يبيها لولده , واذا مو معطيها ولده يبي واحد من عايلته بالعربي قال لا تخطبون مني مره ثانيه
داوود : يبا بس نحاول تكفى
سلمان : اذا انت مالك ويه وكرامة انا لي , والبنت في غيرها الف
داوود : عيل خلاص اسمع الحل الثاني , بنحاش انا وياها
سلمان (بعصبيه) : انت ينيت اليوم ! شنوو تنحاش ووين تروح
داوود :يبا ماكو الا هالحل عمها يعذبها واهي تبي التنحاش منه الحين
سلمان : تنحاش ضيع روحك وضيع مستقبلك انت خبل وبعد ووين راح تروح
داوود : اهي تقول ..
سلمان (قاطعه) : شنو اهي تقول !! انت تمشي ورا كلامها ؟ شهالبنت اللي يننتك
داوود : يبا افهم تكفى
سلمان : شنو افهم , افهم انك بتنحاش مع وحده وماتدري وين بتروح , شوف ياداوود ان سويت هالشي لتبرى منك ليوم دين
داوود : يبا شسوي بعد هذا الحل الوحيد
سلمان : لا في الف حل انا متأكد ولا هالشي
داوود : عطني حل عيل
سلمان : ان شاء الله لو مافي الا هذا لا , اصلا بعد مايجوز لا دين ولا قانون يرضى بهالزواج شنو هالتفكير المنحط اللي دخلته في مخك
داوود : يبا يعني شسوي حرام اهي متعذبه هناك
سلمان : انا قايل انك خبل هذي تستغلك , وشوف ياداوود اذا سويت اللي تقول تراني ماني راضي عليك وصدقني الله مراح يرضى بعد ( وقام وصعد لغرفته )

(ثاني يوم الظهر , داوود رايح لكلية الآداب عند جميله )

داوود : عمري شفيج امس ؟
جميله (طالعه وتبجي) : داوود اذا مانحشنى قبل الخميس خلاص
داوود : شنو اللي خلاص فهميني , حبيبتي انا من امس مو فاهم كلامج
جميله : (في نفسها : افهمك ان الخميس ملجتي ) مااقدر اقولك شي حبيبي
داوود : زين شمعنا الخميس , واحنا مو اتفقنا لرحتي لخوالج ايي اخطبج ؟
جميله : لا خوالي مراح يرضون فيك
داوود : انتي مو قلتي لي حبوبين وبيرضون
جميله : أي , بس لو قلت لهم عن عمي مراح يخلوني ارد الكويت له
داوود : انتي مراح تردين له بتردين معاي
جميله : داوود افهم مافي حل الا هذا
داوود : اللي اهو ننحاش
جميله : أي ماكو غيره , (تمسك ايده وتبجي) تكفى داوود لا تخليني عند عمي بضيعني خلنا نروح
داوود (سحب ايده ) : مااقدر حبيبتي , راح اخسر اعز الناس , بس صدقيني بنلقى حل (يمسح دموعها) روحي لخوالج وانا بخطبج و بفهمهم انج بتكونين في عيوني صدقيني اوعدج , عمج متى قالج بوديج لخوالج ؟
جميله : ورا الامتحانت آخر سته ( هذا يوم عرسها )
داوود : حلو تحملي بس هاليوم و انا بعدها ويمكن بعد نفس اليوم ايي واخطبج اوكي (يبوس راسها)
جميله (تبجي) : اوكي يلا بمشي
داوود: اوك في امان الله عمري

(ركبت جميله سيارة وحطت راسها على الكشن وقعدت تبجي)
جميله : ليش ياداوود , ماهقيتك جذي ضعيف وخواف ​

 

[lulwa-q8]

و سوري طولت عليكم

 

[ايطاليه]

كملي حبيبتي

نبي بارت بعد<<<< تتشرط

 

[cup-cacke]

ماااااااااااااااااااااالت عليه من عم..جميله خل تقول لداوود يمكن يقدر يسوي شي..او ابوه يمكن يكون يعرف هالبوناصر اللي ما ادري من وين طلع لنا

 

[عانيت بسكااات]

شهالعم اللي ما بقلبه رحمه ، ياخي زوجه وحدة من بناتك وفكنا

زين ليش ما تتصل على احد من خوالها ويجيها ويفكها من شر عمها

ياااااااااارب يااااااااااااااارب تتفركش خطبتها من هالشايب وتتزوج داوود بس مو خطيفة

يعطيج العافية يارب بأنتظارج :eh_s(17):

 

[koky 7yati]

تسلمين حبيتي القصه مووووووووووووووووووو صج
قوووويه والله
الله ياخذ عمها الغبي باااااااااط جبدي شنو هذا حيوووان :eh_s(12):
والله حدي انقهررررت ومت من الاعصاب :eh_s(14):
ويالله بللللليز نبي بارت الله يخليج ويوفقج
:yaaaaaarb:

 

[lulwa-q8]

ماااااااااااااااااااااالت عليه من عم..جميله خل تقول لداوود يمكن يقدر يسوي شي..او ابوه يمكن يكون يعرف هالبوناصر اللي ما ادري من وين طلع لنا

كب كيك لو بكيفي جان خليتها تكلمه
ثاانكيو على المتابعة , والحمدالله اعجبتج

 

[lulwa-q8]

شهالعم اللي ما بقلبه رحمه ، ياخي زوجه وحدة من بناتك وفكنا

زين ليش ما تتصل على احد من خوالها ويجيها ويفكها من شر عمها

ياااااااااارب يااااااااااااااارب تتفركش خطبتها من هالشايب وتتزوج داوود بس مو خطيفة

يعطيج العافية يارب بأنتظارج :eh_s(17):

حتى انا اتمنى , وياليتني اقدر اغير الاحداث
ويسلموو حبيبتي

 

[lulwa-q8]

وثانكيوو على المتابعة حبايبي وان شاء الله البارت الياي يعجبكم

 

[MeeMeeYoo_2]

اهم شي انها تقول عنه خواف :\

اوكي نفسيتج تعبت ومتعذبه عندهم وبزوجونج غصب
بس داوود مو خواف قاعد يفكر صح :\\


ثنكيوو حووبيي