(داوود -جميله) قصة واقعية ,ضحية مجتع البدوي والحضري

[توتا كويتيه]

وي وي وي وي وي
اي شي شقه عاد صج ان مثايل حقيره بس مو جذي يصير فيها


ننطرج حبيبتي

 

[Miss-London-91]

مثايل كسرت خاطري
و جميله زين ما خذو البيت منها
و داوود ما توقعت يتقبل انه ابوه يتزوج بسرعه

يسلموووو نطرينج

 

[بيـــشو17]

حلوه القصه كمليها بليز نااطرين

 

[lulwa-q8]

ثاانكيو حبايبي على المتابعة , والحمدالله اعجبتكم , وان شاء الله بكمل

 

[أروسا]

مثايل حركتها جدا قويه وين قاعدين اتكلم البنت و اتجذب ... عندج واحد ليش تلعبين على الحبلين!!!!

و جميله ما تستاهل اللي صار لها

و داوود الله يهديه ما فكر الا بالورث و شلون راح يروح نصيبه ........ صج كلن في قلبه شقى الليله

 

[lulwa-q8]

حمدالله اعجبتك آروسا , ومشكورة على المابعة

 

[$ فراولة $]

مثايل حقيييييييييييييرة
والله انه داوود برد جبدي فيها زيييييييين يسوي بمثايل احسن

 

[lulwa-q8]

حمدالله اعجبتج آروسا , ومشكورة على المتابعة

Sorry عالبدليات;pP

و ثانكيوو فراوله

 

[lulwa-q8]

Part 8​

علي : بتنزلين ولا شلون ؟
مثايل : لا خايفه
علي: خايفه من شنو؟ , يلا نزلي حبيبتي بنقعد نسولف على راحتنا , صدقيني !
مثايل : زين , بس مانطول
علي : أي نقعد لحدالساعة سبع مراح نطول , يلا انتي بس نزلي
(ونزلت مثايل , ودخلوا شقة في الدور الثاني كانت مفروشفه و اثاثها بسيط )

علي : قعدي اهني وانا الحين ياي
مثايل : اوكي
علي رد شايل معاه غلاسين عصير
علي : تفضلي
مثايل (خذت الغلاس) : شنو هذا ؟!
علي : يعني شنو هذا ! , هذا عصير , عمري شفيج ليش مرتبكه واحسج كاشه مني
مثايل : لا مو عن بس شوي خايفه
علي : حياتي لا تخافين , آنا عندج ( وقرب منها وباسها)
(وقعدوا يبوسون بعض , لين قرب اكثر منها و بنزلها ولا استوعبت مثايل اللي قاعد يصير )

مثايل (دزت علي) : وخر !! شقاعد تسوي ؟
علي : (بعصبيه) انتي هييه شفيج ؟
مثايل : انا اللي شفيني !! وخر عني
علي : (سحبها عنده) تعالي قربي , (ويقعد يبوسها غصب واهي دزه)
مثايل : (دزته وركضت للباب ) : انت شفيك مينون
علي : اذا طلعتي ماتلومين الا نفسج

( مثايل بطلت الباب و انحاشت , وعلي مالحقها لانه استوعب اذا سوى اللي في باله راح يطيح في مشكلة عوده لانها بنت جيرانه و بنت عمة رفيجه فقال اخليها تنحاش عشان ما تكبر السالفه )

وقفت مثايل قبال العمارة مو عارفة وين تروح وخايفه من علي ان يلحقها ويمسكها , فدخلت مطعم يم العمارة وطلعت موبايلها بس مااعرفت ادق على منو لانها مااحبت تفضح روحها, فاخذت من صاحب المطعم رقم تاكسي و دقت عليه )

( وصلت مثايل ودخلت البيت بسرعة صعدت لغرفتها ومن حسن حظها امها كانت طالعه , قعدت تبجي على السرير بصراخ وقهر لين اسمعتها مريم )

مريم (بطلت باب الغرفه) : مثول شفيج ؟؟
مثايل : مافيني شي مريوم
مريم : اذا مافيج شي عيل ليش تبجين !
مثايل : مريم قاعده اقولج مافيني شي خلاص
مريم : آنا اختج قولي لي شفيج
مثايل (بهواش) : اقولج مافيني شي , يلا طلعي برا

ثاني يوم طالعه مثايل من الكلية رايحه سيارتها اهي و هاجر (اهي ماقالت لهاجر اللي صار) , ولا تلقى داوود متركي على سيارة

داوود : يلا ركبي سيارتي
مثايل (طالع هاجر باستغراب) : ليش !!
داوود : عن العباطه , امشي معاي لجميله فهميها اللي قلتيه
هاجر (تهمس لمثايل) : امبيي قالت له
داوود : (بهواش) يلا ركبي
مثايل : لا بركب سيارتي و الحقك لهناك بس لا صارخ
داوود : زين ! بس شوفي يامثايل مالج مكان تنحشين فيه مني اييبج يعني اييبج
مثايل : داوود شفيك ! وانا شنو سويت ؟
داوود : سويتي ! انتي احقر شي سويتيه , طلعتي على حقيقتج يا مثايل
مثايل : آنا !!! (بعصبيه) الله يادنيا انا الحقيرة الحين
هاجر : هدي هدي
داوود : انا اعترف اني نذل بس مكشوف مو مثلج يا ام الأقنعة , والحين لا طولين يلا خلنا نمشي
في سيارة مثايل تبجي واهي تسوق وحدها منقهرة لانها كانت تبي تقول لداوود سالفتها مع علي لانها تبيه ياخذ حقها منه و مااتوقعت اللي حصل

( وصلوا كلية الآداب , داوود يأشر لمثايل عشان تنزل)

داوود : انتي اوقفي اهني و بدخل ادورها , ان مالقيتج ماتلومين الا نفسج
مثايل : زين , لا تخاف بوقف

(داخل الكلية عند داوود وجميلة )

داوود : والله ياجميله جذابه
جميله : جذب ! وليش جذب ؟؟
داوود : ماادري والله ماادري , وانتي سأليها بنفسج يبتها معاي عشان تفهمج
جميله : اهي اهني !!
داوود : أي وكاهي هناك واقفه ( يأشر لمثايل بيده عشان تيي)

مثايل : السلام عليكم
جميله : وعليكم ( تقولها من غير نفس )
داوود : لا تسلمين و تسووين روحج بريئة , قولي لها اللي صار
مثايل (طالع جميله ) : ترى كل اللي قلت لج جذب بجذب واهو لا متزوج ولا شي
جميله : وتبيني اصدق !
داوود : وحياتي ليش ماصدقين!
جميله : (بصراخ) متفق انت وبنت عمتك وعبالكم آنا خبله بصدقكم
داوود : جميله والله ما اجذب عليج شفيج عمري
جميله : عيل ليش يتني شتبي مني الا اذا مضايقتك بحياتك وشاكي لها الحال و جايه تفكك مني
داوود (بصراخ ) : حشاج عمري , وماادري عن هالمينونه ليش قالت جذي ( يأشر على مثايل)
مثايل : خلاص خلاص بسكم , (طالع داوود) بتعرف ليش قلتها جذي ! عشان احبك
(داوود وجميله يطالعونها )
داوود : خلاص خلاص مثايل سكتي
مثايل : لا لا احبك و خلها تدري انك عمرك ما حسيت فيني و لا عمرك راح تحس فيها
داوود : (بهواش) خلاص مثايل سكتي
(ركضت مثايل و راحت لسيارتها )
جميله : امبي مجنونه هذي !
داوود : أي والله مينونه , جميله ترى انا اعتبرها اختي ماعليج من اللي قالته
جميله (تضحك) : اقولك مجنونه ! يعني راح اخذ بكلامها
داوود : يعني صدقتيني حياتي
(جميله تأشر براسها أي )

( المغرب في بيت جميله كانت عازمه عواطف )

عواطف : انت من صجج , خبله هذي !
جميله : أي مسكينه مريضة
عواطف : جميله اخاف يضحكون عليج
جميله : لا ! مااتوقع من داوود
عواطف : توقعتي ان متزوج !؟
جميله : يوه عطوف خلاص انا اثق فيه
عواطف : جمول ديري بالج
جميله : انا دايرة بالي
عواطف : واضح ! مو جنج طلعتي معاه مره
جميله : أي كنت خبله يومها , ورحنا مطعم وبعد ماركبت معاه
عواطف : من حسن حظج كان يفكر فيه ابوه , أي تعالي اهو درى ان ابوه متزوج بعد ولا قبل مايطلع معاج
جميله : لا بعد مارد بيته
عواطف : زين ماعلينا , انتي ماتخافين تقعدين اهني بروحج !؟
جميله : لا تعوت لان جدتي كانت تنام من 6 المغرب
عواطف : أي صج شلونها الحين ؟
جميله : والله ياعواطف مااقص عليج حالتها حيل مترديه , والله كريم
عواطف : الله يشافيها ان شاء الله
جميله : ان شاء الله آجمعين .
(في بيت مثايل )

مريم : مثول قومي , يلا حبيبتي حتى ملابس الجامعة مابدلتيها
مثايل : انا نمت !
مريم : أي بجيتي لحد مانمتي
مثايل : شوي خليني بنام بعد
مريم : هاجر تحت يايتج
مثايل : هاجر !! من متى واهي اهني
مريم : تو , تبيني اصعدها عندج ؟
مثايل : لا لا انا انزل لها , وانتي خليج عندها
مريم : اوكي

(نزلت مثايل ولقت هاجر بالصالة سلمت عليها و قالت لمريم تييب لهم عصير )

هاجر : ها شلونج ؟
مثايل : الحمدالله
هاجر : قولي شنو صار ؟
مثايل : رحت معاه وكلمتها
هاجر : بس و ماصار شي
مثايل : لا ماصار شي (طالع الأرض)
هاجر : صج ! مثول ترى آنا اعرفج
مثايل : بقولج شي , بس مو سالفة اليوم
هاجر : قولي حياتي انا يايه عشاج
(وقالت لها سالفتها مع علي )
هاجر : وماالحقج علي ؟!
مثايل : لا وانا جذي مستغربه خايفه منه
هاجر : لا تخافين , اهم شي ماجاسج
مثايل : بس حرني واستغلني والله ياهاجر انا مو مال جذي بس كنت تعبانه
هاجر : خلاص حبيبتي وكلمي داوود واهو يتصرف معاه
مثايل : داوود زعلان علي , وخاف تصير سالفة لو كلمه
هاجر : انتي جربي تكلمينه وان شاء الله مايصير الا الخير , واذا ماقدرتي نشوف حل ثاني
( ثاني يوم الظهر مثايل تشجعت ودقت على داوود عشان تعلمه )

مثايل : الوو
داوود: الووو (بعصبيه)
مثايل : شلونك ؟
داوود : خلصينا شتبين
مثايل (كشت) : مشغول !
داوود : أي حدي بعد
مثايل : اكيد بتروح للآداب
داوود : وانتي شكوو , انت شكلج ماعندج سالفه (وسكر تلفون بويها)

مثايل امسكت تلفونها وقعدت تبجي على لقافتها

راح داوود كالعادة للآداب عند جميلة , بس هالمرة مالقاها فدز لها مسج
يسأل عنها وماردت عليه !

الساعة 11 بليل رجع داوود البيت مضايق وايد لان مو عارف جميله شفيها , اخذ شور و لما رجع غرفته لقى مسج واصل له من جميله تقوله ان يدتها توفت , داوود على طول اتصل عليها من غير حتى مايبدل

داوود : آلوو
جميله (صوتها تبجي) : آلووو
داوود : عظم الله اجرج حبيبتي
جميله : اجرنا واجرك (تبجي)
داوود : بس حبيبتي خلاص هدي
جميله : الحين مو لي بعدها , راح اضيع يا داوود اكثر مو انا ضايعه
داوود : آفاا وانا وين رحت حبيبتي
جميله : الحين وين اروح !! (تبجي)
داوود : عمري شنو ؟ شنو وين تروحين !!
جميله : عمي مبارك يبيني عنده عشان يبي البيت
داوود : وانتي ليش زعلانه حبيبتي
جميله : شنو وليش مااازعل , بروح حق بيت مايحبوني
داوود : انتي ماعليج من مرت عمج , عندج بنات عمج و عمج يبونج
جميله : داوود افهم , الكل مايحبني حتى البنات , مابي اروح لهم مابي
داوود : جميله هدي بقولج على شي
جميله (ماسكه روحها) : شنوو
داوود : بيي اخطبج , مابيج تردين لي خبر الا بعد الخطبه
جميله : هاا (مستغربه)
داوود : ان شاء الله سبوع الياي عشان بعد العزا اييج
جميله : ماادري شقول (اهي طايرة من االفرحة)
داوود : لا تقولين شي الا بعد مااخطبج رسمي وابي رد من عمج , المهم خلنا نغير السالفة متى تردين داومين
جميله : ماادري بس اليومين اليايين اكيد مراح اداوم
داوود : اهو وين بيت عمج ؟
جميله : الاندلس , ليش ؟
داوود : لابس عشان اذا ييت اخطبج اعرف وين اروح
جميله : (تضحك)


ثاني يوم الصبح عند داوود , دخل غرفة الأكل لقى ابوه يلاعب نواف الصغير و قاعده يمه مرته , لما شاف هالمنظر حس بسجين في صدره

داوود : السلام عليكم , يبا يمكن اكلمك بشغله وبروحك
سلمان (يبتسم ويطالع زوجته ) : Can you Leave us alone ?
زوجة سلمان : Sure (قامت و خلتهم )
سلمان : شعندك داوود , شنو هالشي المهم ؟ اتوقع سيارة يديده (يضحك)
داوود : لا لا هالمرة جد
سلمان (يضحك) : جد ! ليش انت تعرف الجد
داوود : يبا لا تصير جذي عاد خلني اقولك شبي
سلمان : قول , وانا حاس ياسفرة او سيارة يديده
داوود : لا تطمن اللي ابيه اني بتزوج
سلمان : صج !
داوود : أي صج , ومابيك تضحك وابيك تااخذ الامر جد
سلمان : لا مراح اضحك شدعوا , خلاص اقول لمشاعل ادور لك وادري انها راح تفرح لك
داوود : لا لا , انا اعرف وحده و ابيها
سلمان : شنو !! اكيد مثايل انا حاس
داوود : مثايل !! لا رووح زين
سلمان : وين اروح !
داوود : قصدي مثايل مثل اختي , انا ابي وحده معاي في الكلية
سلمان : ومنو بنته ؟
(داوود قال لابوه سالفة جميله كلها , وابوه تفهم ورضى يخطبها له لانه ما حب يزعله )

(في كلية الهندسة عند مثايل و عواطف )

عواطف : الحين شسوينا ! راح تقولين لمنو
مثايل : ماادري , ابوي اخاف منه و بروك اخوي صغير ماعندي احد
عواطف : ليش ماتقولين لخالج ابو داوود ؟
مثايل : شنو ! لا لا
عواطف : ليش ؟ مالج غيره و تقولين انتي حبووب
مثايل : بس راح افضح روحي عنده
عواطف : الا اذا فهمتيه عدل وحاولتي تكسبين تعاطفه راح يوقف معاج
مثايل : تقولين جذي !
عواطف : انا اقول جذي ونص

عند جميلة اللي تو خلص عزا يدتها و راحت بيت عمها , عمها كان عندها 6 , بنتين الكبار معنسات عبير و بشاير و بعدين فراج 25 و بعده 19هزاع و بعدين بنتين صغار مرام 12و اريج 9

مبارك : حيا الله جميله تو مانور البيت
جميله : الله يحييك عمي بنور بجودكم
مبارك : عبير , بشاير تعالن سلموا على بنت عمكم (يو بشاير و عبير لابسات دراريع بيت)
بشاير : هلا هلا يبا
مبارك : يبا سلمي على بنت عمك
بشاير : هلا بجميله شلونج ؟ (تخزها من فوق لتحت)
عبير : هلا بنت عمنا اللي مانشوفها (بنفسية)
مبارك : يلا يلا ودوها لغرفتها خلوها ترتاح
عبير : ومنو قال لها غرفه راح تظل بغرفتنا تعرف بيت صغير مايتحمل المتطفلين (تخز جميله)
بشاير : وبعد امي تقول خلوها تغسل المطبخ وراها ترتاح , تعرف ماعندنا خدامه
جميله (طارت عيونها) : شنو ! ؟
مبارك : امكم وين ؟
عبير : تهاوشت مع الخدامه و راحت رجعتها المكتب
مبارك : عزالله ماتخلي احد ماتهاوش معاه
بشاير : يلا جميله امشي للمطبخ خليني اعطيج البالدي و الممسحة
عبير : أي ومو تلعبين بالماي
جميله (خايفه ) : بروح عن اذنكم الحمام و اجي
عبير : روحي تلاقينها على يمينج
(دخلت جميله الحمام و دزت مسج لداوود مستعله)

المسج: (حبيبي تعال اخذني الحين ما راح اقدر اتحمل اسبوع )​

 

[@@jwan@@]

الله يعينها جميله ياحياتي والله
كملي حبيبتي ناطرتج

 

[عانيت بسكااات]

مشكورة حبيبتي عالبارت والله يعين جميله عالجاي

 

[$ فراولة $]

وييييييييييييييييييييييييه بعد عمري جميلة

 

[The purple]

امبيييييييييييييييييييييييه

اهل جميله مو صج !

وإن شاءالله داوود دام ابوه الله هداه وراضي يستعيل بالخطبه

بس الظاهر العم اهوا اللي ماراح يرضى

 

[أروسا]

الله يرحم يدة جميله

شكلها بتضيع في بيت عمها و فوق هذا بيشغلونها خدامه حسبي الله و نعم الوكيل

ناطرينج لولو

 

[DALLY]

فضيت اليوم وقريته من اول بارت للثامن

ف البدايه بالنسبه لمثايل وداوود (الحب من طرف واحد عوار قلب يذبح)

مثايل وعلي (شي طبيعي تكون نهايتها معاه جذي لان هي السبب ماحكمت مشاعرها ومشت مع علي وهو اساسا مجذب عليها ف سالفة ان بيتقدم لها وهذي النهايه)

جميله وداوود (الله يستر شنهي نهايتهم بس جميله صايره مثل سندريلا الله يعينها فاقده الحضن والحنان وحتى اجواء الاهل)

داوود (ماعندي تعليق على شخصيته بس الحلو ان احترم زواج ابوه وان لما حب جميله حبها من قلبه وفكر يتقدم لها)

ناطرين البارت

ويعطيج العافيه

 

[عيون ابوها]

الصراحه القصه شكلها تووووووحفه وحلووه حيل شكل جميله وداود بالنهايه بتفرقوون ( الله يستر ) اذا انتي كاتبه القصه بليزز خليها نهايه حلووه لايتفرقوون لووووووول ما احب الفراق


مثايل مشاعرها متشتته ماتدري شنو تبي يمكن فيها نقص حنان << يعني حللت الشخصيه هههه

لاتطولين علينا بالبارت الجاي وياريت البارت يكون طويل

 

[توتا كويتيه]

وي وي وي وي وي الله يستر
ان شالله داود تكون نيته صافيه

 

[$ فراولة $]

عندي سؤال ....
منو من الشخصيات اللي تقرا القصة ( عواطف - جميله -..... )

وهل انتي معاهم بالقصه ؟ ولا صديقة وحده من الشخصيات ؟او انه في وحده من الشخصيات يقربون لج ؟

 

[lulwa-q8]

مشكورين حبايبي , والحمدالله نالت اعجابكم
وان شاء الله بحط البارت عن قريب

 

[lulwa-q8]

عندي سؤال ....
منو من الشخصيات اللي تقرا القصة ( عواطف - جميله -..... )

وهل انتي معاهم بالقصه ؟ ولا صديقة وحده من الشخصيات ؟او انه في وحده من الشخصيات يقربون لج ؟

آنا مالي دور في القصة , وماحبيت ان يكون لي دور
انا من صوب خوال داوود
وثانكس حبيبتي على المتابعة
​