خواتي لا تخذلوني ... اول مرة ابوح بمعاناتي لكم

[ام القمرات]

حبيبتي الانسان اللي يشعر بانعدام رقابة الله عليه وبهالصورة المخزيه ويخون امانة المسلمين هذا لاعهد له ولا امانه وعسى ان تكرهوا شيئا ويجعل الله فيه خيرا كثيرا اللي اقدر اقوله انجي بنفسك ودينك قبل يصير عندك اولاد هذا رجل لا اخلاق له ولايتعظ هذا اذا كان بالحاله اللي وصفتيها واسال الله لك الخير وجربي تدخلي رجل من عايلتك في الموضوع شرط يكون حكيم

 

[فديت قلوبكم]

موضوعج غريب والله يعينج انا اقولج انتي حاولي ترضينه ادلعينه وتسبحينه لو تبين وافرشين اسنانه بدلعج عليه وقولي بسويلك مساج وانتي تسويله مساج خلي بايدج لوشن ريحته حلوه مسحيه بجسمه وبس تخلصين قوليله اقعد عدل وغسلي ايدج وجيبي كريم شعر ودلعي شعره بطريقه ترتبين شعره وبس يلبس اخذي عطر ورشي عليج ونظام تبينه يشم حطي له انج ماانتبهتي وبالاخير بيطلع خوش واحد☺

 

[عـيّــآره]

لبسيه سبحيه سوي له مساج فرشي اسنانه عطريه ؟؟ من صجكم

مابقى الا تلبسه حفاظه

ياقوووووووم

البنت تقولكم منافق يمثل على المجتمع انه امام مجسد وهو وصخ لادين ولادنيا

وانتو بس همتكم الريحه

يا للهول

​

 

[om 3zozi]

الله يعينج ويفرج همج ي رب
ححده صدمه :/

 

[روز روبرت]

سؤال يطرح نفسه

اهلج تدخلينهم بالموضوع شبتقولين لهم؟ تعالوا شوفوا الوسخ الي عندي بالبيت؟ عندي غرفه و حمام ما يدشها حتى ابليس؟ بتنقلب السالفه عليج صراحه

الغرفه الوسخه هذي الي على قولتج فيها حمام اسود من الوساخه ليش ما تنظفينها وتعطرينها وتبخرينها؟

اذا اهو امام مسجد يعني يئم الناس خمس مرات باليوم ماعنده مجال ان تطلع ريحته من الوساخه! حتى لو منافق و حركات رياء جدام الناس راح يضطر ينافق ويتوضى ويغسل ضروسهحتى لو عالماشي والماي هذا الي يحوش جسمه خمس مرات باليوم يشيل كل الوسخ فشلون تطلع ريحته صراحه انا مستغربه من هالشي
انزين يقعد بالثلاث ساعات بالليل يدخن ويجي ريحته دخان وانتي تلوع جبدج من هالشي هذي انا اقدر افهمها ومعاج حق. بس الي مو داش مزاجي انه يدخن ساعتين بالنهار ولا احد من الناس الي ينافق عندهم حس بالريحه الي تقطع القلب الا اذا كان يتسبح ويغير لبسه و يفرش ضروسه عدل عشان ما تطلع الريحه!

 

[قاهره عذالي]

انا قلبت جبدي من اللي تقول سبحيه ونظفيه ...

يعني هو رجال كبير ويمكن اكبر منها

مو جاهل مايفهم عشان تطرحه وتسبحه

 

[fatma A]

مدام ما يبتو يهال اطلقي منه لو عندج يهال الله يعينج

 

[شــــــــــــــوقــــه]

لبسيه سبحيه سوي له مساج فرشي اسنانه عطريه ؟؟ من صجكم

مابقى الا تلبسه حفاظه

ياقوووووووم

البنت تقولكم منافق يمثل على المجتمع انه امام مجسد وهو وصخ لادين ولادنيا

وانتو بس همتكم الريحه

يا للهول

​

دايما احسج نفس تفكيري :eh_s(7): خشمج

اختي صاحبة الموضوع انتي شنو مصبرج عليه ليلحين ؟

ما قلتي حسنة وحده فيه عشان تصبرين عليه

اجر و حسنات ؟ ما اعتقد بس من وراه بتحصلينهم

اصلا تكسبين اجر في نفسج اذا وخرتي عنه تطلقي منتي مجبورة على هالقذراه و النفاق قطع

 

[ام القمرات]

ههههههه بصراحه راقني رد عيارة , وحسيت فيها , وعلى قولة اختي شوقه خشمج.. وبالذات الانذهال اللي بادي عليها من كلامها ياقوووووم وياللهول هههههه

 

[عـيّــآره]

>< خشمج شواقه فديت قلبج نفس احساسي والله ​

>< ام القمرات اشرايج فيني وانا منذهله ​

قلبنه الموضوع ديوانيه ​

احين بيطردونه برا ​

عاد شسوي لازم ارد على الناس الراقيه

:eh_s(7):​

 

[معزوفة عشق&]

الله يعينك ويصبرك حبيبتي ادعي ربي يسخره لك ويهديه وربك ككريم
كثثير حريم مثل حالتك واردى بس سبحان الله الصبر والدعاء فضله كبير امكن تكون هدايه زوجك على يدك ..؟؟!!

 

[أإلع ـشق دلع ـهـأإ]

لا حبيبتي مايجوز تسكتين هذا منافق هذا مايخاف ربه هذا خادع الناس شلون تسسسكتيين حرااام


شلون يأم بالناس واهو لا صلاة لا دين وكله حرام


لا تسسسكتين ربج بيحاسبج لانج سكتي وتدرين انه جذاب يدعي الدييين

هذا حراام عليه يسسوي جذي

دقي ع شيخ ديين وشوفي رده

كلمي اهلج قولي ماقعد مع واحد جذي

لاتضيعين شبابج مع انسان مايخاف ربه شلون تامنين نفسج عنده ؟؟؟

بليييز لا تسسكتين حرااااام كلمي اهلج وانهي الموضوع وكلمي شيوخ دين خليهم يشوفون حل معاااه

 

[t.o.o.ot]

اهلك مالهم إلا الظاااااهر والنوعية هذي مادامها تخاف من نظرة المجتمع لحياتها أكيد انه راح يحسب حساب لأهلك أن ناقشوه بالموضوع
نفع معااااه نفع مانفع لاحول ولاقوة إلا بالله انتي ابذلي الاسباب وتوكلي على الله
والله يكتب لك اللي فيه الخير لك حبيبتي

 

[عزوف الزمن]

حبيبتي تبين تقولين كل هذا يسويه وبالساعات بالليل وبعدين يروح المسجد يأم بالناس بالصلاة ولا يكتشفون .... حدث العاقل بما يعقل

الله يسامحك بس وانا اش استفيد منكم لما اتبلى على الرجال لاحول ولا قوة الا بالله
بالنسبة للريحة والله اتوقع اللي حوليه وبالذات اقاربه عندهم احساس بس مايبون يتكلمون ويسوون مشاكل .. هو احيانا يبخ عطر قبل مايطلع المسجد وبالليل اصلا يشيش على الساعة 12 ويقعد 3 ساعات بغرفته بعدها ينام عادي قد ريحة الدخان خفت ولانها اكثر شي بقميص النوم طبعا مو باللبس الرسمي وعادي يقوم الصبح يغير لبسه ويغسل ويخرج عشان كذا ماتبان ..
على العموم هذا الشي اللي كان مخليني مترددة اني راح الاقي ناس تشكك بكلامي وانا ماني ناقصة

 

[عزوف الزمن]

الله يسعدكم على ردودكم اللي حسيت فيها ان لي خوات يحسون بمعاناتي لاني للاسف حتى خواتي ماجبتلهم سيرة ...

وبالنسبة لحكاية الطلاق والانفصال ماتنفع لاني جبت منه ست اطفال ...
استخدمت حبوب بعد اول طفل بس مع الضغوط والمعاناة جتني قرحة المعدة وصار الضغط يرتفع واجبرتني الدكتورة اتركها لانها تسبب لي صداع فظيع وتعرفون وش يعني الصداع اليومي من بوادر الجلطة والعياذ بالله ...
المهم لاحظت اننا على الرغم من اتفاقنا نستخدم العزل لمنع الحمل مع ذلك احمل وتتكرر معاي الغلطة بعد كل مرة اولد فيها وبعدين بزلة لسان منه اكتشفت انه كان يغشني ومايعزل الا شي بسيط لانه يبغاني احمل ويكثرون الاطفال ويصيرون طوق على رقبتي يذلني به لانه عارف طبعا اني ماراح يهون علي اشتتهم واعذبهم بسالفة الطلاق !!!!

 

[عزوف الزمن]

واكتشفت انه يشيييييش وبشراهة يقعد بغرفة معفنة كلها قرف ووسخ لاتهوية ولاشي عشان اهل الحارة مايكتشفون امامهم وش يسوي طبعا ... الغرفة ماتنطاق يتفل ويتنخم فيها كذا على البلاط وفيها حمام اسود من الوسخ ... وتخيلوا ان هالمطوع يجلس لحاله بالمكان المعفن هذا ساعتين بالنهار وثلاث ساعات كاملة بالليل !!!!!!! ولااحد يدري غيري


3 ساعات بهالخيسة !!! انزين شنو يسوي
آنا ابي افهم انتي شلون متحملة الريحة !!!!!!!!
كلمي اخوانج من الحين اذا شافج ساكته بيتمادى
تلاحقي على عمرج
والله يعينج

بالنسبة له يشوف وضعه عادي لان المكيف شغال عنده وعنده مسجل اغاني وعلى الجوال واتس ومقاطع ....... احسه ينبسط ولا يحس بالوقت اللي قاعد يضيعه لاحول ولا قوة الا بالله
بس انا اللي قاهرني بزيادة مو راضي يجيب احد ينظف له هالغرفة الخايسة يقفلها ويمشي وكل يوم على هالحال ...

 

[ترف بابا]

لاحول ولا قوة الا بالله

 

[عزوف الزمن]

لبسيه سبحيه سوي له مساج فرشي اسنانه عطريه ؟؟ من صجكم ​

مابقى الا تلبسه حفاظه​

ياقوووووووم ​

البنت تقولكم منافق يمثل على المجتمع انه امام مجسد وهو وصخ لادين ولادنيا ​

وانتو بس همتكم الريحه ​

يا للهول ​

الله يسعدك ياشيخة .. انت نفس تفكيري
انا ضد نظرية تقديس الزوج مهما كان حاله !!
اوك لو اني متزوجة واحد محترم ومثقف ومتفهم يستاهل اعطيه كل وقتي
لكن هذا لو بااسوي معاه كذا غير يوطا علي اكثر واكثر
وانا كمان مو فاضية له عندي اطفال وشغل بيت يهد الحيل
وهو مو راضي يجيب لي شغالة تساعدني ... الله المستعان بس

 

[عزوف الزمن]

لا يا عمري المنافقين وايد ولكن واحد يسهر وتدخين وخرابيط وما يبين عليه .. الرياييل والحريم يعرفون هالاشياء بسهوله

ياحياتي انا معاك انه لابد يبين بس كل اللي حوالينا اقاربه واتوقع يستحون من ابوه ومايبغون يتكلمون
اما بالنسبة للحريم .. امه واخواته حسبي الله عليهم عارفين وعندهم المسألة تافهة جدا
لما اناقشهم يقولون احمدي ربك انه ماهو راعي مخدرات ويضرب ويسكر !!
ويابنات هو من قبيلة غير لاكنا نعرفهم ولا نقربلهم بس بحكم ان ابوي رجال معروف جدا للكل بما فيهم ابوه وكانت بينهم معرفة انتهت بخطبتي لولده ..... وليته ماصار هذا الشي
بس مااقول غير الحمدلله على كل حال وربي كريم ...

 

[عزوف الزمن]

انزين يقعد بالثلاث ساعات بالليل يدخن ويجي ريحته دخان وانتي تلوع جبدج من هالشي هذي انا اقدر افهمها ومعاج حق. بس الي مو داش مزاجي انه يدخن ساعتين بالنهار ولا احد من الناس الي ينافق عندهم حس بالريحه الي تقطع القلب الا اذا كان يتسبح ويغير لبسه و يفرش ضروسه عدل عشان ما تطلع الريحه!
هذا اقتباس من ردود احدى الاخوات
وماالومها بصراحة اذا استغربت ... بس اقولك اشلون هو ياقلبي يطنش صلاة العصر والفجر ومع كذا مااحد يشتكي ويتكلم لانهم عارفين لو ترك المسجد ماراح يلقون امام للاسف الكل يتهرب عندنا من هذي المسؤولية !!
طبعا الساعتين اللي بالنهار هذي اول مايجي من الدوام ... الناس تجي زهقانة من العمل وتبدل ملابسها وتريح اما اللي عندي يطلع يشب النيران ويحط الفحم ويزهب شيشته ويقعد لين اذان العصر بعدها ينزل ياخذ قيلولة ويخرج ... ومايرجع الا بعد العشا او اكثر ونفس الموال بالليل وهكذا