خنت ريلي مع2 والحين درا... واختفى :(

[eman12]

والله احساسي ان في احد من اللي تكلمينه يعرف زوجج او دازة عليج
الله يعينج ويهديج

 

[زينة الزين]

البنت معترفة بغلطتها فماله داعي بعض المشاركات يزيدون همها هم أهيا مو قاعدة تسأل اللي سوته صح ولا غلط
يبا اللي سوته جريمة خطييييييرة
بس تبي مساعدتكم إن الله غفور رحيم
والحين كلامي لصاحبة الموضوع:
آنا أحاتيج شصار عليج ؟
ما في خبر عن زوجج؟

 

[مبايلي كويتي]

اطلبي الطلاق بدون فضايح .ما في حل ثاني

يا حبكم للشماته والكلام الفاضي

 

[مبايلي كويتي]

اقوووووووووول عسى ما شر ؟؟
شنو لا تقذفووون المره <<< اصلا كلمه مره ما تستاهلينها لانهاا كبيره عليج حيل لو كنتي صج مراا جان صنتي زوجج وبيتج انا مو حارني الا انها مدرسه ويع شوفواا لي اي درجه وصنا بالانحطاط مشالله كفوووو والله كفوو
حبايبي اللي اتفلسف تقوول مو انتي تقررين انها تدش النار والجنه ومادري ايش عاااد بس كااافي لا ترقعون لهااا اذا المراا اللي تحط عطر وتمر على رياييل ويشمون عطرهاا تعتبر زاااااااااااااااانيه في شرع الله عيل هذي شتطلع بسواااتهااا انا مو معور قلبي وكاسر خاطري الا ريلج هالمسكين الفقير تراا اذا صار فيه شي ذنبه برقبتج حسبي الله عليج

أقول روحي اكلي هوا احسن لج بدال هالحجي اللي ؟؟؟؟؟؟؟؟؟؟؟؟؟؟؟؟


شنو هالأمثال شنو هالحكم

لالالالا روعه الصراحه

اقول اللي بيته من قزاز لا يحذف الناس بالصخر

ديريي بالج على ريلج انتي بس

شنو هالأشكال اللي يبيلها :j013:

 

[وجدان الكويت]

الله يهديج ليش تدزينلة مسج وتقولينلة عن سالفتج وياهم!!

خلاص الحين اللي صار صار ومالج الا سجادتج ودعائج ان الله يسامحج واهو يسامحج بعد

دزيلة مسج قوليلة لازم ترجع البيت حتى اهو مواسلوب الله يهديه اللي يسويه

يااما يواجه ويحط النقاط على الحروف والا يعاقب !!!

الله يهديكم ان شالله

 

[الاسطورة]

الي تقول
ان البنت تابت
ومو من حقي افتي واني قذفت البنت
اول شي اهي ما تابت من الجذب
لانها جذبت على ابوووها
ولو اهي صج تابت جان بدت صفحه بيضه ونظيفه مع رب العالمين
قبل ما تروح وتقول حق ابوها كلام مو صج


وانا يا حبايبي ما قذفت احد
اهي البنت اكتبت مشكلتها
ولما قلت لها انتحري مو معناته صج انتحري
انا اقصد ان الشي كبير كبير وماله غفاريه


يا جماعه الربع
انتوو لو رياييلكم يخونونكم الله لا يقوله
تزعلون وتفكرون بالطلاق
اشلون لو المره اهي الي تخوووووون

وصدقوني لو مو طايح عليها ريلها جاان كملت طريج الغلط
وما تابت


والواحد الي يبي يتوب يتوب قبل لا يطيحووون عليه




يا ريت تتخيلووون لو اخوانكم صار معاهم هالشي
الله لا يقوله
شنو بتكون ردت فعلكم
بتقولون حق اخوانكم سامحوهم اهم اغلطوووووو
وان الله غفر رحيم؟؟؟؟؟
مثل ما تقوولوون
ان الله غفور رحيم
اهم ان الله شديد العقاب


الي تقولي حطي نفسج
بمكانها
الله لا يقوووول
لا احط نفسي ولا شي
اشتسوى علي باجر الناس تعاير عيالي بلي انا سويته


انا مو قصدي انها زانيه يعني نامت معاه( سوري على التعبير )
زانيه بتفكيرها بمجرد انها فكرت بواحد غير زوجها
استغفر الله


انا مو معقده بس الغلط غلط
الصح صح
والله عرفناه بالعقل

ومصره على رايي انها تطلب الطلالالالالالالالالالاق احسن
لان حرام الريال يعيش طول عمره يفكر ها الحين اتكلم منو
ولا اذا طلع معاها وشاف واحد يطالع زوجته يقول اي اكيد اتعرفه
ويعيش بشك وثقه مهزوزه


وهذا رايي

 

[ايمانو حلوة]

اشصار عليج؟؟

 

[ام بسومتي]

ما اقدر ارد على الردود كلها لانها وايد بس اللي تواصلت معاهم بالرسايل الخاصه اتمنى يشوفون رسايلهم

وبقول اللي صار باختصار اسمحولي ما اقدر اذكر كل التفاصيل لان في ناس قاعده تحاول تستكشف انا منو وشنو نك نيمي

واللي دزولي ان عندي ولد مو بنت ترى عيب يعني جاكيني يعني اعرفوني انا عندي بنت

ورجاءا اللي عندها حل زياده تقوله ولا لا ترد مالي خلق تغثوني انا وين وانتو وين صج فاضين وماعندكم مشاكل

ومشكورين كل اللي دعولي شوفو شنو صار بفضل الله ثم بفضل دعواتكم وسورة البقره

المشكله ما انحلت بس خفت شوي وطخت وماصار شي كبير مثل ما خرعوني

ابوي لقا ريلي ما اقدر اقول شلون وشصار علشان اللي قاعدين ينبشون منو انا واللي تواصلت معاهم بالرسايل الخاصه خل يجيكونها كتبت فيها شصار

المهم اول شي اكبرت السالفه وامي نتفت شعري

واللي عرفته عن طريق امي لان ابوي ما كلمني اهي وصلتني الكلام اللي عرفته ان ريلي راح طق الثاني مو الاول اللي كنت اكلمه

مادري شلون دل مكانه وعرفه

بس طقه طق وتكسر هذاك

واللي عرفته بعد ان اهله ما درو عن شي قالهم انه مشكله عاديه

واهو الحين بالشقه

وقال لابوي انه مايبي يشوفني

وابوي اقنعه انه مايسوي شي
وقاله الحين مايبي يشوفني مادري لي متى بس بعدين اذا برد بشروط وايد منها اني ما اطلع من الشقه ولا اشتغل ولا يكون عندي تلفون ولا كمبيوتر ووايد شروط تخليني مثل الصنم بالبيت
واعرفه عدل ماراح يكلمني لي رديت

او اني اتم في بيتنا وهو في بيته وبس بدون ما يطلقني ويقول علشان ابوي مو علشاني : ( لانه يمون عليه واهو اللي ناقله لوظيفته ونمون على اهله وايد مسوينلهم اشياء من زمان


وهالشيين احسنهم هم سيئ ما اقدر اعيش بالشقه مع الشروط اللي حطها ما تصدقون شنو الشروط وما اقدر اصير معلقه فماكو حل عندي الا اني اتطلق علشان انساه او احاول انساه : (

ولان الطلاق وايد اهون من اللي راح يصير

وقبل كان عادي عندي اني اتطلق مايهمني حتى لي تهاوشنا مع اني احبه بس كنت اقول عادي مايهمني خل نتطلق ماكنت اخاف من شي اسمه طلاق وكنت اشوف ان الطلاق نعمه وحريه لين ما صارت هالسالفه مادري شنو صار فيني صرت افكر فيه اكثر من نفسي ونزل علي حب حتى لو اشوفه كل يوم من بعيد عادي عندي المهم اشوفه وابي اعوضه عن اللي صار

والله لمن قالتلي امي الكلام حسيت اني بموت يعني خلاص ما راح ارد مثل اول وياه

وانا الحين محتاره ارد الشقه بس اصير ولا شي ولا اتم في بيتنا ولا اتطلق

واهو ما يبي الرد الحين وما يبي يشوفني لمده مادري شهر شهرين اهم شي عنده ما يسمع طاريي

ومادري بعد ما يهدا شنو يختار

وادري انه رادني واهو مايبيني بس علشان اهلي واهله وعلاقتهم

وراح اصير معاقبه بالبيت مو انسانه عاديه

وعلى فكره الشقه مو كلها له انا ادفع نص الاجار وهو يدفع النص الثاني علشان جذي ما طلعت اول مره لانها شقتي انا بعد والاثاث اللي فيها دافعين النص بالنص يعني ماقدر يطردني

اتمنى تفيدوني بالحل شسوي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ومو مخرعني الا اخوي الصغير ما يدري شالسالفه ومن كثر مايشوفني ابجي قالي شمسوي ريلج تبين اروح اطقه واكسر راسه قلتله لا تقرب صوبه هو يعني يبي يدافع عني عند ريلي بس شكله بيخرب علي وبيزيد على اللي صار بروحه مو ناقص
عيزت اقوله مالك شغل يقولي اذا تبيني ائدبه لج مادري من وين طلعتلي هالمشكله بعد

والله تعبت من التفكير والمحاتاه




وردي على اللي سبوني:
اقولهم انا وين وانتو وين انا بعالم وانتو بعالم انا ابي طريقه اخلي ريلي يسامحني ويعرف اني ماراح اعيدها وانتو قاعدين تسبون واللي يتهمون بالزنا لا يقولون حتى لو كلمتيهم هذا زنى ترى معنى الزنا واضح واضح واللي يقذفون وانا ما سويت هالمعنى اذا ما يابو 4 شهود يا يجلدون 80 جلده او ماكو شي يحللهم لي يوم القيامه الا اني انا احللهم ولا مصيرهم يتعاقبون حتى لو يتوبون او يجلدون 80 جلده والله سامحوني على هالكلام بس بطيتو جبدي وقهرتوني بروحه اللي فيني كافيني واهم يطلعون بره الموضوع

وردي على اللي يقولون اللي ماتبت ولو ريلي مو جاكني جان استمريت:
اقولهم اني كنت بوقف هالشي اصلا بس ما قدرت لان اللي اكلمه كان لاصق فيني وكل مقرره خلاص اهده وكنت اقول جم يوم وانهي هالشي واصلا انا الحين تبت ومو انتو اللي تقررون الله قبل توبني ولا لا ولا شنو نيتي
والله فيكم حريم طاحو من عيني الوحده تطلب منهم المساعده يقومون يسبون ويقولون احسن وانتحري اذا الله يسامح يعني انتو بتصيرون احسن من الله وما تسامحون ؟؟؟ قلبكم فيه قسوه مادري من اي بيئه طالعه

بس الحمدلله ريلي طلع اكبر من كل اللي قلتوه قلتوه والله خرعتوني راح يطقج ويذبحج خليتوني اخاف من ردودكم طلع عقله اكبر وماسك اعصابه

ومن الردود اكتشفت ان السعوديين والخليجيين عقلهم اكبر من الكويتيين ومتفهمين الكويتيين فيهم همج مادري من وين طالعين كلشي عندهم طق وذبح وطلاق وانتقام وثار للأسف مادري متى عقولكم بتتطور وفيهم قسوة قلب الوحده تقولهم غلطت وهديت هالشي وصار اللي صار ويردون يقولون انتي وانتي بدال ما يعطوني الحل اكثر الصفحات مافيها حلول سنعه بس اللي دزولي رسايل خاصه الله يعطيهم العافيه ساعدوني

ماتوقعت جذي الكويتيين مافيهم خير والخليجيين طلعو اهم اللي فيهم لينة القلب

ما اعمم

بس اهو اهله ناس مثقفين ومتطورين وسنعين مو مثل عقولكم المتخلفه لا وتتحججون بالاسلام وانتو قاعدين تقذفون

لاتلوموني على هالكلام بس بطيتو جبدي الوحده ودها تدعي عليكم ان يخترب بيتكم وتتطلقون مثل ما تبون اني اتطلق

المهم واخر رد اقدر ارده على اللي ارفعو ضغطي وغثوني وكرهوني بالمنتدى اهو الكلام اللي قالته وحده يعطيها العافيه:

اخرج التزمذي من حديث واثلة بن الأسقع عن النبي صلى الله عليه وسلم قال :
"لا تُظهر الشماتة بأخيك فيعافيه الله ويبتليك" وقال حسن غريب .
وخرّج أيضا من حديث معاذ مرفوعا :

"من عيّر أخاه بذنب لم يمت حتي يعمله"
،
وإسناده منقطع .
وقال الحسن :
(كان يُقال من عيّر أخاه بذنب تاب منه لم يمت حتى يبتليه الله به" .

ويُروى من حديث ابن مسعود بإسناد فيه ضعف :
"البلاء موكل بالنطق ، فلو أن رجلا عيّر رجلا برضاع كلبة لرضعها" .
وقد روي هذا المعنى عن جماعة من السلف .

وبالنسبه لمشكلتي الحين بنطر انا في بيت اهلي واهو بروحه وبقولكم شيصير بعدين يسامحني ما يسامحني ارد الشقه ما ارد

واتواصل معاكم بالخاص جيكو عليه

ومشكورين كل اللي دعولي وعطوني حلول والله يسامح اللي سبوني اقهروني جنه اهم انبياء ويدرون انهم معصومين من الغلط طول حياتهم

واتمنى تدعولي دعوه وحده ما ابي غيرها اني اتم وياه وما انحرم منه ويسامحني والله يعطيكم اللي في بالكم ان شاء الله ولا يقرب بينكم وبين المشاكل

وانا بستمر اقرى البقره وادعي

واقولكم اشصار

وان شاء الله لي دشيت مره ثانيه القى افكار وحلول يديده وتفيدوني بحلولكم في باجي حياتي وشنو اقدر اسوي وناطره مساعدتكم

 

[رافعه الحاجب]

يالله يارب انكم تردون حق بعض وتعيشوون تحت سقف واحد وتردون مثل اول واحسن

 

[رورو 88]

حبيبتي انتي غلطانه حطيتي الموضوع والله جد غلطانه !! لان اهني البنات ما يصدقون

يلقون وحده يطلعون حرتهم فيها وحق الشماته زاهبين انصدمت من بعض الردود انا

شدعوا اللي اتقول روحي انتحري !! شالمنطق شالاسلوب حبيبتي باب التوبه مفتوح لي الحين ما تسكر !!

اذا الكافر اللي ماله مله ولا دين الله يقبل توبته شلون انتي المسلمه !!

انا ادري ان التصرف اللي سويتيه حيل جايد ومع 2 مو واحد بعد الله يهداج

بس بليز توبي توبي وغيري من شخصيتج وسوي اي شي عشان يردلج لان الله يعينه بصراحه

دقي عليه من رقم غريب قولي حق واحد من اخوانه ان صارت هوشه بينكم بس طبعا لا اتقولين ليش

وخليه يدوره بكل مكان ويتصل عليه من كذا رقم او خرعوه بمسج ان واحد صار في شي طبعا

اسمله عليكم بس هالطريقه عشان اتعرفين اهوا شيفكر فيه واتهدينه واتخففين عليه

لان كسر خاطري جد بس صدقيني دامه ما زفج حتى ولا صارخ ولا طق او قال

حق احد معناته ما راح يقول وبيستر عليج صدقيني لان لو بيسوي هالسوالف جان

سواها والسالفه حاره اهوا شكله وايد يحبج وما يبي يسوي فيج شي عشان جذي بيقعد بروحه

وبيفكر شراح يسوي اذا يقدر يكمل معاج والا لا لان الجرح كبير بصراحه

 

[احلام روحي]

والله يااختج ماادري

بس عادي ردي بشروطه لشقتج

لان شكل زوجج هادي وعاقل حيل

ردي واكيد مع الوقت بيخفف عليج الضغط

لاتتطلقين بعد فوق شينج قوات عينج

لايبه ردي عادي بشروطه واو زوجج وحش جان مانطر جان عفس ويهج باللحظه اللي عرف فيها

بس هذي من رحمة الله فيج ان شخصيته هادية وحكيمة

عسى الله يصلحكم ويهديكم

 

[دلع العتبان]

الله يوفقج يااختي
وربي يسامحج من فوق
ويستر عليج

 

[star pre school]

الله يفك عوقج و يرد ريلج احسن من الاول و يبعد عنكم الشيطان اثر فيني الاحاديث اللي كتبتيها و بشرينا عنج بالخاص و اي شي احنا بالشوفه

 

[توته شيطونه]

http://www.youtube.com/watch?v=o19eWEI8dMY

اقرائي سوره النور

 

[اسرار الغلا]

والله عورني قلبي من سالفتج

محد يحب خراب البيوت

وماعندي الا ادعي لج ان يصلح الامور بينكم ويرجعكم لبعض مثل اول واحسن

والله كريم ومافي شي بعيد على الله

 

[سنفوره كويتيه]

اقولج شي اختي صاحبته الموضوع ؟؟؟

نصيحه مني لج

صكري الموضوع

لان ناس مو كفو تعرف التطورات

والي صج واقفين معاج بردودهم كلميهم خاص

لان ناس تدش تتطمش وتطلع انا احتريت

 

[^^المهره^^]

الف الحمدلله اللي يت على جذي
انا رايي تردين الشقه ريلج واضح انه يحبج وشاريج وحتى لو تام عليج عشان خاطر اهلج واهله هم حمدي ربج انه في شي يشفعلج عنده
حبيبتي ردتج الشقه مع الايام ممكن تخلي الوضع يتعدل بينكم بالذات لاشافج تبتي من قلب و تسنعتي و رديتي لربج وعقلج وبيتج
وحاولي اتفانين في ارضائه واسعاده وسوي كل شي يحبه بدون ماتنطريم منه مقابل ولاتطلبين منه اي شي
خليه يحس انج ممنونه حقه لمجرد انه ردج وستر عليج ولا علم اهله
صدقيني بيحن عليج ريلج مبين عليه طيب ويحبج وشاريج
وان شاءالله يعرف مع الوقت ان كل ابن آدم خطاء وخير الخطائين التوابين
وانتي توبي توبه نصوحه لله وعسى الله يتقبلها منج
شيلي من بالج فكرة الطلاق عشان خاطر بنتج

 

[الفرح والدلال لي]

الف حمد والف شكر
انج طمنتيني عليج والله كنت احاتيج
والحمدلله انج اطمنتي على ريلج وان بخير
حبيبتي
ادري ان شروط ريلج صعبة عليج بس ميخالف انتي غلطتي ف عشان جذيه ابيج تتحملين شروطة لردتج للشقة بالبداية راح تكون صعبة بس مع مرور الوقت صدقيني قلب ريلج راح يحن عليج لما يشوفج ويشوف الندم بعيونج وانج رضيتي بشروطة الصعبة بس عشان اظلين معاه وماتتطلقين منه
واذا على سالفة الطلعة والاب توب هاذي كلها فترة زمنية وكلشي راح يرد على ماكان عليه اذا شافج مومهتمة للتفاهات
واخر شي احب ادعيلج من كل قلبي ان ربي يهدي سركم ويرجعكم لبعض ويخليلكم بنتكم وتخاوونها يااااااااارب
اللهم اهدي زوجها لها واهديها لزوجها واصلح مابينهما

 

[عيد الفرح]

انا قريت اخر رد لج واسمحيلي اقولج انتي مو بس مشكلتج الخيانه لزوجك لا لا لا انتي عندج خلل فيشخصيتج من الاساس قاعده تدعين على البنات اللي عبروا عن رايهم بخياتج وتقارنين بين الكويتيين والخليجيين ولا جنه انتي مسويه سواد ويه
انا اقولج خافي ربج انتي عندج بنيه بكره الله يفضحهااذا ماتبتي من قلب
وانا اعتقد انها مو اول مره لج بدليل ان اهلج عادي محد طقج او عاقبج عععععععععععادي الله يصلحهم
ويفك ريايلنا من هالبنات اللي لادين ولا خوف من الله على شاكلتج
تصدقين ريلج هذا ماسكت لانه يحبج اعتقد بيكون له ردة فعل بس للحين ماخذاها الله يعينه صدق كسر خاطري ووايد عليج

 

[ليل الذكريات]

دعيتلج من قلب والنتي كثري الاستغفار وصلاه باليل وادعي لربج وابجيله وانكسري لربج يقدر على كل شي وتصدقي بنيه صلاح حياتج الصدقه تفك الكرب