(داوود -جميله) قصة واقعية ,ضحية مجتع البدوي والحضري

[طماطه وبطاطه]

داوود دعله وجميله غبيه
علي يهبل وومثايل مادري شلون صايره مشاعرها مكس

ثاااااانكس

 

[lulwa-q8]

ولاكم؛)

 

[أروسا]

ثانكس على البارت :eh_s(17):

داوود ... اتوقع بتتحسن شخصيته و نفسيته من جميله

و جميله ... احسها بريئه مو مال سوالف حاجني و احاجيك :eh_s(22):


لولوه ... انتي كده :icon30:

 

[lulwa-q8]

ولاكم ، والحمد الله انها عاجبتكم

 

[lulwa-q8]

ParT 6​

(قعدت جميله طول الطريج تفكر في داوود وفي تصرفها )
(وصلت البيت , شافت يدتها وتطمنت عليها بعدين راحت لغرفتها , بعد ماخذت شور وتغدت اتصلت على عواطف )

جميله : آلو
عواطف : آالو , يا هلا بالصوت
جميله : هلا فيج , عطوف وينج يمج اصوات ؟
عواطف : أي انا بالصالون تعرفين مابقى شي (عرسها بعد السبوع)
جميله : أي على هالطاري , عواطف انا مااقدر اروح معاج الصالون ليلة العرس
عواطف : ليش ؟ عاد حاجزه لج
جميله : شسوي مااقدر اخلي جدتي من الصبح للليل
عواطف : قولي لحريم عمانج شنووبعد , بليز جمول ابيج معاي في هاليوم
جميله: صدقيني عواطف بكون معاج ويمج لا تحاتين
عواطف : وعد , مو طالعين لي عذر بعدين
جميله : ان شاء الله اكيد
عواطف : زين جمول فيج شي ؟
جميله : لا
عواطف : صج!
جميله : لا , لا موصج , عواطف مشغوله ؟
عواطف : افضى لج حياتي , واصلا دوري تو باقي له وقت , قولي شفيج
جميله : (تكلم بالسرعة ) عواطف تخيلي امس دقيت عليه و اليوم بعد و..
عواطف : هدي هدي منو ؟
جميله : داوود بعد منو عندي رقمه غيره
عواطف : جميله ,شوفي وخري عنه ولا تسولفين فيه , وشنو دقيتي عليه مغازلجيه انتي ؟
جميله : هااا ! , (وقعدت تبجي) ماااادري ماادري ياعواطف , دقيت يمكن ابي احد اكلمه ويكلمني , ملــــــــــــــيت (وتقولها واهي تشاهق)
عواطف ( حست بذنب) : جمول هدي حبيبتي , وليش تبجين ؟ انتي ماسويتي شي يمكن دقيتي لان لهيت انا بالتجهيز والعرس وبغيتي احد تسولفين معاه , بس عادي استغفري ربج , وانسيه هذا جلب من الجلاب

جميله : ان شاء الله , بس ليش دقيت عليه!
عواطف : قلت لج يمكن محتاجه لاي احد تسولفين معاه
جميله : يمكن !
عواطف : جميله هذا مو انتي , انتي عمرج ماعبرتي احد ,شنو اللي غيرج
جميله : ماتشوفيني مستغربه !! انا مو طبعي جذي انا عمري ماخذلت ابوي وامي
عواطف : ولا راح تخذلينهم ان شاء الله , بس مافيها شي اذا لقيتي احد يفرغ لج وترتاحين له , بس الاهم ان يكون ذو أخلاق وديري بالج معاه
جميله : انتي شقاعد تقولين !؟
عواطف : واضح ياجميله انج مرتاحه له , من اخذتي الرقم منه وانا حاسه والحين لما بجيتي عليه تأكت
جميله : لا مستحيل , اللي قليتيه عن اني بس ابي اسولف مع غيرج هذا اهو الصح ,اما ارتاح وماادري شنو لا لا
عواطف : والله ماقمت اعرفج ياجميله
جميله : ولا انا ماعرف نفسي !
عواطف : يلا عن اذنج جمول بروح ازهب الحين دوري
جميله : اوكي ,مع السلام

(عند داوود تو سكره من جميله )
(ركب السيارة , واتصل على علي )

داوود : آالووو, عليوي
علي : آلوو , انت ماسجنووك !
داوود : (يضحك) لا طلعت براءة
علي :هههه لا يكون قضية مخدرات وانا ماادري
داوود : ماادري عنك , تقول ماسجنوك , المهم علي انا داق بشوف احد من الدكاتره سألوا عني
علي : أي كلهم , وافقدوك بعد
داوود : اكيد يالغبي افقدوني , صارلي مده ماحظر , افف يلا فارج فارج
علي : ويت ,شوي لحظه
داوود : هاا شتبي ؟
علي: ترى انا عازمك اليوم , اوك
داوود : اشوف اشوف , انا الحين بروح الأميري اشيل ضماد عيني بعدها ارد لك خبر (وسكر الفون بويه)

( المغرب في بيت مثايل , قاعده على تلفزيون ولا يرن موبايلها )

مثايل : هذا علي ! , آالووو
علي : آالو , قوه
مثايل : هلا , شلونك ؟
علي: بخير , وانتي ؟
مثايل : زيناا , علي من ويلك رقمي ؟
علي : انا اليوم اخذته منج , شفيج (اهو ماخذه من موبايل داوود واهو مايدري)
مثايل : لا انا اليوم اللي اخذت رقمك , ماعطيتك انا شي !
علي : امبلى شفيج ! ,داايخه كنتي اكيد ,
مثايل : ها , يمكن يجوز , المهم ليش داق؟
علي : لا بس اليوم عازم داوود وقبل ماكمل عزيمتي سداه بويهي
مثايل : (تضحك ) بعد هذا داوود .
علي : تخيلي اسم المطعم ماقلت له , المهم ابيج تيين معاه , اوكي ؟
مثايل : آنا , ليش ؟
علي : بعد فرندز وبنطلع , بس ابيج تشوفين داوود لي وتأكدي منه
مثايل : اوكي , الحين ادق عليه , باي
علي : أي دقي لان عشا , والحين مغرب عشان يمدينا

(اتصلت مثايل على داوود وكان نايم )
مثايل : الوو
داوود : ألوووووو (توه قايم) , شتبين مثوول ها ؟
مثايل : يماا شوي شوي علي , بس بقولك بتروح لعلي او لا ؟ واذا بتروح له ابي روح معاك
داوود : ليش شعنده هذا بعد ؟!
مثايل : مو عازمك ؟!
داوود : يووه امبلى امبلى , لا ماني رايح عندي موعد (قصده مكالمته مع جميله ) ويلا بااي
مثايل : موعد !؟ ( واتصلت على علي )

مثايل : آلوو , داوود يقول مايقدر يروح عنده موعد
علي : موعد شنو ؟
مثايل : (تضحك) ماادري عنه , اصلا ناسي عزيمتك شكله موعده مهم
علي : احنا ماعلينا منه , نروح انا وياج
مثايل : نعم ! لا سوري
علي : ليش ؟ آفاا
مثايل : امي ماترضى اطلع معاك مااطلع الا مع داوود
علي : عادي اوصلج ومو عادي تطلعين معاي !!
مثايل : اصلا امي مادرت انك وصلتني , وبعد مو حلوه اطلع معاك
علي : مثايل , انتي ماتحسين !ماانتبهي اللي قاعد اسويه , انا احبج
مثايل : (تبلعمت) ,
علي :والله يا مثايل انتي غاليه عندي و مكانتج بقلبي ماتوصف
مثايل :علي انت شقاعد تقول !!
علي : مثايل شفيج أحبج , وتدرين بعد ان امي عن قريب بتجي تخطبج لي (اكيد جذااب بس يبي ثقتها ) , بس انا بعرفج اول , شقلتي ؟
مثايل : شنو اقول بعد !
علي: عادي نتقرب من بعض , اوعدج بس يكون بينا فونات و مسجات , شقلتي ؟
مثايل : ( في نفسها: ليش لا) اوكي
علي : اوك, ومثل ماقلت لج راح اخطبج عن قريب , ان شاء الله
مثايل : (استحت ) باااي
علي : بااي .

( الساعة عشر , عند داوود )
داوود : هذي وينها ؟ ,, مفروض تتصل انا ماطلعت من البيت عشان افظي لهاا , بتصل عليها واللي يصير يصي

داوود : آلو
جميله : آالوو
داوود : السااعة 10 وربع , تاخرتي ربع ساعه , لييش ؟ (يضحك)
جميله : ماكو سبب
داوود : مشغوله ؟
جميله : لا
داوود : عيل ليش مااتصلتي ؟
جميله : داوود ماوودي يصير بينا شي وماله داعي ادق عليك ودق علي خلاص
داوود : جميله شفيج ؟
جميله : داوود هذا مو طبعي , انا مااكلم احد ولا اعرف هالسوالف
داوود : اي سوالف ؟ , احنا فرندز ونسولف , طالعيها من نظرة صداقه , شنو لازم ااصدقائج كلهم بنات !
جميله : أي عندنا لازم , حنا مو مثلكم
داوود : لا كلنا مثل بعض ماكو فرق , وجميله انتي مارديتي الا انتي تبين تعرفين وين كنت انا اليوم ؟ صح (يضحك)
جميله : (تضحك) شكووو
داوود : بقولج (وقالها السالفه و يقعد اهو اللي يسولف , ونست جميله كلامها انها راح تنساه وانها موطبعها جذي )

( وظل داوود وجميله بينهم اتصلات ومسجات و كالعاده ينطرها عند بوابة الكلية , بس دايما اهو اللي يتكلم واهي بس المستمعه , ومثايل وعلي هم ظلوا يكلمون بعض بس مثايل جريئة كانت تاخذ و تعطي مع علي بعكس جميلة مع داوود )
(وبعد اسبوع يا عرس عواطف رفيجة جميله)

جميله : يلا جده اكلي عشان , تنامين
ام مبارك (جدة جميلة) : انااام , وليش اناام الشمس ماغابت
جميله : أي المغرب الحين , بعد شوي تروح , يلا تكفين وراي عرس وماتزهبت
ام(مبارك) : مااني ماكله لين ماتجبين لي عيالي روحي جبيهم
جميله : ياربي تعبت معااج , (وظلت جميله لين هدت يدتها واكلت ونامت , بعدين راحت البست و تمكيجت , وطلعت وركبت السيارة مع راجو )

(في سيارة) جميله : راجوو روح فندق سفير الرقعي ,, تعرفه ؟
راجو : أي ماما انا في عرف
جميله : اللهم استودعتك اللذي لا تضيع ودايعه ,(خايفه على يدتها لانها خلتها بروحها )
(وصلت جميله العرس , وكانت متأخره و عواطف كانت واصله وقاعده في غرفه تنطر الساعه 10 عشان تدخل الصالة )

جميله : عواطف , سووري تأخرت
عواطف : انتي وينج والله خفت ماتجين , جميله خايفه حيل
جميله : يالخبله خايفه من شنو , تعوذي من الشيطان ومافي الا الخير ان شاء .
( ودخلت عواطف الصالة وكانت تينن , بس جميله كانت أحلى ,جميله كانت لابسه نفنوف جويتي ضيقج من فوق ومن تحت شوي نافش و امبطله شعرها لان مامداها تروح الصالون , وحاطه ميك اب اهي بنفسها بس كانت الطير العقل و الكل فز فيها )

(ماردت البيت الا الساعه 1 وكانت خايفه بس الحمدالله راجو كان ريال كبير و امين, وصلت البيت و دخلت على طول دارها )

جميله : الحمدالله اني بالداري ,( وقعدت تبجي من كثر مو اهي كانت خايفه وتحسر على حالها ) لو جايني كلاب لو صار فيني شي !! , الساعه وحده راده البيت !! وينك يا يبا و وينج يا يما ضعت من وراكم .

(بعدها هدت , وقعدت ادور موبايلها ناسيته لانها كانت مستعيله بين الحوسه اللي صارت في دارها واهي تلبس )

جميله : اوله 11 مس كوول من داوود , ياحياتي ماكو غيره يسأل عني و يدورني الا اهو , اتصل ولا فشله ( دق فجأة الموبايل بي ايدها)

جميله : يماا , (تضحك) هذا اهوو , آالووو
داوود : اشوااااااا , ياربي ارتحت , والله خوفتيني
جميله : ليش !؟
داوود: بعد ليش , صارلي 3 ساعات و انا ادق عليج طيحتي قلبي
جميله : سوري , بس كنت طالعه ونسيته وتو رديت
داوود : تو رديتي !! ؟
جميله : هاا , لا , أي أي عرس رفيجتي وتو رديت
داوود : جميله بصير صريح معاج , انتي كل شي عرفتي عني حتى اسم خدامتنا عرفتيه , موو ؟؟
جميله : (تضحك) أي راني
داوود : ماعلينا منها , البوينت اهو انج ماعرفتيني بنفسج ولا عرفتج , جميله صارحيني مثل مو آنا مصارحج
جميله : مثل شنو , شنو تبي تعرف ؟
داوود : بعرف امج وين وابوج , على الاقل عندج اخوان ؟ اكلمج مرات جنج بالصحرا قاعده بروحج لحد يدانيج ولا احد يكلمج
جميله : (ساكته)
داوود : سوري ,بس مو عن انا ابي اعرفج مثل ماعرفتيني
جميله : تبيني تعرف وين اهلي ؟
داوود : (استغرب ) أي !
جميله : راحوا , ماتوا ماتوا , كلهم راحوا بنفس الوقت (وقعدت تبجي)
داوود : جمول قلبي هدي , حياتي هدي الله يرحمهم ( بنفسه : ليتني ماسألتها)
جميله : لا مو تبي تعرف عني , بقول لك
داوود : لا لا ماله داعي خلاص
جميله : لا داوود تكفي بقول لك ( تكلم واهي تشاهق) انا عطوف ماقلت لها لانها عارفه السالفه , انا مافضيت حق احد من راحوو
داوود : يا حياتي قولي , فرغي لي انا موجود عشانج
جميله : قبل سنه الشتا اللي طاف رادين من خوالي في الدمام ( تقعد تبجي شوي و كملت) كنا انا و هديل و شهد (خواتها) قاعدين ورا و و.. (وتقعد تبجي)
داوود : خلاص جمول بعدين كملي
جميله : لا لابقول الحين , و عذبي و مشعل و فهد قاعدين في الدبا و عبود بين امي وابوي وحمني بحضن امي (تشاهق و تقطع في الكلام) , بعدين تهاوشوا عذبي ومشعل و ابوي سهى وقعد بهاوشهم ولا لا .. (تقعد تبجي حيل)
داوود : خلاص جميله , تكفين خلاص لاتقولين,آه ليتني عندج و اضمج
جميله : (تبجي وتصيح) داوود هذول كلهم راحوا وخلوني , ماخذوني

(ويقعد داوود طول هالليله يهديها , وماسداه لين تاكد انها نامت , وبعدها صارت جميله تسولف مع داوود وصارت تتصل عليه واهي في الجامعه بعد , لان عواطف مااخذه اجازه )

(وفي يوم جميله راده بيتهم من الجامعه , لقت يدتها قاعده مع عمها مبارك ومرته ام فراج )

جميله : السلام عليكم (في نفسها : شنو يسون اهني)
مبارك ومرته : وعليكم السلام
جميله : شلونك عمي و شلونج خالتي ؟
ام فراج : الحمده بخير (تقولها من غير نفس )
مبارك : تمام تمام , جميله نبيج بالسالفه
جميله : خير (في نفسها : انا قايله شدعوا ياي حق ام الا شهور ماشافها)
مبارك : خير خير , ترى جوج خطاطيب واجد وكلهم رفضتهم
ام فراج : كلهم جايين يقولون شايفينج بأفراح(.....) (اللي اهو عرس عواطف)
مبارك : ماعلينا يامره من وين شافوها , المهم انا رفضتهم عشان نبيج حق ولدنا فراج
ام فراج : نبيج !؟ لا لا تجمع انت اللي تبيها
مبارك : يامره اسكتي خليني اكلم البنت , ها موافقه انتي بعد او لا ؟
جميله : اسكتت (هذي مو خطبه هوشه , وبعد اللي سمعته من مرته يبيني اوافق)
مبارك : شقلتي ؟
جميله : لا عمي ماافكر بالزواج
مبارك : ترى مالج الا اهو , انتي آخرتج مع فراج بس , رضت او مارضت العنز اللي يمي
جميله : (تضحك) (وفي نفسها : خير ان شاء الله ) , عن اذنكم بروح داري ابدل وبنام

( المغرب في بيت عائشة ,(عمة داوود وخالة مثايل) , كانت جمعتهم عندها )


(مثايل قاعده تسولف مع داوود , بعدها شوي اعتذر داوود وراح قعد بزاويه في الصالة واتصل على جميله )

داوود : الوووو
جميله : الوو (توها قايمه)
داوود : شنو قومتج ؟
جميله : ايي
داوود : صباح المغرب
جميله : (تضحك)
داوود : اشتقتي لي ؟
جميله : مو وايد
داوود : آفاااا
جميله : تو شايفتك العصر (تضحك) , تعال انت بسوق ؟ يمك صازعاج
داوود : لا شكو , انا بيت عمتي , عماتي متيمعات بسوون وداعية لابوي
جميله : ياحليلك داوود صاير تروح الجمعات
داوود : لا , مالقيتي الا انا , بس عشان ابوي اليوم مسوين عشا عشانه
جميله : ليش اهو وين بروح ؟
داوود : دازينه الخارجيه حق امريكا راح يقعد يمكن شهرين و يجي شهر 6 على الفاينلز تقريبا
جميله : وياحرام راح تقعد بروحك في البيت
داوود : شفتي شلوون , تعالي قعدي معااي
جميله : راح اجيب جدتي معاي (تضحك)
داوود : عيل خلاص لا تيين , وبعد شسويتي عقب مارحتي مني
جميله : ماكو , ايي اول مارديت لقيت عمي مبارك مع زوجته
داوود : اللي قطاج على امه و اخذ بيتكم اللي في رابيه واجره له ؟
جميله : ( تضحك) هذا تعريفه عندك , أي هذا اهو
داوود : زين شيبي تو ذكر امه !
جميله : ياليت عشان امه , جاي يبشرني ان رفض كل خطاطيبي
داوود : احسن , حبيته عمج هذا
جميله : (تضحك) خلني اكمل , يقول يبيني لولده و مالي غير ولده
داوود : لا لا كرهته النذل , وانتي لايكون موافقه
جميله : انا مو بيدي شي , بس من حسن حظي انه لا فراج ولا امه يبوني وحتى خواته مايحبوني ووعمي حمد راح يوقف معاي بعد
داوود : لانهم حمير و منو اللي مابيج وما يحبج حياتي ,
جميله : (تضحك) حمير مره وحده

( في هالوقت مثايل تكلم هاجربالفون مقهورة من قومة داوود عنها)

مثايل : تخيل هجور قام و قعد بعيد يتكلم في الفوون و خلاني
هاجر : يمكن المكالمه مهمه !
مثايل : أي مهمه الله يخليج قاعد يكركر شووفيه
هاجر : وين اشووف يالخبله (تضحك)
مثايل : تضحكين وانا محتره على حركته
هاجر : مثول شفيج ! انتي تلعبين على الحبلين
مثايل : ليش !
هاجر : تحبين هذا , وتكلمين علي , وفقو هذا علي بخطبج !
مثايل : انا ماالعب , بس مو عاارفه والله مو عارفه نفسي

(مر شهرين , وبالشهرين تقربت جميله من داوود وتعلقت فيه اكثر , ومثايل هم تكلم علي و مرات بعد تطلع معاه )

(العصر داوود وجميله قاعدين في الكراسي في كلية الآداب )

داوود (يتكلم بالموبايل) : رانيووو , شسوي لها مدام مشاعل يت ولا لا خلاص لا دقين, يلا باي
جميله : (تضحك ) حرام ليش تكلمها جذي
داوود : غثتني , سوري جميله ادري قايله لي غير من طبعك جدامي بس رانيو تبط الجبد
جميله : لا هالمرة سامحتك , وهالقساوة ابعد عنها
داوود : ان شاء الله طال عمرج , سمعي سمعي هذي اغنيه اهداء لج (ويشغل اغنية اجنبية )
جميله : مو فاهمه ولا كلمه ! تدري لو انها تسبني مادريت
داوود : هاا , لا حشا ماعاش من يسب دنيتي
جميله : (تبتسم)
داوود : يلا دورج
جميله : بشنو ؟
داوود : اهديني اغنيه حقي
جميله : (تضحك) غصب اهديك
داوود : أي أي غصب يلا
(شغلت جميله أغنية اندماج الأرواح)

داوود : شنو هذا ؟؟
جميله : اغنيه , ادري مو ستايلك يا بو هوب هوب بس احبها
داوود : اسمه هيب هوب اولا , ثانيا عشانج تصير ستايلي
جميله : ((تضحك) لا جد انت بس اسمع الكلمات تذوب فيها
داوود : والله انا اللي ذايب فيج , جميله يمكن اطلب طلب ؟
جميله : آمر ؟
داوود : ودي نطلع انا وياج ؟ شرايج ؟
جميله : شلون طلعا يعني !
داوود : يعني نطلع نتغدى باجر
جميله : اهاا ,غدا (راح بالها بعيد) , بس في مطعم ؟
داوود : يعني الغدا بكون بسينما !!
جميله : (تضحك ) ( في نفسها : ليش لا, مااطلعت من تزوجت عواطف)
داوود : اوكي
جميله: اوكي ,بس وين ؟
داوود : باجر انا اقولج وين , تبيني امرج ؟
جميله : لا لا وين تجي الجهرا , انا اجي مع راجو
داوود : اوكي اللي تشوفينه
​

 

[طماطه وبطاطه]

زين بدا يتسنع شوي داوود .. ومثايل تنرفز
العم اييب المرض ومرته المرض بكبره

ناطريييييييييينج حبيبتي ثااانكس على البارت:>

 

[$ فراولة $]

اخيييييييييييييييييييييييه بس اخيييييييييييييييييييييييييييييييه

كملي waiting
waiting
waiting
waiting

 

[lulwa-q8]

زين بدا يتسنع شوي داوود .. ومثايل تنرفز
العم اييب المرض ومرته المرض بكبره

ناطريييييييييينج حبيبتي ثااانكس على البارت:>

Welcome ,,& ThanK U ​

 

[lulwa-q8]

اخيييييييييييييييييييييييه بس اخيييييييييييييييييييييييييييييييه

كملي waiting
waiting
waiting
waiting

ان شاء الله , وثانكس على المتبعة ​

 

[@@jwan@@]

كسرت خاطري جميله الله يرحم امها وابوها واخوانها يارب
والله يصبرها :\
كملي بلييز

 

[FinDi]

كملي بلييييييييييييييييييييييييييييييييييز
كملي

 

[DALLY]

لي عوده ان شاء الله

شكلها تشووووق

 

[The purple]

واااااااااااااااو

كملي

الله يستر أهلهم شنو سوو !!

 

[بنت نونو-11]

ثانكس على القصه
بس بـــلــيـــز كـــــمـــلي

 

[عانيت بسكااات]

حياتي جميله الله يعينها ويصبرها ويعقل داوود يارب وإن شاءالله تكون نهايتهم سعيده...

يعطيج العافيه أختي ...
ناطرين البارت لاتطولين علينا ^_^

 

[lulwa-q8]

ثانكيو عالمتابعه حبايبي و ان شاالله بكمل

 

[@@jwan@@]

ناطرينج حياتي

 

[أروسا]

مسكينه ما تستاهل جميله يعني يتيمه و يبون يزوجونها غصب و فوق كل هذا ماكلين حلالها

و مثايل تلعب على الحبلين ولا شسالفه يعني ... رقله

 

[توتا كويتيه]

يعطيج العافيه

 

[lulwa-q8]

Part 7

ثاني يوم الظهر , لبســـــت جميله عباية حيل ناعمة عليها تطريز على الأطراف وقبل ماتطلع من البيت اتصلت على داوود عشان تعرف أي مطعم وقالها فريج صويلح , (اهي مستغربه شمعنى هالمطعم)

اما داوود لبس دشداشه وغتره وعقال عشان يعجب جميله (هذا تفكيره ) وتبخر وطلع ,واهو طالع و لا يقابل عمته سارة مع بناتها مثايل ومريم
مريم : ههههه , داوود شنو لابس , لا يكون اليوم العيد الوطني
داوود : (حقد وده يرد بس استحى من ساره)
سارة: مريم يوووزي عيب , داوود يمه وين رايح؟؟
داوود : والله طالع عمتي حق ربعي عازميني على غدا في الدوانيه , واعذروني لازم امشي, بس تفضلوا البيت بيتكم
مثايل : انت من صجك ؟
داوود : أي !؟
(مثايل طالعت امها) سارة : داوود اليوم ابوك برد , شنو ماتدري ؟
داوود : ها ! صج , أي صح نسيت صراحة
سارة : يلا رد رد البيت , الحين بيون عماتك وبنقعد نستقبل ابوك
داوود : ( في نفسه : ما ياء الا اليوم) لا عمتي انا لازم امشي
سارة : هووو ابوك , انت شفيك !
داوود : ابوي مو اول مره يسافر وعادي , وتفضلوا ليش واقفين بره

ومشا داوود وركب السيارة وراح المطعم حق جميله , لما وصل لقى جميله تو ماوصلت , قعد على الطاوله وطلب مقبلات ,بعدها بشوي جميلة يت

جميله : السلام عليكم ..
داوود : وعليكم السلام , ياهلا بالروحي
جميله : (تبتسم واهي مستحيه واقعدت)
داوود : عمري ليش طولتي ؟ لايكون صار لج شي !؟
جميله : لا لا و تعرف الطريج بعيد , وتعال ليش لابس دشداشه ؟ !
داوود : ها , انتو شفيكم اليوم على الدشداشه
جميل : (تضحك) لا بس مو ستايلك هذا , ومنو بعد علق عليك غيري؟
داوود : مريوم, تو قبل مااطلع يت بيتنا اهي وعمتي
جميله : ليش ؟
داوود : (مااحب يقولها الصج) يايين ينظفون البيت ويرتبون لان ابوي باجر بيي
جميله: آهاا , يجي بالسلامة ان شاء الله
داوود : تسلمين عمري
(طلبوا أكل و قعدوا يسولفون , وياء الطلب)
داوود : شنو هذا ؟؟ (يأشر على الأكل)
الجورسونه : هذا برياني لحم
داوود : (بعصبيه)واضح , جذي طول بعد , آنا طالب برياني دياي
, (بهواش ) انتي شنو ماتفهمين
جميله : هد داوود عيب تزف مره شكبرها
داوود مسك اعصابه عشان جميله والجورسونه شالت الأكل وراحت تغيره

داوود : جميله آنا ماسكت الا عشانج , والحين بفلص خلاص تعبت تمثيل
جميله : شنو شفيك داوود (خافت)
داوود : (يتكلم بهدوء) هذا مو آنا , آنا واحد طبعي حقير ونذل ومايهمني احد ..
(جميله اقطعت كلامه) جميله : اوله اوله كل هذا انت
داوود : والله , وانا عارف نفسي , تخيلي تعرفين شمسوي آنا الحين ؟
جميله : شنو !
داوود : انا جذبت ابوي مو باجر يوصل ,اليوم ولا هالحزه وعمتي يايه عشانه ,تخيلي عطيت ابوي طاف اللي ماشفته شهرين و ييت اهني , شفتي أحقر مني
جميله : هذي مو حقارة , آنا مو عارفه اوصفها بس مااعتبرك لا نذل ولا حقير , ومفروض الحين تقوم وتروح لابوك وتسلم عليه
داوود : صج حبيبتي ؟ ,, تقولين جذي !!؟
جميله : أي جد وصج
داوود: بس الحين احنا طلعنا خلاص , وانا من زمان اتمنى اطلع معاج
جميله : غيرها ان شاء الله , الحين مو حلوه ابوك راد ومايلقاك
داوود : والأكل !
جميله : (تضحك) وانت مايهمك الا الأكل ! يلا قوم

ورد داوود لبيتهم حق ابوه وجميله بعد رجعت بيتهم , وصل داوود ودخل ولقى عمته مشاعل بس قاعده مع ابوه والكل راح , دخل سلم على ابوه وحب راسه ولفت نظره في صاله الثانيه مره بيضا بأواخر الثلاثينات لابسه حجاب ومعاها صبي صغير عمره يمكن 3سنوات شعره كستنائي فاتح (أشكالهم ماكنت كويتيه كلش )

سلمان : (مرتبك) شلونك يبا داوود ؟
داوود : (يطالع المره والولد) تمام, وانت شلونك ؟ ,, يبا منو هذول ؟
سلمان : (يطالع اخته مشاعل) هممم , هذي زوجتي
داوود : (اهو من شافها واهو حاس ) صج ! من متى واهي زوجتك
سلمان : من 5 سنين تقريبا و ..
(قاطعه داوود )داوود : وليش ماقلت لي ؟ ليش ماقلت لحد ؟
سلمان : ماله داعي ابرر لك الحين , المهم روح سلم عليهم, وتره هالصبي اخوك اسمه نواف (يبتسم)
داوود (يخز ابوه) : شنو ! وشنو اسلم عليهم ؟ وبعد هذول من أي ديره يايبهم
سلمان : داوود امسك السانك لاقوم عليك جدامهم , شنو ليش معصب !! انت ريال الحين و شعليك مني تزوجت ولا لا
مشاعل : هدو انت وياه خلاص , داوود قوم سلم
داوود : (ساكت)
مشاعل : يلا يما قوم , واذا بتعرف من أي ديره اهم من امريكا , يلا عاد قوم
داوود : عمتي انتي تدرين عن هالسافه ؟
مشاعل :اي ادري ,بس تو من سنه دريت
سلمان : مشاعل ماله داعي توضحين له آنا الغلطان اللي عطيته ويه وخليته يطيح الميانه
(داوود قام بعصبيه وصعد لداره من غيرلا يسلم على مرت ابوه اليديده)

(ياه مسج من جميله تقوله انها وصلت البيت , جان اهو يتصل عليها)
داوود : آلوو , قوه حبيبتي , وصلتي ؟
جميله : أي الحمداالله تو دخلت البيت
داوود : الحمدالله
جميله : ها شلون ابوك , يابلك صوغه .
داوود : ههه , أي يااب صووغه تينن بعد
جميله : صج !! عاد شنو ؟
داوود : مره
جميله : شنوو!
داوود : طلع متزوج امريكيه صار له مده وعنده ولد , والحين تخيلي يايبها و يقول سلموا عليها
جميله : الله آمريكيه , الحين تعدل نسلكم تصورون شقران
داوود : عمري مو وقته طنازه آنا منقهر حدي
جميله : وليش تنقهر ؟ شنو متزوج عليك , ولا انت بنته وخايف من مرت ابووك اليديده (تضحك)
داوود : افف آنا محتر ليش ماعلمني
جميله : عاد هذا جوابه عند ابوك , وانت اهم شي لا تغث روحك ومفروض تستانس لابوك
داوود : لو أقولج شنو فكرت فيه لما قال عندي ولد تكريهني
جميله : منو قال اني حبيتك عشان اكرهك (تضحك)
داوود : ههههه ويقولون انا القاسي , اول شي فكرت فيه لما أشر على الولد الورث
جميله : الورث !!
داوود : أي , ادري حقير مافكر الا بنفسي , بس ماادري ليش طرى على بالي
جميله : ماادري كل واحد ادرى بطبعه , داوود جنه الخدامه تناديني بروح اشوف شتبي وارد ادق عليك
داوود : اوكي ماشي

(بس جميله مااتصلت و لا ترد على داوود لمدة يومين وهم ماراحت الجامعة , وفي ليلة اليوم الثاني , ردت جميلة على داوود)

داوود : انتي وينج , خفت عليج , عمري انا زعلتج بشي ؟
جميله : لا لا بس لهيت , جدتي تعبت و دخلت العنايه
داوود : متى هذا صار ؟
جميله : قبل يومين لمن الخدامه نادتني رحت ولا القى جدتي طايحه واتصل على الاسعاف ويجون ياخذونه , عاد دخلوها العناية المركزه
داوود : الله يشافيها , أي مستشفى ؟
جميلة : مستشفى الجهراء
داوود : انتي قاعده الحين وين حياتي؟
جميله : في بيت جدتي
داوود : بروحج ؟
جميله : أي بس انا والخدامه , بعد شسوي
داوود : تبيني ايي عندج ؟
جميله : (تضحك) ياليت , بس للاسف ماتقدر
داوود : ليتني اقدر اييج ياعمري

(في المستفشى اول ماطاحت يدة جميله , اتصلت جميله على عمانها حمد ومبارك , ويا مع مبارك مرته و فراج ولده)

حمد : روحي يا ام فراج وقولي لها
ام فراج : لا مابي , شبي فيها انت اللي روح
حمد : انا ودي بس انا بشقه صغيره ماعندي مكان , الخدامه اهي خدامه تنام مع عيالي , مبارك كلم مرتك
مبارك :هاا , انا لاهي اشوف فراج قاعد يكلم جميله , يمكن يعجبها و ترضى
ام فراج : من زينها عاد اندور اعجابها ورضاها
مبارك : انتي شفيج بنت اخوي و يتيمه وابي الخير لها
ام الفراج :يتيمه و الخير !! , مو جنك بايق حلال ابوها كله
حمد : بسكم خلاص بتاخذونها ؟
ام فراج : لا والف لا
مبارك : انا اقول خلوها في بيت امي احسن
حمد : بروحها !
مبارك : شدعوا امي كان لها وجود معاها
حمد : بس مهما يكون حرام , وانت عندك مساحه زياده بيتك عود
ام فراج : لا لا ماعندنا , بيتنا عود على مالون
مبارك : ياحمد فكنا خلها تقعد بيت امي وخلاص
حمد : الله يهديكم

(عند فراج وجميله واقفين على صوب في الممر )

فراج : فهمتي ؟
جميله : أي فهمت , اذا سألوني ابيك او لا اقول لا والله فهمت (في نفسها : شدعوا انا ابيك)
فراج : أي جميله انا ابوي غصب يبيني اخذج , على ان انتي بنت عمي , وانا مااحب هالتفكير وانظرلج بعد انج اختي
جميله : هم انا بعد .

(جميله اكيد لما كلمت داوود ماقالت له عن الكلام اللي صار بينها وبين فراج , وردت جميله داومت الجامعة)

(الظهر في كلية الهندسة عند مثايل وهاجر)

مثايل : صدقين اليوم بعد سيارتي خربانه !
هاجر : شفيها سيارتج قربعه كل فتره وفتره تخرب
مثايل : مادري ,بس مالي شغل بقول لابوي يشتري لي يديده
هاجر : على ما ابوج يشتري لج تبيني اوصلج ؟ ولا اوديج للغثه داوود
مثايل : لا وديني لداوود عشان مره وحده نطلع نتغدى
هاجر : ان شاء الله بس اول اتصلي عليه
مثايل : اكيييد ,(واتصلت عليه وقالها اوكي تعالي)

(قطت هاجر مثايل في كلية العلوم الادارية و اركبت مثايل مع داوود)

(في السيارة)

مثايل : هاااي , قوه
داوود : هلا , هااي يو
مثايل : ها شلون امك اليديده ؟
داوود : (يخزها ) مثايل ! عادي اليوم سلمت عليها ولاعبت نواف بعد
مثايل : زين تطور
داوود : أي ماشفتي شي (يضحك) , مثايل شوي بروح الآداب اوكي (يروح حق جميله كالعادة)
مثايل : اوكي , بس ليش ؟
داوود : عند جم شغل هناك

(وصلوا الآداب ونزل داوود ودخل الكلية و طول شوي وخاست مثايل في سيارة , بعدها بشوي طلع داوود مع جميله وصلها لسيارتها و رد ركب سيارته, ومثايل شافت كل هذا وتنرفزت حيل)

داوود(ركب السيارة) : بااك , سوري طولت عليج
مثايل : ولكم , لا عادي , بس منو هذي ؟
داوود : منو ؟
مثايل : داوود لا تستعبط علي توني شفتك مع وحده , منو ؟
داوود : لوول شوي شوي هدي شفيج , (ذكرها انها اللي كانت بالمكتبة و قالها السالفه كلها ,بس ماياب شي من خصوصية حياة جميله)

(مثايل في بيتها اتصلت على هاجر تشكي لها )

مثايل : والله هجور لو تشوفينها تلوع جبدج , شكلها بعد حدها غثيثه
هاجر : من صجج , امبي انتي متاكده ان داوود ؟
مثايل : هجوور شفيج
هاجر : داوود المغروور يحب وحده جذي , اهو على سيارتي الكامري يطنز يقول فقر , يحب وحده جذي !! صدقيني يضحك عليها
مثايل: اقولج يكلمني من صجه , اهو ماقالي الا السالفه جد , باجر انا وياج نروح لها انا عرفت اسمها و وين اقدر احصلها
هاجر : انتي من صجج ! شتبين فيها ؟
مثايل : ماادري , ماادري بس امشي معاي بوريج اياها بس
هاجر : بروح معاج و امري لله بعد شسوي

(ثاني يوم الظهر عند كلية الآداب )
هاجر : وينهاا ؟
مثايل : اهني , بس احنا خلنا ندخل داخل عشان نمسكها قبل ماتطلع
هاجر , ان شاء االله , وترى طريقة كلامج يخوف
مثايل : (تضحك) شدعواااا
(بعدها بشوي )

مثايل : كااه كااه
هاجر : وينها ؟
مثايل : هذي ام عبايا
هاجر : شخباري طريقة لفتها جنها من ايام قبل
مثايل : (تضحك من قلب) واي تغثني
هاجر : تعالي هذي جيكره !!! عيل انا شنو
مثايل : سمالله عليج انتي احلى , شيابج لها , امشي امشي خنروح لها
هاجر : ها ! شنوو لا لا شنو نقول لها ؟
مثايل : انتي بس امشي
(راحوا حق جميله )
مثايل : قوه
جميله : هلا
مثايل : شلونج جميله ؟
جميله : تعرفيني ؟ ومنو انتو ؟
مثايل : أي نعرفج , واحنا فاعلات خير تعرفين واحد اسمه داوود ؟
جميله : لا مااعرف احد بالهاسم
مثايل : لا تعرفين , جميله انا بنت عمته مثايل ويايه بكلمج في موضوع
جميله : (ابتسمت)هلا مثايل يعني داوود قالج عني , وترى منزمان كان ودي اعرفج من سوالف داوود عنج
مثايل (تخز هاجر) : المهم ماعلينا (تقولها بنفسيه) انا يايه اقولج خلي داوود بحاله
(جميله و هاجر بحلقوا عينهم من كلام مثايل )
جميله : (بخوف) ليش ؟
مثايل : لان متزوج , واللي متزوجها من عايلتنا وعزيزه علي وما ودي تخربين اللي بينهم
جميله : لا مستحيل !
مثايل : جميله ماعندج عقل , يعني واحد مثل داوود يحب وحده مثلج ترى بس يقزر عليج
هاجر : أي صح , حبيبتي الشباب مالهم امان , وخري عنه وخليه بحاله
(جميله مشت وخلتهم )
هاجر : حرام علينا ليش شسوينا جذي ؟
مثايل : ختولي احسن , خليها تحتر مثل مااحتريت انا

(داوود تو بيدخل بوابة الكلية ولا جميلة طالعة بسرعة)

داوود : ويت ويت , جميله ,( ماردت عليه و كملت )
(لحقها و مسكها) داوود : شفيج ؟؟
جميله : والله انك نذل وحقير
داوود : جميله شقاعد تقولين ؟
جميله : (بصراخ ) هدني وخر عني (دزته واركبت سيارتهم)

داوود فكر ان مايتصل على جميله الا بعد ساعة عشان تهدأ , اما جميله وصلت البيت و قعدت تبجي على سريرها ماتدري اهو حزن على يدتها او من داوود , وبعدها دق داوود وردت من غير ماتشوف الرقم

جميله (واهي تبجي) : آالووو , عواطف ؟
داوود : حياتي , هذا انا
جميله : اشتبي انت ؟
داوود : عمري شفيج , ليش كل هالزعل علي ؟
جميله : ليش يا داوود ليش (تقعد تبجي)
داوود : شنو اللي ليش ؟ جميله فهمني
جميله : انا صدقتك وفتحت لك قلبي و انت جذب علي (تقولها واهي تشاهق جنها بتموت)
داوود : والله ياجميله ماادري شنو قاعده تكلمين عنه , حشا عمري ما جذبت عليج بكلمه
جميله : عيل ليش مثايل تقول انك متزوج ؟؟
داوود : مثايل !! واهي شكوو
جميله : روح لها واهي تفهمك (وسدت التلفون بويهه)

(داوود طار بسرعه حق بيت عمته ساره , وقعد في الحديقه واتصل على مثايل تطلع له )

مثايل : هلا داوود , في شي ؟ غريبه ياي العصر !
داوود : (بعصبيه) شنو قايله لجميله ؟
مثايل : أي جميله ؟
داوود : ( بهواش) مثايل ردي علي , لا تشوفين شي عمرج ماشفتيه ؟
مثايل : قصر صوتك خلاص , ماقلت لها شي
داوود : لا قايله , قايله اني متزوج
مثايل : (عيونها تدمع) أي قلته , وما قلته الا اني خايفه عليك منها
داوود : نعم !! وانتي باي حق تروحين لها وتقولين لها جذي ؟
مثايل : انت ليش معصب انت بس تقزر عليها مثل غيرها
داوود : (بصراخ) مثايل مالج شغل بحياتي وان شفتج قايله كلمه لجميله ماتلومين الا نفسج , وباجر يازفت تروحين معاي تفهمينها, فهمتي ؟؟
مثايل : هاا ! ان شاء الله (خافت منه اول مره تشوفه معصب)

مثايل مابجت جدامه امسكتها لحد مراح وقعدت تبجي , ودخلت البيت وراحت دارها واهي تبجي على السرير ,اتصل عليها علي كعادته , وردت مثايل

علي : آالووو
مثايل (تحاول ماتبين انها باجيه) : آالو , هلا
علي : شلونج مثول
مثايل : تمام , علي بقولك شي
علي : قولي حياتي
مثايل : (قعدت تبجي) آنا احبك وابي اكون معاك (قالت له جذي لانها متقطعة عاطفيه بسبت داوود)
علي: وانا ياعمري بعد اموت عليج , بس هدي و كل شي بعدي على خير , انا لازم اشوفج الحيل عشان اطمن عليج , شقلتي ؟
مثايل : اوكي
علي : خلاص اييج بسيارتي , خليج واقفه عند الباب الخلفي و انا امرج
مثايل : ان شاء الله لا طول انا محتاجه لك

(ساعة 5ركبت مثايل مع علي , بعد مااستأذنت من امها وقالت لها انها بتطلع مع هاجر )

(في سيارة)

مثايل : (تبجي) علي ابيك ومحتاجه لك (يلمها علي واهي تقعد تبجي على صدره )
علي (حرك سيارة ومشى) : بوديج مكان نقعد فيه انا وياج على راحتنا
مثايل : وين ؟ ولا يكون بعيد
علي : لا لا قريب

(وداها حولي ووقف جدام عمارة)

علي : يلا حياتي نزلي
مثايل : (طالع العمارة بخوف وماودها تنزل )​