خواتي لا تخذلوني ... اول مرة ابوح بمعاناتي لكم

[عزوف الزمن]

السلام عليكم ...
بنات هذي اوووول مرة ابوح بهمومي بس مدري ليش حسيت انكم اكثر من الخوات وفيه شي بداخلي يجذبني لكم ... على الرغم اني متابعة للمنتدى من كم سنة بس على الصامت

المهم ... بااحاول اختصر لكم مشكلتي يمكن الاقي عندكم توجيهات او عبارات تاخذ بيدي وتعطيني الامل او تنبهني لشي يكون فيه حل لمشكلتي

انا انسانة حساسة وخجولة نوعا ما .. صارت لي شوي ظروف اسرية ومشاكل ايام المراهقة زادت الطين بلة وبعدها فقدت شخص عزيز على قلبي وانا بايام الثانوي كرهت بعدها الحياة حسيت اني عجوز في الثمانين .. فقدت أي احساس بملامح الفرح بحياتي ..المهم عدت السنين وطبعا لازم اتزوج ...
كنت رافضة فكرة الزواج بس حاولت اقنع نفسي باني راح انشغل وانسى اللي حصل وبالذات اذا كان فارس الاحلام زي ماكنت متعشمة دين واخلاق ورجولة وحنون و....

لكن صدمت بعد الزواج اني انخدعت بهذا الشخص اللي ظاهر لنا ايام الخطبة انه رجل ملتزم وامام مسجد مطلق اللحية ومقصر الثوب
بس الواقع شي مختلف ... اكتشفت ان المسجد مجرد وظيفة وراتب بس ولو عنده اجازة مايصلي في وقتها .... واكتشفت انه مصاب بالصرع وياخذ علاج حبوب الله العالم وش تسبب له من اثار جانبية ... واكتشفت انه يسمع اغاني ويشوف افلام ومقاطع اباحية مع اعمامه واصحابه وعااادي الوضع عنده !!!
واكتشفت انه يشيييييش وبشراهة يقعد بغرفة معفنة كلها قرف ووسخ لاتهوية ولاشي عشان اهل الحارة مايكتشفون امامهم وش يسوي طبعا ... الغرفة ماتنطاق يتفل ويتنخم فيها كذا على البلاط وفيها حمام اسود من الوسخ ... وتخيلوا ان هالمطوع يجلس لحاله بالمكان المعفن هذا ساعتين بالنهار وثلاث ساعات كاملة بالليل !!!!!!! ولااحد يدري غيري
بنات انا آسفة اني دخلتكم بتفاصيل يمكن ماتهمكم بس بالنسبة لي حددددي مصدووومة

وتعالوا شوفوا لما يطلع من الغرفة الا والروائح كوكتيل عرق + دخان شيشة + عدم استحمام + عدم حلاقة للشعر + عدم تنظيف الاسنان ............ بعدها يبيني اناااام معاه اشلوووووون !!!!! لا ويبي حركات ودلع زي البنات اللي يشوفهم بالافلام
لا وكله كوم واللسان والالفاظ البذيئة كوم ثاني !!!!!!!!! لما يعصب ينسى كل شي ويتكلم علي كاني شغالة او اخس والله من الشغالة !!!
مشكلتي اني مصدومة فيه وماني عارفة اوصل له وجهة نظري بدون اجرح مشاعره
مع اني نبهته على نظافة الاسنان بس مايهتم .. يطنش
والعطورات يكرهها كره العمى
جدددد انسان عجيب
اتمنى ترشدوني خواتي كيف اقدر اكمل حياتي الزوجية معاه .. خلاص تعبت كل ليلة ابكي واتحسر على حظي لاني اشوف اخواني وازواج اخواتي قمممة في النظافة والعطورات والاهتمام والشياكة وذوووق في كلامهم وتعاملهم مع حريمهم

الله يجزاها الجنة اللي تساعدني وتنصحني .......... محتاجتكم حيل والله الشاهد

 

[نونه المنكوشه]

الله يعينج ويفرج همج ويعوضج خير يارب

 

[المظلومة1]

الله يعينج ويفرج همج ويسعد لج بالج ..

عندج كم حل واتمني تاخذينة بعين الاعتبار ..

1- تكلمين ابوج او اخوج وتقولين له تعال ولا تقولين له شنو صار لج لما يجي خلي يروح بروحه يشوف
2- لما يبي يجيج انتي روحي الحمام انت خلج تحت الرشاش وهو اللي يجي لج هناك انتي سبحيه
3- انت بادري بالكلام مافي شي اسمة خجل انحرج وعيب وفشله ( دام هو ما انحرج منج ولا خاف من ربه بس يخاف الناس والهيبه )


​

 

[حروف من ذهب*]

كل هذا وتخافين علي جرحه في ميزان حسناتج يارب
لو أنا كان عالم ثاني فلم بيصير الله يهديه ويصلحه هذا الي اقدر أقوله

 

[الشهد كله]

حبيبتي الله يعينج

بصراحة آنا اللي قاعدة أقرا مصدومة من حياتج انتي اشلون ؟؟؟؟؟؟

قولي حق أخوج الكبير يزورج على يوم

ودخليه هالغرفة

وقولي له كل شي يصير

حبيبتي ترى ريلج مو طبيعي

الرجال تعرف اشلون تتعامل مع بعضها

ولا بد من حل

معقوله الدين عنده بس شكل ؟؟؟؟؟

الله المستعان​

 

[i'm so happy]

الله يهديه بس اول شي لا تدخلين احد كلمية بالطيب مانفع كلمي اهلج يتفاهمون معاه
لي متى هالعيشة جذي هذا ومطوع ومصلي جذي ... اظن بس قدام الناس ماهمه عقاب رب العالمين

الله يكون في عونج اختي

 

[muhrat uboha.]

الله يهديه وانا مع الاخت المظلومة1

 

[عـيّــآره]

ايا المنافق خايف الناس تصديك مو خايف من الله اخاف يخطب بالناس بعد يوم الجمعه

انتي قلتي انج كلمتيه ومايبي يتغير دخلي احد من اهلج يشوف المنظر المقرف اللي مضطره انج تشوفينه كل يوم

اشلون تتحملين تعيشين مع انسان مخادع ومنافق يمثل على المجتمع عشان الفلوس والراتب وفوق هذا كله وصخ بعد من داخل

يعني لاشكل خارجي ولاداخلي ولا نظافه ولا اخلاق ولا طهاره ولا حتى انسانيه

فيه بعض المشاكل نصغرها وفي بعض لا خلها تكبر يمكن تنفجر وتنحل وانتي مشكلتج تنقهر بصراحه ماصدق !

انتي فيج الخير واضح من اسلوبج وكلامج لاتتحملين شي فوق طاقتج

ليش نتحمل الظلم والقهر ؟

تلاحقي عمرج قبل لاتجيبين منه عيال

اسفه اذا جرحتج بكلامي بس انقهرت على حالج والله



​

 

[كويتيه فرنسيه]

واااي هالنوعيه ريااااء ريااااء مادري شلون متحملته

كلمي اخوانج خل يتدخلووون يمكن يتسنع

ماخذ الدين مظهر مدري انا لو مكانج اتركه وارد لبيت اهلي بس بعد حياه المطلقه مو سهله والله مدري ماعندي الا الدعاااء الله يلطف فيج ويهدي لج هالزوج

 

[ماكواسم2]

حبيبتي تبين تقولين كل هذا يسويه وبالساعات بالليل وبعدين يروح المسجد يأم بالناس بالصلاة ولا يكتشفون .... حدث العاقل بما يعقل

 

[Om.hsoone]

ربي يكون بعونج
وانا بعد مصدووومه !!!

حبيبتي ليش ساكته خايفه ع مشاعره مثلا والا شنو ؟
كلميييه ولا تستحين لان هو ما استحى منج قولي تسبح و حلق الشعر الزايد ترا النظافه من الايمان والشياطين ما تحب النظافه
و انصحييه قولي تخفي عمايلك عن الناس مستحي منهم و رب الناس يطاالعك ما استحيت منه !! خلي لج موقف معاه يمكن ع ايدج يستقيم حااله

 

[queen92]

امبيييه من صجه ريلج خايف من كلام الناس و مو خايف من ربه !!!!! @@
حبيبتي لا تستحين منه ولاشي اذا اهوا ما استحه من نفسه انتي تستحين منه ،، اوقفي بويهه وقوليله انه اللي يسويه غلط واكبر دليل انه غلط انه قاعد يسويه خشاشي وان ماتعدل وضبط حاله هني دخلي اهلج يشوفون صرفه معاه هذي موعيشه استغفرالله والله تضايقت عشانج واسفه اذا كلامي كان قوي شوي

 

[Q8tiyah]

انت أختي لازم تتحملين المسؤلية حددي موقفج شوفي أي موقف أهون ؟ و اختاري اصلح لج ... و شعليج من كلام الناس هذا بيتج انت ادرى ما فيه ! و لا يطلع منج الشينه و خلج متماسكة قوية لا تكسرين في نفسج ! ادري لج قلب و خاطر مثل الباجين اذا ما تبينه .. بس انت فكري عدل و لا تندمين على أي قرار بتاخذينه و ما اقدر اقول لج هدييه .. ما احب اهدم بيت احد عشان لا تدور دينا و يضحك علي ابليس .. أنا معاج و هو عسى الله يهديه ما أبي ادعي عليه أخاف تبتلشين زيادة فيه !

 

[Gatwa DaloO3a]

ماكو اسم .. ايش الغريب بالموضوع !!!!!!! ماتعرفين ان فيه ناس منافقين بهالدنيا !! ،،، ولا امام مسجد يعني خلاص لازم تكتب انه ملاك !
..

بصراحه اختي مشكلتك مشكله .... اتمنى ان ربي يساعدك ... و دخلي اخوانك بالموضوع ، عرفيهم هو ميين ، زي ماقالت البنت اعزمي اخوك من غير لا زوجك يدري وخليه ينصدم ..

 

[روح امها]

انا اصدقج لان في وايد ناس جذي منافقة
هذا مرض الله يعينهم

مثل ما قالوا البنات عزمي اخوانج خليهم يشوفون عيشتج معاه
شلون صايرة
بصراحة اختي الله يعينج
وماشاءالله عليج متحملة كل هذا

 

[تواضع انثى]

اختي انا مع البنات الي يقولون لك لازم تدخلي اهلك بالموضوع واحمدي الله انك ماجبتي عيال للحين منه

ونصيحه ثانيه انك تلزمي الاستغفار لانه هو مفتاح الفرج لكل شي

 

[ماكواسم2]

ماكو اسم .. ايش الغريب بالموضوع !!!!!!! ماتعرفين ان فيه ناس منافقين بهالدنيا !! ،،، ولا امام مسجد يعني خلاص لازم تكتب انه ملاك !
..

لا يا عمري المنافقين وايد ولكن واحد يسهر وتدخين وخرابيط وما يبين عليه .. الرياييل والحريم يعرفون هالاشياء بسهوله

 

[.حــنــان.]

امبيه الله يعينج هذا الي يسمونه بويهين
لو انا بدالج ما اقعدله كلللللش
يكون اسمي مطلقه ابرك من اقعد ويا واحد مايخاف الله و وصخ ومو محترمني*

 

[blue ocean]

لاحول ولاقوة الا بالله العلي العظيم قلبي معاج اختي

هالجانب اكرهه لي تواجد في بعض الرجال ..

للاسف من فوق هالله هالله ومن تحت يعلم الله ..

الله يعينج يورفع عنج صج مشكله لكن لكل شي حل بإذن الله ..

ماقول غير الله يهديه ويكون بعونج ويصبرج

لازم يكون لج موقف تجاه هالتصرفات .. واجهيه

حياته مو ملك له وبس .. وانتي ما انخقلتي عشان تخدمينه

متى استعبدتم الناس وقد ولدتهم امهاتهم احرار

 

[دلوله 111]

واكتشفت انه يشيييييش وبشراهة يقعد بغرفة معفنة كلها قرف ووسخ لاتهوية ولاشي عشان اهل الحارة مايكتشفون امامهم وش يسوي طبعا ... الغرفة ماتنطاق يتفل ويتنخم فيها كذا على البلاط وفيها حمام اسود من الوسخ ... وتخيلوا ان هالمطوع يجلس لحاله بالمكان المعفن هذا ساعتين بالنهار وثلاث ساعات كاملة بالليل !!!!!!! ولااحد يدري غيري


3 ساعات بهالخيسة !!! انزين شنو يسوي
آنا ابي افهم انتي شلون متحملة الريحة !!!!!!!!
كلمي اخوانج من الحين اذا شافج ساكته بيتمادى
تلاحقي على عمرج
والله يعينج