خواتي لا تخذلوني ... اول مرة ابوح بمعاناتي لكم

[سعوديه 1]

ما راح ازيد ع كلام اخواتي

1- تكلميه بالمنطق والعقل ويا يتعدل او
2- تدخلي اهلك بالموضوع ( اخوك ) ويتفاهمو الرجال سوا
3- تتركين له البيت لعله يتعدل
والله يهدي ما في سرررك ويوفقك ويحل لك هالمشكله

 

[miss_math]

اسأل الله العظيم في هذا الوقت المبارك أن يجعل لك الفرج و المخرج

و يصلح حاله و يهديه

كنت بقولج ناقشيه و ضعي النقاط على الحروف

بس طالما يئستي منه و من هدايته

الجأي للكريم اللي ما يخذل عباده و اقسمي عليه برحمته و فيض احسانه

أن يجعل لك مخرج , حبيبتي قد تكون مشكلتج كبيرة لكن الله أكبر

و هو عليه هين و ما ذلك على الله بعزيز

و نحن في شهر رمضان شهر فيه للصائم دعوة لا ترد

 

[أحلى البشر]

ميخالف حبيبتي طوولي بالج عليه ترى اهوا بشر يخطيء ويصيب مو معناته انه امام مسجد يكون ملاك هو نفسنا معرض للفتن تلقينه من داخله رافض هالشي وطبيعي الانسان اذا سوى شي يتستر عن الناس لان الانسان يحب الناس تشوفه بأحسن صوره ولان الرسول صلى الله عليه وسلم قال( كل امتي معافى الا المجاهرون ) الاهتمام بالنظافه ممكن يكون عنده كسل واهمال لهالشي او يمر بأكتئاب يخلي يفرغ طاقته بالشيشه انتي طولي بالج وكثفي الدعاء له واهتمي فيه مثل ماقلتي ان عندج 6 عيال ممكن تكونين انشغلتي عنه اهتمي فيه نفسياا لاتحسسينه انه متهم اهوو بشر انسان ضعيف ترى الانساان نفسيااا اذا ارتاح يبدع واذااا انضغط او اكتئب يصير ماله خلق وارجووج لاتتهمينه بالنفاق ابدا ابدا مهما بدر منه من ذنوب اهو انسان طبيعي يذنب ويتوب واللي في قلبه ربي يعلم فيه الله يصلح مابينكم يارب ويهديه ويسخره لج

 

[أحلى البشر]

ونصيحة من صميم قلبي يابنات

مهما كان عمرك لو عديتي الاربعين لاتوافقين ترتبطين باي شخص ماتعرفين اخلاقه زين لكي تهربي من شبح العنوسة ... لانك انت الخسرانة بالاخير لما تجيبين اطفال ينتسبون لهذا الشخص ,,, حتتجدد معاناتك مع كل طفل
اش ذنبهم حيكونوا ضحايا تعانين معاهم وتتعبين كثير ...
احيانا لما ادخل المولات واشوف رجال يحضنون اطفالهم ويلاعبونهم بكل اريحية وسعة صدر والله يابنات اجلس ابكي تحت النقاب مااحد يدري عني غير رب العالمين واتمنى ان بزورتي عندهم اب هادي وحنون يشيلهم ويستمتع بطفولتهم ...

لكن مااقول الا حسبي الله ونعم الوكيل بس
وعلى فكرة والله لما تزوجت كان عمري 22 سنة بس قدر الله وماشاء فعل
ولا راح اقدر ارجع الايام للوراء .... خلاص ضيعت احلى سنين عمري معاه وانا بهم وقهر ونكد ,,, يس عندي احساس قوي ان القادم اجمل باذن الله وان ربي يستجيب لدعواتي ويفكني من شره وارجع اعيش حياتي بسعادة وراحة بال

حبيبتي توو اشوف ردج هذا عورتي قلبي
ترى محد مرتاح بهالدنيااا وكله بأجره

 

[عزوف الزمن]

لكل من ردت علي باسلوب راقي ومحترم ...
لكل من تعاطفت معي وساندتني بدعواتها الصادقة ...

اقول لكم ,,,, الله لا يحرمني منكم يااغلى البشر ,,,
وعسى ربي يحقق امـــــــــانيكم ,,,

(وبين قوسين انا ماجبرت وغصبت احد يحل لي مشكلتي عشان اشوف بعض الكلام اللي يستفز بصراحة .... اللي عندها كلام طيب تقوله واللي مو مصدقتني ولا عاجبها وضعي ياليت تحط اكس وتخرج من الموضوع ولا ترد !!! رجااااااء لان اللي فيني كافيني )

 

[M!SS.LOBY]

الله يعينج

 

[M!SS.LOBY]

لا حول ولا قوة الا بالله العلي العظيم

 

[عزوف الزمن]

الله يعينج

مشكووورة ياقلبي ...

 

[مستمره]

للرفـــع

 

[مطيريه ووبس]

كلمي امج بالموضوع وامج تقول لاابوج وخلي يتصرف وياااه

 

[cutecherry11]

الله يعيينج ويهديه لج ولنفسه ويغير حالج من حال الى احسن حال يارب

 

[الحلا كويت]

صراحه صدمه شلون كتن ملتزم وياما تحت السواهي دواهي ويمكن هو طريقه للشيشه وافلام وغيره من الي يسويه
واذا عن مرض الصرع هذا من ربه وتذكري ان الله مع الصابرين يعنى اصبري والله معاج وما فيها شئ اذا صارحتيه وقلتي له فرش اسنانك او شيل الشعر لان ريحتك مو عاجبتني. انتي حاولي تهدديني ان اذا ما تاب تعلمين اهلج بس حاولي تخلينه يتوب وحاولي انتي بنفسج تعطينه موس وفرشاه وقولي له ينظف بس صارحيه ويمكن يتعدل معاج والله يعينج الصراحه

 

[»همسْ ـآلخجل✿]

‘



لايكون الرجآل مسحور !


صج صج بديت آحس جذي!

لأن مسحيل آنسآن طبيعي يعيش بهالقذآره

بنآت لآتقولون منآفق! آنتوآ مآشفتوآ آلآ آلظآهر حآلكم حآل زوجته

بعد قلبي عزوف آسمعيني ومآرآح تندمين صدقيني

وآضح آن آلرجآل فيه شيء , مآتوقع مسّ لأن يصلي وآمآم مسجد!

لكن يمكن سحـــر مخليه دنيئ ووصخ

أدعي ربج يشفيه ويفتح ع قلبه ع الاقل يعرف ان مسحور ويتعالج


آذآ فكرتي تقولين لأمج أو آخوآنج قوليلهم يتأكدون آذآ مسحور وآلآ لأ


والله يفرج همج يآرب

 

[زهرا_*]

استغفر الله

ريلج مو طبيعي شهالنفاق اللي فيه
الله يشفيه بس

 

[عويتقة]

@@

يااربي يعينك على عيشتك ادعي الله يهديه واللهك سرتي خاطري اي وحدة ماتبي ريلها جدي

 

[عزوف الزمن]

الله يسعدكم حبايبي على ردودكم ... مالي غيركم بعد رب العالمين
والله اللي متعبني اكثر ان لا لي صديقات ولا جارات اسولف معاهم وانبسط واتونس زي العالم
..اضطريت اقاطعهم لانه مسوي لي حظر تجول مايبي يودي ولا يجيب ولا يعترف بهدايا او حفلات يقعد يصارخ علي لما اطلب منه كأنه مجنون ...
مكتووومة بس اكرف بالبيت واقعد على النت لما اخلص وانيم عيالي ...

شعري تساقط وبشرتي انعدمت اصلا صرت مالي خلق احط شي او اهتم حتى شعري والله مالي نفس امشطه وصرت احس اني مخنوقة وحركتي ثقيلة ... الشكوى لله بس يخفف عني ويلهمني الحل اللي يريحني وينهي معاناتي مع هذا الانسان

واللي تقول مسحور مااتوقع لان صحته عال العال ماشاءالله واكله طبيعي ويخرج مع اصحابه يسهر عادي ومايشتكي من شي ماشاءالله

بس عندي استفسار الحين اللي تتطلق اش مصير اولادها .. نفرض انها بتعيش لهم ماتبي تتزوج هل ياخذهم الزوج اذا كبروا عن طريق المحكمة ولا لا ؟؟؟
تكفون ابي اعرف ماافهم بسوالف القضايا والمحاكم هذي

تصدقون الناس تتمنى قصور وفلل واموال ....
وانا كل امنيتي اني ابتعد انا وعيالي عن هذا الشخص ونعيش بسلام وامان باي شقة بس المهم ماابي مشاكل واصطدامات معاه او مع اهله

 

[عزوف الزمن]

تكفووون كويتيات بليز لي طلب ...

أي وحدة تدخل موضوعي تدعي لي اني اتوظف قريب الوظيفة الحكومية اللي اتمناها

الله يسعدكم لا تنسوني :eh_s(7):

 

[gmar al-kuwait]

الله يعينج منافق و وسخ

 

[FDET NFSY]

الله يعيييينج