lulwa-q8
New member
Part 9
طلعت جميله من الحمام ورجعت لبنات عمها في المطبخ
عبير : نظفيه عدل ,لاجت امي ابيه يلمع
جميله : وين قاعدين انظف مطبخ !
عبير : قاعده بيتنا بعد
بشاير : شنو مو عاجبج ؟
جميله : لا مو عن بس منو ينظف المطبخ الحيل بنفسه , وين الخدامه ؟
عبير : كان عندنا خدامه , والحين امي تو ردتها المكتب تقول دامج انتي اهني كافي (تضحك)
بشاير : ماعليج منها انجيب خدامه بس احنا حريم واحنا اللي نظف بيتنا
جميله : يعني انتوا راح ساعدوني
عبير : لا عيوني انتي المطبخ على ماتجي الخدامه وانا غسيل وكوي الملابس وبشاير ترتيب و تنظيف البيت
بشاير : ترى انتي عليج الطبخ بعد
جميله : بس انا مااعرف اطبخ !
عبير : لا تعرفين , على ماتجي الخدامه الجديده راح تعرفين غصب والحين يلا لا طولينها نظفي
(عند داوود تو ياه المسج , كان منسدح على تلفزيون وفز بسرعة )
داوود : هذي جميله ! من وين اخذهاا , الله يستر ( واتصل عليها وماردت , وبعدين دز لها مسج )
المسج : ( عمري شفيج ؟ طمنيني عليج والله خفت )
( شوي رن موبايله بس اللي كانت داقه عمته مشاعل )
مشاعل : الوو , هلا يمه داوود
داوود : هلا عمتي
مشاعل : يالخايس آنا زعلانه عليك
داوود : افا حشا من يزعلج , ليش ؟
مشاعل : تبي تخطب وماتقولي
داوود (في نفسه : ابوي مايسكت) : توه عميمه ماصار شي , بس انتي ادعي لنا
مشاعل : ترى ابوك قالي منو بنته وانا مو عاجبتني
داوود : بس آنا عاجبتني
مشاعل : لاتفهمني غلط بس انا ودي لك الاحسن
داوود (عصب) : ليش منو بكون احسن منها
مشاعل : صدقني ياداوود خل امك ادور لك
داوود : ومنو امي ! لايكون انتي , عمتي لا تعيشين الدور صج
وانا مابي الا هالبنت
مشاعل (مكسور خاطره) : تعبت ياادوود معاك , والله يعين اللي بتاخذك
(بليل في بيت عمة داوود سارة مشاعل كانت عندها )
مشاعل : صدقين سارة قالي جذي !
سارة : هذا الولد ما ينعطي ويه
مشاعل : والله عورني قلبي من كلامه
سارة : ماعليج منه لا تشيلين هم
مريم : خالة مشاعل خليه يولي , آنا لو يقولون لي كيف تصيفين داوود اقولهم مغرور و دلوع واناني (تضحك)
سارة : مريم عيب مهما يكون ولد اخوي , على طاري اخوي مشاعل ماكلمتي سلمان ؟
مشاعل : امبلى كلمته اصلا اهو اللي علمني وموافق
سارة : موافق ! عز الله ما يعرف يقول لا حق المخدج ولده هذا
(مثايل تو دخلت الصالة )
مثايل : السلام عليكم , شفيج يما معصبه ؟
سارة : يا يما غثاني ولد خالج هذا
مثايل : ليش شسوى بعد
مريم : بتزوج وحده معاه في الجامعة وخالتي مشاعل مو عاجبها تبي وحدها على كيفها , ياخي يمكن يحبها
سارة : مريمو اكرمينا بسكوتج
مثايل : صج يماا بتزوج !
سارة : أي يماا و خليه يتزوج ريال بعد بس ياخذ وحده عدله
مشاعل : الله يهديه , ليته مكمل فرحتي
مثايل : زين وخالي سلمان رضى ؟
مشاعل : شنو يسوي بعد معاه ما يقدر عليه
(مثايل مااقدرت تمسك روحها و اعتذرت وراحت دارها واتصلت على هاجر )
هاجر : الوو
مثايل (تبجي) : بتزوجها , بتزوجهاا
هاجر : مثول شفيج ! منو اللي بتزوج ابوج ؟
مثايل : لا يالخبله داوود
هاجر : بالعنة خليه يولي اهو وياها
مثايل (هدت من البجي) : بس انا احبه
هاجر : لا ماتحبينه , بس عشان كنتي مقابلته 24 ساعة تعلقتي فيه
مثايل : لا مااتوقع جذي
هاجر : مثايل انتي لازم تركزين على سالفتج مع علي و تنسين هالقوطي , كلمتي خالج ؟
مثايل : لا ماشفته لحد الحين
هاجر : روحي له بنفسج , وعلي ماشفتيه من بعد السالفه ؟
مثايل : لا كلش حتى قبل كان مطيح عند باب بيتنا والحين مو موجود
هاجر : هذا بعد خليه يولي , انتي بس ريحي الحين ولا تبجين
مثايل : ان شاء الله , والله يخليج لي يارب طول العمر
هاجر : آمييييييين
(عند جميلة تو يت مرت عمها ام فاراج , دخلت المطبخ )
ام فراج : ماشاء الله المطبخ يلق
جميله (اخترعت) : يماااه , هلا خالة ماانتبهت لج
ام فراج : ماشاء الله ياجميله يطلع منج شي المطبخ يجنن شكلي مراح اجيب خدامه, بس مااشم ريحة اكل !
جميله : أي لان ماطبخت عشا
ام فراج : ليش ماطبختي لا يكون السلكات بناتي قالوا لج لا تطبخين اعرفهم يحبون يحروني (بصراخ) عبيروو و بشاير
جميله : لا خالة بس انا مااعرف اطبخ
ام فراج : شنو , وليش مو مرا انتي مو لازم تعرفين تطبخين
(عبير يت)
عبير : هلا يما
ام فراج : تعالي انا وامج سمعي الرفاله ماتعرف تطبخ
عبير : أي يا يما قالت لي ماتعرف من خبالها
ام فراج : أي وانا امج هذي سوات الجامعية , انا اشوا ماخليتكم تكملون جامعة , المهم اليوم بنطلب عشا خلاص
(طلبوا عشا من المطعم و طلبوا لجميلة عشا بعد ماقالوا لها شي , بعد ماخلصوا راحت جميلة الحمام ولقت فوق 10 مكالمات من داوود فاتصلت عليه )
جميله : الووو
داوود : الوو يا عمري , وينج وشفيج والله خفت بعد هالمسج , شنو صار
جميله (تهمس ) : داوود تعال تكفى
داوود : وين اييج ؟ وليش شنو صار ؟
جميله : اكروفوني تخيل من اول يوم وخلوني خدامه , وكل يكلموني بحقد وكره ماادري شلون بعيش معاهم
داوود : حبيبتي هدي وريحي بالج , ووينج اليوم ليش مارديتي علي ؟ وليش تهمسين ؟
جميله : انا بالحمام اكلمك , مااقدر اكلمك جدامهم جذي ماقدرت ارد عليك
, داوود تعال اخذني
داوود : الحين اييج طاير ياقلبي
جميله : لا جد مو تحبني لا تخليني اقعد اهني
داوود : جميله دزي لي عنوان عمج وانا من باجر و انا عندج , ياحياتي ماعاش من يكدر خاطرج ..
(الباب دق , عبير : جميله يلا طلعي شنو بتنامين في الحمام)
جميله : لازم امشي باي
( الفجر وصل لداوود مسج من جميله فيه عنوان البيت , وليلتها مانام الليل ينطر الصبح عشان يكلم لابوه)
(صبح فز داوود من النوم واعلى طول راح لابوه ,بس مالقاه في صالة فطلع يدوره ولقاه في سياره رايح لداوامه , وقف سلمان السيارة وكلم داوود واهو داخل السيارة )
سلمان : ها شفيك ! شنو تبي ؟
داوود : اول صباح الخير (يبتسم)
سلمان : صباح النور , يلا انا مستعجل عندي شغل
داوود : زين زين , بس ترى اليوم بنروح نخطب
سلمان : نخطب منو !
داوود : يبا جميله شفيك
سلمان : مو قلت سبوع ماادري شهر الياي
داوود : لا ابي اليوم غيرت رايي
سلمان : شنو تبي !! اهو على الكيف , واصلا فشله اروح لعمها وامه امس خالص عزاهم
داوود : بس يبا راح تروح مني , واهم شدراهم ان احنا ندري عندهم عزا
سلمان : ياداوود لا تخااف المقسوم لك بصير واثقل
داوود : يبا انا مالي شغل بتي اليوم بعد مغرب معاي حياك الله ماتبي كيفك
سلمان (يخزه ) : استغفر الله واتوب اليه ! خلاص ايي معاك بس انت لا تضايق
( اتصل داوود على جميله عشان يبشرها , بس ماردت فدز لها مسج )
(الظهر عند جميله في بيت عمها كانت في المطبخ مع مرت عمها , وموبايلها يرن كل ساع من داوود)
ام فراج : ردي ازعجنى تلفونج
جميله : لا محد مهم بعدين ارد
ام فراج : زين منو ؟
جميله : رفيجاتي يسألون عني عشان اليوم مو مداومه
ام فراج : اهاا , وانتي متى الداومين ؟
جميله : يمكن باجر
ام فراج : شوفي ياجميله عشان عمج بشيل الغدا من حسبتج لان مايمدي تردين تطبخين لنا
جميله : مشكوره خالتي
ام فراج (انتبهت لمواعين مو مغسوله) : جمول شنو هذا ؟
جميله : خالتي غسلت نصهم وتعب و الباجي بعدين اكمل
ام فراج (بصراخ) : يخرب بيتج هالمواعين من امس انتي شنو وسخه
جميله : خالتي لا تصارخين علي لو سمحتي , وانا مو خدامه انظف
ام فراج : مو عاجبج ذلفي لخوالج بالدمام لا تقابلين وجهي , ويلا يلا غسلي
جميله (تبجي) : والله خوالي ابرك منكم
ام فراج : انطمي و غسلي
( وقت الغدا جميله تحط السفرة ولا عبير و بشاير و معاهم فراج تو يايين من دواماتهم , عبير تشتغل امينة مخزن في مدرسة و بشاير تشتغل في شؤون وفراج شرطي )
فراج : الله اليوم شكله جميله طابخة الغدا
جميله (بعصبيه) : لا
عبير : طقي اخوي بعد ترى مانحب النفسية في بيتنا
فراج : عبير خلاص و اهي شقالت
ام فراج : يا فراج روح جيب مرام واريج من المدرسة
فراج : لا يما هزاع راح يجيبهم
جميله (طالع ام فارج) : خالتي عادي اروح الغرفه ارتاح
ام فراج : ترتاحين ! ليش سويتي عشان ترتاحين , روحي بس ماني ماخذه ذنبج
فراج : بس ماتغديتي !
بشاير : وانت شعليك تغدت ولا لا خلها تذلف
(صعدت جميلة الغرفة ولقت مس كولز من داوود فاتصلت عليه)
جميله : الو
داوود : الو , يا هلا حبيبتي وينج ماتردين ؟ فيج شي
جميله : لا بس ماقدرت انفرد كله مرت عمي جمبي
داوود : ياعمري شلونج ؟
جميله : الحمدالله لحد الحين بخير , داوود مااقدر اتحمل اهني محد يحبني كلهم يعاملوني بحقد ماادري ليش
داوود : ماعليج منهم حبيبتي انا ان شاء الله اليوم بخطبج
جميله : صج !
داوود : أي صج وانا من الصبح ادق ابي ابشرج بييكم اليوم بعد المغرب
جميله : ياحياتي والله رديت روحي لي
داوود : بس انا خايف من ولد عمج هذا فراج
جميله : لا عاد اهو الوحيد الحبوب معاي
داوود : ها ! شنو انتي تشوفينه
جميله : أي بعد عايش في البيت , وحبيبي لايهمك اهو قبل قايلي ما راح اتزوجج وقايلي لا ترضين فيني
داوود : نعم ! متى ؟؟
جميله : لما كانت يدتي الله يرحمها في المستشفى
داوود : ليش ماقلتي لي ؟
جميله : ماطرى على بالي , وبليز حبيبي لا تحطها في بالك
داوود : عشانج حبيبتي , متى تردين داومين ؟
جميله : باجر اكيد , بنحااش عن طبخ الغداا
داوود (يضحك) : يحليلج تطبخين (وظلوا يسلفون لحد ماصعدوا بنات عم جميله فاضطرت تسكره)
( بعد المغرب راح داوود وابوه لبيت عم جميله عشان يخطبونها , في سيارة وكان داوود يسوق )
سلمان : انت متأكد اهني ؟
داوود : يبا اهذي المنطقة بس مااعرف هذي القطعة او لا
سلمان : انا قلت لك لو يايين مع سيكل احسن لنا
داوود : خلاص يبا الحين أوديك له لا تحااتي
(وصلوا البيت ودخلهم هزاع الدوانية ونادى ابوه مبارك لهم )
مبارك : السلام عليكم , حياالله من جانا
سلمان : الله يحييك , معاك سلمان (....) ,وهذا ولدي داوود
مبارك : حيالله فيك و في داوود يا ابو داوود و تو مانور البيت (بصراخ) ياهزاع جيب القهوه
سلمان : تسلم ماعليك زود , احنا يااين صراحة نبي نخطب منك وان شاء الله ماتردنا
مبارك : هذي ساعة المباركة , ومحظوظ من يناسبكم عبير ان شاء الله لكم
داوود : عبير ! منو عبير
مبارك : وليش انتو ماجيين تخطبون عبير ؟
سلمان : لا والله احنا نبي بنتك ..
مبارك : اعذروني مازوج عبير قبل بشاير
سلمان : يااخوي اسمع احنا نبي جميله بنت اخوك
مبارك : اهاا جميله و انا شكيت صراحة لان ولدك صغبر (يضحك)
(سلمان وداوود يطالعون بعض مستغربين منه )
مبارك : هذي الساعة المباركة بعد , بس من وين تعرفون بنت اخوي ؟
سلمان (يشوف داوود متوهق) : ساعتك ابرك .والله بنتنا تعرف بنتكم واهي اللي قالت لنا عنكم
مبارك : حياكم الله , وعلى العموم انا لازم اسأل البنت اول
(وظلوا لحد مااذن العشا و صلوا ومشوا )
ام فراج : هزاع يقول كان عندك رجاجيل من الديرة وشيبون ؟ لايكون يطلبونك بعد
مبارك : لا جايين يخطبون
ام فراج : بناتي ! هذي ساعة المباركة
مبارك : لا يخطبون جميله
ام فراج : وي ويع كفوهم , واافق خلنفتك منها
مبارك : لا جميله لفراج
ام فراج : انت شفيك يارجال ولدك مايبيها
مبارك : لا انتي وبناتج اللي ماتبونها
ام فراج : يعني شنو اضحك عليك اسأله بعد
مبارك (بصراخ) : فراج , فراج !
فراج : هلا يبا , ليش الصراخ كاني اهني
مبارك : انت من صجك ماتبي بنت عمك ؟
فراج (يطالع امه) : صراحة أي , احسها مثل اختي
مبارك :ومنو قالك حس انها مثل اختك ,مهي اختك
ام فراج : ياابو فراج هد اعصباك , البنت خلها بحالها ياما رفضت عشان تبيها الفراج وكاه فراج مايبيها
مبارك : بنت اخوي ماتروح بعيد عني , واللي خاطبها الحين مو منا حتى مو من قبيلتنا , تبين بني عمي يضحكون علي لو زوجتها اياه
ام فراج : اجل ودها لخوالها و خلها تاخذ احد من عيال خوالها احسن لها
فراج : أي والله يا يبا , حتى لها جدة هناك تراعيها و خوالها يزوجونها كيفهم
مبارك : انتوا خبول تبون الناس يقولون وده بنت اخوه سعوديه لخوالها , ليش انا وين رحت !! وانا اصلا ابي بنت اخوي عندي
ام فراج : اكيد تبيها عندك , خايف لاخذت واحد بعيد ترفع عليك قضيه هي وياه وتاخذ فلوسها
مبارك : يا مره افهمي ابيها عندي لاني خايف عليها
ام فراج : واضح , انا اقول زوجها هذا وفكها لتقعد عندك وتعنس
مبارك : لا مايخذها هذا
ام فراج : ولا ولدي راح ياخذها
عبير : نظفيه عدل ,لاجت امي ابيه يلمع
جميله : وين قاعدين انظف مطبخ !
عبير : قاعده بيتنا بعد
بشاير : شنو مو عاجبج ؟
جميله : لا مو عن بس منو ينظف المطبخ الحيل بنفسه , وين الخدامه ؟
عبير : كان عندنا خدامه , والحين امي تو ردتها المكتب تقول دامج انتي اهني كافي (تضحك)
بشاير : ماعليج منها انجيب خدامه بس احنا حريم واحنا اللي نظف بيتنا
جميله : يعني انتوا راح ساعدوني
عبير : لا عيوني انتي المطبخ على ماتجي الخدامه وانا غسيل وكوي الملابس وبشاير ترتيب و تنظيف البيت
بشاير : ترى انتي عليج الطبخ بعد
جميله : بس انا مااعرف اطبخ !
عبير : لا تعرفين , على ماتجي الخدامه الجديده راح تعرفين غصب والحين يلا لا طولينها نظفي
(عند داوود تو ياه المسج , كان منسدح على تلفزيون وفز بسرعة )
داوود : هذي جميله ! من وين اخذهاا , الله يستر ( واتصل عليها وماردت , وبعدين دز لها مسج )
المسج : ( عمري شفيج ؟ طمنيني عليج والله خفت )
( شوي رن موبايله بس اللي كانت داقه عمته مشاعل )
مشاعل : الوو , هلا يمه داوود
داوود : هلا عمتي
مشاعل : يالخايس آنا زعلانه عليك
داوود : افا حشا من يزعلج , ليش ؟
مشاعل : تبي تخطب وماتقولي
داوود (في نفسه : ابوي مايسكت) : توه عميمه ماصار شي , بس انتي ادعي لنا
مشاعل : ترى ابوك قالي منو بنته وانا مو عاجبتني
داوود : بس آنا عاجبتني
مشاعل : لاتفهمني غلط بس انا ودي لك الاحسن
داوود (عصب) : ليش منو بكون احسن منها
مشاعل : صدقني ياداوود خل امك ادور لك
داوود : ومنو امي ! لايكون انتي , عمتي لا تعيشين الدور صج
وانا مابي الا هالبنت
مشاعل (مكسور خاطره) : تعبت ياادوود معاك , والله يعين اللي بتاخذك
(بليل في بيت عمة داوود سارة مشاعل كانت عندها )
مشاعل : صدقين سارة قالي جذي !
سارة : هذا الولد ما ينعطي ويه
مشاعل : والله عورني قلبي من كلامه
سارة : ماعليج منه لا تشيلين هم
مريم : خالة مشاعل خليه يولي , آنا لو يقولون لي كيف تصيفين داوود اقولهم مغرور و دلوع واناني (تضحك)
سارة : مريم عيب مهما يكون ولد اخوي , على طاري اخوي مشاعل ماكلمتي سلمان ؟
مشاعل : امبلى كلمته اصلا اهو اللي علمني وموافق
سارة : موافق ! عز الله ما يعرف يقول لا حق المخدج ولده هذا
(مثايل تو دخلت الصالة )
مثايل : السلام عليكم , شفيج يما معصبه ؟
سارة : يا يما غثاني ولد خالج هذا
مثايل : ليش شسوى بعد
مريم : بتزوج وحده معاه في الجامعة وخالتي مشاعل مو عاجبها تبي وحدها على كيفها , ياخي يمكن يحبها
سارة : مريمو اكرمينا بسكوتج
مثايل : صج يماا بتزوج !
سارة : أي يماا و خليه يتزوج ريال بعد بس ياخذ وحده عدله
مشاعل : الله يهديه , ليته مكمل فرحتي
مثايل : زين وخالي سلمان رضى ؟
مشاعل : شنو يسوي بعد معاه ما يقدر عليه
(مثايل مااقدرت تمسك روحها و اعتذرت وراحت دارها واتصلت على هاجر )
هاجر : الوو
مثايل (تبجي) : بتزوجها , بتزوجهاا
هاجر : مثول شفيج ! منو اللي بتزوج ابوج ؟
مثايل : لا يالخبله داوود
هاجر : بالعنة خليه يولي اهو وياها
مثايل (هدت من البجي) : بس انا احبه
هاجر : لا ماتحبينه , بس عشان كنتي مقابلته 24 ساعة تعلقتي فيه
مثايل : لا مااتوقع جذي
هاجر : مثايل انتي لازم تركزين على سالفتج مع علي و تنسين هالقوطي , كلمتي خالج ؟
مثايل : لا ماشفته لحد الحين
هاجر : روحي له بنفسج , وعلي ماشفتيه من بعد السالفه ؟
مثايل : لا كلش حتى قبل كان مطيح عند باب بيتنا والحين مو موجود
هاجر : هذا بعد خليه يولي , انتي بس ريحي الحين ولا تبجين
مثايل : ان شاء الله , والله يخليج لي يارب طول العمر
هاجر : آمييييييين
(عند جميلة تو يت مرت عمها ام فاراج , دخلت المطبخ )
ام فراج : ماشاء الله المطبخ يلق
جميله (اخترعت) : يماااه , هلا خالة ماانتبهت لج
ام فراج : ماشاء الله ياجميله يطلع منج شي المطبخ يجنن شكلي مراح اجيب خدامه, بس مااشم ريحة اكل !
جميله : أي لان ماطبخت عشا
ام فراج : ليش ماطبختي لا يكون السلكات بناتي قالوا لج لا تطبخين اعرفهم يحبون يحروني (بصراخ) عبيروو و بشاير
جميله : لا خالة بس انا مااعرف اطبخ
ام فراج : شنو , وليش مو مرا انتي مو لازم تعرفين تطبخين
(عبير يت)
عبير : هلا يما
ام فراج : تعالي انا وامج سمعي الرفاله ماتعرف تطبخ
عبير : أي يا يما قالت لي ماتعرف من خبالها
ام فراج : أي وانا امج هذي سوات الجامعية , انا اشوا ماخليتكم تكملون جامعة , المهم اليوم بنطلب عشا خلاص
(طلبوا عشا من المطعم و طلبوا لجميلة عشا بعد ماقالوا لها شي , بعد ماخلصوا راحت جميلة الحمام ولقت فوق 10 مكالمات من داوود فاتصلت عليه )
جميله : الووو
داوود : الوو يا عمري , وينج وشفيج والله خفت بعد هالمسج , شنو صار
جميله (تهمس ) : داوود تعال تكفى
داوود : وين اييج ؟ وليش شنو صار ؟
جميله : اكروفوني تخيل من اول يوم وخلوني خدامه , وكل يكلموني بحقد وكره ماادري شلون بعيش معاهم
داوود : حبيبتي هدي وريحي بالج , ووينج اليوم ليش مارديتي علي ؟ وليش تهمسين ؟
جميله : انا بالحمام اكلمك , مااقدر اكلمك جدامهم جذي ماقدرت ارد عليك
, داوود تعال اخذني
داوود : الحين اييج طاير ياقلبي
جميله : لا جد مو تحبني لا تخليني اقعد اهني
داوود : جميله دزي لي عنوان عمج وانا من باجر و انا عندج , ياحياتي ماعاش من يكدر خاطرج ..
(الباب دق , عبير : جميله يلا طلعي شنو بتنامين في الحمام)
جميله : لازم امشي باي
( الفجر وصل لداوود مسج من جميله فيه عنوان البيت , وليلتها مانام الليل ينطر الصبح عشان يكلم لابوه)
(صبح فز داوود من النوم واعلى طول راح لابوه ,بس مالقاه في صالة فطلع يدوره ولقاه في سياره رايح لداوامه , وقف سلمان السيارة وكلم داوود واهو داخل السيارة )
سلمان : ها شفيك ! شنو تبي ؟
داوود : اول صباح الخير (يبتسم)
سلمان : صباح النور , يلا انا مستعجل عندي شغل
داوود : زين زين , بس ترى اليوم بنروح نخطب
سلمان : نخطب منو !
داوود : يبا جميله شفيك
سلمان : مو قلت سبوع ماادري شهر الياي
داوود : لا ابي اليوم غيرت رايي
سلمان : شنو تبي !! اهو على الكيف , واصلا فشله اروح لعمها وامه امس خالص عزاهم
داوود : بس يبا راح تروح مني , واهم شدراهم ان احنا ندري عندهم عزا
سلمان : ياداوود لا تخااف المقسوم لك بصير واثقل
داوود : يبا انا مالي شغل بتي اليوم بعد مغرب معاي حياك الله ماتبي كيفك
سلمان (يخزه ) : استغفر الله واتوب اليه ! خلاص ايي معاك بس انت لا تضايق
( اتصل داوود على جميله عشان يبشرها , بس ماردت فدز لها مسج )
(الظهر عند جميله في بيت عمها كانت في المطبخ مع مرت عمها , وموبايلها يرن كل ساع من داوود)
ام فراج : ردي ازعجنى تلفونج
جميله : لا محد مهم بعدين ارد
ام فراج : زين منو ؟
جميله : رفيجاتي يسألون عني عشان اليوم مو مداومه
ام فراج : اهاا , وانتي متى الداومين ؟
جميله : يمكن باجر
ام فراج : شوفي ياجميله عشان عمج بشيل الغدا من حسبتج لان مايمدي تردين تطبخين لنا
جميله : مشكوره خالتي
ام فراج (انتبهت لمواعين مو مغسوله) : جمول شنو هذا ؟
جميله : خالتي غسلت نصهم وتعب و الباجي بعدين اكمل
ام فراج (بصراخ) : يخرب بيتج هالمواعين من امس انتي شنو وسخه
جميله : خالتي لا تصارخين علي لو سمحتي , وانا مو خدامه انظف
ام فراج : مو عاجبج ذلفي لخوالج بالدمام لا تقابلين وجهي , ويلا يلا غسلي
جميله (تبجي) : والله خوالي ابرك منكم
ام فراج : انطمي و غسلي
( وقت الغدا جميله تحط السفرة ولا عبير و بشاير و معاهم فراج تو يايين من دواماتهم , عبير تشتغل امينة مخزن في مدرسة و بشاير تشتغل في شؤون وفراج شرطي )
فراج : الله اليوم شكله جميله طابخة الغدا
جميله (بعصبيه) : لا
عبير : طقي اخوي بعد ترى مانحب النفسية في بيتنا
فراج : عبير خلاص و اهي شقالت
ام فراج : يا فراج روح جيب مرام واريج من المدرسة
فراج : لا يما هزاع راح يجيبهم
جميله (طالع ام فارج) : خالتي عادي اروح الغرفه ارتاح
ام فراج : ترتاحين ! ليش سويتي عشان ترتاحين , روحي بس ماني ماخذه ذنبج
فراج : بس ماتغديتي !
بشاير : وانت شعليك تغدت ولا لا خلها تذلف
(صعدت جميلة الغرفة ولقت مس كولز من داوود فاتصلت عليه)
جميله : الو
داوود : الو , يا هلا حبيبتي وينج ماتردين ؟ فيج شي
جميله : لا بس ماقدرت انفرد كله مرت عمي جمبي
داوود : ياعمري شلونج ؟
جميله : الحمدالله لحد الحين بخير , داوود مااقدر اتحمل اهني محد يحبني كلهم يعاملوني بحقد ماادري ليش
داوود : ماعليج منهم حبيبتي انا ان شاء الله اليوم بخطبج
جميله : صج !
داوود : أي صج وانا من الصبح ادق ابي ابشرج بييكم اليوم بعد المغرب
جميله : ياحياتي والله رديت روحي لي
داوود : بس انا خايف من ولد عمج هذا فراج
جميله : لا عاد اهو الوحيد الحبوب معاي
داوود : ها ! شنو انتي تشوفينه
جميله : أي بعد عايش في البيت , وحبيبي لايهمك اهو قبل قايلي ما راح اتزوجج وقايلي لا ترضين فيني
داوود : نعم ! متى ؟؟
جميله : لما كانت يدتي الله يرحمها في المستشفى
داوود : ليش ماقلتي لي ؟
جميله : ماطرى على بالي , وبليز حبيبي لا تحطها في بالك
داوود : عشانج حبيبتي , متى تردين داومين ؟
جميله : باجر اكيد , بنحااش عن طبخ الغداا
داوود (يضحك) : يحليلج تطبخين (وظلوا يسلفون لحد ماصعدوا بنات عم جميله فاضطرت تسكره)
( بعد المغرب راح داوود وابوه لبيت عم جميله عشان يخطبونها , في سيارة وكان داوود يسوق )
سلمان : انت متأكد اهني ؟
داوود : يبا اهذي المنطقة بس مااعرف هذي القطعة او لا
سلمان : انا قلت لك لو يايين مع سيكل احسن لنا
داوود : خلاص يبا الحين أوديك له لا تحااتي
(وصلوا البيت ودخلهم هزاع الدوانية ونادى ابوه مبارك لهم )
مبارك : السلام عليكم , حياالله من جانا
سلمان : الله يحييك , معاك سلمان (....) ,وهذا ولدي داوود
مبارك : حيالله فيك و في داوود يا ابو داوود و تو مانور البيت (بصراخ) ياهزاع جيب القهوه
سلمان : تسلم ماعليك زود , احنا يااين صراحة نبي نخطب منك وان شاء الله ماتردنا
مبارك : هذي ساعة المباركة , ومحظوظ من يناسبكم عبير ان شاء الله لكم
داوود : عبير ! منو عبير
مبارك : وليش انتو ماجيين تخطبون عبير ؟
سلمان : لا والله احنا نبي بنتك ..
مبارك : اعذروني مازوج عبير قبل بشاير
سلمان : يااخوي اسمع احنا نبي جميله بنت اخوك
مبارك : اهاا جميله و انا شكيت صراحة لان ولدك صغبر (يضحك)
(سلمان وداوود يطالعون بعض مستغربين منه )
مبارك : هذي الساعة المباركة بعد , بس من وين تعرفون بنت اخوي ؟
سلمان (يشوف داوود متوهق) : ساعتك ابرك .والله بنتنا تعرف بنتكم واهي اللي قالت لنا عنكم
مبارك : حياكم الله , وعلى العموم انا لازم اسأل البنت اول
(وظلوا لحد مااذن العشا و صلوا ومشوا )
ام فراج : هزاع يقول كان عندك رجاجيل من الديرة وشيبون ؟ لايكون يطلبونك بعد
مبارك : لا جايين يخطبون
ام فراج : بناتي ! هذي ساعة المباركة
مبارك : لا يخطبون جميله
ام فراج : وي ويع كفوهم , واافق خلنفتك منها
مبارك : لا جميله لفراج
ام فراج : انت شفيك يارجال ولدك مايبيها
مبارك : لا انتي وبناتج اللي ماتبونها
ام فراج : يعني شنو اضحك عليك اسأله بعد
مبارك (بصراخ) : فراج , فراج !
فراج : هلا يبا , ليش الصراخ كاني اهني
مبارك : انت من صجك ماتبي بنت عمك ؟
فراج (يطالع امه) : صراحة أي , احسها مثل اختي
مبارك :ومنو قالك حس انها مثل اختك ,مهي اختك
ام فراج : ياابو فراج هد اعصباك , البنت خلها بحالها ياما رفضت عشان تبيها الفراج وكاه فراج مايبيها
مبارك : بنت اخوي ماتروح بعيد عني , واللي خاطبها الحين مو منا حتى مو من قبيلتنا , تبين بني عمي يضحكون علي لو زوجتها اياه
ام فراج : اجل ودها لخوالها و خلها تاخذ احد من عيال خوالها احسن لها
فراج : أي والله يا يبا , حتى لها جدة هناك تراعيها و خوالها يزوجونها كيفهم
مبارك : انتوا خبول تبون الناس يقولون وده بنت اخوه سعوديه لخوالها , ليش انا وين رحت !! وانا اصلا ابي بنت اخوي عندي
ام فراج : اكيد تبيها عندك , خايف لاخذت واحد بعيد ترفع عليك قضيه هي وياه وتاخذ فلوسها
مبارك : يا مره افهمي ابيها عندي لاني خايف عليها
ام فراج : واضح , انا اقول زوجها هذا وفكها لتقعد عندك وتعنس
مبارك : لا مايخذها هذا
ام فراج : ولا ولدي راح ياخذها
