بدر : مبروك يا جميله
جميله (عيونها تغارق) : تبارك على شنو انت !!
بدر : شفبج !! شنو مو فرحانه !! انتي حامل
جميله (انتبهت لروحها) : لا فرحانه ومن الفرح شوفني ابجي (تمسح دموعها وتبتسم )
بدر : الله يدوم الفرحه ويخليه لنا ويتربه ان شاء الله بعزنا
جميله : أي ان شاء الله
( في سيارة بدر وجميله , جميله باين انها حدها مضايقه )
بدر : عمري فيج شي ؟
جميله : (تكم روحها :آنا مو عمرك) لا مافيني شي
بدر : اجل ليش جذي مضايقه !
جميله : مافيني شي خلاص , بس قطني على جامعتي
بدر : انا اقول لاتروحين اليوم ارتاحي
جميله : لا لا بروح اهو مابقى الا هالسبوعين وخلاص , بس قطني لو سمحت
بدر : ان شاء الله على راحتج ( حس بدر ان جميله حدها مضايقه بس موعارف السبب)
( مر شهر وجميله نفس الحاله كله مضايقه , في كلية الآداب )
عواطف : الله خلاص خلصنا مابقى الا امتحان
جميله : أي والله الحمدالله
عواطف : انا مراح اقدم على وظيفه على طول , بعد مااولد ان شاء الله يصير خير
جميله : تو الناس عى ماتولدين انتي بالشهر رابع
عواطف : أي بس ابي ارتاح اسمحيلي قدمي بروحج
جميله : انا مراح اتوظف
عواطف : ليش!
جميله : بدر مايبيني اتوظف , ابس طلبته اخذ الشهاده
عواطف : ياحليله الشايب بريحج (تضحك)
جميله : سخيفه تدرين !
عواطف : سوري نسيت زوجج
جميله : تدرين داوود قالي بعد اذا اخذتج مابيج توظفين (طالع الأرض وعيونها تغارق)
عواطف : وليييه خلاص جمول , انتي متزوجه الحين وحامل بعد انسيه
جميله (تبجي) : قاعده أحاول , تخيلي صارلي يومين ماكلمته في المسنجر
عواطف : انتي لحد الحين ماقلتي له أي شي ؟
جميله : لا , ماقلت له أي شي ومراح اقوله , واصلا حسيته جك لان كل مايسألني عن العنوان و لا جاب طاري خطبه غيرت السالفه
عواطف : انتي وين بتوصلين بالضبط معاه ؟
جميله : ماادري ,مادري ياعواطف
( في كلية العلوم الادارية عند داوود و رفيجه احمد )
احمد : وين قاعدين يتأجل الامتحان !
داوود : روح اشتكي عليهم
احمد : لا جد بوسلمان قايم من صباح الله خير وآخرتها تأجل لظروف ماادري شنوو
داوود (يضحك) : هد هد شنو آنا اللي مأجله , خيره خلاص
احمد : تعال علي شفيه ؟ ماقامنا نشووفه لا في دوانيه ولا في القهوه!!
داوود : والله ماادري عنه
احمد : مو صاحبك !
داوود : صاحبك انت بعد , وكاه هذاك اهو واقف هناك روح سأله
احمد : اهو ليش يخزك جذي ؟
داوود : ماعليك منه هذا مريض نفسي
احمد : اهو بينكم شي ؟
داوود : احمد انت شنو تبي توصل له بالضبط !
احمد : لا بس اشوفكم غيرعن قبل
داوود : لا ماكو شي بينا
( رد داوود بيتهم ولقى مريم ومثايل قاعدات في الصالة مع نواف)
داوود : انتو شنو تسوون اهني ؟
مريم: اول شي سلم !!
مثايل : انت اللي شنو تسوي اهني مو مفروض بالجامعه تكون ؟
داوود : يووه عاد انتي وياها خلصوني شيايبكم من الصبح
مريم : اعصابك , بعد خالي اتصل قالي تعالوا قعدي عند نواف لان عنده مشوار مع ام نوافي
مثايل : داوود ابيك شوي بكلمه
داوود: مابينا كلام آنا بصعد
مثايل : لحظه بكلمك بفهمك اللي صار
داوود : مثايل فكيني مالي خلقج
مريم : شفيكم ؟
مثايل : انتي مالج شغل , وداوود بليز اسمعني والله اللي كان معاي ابوك سأله بعد
داوود : زين زين فهمنا , الحين خلصتي
مثايل : انت ليش تكلمني جذي ! كل هذا عشان جميله
داوود : لا تييب طاريها على لسانج ومالها شغل فينا
مثايل : لا لها شغل اهي ساس المشكله اللي بينا
داوود (بصراخ) : شنو اللي بينا اصلا , انتي شفيج مينونه استحي على ويهج
مريم : داوود لاتصارخ على اختي جذي
داوود : كلمي اختج المينونه
مثايل (تبجي) : هذي البنت يننتك وقاعد تضحك عليك , لو تبيك تزوجها جان قالت لك عنوانها
داوود (يكلم روحه:ابوي مايسكت) : آنا ماادري شلون دريتي يامثايل بس بليز مالج شغل في جميله كافي المشاكل اللي قبل سببتيها
مثايل : مشاكل ! آنا مابي الا مصلحتك
داوود : مصلحتي ! خلاص زين وشكرا (وصعد لغرفته)
مريم : مثول قلبي شنو سالفه ؟
مثايل : مالج شغل لو سمحتي لا تدخلين بينا
مريم (عصبيه) : انتي شفيج , آنا اللي ادخل ! عدال انتي ماخليتي داوود وجميله بحالهم مادري شتبين فيهم
مثايل : مريموو خلاص سكري حلجج بليز
مريم : ديري بالج على نواف انا بصعد لداوود بكلمه
مثايل : هيي شتبين فيه ؟
مريم : مالج شغل (وصعدت مريم لداوود)
داوود : انتي شنو تسوين بغرفتي ؟
مريم : ابيك تقولي الصراحة , شنو سالفتك انت واختي ؟
داوود : مابينا شي ولا في سالفه
مريم : واللي صار تحت شنو, اهي شعرفها بجميله
داوود : مادري روحي سأليها مو اختج
مريم : آنا ماييتك الا عارفه انها مراح تقولي
داوود : مريم لو سمحتي مالي خلق خلاص بنام
مريم : شفيك داوود متغير مو داوود اللي اعرفه , قبل كنت فاني و تضحك وتحب طلعات الحين كلش صار لنا يمكن شهرين ماطلعنا ولا حتى كلمتني
داوود : والله يا مريوم مضايق
مريم : شنو اللي مضايقك , اعتبرني فرند وقولي
داوود : مراح تفهمين يامريم انتي صغيره مراح تحسين باللي آنا فيه
مريم : اللي مضايقتك جميله ؟
داوود : وليش اهو في غيرها
مريم (قعدت على كرسي) : اهي وينها الحين ؟
داوود : في السعوديه بدمام عند خوالها
مريم : اوكي والمشكله شنو!
داوود : مفروض اروح هناك واخطبها
مريم : وخالي اكيد مارضى
داوود :اهو صح , بس هم اهي مو راضيه تعطيني عنوان خوالها جنها ماتبيني ايي واخطبها
مريم : تدري يمكن كلام مثايل عدل هذي يمكن تضحك عليك
داوود (عصب) : يووه خلاص طلعي بره بنام و سكري ليت معاج
________________
( ردت جميله البيت وصعدت شقتها ولقت بوناصر قاعد في الصاله)
بدر : جميله تعالي قعدي عندي
جميله: لا لا بروح ابدل
بدر : اقولج تعالي قعدي جمبي عندي شي مهم لج
جميله (بنفسيه) : زين
بدر : انتي شنو متوحمه علي !!
جميله (تبتسم) : لا لا بس شوي دايخه
بدر : المهم اخذي (يعطيعا ورقه)
جميله : شنو هذا !
بدر : انتي بطليها واقريها
جميله (بعد ماقرتها) : من صجك بدر , ياقلبي مشكور (تلمه)
بدر : تستاهلين هالأرض ولو تبين من باجر بعد ابنيها لج
جميله : مشكور ياقلبي والله ماتدري شكثر فرحاانه
بدر : ياجميله ياحبيبتي هذا حقج , انا كل حرمه سجلت بيت في اسمها , تدرين هذا البيت باسم ام ناصر بس ماعلمتها خفت تطردني (يضحك)
جميله : حشا ماعاش من يطردك
بدر : يا حلو ضحكه من زمان عنها
( بليل جميله تكلم داوود في المسن )
داوود : جميله انتي بتقولين لي انتي وينج ولا شلون ؟
جميله : مااقدر اقولك
داوود : زين ليش !
جميله : نسيت اسأل عن العنوان , بعدين حبيبي
داوود : انتي من صجج ! جميله شنو احنا نلعب اهني
جميله : حبيبي شفيك عصبت
داوود : شي يطفر بعد , ابي الصراحة ياجميله انتي تبيني اتزوجج ولا لا ! انا حاس اني كنت خطة نحشه من عمج ويوم وصلتي لخوالج صار مالي فايده
جميله (تبجي واهي تقرا) : لا داوود لا تقول جذي , والله احبك ومابي غيرك
داوود : عيل قولي لي انتي وين ؟ شنو عنوانج وشنو سالفتج , ياجميله فهميني
جيله :مااقدر ومالله مااقدر
داوود : جميله تعبت معاج , فشلتيني عند ابوي و اهلي انتي قلتي كلمه لي لا ترجعين فيها
جميله :انا مارجعت ومابي الا انت , حبيبي بقولك شي
داوود : قولي ريحيني والله تعبت معاج
جميله (بتقوله صج بس تراجعت) : جدتي تعبانه و جذي مالقيت احد يقولي العنوان , خفت اسال خوالي وخلاتي و يشكون
داوود : صج ! يدتج من متى تعبانه ؟؟
جميله : صار لها شهر
داوود : زين ليش ماقلتي لي عنها ؟
جميله : ماحبيتك تحاتي حبيبي
داوود : اهاا , حبيبتي انا لازم اطلع
جميله : اوكي , وداوود ترى مراح اقدر اشبك وايد عشان جدتي
داوود : اوكي (يكلم روحه : عبالج خبل ياجميله ! )
( بعد شهرين (شهر 11) جميله قاعده في شقتها تكلم عواطف)
عواطف : واي ملل حده
جميله : جان مقدمه على وظيفه على اقل تلهيج تو الناس على ماتولدين
عواطف : لا لا الشغل تعب علي , صج شلون الحمل معاج ؟
جميله : والله تعب بس الحمد الله
عواطف : ترى مابينا شي انا وياج انا اطلع من النفاس انتي تولدين
جميله : أي أي انا ولاتي شهر 4 ان شاء الله
عواطف : ان شاء الله , وين راح تولدين عاد؟
جميله (تضحك) : والله المادري المهم العافيه يا عواطف
عواطف : أي والله صاجه , جميله تعالي من متى ماكلمتي داوود ؟
جميله : صارلي سبوع ماكلمته وقلبي يعورني
عواطف : زين سبوع واحسن لج قلبي وخري عنه
جميله : لا تقولين جذي ,انا مابي الا هو
عواطف : افف خلاص , اهو الحين شخباره ؟
جميله : ماعليه قلبي توظف في شركتهم
عواطف : صج ماشاء الله , زين ماحس بشيء
جميله : لا بس مو مثل قلبي , يدخل المسن دقيقه يسلم ويطلع
عواطف : ماعليج يمكن مشغول , صج شلون ريم ؟
جميله : زينا والله مو مونسني في هالبيت الا اهي بس حسوده
عواطف (تضحك) : ليش ؟
جميله : كل شوي رايحه لبيتي و تقولي شحلاته وياحظج
عواطف : وانتي مسرع بنى بيتج
جميله : تو حطو الأساس بس اهي المخطط دوم معاها و طالعه
عواطف : يكفيج شرها
بدر (بصراخ) : جميله , جمــــــيله لحقي علي
جميله : عواطف لازم اسكره بدر يناديني , هلا هلا بدر (تروح له ركض لداره)
بدر (نايم على سرير) : نادي ناصر , احس تعبان ياجميله بختنق
جميله (تبطل جيب دشداشته) : ارتاح حبيبي مافيك الا العافيه الحين انادي ناصر
( وقفت جميله قبال باب شقتها وقعدت تنادي ناصر و ريم بهستيريا , صعدوا كلهم و وشالوا بو ناصر للمستشفى , وبعدها بساعه وصل لجميله خبر وفاة زوجها بدر )
(بعدها بالشهر (شهر 12) في الشركة عن داوود )
اشرف ( يشتغل في شركة) : ماشاء الله عليك يا داوود من تعينت ماغبتش ولا يوم
داوود : يما منك شتبي فيني اغيب ولا اداوم
اشرف : بهزر معاك ياعمي شركة شركتك عاوزت الدوام او لا برحتك
داوود : ادري ادري روح ييبلي جاي بس ( لمح حمد عم جميله يمشي في الممر)
داوود (يكلم روحه) : لا هذي المره بروح اسأله عنها صارلها شهر ماكلمتها ولا ادري عنها واللي يصير يصير
داوود : قوه بوراشد شلونك ؟
حمد : هلا داوود وينك من توظفت ماشفتك
داوود : أي شسوي الشغل ملهيني
حمد : شكله العم بو داوود كارفك عدل
داوود : أي شفت شلون يبيني اشتغل بذمة , بو راشد ابيك بكلمه
حمد : هلا آمر
داوود مايآمر عليك عدو , انتي تدري آنا خطبت بنت اخوك قبل جم شهر
حمد : أي أي ذاكر والله لوبيدي عطيتكم بس شنو نسوي بعد
داوود : خيره ان شاء الله , المهم آنا بخطبها مره ثانيه و ان شاء الله خوالها يرضون , بس ابي عنواهم بالدمام اذا تعرفه انا والله شاريها وابيها
حمد : خوالها ! منو يقول هي عند خوالها
داوود : عيل وينها !!
حمد : موجوده اهني بالكويت بيت زوجها
داوود : زوجها !! حمد آنا اكلمك عن جميله
حمد : أي جميله ادري في بيت زوجها وحداد بعد
