خنت ريلي مع2 والحين درا... واختفى :(

[حـوريـه]

اختي تبين النصيحة !

ارجعيله بكل شروطه الي حطهم

لو انه رجال ثاني وماعنده احساس جان طلقلج بس رجلج زين ويحبج عشان جذي حط شروط

وافقي على كل الشروط ولا شاف انج من قلب تايبه

راح يردلج حياتج القديمه

لاتخسرون بعض عشان غلطة هو حط شروط ومسامحج عليها !؟

 

[đeɱɛɼɑ™]

والله انه ريآل اصيل .. لا تهدينه
تمسكي فيه حبيبتي .. و بني آدم خطآء وخير الخطآئين التوآبون .. وانتي تبتي
استمري على قرآءة سورة البقرة < هالسورة عجيبة سبحآن الله
واستغفري ولا تيئسين .. وربي ان شاء الله يصلح احوآلكم انتوآ الاثنين
ويهديييكم ويخليكم حق بنتكم ..
لا تطلبين الطلآق تحملي.. انتي تحبينه ورآح تتعبين واايد بدونه
واذا قعدتي معآه ان شاء الله يحن قلبه علييج وتردون لبعض ويبعد عنكم الشيطآن وعيآل الخرآب

 

[zoba]

ما عليه حبيبتي
صج الحين الشوق ذابحج والاحساس بالذنب وانج غلطتي بحقه
بس قدري مشاعره الحين
خليه على راحته وتحملي
متى ما قال خترد ردي
لاتقطين روحج عليه بهالفتره اهو محتاج يكون بروحه بعد
واذا قاللج ردي ردي ووافقي على كل شروطه
وخليه على راحته لين يهدى
بس حاولي تبينين له انج ندمانه
وان صج قلبج يعورج عليه وعلى نفسج وعلى اللي وصلتوله
والله يهون عليج يارب ويحل مشكلتج

 

[om_bato0ota]

امبييييييييييييييييييييييي ليش جذي البنات يردون
يعني ياين تنصحون اكو احد ينصح يقول روحي انتحري شهالنصيحه
اوكي صج لبنيه غلطت وغلطها كبير بس انشالله اتوب والله يغفر لها وقاضبين عليها زانيه وزانيه ورجم حتى الموت لو كانت نايمه معاه اوكي انا معاكم انها زنت بس دامها بس كلمته ليش تتبلون عليها وتقطون حجي ماتثمنونه حتى اذا الريال راح كلم يعني زاني لازم نرجمه حتى الموت خلاص دامه كلم بنيه حتى لو مانام معاها ليش نسامح نفتح صفحه يديه مع ريايلنا
فهموا معناه زانيه بعدين تعالوا تحجوا دامها كلمت وحست بغلطتها والحمدلله يت على جذي مانجرفت حق شي اكبر من اللي سوته بعدين قولولها انتي زنيتي
واللي تقول انتحري بذمتج هذا حل بنظرج؟؟
الواحد لمن يغلط يتوب وان تاب انشالله الله يسامحها لان الله تواب رحيم
ولازم تمسكينها بيدها تعاتبينها تحسسينها بغلطها مو خلاص تصكرين الباب بويها وتسودين الدنيا بعينها تقليلها انتحري
بنات فكروا قبل لا تردون وعطوها حلول مو تزيدونها همها

 

[say yes]

بصراحه تصرفه غريب يعنى اشلون اختفى لو واحد ثاني ذبحك سامحينى بس بصراحه رده فعله تبين انه وايد طيب ليش سويتى فيه اللي سويتيه الله يسامحك

 

[ناعم العود305]

الله يهديج ويستر عليج ويصلح ما بينكم

 

[تعا ولا تجي]

اقتباس:
المشاركة الأصلية كتبت بواسطة تعا ولا تجي
اطلبي الطلاق بدون فضايح .ما في حل ثاني

يا حبكم للشماته والكلام الفاضي



وين الشماته,استغفرالله العظيم,يعني ي|بحها او يفظحها احسن
وووووووووين الشماته بردي

 

[مبايلي كويتي]

انا قريت اخر رد لج واسمحيلي اقولج انتي مو بس مشكلتج الخيانه لزوجك لا لا لا انتي عندج خلل فيشخصيتج من الاساس قاعده تدعين على البنات اللي عبروا عن رايهم بخياتج وتقارنين بين الكويتيين والخليجيين ولا جنه انتي مسويه سواد ويه
انا اقولج خافي ربج انتي عندج بنيه بكره الله يفضحهااذا ماتبتي من قلب
وانا اعتقد انها مو اول مره لج بدليل ان اهلج عادي محد طقج او عاقبج عععععععععععادي الله يصلحهم
ويفك ريايلنا من هالبنات اللي لادين ولا خوف من الله على شاكلتج
تصدقين ريلج هذا ماسكت لانه يحبج اعتقد بيكون له ردة فعل بس للحين ماخذاها الله يعينه صدق كسر خاطري ووايد عليج

الخلل عندج انتي
صج انج مو صاحيه

شنو اهلها محد طقها احنا وين قاعدين هذي مره طول بعرض شنو يطقونها وبعدين الله امر بمسك الأعصاب عند الزعل والحلم بهالأمور يالطيبه

وبعدين انتي لو تعرفين ربج جان ما قلتي انه انتي عندج بنت والله يفضحها

استغفر الله
الله عمره ما يفضح احدا استغفر الله

صج انج سفيه وماعندج شغل روح بس
الله يعينج على نفسج

ادعي انه الله ما يبلاج

 

[كويتية ذهب]

الذين تشاهدون محتوى الموضوع الآن : 9 ( العضوات 6 والزائرات 3)
‏كويتية ذهب, ‏7atoto, ‏العنود!!, ‏mmloo7a, ‏Picky Duck 1234, ‏عروس مخترعة

ما
شاء
الله
حررررررررررررررريم
ويحبون
السواااااااااااااااااااالف
هههههههههههههههه

 

[hneen2]

والله مادري شقول اولا الله يغفرلج ويسامحج يارب وثانيا ماعليج من اي كلام جارح ركزي بمشكلتج وبس وانا من رأي ردي شقتج وحاولي تصلحين اللي فات وقربي منه وطاوعيه وحببيه فيج وان شالله الزمن كفيل انه يصلح كل اللي انهدم ان شالله اهي بأولها صعبه بس مع الايام اكييييد بتنحل والله يصلح بينكم ان شالله

 

[كويتية ذهب]

ربي يعينج واااي حسيت عظامي تعورني الله يهديج بس
واااي سالفتج تعور القلب

اية
والله

 

[sweet-ss]

الله يعينج ادعي اللهم اجرني في مصيبتي واخلفني خير منها

 

[pink*paradise]

عيب عليكم
شنو هذا
الشرهه على اللي يشتكي لكم مو على المرة المسكينة
كل الناس تغلط محد معصوم عن الغلط
ولكن الشاطر اللي يعترف بغلطه ويبي يصححه مو اللي يكابر ويقول ما غلطت
خليتوا المرة زانية
والله عيب صج ناس ما تستحي
هالفقيرة غلطت وتبي حل اللي عندة اهلا وسهلا واللي ما عندة يشيل اصابعة عن الكي بورد ولا يسب رجاءا
حبيبتي مالج شغل فيهم
ان الله غفورا رحيم بعبادة
الله بكبرة يغفر شلون احنا البشر
الشي اللي صار صحيح مو هين
بس انشالله بقدرة الله كل شي يتصلح انشالله ولو ما اضن كل شي بيرجع مثل اول
اذا تحبينة صبري على شروطة وعقابة ولكن تاكدي ان حياتج بتكون معاه صعبة حيل لان الحرية معدومة
وانا اقول صبري لان عندج بنت
طم طمي على السالفة وسكتي وصبري عشان سمعة بنتج
ولا تعطين سرج لاحد ابدا مهما كان
ما اتدرين الدنيا دوراة باجر اتهاوشين مع الشخص اللي عنده سرج والله يفضحج
المهم سمعة بنتج تركي كل شي عشانها لاحد يدري بالسالفة
وكثري من التقرب الى الله
محد بيفيدج غير ربج
فرشي سيادتج واشتكي وقولي كل همومج
والله يسر امورج

 

[om MaRyooM]

اخرج التزمذي من حديث واثلة بن الأسقع عن النبي صلى الله عليه وسلم قال :
"لا تُظهر الشماتة بأخيك فيعافيه الله ويبتليك" وقال حسن غريب .
وخرّج أيضا من حديث معاذ مرفوعا :

"من عيّر أخاه بذنب لم يمت حتي يعمله"
،
وإسناده منقطع .
وقال الحسن :
(كان يُقال من عيّر أخاه بذنب تاب منه لم يمت حتى يبتليه الله به" .

ويُروى من حديث ابن مسعود بإسناد فيه ضعف :
"البلاء موكل بالنطق ، فلو أن رجلا عيّر رجلا برضاع كلبة لرضعها" .
وقد روي هذا المعنى عن جماعة من السلف .

وبالنسبه لمشكلتي الحين بنطر انا في بيت اهلي واهو بروحه وبقولكم شيصير بعدين يسامحني ما يسامحني ارد الشقه ما ارد

واتواصل معاكم بالخاص جيكو عليه

ومشكورين كل اللي دعولي وعطوني حلول والله يسامح اللي سبوني اقهروني جنه اهم انبياء ويدرون انهم معصومين من الغلط طول حياتهم

واتمنى تدعولي دعوه وحده ما ابي غيرها اني اتم وياه وما انحرم منه ويسامحني والله يعطيكم اللي في بالكم ان شاء الله ولا يقرب بينكم وبين المشاكل

وانا بستمر اقرى البقره وادعي

واقولكم اشصار

وان شاء الله لي دشيت مره ثانيه القى افكار وحلول يديده وتفيدوني بحلولكم في باجي حياتي وشنو اقدر اسوي وناطره مساعدتكم

تصدقين مع اني كنت عاذرتج شوي بس الحين مالج عذر !!!

ذاكره احاديث وحالتج حالة يعني تعرفين طريج الصح مو جاهلة بالدين

يعني تعرفين الحلال من الحرام !!
والله آسفة لاتزعلين مني بس لأن سالفتج تقهر ومافي للمرة أي عذر مهما كاان انها حتى تطالع واحد غير زوجها !!
بس صج الدنيا دارت والمفاهيم انقلبت وصار اللي يخون الناس توقف معاه وتدافع عه نفس مو انا شايفة وايد بنات يدافعون عنج !!

المهم .. ادري ان بني آدم خطاء مع ان قصتج مالها عذر والله يعينج على اللي ياي ..
وبالعكس مشالله زوجج عين العقل اللي سواه مبين انه ولد اصول وذوق صراحة لأن ردة فعله كانت بهالاسلوب الراقي

احنا كنا مخرعينج لأن اللي سويتيه في رياييل يذبحون حريمهم من عقب هالصدمة وهذا شي مو بعيد او غريب !


بس انشالله انشالله اذا كانت نيتج صافية وتحبين زوجج الله يسويها معجزة ويسخره لج ويردكم لبعض وتصير صفحة وانطوت . . بس عشان خاطر هالطفلة المسكينة

والله يزيل همج ويطهر قلبج وييسر اموركم ..

بالنهاية انا من رايي انج تظلين بعيد لاتتدخلين باي شي عشان لا ايي الحجي عليج .. بس ظلي ادعي ونصيحة لو مهما كانت الظروف لاتشرحين تفاصيل الموضوع لأحد من اهلج لأن بتزيدين الطين بلة

و الله يستر على الجميع

 

[كويتيه مذهله 87]

شووفي ان قريتي سوره البقره 40 يوم بدون تقطيع يعني تتواصلين ولا يوم تتركينها

ربج بيفتح عليج وبيعمي عيون ريلج
صج صج هالسووره سحــــــــــــــــر

 

[Stylista_Q8]

ردي حق ريلج ووافقي على شروطه مو عشانج عشان بنتج ع الاقل خليها تتربى معه أبووها

ومحد ياب هالشي حق نفسه إلا إنتي وماتدرين يمكن معه السنين يتعدل معااج بمعاملته ماقولج بينسى

لنه الخيانة بالذات من مراة صعبه تتنسي فـ رديـله وردي شقتج والله يهديج ان شالله !!

 

[برميت]

تصدقين ما ادري شقولج
مراتاقول قلعتها و مرات اقول هذا ابتلاء لها و مرات اقول هذي عضه و عبره حق غيرها و مرات اقول مسكينه قليله ايمان
بس بصراحه بطيتي جبدي لما طبيتي بالكويتيين ؟؟ الصراحه مالج حق ...ماله شغل كويتي و لا سعودي و لا هندي ..هذه المشاكل تقيسينها بالاخلاق و الايمانيات مو الاصل و الفصل ..الله يهديج بس

انا من رايي ردي بيتج ..و انحكري فيه احسن لج ..و قعدي طول عمرج استغفري و توبي حق ربج و ادعي و ادعي و ادعي ما تدرين باجر ريلج ان شاءالله ربي يمسح على قلبه و يحنن قلبه و ينسى
ترى ريلج ماردج علشان علاقته بأبوج ..بس لانه باقي اشويه حب بقلبه حقج ..فلا تخسرينه

و ثاني شي
غمضي عينج
و خلي الدنيا بكوم و ريلج بكوم و امج و ابوج بكوم
و تخيلي انج واقف جدام ربج ..و ربج يطالعج سبحانه
شتبين تقولين عن الي سويتيه ..شتبين تهببين
خلاااااص تووبي توبه نصووح ...خلاص تمسكي بالعمل الصالح و انسي الدنياا
لا تصغرين الي سويتيه ..ولا تقولين انحلت المشكله
المشكله الكبيره مع ربج
حاولي تحلينه ..مو على ابو تقرين سوره البقره و تاخذينها وسيله تحل مشكلتج و تنسين عذاب القبر و اخرتج
خلااااااص ابدي صفحه يديده مع ربج و مع نفسج و مع ريلج و بنتج
وشوفي اشلون راح تكون الحياه حلوه لو كنتي بسجن ..
ربي يهديج و يصلح بالج

 

[Be colorful]

شوفي حبوبه
انا برد على كل اللي يسبونج ويقولون انتحري ومالج غفاريه
اقولكم عيب عليكم البنت حاطه مشكلتها نقدر نحسسها بغلطها بس مو بهالطريقه
اهيا فعلا غلطت انا ما ارقعلها بس البنيه حست بحجم غلطتها ومسؤوليتها
انا بقولكم شي ممكن البنيه هذي سوت شي زين عقب سالفتها وغفرلها كل ذنوبها عند الله
انتوا منو علشان تتقرو توبتها انقبلت ولا لأ
ممكن اهيا احسن من الف وحده مجابله النت فيكم
عيب والله عيب

وهذا حديث يسكر حلوجكم

عن قول النبي ، صلى الله عليه وسلم ‏:‏ ‏(‏إن الرجل ليعمل بعمل أهل الجنة حتى ما يكون بينه وبينها إلا ذراع فيسبق عليه الكتاب فيعمل بعمل أهل النار فيدخلها وإن الرجل ليعمل بعمل أهل النار حتى ما يكون بينه وبينها إلا ذراع فيسبق عليه الكتاب فيعمل بعمل أهل الجنة فيدخلها‏)‏


حبيبتي انا بقولج جم نصيحه الحين وياريت تفيدج

من المشكله تم ابوج وامج دروا بالسالفه ... الحين حبيبتي خلي ريلج على صوب انسيه والله مو للأبد بس بالوقت الحالي
عليج انج تسوين اللي بقولج اياه

اول شي انسي ريلج خليه اهوا مجروح وايد خليه الوقت يطيب قلبه ان شاء الله لا تفكرين فيه

ثاني شي انتي قاعده فبيت اهلج شنو تسوين
طبعا الله يعلم اذا الله راضي عليج او غضبان عليج انج بهالفتره تعتزلين النت والناس صدقيني مايفيدج ولا وحده فينا تقدر تساعدج بشي غير ان انطبطب عليج
فرشي سيادتج وصلي وادعي وتضرعي بالمغفره حيل وصومي خلج طمعانه برضى ربج مو ريلج
اعتزلي الناس صدقيني والطلعه واهتمي فبنتج
وقبل لا تثبتين حق ريلج انج تغيرتي اثبتي حق امج وابوج انج ندمانه وتغيرتي هذول اهم من الريل
هذول اللي تعبوا وربوا ل تخزينهم لا تتحسسينهم انهم ما اعرفوا يربون
وتدرين رضى الوالدين من رضى الله سبحانه
هذي نصيحتي لج
وصدقيني والله انتي تعبانه والدنيا ضاقت بعينج
بس ربي يغفرلج ان شاء الله ويقبل توبتج والله راح ينشرح صدرج وامورج بالدعاء تتيسر وتحسين بسكينه
خلي ريلج دامه ما طلب الطلاق خليه شهر شهرين اربعه خليه لا تفكرين فيه
فكري باللي قتلج عليه
وحاولي تكونين قويه كافي امج وابوج دروا حاولي ان اخوانج وخواتج مايدرون باللي صار
واذا تبين اي شي انا حاضره راسلني على الخاص

وربي يفتحها عليج

ولا تفكرين إلا بربج انسي النت والوضيفه والسياره والفون انسيهم
وتضرعي

 

[غـــــــلآ~]

وافقي على شروطه وحافظي عليه وبيني له انك تغيرتي وانك شاريته هو وتبينه

والله يسهل لك امورك ويعينك ويبعدك عن الحرام ويبعد عيال الحرام عنك ويهدي بالك ويهدي نفس زوجك

ويفتح عليكم ابواب الخير كلها ويستر عليك وعلى بنتك وعلى رجلك وعلى بنات وشباب المسلمين

 

[$نسيم الصباح$]

الله يعدي هالموضوع علي خير . هذي تطير فيها رقاب عندنا , وإذاطلع زوجج حقير راح يوري مسجاتج لأهله وأهلج ويمكن يوريهم للقاضي إذا كبرت السالفه .
أدعي ربج وكثري من الصلاة .
بس أنا أتوقع إنه إختفي عشان يعاقبج ويحسسج بالي سويتيه . لأنه لو يبي سوي شي سواه ولوبيفضحج فضحج من زمان .
وكان ممكن يطقج أضعف الإيمان أو يطردج من البيت,
بس أنا أعتقد إنه عاقل وفاهم مايبي يفضح حاله وحالج . إهو بيخليج تايهه شوي . ويأدبج وأعتقد بعد فتره راح يرد يحاسبج . ومدام راح عن البيت عشان مايتهور .