Part 12
( مر الوقت و جميله ماقالت لداوود أي شي عن بو ناصرلان ماحبت الضايقه , يوم الاربعاء بليل جميله تكلم داوود )
جميله : داوود , بقولك شي و ادري انك راح تضايق , حبيبي خلنا ننحاش !
داوود : حبيبتي شفيج , شنو وين كنتي يوم قلت لج اني راح اخسر ابوي
جميله : زين ليش شنو مسوي عشان تخسره
داوود : جميله بالعقل منو يرضى في هالشي , انا نفسي ماارضى
جميله : اسفه داوود بس انا حدي يأست (لان باجر خميس ملجتها)
داوود : لا تأيسين حبيبتي انا عندج , بس ابي اعرف شنو خطتج للنحشه ووين بنروح !
جميله: ماادري , بس فكرت نروح البحرين !
داوود (يضحك) : صج ! شكلج طالعين مسلسلات وايد , حبيبتي لا تحاتين و شيلي هالفكرة لا رحتي لخوالج بعد الامتحانات راح اييج مثل ماقلت لج
جميله : أي ان شاء الله
داوود : انا عندي سبوع الياي امتحانين والبعده امتحان و خلاص مايبقى الا صيفي وبعده اتوظف في الشركه , وانتي شنو بقى لج عمري ؟
جميله : (سرحانه ماردت عليه)
داوود : حبيبتي موجوده
جميله : هاا !! لا كاني معاك
داوود : عيل انا كنت اسولف عن شنو ؟؟ (يضحك)
جميله : عن انك راح تشتغل بالشركة ان شاء الله
داوود : ان شاء الله , وانتي صج ماسألتج وين راح توظفين ؟
جميله : مراح اكون مثلك قطاع خاص , تعرف ماعندنا عقارات خاصه (تضحك) , بس راح اقدم و يصير خير
داوود : ان شاء الله موفقه حياتي , بس اذا اخذتج مابيج توظفين ابيج مرتاحه
جميله : تسلـــــــــــم
( ثاني يوم الخميس الظهر في كلية الآداب )
عواطف : ماسمعتي اليوم شي ؟
جميله : لا ماجابوا طاري شي , لا خطبه ولا شي
عواطف : يمكن هون عمج
جميله : ياليت يارب , بس صبح يمكن ناسي , يالله يعدي هاليوم على خير
عواطف : ماقلتي لداوود ؟
جميله : لا ماقلت ولا راح اقول ماله داعي
عواطف : بس لصار شي رسمي لازم تقولين له
جميله : خلاص عطوف سكري الموضوع
عواطف : ان شاء الله و ركزي في دراستج مابيج تبدعين في الامتحانات
جميله (تضحك) : لا , ان شاء الله بقدم زين , صج ماقلتي لي اللي في بطنج بنت او ولد ؟
عواطف : ماادري ! تو حللت ماصارلي شهر ونص حامل نطري
جميله : ان شاء الله بنووته
عواطف : اللي يجي من الله حياه الله
جميله : صاجه كلهم نعمه , اه داوود اتصل اكيد برا يلا مع السلامه
عواطف : في امان الله حياتي
داوود : هلا في حبيبتي
جميله : هلا بحبيبي
داوود : اووه اليوم مستانسه شكلج , ان شاء الله دوم
جميله ( تحاول ماتبين انها مضايقه) : أي حبيبي خلصنا , بس الامتحانات وخلاص
داوود : أي والله هانت قلبي , شدي حيلج ماوصيج
جميله : ان شاء الله وهم انت (تبتسم)
داوود : ياحلو هالضحكه
جميله :اليوم بتروح لعمتك ؟
داوود : أي بروح في المستشفى ذكرتيني
جميله : اهي شنو عمليتها ؟
داوود : زلاعيم (يضحك)
جميله : زلاعيم شنوو !
داوود : يعني بلاعيم , شالوا بلاعيمها
جميله (تضحك) : اها جذي يعني , اهي ام مثايل مو ؟
داوود : أي , وانا جذي ودي اروح امبجر عشان مااقابلها
جميله : حبيبي لا تهمك , انا الحين لازم امشي راجو جاء
داوود : ياحليل راجو سلمي لي عليه
( وراحت جميله البيت وكانت حدها خايفه ان اليوم الملجه , ماحد ياب لها طاري فارتاحت و صعدت غرفتها ونامت , اما داوود راح المستشفى الهادي لعمته ساره ولقى عندها بناتها مثايل ومريم و عمته مشاعل )
داوود : السلام عليكم
الكل : وعليكم السلام
داوود (باس راس عمته) : حمد الله على السلامة , شلونج الحين
ساره : الله يسلمك , والله الحمد الله , اقعد يما اهني يمي
مثايل : شلونك داوود ؟ شنو ماتسلم
داوود : تمام هلا
مثايل (تخز داوود وتكلم بنبره سخريه): خاله مشاعل ليش ما اتخطبين لداوود بعد مارفضوه الهيلق
مريم (طق مثايل بكوعها ) : سكتي , لا تفشلين روحج وتزفج امي
مشاعل : والله ياليت يرضى اخطب له , ترضى يما داوود
داوود (حده تضايق ) : لا ماارضى ., انا لازم امشي ( وطلع من الغرفة)
ساره (بعصبيه) : عمه بعينج يا مثايل , شنو هالكلام مشيتيه من مكانه حده ماي ماشرب
مثايل : يما انا شعلي اهو عصب عشان خالتي يمكن انا شكو
مشاعل: هدي يا ساره ارتاحي مو زين لج وماعليج منها هذي خبله
( المغرب في بيت جميله تو قامت انزلت الصالة ولا مرت عمه تيبب )
جميله ( حست بضيقه ) : بشاير ليش خالتي شفيها في شي ؟
بشاير : عن العبط انتي تدرين
جميله : لا ماادري
عبير : يالخبله مالجتي , وي الفال لنا انا وبشوره
بشاير (ترفع ايدها) : آمين يارب , يما لازم انفصل من الحين اذا االعرس آخر شهر لان مابقى شي اقل من 3 اسابيع
ام فراج : وانتي صاجه , انا بقول لابوج يعطيني من المهر لو على الاقل بس الف لنا اربعتنا
جميله طالعه مرت عمها واهي مصدومه انها ملجت
ام فراج : لا طالعيني جذي بعد عمج بياخذ المهر له , وانتي مو محتاجه وايد جم شغله و باجي كمليه بعد ماتزوجين
جميله : لا لا
عبير : شنو لا ,ماهقيتج نحيسه ماتبين انجهز من فلوسج
بشاير : شرها علينا مخلينج بغرفتنا
جميله بجت وصعدت غرفتها
ام فراج : هذي شفيها ! انجنت عشان الفلوس
بشاير : لايما فرحانه شفيج
عبير : وليش ماتفرح جاها نصيب مو مثلنا
(جميله بعد ماهدت من البجي اتصلت على عواطف )
جميله : الوو
عواطف : الوو , ها بشري شنو صار ؟
جميله (تبجي) : ملجت , ملجت ياعواطف
عواطف : مبروك حبيبتي , وليش البجي
جميله : ليش البجي !! (بهواش) عواطف شفيج شنو يعني ماتدرين
عواطف : لا ادري , بس بعد ملجتي وهذا الواقع
جميله : انتي لا مو عواطف !
عواطف : جمول قلبي , هذا الواقع بعد واسهل لج لو انج تقبلينه بدال ماتعشين في خيال عمره مراح يتحقق
جميله : وليش مايتحقق , ليش حلمي مايتحقق
عواطف : جمول هذا قدر الله والحمدالله
جميله: الحمدالله ,بس ابي داوود(تبجي بهستيريا)
عواطف : داوود مو مكتوب لج ,والسبب تفكيرنا المتخلف
جميله (تبجي وتشاهق) : أي و الله متخلف لان حضري لا مااخذه , لازم من نفس القبيله , ليش يعني ليش
عواطف : خلاص حبيبتي لا تفكرين بالموضوع انسي خلاص
جميله : عواطف شقول لداوود (تبجي)
عواطف : خلينا من داوود الحين , وهدي انتي امتحانج يوم الاحد اهم لج من زواج و داوود وكل شي
(مرت الامحانات على خير , وجميله خلالها كانت تفادى داوود كثر ماتقدر , جميله ماجهزت وايد بس شرت الاساسيات و اجرت بدله العرس وكانت تحاول انها تكيف نفسها مع الوضع , وقبل ليلة العرس بيوم بليل تكلمت مع داوود )
جميله : انا ادز لك ايميل بعدين وفيه عنوان خوالي
داوود : ليش مو باجر قبل ماتسافرين , لان على ماتوصلين وتستقرين بعدين على مااييج و اخطبج وقت يبيلها , وتسجيل الصيفي سبوع الياي يبدا بعدين الدراسه , فلو تعطيني اياه من الحين احسن
جميله : ها ! بس انا ماعرفه جذي مااقدر اعطيك , ولجيت اهناك ادزه ايميل , وعلى طاري الصيفي انا بقعد الصيف كله عند خوالي
داوود : انتي من صجج , ودراستج !! آخر شي حبيبتي مابقى شي
جميله : بوقف قيدي وبقعد عند جدتي احسن لي , وانت تعال اخطبني شهر 8 , شقلت !
داوود : اقول لا , انا بيي اخطبج سبوع الياي ومالي شغل
جميله : لا بليز مو من اول شي بستانس عندهم , وشهر 8 لما اطيح الميانه اقولهم عنك و تجي تخطبني
داوود : حبيبتي شلون انطر لشهر 8 ومااسمع صوتج , وفوق هذا دراستج ضيع منج , شفيج انتي
جميله : اكلمك مايك بالمسن عادي حبيبي و لا تشيل هم شي ثاني
داوود : زين , المهم شلون امتحاناتج ؟
جميله : حمدالله حلوه , حبيبي عندي خط ثاني عواطف بشوفها شتبي تنطر
داوود : لا لا انا بروح انام تصبحين على خير قلبي
جميله : وانت من اهله حياتي , الوو هلا عطوف
عواطف : ها قلتي له !!
جميله : تقريبا !
عواطف : لا مابي تقريبا , ابي قلتي له انه لازم ينساج وتنسينه !!؟
جميله : اكيييد
عواطف : صج ! حبيبتي ادري صعبه بس هذا الواقع وبعد عشانج وعشانه
جميله : يالخبله اكييد ماقلت له
عواطف : من صجج ! باجر عرسج ياداجه و ماقلتي له
جميله : قلت له اني بقعد الصيف كله عند خوالي واخطبني اخر شهر 8
عواطف : مجنونه , خبله بعد , شلون وانتي الصيف بداومين , يعني مراح يشوفج
جميله :شلون يشوفني وانا قلت له انا بالسعوديه !! شنوديه الآداب !
عواطف : زين شلون بيجي يخطبج وانتي بتكونين متزوجه
جميله : ان شاء الله وقتها اكون مطلقه , ويخطبني بعدها
عواطف : مجنوونه , شنو طلاق مو 3 اشهر عده و ثاني شي يالخبله اهو مراح يرضى انه ياخذ مطلقه!
جميله : عواطف بليز مو متحمله شي كافي باجر العرس بليز وقفوا هواش و انتقاد فيني انا حره في كلامي مع داوود
عواطف : والله قلبي كل هذا عشانج , واسفه والله يوفقج ياقلبي , وان شاء الله من باجر صبح وانا عندج , الحين نامي ارتاحي
جميله : ان شاء الله , باي
(ثاني يوم يوم العرس , جميله قفلت موبايلها عشان داوود , يتهم الصالون في البيت مكيجتها اهي وبنات عمها ومرت عمها وعواطف , لبست جميله البدله مع مسكتها كانت تينن , قعدت تنطرفي صالة البيت و يو شوي حريم من الجماعه يباركون لجميله )
عواطف : خايفه جمول ؟
جميله (تسوي روحها قويه) : لا مو خايفه
بشاير : ليش تخاف شنو تبي تجاهد اهي
ام فراج : ماعليها ان شاء الله رايحه لبيت زوجها
عواطف (تهمس لجميله) : صاجه مليغات حدهم
جميله (تضحك) : اللي يضحك اني ابي اقعد عندهم مابي اروح
عواطف : لا لا , ماتفقنا على جذي خلاص
جميله (طالع عواطف وعيونها تغارق ): الله يصبرني
(ياء بونصار و اخذ جميله , اللي كان يسوق ولده ناصر وكان كبر جميله , بو نصار كان ريال كبير وله لحيه سوداء مو طويله بس باين صابغها وكان قصير اقصر من جميله( تقريبا مثل بابا سنفور)
وصلوا بيت بوناصر في العارضيه , دخلوا البيت و استقبلوهم حريم وايد , ساعدوا جميله على صعد الدرج و دخلوها الغرفه بعدها دخل بوناصر وسكر الباب
